Ekintsi:n xte:chnohno:tsa yo:n, de yo:n kowit yo:n, a:mo n'mati ox no: mochi:wa nika:wí:n, tehwa:n tikitatoh ne: tanikua:kopa, kito:ka:ytiah kit kopalkowit, ke:niwki ne:n ikowyo, ixiwyo, ixo:chio, ita:kka. Pos nejo:n kopalkowit onkak nikahkuí:n, i:n Tate:mpan, *sólo** tahtate:mpan, no: onkak kopalkowit, yo:n tepe:te:n, ka:mpa yo:n, tona:ntsi:n, *virgencita** etok ahkotsi:n etok, onkak kopalkowit. *porque** paxi:i:ni n' ohti se: kita n' iteyo, *cuando, cuando** pawetsi a, achi:chika se: kita yo:n, paxi:i:ni. Wa:n nejo:n yo:n kopalkowit kilwiah *porque** icho:kilo ahwiya:k ke:meh kopal. E:mah, wa:n sasaltik, ke:meh kopal, ke:meh kopal, a:mo kanah kipolowa n' kopal, iwki n' ahwiya:k *por eso** ito:ka:y kita:lilihkeh kopalkowit. Yo:n a:mo semi wehwei mochi:wa, semi tohtoma:wak ke:meh, ihkui:kuí:n sah mochi:wa tohtoma:wak, a:mo semi wehwei mochi:wa n' kowit. Yo:n tepe:t, tepe:kowit ke:meh yo:n mahtsolkowit mochi:wa itech tepe:t. Tepe:tah sah mochi:wa, a:mo mochi:wa itech ta:l, ke:mah ta:l pero itech tepe:t mochi:wa yo:n, a:mo mochi:wa itech *cualquier**, ta:lpan ihkó:n, ka:sá: ika a:taw oso kahfe:ntah a:mo mochi:wa yo:n. Ka:mpa tepe:yoh mochi:wa. Ke:meh yo:n mahtosolkowit mochi:wa itech t..., itech tepe:t no:. A:mo mochi:wa itech, itech ta:l sah, itech tepe:t *importa** mochi:was *mar...**, yo:n *marsolkowit**, e..., wa:n yehwa ne:n kopalkowit, yo:n i..., sem..., iwa:n mochi:wa *como que**. E:mah, nejo:n ka:mpa mochi:wa yo:n kopalkowit onkak *marsolkowit** no:. E:mah wa:n yo:n ima:y nejo:n ma:we:weyak wa:n pané: makui:l ima:y kipia ne:n, ne:n ima:y ma:we:yak ke:meh kakate iwki ma:weyakaxtik wa:n se: ima:xiwyo se: kikoto:na ahwiya:k ke:meh kopal. E:mah, wa:n nejo:n iteyo chi:chi:ltik n' ipanko, chi:chi:ltik n' ipane:wayo *como que**. Ixo:chio a:mo ke:man nikita pero n' iteyo nikita ne: weh..., ohololtik wa:n ne: tepitsi:n noh..., pihpitsa:wak *que** nexkihitet tel..., teltohtomaktik ne: tepitsi:n pitsa:wak nexkihitet. pero chi:chiltik wa:n eh..., de, de tapa:ni a iihtik ista:k wa:n it..., iteyo, *mero** iteyo ti:ltik. Istak mahyá: inakayo n' taihtik. Pero m' paniá:n n..., ne:n kowtet chi:chi:ltik. Yehwa yo:n niki:xmattok n' kopalkowit. Wa:n yo:n ikowyo xa: kualtia para kalkowit oso ke:meh yo:n kowtati:l. Para kowtati:l kualtia, pero para kalkowit a:mo kualtia *porque** tohtokotstik. Ke:meh tekowit, tohtokotstik, a:mo..., wa:n chihchihkoltik mochi:wa, mahmaxaleh yo:n, mo..., momaxalowa, a:mo kualtia para kalkowit. Kualtia para kowtati:l, semi kuali tata *porque** takua:wak kowit, ke:meh tepe:tah mochi:wa takua:wak. E:mah. ¿Wa:n yehwa ne:n ixo:chio, a:mo teh se: kikui? Ka..., kanah, ko..., n' a:mo niki:xmati n' ixo:chio, nikitani n' iteyo. Iteyo nikitani, pawetsi ta:lpan wa:n se: kita chi:chi:ltik n' iteyo, pero nejo:n, ixo:chio a:mo nikita ke:man. Ma:..., ma:..., ma:s poso:ni pero a:mo t'chi:wah *cuenta**, e:mah, pero nikitani n' iteyo, ke:meh pawetsi a pos se: kita ya n' iteyo wa:n ki..., e:yi n' iteyo, *como que** mochi:wa e:yi yo:n iteyo mochi:wa ohololtik sah wa:n e:yi ki:sati ke:meh kowach yo:n noktakowach iteyo. De ki..., ki:sa n..., i:n ke:meh nexkihie:wat ki:sa, e:yi ki:sa wa:n ke:mah nejo:n de t..., te:ntok ta:lpan, *como que** pihpitsakweyak tepitsi:n. A:mo semi ohololtik, sanoke ii:xtapalweyak tepitsi:n. Yehwa yo:n nikitani wa:n i..., ie:wayo de n' iteyo no: iwki ahwiya:k ke:meh kopal no:. E:mah, pero n' ixo:chio a:mo niki:xmati ke:niwki, a:mo ke:man nikita. Ma:s nikitani pero ta:lpan wetstok se: kipanawia wa:n pos ahko mochi:wa xo:chit wa:n ka: t'chi:wah *cuenta** tehwa:n de a:mo tik..., ka:n..., tikihtowah ka:n, ka:n *importa** a:mo t'chi:wah *cuenta** xo:chit ke:niwki. E:mah, pero niki:xmattok yo:n mochi:wa tepe:tah wa:n onkak nika:n Tate:mpan, xola:l tate:mpan no: onkak yo:n kopalkowit. E:mah. ¿Wa:n kachi ahkua:kopa ka:n mochi:wa? Onkak nika:n Koyo:xo:chiko no: onkak. Koyo:xo:chiko no: onkak itech n' tepe:t. Onkak no:, pero itech tepe:tah mochi:wa, a:mo mochi:wa ta:lpan ihkó:n, kahfe:ntah a:mo mochi:wa. A:mo ke:man se: kita, ninemi no:ya:n kowtah ihkó:n kahfe:ntah *o** kowtah, ta:lpan a:mo mochi:wa, mochi:wa itech tepe:t. Mah tikihto:ka:n pos i:n, i:n *este** tanikua:kopa ke:meh nika:n Teko:ntitampa, ¿no: mochi:wa? No: mochi:wa i:n ka:mpa n' *arco** ihkuí:n. Yo:n kiliah Teko:ntitan kiliah *arco**, ihkuí:n nochi mochi:wa ne:n, ne:n kopalkowit. Ka:mpa yo:n kita:lihtokeh se:, se: *ta:tanquetsi:n** de n' a:t yahtok ne: a:t ka:ni ox Atmolo:n, ihkuí:n tepe:te:n nochi yehwa. Nochi yehwa ne:n, niman se: kita *porque** kipia ma:kui:l ima:y, ne: xiwit ma:we:weyak, mahyá: kakate n' ima:y, pero we:weyakaxtik. Wa:n ikowyo *medio** ti:ltik tepitsi:n ke:meh kakate. E:mah, soh n' kakate pantsa:tsaya:ni n' *cuando** chika:wak a, ne: a:mo, ne:, ne: iwki sah, pana:..., a:mo, paxaxakachtik *pero medio** ti:ltik n' ikowyo n' kopalkowit. E:mah, nochi onkak, itech tepe:t nochi onkak nika:n, Chiko:meehkawa:s tepe:t nochi onkak, ne: a:na:l tepe:t ne: Xo:no:tahtepe:t no: onkak yo:n kopalkowit. Wa:n kachi tani ke:meh i:n, mah tkihto:ka:n i:n A:te:noh ata no: nompa yo:n a:t panowa no:, no: tepe:tah no:, ¿no: onkak? No: onkak n' ompa, no: onkak, ta: mochi:wa, itech tepe:t, nochi itech, sen tepe:t nochi onkak. Nochi onkak yo:n, e:mah, nochi onkak. Pos nika:n Xa:ltipankopa xa: no: mochi:wa. No: onka:s, itech tepe:t no: onkas no:, onkas. E:mah, pero soh a:mo se: yowi pos a:mo se: kimati, pero itech tepe:t mochi:wa. Ke:meh yo:n tepe:chi:lkowit mochi:wa ka:mpa *lohloma**, no:ya:n a:mo mochi:wa. Ke:meh ne: tani yo:n Xa:l..., Xa:ltepe:t talwiah no: mochi:wa yo:ni, ka:mpa xa:l..., *xa:lloma** mochi:wa ne:n, tep..., yo:n tepe:chi:l wa:n ne: tani Xa:losto:k no: onkak tepe:chi:lkowit. Wa:n nika:n *loma** ka:mpa *notiowa:n** onkak tepe:chi:lkowit, pero a:mo no:ya:n onkak yo:n tepe:chi:lkowit. A:mo no:ya:n onkak, etok sah n' ka:mpa mochi:wa, ka:mpa *lohlomatipan** sah n' kwelita. Wa:n yehwa ya ne: i:n tikelna:miktokeh kopalkowit it..., iteyo, tikihtowa o..., tak ihwa:k oksi yo:n chi:chi:le:wi, ka:n teh kikuah *este** okuilimeh oso xa: we:lik. A:mo teh kikuah, ompa pawetsi yo:n, a:mo, a:mo, a:mo kikuah tei *porque**, se: kita ompa wetstok ne:n iteyo tapa:ni ompa wetstok n' iteyo. Wa:n komo kkua:skiah a:mo se: kitaskia, kkua:skia teihsá: chiktehtsi:n. E:mah. Wa:n komo kkua:skia yo:n chechelo:tsí:n no: ki..., ne:siskia *que** kiteteits n' ie:wayo, yo:n a:mo kitehteki *porque** ki..., kitsohya:kmati porin pané: kopalahwiya:k. E:mah, yehwa yo:n a:mo kikuah. Wa:n yo:n, yo:n tak *este**, teh tikilia kopalahwiya:k, ¿yeh ika iwki mono:tsa? Ta: yeh ka iwki kito:ka:ytiah porin ahwiya:k ke:meh kopal n' icho:kilo. Yeh ka iwki kito:ka:ytiah ika kopalkowit. *Bueno** pos pané: nochi ne: i:n kowit tite:chnohno:ts, ne:n kopalkowit, sayoh moto:ka:y wa:n moxola:l. Pos neh nimono:tsa niErnesto Vázquez. Noxola:l, niwa:le:w San Miguel Tzinacapan.