*Bueno** pos ekintsi:n sepa nika:n i:n timoahsikeh, mah nimitstatsi:ntoki, teh ox tiki:xmattok ata yo:n tehtsonkilit. Ke:mah, niki:xmattok. Onkak ata ne:, ke:meh i:n ka:mpa yankuik tai:xta:ih, yehwa semi mochi:wtiw yo:n xiwtsí:n wa:n telte:kokoh se: moahxi:ltia. Ke:mah, ma:ski tsikitsi:n ihkó:n timoahxi:lti:s pero ye:kte:..., te:wihwitswih, ye:kte:ahwayo:tih, ta: yo:n nikilia neh mochi:wa ka:nika eski. Telte:kokoh. ke:mah, yehwa yo:n. E:mah, mochi:wa, *pero más** ka:mpa yo:n ata komohkó:n yo:n tame:wah kualtsi:n para kito:katih komo tomat *o** chi:l wa:n yeh, semi no: yehwa mochi:wtiw. E:mah eh, mochi:wa. Ke:mah, ye:kpanki:sa niman yehwa. Se:, ke:meh yo:n se: eme:..., oso ko..., ke:meh yo:n se: eme:wati a, yehwa ya n' se: mometskui:ltia. Ke:mah, ke:mah ye:kte:kokoh. Wa:n ye:kte:kokoh. Yehwa yo:n we:ixtiw, we:ixtiw wa:n de we:iati a pos nejo:n iwki poso:ntiw. Poso:ntiw n' ixo:chiotsi:n nehe:n ihista:k, ihista:k wa:n de xo:chiowa yowi a para ne:n i..., ikapolotsi:n nejo:n, de wa:kiti a no: pihpixki, tihti:ltik n' iteyotsi:n, ox tiki:xmattok no:. Ke:mah, niki:..., niki:ita n' ixo:chio:tsin pero iteyotsi:n a:mo ke:man nikita ke:niwki, pero niki:xmattok ne:n ixo:chiotsi:n, A:mo ke:man tikita. wa:n niki:xmattok nochi n' kowit ke:ní:w yo:n mochi:wa, ta: yo:n no: mochi:wa ye:kwehweikowit. ke:mah, ye:k... E:mah, tohtoma:wak mochi:wa, no: kualtia para kowtati:l. Ke:mah, kualtia, ta: yo:n ye:kkualtsi:n tata no: nikilia neh nejo:n *de que** wa:kik a, pero yehwa ya yo:n... ke:mah, ye:kwitsyoh. Ke:mah, *porque** komo se: moahxi:ltih nikilia neh ye:kte:ahwayo:tih. Kualtia kowtati:l, kualtsi:n no: tata. Semi telwitsyoh, se: kinehmach..., nehmachxihxi:ma para se: kiki:tskia. Te:ahwayo:tih wa:n yehwa yo:n nejo:n no: kuali ata ke:meh yo:n te:kokoh se: itan, se: kita:lilia ya se: itan ka:mpa koyoktik n' icho:kilotsi:n ika tsiktsi:n *algodón**, se: kita:lilia wa:n tamati:ya no:, pero yehwa ya yo:n no:, e..., de se: kipahtia ya itan pero ta: ika tapa:ni a wa:n ki:sa se: itankochwa:n *o** ka:nika eski te:kokoh se: itan pos ika tapa:ni wa:n ki:sa nochi se: itan, a:mo teh se: kipia ok. A:, pos neli, pos yo:n kuali, kuali nej..., ne:n icho:kilotsi:n mah, mah ika se: mo..., mo..., motampahti. E:mah. Kuali, kuali, no: pahti n' icho:kilotsi:n. Ke:mah, yehwa yo:n kuali wa:n no: nejo:n yehwa ya yo:n soyokiltsí:n tikiliah n' tehwa:n, nejo:n ko:nkuiah ne:n tote:iskaltihka:wa:n yehwa ya ne:n soyokilit wa:n komo ompa onkak a yo:n tehtsonkilit ixo:chiotsi:n, kapotsitsi:n, *Ajá**. kitekih wa:n ke:man ehkoh pos no: kimanah ya iwa:n, se: kkua:ya ya iwa:n tapalo:l. ke:mah, we:lik ne:n sayoh n' kapotsitsi:n, pero a:mo nikmati neh n' iteyo ox no: we:lik. A:, pos neli. Ke:mah. A:, yehwa sah. Pos a:mo se: kimati, *porque**... *de cuando** wa:ki a. A:mo tak i:pa yehwa sah n' ixo:chio ne:n we:lik, pero ne:n yehwa ya ne:n para m' pahti no: komo tikihtowa kualtia *pero, que** nejo:n telwitsyoh nikilia neh i:pa ka:n no: wel se: kitekis n' iteyotsi:n. Ke:mah, wa:n neli ata nikilia neh ipanko nikilia neh nochi witsyoh, sayoh se: kita mahyá: ye:kalaxtik, pero komo t'tsi:tski:to ye:kte:ma:kua. Ke:mah, wa:n, wa:n, ke:mah wa:n a:mo se: kita nikilia neh komo kalak se: ima:ko *porque** ye:ktsikitsitsi:n ne:n iwits... ke:mah, ye:ktsi... Ka:n weli, ta: pos telte:kokoh se: kima:toka. Nochi witsti, nochi witsti. A:, yo:n se: ki..., se: ima:ko ma:ka..., kahkalaki a n' iwitsyo wa:n neli n' te:kokoh. Ka:n ta: ye:ktsikitsitsi:n, se: kki:xtia pero ye:k tekit. E:mah, ye:k tekit, ke:mah ta: te:kokoh neli pos nejo:n... Tekit se: kki:xtia yo:n, pos telte:kokoh. Ke:mah, niki:xmattok yo:ni wa:n neli ata n' ixiwyo nikilia neh no: ma:mahmaxaltik. Ma:mahmaxaltik wa:n neli no: ye:kwihwitsyoh. Yo:n tahtamati ke:meh yo:n kowachxo:chit ne:n ixiwyo. E:mah, ke:mah, ye:kwitsyoh nochi nikilia neh, ke:mah. Ke:mah, iwki neli, ke:mah iwki wa:n nochi nikilia neh yo:n ka:mpa mochi:wa ata nikilia neh E:..., iwki ne:n tahtamati wa:n... tein yo:n tsikitsitsi:n ok, komo tik..., tikuik semi iteltsi:ntan ihkó:n ka:mpa *mero** tsi:ne:wtok de yo:n tsikitsitsi:n ok, a:mo te:witswih, kuali se: kwiwita. A:mo te:witswih. Pero komo we:i a tikuik ka:mpa yo:n iwitsyoh neli i:n se: moma:kalakilia. ke:mah, pero neh nejo:n ne:chi:ilia yo:n nota:tahtsi:n ke:mih i:n..., ta: mochi:wa ma:ski kahfe:ntah, mochi:wa ma:ski kahfe:ntah, komo... Telte:..., tel se: ima:ko kahkalaki. Mochi:wa, mochi:wa n' yo:n, ta: ka:n mone:neki, ta: tak yehwa ne:n chiktehtsi:n kiwi:ka n' iteyo, yehwa n' kimoya:wtinemi. Ke:mah. Ke:mah. Iwki *mero**, iwki *mero**, kualtsi:n. Tein witsyoh ya. Ka:n se: mowitswia ok. *Porque** tel..., telte:kokoh wa:n Yehwa ta: pos iteyo yo:ni ne:n, iteyo ya ne:n, ta: ata *cuando** ixwa ya nikilia neh no: sa motapa:ntok mahyá: yo:n, yo:n et nikilia neh motahtapa:na para panki:sati a yo:n nejo:n tein witsti a. ke:mah, panki:sa ya wa:n neli komo yo:n tsikitsitsi:n neli yo:n nota:tahtsi:n, xikui kihtowa *mero** itsi:ntan ka:n timoma:witswi:s kihtowa. ke:mah, *porque** neli yo:n nikilia neh a:mo se: kka:wa mah onka, *porque** se: kkmattok *que** telte:wihwitswih. ke:mah, se: kwiwitatiw. Pos neh ne:chilia:yah, yo:n komohkó:n se: moma:ahxi:ltih yo:n se: k..., mo..., moahxi:ltia wa:n telahwayowa, mah se: kikui yo:n kekexikilit icho:kilo wa:n mah se: kixakualo. A:, wa:n no: te:tamati:[lih]. A:, pos neli. Ke:mah, *porque** yeh no: cho:k..., ke:mah, no: cho:kiloh. Wa:n ika te:tamati:lia. ke:mah, ke..., mahyá: motewiah ya ika n' iwitsti wa:n cho:kil. ke:mah, *porque** telahwayoh. Ke:mah. Wa:n yo:n kihtowah no: komo teihsá: ihkó:n teihsá: okuiltsí:n te:tipi:nia, mah no: se: kohsa yehwa yo:n wa:n te:na:miki. Ke:mah, nejo:n, pos iwki, iwki kit neh neli niki:xmattok *que**... żNe:n icho:kilo yehwa i:n, yehwa i:n tehtsonkilit icho:kilo? A:, no: kuali, no:... A:, pos neli onkak, onkak de mia..., ke:mah onkak de miak taman pahti mah se: mota:lili. N' icho:kilo. ke:mah, no: kuali. Wa:n iwki a no: ne:n kekexikilit, no: *igual** te:pahtih. Ke:mah. Ke:mah, pos pané: yehwa sah neh ihkó:n tein, tein tine:chtapowih kit, a:mo teh *más** nik..., wa:n a:mo nikmati ox onkak miak taman, pané: i:pa no: sentaman s... Ke:mah, pos yehwa sah. Pané: i:pa sentaman sah n' onkak. Ke:mah *porque** niki:ita neli i:pa sentaman sah wa:n neli *de que** wa:ki ata nikilia neh, ta: yo:n *cuando** wa:ki a no: nejo:n I:pa sentaman sah. no: mochi:wa ya mahyá: yo:n, se: i..., se: mokaya:was yo:n ipanko mahyá: yo:n eskowit mochi:wa ata n' ipanko. Ke:mah, pero de wa:kik a. Ke:mah, ye:kte:kokoh. Ke:mah, iwki *mero, pero** komo se: kima:tokak neli n' te:..., se: ima:ko kahkalaki, pero se: kimattok *que** tehtsonkilit pos se: kipaxi:xihxi:ma ika *machete** n' ka:mpa se: kki:tski:s wa:n para se:, se: kitehteki a kowtati:l. Ke:mah. Ke:mah wa:n..., wehwetsi no: n' ix..., n' iwitsyotsi:n de wa:kik a. ke:mah, wehwetsi, kihki:tsa. Pos yehwa sah i:n no: n'nekik nikmatis wa:n miak tasohka:matik. Ke:mah, *de que** wa:kik a ki:sa ya no:. Ke:mah. Neh niwa:le:w ne: San Miguel Tzinacapan, nimono:tsa niCelina González Nazario. A:mo teihsá:, yehwa ya n' tein ika timonohno:tskeh. Neh nimono:tsa niMaría Salazar Osollo, niwi:tsa de San Miguel. Yehwa sah.