yo'4o4 i4yo2 i3nga2 *kwen4tu2** ya3ta4 xa'1a4 ta1 nda'4bi2 i4yo2 se'1e3=ra2 u1ni1 ta1a3 se'1e3=ra3 ndi4 ja1 xu13xa3=na2 nde4e4=na2 nu14u3=ra2 tan3 ba143 ja4chi4ņu3=na2 ndi4 yu3ba4=na2 nda'4bi2 ku4u4 i4xa3 ma1ni4=ra2=na1 tan3 tan3 i4yo2=na1 ji'4in4=ra2 ndi4 ba14ja4 ..., ni3 ta4tu2 kwa'14an1=na1 ni3 ba143 ja4chi4ņu3=na2 ba143 ndi4 nde4e4 ba'1a3 ti4=na2 ku4mi3i4 ba'1a3 ti4=ra2=na1 tan3, tan3 ja4chiu4un4=na3 tan3 sa3kan4 ku4u4 ja143 ka4chi2 i3in3 se'1e3=ra2 so'3o3 ndi4 ya1kan3, ku'1un1 ndu3ku4, ku'1un1 ta3tu2u2=ndo4, ya1kan3, *ta3rra4ya2** tan3 sa3kan4 ndi4 sa3kan4 ndi4 ku'1un1=yu1 *la3ma42** ku'1un1 ndu3ku4=2 tia1ka4 ku3xi(3)=o4 ndi4 ndo'4o4=ni42=o4 nde4e(4)=o4 ndi4 ko14o(3)=a2 i4yo2 ku3xi(3)=o4 tan3 sa3kan4 ba42 ndi4 ki3xa2a2=yu1 ji'4in(4)=a2 ku3xi(3)=o4 tin3 ta3tu2u2=un4 *ta3rra4ya2** tan3 ta3tu2u2=un4 *kos4ta2** ku3-chi3tu4 tia1ka4 na4tu2 ni1-ke3-ba'1a3=2 ji'4in4=ri4, ka4chi2=ra1 ji'4in4 si'3i4=ra3 tan3 ja143 ni1-ke3e(3)=an4 ja'1an1 ta3tu2u(2)=an4=e2 ndi4 ni3 le3ka3 ku3ndi3ka2 is1ta4=ra2 ko14o3 ndi4 ni3 ..., ni3, ya1kan3, *kos4ta2** ku'1un1 ji'4in4=ra2 ku3-chi3tu4 tia1ka4 ko14o3 ni3 ndi4 chi4chi3 bi4 ka4a4 ndi4 nda'4bi2=na1 ndi4 nda'4bi2 ndi3xa3=na2 ndi4 i4so3ko2 sa4ka2=na1 ndi4 ba14sa4 ja4chiu4un4 chi4chi3=na2 ndi4 i4yo2 mi3i4 chi4chi3=na2 nu14u3 yu3ba4=na3 i3kan4 ni1-ke3e(3)=an4 ja'1an1 ta3tu2u2=an4 ni1-ke3e(3)=an4 ja'1an1 ta3tu2u2=an4, ya1kan3, *ta3rra4ya2** nu14u3=na2 mi4i4 i4yo(2)=a2 i4xa3=na3 ni1-ke3e(3)=an4 ja'1an1 ta3tu2u2=an4, ya1kan3, *kos4ta2** ya1, ya1 nda3ku'1un3 tia1ka4 na4 na1, ni1-ke3-ba'1a3=ra2 ji'4in4=ri4 i3kan4 ndi4 ni1-ta3tu2u2=an4, ya1kan3, le3ka3 mi4i4 ku3ndi3ka2 is1ta4 ku'1un1 ji'4in4=ra3 [...] xa'1a1 tan3 ni1-..., ndo13ko2o2=na1 chi13ndu'4u4=na2 is1ta4=ra2 tan3 nda13-ki'3in3 ba3=ra2 kwa'1an1=ra1 *la3ma42** kwa'1an1=ra1 i3chi4 kwa'1an1, kwa'1an1 *la3ma42** tan3 i3chi4 kan4 ndi4chi2 ta1, ta1 kwi'4na4 ja143 ka4chi2 ta1 kwi'4na4 ji'4in4=ra2 ndi4, *a3mi4gu2** nda4a2 ba3 kwa'1an(1)=on4 *a3mi4gu2** ndi4 ya1 ku3xi3=ndu2 ji'4in4 yu3ba4=ndu2 ko14o3, yu3ba4=2 si'3i4=2 ndi4 i13xa3 ma1ni4=na2, na1, ndu'1u1 xa'13nu3=ndu2 tan3 tan3 ndu'1u1 ndi4, ya1kan3, ja1 ni1-xu13xa3=ndu2 tan3 ko14o(3)=a2 ndu4ku4=ndu2 ku3xi3 yu3ba4=ndu3 ya1 kan4 ndi4 kwa'1an1=yu1 kwa'1an1 ndu3ku4=a2 ku3xi3 na1 yu3ba4=2 si'3i4=2 ndi4 ko14o3 ņa'1a3 xi4xi3 chi4chi3=ndu2 ndi4, ya1kan3, i4so3ko2 na3kwi42=ndu1, ni3=a2 ku3xi3 ti4=ndu2 ko14o3 tan3 ni3=a2 ya1 nda3yu4 ku3xi3=ndu2 ko14o3, ya1 kan4 ndi4 kwa'1an1=yu1 tan3 nda4a2, nda4a2 xi4ka3=ni42 yo'4o1 ndi4 ko14o3 yo'4o1 ji4ni2 chi4chi(3)=2 yo'4o4 ndi4 xi4ka3 ku4tu24 ba3 yu'1u1 ki4ta(3)=2 i3chi4 yo'4o4 ndi4 ko14o3 yo'4o1 ji4ni2=yu1 ndi3xa3 ku4u4 ba(3)=e2 ndi4, ya1kan3, ba14ja4 ke4e4=ndu2 xi4ka3=ndu2 ndi4 ta1, na1 i4yo2 ba'1a3 ku4u4=ndu2 nu14u3 yu3ba4=ndu3 ya1 kan4 ndi4 ji14ni2=un4 yu'1u1 ni3 yu'1u1 tan3 ji14ni2 tu(3)=2 yo'4o1 na4tu2 sa3kan4 ndi4, ya1kan3, na4tu2 nda'4bi2=ni42 i4yo2=ndo4 ndi4 na4 ko'1on(1)=o4 ji'4in(4)=2 na4 ko'1on(1)=o4 ji'4in(4)=2 be'3e(3)=2 ndi4 an4 xu'14un4 ku4ni2=un4 ku'1un1 ji'4in(4)=un4 an4 ki3ti4 ku4ni2=un4 ku'1un1 ji'4in(4)=un4 an4 ..., an4..., nda4a2 ņa'1a3 ku4ni2=un4 ku'1un1 ji'4in(4)=un4 ku3xi3 na1 yu3ba(4)=on4 si'3i(4)=un4 na4tu2 nda'4bi2=ni42=ndo4 ndi4, ta3xi(3)=a2 ndi4 i4yo(2)=a2 ji'4in4 yu'1u1 yu'1u1 ndi4 ta1 bi4ka3 sa4ka2 ku4u4 yu'1u1 ndi4, ya1kan3, i4yo2 sa4ka2 ņa'1a3 be'3e3 yu'1u1 na4tu2 xa'1a4 ņa'1a3 ba1xi(3)=un4 ndi4 na4 ko'1on(1)=o4 ji'4in(4)=2 an4 ndi4 ku'14un1=yu1 ji'4in4 yo'4o1 ndi4, ya1kan3, mi4i4 kwa'1an1=yu1 ndi4 ta1 kwa'1an1 *la3ma42** ku4u4 yu'1u1 tia1ka4 ba3 kwa'1an1 ti13in3 yu'1u1 ku3xi3 na1 yu3ba4=2 si'3i4=2 tan3 ka'4an2 ta1 ņa1a4 ji'4in4=ra2 tan3 ka'4an2 ta1 ņa1a4 ji'4in4=ra2 ndi4 ba143 xi4nu13 i3ni2=ra1 nda143 ni1-sa1a4 ta1 kwi'4na4 ji'4in4=ra2 tan3 chi13nda'3a4=ra2, ta1 kwa'1an1 *la3ma42** ndi4 nda1 kan4 xi4ka3 nde3e3 ta1 kan4 kwa'1an1=ra1, kwa'4an2=on4 na4tu2 ta1 kwa'1an1 ku4u(4)=un4 ji14ni2=o4 nda4a(2)=e2 ba42 ku4ni2 bi4 yo'4o1 ndi4 su14u(3)=a2 ya1, ya1 i4xi4ko(3)=2 ba42 ki'3in(3)=un4 ndi4 ya1 xa4xa4=2 ba42 nda'3a(4)=on4 tan3 ku14ni2=un4 ku'1un(1)=un4 chi13nda'3a4=ra2 ta1 ņa1a4 nda1 kan4 xi4ka3 nde3e3 ta1 kan4 tan3 i3kan4 ni1-ya'1a3=ra2 kwa'1an1=ra1 ja143 kwa'1an1=ra1 sa3kan4 kwa'1an1=ra1 sa3kan4 xa1a1=ra1 tu3ku3 ni3 i3nga2=ra1 ndi4chi2 i3kan4 ndi4chi2 ta1 ndi4chi2 ndi4 ndi4xi3 ba'1a3 sa4ka2 ta1 ndi4chi2, su3 ya1 na'14a1 ba42 ndi4chi2 ka4chi2 ta1 kan4 ndi4 *a3mi4gu2** nda4a2 ba42 kwa'1an(1)=on4 yu'1u1 ndi4 ta1 kwa'1an1 ndu3ku4 ya1, ya1 ku3-ta3ku2 ji'4in4 na1 yu3ba4 si'3i4 ku4u(4)=2 ndi4 na1 yu3ba4=2 si'3i4=2 ndi4 ni1-sa4-kwa'3nu3=na2 ndu'1u1 tan3, ndi4 na1 nda'4bi2 chi4chi3 ku4u4=na2 tan3 ni1-sa4-kwa'3nu3=na2 ndu'1u1 tan3 bi3tin3 ndi4 bi3tin4 ba42 kwa'1an1 ndu3ku4 ta'3an2=yu(1)=a1 ku3xi3=na2 a1chi1 ndi4 na1 ja1 xu13xa3 ku4u4=ndu2 nde4e4=ndu2 tan3 ba14ja4 ndu4ku4 chi4chi3=ndu(2)=a2 ku3xi3=na3 nda4a2 ba42 xi4ka3=ni42=un4 ya1 kan4 ndi4 ko14o(3)=on4 ji4ni2=yu1 tan3 yu'1u1 ndi4 ki4ta3 ku4tu24 ba3 yu'1u1 ju4ndi4chi2[=yu1] yo'4o4 tan3 yo'4o1 ndi4 tia'14an2 chi4chi3 ya'1a(3)=on4 ba14ja4 xi4ka3 nu3u3=ndu2 ndi4, ya1kan3, yu3ba4=ndu2 ku4u4 ta1 xi4ka3 ndu4ku4=a2 ku3xi3=ndu2, ndu'1u1 ndi4 na1 i4yo2 ba'1a3 ti4 ku4u4=ndu2, ya1 kan4 ba42 ndi4 ba14ja4 ji4ni2=un4 yu'1u1 tan3 ndi3xa3 ku4u(4)=un4 ndi4 nda'4bi2=ni42 i4yo2 yu3ba(4)=on4 i4yo2 si'3i(4)=un4 tan3 ko14o(3)=a2 i4yo2 ka3xi4=ndo4 ku3xi3=ndo4 tan3 yu'1u1 ndi4 ko'1on(1)=o4 ji'4in(4)=2 be'3e(3)=2 tan3 sa3kan4 ndi4 ku'1un1 xu'14un4 ji'4in(4)=un4 sa3kan4 ndi4 sa3ta(4)=on4 ya1 ..., ya1kan3, ya1 ku4ma1ni4=a2 ku3xi3=ndo4 [n]a4chu3 ba42 ku'1un1 bi(4)=un4 mi4i4 ba42 kwa'1an(1)=on4 *la3ma42** kan4 ndi4 ya1, ya1, ya1 kwi3i3 sa3ta(4)=on4 ba42 kan4 ji'4in4 xu'14un4 ya1 ko14o3 ba3 xu'14un4=ndo4 ya1 kan4 ndi4 kwa'1an(1)=on4 ndu3ku(4)=an4 kan4 ya1 kan4 ndi4 ya1, ya1 kwi3i3 sa3ta4 ba(3)=on4 ba42 kan4, ka4chi2 ta1 na'14a1 ji'4in4=ra2, ya1 kan4 ndi4 su14u3 ta1..., ta1 nu14u3 kan4 ju13ta'3an2 ndi4chi2 ni1-ka'1an1=ra1 ji'4in4 kan4 ndi4 ta1 kwi'4na4 ku4u4 ta1 kan4 tan3 ta1 i3nga2 kan4 ndi4 ta1 na'14a1 ku4u4 ta1 kan4 i3kan4, xi14in3 ba143 xi4in4=ra2 ku'1un1=ra1 ba143 xi4in4=ra2 ku'1un1=ra1 ji'4in4 ta1 na'14a1 ta1 u1bi1 ndi4chi2 i3chi4 kan4 ndi4 xi14in3=ra2 ku'1un1=ra1 ndi4 ja1, nde3e4=lu3 ka4ba4 ņa'3a4 ta1 kan4 ndi4 ta1 ku'1un1 ku4u4=ra2 ndi4 nda1 sa1a3 ka1 ku4u4 ņa'1a3 an4 ki3ti4 ku4u4=ri4 ku4ni(2)=a2 an4 xu'14un4 ba42 ku4ni(2)=a2 an4, nda4a2 ņa'1a3 ba42 ku4ni(2)=a2 an4 tio1to1=ra1 ku4ni(2)=a2 ku3ndi3xi3=ra2 ku3ndi3xi3 na1 yu3ba4=ra2 ku3ndi3xi3 i4yo(2)=a2 ji'4in4 ta1 ņa1a4 ni'1i4=ra2, ki3ti4 kwi3so3 ku1nu'1u4 ji'4in4=ra2 be'3e3=ra2 nu14u3 na1 yu3ba4=ra2 si'3i4=ra3 [..] ku14ni2=yu1 kwi3so(3)=2 ņa'1a3 ndi4 tia1ka4 ba3 kwa'1an1=yu1 ndu3ku4=2 ku3xi3 na1 yu3ba4=2 si'3i4=2 ya1 kan4 ba42 ndi4 ta1 kwa'1an1, kwa'1an1 ku4u4 ba(3)=2 ndi4 ni14..., ni14-kwi3i3, ya1kan3, ku3chun3 ta1 na'14a1 kan4 a3sa3 ki'4bi3=ra2 ta1 ..., ta1 kwa'1an1 *la3ma42** tan3, tan3 ni1-chi3nda'3a4=ra2 kwa'4an2=on4 na4 ta1 kwa'1an1 ku4u(4)=un4 ndi4 ba14ja4 ka4ndi4xa(3)=on4 ka'4an(2)=e2 ji'4in(4)=un4, ni1-chi3nda'3a4=ra(2)=e2 tan3 nda1 kan4 nda143 xi4ka3 nde3e(3)=a2 xi4ka(3)=e3 ja143 ni1-nda3a3=ra2 tan3 sa3kan4 ndi13-ki'3in3=ra2, ndi13-ki'3in3=ra2 kwa'1an1=ra1 kwa'1an1=ra1 sa3kan4 kwa'1an1=ra1 sa3kan4 xa1a1=ra1 nda1 *la3ma42** xa1 kwa4a24 ba3 tan3 ni1-xa1a1=ra1 ja143 ni1-ki'3in3=ra2 *ta3rra4ya2** ja14a3=ra2 xi4ka3=ra2 i1xa14a3=ra2 xi4ka3=ra2 ja4ta2=ra(1)=e1 i1xa14a3=ra2 xi4ka3=ra2 ja4ta2=ra(1)=e1 ņa1a4 ndi4 ba14sa3 ndi4 tan3 yo'4o4 tan3 kan4 tan3 yo'4o4 tan3 kan4 ja4ta2=ra1 *ta3rra4ya2** ko14o3 tia1ka4 *ta3rra4ya2** bi4chi4 i4chi3 i4xi4ta3=ra2 ba1xi3 *ta3rra4ya2** bi4chi4 i4chi3 i4xi4ta3=ra2 ba1xi3 i3kan4 ka4chi2 ka'4an4=ra2 so'3o3 ndi4 mi4i4 ku4nu1 ku4nu1 mi4i4 kwi4i24 kwi4i24 ka1a3 ko'1on(1)=o4 tan3 ku3ni2=o4 na4 ko14o3 na3kwi42=ri4 i3kan4 ndi4 i4yo2=lu3 ko'1yo1, ko'1yo1 *pa4tu2** nu14u3 ta4 kan4 ndi4 ta4, nda'3a4=ra4 mi4i4 ndi4ka2 si4in4=ra4 ba42, ja143 si13ka4na3=ra2, ya1kan3, *ta3rra4ya2** ko14o3=ri4 ni4-xa3ku'1un3 tan3 ja143 ni1-xi14ta3 ti4=ra(2)=e2 ņa1a4 ndu4ti'4bi(3)=a2 tan3 ba1xi3 ba(3)=e2 tia1ka4 pa4chi'4i2 ti4 ndi4 u1xa1 nu14u3 ta13ku2 ku4u4 ti4 kan4 ndi4 la3tun4 sa4ka2=ri4 ndi4 [...] ku4u4 nu14u3 ta13ku2, ya1kan3, nda4-ye'3e2 ti4 kan4 xi4ka4ba13=ri4 ba1xi3=a2 sa3kan4 tan3 ni1-su3ko'4ni(3)=a2 xa'1a4 ko'1yo1 *pa4tu2** i4ndu'3u4 ya3tin3 sa3kan4 ti4 nu14u3=ra3 ja1 xi'4i1=ra1 ni1-ki'3in3=ra2 *ta3rra4ya2** tan3 ni1-si3ka4na3=ra(2)=e2 ndi1ku1nda42 ti13ka3si2 ba3=ra(2)=e2 ņa1a4 ji'4in4 *ta3rra4ya2** tan3 ni1-xi14ta3 ba3=ra2 *ta3rra4ya2** tan3 ni1-..., ba1xi3 ba(3)=e2 ņa1a4 ni1-ke3ta(3)=e3 i3kan4 ka4chi2, ka4chi2=ra1 so'3o3 ndi4 e1ta14 na4 pa4chi'4i2=un4 tan3 e1ta4 i3nda14 yo'4o1 tan3 ku'1un(1)=un4 tan3 ku3xi3 na1 yu3ba4=2 si'3i4=2 yo'4o1 ndi4 a4 lu3u3 ba42 xa4ta2=yu1 *ta3rra4ya2** tan3 ba143 ke4-ba'1a3 chi4chi(3)=2 tan3 tan3 ba'1a3 ku4ni2 *ndio4si2** ndi4 yo'4o1 ni1-ki3ta3 ba1xi3 ya3ni2=o4 ko1to1 ka'14ni(4)=un4 yu'1u1 ndi4, ya1kan3, yu'1u1 ndi4 nda4a(2)=e2 ba42 ku4ni2=un4 ba1xi(3)=un4 ndi4 ka'1an1 ti(4)=un4 ji'4in(4)=2 tan3 yu'1u1 ku4u4 ta1 ta3xi(3)=a2 ku'1un1 ji'4in(4)=un4 tan3 yu'1u1 ndi4 kwi14i3 ku'1un1=yu1 ji'4in(4)=un4 ndi4 pa4chi'4i2 na3kwi42=yu1 yu'1u1 ndi4 [in3]ka4chi1 ba3 xi1yo3 lu3u3 yu'1u1 ji'4in(4)=un4 ndi4 ta1 in3ka4chi1 xi1yo3 lu3u3 ji'4in4 ba(3)=on4 ku4u4 yu'1u1 tan3, ja1 ku4ni2 ka'3ni(4)=un4 yu'1u1 tan3 ya1 ba1xi(3)=un4 ja1ta4 ndi4 ya1 tu1u3 ku4u4 ba(3)=e2 kan4 kwa'1an1 ji'4in(4)=un4 na4tu2 ndi3xa3 ku4u(4)=un4 ndi4, ya1kan3, ya1 ku3tu4 ku4u4 *kos4ta2** ba1xi3 ji'4in(4)=2 tan3 tan3 ta1 ko3o3 xu'14un4 ku4u(4)=2 ku4ni2=yu1 ko3o3 ki3ti4 ja1na1=yu1 ko3o3 ku3-bi4ka(3)=2 ku4ni2=yu1 a1su3 nda1 nda4a2 ka(1)=e1 ya1 xi4kan1=on4 tan3 ya1, ya1 kan4 ndi4 ya1, ya1 ku'1un1 ji'4in(4)=un4 ku4u4 ba(3)=e2 kan4 ndi4 sa4-nu1mi4=ni42=un4 tan3 sa3kan4 ndi4 sa3ņa(4)=on4 yu'1u1 ku'1un1=yu1 ndi4 ya1kan3, ku4ni2 ku3u2 chi4chi(3)=2 ji'4in4 ka'3ni4, ya1kan3, ni1-ki3ta(3)=2 ka3ndu'3u4=2 tan3 ka4..., ji4to3 ņu'1u3 ja1ta4=2 ja143 ni1-nda14yu3 ..., ni1-nda14yu3 ņa'3a4=ri4 ya1 yo3o3 ba42 ya1 ta3xi3=ri4 ku'1un1 ji'4in4=ra2, ja143 tan3 ni1-..., si13ka4na3=ra2=ri4 tan3 kwa'1an1=ri4 ta1kwi42, i3kan4 ni1-..., nda13-ki'3in3=ra2 kwa'1an1=ra1 tan42 i3nga2 ta'4bi4 sa3kan4 ti4 nda4a2 ba42 ko14o3 tia1ka4 ndi4 si13ka4na3=ra2 *ta3rra4ya2** tan3 chi4tu4 ba3 ti1xin3 *ta3rra4ya2** ba1xi3=a2 kwa'1an1 ba3=ra2 tan3 kwa'1an1=ra1 ko4yo3=ra(2)=e2 ņu'3u4 i4chi1 u1bi1 u1ni1 ba3 ja13ta2=ra1 *ta3rra4ya2** tan3 nda4a2 ba42 ku'1un1 tia1ka4 ko14o3=ri4 su14-ku3tu4 ba3=ra2, ya1kan3, *kos4ta2** ni3 na14ni2 ka1 ndi4 ja1 ni1kwa3a4 ya1 ņa1a4 ku4u4 ke4-ba'1a3=ra2 tan3 kwa'1an1 ni1kwa3a4 ja1 na4ņu'4u4 nu14u3 ņu'1u3 i3kan4 ja143, ja143 ndu13ku4=ra2 i3tun4 tan3 ti4 ta4ku1 ka1 ba143 kwi4i4 ku3u2 xi1ka3=ra2 ji'4in4 *ma1ti1lo'3o2** ji1ni4=ri4 ja143 ni1-..., chi13ndu'4u4 chi13ndu'4u4=ra2 i3tun4 ji1ni4 tan42 i3in3 tan42 i3in3=ri4 ja'13ni4 ndi'3i3=ra2=ri4 sa3kan4 ni1-nda3-nde1e3 ba'1a3 ndi'3i3 ti4 ņa1a4, i3kan4 ka4chi2 ka'4an4=ra2 so'3o3 ndi4 yo'4o4 ku1sun1 ba(3)=e4 ndi4 ka14na3 chi3ņu3 ku1nu'1u(4)=o4 ņu3u42 ndi4 ya14tin3=ni42 ba42 ni1-ki3xi(3)=o4 tan3 na3ni2 i3ta2an2 ko'1on(1)=o4 ya1 kan4 i3kan4 ni1-ki1xin1=ra1 tan3 ni1ki4tu3 i3kan4 ndi4 ni1-ndi3kwi3so3=ra3 nda13chi3ku'3ni2=ra1 *kos4ta2** tan3 nda1, nda1 ja1ta4 *kos4ta2** ni1nu3 ndu13ku3ndu'4u4 *ta3rra4ya2** tan3 nda13-ndi3ko4=ra2 ba1xi3=ra3 ja143 ba1xi3=ra2 i3kan4 ja143 ki4xa2a2=ra1 be'3e3, i4yo2 ka1 ki3xa2a2=ra1 nda13-tu1u3=ra2 ndi4 nda143 ka4nde3e3 ti4=ra2 ba1xi3=ra2 ndi4 be1e3=lu3 ndi4so3=ra2 *kos4ta2** ba1xi3=ra3 ji13ni2 ba3 yu3ba4=ra2 ndi4 ta1 ndi4so3 be1e3=ni42 ku4u4 se'1e3=ra2 ta1 ja'1an1 *la3ma42** kwa'4an2=ndo4 ku'1un1 nda1-ki'1in3=ndo4 *kos4ta2** ja1ta4 ya3ni2=ndo4 ndi4 ni1-ke3-ba'1a3=ra2 ndi4 be1e3=ni42 tu4u4 ba1xi3=ra2, ni1-ke3e3 ba3=na2 ya3..., ya3ni2=ra1 tan3 ja'1an1 nda1-ki'1in3 ba3=na2 *kos4ta2** nda'3a4 ya3ni2=na1 an4 ni1-ke3-ba'1a(3)=on4 ya3ni2 ja1 ni1-ke3-ba'1a3=ni42[=yu1] ya3ni2 ke13-ba'1a3=ni42=yu1 xu'14un4 xi4kan1=ra1 ndi4 i3chi4 ka1 bi4 ba1xi3=ra2 tan3 xa143 kwa'1an1 ku4-be1e3 i3tin2=ra1 ta'4bi4 ta'4bi4 ndi3sa3a4 ku1mi4 i3tin2=ra1 ndi4 ndi4ka2 be1e3 xu'14un4 ja143 ni1-ki3xa2a2=ra1 nu14u3 yu3ba4=ra2, an4 ni1-ke3-ba'1a3=ni42=un4 ya1 kan4 ja'1an(1)=on4 ke13-ba'1a3=ni42=yu1 yu3ba4=2 ndi4, ya1kan3, ke13-ba'1a3 tu(3)=2 ji'4in4 xu'14un4 ba3 ndi4, ya1kan3, ka4bi4 xu'14un4 ni1-..., ni1-ke3-ba'1a3=2 ji'4in4 na3ni(2)=a2 yo'4o4 ba3 ku3-ta3ku2 yo4o4 ndi4 lu14u3 xu'14un4 ni1-ke3-ba'1a3=2 ji'4in4 ja143 ni1-ta3ba4=ra2 xu'14un4 ndi4 lu14u3 xu'14un4 ņu'4u4 i3tin2=ra1 ndi4 ndi3sa3a4 ku1mi4 i3tin2=ra1 ndi4 ndi4so3=ra2 xu'14un4 i3kan4 ja143 ni1-ku3-na'3a4 ja1 ndi'4i4 ti4 ņa1a4 xi4xi3=na2 ja1 i1xa43 ndi'4i(4)=a2 ku3xi3=na3 sa3kan4 ka'4an2 tu3ku3 ta1 ma'14ņu3 ndi4 na4 ku'1un1 ta'3an2=yu1, ya1kan3, mi4i4 ja'1an(1)=on4 ja'1an1 ndu3ku(4)=un4=a2 ya1, ya1 xi4xi(3)=o4 ji'4in4 na1 yu3ba(4)=e4 si'3i(4)=o4 ndi4 yu'1u1 ku'1un1 tu3ku3 ku'1un1 ndu3ku4=a3, ba'1a3 yo'4o1 ndi4 ja1 ni1-xa'1an(1)=on4 ni1-ke3-ba'1a(3)=on4 na4tu2 ku4ni2=un4 ku'1un(1)=un4 ya3ni2 ndi4, ya1kan3, ka3sa3 kwe4nda2=on4 ndi4 i3in3 xia4an4 ndi4chi2, ndi4chi2 ta1 kwi'4na4 i3chi4 tan3 i3in3 xia4an4 ndi4chi2 ndi4chi(2)=a2 na'14a1 i3chi4 tan3 ko1to1 ka14ndi4xa(3)=on4 ya1 ka'4an(2)=e2 ņa1a4 ji'4in(4)=un4 mi4i4 na4 ku'1un(1)=un4 ji'4in(4)=a2 ndi4 ko1to1 kwi14in(3)=un4 ndi4 mi4i4 kwa'1an(1)=on4 ndi4 i3kan4 ku'1un1 ba3 yo'4o1 i3kan4, tan3, tan3 sa3kan4 ni1-ndo'3o(3)=on4, sa3kan4 ni1-ndo'3o(3)=2 ndi4 nde3e4=ni42 ni1-ka3ba4=na2 yu'1u1 ndi4 ta1 ku'1un1 ku4u(4)=2 ji'4in4=na2 tan3 ni14-xi3in(3)=2 ndi4 ya1 ji14ni2=yu1 yo3o3=na2 ku4u4=na3 sa3kan4 ndi4 ja'1an1=yu1 ndi4, ya1kan3, mi4i4 kwa'1an1=yu1 ndi4 *la3ma42** kwa'1an1=yu1 tan3 i3kan4 kwa'1an1 ba3 yu'1u1 ndi4 ku13chia'4an4=ni42 i3ni2=na1 ji'4in(4)=2 ndi4 tan42 i3in3 tan42 i3in3=na2 ndi4, ya1kan3, chi13nda'3a4=na2 yu'1u1 ndi4 nda1 kan4 xi4ka3 nde3e(3)=2 kwa'1an1=yu1 ya1 kan4 ndi4 sa3kan4 i3ni2=na1 ndi4 sa3-kwe4nda2=on4 na4 kwa'1an(1)=on4, ba'1a3 ba3 sa3kan4 ndi4 ni1-..., tu3ku3 ta1 kan4 ni1-ta3tu2u2=na1 *ta3rra4ya2** tan3 ta13tu2u2=na1 *kos4ta2** ja'1an1 ta3tu2u2=na1 le3ka3 mi4i4 ku3ndi3ka2 is1ta4=ra2 tan4 sa3kan4 ni1-..., xa'1a1 tan3 ndo13ko2o2 si'3i4=na2 tan3 chi13ndu'4u(4)=an4 is1ta4 tan3 kwa'1an1 ba3 ta1 ņa1a4 ni1-ku3-xi4ka3 kwa'1an1 ja3 ba3=ra2 i3chi4 kwa'1an1 *la3ma42** mi4i4 kwa'1an1=ra1 kan4 ja1 i3kan4 ndi4chi2 ja3 ba3 ta1, ta1 ndi4chi2 *a3mi4gu2** nda4a2 kwa'1an(1)=on4 *a3mi4gu2**, ya1kan3, ya1 ka3xi4=2 ku3xi(3)=2 ji'4in4 yu3ba4=2 si'3i4=2 kwa'1an1 ndu3ku4=2 ndi4 ya1kan3, *la3ma42** kwa'1an1=yu1, nda'4bi2 sa4ka2 i4yo2 yu3ba4=2 tan3 ni1-..., ni1-sa4-kwa'3nu3=ra2 ndu'1u1 tan3, tan3 bi3tin3 ndi4 xu13xa3=ndu2 tan3 ya1kan3, ja1 ba'1a3=ndu2 ndu3ku4 ba3=ndu(2)=a2 ku3xi3 yu3ba4=ndu2 ya1 kan4 ba42 ndi4 kwa'1an1 ndu3ku4=a2, ya1kan3, ku3xi3=na2 nde4e4=na3 ndi4 nda'4bi2 na3kwi42 i4yo2=na2 ko14o(3)=a2 i4yo2 ko3ndo3 xu'14un4=ndu2 ko14o3 ya1 kan4 ndi4 kwa'1an1=yu1 na4tu2 na4 xa'1a4=e2 ya1 ko14o3 xu'14un(4)=un4 kwa'1an(1)=on4 ndi4, ya1kan3, na4 ko'1on(1)=o4 ji'4in4 yu'1u1 be'3e3, yu'1u1 ndi4 ta1 i4yo2 sa4ka2 ņa'1a3 be'3e3 ba3 ku4u4 yu'1u1 an4 xu'14un4 ku4ni2=un4 an4..., ki3ti4 ku4ni2=un4 an4..., an4 tio1to1 na1 yu3ba(4)=on4 ku4ni2=un4 an4 ndi4 nda1 nda4a2 ka(1)=e1 ku4ni2=un4 ndi4, ya1kan3, ki3ti4 kwi3so3=ri4 ku1nu'1u4=ri4 ji'4in(4)=un4 tan3 ndi4 ba14xi13=2 tan3 ku'1un1=yu1 ji'4in4 yo'4o1 ndi4 ta1 kwa'1an1, ta1 kwa'1an1 *la3ma42** ku4u4 yu'1u1 ndi4 ta1 kwa'1an1 ndu3ku4 ya1, ya1 ku3xi3 na1 yu3ba4 si'3i4 ba3 ku4u4 yu'1u1, ka4chi2=ra1 ji'4in4 ta1 ņa1a4 an4 nde3e4=lu3 ka4ba4 ņa'3a4 ta1 kan4 ndi4 ta1 ku'1un1 ku4u4=ra2 ta1 ku'1un1 ku4u4=ra2, ba143 xi4in4=ra2 tan3 ya1 yo'4o4 ka'4an2=ra1 tan3 ya1 kan4 ka'4an2 ta1 kan4 ji'4in4=ra2 i4xa3 ki'4bi3 ņa'3a4 ta1 ņa1a4, ba143 xi4in4=ra3 i1xa43 ka4chi2=ra1 so'3o3 ndi4, ya1kan3, *i3jo3 la3 chi3nga4da2** kwa'4an2=on4 na4tu2 na4 ba143 ka4ndi4xa(3)=on4 ndi4 ta1, ta1 ba143 ka3ndi4xa3 ku4u(4)=un4 ku'1un(1)=un4 ji'4in(4)=2 chi13nda'3a4=ra2 ndi4 nda1 kan4 xi4ka3 nde3e(3)=a2 kwa'1an(1)=e1, ya'1a(3)=on4 ku'1un(1)=un4 na4tu2 ta1 kwa'1an1 ku4u(4)=un4 i3kan4 ni1-ki'3in(3)=a2 kwa'1an(1)=e1 ya'1a3 ba3=ra2 nu14u3 ta1 kwi'4na4 xa1a1 ba3=ra2 mi4i4 ndi4chi2 ta1, ta1, ta1 na'14a1 tu3ku3 ba3 ta1 ņa1a4 ndi4 ndi4xi3 ba'1a3 sa4ka2 ta1 ņa1a4, ja143 ka4chi2=ra1 ndi4, *a3mi4gu2** nda4a2 kwa'1an(1)=on4 yu'1u1 ndi4 ta1 kwa'1an1 ndu3ku4 ya1 ka3xi4 ku3xi3 na1 yu3ba4 si'3i4 ku4u4 yu'1u1 ndi4 ni1-sa4-kwa'3nu3=na2 ndu'1u1 tan3 bi3tin3 ndi4 ja1 ni1-ko3-nde3e4=ndu2, tan3 nda'4bi2 sa4ka2 i4yo2 yu3ba4=ndu2 ndi4 ko14o3 ņa'1a3=ndu2 ko14o3 ya1 ma1ni4 ndi4 ni1-xa'3nu3=ndu2 sa14-kwa'3nu3=ra2 ndu'1u1 ya1 kan4 ba42 ndi4 bi3tin3 ndi4 ja1 kwi3i3 ndu3ku4=ndu(2)=a2 ndi4 kwa'1an1=yu1 *la3ma42** kwa'1an1 ndu3ku4=a2 ku3xi3=ndu3 *a3mi4gu2** ji'4in4 yu'1u1 ko'1on(1)=o4 ji'4in4 yu'1u1 ko'1on(1)=o4 ndi4 nda4a2 ka(1)=e1 ku4ni2=un4 ndi4, xu'14un4 ku4ni2=un4 tio1to1 na1 yu3ba(4)=on4 ku4ni2=un4 an4 ya1 ku3xi3=na2 ku4ni2=un4 ndi4 nda1 ndi'4i(4)=a2 ku4ni2=un4 ndi4 i4yo(2)=a2 ki3ti4 ja1na(1)=on4 ku4ni2=un4 ndi4 i4yo(2)=a2, sa3kan4 ndi4, sa3kan4 ko'1on(1)=o4 ji'4in(4)=2, i4yo2 ki3ti4 kwi3so3 i4yo2 kwi3so3=ri4 tan3 ku'1un(1)=un4 ndi4 ba14xi13=2 tan3 ku'1un(1)=i1 ji'4in4 yo'4o1 ndi4 ta1, ta1 kwa'1an1 *la3ma42** ku4u4 yu'1u1 ndi4 tia1ka4 kwa'1an1=yu1 ndi4 ti4 kan4 ku4u4 ti4 kwa'1an1=yu1 ti3in(3)=2 ku3xi3=ndu2, *la3 chin3ga4da2** ndi4 kwa'4an2=on4 na4 ta1 kwa'1an1 ku4u(4)=un4 ndi4 ko14o3 xi1ni(4)=un4 ka'1an(1)=e1 ji'4in(4)=un4 ndi4 xi14in(3)=un4 ku'1un(1)=i1 ji'4in(4)=un4, ku'1un(1)=un4 ji'4in(4)=2 tu3ku3 ba3 ta1 ņa1a4 chi13nda'3a4=ra2 ta1 ņa1a4 nda1 kan4 xi4ka3 nde3e3=ra2 kwa'1an1=ra1, i3kan4 ndi13-ki'3in3=ra2 kwa'1an1=ra1 i3kan4 kwa'1an1=ra1 sa3kan4 ni1-xa1a1=ra1 nda1 *la3ma42** ni1-xa1a1=ra1 ņa1a4 i1xa43 nda13sa3 ba'1a3=ra2 *ta3rra4ya2** i1xa43, ja143 nda4-ndu3ku4=ra2 mi4i4 ba'1a3 ka3ta2=ra1 *ta3rra4ya2** ja143 xi4ta1 *ta3rra4ya2** xi4ta1 *ta3rra4ya2** na4 kwa'1an(1)=on4 tan3, tan3 ni1-ju3ta'3an2=on4 i3in3 mi4i4 i4ndu'3u4 i3tun4 tun3 *ma1ti1lo'3o2** mi4i4 ba42 ni1-..., mi4i4 ja'13ni4=2, ya1kan3, tia1ka4 ndi4 i3kan4 yu'1u1 ku4u4 ta1 ndo13ko3o4 tun4 ņa1a4 ndi4 ņa1a4 ba42 ni1-..., ni1-ju3ndi3ka2=yu1 ni1-..., ni1-ke3-ba'1a3=ni42=yu1 ka4chi2 ta1 ņa1a4 ji'4in4=ra3, ba'1a3 na4 sa3kan4 i1xa14a3=ra2 xi4ka3=ra2 xi4ka3=ra2 sa3kan4 ku4u4 tan3 ju13ta'3an2 ja3 ba3=ra2 mi4i4 ka4ndu'3u4 i3tun4 su3tu'4un4 ja'13ni4 ta1 kan4 ti ..., tia1ka4 ba1xi3 ji'4in4=ra3, nda4a2 ba42 ki3xi3 tia1ka4 ko14o3=ri4 nda1 i3in3 tia1ka4 ba143 xa4ku'1un3 ja143 ka4chi2=ra1 so'3o3 ndi4 bi3tin3 ndi4, ya1kan3, nda143 ta'4bi4 ka1a3 ti4 ka3ta2=e4=e2 tan3 ku3ni2=o4 na4tu2 na4 ..., ko14o3 ya1kan3, ko14o3=ni42=ri4, ya1kan3, ka3ku'1un3 a3sa(3)=e4 ku1nu'1u4 ji'4in(4)=o4 ka4chi2 ka'4an4=ra2 so'3o3 i3kan4 tu3ku3 xia4an4 tu3ku3, a1su3 ni3 mi4i4 i4yo2=ni42, ya1kan3, ko'1yo1 *pa4tu2** mi4i4 nu14u3=ra4 mi4i4 ndi4ka2 si4in4=ra4 i3kan4, i3kan4 kwa'1an1=ra1 ka3ta2=ra(1)=e1 tia'14an2 bi4 ndo3ni'3i3=ra2 nda'3a4 ti4=ra2 si3ka4na3=ra(2)=e2 tan3 nda143 ndi4chi2 xi4ki4 ti4 ta1kwi42 ba1xi3 ba3 ya1 tia1ka4 pa4chi'4i2 ti4 ndi4 nda3si4 nda4ye'3e(2)=a2 ndi4, ndi3sa4ku4u4 nu14u3 ta13ku2 nda4ye'3e(2)=a2, ye'4e1 ta4xa2 i4chi3=ri4 ba1xi3=ri4 tan3 ni1-su3ko'4ni3=ri4 *ta3rra4ya2** mi4i4 ..., ya1 ti1xin3 ya1, ya1kan3, ko'1yo1 ndo4so14 nu14u3=ra4 ya3tin3 ņa1a4 ti4 ba'1a3 ndi4 ya1 ja1 ndo4ni'3i3=ra2 ka3ta2 i'3nu3=ra2 ba42 tan3, tan3 ni1-si3ka4na3=ra(2)=e2 ni1ku1nda42 tan3 ni1-xa3ku'1un3 ba3=ri4 ji'4in4 *ta3rra4ya2** ja143 ba1xi3=ri4 ni1-xi14ta3=ra2 *ta3rra4ya2** tan3 ni1-ki3ta3=ri4 i3kan4 ka4chi2, ka4chi2, i3kan4=ri4 ji'4in4=ra2 ndi4, ya1kan3, an4 ta1 ku'1un1 ku4u(4)=2 ji'4in(4)=un4 *a3mi4gu2**. Ta1 ku'1un1 ku4u(4)=un4 ji'4in(4)=2 ndi4, ya1kan3, e1ta4 na4 pa4chi'4i2=un4 sa3kan4 tan3 i3nda1(4)=on4 sa3kan4 ku'1un1 ji'4in(4)=2 ku3xi3 na1 yu3ba4=2 si'3i4=2 ndi4, ya1kan3, ja1, ja1 ndu4bi4 bi4 ndi4ka2=yu1 ja4ta2=yu1 *ta3rra4ya2** tan3 nda1 i3in3 tia1ka4 tia'14an2 ka3ku'1un3 tan3 e1ta4 i3nda14 yo'4o1 ku1nu'1u4 ji'4in(4)=2 ya1kan3, ko1to1 ka'14ni(4)=un4 yu'1u1 *a3mi4gu2** ndi4 ku'14un1=yu1 ji'4in(4)=un4 ka'1an(1)=on4 sa1a3, sa1a3 ya1 xi4kan1=on4 yo3o3 ku4u(4)=a2 ya1 ku4ni2=un4 ku'1un1 ji'4in(4)=un4 tan3 ta3xi(3)=a2 ku'1un1 ji'4in(4)=un4 ndi4 ku1tu1 ka'14ni(4)=un4 yu'1u1 ndi4 sa4-nu1mi4=ni42=un4 tan3 sa3ņa(4)=on4 yu'1u1 ndi4, ya1kan3, yu'1u1 ndi4 ni'3ni4 na3kwi42=ni42 ka4ndu'3u4=2 tan3 ja1 nda4i3chi2=ni42 ja1ta4=2 ndi4 ka4ni3=ni42 ņu'1u3 ja1ta4=2 tan3 ba'1a3 na4 ndi3xa3 ku4u(4)=un4 ndi4, ya1kan3, ndu3ku(4)=un4=a2 ku'1un1 ji'4in(4)=2 ndi4 yu'1u1 ndi4 ya1kan3, xa'1an(1)=e1 ..., ya1 xi4kan1 i3ni2=yu1 ndi4 ta1 ku3-bi4ka3 ku4u(4)=2 ndi4 ta1 ko3o3 xu'14un4 ku4u(4)=2 tan3 tan3 ta1 ko3o3 ki3ti4 ja1na1 ku4u(4)=2 ko3o3 *kwa4yu2** ja1na(1)=e1 ko3o3 ko3so4=2 ka3ka(3)=2 tan3 sa3kan4 tia1ka4 ndi4 ņa1 ..., ya1kan3, ku3tu4, ku3tu4 ba3, ya1kan3, *kos4ta2** ku1nu'1u4 ji'4in(4)=2 ndi4 ti4 ba1xi3=2 ja1ta4 ku4u4=ri4 ya1 kan4 ba42 xi4kan1=yu1 nu14u(3)=un4 na4tu2 ndi3xa3 ku4u(4)=un4 an4, ka14ka3 i3ni2=un4 ndi4 ti4 kan4 ndi4 ti4 i4yo2=ri4 ka1a3 ti4 ba3 ti4 ņa1a4 ndi4 ņa1a4 ndo1o(3)=on4 ti3in(3)=un4=ri4 [... sa13ņa4=ra2=ri4 tan3 kwa'1an1 ba3=ri4 ti4 ņa1a4 kwa'1an1 tan3 ni1-ki3ta3=ra2 ya3tin3 chi'4i2 sa3kan4 ti4 nda13-na3ma3=ra2 mi4i4 ba42 ni1-..., ni1-ka'1an1 ti4 ņa1a4 ji'4in4=ra2 tan3 i3kan4 ja13ta2=ra1 *ta3rra4ya2** i4yo2=lu3 *ta3rra4ya2** ndi4, ya1, ya1 tia1ka4 ndi4 xa4ku'1un3=lu3 tia1ka4 ndi4 si4ka4na3=ra(2)=e2 tan3 ba1xi3=ri4 si4ka4na3=ra2 *ta3rra4ya2** tan3 ba1xi3=ri4 *u4ta2** ndi4 su14u3 ti4 ko14o3 ku4u4 tia1ka4 ndi4 ti4 i4yo2 sa4ka2 ku4u4 tia1ka4 ja143 ni1-xa3ku'1un3 ti4 ņa1a4 tan3 ja143 xi4to3=ra2 ndi4 ja1, ja1 xi1nu3=ri4 tu4u2=ra1 ja143 ni1-ki'3in3=ra2 i3tun4 tan3 ja143 xa'13ni4=ra2 ti4 ņa1a4 tu3ku3 tu3ku3=ri4 su13ku4=ra2 i3tun4 ji1ni4 ja'13ni4 ndi'3i3=ra2=ri4 tan3 sa3kan4 ndi4 ja143 nda13-ta3an4=ra2=ri4 *kos4ta2** ja143 tan3 ni1kwa3a4 ba3 kwa'1an1 ku4na3a4 i3kan4 ka4chi2=ra1 ka'4an4=ra2 so'3o3 ndi4, yo'4o4 ku1sun1 ba(3)=e4 tan3 sa3kan4 ndi4 ku1nu'1u(4)=o4 ndi4 tu14u3 nu14u(3)=e4 ku1nu'1u(4)=o4 ndi4 na3a4=ni42 ka4a4, ya1 kan4 ndi4 ba'1a3 ki14tu3 ndi4 tu4u4 nu14u(3)=e4 ku1nu'1u(4)=o4 ja143 ni1-ki1xin1=ra1 tin3 ja143 ndo13to3=ra2 sa3kan4 ndi4 nda13-ki'3in3=ra2, nda13kwi3so3=ra2, ya1kan3, *kos4ta2** kan4 tan3 ndu13ku3ndu'4u4 ba3 *ta3rra4ya2** ja1ta4 ..., *kos4ta2** kan4 si1ki4=ra2 tan3 ba1xi3 ba3=ra3 i3kan4 ba1xi3=ra2 ni1-ki3xa2a2=ra1 ya3tin3=ra2 be'3e3 i3kan4 ndu13ko3to3 ba3 yu3ba4=ra2 ndi4 nda143 ka4nde3e3 ba3=ra2 ba3xi4=ra2 ndi4 be1e3=lu3 ba1xi3=ra2 ndi4so3 ja1ta4=ra3 ka4chi2=ra1 ji'4in4=na2 ji'4in4 ya3ni2=ra1 ndi4, ya1kan3, kwa'4an2=ndo4 ku'1un1 nda1-ki'1in3=ndo4 ņa'1a3 ja1ta4 ya3ni2=ndo4 ndi4 be1e3=ni42 ba1xi3=ra2 ndi4 nda143 ka4nde3e3 ti4=ra2 ba1xi3=ra2 ndi4 ta1 be1e3 sa4ka2 ba1xi3 ku4u4=ra2, ja143 ni1-ke3e3=na2 xi4nu3 sa4ka2=na1 kwa'1an1=na1, xa1a1=na1 tan3 ni1-..., ka4chi2=na1 ndi4, an4 ni1-ke3-ba'1a3=ni42=un4 ya3ni2, ke13-ba'1a3=ni42[=yu1] ya3ni2 ndi4 be1e3=ni42 ba1xi3=2 tu3ku3 ba3 ta1 ņa1a4 ndi4, ya1kan3, chi4tu4 i3tin2 si'1in3 ta1 ņa1a4 ndi4 i3chi4 ka1 ba1xi3 ta1 ņa1a4 tan3 ja143 ni1-nda3ku'1un3 ba3 xu'14un4 i3tin2 ta1 ņa1a4 ndi4 ya1kan3, chi4tu4 i3tin2 si'1in3 ta1 kan4 ji'4in4 xu'14un4 ni1-ki3xa2a2=ra1 ja143 ni1-ki3xa2a2=ra1 ja143 ka4chi2=ra1 ndi4, ka4chi2 yu3ba4=ra2 ji'4in4=ra2 ndi4, an4 ni1-ke3-ba'1a3=ni42=un4 yu3ba4=2 ke13-ba'1a3=ni42=yu1 yu3ba4=2 ke13-ba'1a3=ni42=yu1 ndi4 ta1nda1 xu'14un4 ni1-ke3-ba'1a3=2 ji'4in4 ndi4 ya1kan3, na3ni2 xu'14un4 yo'4o4 ku3-ta3ku2=e4 ndi4 ndi3sa4ku4u4 i3tin2[=yu1] ndi4 chi4tu4 ndi'3i(3)=a2 ji'4in4 xu'14un4 ba'1a3 na4 sa3kan4 na3ni2 ba(3)=e2 ņa1a4 ku3-ta3ku2=e4, ja143 ni1-..., i1xa14a3=ra2 ta13ba4=ra2 xu'14un4 ndi4 ndi3sa3a4 ku1mi4 i3tin2=ra1 ņu'4u4 xu'14un4 nda13ku'1un3 mi3i4 ba3 xu'14un4 i3tin2=ra1 i13xa3 ti4 ņa1a4 ni1-..., ya1 ni1-xi1kan1=ra1 ba42 nu14u3=ri4 i3kan4 ni1-nda3-ki'3in3=ra2 kach4..., i3kan4 ja143 [i1]xa14a3=na2 i4yo2=na1 ja143 i4yo2 ti4 ņa1a4 xi4xi3 ba3=na2 sa3kan4 ku4u4 xa143 kwa'1an1 ndi'4i4=ri4 i3kan4 ka4chi2 tu3ku3 ta1 la4tun3 so'3o3 ndi4, ya1kan3, ya3ni2=o4, ya1kan3, ku'1un1 ta'3an2=yu1 ku'1un1 ndu3ku4=a2 ku3xi(3)=o4 ndi4 ja1 tan42 i3in3 tan42 i3in3 ndo'4o1 ndi4 ja1 xa'4an1 ndo'4o1 ndu4ku4=ndo4=a2 tan3 bi3tin3 ndi4 yu'1u1 ku'1un1 tan3 ku3ni2[=yu1] na4 ..., na4 ke14-ba'1a3=2 ji'4in(4)=a2, ba'1a3, ba'1a3 ku'1un1 ba(3)=on4 na4tu2 na4 kan4 ndi4 ko3so3 kwe4nda2=on4 ndi4 i3chi4 ndi4 ndi4ta3 na1 ndi4ta3 tan3 nde3e4=ni42 yu'3u4=na3, ku1tu1 kwi14in(3)=un4 ku'1un(1)=un4 ji'4in4=na2 na4tu2 na4 ka'4an2=na1 ji'4in(4)=un4 a1chi1 ndi4 i3in3 xia4an4 ndi4 ndi4chi2 ..., ta1 kwi'4na4 ku4u4 ta1 ndi4chi2 i3in3 xia4an4 tan3 i3nga2 xia4an4 ndi4 ya1 na'14a1 ba42 ndi4chi2 i3in3 xia4an4 tan3 ji14ni2=o4 yo3o3 ..., yo3o3=na2 ku4u4=na2 na4 ko'1on(1)=o4 ji'4in4=na2 ndi4 sa3kan4 ni1-ndo'3o3 yu'1u1 tan3 sa3kan4 tu3 ni1-ndo'3o3 ya3ni2=o4 ja'1an1=ra1 ba'1a3 na4tu2 sa3kan4 ndi4 ku'14un1 bi4=2 ji'4in4=na3 i3kan4 ni1-..., ta13tu2u2=na1 *ta3rra4ya2** tan3 ta13tu2u2=na1 *kos4ta2** ta13tu2u2=na1 le3ka3, xa'1a1 tan3 ni1-ju3ndu'4u4 is1ta4 ta1 ņa1a4 tan3 kwa'1an1 ba3 ta1 ņa1a4, ja143 kwa'1an1=ra1 tan3 ja143 ni1-xa1a1 ja3 ba3=ra2 ni1-ku3u3 ..., i3chi4 mi4i4 kwa'1an1=ra1 kan4 tan3 ja1 ņa1a4 ndi4chi2 ja3 ba3 ta1, ta1 ndi4chi2 *a3mi4gu2** nda4a2 kwa'1an1=ni42=un4, *a3mi4gu2** ta1 kwa'1an1 ..., kwa'1an1 ndu3ku4 ya1 ku3xi3 ji'4in4 yu3ba4 si'3i4 ku4u(4)=2 ndi4 ya1kan3, ba4li4=ndu2 ni1-ndo'3o3=ni42 yu3ba4=ndu2 ji'4in4=ndu2 ni1-xa'3nu3=ndu2 tan3 bi3tin3 ja1 xu13xa3=ndu2 ndi4 ba143 ko4-nde3e4 ka1=ra1 a3sa3 ma1ni4=ra2 ndu'1u1 ya1 kan4 ndi4 ya1 ku3xi3=ndu2 kwa'1an1 ndu3ku4=2 ndi4 *la3ma42** kwa'1an1=yu1 kwa'1an1 ndu3ku4=2 tia1ka4 ku3xi3 na1 yu3ba4=2 ji'1in=2, ba'1a3 ndi4 ja1, ja1 ni1-xu3xa(3)=2 tan3 ya1 kan4 ba42 ndi4 kwa'1an1=yu1 kwa'1an1 ndu3ku4=a2 tan3 na4tu2 nda'4bi2=ni42 i4yo2=ndo4 ndi4, ya1kan3, ji'4in4 yu'1u1 ko'1on(1)=o4 ndi4 yu'1u1 ndi4 i4yo2=ni4(2)=a2 be'3e3 yu'1u1 nda4a2 ņa'1a3 ba42 ku4ni2=un4, ku'1un1 ji'4in(4)=un4 xu'14un4 ku4ni2=un4 tio1to1 ku4ni2=un4 an4 ki3ti4 sa1na(1)=on4 ku4ni2=un4 i4yo2 ti4 kwi3so3 i4yo2 ku'1un1=ri4 ji'4in(4)=un4, na4 ko'1on(1)=o4 ji'4in(4)=2 be'3e3 tan3 ndi4 ba14xi13 yu'1u1 ku'1un1=yu1 ji'4in4 yo'4o1 ndi4 ta1, ta1 kwa'1an1 ndu3ku4 ya1 ku3xi3 ka3xi4 ji'4in4 yu3ba4 si'3i4 ba3 ku4u4 yu'1u1 ya1 kan4 ndi4 ta1 kwa'1an1 *la3ma42** ku4u(4)=2, ya1kan3, ja143 ni14-ku3chun3 ta1 ņa1a4 a3sa3 ki'4bi3=ra2 ta1 ņa1a4 ndi4 ni14-xi3in3=ra2 tan3 ni14-xi3in3=ra2 ku'1un1=ra1 ki13ta3=ra2 tan3 chi13nda'3a4=ra2 ta1 ņa1a4 ņa1a4 kwa'4an2=on4 na4 ta1 kwa'1an1 ku4u(4)=un4 ndi4 ni14-ku3chun(3)=2 a3sa3 ki'4bi(3)=2 yo'4o1 ndi4 xi14in(3)=un4 ku'1un(1)=un4 ji'4in(4)=2 kwa'4an2=on4 na4 ta1 kwa'1an1 ku4u(4)=un4 i3kan4 ja143 ndi13-ki'3in3=ra2 kwa'1an1=ra1 sa3kan4 kwa'1an1=ra1 sa3kan4 kwa'1an1=ra1 sa3kan4 ni1-ku3-xi4ka3 tu3ku3 ba3=ra2 kwa'1an1=ra1 ja143 ni1-xa1a1=ra1 ņa1a4 i3chi4 ņa1a4 ndi4chi2 i3nga2 ta1, ta1 bi4ka3 ndi4xi3 ba'1a3 sa4ka2 tan3 su14u3 ta1, ta1 bi4ka3 ku4u4 ta1 ņa1a4 ndi4 ya1 na'14a1 ba3 ba42 ņa1a4, i3kan4 ka4chi(2)=a2 ji'4in4=ra2 ndi4, ya1kan3, *a3mi4gu2** nda4a2 ba42 kwa'1an1=ni42=un4 *a3mi4gu2**, ya1kan3, ya1 ku3xi(3)=2 ya1 ka3xi4=2 ji'4in4 na1 yu3ba4=2 si'3i4=2 kwa'1an1 ndu3ku4=2 ndi4 ni1-sa4-kwa'3nu3=na2 ndu'1u1 ba4li4=ndu2 tan3 bi3tin3 ndi4 ja1 xu13xa3=ndu2 tan3 ndo'4o4 sa4ka2=na1 sa3kan4 ji'4in4=ndu2 tan3 ja1 ba'1a3 ba3=ndu2 ndu3ku4=ndu(2)=a2 tin3 ya1 kan4 ndi4 kwa'1an1=yu1 ndu3ku4=a2, ya1kan3, ku3xi3=na2 ndi4 *la3ma42** kwa'1an1=yu1 tia1ka4 kwa'1an1 ndu3ku4=2, ya1kan3, ku3xi3=na2 ka3xi4=na2 ji'4in(4)=2 ya1 kan4 ndi4 kwa'1an1=yu1 *a3mi4gu2** na4tu2 nda'4bi2=ni42 i4yo2 na1 yu3ba(4)=on4 si'3i(4)=un4 tan3 na4 ko'1on(1)=o4 ji'4in(4)=2 be'3e3 na4 ko'1on(1)=o4 sa3kan4 ndi4, ya1kan3, ku'1un1 tio1to1 ji'4in(4)=un4, ya1kan3, ku3ndi3xi3=na3, ku'1un1 xu'14un4 ji'4in(4)=un4 sa3ta(4)=on4 ya1 ku3xi3=na3 ku'1un1 ki3ti4 ja1na(1)=on4 ji'4in(4)=un4 ku'1un1 nda1 nda4a2 ka(1)=e1 ku4ni2=un4 ku'1un1 ji'4in(4)=un4 ndi4 yu'1u1 ndi4 ta1 bi4ka3 ku4u4 yu'1u1 ndi4 i4yo2=ni4(2)=a2 be'3e3 yu'1u1 su14u(3)=a2 xi14ko(3)=2 ba42 ki'3in(3)=un4 ndi4 ya1 ka3ni3 ma1ni4=2 ba42 yo'4o1, ya1 kan4 na4 ko'1on(1)=o4 ji'4in(4)=2 be'3e3 ndi4 ku'14un1=yu1 ji'4in(4)=un4 ndi4, ya1kan3, ya1 ..., ta1 kwa'1an1 *la3ma42** ku4u4 yu'1u1 ya1 kan4 ndi4 *la3ma42** kwa'1an1=yu1 ndi4 ki3ti4 ..., tia1ka4 ba3 kwa'1an1=yu1 ja1ta4 ndi4 ti4 kan4 ku4u4 ti4 kwa'1an1 ndu3ku4 yu'1u1 ku3xi3 na1 yu3ba4=2 si'3i4=2 ya1 kan4 ndi4 sa1a3 ka1 ndi4 ku'14un1=yu1 ji'4in(4)=un4 [...] i1xa14a3 ni1-sa1a4 ba3 ta1, ta1 na'14a1 ņa1a4 ni1-ki'3in3=ra2 chi13nda'3a4=ra2 ta1 ņa1a4, *ka3bron42** kwa'4an2=on4 na4 ta1 kwa'1an1 ku4u(4)=un4 ba143 ka4ndi4xa(3)=on4 ka'4an(2)=e2 ji'4in(4)=un4 yo'4o1 ndi4 ya1 ..., ji14ni2=o4 nda4a(2)=e2 ku4ni2 bi4 yo'4o1 ja143 chi13nda'3a4=ra(2)=e2 ņa1a4 nda143 ndu4ba2 ndu4ba2 ti4=a2 ku4u4 tan3 nda13-ki'3in(3)=a2 tan3 kwa'1an(1)=e1 nda1 sa3kan4 bi4 nda13-ki'3in3=ra2 kwa'1an1=ra1 ndi4 xi4ka3 ku4u4 *la3ma42** kan4 kwa'1an1=ra1 ja143 ni1-xa1a1=ra1 ņa1a4, xa1a1=ra1 ņa1a4 ba143 ni4ni2=ra1 ku3xi3=ra2 ndi4 nde3e4 ka1, ya1kan3, *ta3rra4ya2** ba3 xi4ta1 i4yo2 na'3a2 ba(3)=e2 ku3xi3=ra2 ndi4 nde3e4 ni4ni2=ra1 ndi4 tia1ka4 ku4u4 ti4, ti4 ka3ku'1un3 ki3xi3 ji'4in4=ra3 ki13xa3a4=ra2 xi4ta1 *ta3rra4ya2** xi4ta1 *ta3rra4ya2** nda4a(2)=e2 ba42 kwi4i4 ka3ku'1un3 tia1ka4 ndi4 ko14o3 tia1ka4 xa4ku'1un3 ja143 ni1-ndi'1i3 i3ni2=ra1, ndi'1i3 i3ni2=ra1 ndi4 ja1, xa1 kwa4a24 ba3 tan3 ko14o3 tia1ka4 xa4ku'1un3 i3kan4 ni1-ke3e3=ra2 nda13-na3ma3=ra2 mi4i4 ndi4ka2=ra1 ņa1a4 tan3 kwa'1an1=ra1 ni1-..., si3ka4na2=ra1, ya1kan3, *ta3rra4ya2** i3nga2 xia4an4 mi4i4 ba42 ņu'4u4 ta4xin24=ra4 ņa1a4 i4xi4ta3=ra2 *ta3rra4ya2** tan3 ba1xi3 ba3 ti4 ņa1a4 nda143 ya3tin3 chi'4i2 sa3kan4 ti4 ni1-ki3ta3=ri4 ja143 ni1-ki'3in3=ra2 *ta3rra4ya2** tan3 ko14o(3)=a2 ni4-xa1ku'1un3 i4chi3 tan3, tan3 si13ka4na3 tu3ku3 ba3=ra(2)=e2 mi4i4 ba42 ni1-xi3ko'4ni3=ri4 xa13ku'1un3 ba(3)=e2 ņa1a4 ba1xi3=a2 ji'4in4 *ta3rra4ya2**, i3kan4 ka4chi2=ra1 ji'4in(4)=a2 ndi4 e1ta4 na4 pa4chi'4i2=un4 tan3 sa3kan4 ko3o(3)=on4 tan3 ku'1un(1)=un4 ji'4in(4)=2 ku3xi(3)=2 ji'4in4 na1 yu3ba4 si'3i4=2 ndi4 ya1kan3, ja1 ndu'1be4 xi4ka3 yu'1u1, ya1kan3, xi4ka(3)=2 ja4ta2[=yu1] *ta3rra4ya2** tan3 nda1 i3nda14 tia1ka4 ba143 ti4in(4)=2 tan3 ba'1a3 ku4ni2 *ndio4si2** ndi4 yo'4o1 nda13ba3 nda'3a4=2 ya1 kan4 ndi4 pa4chi'4i2=un4 sa3kan4 tan3 ku'1un1, ku'1un(1)=un4 ji'4in(4)=2 ku3xi3=ndu3 *a3mi4gu2**, ya1kan3, ko1to1, ko1to1 ka'14ni(4)=un4 yu'1u1 ku'1un(1)=i1 ji'4in(4)=un4 ndi4 yo4o4 ndi4 yo4o4 in3ka4chi1 ni1-xi1yo3 ba4li4 ba3 ku4u4 yo4o4 ki1bi4 xi1yo3 ba4li(4)=o4 tan3, tan3 xi4ka(3)=on4 sa3kan4 ku4ni2 ka'3ni(4)=un4 yu'1u1 nda4a(2)=e2 ba42 ku4ni2=un4 an4 ta1 ku3-bi4ka3 ku4u(4)=un4 ku4ni2=un4 an4, an4 ki3ti4 ja1na(1)=on4 ku4ni2=un4 an4 ..., an4 na1 si'4i2 ku4ni2=un4 tia1ka4 ku4ni2=un4 ndi4 ka'1an(1)=on4 yo3o3 ba42 ku4ni2 ..., ku4ni2=un4 ku'1un1 ji'4in(4)=un4 tan3 ya1 kan4 ndi4 i4yo2 ba(3)=e2 kan4 ku'1un(1)=a1 ji'4in(4)=un4 yu'1u1 ndi4 xi4kan1=yu1 tia1ka4 ku1nu'1u4 ji'4in(4)=2 tan3, tan3 xi4kan1=yu1, ya1kan3, ka'3a4=2 ndi4 lu3u3=ni42 ka'3a4=2 tan3, tan3 sa3kan4 na1 si'4i2 ndi4 nda1 na1 ..., nda1 ndi'4i4 na1 si'4i2 ndi4 na1 ko3ndo3 kwe4nda2=yu1 ko3ndo3 ndi'3i3 na1 si'4i2, ya1 kan4 ba42 xi4kan1=yu1 ni3 ba143 ..., ku14ni2=yu1 xu'14un4 ku14ni2=yu1 ndi4 *suer4te2** ya1 kwe4nda2 na1 si'4i2 ku4ni2=yu1 si3ka4na3 ti4=2 yu1u4 ja1ta4=na2 tan3 na1 ja1, na1 ja1 ni1-nda3kwin3 ku4u4 ba3=na2 ni1-xa'1a3=na(2)=e2 ma1ni4 ji'4in(4)=2 na4, na4 ni1-si3ka4na(3)=2 yu1u4 ja1ta4=na2 ta3xi(3)=2 *se4ņa2**, ba'1a3 na4 sa3kan4 ya1 kan4 ndi4 ya1 ko3o3 ku4u4 ba(3)=e2 ji'4in(4)=un4 ja143 ni1-ki3xa3a4=ra2 ni1-ndo1o3=ra2 kwa'1an1 ba3 ti4 ņa1a4 nda14yu3 ti4=ra2 tan3 i1xa14a3=ra2 ni1-ti3in3=ra2 tia1ka4 *u4ta2** in3ka4ni24 ba3 tan3 xa13ku'1un3 ba3 tia1ka4 tan3 i1xa14a3 ni1-..., ja1 ni1-ja14-xi1nu3 ba3=ra2=ri4 ndi4 lu14u3 tia1ka4 xa13ku'1un3, i3kan4 ja143 ni1-..., ni1-xa'3ni4=ra2 ti4 ņa1a4 tu3ku3 tu3ku3=ri4 su13ku4=ra2 i3tun4 ji1ni4 xa'13ni4 nda1 ..., xa'13ni4 ndi'3i3=ra2=ri4 tan3 sa3kan4 ndi4 nda3-ta3an4=ra2=ri4 *kos4ta2** tu3ku3 ba3 ta1 ņa1a4 nda13-ka'3mi3 ņu'3u2 ja143 ni1-ki1xin1=ra1 yu'3u4 *la3ma42** ņa1a4 i3kan4 ni1ki4tu3 ndi13kwi3so3=ra2 tan3 ndu13nu'3ni2 ba3 *kos4ta2** tan3 ndi13kwi3so3=ra3 ja1 ta1 u1ni1 ku4u4 ta1 ņa1a4 ndi4 ja1 ta1 la4tun3 ku4u4 ta1, ta1 kwa'1an1 ndi'4i4 ņa1a4 i3kan4 ndi13-ki'3in3=ra2 ba1xi3=ra2 ndi4 i3chi4 ba1xi3=ra2 tan3 i1xa14a3, i1xa14a3 nda13ke3e42 ka'3a4=ra2 ndi4 nda1 ko1ndo1=ra1 ka4ni'1in3 ji1ni4 ka'3a4=ra2 ba1xi3=ra3 tan3 xa3tu2 ku4lu1=ra1 ndi4 si1ki4 ko3ndo3 ti4=ra2 xa3tu2 ndi4 nda1 ni1-ya'1a3 ba3=run4, ya1kan3, i4ta3ni3=run4 mi4i4 ko14o3 tio1to1 ndi4xi3=ra3 i3kan4 ni1-ki3xa2a2=ra1 be'3e3 xa143 ni1-..., ni1-nu3u3 tia1ka4 ja1ta4=ra2 ja143 ka4chi2=na1 ya3ni2=ra1 ji'4in4=ra2 ndi4, na4chu3 tu3 ka4a4 na3kwi42=un4 sa3kan4 ya3ni2 ndu'1u1 ndi4 ni14-xi1kan1=ndu(1)=a1 ņa1a4 xa'1an1=ndu1 ndi4 ya1 ba'1a3 ba3 ni1-xi1kan1=ndu1 ki3ti4 ja1na1 ba3=ndu2 xi1kan1=ndu1 xu'14un4 ba3 ni1-xi1kan1=ndu1 tan3 yo'4o1 ndi4 ya1 ņa1a4 ni1-xi1kan(1)=on4 ya1 kan4 ndi4 ni1-ni'1i4=ni42=un4=a3 ya1 ka1a3 ba42 ku4-si1i4 i3ni2 mi3i4 ba(3)=2 ya1 kan4 ndi4 ya1 ka1a3 ni1-xi1kan1=yu1 ndi4 nda'4bi2=lu3 ka4a4=ra2 ndi4 ka4ni24=lu3 ya1 ndi4kun2 ka'3a4=ra3 i3kan4 ja14a3=ra2 i4yo2=ra1, [i1]xa14a3=na2 xi4kwe'1e1=na1 ji'4in4=ra2 ndi4 ku14ndi3ka2 ka1=on4 be'3e3 ku1sun(1)=un4, ku14ndi3ka2 ka1=on4 be'3e3 ti1xin3 be'3e3 ndi4 ki3ni3 na3kwi42=ni42 ka4a(4)=on4 ndi4 si4in4 ku4u(4)=a2 ya1 la'4la1 tio1to(1)=on4 tan3 si4in4 ku4u(4)=a2 ndi4 ya'4a13=ni42 ki3ni3 ka4a4 ka'3a(4)=on4 ke'3e2 ņa1a4 ko3o(3)=on4 ke'3e2 ņa1a4 ko3o(3)=on4 ku1sun(1)=un4 a1chi1 ndi4 ki3ni3 na3kwi42=ni42 ka4a(4)=on4 ndu'1u1 ndi4 na1 ndi4xi3 ba'1a3 ba3 ku4u4 ndu'1u1 na1, ya1 ni1-ni'1i4 ba3=ndu2 ya1 ni1-xi1kan1=ndu1 ndi4 ya1 kan4 ba42 ni1-xa1a1=ndu1 tan3 yo'4o1 ndi4 ki3ni3 na3kwi42=ni42 ka4a(4)=on4 ka4chi2, na1 ya3ni2=ra1 na1, na1 ni1-ni'1i4=a2 ba'1a3 kan4 i3kan4 sa3kan4 ku4u4 tan3 ni1-ta1ku1 tu'1un3 ya1kan3, *ro4ma2** ndi4 i3kan4 ja13ta2 i'3nu3 ta1 bi4ka3 *re4i2**, ya1kan3, chi3ņu3 ndi4 yo3o3=na2 ni1-ku3chun3=na2 ni1-nda3a3=na2 *pa3la4sio2** ji'4in4 *kwa4yu2** tan3 nda13-ki'3in3=na2 ji'4in4 ..., ji'4in4 *kwa4yu2** sa4-nu3u3=na2 si1si'4i2=ra1 ndi4 ta1 kan4 ba3 ku4u4 ta1 ko3ndo3, ta1 ko3ndo3 ka14sa3=ra3, ka4chi2=ra1 ni1-..., ni1-ja3ta2 i'3nu3=ra2 chi3ņu3 yu14bi4 ya1 kan4 ndi4 xa1 kwa'1an1 sa4ka2 na1 kwa'1an1, lu14u3 na1 bi4ka3 lu14u3 ..., na1 bi4ka3 na'4nu3 kwa'1an1 se'1e3=na2, kwa'1an1 nda1-ki'1in3=na2=ņa4 ji'4in4 *kwa4yu2** mi4i4 i4ndu'3u(4)=an4, *pa3la4sio2** tan3, tan3 ba143 ku4chun3=na3 ta1 bi4ka3 kan4 ndi4 xi'3na3, xi'3na3 be'3e3 ka3a2 ni1-ti3in3=ra2 kwe4nda2=ra1 tan3 sa3kan4 ba42 ndi4 ki13xa3a4=ra2 chi13ndu'4u4=ra2 nda14yu3 kan4 na1 ba1xa1a1 tan3 ya'4a13=na2 tan3 ba143 ku4chun3=na2 tan3 nda4ku'1un3=na2 tan3 kwa'1an1=na1 be'3e3 ka3a2 ba1xa1a1=na1 tan3 ya'4a13=na2 tan3 ba143 ku4chun3=na2 tan3, tan3 nda4i3so3 ņa'3a4 na1 nda4chi4ņu3 tan3 kwa'1an1=na1 be'3e3 ka3a2 ka'4nu3 be'3e3 ka3a2 ni1-ti3in3=ra2 ndi4 lu14u3 na1 yu4bi24 ba1xa1a1 *kwa4yu2** ji'4in4=na2 ndi4 yo4so24=na2 kwa'1an1 ki'1bi3=na2 kan4 tan3 ka1ya1 *kwa4yu2** ndi4 ndi4ta3 *kwa4yu2** ndi4 i4so3ko2 *kwa4yu2** ndi4ta3=ri4 ndi4 ndo13ko3 ndi'3i3 *kwa4yu2** ndi4ta3=ri4 ņa1a4 i4so3ko2=ri4, na1 is1to'3o2=ri4 ndi4 na1 kwa'1an1 be'3e3 ka3a2 ku4u4 na1 ņa1a4 ndo4o13 mi3i4=ri4 ndi4ta3=ri4 *ka4i2** kan4 i3kan4 ka4chi2=na1 so'3o3 ndi4 ndu'1u1 ndi4 na1 ku'1un1 ku4u4 ndu'1u1, ya1kan3, mi4i4 ba42 ka'4an2=na1 i4ndu'3u4 si1si'4i2 *re4i2**, ya1kan3, *ro4ma2** tan3 sa3kan4 ba42 ndi4 ku3ni2=ndu1 na4 ku14chun3=ndu2, ya1kan3, nda3-ki'3in3=ndu2=ņa4 ko3ndo(3)=an4 ņa4 si'4i2=ndu1 ba'1a3 ba3 ndi4 a3sa3=ndo4 tu1ni4ni2 tan3 ku3ni2=o4 na4, na4 kwa4ņu3 ku3chun3=ndo4 ka4chi2 yu3ba4=na2 ji'4in4=na3 ku1tu1 ka'14an1=ndo4 ji'4in4 ta1, ji'4in4 ta1 kwe'4e1 ya3ni2=ndu1 ka1a3 ki3ni3 na3kwi42 ka4a4 ka1a3 ndi4, ya1kan3, ku4-nda3si4=ndu2 ku'..., ku'1un1=ra1 ji'4in4=ndu2 ndi4 ta'3an2=ra1 ku'1un1 ka3chi2 ba3 ta1 ka1a3 tan3 ta1 ka1a3 ndi4 ki3ni3 na3kwi42 ka4a4=ra2, nda4a(2)=e2 ba42 kan4 ndi4 ja1 ji13ni3 so'1o3 ka1 ba3 ta1 kan4 ndi4 na1 ka'4an2 ku'1un1 ku4u4=na2, ya1 kan4 ni1-nda3-ki'3in3=ra2 ..., na1 ke3e3 se'14e2=ni42 ku4u4 na1 kan4 ku'1un1 na1 ndi4 na1ni1 ka1 ka4a4 tan3 ni1-sa4-nda3a3=na2 ta3yu2 ki3ti4 tan3 nda13-ki'3in3=na2 kwa'1an1=na1 i3kan4 ja143 ji13ni2 ba3 ta1, ta1 ti1sa'4a4 ka'3a4 ndi4 ya1kan3, na1 ni1-ke3e3 kwa'1an1 ku4u4 na1 ya3ni2=ra1 ja143 ni1-..., ni1-nda3-ki'3in3=na2 kwa'1an1=na1 tan3 ndu13ndi3kun2=ra1 xi4ka3 ni3 xi4ka3 ni3 xi4ka3 ni3 ndi4kun2=na1 sa3kan4 ku4u4 tan3 mi4i4 nda4tu1u3 tan3, tan3 nda4tu1u3 ba3=ra2 tan3 xi4to3=na2 ndi4 ta1 ndi4kun2 ku4u4=ra2 kwa'1an1=ra1 ja143 nda4-ndi3ko4=na2 tan3 sa4-ka3xa'4an2=na1 i3in4=ra2 ndi4, kwa4nu'1u(4)=un4 nda3ndi3ko(4)=on4 ku'1un(1)=un4 ndi4 nda4a2 ..., ju14ta'3an2 i3ni2=ndu1 ku'1un(1)=un4 ji'4in4=ndu2 ndi4 ki3ni3 na3kwi42=ni42 ka4a(4)=on4 ki3ni3 na3kwi42 ka4a4 ka'3a(4)=on4 ndi4 ka4ni24 na3kwi4(2)=a2 ndi4kun(2)=a2 tan3 sa3kan4 ni3 tio1to(1)=on4 ndi4 ndi4xi3 ..., ndi4xi3 nda'4bi2 na3kwi42=un4, nda3ndi3ko(4)=on4 ku'1un(1)=un4 ndi4 ta1 sa4ka'3an3 ņa'3a4 ku4u(4)=un4 ka14ni3=ni42=ndo4 yu'1u1 ya3ni2 ndi4 na4 ku'1un1=yu1 ji'4in4=ndo4 e1ta4 na4 e1ta4 na4 ku3-nu14u(3)=2 nda4a(2)=e2 ba42 ko3ndo'3o3=ndo4 mi4i4 kwa'1an1=ndo4 ndi4 na4 ku'1un1 ta'3an2=yu1 ku3ni2=yu1 ko14-nde3e4 i3ni2[=yu1] xa'1a4=ndo4 ndi4 ya3ni2=yu1 ku4u4=ndo4 ya1 kan4 ndi4 ta1 ku'1un1 ku4u(4)=2 tan3 sa3kan4 ndi4 ku3ni2=yu1 yo3o3 ku4u(4)=a2 ndo'4o4=ndo4 i3kan4 ni1-..., sa3kan4 ku4u4 ja1 u1bi1 ja1 u1ni1 ba3 nda4-ndi3ko4=na2 sa4-ka3xa'4an2=na1 i3in4=ra2 tan3 ba143 nda4-ndi3ko4=ra2 ndi4 ta1 kwa'1an1 ku4u4 ba3=ra2 ja1ta4=na3, ba143 xi4in4=ra2 [nda3]ndi3ko4=ra2 i3kan4, ka4chi2 ta1 i4xa3 ma'14ņu3 so'3o3 ndi4 na4 ku'1un1 mi3i4 ya3ni2=o4 ndi4 ya1 kan4 sa1a3 a3sa(3)=e4 ji'4in4=ra2 ndi4 nda14-ndi3ko4 ka1=ra1 ndi4 ta1 ja1 ba1xi3 xi4ka3 ņu'3u4 ku4u4=ra3 tan3 sa3kan4 ba42 ndi4, ya1kan3, ku'1un1 ba3=ra2 ji'4in(4)=o4 mi4i4 ku'1un(1)=e4 tan3 ku3ni2 ta'3an2 ja3 ba3=ra2 nda4a(2)=e2 ba42 ko3ndo'3o(3)=e4 i3kan4 ja143 kwa'1an1=na1 sa3kan4 ndu3bi4 ni4i4 xi1ka3=na2 kan4 kwa'1an1 ni1kwa3a4 tan3 ni1-xa1a1=na1 ņu3u2 xa1 i4yo2 ba3 *a3mi4gu2** na1 ņa1a4 mi4i4 xa1a1=na1 be'3e3 *re4i2** mi3..., mi4i4 ku1sun1=na1 xa1a1=na1 ņa1a4 tan3 nda13-ti3in3, ya1kan3, *re4i2** nda'3a4=na2 tan3 nda13-ki'3in3 ta1 ņa1a4=na2 ku4u4=na2 na1, na1 ndi4xi3 ba'1a3 tan3 kwa'1an1 ba3=na2 ti1xin3 be'3e3 ndo13ko3-nde3e3=na2 nu14u3 *mesa2** ja143 ku4u4 *kwen4tu2** ta1 ti1sa'4a4 ka'3a4 ndi4 ja1ta4 be'3e3 kan4 xu13ku3ndu2 ta1 kan4 tan3 kwa'1an1=ra1 i4ndu'3u4=ra2 ja1ta4 be'3e3 [ko3]si4na2 mi4i4 ba42 i4yo2 ņa'1a3 xi4xi3=na2 ņa1a4 i3kan4 ni1-ji3ni2=ra1 ni1-ki3ta3 ņa4, ņa4 si1si'4i2, si1si'4i2 *re4i2** i3kan4 ka4chi2=ra1 ji'4in(4)=an4 ndi4, ya1kan3, an4 a3sa3=lu(3)=un4=a2 ba'1a3 ji'4in(4)=2 ndi4 na4 ni1-ndi'3i3 xi13xi3 na1 ya3ni2=yu1 ..., ya3ni2 ba(3)=2 ku4u4 na1 ni1-ko'3ni3 be'3e3 ņa1a4 tan3 tan3 ba1xi3=2 ja1ta4=na2 tan3 nda'4bi2=ni42 ka4a(4)=2 ya1 kan4 ndi4 ba143 xi4in4=na2, ya1kan3, ndi3ki3ta'4an(4)=2 ji'4in4=na2, ya1 kan4 ba42 ndi4 na4 ni1-ndi'3i3 xi13xi3=na2 tan3 na4 ni1-ndo1o3 ka(1)=e1 xi13xi3=na2 tan3 ndo3ko3o4=ndo4 ..., ta3xi3=lu3=ndo4=a2 nda'3a4=2 ku3xi(3)=2 ndi4 i4so3ko2=ni42=yu1 ka4chi2=ra1 ji'4in4 si1si'4i2 *re4i2**.... An4 ta1 i4so3ko2 ku4u(4)=un4. Ta1 i4so3ko2 ku4u(4)=2 yo'4o1 ndi4 xi'3na3 ka1 yo'4o1 ku3xi3 ba3 tan3, tan3 na1 kan4 ba3 ndi4, ya1kan3, ku3-ndi3kun2 ba3 lu3u3 na1 kan4 ku3xi3=na2 tan3 yo'4o1 ndi4 xi'3na3 ba3 yo'4o1 ku3xi3 ja143 ni1-ja'3nda2=en4 chi3ņu3 nu14u3=na2, na1 ndi4ko3 xi4xi3 na1 ņa1a4 na1 yu3ba(4)=en4 ņa1a4 ndi4 sa4-nu1mi4=ndo4 chi3nde3e3=ndo4=a2 ya1 tan3 sa3kan4 ndi4 ku3xi(3)=2 ji'4in4 ta1 ni1-ki3xa2a2 ka1a3 ndi4 yu'1u1 ban4 ..., yu'1u1 ban4 ku3xi3 ji'4in4=ra2, ku'1un1 ki'1in3=ndo4 *mesa2** ku3-ndi3chi2=run4 ja1ta4 be'3e3 ka1a3 tan3 sa3kan4 ndi4 ka1a3 ku3xi(3)=2 ji'4in4=ra2, i3kan4 ndi4 ja'1an1 ki'1in3=na2 ..., ja'13nda2=en4 chi3ņu3 nu14u3=na2 ja'1an1 ki'1in3=na2 *mesa2** tan3 xi'3na3 ka1 ta1 ņa1a4 ni1-..., ni1-ki'1bi3 ba3 nu14u3 *mesa2** tan3 sa3kan4 ndi4 ju13ndu'4u(4)=an4 xi13xi(3)=an4 ji'4in4=ra2, i3kan4 ka4chi2=ra1 ji'4in(4)=an4 ndi4, na4 ja1 ni1kwa3a4 o4ra2 ku1sun(1)=i1 tan3 a3sa3=ndo4=a2 ba'1a3 ji'4in(4)=2 ta3xi3=lu3=ndo4 ņa1 ņa'1a3 ku1sun1=lu(3)=2 ja1ta4 be'3e3 yo'4o4 ji'4in4=ndo4 yo'4o4 su14u3 ta1 ku1sun1 ņa1a4 ku4u4 yo'4o1 ndi4 ji'4in4 yu'1u1 ku1sun(1)=un4, ya1kan3, ņu3u42 ndi4 ya1kan3, is1to3 ki3xi3 tan3 sa3kan4 ndi4, sa3kan4 ndi4 ku1sun(1)=o4 yo'4o4 ku14ni2 bi yu3ba4=2, ya1kan3, ki3xi(3)=2 ku1sun(1)=i1 ji'4in(4)=un4, ka4chi2=an4 ji'4in4 ta1 ti1sa'4a4 ka'3a4 i3kan4 ja143 ni1-..., ta3xi3 na1 bi4ka3 ņa1a4 is1to3 ta13xi3=na2, ti1ka4chi4 ta13xi3=na2 ku1sun1 na1 ya3ni2=ra1 na1 ndi4xi3 ba'1a3 ņa1a4 tan3 ta1 ņa1a4 ndi4 ni3 ko14o3 ka'4an2 xa'1a4 bi4 ta1 ņa1a4 ko14o3 nda4ka'3an4 xa'1a4 bi4=ra2 na4tu2 i4ndu'3u4=ra2 ja1ta4 be'3e3 ..., ņa1a4 ni1-ki1xin1 ta1 ņa1a4 nda4a(2)=e2 ba42 ta1 ni1-ki1xin1 ņu'3u4 ku4u4 ta1 ņa1a4 su14u3 nu14u3 is1to3 ni1-ki1xin1=ra1 tan3 si1si'4i2 *re4i2** ka1 ba3 ni1-ki1xin1 ji'4in4 ta1 ņa1a4 ta1 ni1-ki1xin1 ba'1a3=ni42 ba3 ku4u4 ta1 ņa1a4, i3kan4, ka4chi2 ..., ka4chi2=an4 so'3o3 ji'4in4 na1, na1 si'4i2 *ba3le3nde4ra2** nu14u3 yu3ba(4)=en4 ndi4, ya1kan3, a3sa3=ndo4=a2 ba'1a3 ndi4 ya1 kan4 ka'3ni4=ndo4 ndu3xi4 tan3 ka'3a4 ti4=ri ka3an2=ndo4 tan3 sa3kan4 ndi4 ta3ba4=ndo4 si3ti2=ri4 tan3 sa3kan4 ndi4 sa3kan4 ndi4 ta3..., ya3tan3=ri4 tan3 sa3kan4 ndi4 ndu3ku4=ndo4 i3in3 ti1nda1a4 xa14a3 chi3ka2 kwa'1a4=ndo4 is1ta4 tan3 sa3kan4 ndi4 chi3ka2=ndo4=ri4 sa3kan4 ndi4 ku'1un1=ri4 ku3xi3=ra2 ku'1un1 ji'4in4=ra2 ku3xi3=ra2 ndu3bi4 ka4chi2=an4 ņa4 ..., ji'4in4 na1 si'4i2 *ba3le3nde4ra2** ja143 ni1-..., ta13xi3 na3ni2 ba3 na1 ņa1a4=e2 ya13tan3 ndu3xi4 ya13tan3 sa3kan4 ka4a4 ni4i4 ndu3xi4 sa1a3 tan42 ka'3a4 ti4=ri4 ni1-ka3an2=na1 ni1-tu'3un3=na2 si3ti2 ja143 ni1-..., ya13tan3 ti4 ņa1a4 tan3 a1chi1=lu3 ju13ndu'4u4 is1ta4 tan3 tan3 nda13-nde1ta3 ba(3)=e2, ya1kan3, ņa'1a3 mi4i4 chi13ka2=na(1)=e1 ndi4 ņa'1a3 xa14a3 i4chi3 chi13ka2 ņa4 ņa1a4=e2 is1ta4 tan3 kwa'1an1 ji'4in4=ra3 tan3 ndi13-ki'3in3=na2 kwa'1an1=na1 ni1ki4tu3 tan3 ndu13ndi3kun2 tu3ku3=ra2 kwa'1an1=ra1 xi4ka3 ni3 xi4ka3 ni3 ndi4kun2=ra1 kwa'1an1=ra1 ja1ta4=na3 kwa'1an1=na1 sa3kan4 tan3 ja1 tan3 ja1 ya1 ni'3ni4 ja1 i4so3ko2 sa4ka2=na1 kwa'1an1=na1 i3chi4 nda4a2 o4ra2 ba42 xa1a1=ni42=o4 ņu3u2 ndi4 i4so3ko2 sa4ka2=yu1 ndi4 tu4u2=yu1 ndi4, ya1kan3, tan42 ka4a4 ta1 i4ta3ni3 ņa'1a3 xe'1e1 ka4a4 ya3ni2=o4 ndi4 ņa'1a3 ni'4i4=ra2 na4 ni1-ka'3an4=e2 ji14ni2=o4 na4 ba14xi13 is1ta4=ra2 an4 ni1-ni'1i4=ra2 is1ta4 ba3 na4 ni1-ka'3an4=e2 na4 ku3nda3tu(3)=e4=ra2 tan3 ku3ni2=o4 na4 ko14o(3)=a2 ni'4i4=ra3 i3kan4 ju13nda3tu3=na2=ra1, yo3o3 ku4u(4)=a2 i4ta3ni3 xe'1e(1)=on4 ya3ni2 is1ta4 ba3 ba42 ya3ni2 is1ta4 ni1-ni'1i4=2 ba1xi(3)=2 *u4ta2** ndi4 sa1a3 tu3 ba42 ni1-ta3xi3 tu3=na(2)=e2 ba1xi3=a2 ji'4in(4)=un4 *u4ta2** ni1-ni'1i4 ba3 yu'1u1, ni1-ni'1i4 ba3 yu'1u1 nu14u3=na2 ndi4, ya1kan3, ya1 ta13xi3=na2 ba1xi3 ji'4in(4)=2 ba43 ni3 ni14-ki1xin1 mi3i4 yu'1u1 ndi4, ya1kan3, is1to3 ba3 ni1-ki1xin1=yu1 tan3 ņa'3a4 ba3 ni1-ki1xin1 ji'4in4 yu'1u1 *ka3bron42** sa1a3 ka1 bi4 i13xa3 na3kwi42 ka1 tu(3)=un4 tan42, ndu'1u1 ka1 tu3 ndi4 na1 ni1-ki1xin1 mi3i4 ba3 ku4u4=ndu3 ku4ni2 mi3i4 ba(3)=en4 ya1 kan4 ndi4 ņa4 si1si'4i2 ta1 bi4ka3 ban4 ni1-ki1xin1 ji'4in(4)=2 ņa4 kan4 ban4 chi13ka2 is1ta4 ba1xi3 ..., ba1xi3 ku3xi(3)=2 ya1 kan4 ndi4 ku3xi3=ndo4 an4 ku4ni2 ku3xi3=ndo4 ya3ni2 ndi4 kwa'4an2 na'3a2=on4, ya1kan3, ku3ndi3ka2=on4 xa14ku'1u1 ņa1a4 sa3kan4 ndi4 na4 ndo1o3, ndo1o3 is1ta4 ji'4in4=ndu2 ku3xi3=ndu2 sa3kan4 ndi4 na4 ni1-ndi'3i3 xi13xi3=ndu2 sa3kan4 ndi4 ka'1an1=ndu1 ji'4in(4)=un4 sa3kan4 ndi4 ki3ta(3)=on4 a1chi1 ndi4 ki3ni3 na3kwi42 ka4a(4)=on4 tan3 ku3ndu'4u(4)=un4 ku3xi(3)=un4 ji'4in4=ndu2 na4 ndi'3i3 ku3xi3=ndu2 sa3kan4 ndo3ko3o4=ndu(2)=a2 ku3xi(3)=un4, ka4chi2=na1 ji'4in4=ra3 ja143 ni1-..., xa'1an1 ti3kwa'4a2 ju13se'4e2=ra1 xa14ku'1u1 ņa1a4 tan3 ndo13ko3o4 ba3=ra2 ya1 kwa'1an1 ku3xi3=ra2 ņa1a4 nda'3a4 na1 ya3ni2=ra1 tan3 ja143 ndu13ku3na4=na2 nu14u3 is1ta4 ndi4 i3in3 ni4i4 i4chi3 ndu3xi4 ndi4ka2 ja143 ni1-xa3ni2=na1 ndu3xi4 ņa1a4 tan3 xi13xi3=na2 ku3ņu2 ņa1a4 xi13xi3=na2 xi13xi3=na2, nda143 i3in3 si3ku4nu3 ti4 is1ta4 ndo13ko3o4=na2 nu14u3 sa'3ma4 xa3a(3)=on4 ndo1o(3)=on4 ku3xi(3)=un4 tan3 ku'1un1=ndu1 ya3ni2 ndi4, xa1, ja1 i4yo2 ba'1a3 ndi4 ja1 xi13xi3=ndu3, na'3a2=on4 ku3xi(3)=un4 ni1-ki3xa2a2=ra1 ndi4 ta1 nda143, nda143 si3ku4nu3 ba3 is1ta4, i3ki4 ndi4 nda143 yo'4o4 tan3 kan4 i4ndu'3u4 ya4xin4 ņa'1a3 ja1ta4 i3ki4 ja13xi4 ndi'3i3=na2 ku3ņu2 ..., ja1ta4 i3ki4 ba143 ka4a4 i4chi(3)=a2 ka3xi(4)=o4=ya1 ni3 is1ta4 ku3xi3=ra2 ko14o3 tan3 ni1-ka3chi2=an4 ji'4in4=ra2 ndi4, ya1kan3, na4tu2 ..., ni1-ndi'3i(3)=a2 ya1 xi4xi(3)=un4 kwa'1an(1)=on4 tan3, tan3 i4so3ko2=on4 tan3 ku1mi4 chi4chi3 ndi3ki3si(3)=un4 sa'3ma4 ņa1a4 tan3 sa3kan4 ndi4 ta1 i4yo(2)=a2 ku3xi3 ku4u4 ba3 yo'4o1 ndi4ka2=on4 i3chi4 kwa'1an(1)=on4 ya1 kan4 ndi4 ji13ni2=ra1 ndi4 ni1-sa4-ndi'3i3 na1 ya3ni2=ra1 is1ta4 xi13xi3=na2 ndi4 nda143 i3in3 ku4nu3 so'3o(3)=a2 ndo13ko3o4=na2 ku3xi3=ra2 nda143 mi4i4 i3ki4 ndo13ko3o4=na2 ka3xi4 nda3a2=ra1 a4su3 ka'4an2 is1to'3o2=on4 ndi4, ya1kan3, ta1 ndi3ki3si3 ku4u(4)=2 yo'4o1 tan3 sa3kan4 ba42 ndi4 ndi3kwi1ta3 ņa'1a3 ku3xi(3)=2 ka4chi2=an4 ji'4in(4)=2... ka4chi2=ra1 ji'4in4 sa'3ma4 tan3 ni1-..., ni1-ndi3ki3si3=ra2 sa'3ma4 tan3, tan3 ni1-..., tia4an2 ni14-ji3ni2 i4chi3=ra2 tan3 ni1-..., ndu13-ndi3chi2 ba3 *mesa2** tan3 ndu13ndi3xi3 *mesa2** tan3 ndi13kwe3ta3 ņa'1a3 ndi4 su14u3 i3in3 nu14u(3)=a2 ndi4 ndi3sa4ku4u4 nu14u3 ba(3)=e3 ņa1 xi4xi3=na2 be'3e3=na2 ndi13kwe1ta3 nu14u3 tun4 ņa1a4 nda1 ta1kwi42 bi1xi1 nda1 ndi13kwe3ta3, ja143 ndu13ku3ndu'4u4=ra2 xi13xi3=ra2 xi13xi3=ra2, tan3 sa1a3 a3sa3 yu'1u1 ji'4in4 *mesa2** kan4 tan3, tan3 ndo3ko3o4=run4 tan3, tan3 ku'1un1=yu1 na4tu2 ..., ya1kan3, ni1-ki3ta3 ndu13-ndi3chi2 *mesa2** na4tu2 ..., sa3kan4 a3sa(3)=2 ka4chi2=ra1 so'3o3 ji'4in(4)=an4 na4 ni1-ndi'3i3 tan3 ņa1a4 ..., ņa1a4 su3ku(4)=un4=run4 tan3 kwa3chi3=run4 tan3 sa3kan4 ndi4 kwa'1an1 ba3 yo'4o1 i3kan4 ja143 ni1-..., ni1-nda3-ki'3in3=ra2 xi13xi3=ra2 ņa1a4 tan3 ja143 ni1-..., ni1-ndi'3i3 xi13xi3=ra2 tan3 ja143 ni1-su3ku4=ra2 *mesa2** ņu'3u4 tan3 sa3kan4 nda13-ki'3in3=ra2 kwa'1an1=ra1 nda13-ki'3in3=ra2 kwa'1an1=ra1 ja1ta4 na1 ya3ni2=ra1 kwa'1an1 sa4ka2 ba3 na1 ņa1a4 ndi4 na'3a4 ni1-ndo1o3=ra2 xi13xi3=ra2 ndi'13i3 tan3 chi13ka2=ra1 xa'1a4 ndi4 nde3e4=lu3 kwa'1an1=ra1 xi4nu3=ra2 sa3kan4 xi4nu3=ra2 sa3kan4 xi4nu3=ra2 sa3kan4 nda143 xa'1a4 nda143 xa'1a4 *kwa4yu2** na'4a1 kwa'1an1=ri4 nda143 ya14tin3 ja'1an1=ra1 i3kan4 ni1-ku3-ya3tin3=ra2 ja1ta4=na2 i3kan4 nda13-tu1u3 tu3ku3=na2 ja143 mi4i4 nda4tu3u4=na2 tan3 ju4..., ju4se'4e2 nda3a2=ra1 tan3 i1yo3 nda4a2 ku3ni2 ņa'3a4=na3, sa3kan4 ndi'3i(3)=a2 ku4u4=na3 tu3kwa3 ņu3u2 ni1-xa1a1=na1 tu3kwa3 ņa1a4 ..., ya1kan3, ni1-xa1a1=na1 tan3 na1 i4yo2 *a3mi4gu2** ku4u4 tu3kwa3 na1 ņa1a4 ni1-xa1a1=na1 ndi4 be'3e3 *re4i2** ni1-xa1a1 tu3kwa3=na3 i1xa14a3 ni1-xa1a1=na1 ņa1a4 nda1..., ni1-ke3e3 ta1 bi4ka3 *re4i2** tan3 nda13-ti3in3=ra2 nda'3a4 na1 ņa1a4 kwa'1an1=na1 ti1xin3 be'3e3 ndu13ko3-nde3e3=na2 nu14u3 *mesa2** ji'4in4 ta1 ņa1a4 ku4u4 *kwen4tu2** ta1 ti1sa'4a4 ka'3a4 ndi4 ja1ta4 be'3e3 ņa1a4 ndi13-ki'3in3 ta1 ņa1a4 kwa'1an1=ra1 xi13ndu3ndu2=ra1 ni1-xa1a1=ra1 ja1ta4 be'3e3 [ko3]si4na2 mi4i4 ba42 i4yo2 ya1 ta4xi3 na3ni2=na1 xi4xi3=na2 ņa1a4 su3 ņa1a4, ņa1a4 xa4ku1=ni42 ņa4 si1si'4i2 *re4i2**, ya1kan3, ndi4ka2=en4 ji'4in4 na1 si'4i2 ndi4ko3 ņa1a4 ja143 ni1-ki'3in3=ra2 yu1u4 pa4chi'4i2 ti4 tan3 ni1-ka3ni3=ra2 ja1ta(4)=en4 ja143 ni1-xo14kwi1in(1)=an4 nda4a(2)=e2 ku4ni2=un4. A3sa(3)=on4=a2 ba'1a3 ji'4in(4)=2, ya1kan3, na4 ni1-ndi'3i3=lu3 xi13xi3 na1 ya3ni2 tan3 na4 ni1-ndo1o3=lu(3)=a2 ņa'4ņu3=na2 tan3 ka3ni3 ma1ni4=ndo4=a2 yu'1u1 ku3xi(3)=2 ya3ni2 ba(3)=2 ku4u4 na1 ni1-ki3xa2a2 kan4 tan3 ya1 ki3ni3 ka4a(4)=2 ya1 kan4 ndi4 ku14ni2=na1 ji4ni2=na1 yu'1u1 ka3ka(3)=2 ji'4in4=na3 ya1 kan4 ndi4 na4 ni1-ndi'3i3 tan3 ka3ni3 ma1ni4=ndo4 yu'1u1 ya1 ņa'4ņu3 yu'3u4=na2 ku3xi(3)=2 an4 i3na2 ku4u(4)=un4 ya1 kan4 ndi4 ku3xi(3)=un4 ya1 ņa'4ņu3 yu'3u4=na3. Yo'4o1 ndi4 ta1 ..., xi'3na3 ka1 yo'4o1 ku3xi3 ba3 tu3kwa3 i3kan4 xa143 ni1-..., ja'4nda2=en4 ņa1a4 chi3ņu3 tan3 ta1kwa'4..., ta14kwa'4ni3=na2 *me3sa2** mi4i4 i4ndu'3u4=ra2 ke'3e2 ņa1a4 tan3 ņa1a4 tu3kwa3 xa'1an(1)=e1 xi13xi(3)=an4 ņa1a4 ji'4in4 ta1 ņa1a4 sa3kan4 kwa'1an1 ni1kwa3a4 tan3 ja'13nda2=en4 chi3ņu3 nu14u3=na2 ja4chiu4un4 nu14u3=na2 ņa1a4 ta13kwa'4ni3=na2 is1to3 ki4xin1=an4 ja1 ji'4in(4)=an4 ņa1a4 tu3kwa3 ni1-ki1xin1, ni1-ki1xin1 ta1, ta1 ti1sa'4a4 ka'3a4 tan42 i3in3 tan42 i3in3, ya1kan3, mi4i4, mi4i4 ki4xin1=na1 kwa'1an1=na1 ndi4 ta1 ke4-ba'1a3 sa4ka2 ku4u4 ta1 ņa1a4, ņa'3a4 ndi'3i3 ba3 ki4xin1 ji'4in4 ta1 ņa1a4 kwa'1an1=ra1 i3kan4, ka4chi2=an4 so'3o3 ndi4 ni1-ki1xin1 sa4ka2=en4, ņa4 ņa1a4 ndi4 ni14..., ni14-ka'1an(1)=en4 ji'4in4=ra2 ku3ndu'4u4 is1ta4=ra2 ndi4 ya1kan3, *gi3ta4rra2** ku'1un1 ji'4in(4)=un4 *gi3ta4rra2** ku'1un1 ji'4in(4)=un4 na4tu2 i4yo2=ni42=un4=a2 ta1tin3 an4 nda4a(2)=e2 ba42 ya1 ku4-si1i4 i3ni2=un4 ba42 an4 ya1 ta1tin3 i4yo2=on4 tan3 ņa1a4 ta3ba(4)=on4 ya3a2 ji'4in4=run4 ndi4 ni3 ji3ni2=un4 ni3 ji14ni(3)=un4 ndi4, ya1kan3, tun4 ņa1a4 ndi4 ta3ba4 mi3i4 ba3 tun4 ņa14a ya3a2 tan3 ja1 ņa1a4 ta4ba4=run4 ya3a2 tan3 ja1 ņa1a4, ya1kan3, ja1 mi3i(4)=un4 ndi4 ja1, ja1 nda3ba3 mi3i4 ba(3)=e2 ji1ni(4)=un4 ka3ta(3)=on4 ji'4in4=run4 ka4chi2=an4 ji'4in4=ra3, ba'1a3 na4 sa3kan4 i3kan4 nda13-ki'3in3=ra2 *gi3ta4rra2** ja143 ndi13-ki'3in3=ra2 kwa'1an1=ra1 ndu13ndi3kun2 tu3ku3=ra2 ni1ki4tu3 tan3 kwa'1an1 ba3 na1 kan4 tan3 ni1-ndi3-ki'3in3 tu3ku3=ra2 kwa'1an1=ra1 ja1ta4 ya3ni2=ra1 sa3kan4 ku4u4 ja1 ku4-ya3tin3=na2 yu14bi4 mi4i4 ba42 ka'4an2=na1 i4ndu'3u4 si'3i4 ..., si1si'4i2 *re4i2**, ya1kan3, *pa3la4sio2** mi4i4 ba42 kwa1nda3a3=na2 tan3 ba143 kwi4i4 nda3-ki'3in3=na2 si1si'4i2=ra1 ja143 ni1-..., ni1-xa1a1=na1 ņa1a4 tan3 ka4chi2 ta1 ti1sa'4a4 ka'3a4 ji'4in4=na2 ndi4, ka3ma2 ba'1a3 ko3o3=ndo4 ya3ni2 ndi4 ya1kan3, na4tu2 ni14-ku3chun3=ndo4 ndi4 na1 ku'1un1 be'3e3 ka3a2 ku4u4=ndo4 ndi4 ja1 lu14u3=ni42=na1 nda4-nde1e3 be'3e3 ka3a2 ka4chi2=na1, na1 ba3..., na1 ya'4a13 tan3 ba143 ku4chun3=na3, ndi4 bi3tin3 sa3kan4 ku3ni2=o4 i1xa14a3=na2 ni1-xa1a1=na1 tan3 [i1]xa14a3=na2 ni1-..., ni1-ya'1a3 ba3 i3nda14=ra3 ni14-ku3chun3=ra2 ka3ndi3ko1o3=ra2 ji'4in4 *kwa4yu2** tan3 nda13-ndi3ko4=ra2 ņu'3u4 nu13u3=ra2 ni1-ki3xa2a2 ti4=ra2 ni1-nu3u3=ra2 nda13-ki'3in3 ba3 ņa'3a4 na1 nda4chi4ņu3 tan3 kwa'1an1 ba3=ra2 be'3e3 ka3a2, tu3ku3=ra2 kwa'1an1 ji'4in4 *kwa4yu2** ta1 ņa1a4 ndi4, nda1 ja1, nda1 ja1 ni1-ka3chi'3i3 nda'3a4 ta1 kan4 ti3in3=ra2 nda'3a(4)=en4 tan3 nda13-ndi3ko4=ra2 ji'4in4 *kwa4yu2** ba1xi3=ra2 ni1nu1 ba1xi3 tu3ku3 ta1 ņa1a4 ni1-ki3xa2a2=ra1 ņu'3u4 tan3 sa14-nu3u3=na2=ra1 tan3 be'3e3 ka3a2 tu3kwa3 i3kan4 ni1-ndo1o3 ba3 ta1 ti1sa'4a4 ka'3a4 xi4ka3=ra2 *ka4i2** ņa1a4 ni1-ndo1o3=ra2 i4ndu'3u4=ra2 yu'3u4 *ka4i2** ņa1a4 ji14ni2=ra1 nda4a(2)=e2 a3sa3=ra2 nda4a(2)=e2 ku3u3=ra3 tan3 i1xa14a3=ra2 ka4chi2 ka'4an4=ra2 so'3o3 ndi4 na4 ka3ta3 yo4o4 ka3ta3 ba3 yo4o4, yo4o4 ndi4, ya1kan3, ku4chi4=ni42 i3ni2=o4 ndi4 ni14-ku3chun3 na1 ya3ni2=o4 ndi4 be'3e3 ka3a2 ti4 ni1-..., kwa'1an1=na1 ba1xi(3)=o4 ji'4in4=na2 ni14-ku3chun3=na2 chi3ņu3 ba1xi3=na2 ja1ta4 ņa'3a4 i1xa14a3=ra2 ta13ba4=ra2 ya3a2 ji4ta3=ra3, ba'1a3 *gi3ta4rra2** ndi4 tun4 ja1 nda4kwi3in3 ku4u4 mi3i4 ba3 tun4 ņa1a4 tan3 ba143 u'1bi1 nda4-ki'3in3 ji1ni4=ra2 ya1 ta1chi4 kwa'1an1=run4 ndi4 ja1 ..., ba4a24 ti4 ja1, ta1 ja1 ji4ni2 ka3ta3 ku4u4=ra2 ndi4 ba'1a3=lu3 nda4kwi3in3=ra2 ji'4in4=run4 ni3u3ņu3u42 ju13ndu'4u4=ra2 ji13ta3=ra2 ndi4 mi4i4 ni3na3 ya3a2 ta1tin3 ndi'3i3 ji13ta3=ra3 i1xa14a3 ni1-..., ni14-ki1xin1 ņa4, ņa4 si1si'4i2 *re4i2** ņa4, ņa4 i4ndu'3u4 ba14sa4 kwi4i4 nda3-ki'3in3=na2 ņa1a4 ndi4 ni14-ki1xin(1)=an4 ndi4 nda3si4=lu3 ku4-si1i4 i3ni2=an4 ji4ni2=an4 ya1 *ko3rri4do2** ji4ta3 ta1 ņa1a4 ya3a2 ji4ta3 ta1 ņa1a4 i3kan4 ka4chi2=an4 ..., ni1ki4tu3 ja143 ka'4an2=en4 xa1a1 yu3ba(4)=en4 nu14u(3)=an4 *pa3pa42** chi3nda'3a(4)=on4 ..., ti'3bi(4)=un4 na1, na1 nda4chi4ņu3 na4 ku'1un1 nda1-ki'1in3=na2 ta1 i4ndu'3u4 xi4ta3 kan4 ndi4 ni14-ki1xin1 i4chi(3)=2 ņu3u42 ndi4 ndi1ku1nda42 bi4 ki3xa2a2=ra1 nu14u(3)=2 ku4ni(3)=2 ndi4 la3tun4 na3kwi42=ni42 ji4ta3=ra2 nda'4bi2=ni42 ji4ta3=ra3 lu14u3=ni42 ya3a2 ba42 ta13ba4=ra2 ņu3u42, ya1 kan4 ndi4 ta1 kan4 ku4u4 ta1 ko3ndo3 ta1 ta3nda'3a4 ji'4in(4)=2 ndi4 la3tun4 na3kwi42=ni42 ji4ta3=ra3 nda4a2, nda4a2 i3in3 ta1a3 nde3e4 bi4 ndi3xa3 ku4u4=ra2 ka4chi2 ka'4an4 ..., ka4chi2 ka'4an4=na2 ya1, ya1 sa3kan4 la3tun4=ni42 ji4ta3=ra3 ni1-ku3to1o42 ba3 ņa4, ņa4 ba14sa4 kwi4i4=ni42 nu3u3 nda3-ki'3in3=na2 ņa1a4, si1si'4i2 *re4i2** ja143 ta'1nda1 chi3ņu3 nu14u3 na1 nda4chi4ņu3 ndi4, kwa'4an2 nda1-ki'1in3=ndo4 ta1 i4ndu'3u4 xi4ta3 kan4 na4 ki3xi3=ra2 ndi4 ta1 kan4 ku4u4 ta1 ta3nda'3a4 ji'4in4 si1si'4i2=yu1 ja143 ni1-ke3e3 na1 nda4chi4ņu3 ja'1an1 nda1-ki'1in3=na2 ta1 i4ndu'3u4 ji4ta3 *ka4i2** kan4 ja143 ni1-xa1a1=na1 ka'4an2=na1 ji'4in4=ra2 ndi4, *a3mi4gu2** ndi4 ko3o(3)=on4=a2 ka'4(nu3) i3ni2 tan3 ko'1on(1)=o4 ndi4 yu3ba4 ..., ya1kan3, ņa4 i4ndu'3u4 ba143 ku4chun3=na2, ya1kan3, nda3-ki'3in3=na2 kan4 ka4na3 yo'4o1 ndi4 *re4i2** ku4u4 mi3i4 ta1, yu3ba(4)=en4 kan4 ka4na3 yo'4o1, i3kan4 ndi13-ki'3in3=ra2 kwa'1an1=ra1 i3kan4 ka4chi2=ra1 ndi4, nda4a2 tu1ni4ni2 ka4na(3)=on4 *don3 re4i2** yo'4o1 ndi4, ya1kan3, kwa'1a4 na1 yu4bi24 ba1xi3, kwa'1a4, ya1kan3, na1, ya1kan3, *re4i2** ta'4an4 yu'1u1 ba1xi3 tan3 ko14o3 na1 ku4chun3 tan3 nda1 yo'4o1 bi4 ku4u4 ta1 nda13ba3 *a4ni3ma2** si1si'4i2=yu1 ndi4 ni3u3ņu3u42 ni14-ki1xin(1)=an4 xa'1a4 ya3a2 ji4ta(3)=on4 ni14-ki1xin(1)=an4 niu3ņu3u42 tan3 ya1 kan4 ba42 ndi4 yo'4o1 ku4u4 ta1 nda3-ki'3in(3)=un4=ņa4 ndi4 yo'4o1 ku4u4 ta1 ta3nda'3a4 ji'4in(4)=an4, ya1 kan4 ndi4 nda3-ki'3in(3)=un4=ņa4 tin3 i3kan4 ni1-..., na4tu2 na4 sa3kan4 tan3 nda3-ki'3in3 ba(3)=2=ņa4 nda3-ki'3in3 ba(3)=2=ņa4 na4tu2 na4 ka3ni3 ma1ni4=ndo4=ņa4 yu'1u1 i3kan4 ni1-nda3-ki'3in3 ba3=ra2=ņa4 ni1-nu3u3 ba(3)=en4 ņa1a4 mi4i4 i4ndu'3u(4)=an4 tan3 nda13-ki'3in3=ra2=ņa4, bi3tin3 ndi4 na4 ko'1on(1)=o4 be'3e3 na4 ko'1on(1)=o4 be'3e3 sa3kan4 ndi4 nda3kwa'1a3=2 i3in3 be'3e3 mi4i4 ko3o(3)=on4 ji'4in(4)=an4 nda3-ki'3in(3)=un4 ko3ndo3 be'3e(3)=on4 ndi3kwi3so(3)=on4 *tie4nda2** ndi3kwi3so(3)=on4 ya1 kwe4nda2=en4 ja143 ni1-nda3kwa'1a3=ra2 *tie4nda2** nda13kwa'1a3=ra2 tan3 na4 ya'1a3 ki1bi4 yo'4o4 nda3-nde3e3 ndi'3i3=na2 ņu'4u4 yo'4o4 ku'1un1=na1 sa3kan4 ba42 ndi4 sa3kan4 ba42 ndo1o(3)=e4 tan3 sa3kan4 ndi4 ko3o3 bi3ko4 ja'1a4=ndo4 ni1-xa1a1=ra1 be'3e3 na1 ņa1a4 ya1 yo'4o4 ko3ndo3 be'3e(3)=on4 ya1 yo'4o4 ..., *tie4nda2** yo'4o4, *tie4nda2** yo'4o4 ko3ndo3 kwe4nda2=on4 nda13-ki'3in3=na2 u1bi1 u1ni1 *tie4nda2** nda13kwa'1a3 yu3ba4 ņa4 ņa'3a4 ņa1a4 nda'3a(4)=en4 ji'4in4=ra2 ko3ndo3 kwe4nda2=na1 i3kan4 ka4chi2 ..., ya1kan3, ta1 ko4ndo3 *re4i2**, ya1kan3, si1so3=ra2 so'3o3 ndi4, bi3tin3 ndi4 xa1 *re4i2** ku4u(4)=un4 tin3 ndi4 se'1e3 yu'1u1 ku4u(4)=un4 ka14sa(3)=2 ku4u(4)=un4 bi3tin3 ndi4 yo'4o1 ku4u4 ta1 ka'3nda2 chi3ņu3 tin3 sa1a3 ko3o3 ji'4in4 na1 ņu'4u4 be'3e3 ka3a2 an4 na1, na1 ku3u2 ko3ndo3=na2 an4 ko14o3 na1, na1 ke3e3 ku4u4=na2 tan3, tan3 ku1nu'1u4=na2 ņu3u2=na1 ndi4 yo'4o1 ku4u4 ta1 ka'1an1 ya1 ka'1an1 yo'4o1 ya1 kan4 ku3u3 ni3 kwi14i3 ku3u2=na1 a1chi1 ndi4 u1bi1 bi4 ya3ni2=yu1 ņu'4u4 ni14-ku3chun3=na2 tan3 ņu'4u4=na2 tan3 nda1 na1 kan4 ku3u2 tan3 na1 yu3ba4=2 ndi4, ya1kan3, na1 i4yo2 ku4u4 na1 kan4 tan3 na1 nda4tu3 ku4u4 na1 kan4 ki3xa2a2 se'1e3=na2 tan3 na4 na1 ku3u2 ku4u4=na2 a3sa3 yu'1u1 ka'3nda(2)=e2 chi3ņu3 ndi4 ndi'3i3 xa'1a4=na3 ya1 kan4 ndi4 ba'1a3 ka1 na4 ke3e3 ba3=na2 tan3 sa3kan4 ndi4 kwi1ta1 i'3nu3=na2 ku1nu'1u4 ba3=na2 ndi4 na1 ja1 ni14-ku3chun3 ku4u4=na2 ba'1a3 ndi4 yu'1u1 tu3 ni1-ku3chun3 tan3 ya1 kan4 ndi4 ko14o(3)=a2 ko3o3 ku3u2=na1 ndi4 na1, na1 nda3-ndi3ko4 ku1nu'1u4 ku4u4=na2 mi4i4 ni1-ki3xi3=na3 na4 sa3kan4 ka4chi2=un4 tan3 sa3kan4 ko3o3 ba3, i3kan4 ni1-..., ta'1nda1 chi3ņu3 nu14u3 na1 nda4chi4ņu3 tan3 xa'1an1=na1 ja'1an1 ta13ba4=na2 na1 ņu'4u4 be'3e3 ka3a2 ja143 tan42 i3in3 tan42 i3in3 na1 ņa1a4 ni1-ke3e3=na2 tan3 kwa1nu'1u4=na2 mi4i4 yu14bi4 ni1-ki3xi3=na2 ndi4 i1xa14a3, ya1kan3, ja14-ndi'3i3=na2 ņa1a4 i3kan4 ja143 ni1-ndi'3i3 tan3 [...] ta1ni1=na1 jo13nde3e3=na2 ni1-xi1yo3 ya1 ni1-nda3a3=na2, na1 nda3-ki'3in3 ņa4 ņa1a4 ko3ndo3, ko3ndo3 ta1, ta1 ku3chun3 nda3-ki'3in3 ņa4 ņa1a4 ji'4in4 *kwa4yu2** ya1 sa4-nu3u3=ra2=ņa4 *pa3la4sio2** mi4i4 i4ndu'3u(4)=an4 ni14-ku3chun3=na3, nda1 ta1 ņa1a4 ku4u4 ta1 ni1-ku3chun3 ni1-..., ni1-xa1a1 i3ni2=an4 ya1 kan4 ba42 ndi4, ni1-..., ni1-nda3-ki'3in3 ba3 ta1 xu4xan3 ti1sa'4a4 ka'3a4 ņa1a4 ņa4 ņa1a4 ndi4 ta1 ņa1a4 ti4 ni1-ku3chun3 ni1-sa4-kwa1ku1=ra1=ņa4 ni1-..., ni1-ndu3ta'3an2 i3ni2=an4 ya1 ya3a2 xi13ta3=ra3 ya1 kan4 ba42 ndi4 ni1-ta1xi4 na1 ņa1a4 ni1-jwi1ta1 i'3nu3=na2 o4ra2 ni1-ku3-ta4xin24 tan3 sa3kan4 ndi4 ni1-ki3xa3a4 bi3ko4 ja143 ni1-ta3nda'3a4=na2 xa143 ndi'13i3 xi1yo3 bi3ko4 tan3 ni1-ndi'3i3 tan3 xa143, ya1kan3, ka4chi2 ..., ka4chi2=ra1 so'3o3 ndi4, ya1kan3, na4 kun1..., na4 ku'1un1 ko1to(1)=e1 ta'4bi4 yo'4o4 nda4a(2)=e2 ku4u(4)=a2 nda4a(2)=e2 ku4u(4)=a2 i4yo2=ni42 mi4i4 ka'4a4=ni42 yu'3u4=na2 ņu'4u4 i3nga2 ta'4bi4 yo'4o4, ya3tin3 mi4i4 i4yo2 ti4=na2 i3kan4 ka'4a4 sa4ka2 yu'3u4 na1 ņu'4u4 ja4chi4ņu3 su3 i3nga2 ta'4bi4 sa3kan4 ti4 ndi4ka2 i3in3 *re4i2** ji'4in4=na2, ji'4in4=na2, na1 ta4tu2 ndi4 lu14u3 ..., ņa'1a3 i4yo2 ya1 ta3ta2 i4yo2 xi4tu3=na2, i3kan4 ni1-ke3e3=ra2 ni1-xa'1an1=ra1, yo3o3 ku4u4 mi3i4, ya1kan3, *pa3tron42** ta1 ka1a3 ku4u4=ra2, i3kan4 ndi4ka2, ndi4chi2 ta1 ko4ndo3, ta1 ko4ndo3 *re4i2**, ya1kan3, ta1 ni'4i4 *kwen4ta2** ji'4in4=na3 ta1 ja4chiu4un4=na2 ji'4in4, nda4a(2)=e2 ku4ni2=un4, ya1kan3, ta1 ..., ta1 ku4ni2, ya1kan3, ka3sa3 chi4ņu3 ku4u(4)=2, an4 sa14-kwa'1a(3)=on4 chi3ņu3 ja3chi4ņu(3)=2 *u4ta2** ndi4 i4yo2 ba3 chi3ņu3, chi3ņu3 ba143 ndi'4i4 chi3ņu3 nu14u3 yu'1u1 ndi4 na1 ke4e4 na1 nda4ndi'1bi3 na1 ke4e4, ku4-xu4xan3 mi3i4 ba3=na2 tan3 ke4e4=na2 kwa'1an1=na1 chi3ņu3 ndi4 i4yo2=ni42 chi3ņu3 tan42 i4yo2 bi4 ti1xin3=a2 ka1a3 ndi4 ya1 tun4 ke4e4 ku'1u1 ku4u4 ndi'3i3 tun4 ka1a3 tun4 i4yo2 ma1ni4 ku4u4 tun4 ka1a3 ya1 kan4 ndi4 [...] i3ta2an2 ndi4 *las3 sin4ko2** tan3, tan3 *se4is2** ndi4 ja1, ja1 ka1a3 ndi4ka2=on4 tan3 ki'1bi(3)=un4 tan3 is1ta(4)=on4 ndi4 ja1 ka1a3 ba1xi3=a2 ji'4in(4)=un4 tan3 *las3 se4is2** tan3, tan3 ja1 ku3xi(3)=un4 tan3 sa3kan4 ndi4 ki1..., ki'1bi(3)=un4 tan3 sa3kan4 ba42 ndi4 ku3ni2[=yu1] na4tu2 ndi3xa3 ta1 ja4chi4ņu3 ku4u(4)=un4, ja143 ni1-..., i1xa14a3 ni14-ka'1an1 bi4 tu3=ra2 ji'4in(4)=an4 na4tu2 ni1-ke3-ba'1a3=ra2 ji'4in4 chi3ņu3 ndi4 ya1 ji4ni2 mi3i4 ba3=ra2 ba42, nda1 ja1 o4ra2 bi4 ndo13to3=ra2 ja1 *las3 se4is2** ba3 ni1-ndo3to3=ra3 ta1 ku'1un1 ta4tu2 ku4u4 yu'1u1 tan3, tan3 ni14--nda3ka'3an4=2 ka'1an1=yu1 ji'4in(4)=un4, ya1kan3, chi3ndu'4u(4)=un4 is1ta4 ku'1un1 ji'4in(4)=2 tan3 ya1 kan4 ndi4 ku'1un1 ba(3)=2 tan3 sa3kan4 ndi4 kan4 nda4a2 ka1 na1, na1 ja4chiu4un4 nu14u3 na1 yu3ba(4)=e4 ta3tu2u2=un4 ku'1un1 nda1ka3=lu(3)=a2 ja1ta4=2 a1chi1 ndi4, ya1kan3, ku3-so3ko2=ni42=yu1 na4, na4 ku'14un1 is1ta4 ji'4in(4)=2 a1chi1 ndi4 ko14o(3)=a3 a3ma3 tu3 ni1bi4 tu3 ku'1un1 tu3 ta3tu2u2 tu(3)=2 ku'1un1 nda1ka3=e2 su14u3 kan4 ndi4 mi3i4 ba3 yu'1u1 ku'1un1 nda1ka3=e2 ja1ta(4)=on4 su14u3 ta1 ku3ndu'4u4 nu4u4 ji'4in(4)=2 ku4u(4)=un4 ndi4 i3i4=2 ko3ndo(3)=on4 tan3 ka'4an2=on4 sa3kan4, yu'1u1 ndi4 ba143 ku4-nda3si4=2 ji4ni2[=yu1] yo'4o1 ndi4, ya1kan3, ta1 ku3ndu'4u4 ji'4in(4)=2 ku4u(4)=un4, ya1 kan4 ndi4 ņa1a4 nda4tu(3)=un4 xa1a1=yu1 xi'4in(4)=a2 ya1 ku3xi(3)=un4 tan42, tan42 u1xi1 o4ra2 sa3kan4 xa1a1=yu1 xi'4in(4)=a2 ku3xi(3)=un4 ndi4 ņa1a4 ko3to(3)=on4 ndi4 na4 ku'1un1=yu1 ndi4 xa1, xa1 o4ra2=ni42 ba43, tan3 su14u3 xi4ka3 bi4 ba42 ndi4 ja1 ya3tin3 mi4i4 nde4e4=na2 ņa1a4 ti4 ba3 ba42 i3in3 ndi4ki3ta'4an4 ba3 ņu'3u4 mi4i4 ba42 i4yo2 ..., chi3ņu3 ja4chiu4un4 [...] i3in3 *re4i2** bi4ka3 i3kan4 ni1-ke3e3=ra2 ni1-xa1a1=ra1 ņa1a4, ja143 ku3xi(3)=un4 tan3 sa3kan4 ndi4, sa3kan4 ndi4 ki'1bi(3)=un4 ja3chiu4un4 ndi4 na1 ja1 xi4xi3=ni42 ku4u4 na1 ka1a3, nde4e4 na1 xi4xi3 ndi4 nda143 *se4is2** ti4 ba42 tan3 na1 ja1 xi4xi3 ku4u4=na3 i3kan4 ka4chi2 ..., ka4chi2=ra1 so'3o3 ji'4in(4)=a2 *re4i2** ndi4 *om4bre2** ndi4, ya1kan3, ni14-ki3ta(3)=2 ki3xi3 is1ta4 ji'4in(4)=2 ndi4 nda1 *las3 dies42** bi4 ba42 ki3xa2a(2)=e2 ku3xi3 yu'1u1 ya1 kan4 ndi4 ta1, a3sa3 chiu4un4 ba3 yu'1u1 tan3 sa3kan4 ndi4 ta1nda1 ki3xa2a(2)=e2 ku3xi(3)=2 ndi4, ya1kan3, si1si'4i2 *re4i2** ban4 ņa4 i4ndu'3u4 ji'4in(4)=2 tan3 ya1 kan4 ndi4 ņa4 kan4 ban4 ki3xi3 nda3ka(2)=e2 ku3xi(3)=2 nda4a2 *re4i2** ku4u4 ta1, ta1, ya1kan3, ji'4in4 se'1e3 ņa4 i4ndu'3u4 ji'4in(4)=un4 ya1kan3, *re4i2** yo'4o4 ku4u4=ra3 tan3 ndi3..., ndi3xa3 bi4 ku4u(4)=un4 ndi4, ya1kan3, ņa'3a4 si1si'4i2 ta1 kan4 i4ndu'3u4 ji'4in(4)=un4. Ņa4 si1si'4i2 ta1 kan4 ban4 i4ndu'3u4 ji'4in(4)=2 ya1 kan4 ndi4 ņa4 ki3xi3 ban4 ki3xi3 nda3ka(3)=en4 is1ta4 ku3xi(3)=2 na4tu2 ndi3xa3 ku4u(4)=un4 ni1-xi1nu3 ya1 *kwen4tu2** ka'4an2=on4 ndi4 ni1-ki3xa2a2 ņa4 si'4i2=un4 ji'4in4 is1ta4 tan3, tan3 si1si'4i2 ta1 kan4 ban4 un4 ... nda143 ya3xin4 xi'4i(4)=2 ta1kwi42 nda3-ki'3in(3)=2 tan3 nda1 ņa4 si'4i2=yu1 nda1 na1 ja4chiu4un4 nu14u(3)=2 nda1 ņu'3u4 nda1 *tie4nda2** nda1 ndi4 ka1a3 ndo4o13 ndi'3i(3)=a2 nda'3a(4)=on4 na4tu2 ndi3xa3 ndi4 ņa4, ņa4 si1si'4i2 *re4i2**, ya1kan3, ki3xi3 nda3ka3 is1ta4 ku3xi(3)=un4 ya1, ya1 ki3xi3 ku4u4 ba(3)=e2 a1chi1 ndi4 ja1 ni1-..., ni1-ki3xi3 ndo1o3=ņa4 ndi4 ņa4 ki3xi3 nda3ka3 ban4 is1ta4 ku3xi(3)=2 ndi4 ba14xi13=a2 ji'4in(4)=2 tan3 ba143 ka4ndi4xa3 ta1 bi4ka3 a1chi1 ndi4 ta1 nda'4bi2 ku4ni2 ba3 ku4u4=ra2 tan3, tan3 ka'4an2=ra1 ndi4 se'1e3 na1 bi4ka3 xa1a1 ji'4in4 is1ta4 ja143 ni1-..., ja143 ni1-ki3xa3a4 ba3 na1 ta4tu2 ja4chiu4un4=na2 ja143 ni1-ke1ta3=ra2 ja4chiu4un4=ra2 ja4chiu4un4=ra2 ja4chiu4un4=ra2, ku4ni2 ku4ni2 ka(1)=e1 ku3tiu'4un4 tan3 ni1-ni'1i3 ba3, bax1..., ni1-xa1a(1)=en4 bi4ka3 ndi4 su14u3 ņa4 ku'1un1 xa'1a4 ban4 ņa1a4 ji'4in4 is1ta4 ndi4 *tra4i3le2** lu3u3 ndi4ka2=en4 ņa1a4 kwa'1an(1)=en4 ji'4in4 *cho3fer42** ni1-xa1a(1)=en4 ņa1a4 ndi4 ņa1a4 kwa'1an1 ba3 *mesa2** ņa1a4 kwa'1an1 ņa'1a3 ndi4 lu14u3 nu14u3 ņa'1a3 ndi4 su14u3 i3nda14 ta1 ņa1a4 ndi4 tan42 i4yo2 ba3=na2 ndi4 na1 kwa'1a4 ..., ja1 ji4ni2 ba3 na1 ņa1a4 ndi4 kwa'1a4=ni42 ku4u4 na1 ja4chiu4un4 ji'4in4 ta1 ņa1a4 tan3 tan3 ku14xi3 xi'4nda24=ra2 nu14u(3)=an4, nu14u3 na1 ņa1a4 a3sa(3)=en4 ņa4 si'4i2=ra1 ndi4 tan42 i4yo2=na1 ta1 bi4ka3 tan3 nda1 tan42 i4yo2 na1 ta4tu2 ndi4 na1 ku3xi3 ko3ndo3 ndi'3i3=na2 ka4chi2=an4 so'3o3 ja143 ni1-xa1a(1)=en4 ņa1a4 tan3 ni1-..., ni1-nu3u3 ņa'1a3 sa14-nu3u3=na2, na1 kwa'1an1 ji'4in(4)=an4 ņa'1a3 tan3 i1xa14a3 ni1-..., ni1-ke3e3 *mesa2** ni1-ke3e3 tan3 ju13-na3ni2 tan3 ja143 ni1-ya'1a3 ..., ņa'1a3 jwi13ta13=e2 tan3 xa143, xa143 ka'4an2=ra1 ji'4in4=na2 ndi4 na4, na4 ya'1a3=na2 ku3xi3=na3 ya1kan3, *pa3tron42** ndi4 na'3a2=on4 ndi4, ya1kan3, ndo14o1(3)=on4 ndi4 ta1 ku3xi3 ku4u(4)=un4 ba14sa3 *a3mi4gu2** ndi4, ya1kan3, ku3xi3 ba3 ndo'4o1 ndi4 yu'1u1 ndi4 ba143 i4yo2 ba'1a3 i3ni2=yu1 tan3 ni1-ji14ni2=yu1 a3sa3 ka1=yu1 nda3-ndi3ko4=2 ndi4 ja1 *tra4tu2** ba42 ndi4 ndu'1u1 na1 *re4i2** ndi4 ba143 nda4tu'4un4=ndu2 u1bi1 u1ni1 *kwen4tu2** ndi4 i3nda14 ba3 ba42 ka'4an2=ndu2 tan3 ni1-ka'3an4 yu'1u1 ndi4 ya1 ndi14xa3 ba2 ka'4an2=on4 ndi4 ya1kan3, ndu1u4 ba3 ko3ndo3 kwe4nda2=on4 ni1-ka'3an4 yu'1u1 tan3 bi3tin3 ndi4 ya1 ka'4an2=yu1 xa'1a4 ji'4in(4)=un4 nda3-ki'3in(3)=un4 ndi4 kwe4nda2=on4 ku4u4 ba(3)=e2 tin3 i1xa14a3=na2 xi13xi3=na2 i1xa14a3=na2, i1xa14a3=na2 bi3tin3 ndi4 ndo4o1(3)=on4 ji'4in(4)=a3 [i3]nda14=e2 xi4kan1=yu1 nu14u(3)=un4 ndi4 ka3ni3 ma1ni(4)=un4 yu'1u1 nda143 sa1a3 ya1 ku3-ta3ku2=yu1 xu'14un4 ku'1un1=yu1 tan3 nda3kwa'1a(3)=on4 ņa4 si'4i2=yu1 nda'3a4=2 ku'1un1 ji'4in(4)=2 ndi4 ņa4 a3sa3 ma1ni4 yu'1u1 [...] ja143 ni1-xi1kan1=ra1, nda13-ka1kan1=ra1 ņa4 si'4i2=ra1 tan3 ni1-xi1kan1=ra1 lu3u3 xu'14un4 ku3-ta3ku2=ra1 *tie4nda2** yo'4o4 *tie4nda2** yo'4o4 ndi4 kwe4nda2=yu1 ku4u4 ndi'3i(3)=a2 tan3 nda3-ki'3in(3)=un4 *kwen4ta2** ji'4in(4)=a3 na1 ja4chiu4un4 nu14u(3)=2, ya1kan3, yo'4o4 tan3 na1 ja4chiu4un4 be'3e(3)=2 ndi4 *mu4su2** ku4u4=na2 *ba3ke4ru2** ku4u4=na2, ka1a3 ndo4o13 ndi'3i3=na2 ji'4in(4)=un4 ta1nda1 ņu'3u4 nda1 ndi4 ki3ti4 ku4u4=ri4 *ka4rru2** ba42 ndi4ka1a3 ndo4o13 ndi'3i(3)=a3 ba'1a3 ba3 ndi4 ja4bi2 *ndio4si2**=un4 ja13ni3 ma1ni(4)=un4 yu'1u1 nda143 ņa4 si'4i2 ta1 bi4ka3 nda13-ki'3in3=ra2 ni1-ni'1i4=ra2 nda143 lu3u3 xu'14un4 nu14u3 ta1 ņa1a4, kwa'1an1 ba3=ra2 ja143 ni1-ndo1o3=ra3 ja143 ni1-ki3xa2a2=ra1 ji'4in(4)=an4 si'4i2=ra1 be'3e3 ja143 ka4chi2=ra1 ji'4in(4)=an4 ndi4 kwa'4an2 ka'1an(1)=on4 ji'4in4 yu3ba(4)=e4 na4 ki3xi3=ra ja143 ja'1an1 ka1na(3)=e4 yu3ba(4)=en4 yu3ba4=2 ndi4 ba'1a3=ni42 ni1-ke3e3=ndu2 ndi4 ni1-ni'1i4 yu'1u1, ya1kan3, *ku3rra42** nu14u3 ..., ņu'3u4 nu14u3 ta1 *re4i2** yo'4o4 tan3 tan3 nda1 *tie4nda2**=ra1 nda1 ki3ti4 ja1na1=ra1 tan42 i4yo(2)=a2 ndi4 ni1-nda3kwa'1a3 ndi'3i3=ra(2)=e2 nda'3a4=2 tan3 sa1a3 i13xa(3)=on4 ji'4in4=ra2 ndi4 nda13kwa'1a3=ni42=ra(1)=e1 nda'3a(4)=on4, so'3o3, so'3o3 ni1-ku3u3, so'3o3 ni1-i3xa3=ra2 ndi4 ta1 xa14a1 i3ni2 ku4u4=ra2 tan3 tan3 ya1 xa14a1 ku4u(4)=a2 ya1, ya1 ka'4an2=yu1 ka4chi2 ka'4an4=ra2 tan3 nda4a(2)=e2 ba42 kan4 ndi4 ni1-xa1a1 ba3 si1si'4i2=un4 ja1ta4 yu'1u1 ja'1an1 nda1ka(3)=en4 ya1 ku3xi(3)=2 tan3 ya1 ņa1a4 ba42 ni1-xa1a(1)=e1 ni1-ki3ta3 ba'1a3 ba3 yu'1u1 tan3, tan3 ta1 ņa1a4 ndi4 nda13ņu'4u4=ra2 ndi4 u1xa1 ndu1u4 ba3 ki'3in(3)=2 na4tu2 ni3 ni14-xa1a1 ņa4 si'4i2=yu1 ni1-ya'1a3 o4ra2 tan3 ni3 ko14o(3)=an4 ni4-xa1a1 ku3xi(3)=2 ya1 kan4 ndi4 nda143 ndu1u4 ba3 ki'3in(3)=2 ni1-ka3chi2=ra1 ji'4in(4)=2 tan3 nda4a(2)=e2 ba42 ndi4 ba'1a3 ku4ni2 *ndio4si2** ndi4, ya1kan3, a1chi1 ka1 ba3 tan3 ni1-xa1a1 ņa4 si'4i2=yu1, ya1kan3, ji'4in(4)=a2 ku3xi(3)=2 tan3 ba'1a3 tu3 ndi4 kwa'1a4 ņa'1a3 kwa'1an1 ji'4in(4)=an4 ndi4 tan42 i4yo2 na1, na1 ta4tu2 kwe4nda2=ra1 ku3xi3 ndi'3i3=na2 tan3 ni1-xi3xi3 ba3 na1 kan4 ndi4 na1 ta4tu2 ku4u4=na2 tan3 mi3i4=ra2 ndi4 ni14-xi3xi3=ra2 xi1yo3=ra2 ti1tu'4un4, i3kan4 ba42, nda13kwa'1a3 ba3=ra(2)=e2 ka1a3 nda'3a4=2 tan3 nda1 ņa4 si'4i2=ra1 ndo4ko3o4=ra2 tan3 nda143=en4 kan4 ji13ni2=ra1 ndi4 ya1 ni1-xa1a1 ka13ndi3ko1o3 ku4u4 *kwen4tu2** ya1 ni1-ka'1an1=ra1 tan3 ya1 kan4 ndi4 nda143 ni1-xi1kan1=ra1 ņa4 kan4 nda13-ki'3in3=ra2=ņa4 kwa'1an(1)=en4 ji'4in4=ra2 a3sa3 ma1ni4 ņa'3a(4)=en4 tan3 i3kan4 nda143 lu3u3 xu'14un4 xi1kan1=ra1 sa1a3 ku3-ta3ku2=ra1 mi4i4 kwa'1an1=ra1 ji'4in(4)=an4 si'4i2=ra1 ya1 kan4 ndi4 tan42 i4yo2 ba3 ņa'1a3 ņu'4u4 *tie4nda2** ndi4 kwe4nda2 yu'1u1 ku4u4 ndi'3i3 ba(3)=e2 kan4 nda13-ki'3in3 ndi'3i(3)=2 tu3tu2 xa'1a4=e2 tan42 i3in(3)=a2 tan42 i3in(3)=a2, ki3ti4 ku4u4=ri4 na1 ja4chiu4un4 ku4u4=na2, na1, nda1 ndi'4i(4)=a2 ba42 ndi4 yu'1u1 ku4u4 ta1 nda13-ki'3in3 ndi'3i3 *kwen4ta2** kan4 tin3 xa3ku4 ka1=lu3 ku4u4 ya1 nda13kwa'1a3 yo'4o1 nda'3a4 si1si'4i2=un4 tan3 ya1 ni1-ndu3ku4 mi3i4=2 ndi4 kwa'1a4 ka1 ba42 kan4 nda3si4 ku4-si1i4 i3ni2 ta1 bi4ka3 ..., bi4ka3 si1so3=ra2 ndi4, ba'1a3=ni42 ni1-ke3e(3)=on4 ndi4 bi3tin3 ndi4 bi4ka3 ka1 ba3 yo'4o1 tan3 ndu'1u1 ndi4 su14u3 na1 bi4ka3 bi4 ku4u4=ndu3 ki3ni3 ni1-ku3-bi4ka3 ta1 kwe'4e1=ra1 ndi4 ta1 kwe'4e1 ta1 ku14ni2 ko3to3 na1 ya3ni2 ta1 ndi4xi3 la'4la1 kwa'1an1 ta1 ņa1a4 ba3 ni1-ke3-ba'1a3 sa4ka2 ta1 ņa1a4 ba3 ni1-ke3ta3 ba'1a3 ni1-ku3chun3 nda13-ki'3in3 ņa4 si1si'4i2 *re4i2**