Tikihtowa *que** i:n, ne: *padre nuestro** wa:n *ave maría** no: yehwa n' tiktatekiwtia ke:man Yehwa *mismo**, yehwa *mismo** tekiti para n..., te:notsalis wa:n para totato:k. Yeha yo:n, mah se: tahtani *que** ne: ompa se: tate:ne:wa ka:nika, ke:ní:w motano:tsa *lugar** ka:mpa titekiti, ka:mpa momi:lah, ta: wehka, ta: *cerca, pero** ke:ní:w motato:ka:ytia. Entó:s ompa n' titato:ka:ytia yo:n ka:nika momi:lah, entó:s ompa yo:n se: kihtowa ya *que**, *que** mah a:mo ne:nkah ne:, mah a:mo ne:nkah t'tamo:tkeh n' tosiowi:lis, *totrabajo**, tone:to:n, ta:ká:n topilwa:n, *[co]mo que igual**, mah a:mo nenkah ompa moma:kowkowte:witoyah, mah a:mo ne:nkah mosiowtihkeh, mah a:mo ne:nkah kitamo:tkeh n' insiowi:lis, a:xka:n *dios** po:pá:n, nikneki, mah nochi motateyo:ti, mah nochi mota:kayo:ti, mah nochi ne:ntamati noxo:chimi:ltsi:n, noxo:chitato:ktsi:n, ka:nachi *mata** onkak, ka:nachi *mata** tai:xpa:ktihtok, ka:nachi *mata** a:mo, ka:nachi *mata** e:witiihkak, pero sepa ntachiati:w nochi tateyohtos *o** nochi ta:kaetos wa:n nochi ne:ntamatis, kualtsi:n taxo:chiposo:ntos, taxo:chiahwiya:xtos, tatsope:likahwiya:xto, tatsope:likahwiya:xtos, sa takua:moyo:ntos, sa takua:kuetaxe:wtos, nochi sa oho:me, sa ehe:yi moki:xti:s tateyotsi:n. A:mo sayoh sakat e:witihkas wa:n a:mo sayoh senka tai:xpa:ktihtos, ka:nachi *mata** onkak, ka:nachi *mata** tai:xpa:ktihtok, pero tateyohtos wa:n nochi ta:kayohtos, ma:ski ne:wí:n kakistitiwi:tseh *rayos**, kakistitiwi:tseh n' kiowteyo:meh ahwachmoya:wanih, pero a:mo no noxo:chimo:ltsi:n ika moohtihtiki:sah wa:n a:mo noxo:chimi:ltsi:n ika motelohtiki:sah, ka:nachi *mata** onkak, ka:nachi *mata** motai:xpa:ktihtok, pero nochi ne:ntamatis, nochi mota:kayo:ti:s, nochi motateyo:ti:s. Ihko:ni yo:ni, *como que casi** yeha sah yo:n. Pero yeh no: *igual**, no:, yeha sah yo:n o:me tekiti wa:n yo:n no:, no: na:wi *viaje**, no: na:wi *viaje**, pos neh nikita *que** kichi:wa, *porque** ne: ka:mpa neh ne:chilihkah no:, yeh yo:n no:pá:n itahto:l katka ok *todavía**, pero kihtowa *que** *bueno** ne: yeh ne:chilihka *importa** mah nio:w ne: ka:mpa se: imi:lah, tatahko xmota:li:ti wa:n xmota:tawti. Pero tak nitatsiw neh, wa:n nik..., nochi n'yehyeko:sneki *a ver** ox ki:sa, ox a:mo ki:sa, entó:s *mejor** nikchi:wa kalihtik wa:n *igual**, wa:n komo tikohpawi a:mo kamana:l, ye:k tein neli, sa oho:me mochi:wa pero, *cuando** ttakelpacho:s *hasta** te:ma:ta:ni ihkó:n mooh..., mowihwita:tsowa, ihkó:n ne: wehwetsiti. Wa:n nikita kichi:wa ya ika sepatsi:n xikchi:wili, entó:s *este mejor** iwki sah, yeha sah yo:ni. Wa:n a:mo, a:mo n'pia *tiempo para más** wa:n ne:chilwihkah *hasta** na:wi *viaje** no: mah nio:w, pero nikita *que** kichi:wa ya, mah ika sepatsi:n pos *mejor** iwki a. Ihkó:n. Wa:n yo:n, yo:n tikchi:wa ke:man titato:kati oso ke:man i:pa mi:lah ya. A:mo, a:mo ke:man yo:n, ke:man yo:n *este** ki:sati mia:wat a. Ihkua:k a yo:ni, tikita *que** motayo:lketsa pos xiow a. *Por eso** nochi tein xo:chiowas, nochi, nochi motateyo:ti:s, nochi mota:kayo:ti:s wa:n nochi ne:ntamatis wa:n nochi ne:chpale:wi:s. A:mo sayoh seki, a:mo sayoh sakat e:witiihkas, a:mo sayoh sakat tai:xpa:ktihtos. Pos ke:man titai:xmewa para titato:ka:s a:mo te t'chi:wa. A:mo, a:mo, nehwa a:mo te n'chi:wa, yo:n a:mo te n'chi:wa. Seki nikita tato:katih ne: xo:tatok *cerita o a ver** ke:ní:w se: tachia, pero ke:meh a:mo notekiw neh, ke:ní:w n' kichi:wah ne: pos soh nitachia sah. Pero neh a:mo nikchi:wa yo:n, kihtowah no: kichi:wah, no: ki..., no: kichi:wah, *porque** n' kimichimeh a. Sepa se: kita:tawtia n' ta:ltikpaktsí:n ika mah a:mo sayoh kimichin nikmoya:wili:ti n' *tosemillatsi:n**, totao:ltsi:n, pero neh a:mo nikchi:wa, para ton name:chkaya:wa:s, a:mo nikchi:wa yo:n. Neh nik..., nikchi:wa *cuando que** yo:n poso:niti a, ki:sa ya n' mia:wat, ihkua:k yo:n. Pero a:mo nikchi:wa ke:meh kihtowah, ne:chilihka *que** na:wi *viaje** mah nikchi:wa, a:mo. Sayoh sepa wa:n nimo..., nimo..., komo niwelik nikchi:wa ohpa, pero kichi:wa no:, se: kita ika toi:xtololo ika kichi:wa ika. Kachi *más**, kachi *más**, kachi *más** kite:maka *dios** komohkó:n ohpa tikchi:wa. Pero ihkó:n, ihkó:n neh nimoi:xpano:ltihtok, *por eso deveras cada quien** to..., topano:lis, to..., toneta:tawti:lis wa:n tein tikmatih. Wa:n tein a:mo kimatih, a:xka:n mopatatok n' *religión**, a:mo *importa** kihtowah, *importa** xta:li n' *abono** wa:n titakua:s a. Iwki, iwki. Yehwa yo:n, *pero ni modo** tik..., ka:n wel *timoparejaro:skeh, cada quien** totanemili:l, Wa:n ke:man tikteki a motato:k. *Igual** a:mo teh n'chi:wilia. A:ah. *Pero igual** a, nochi ihkua:k a se: tahtani, *cuando que** s..., *cuando que** ne: mah motateyo:ti nochi, ihkua:k a nochi titahtani. Mah *rendiro**, mah, mah moxina:cho, mah *mosemillaro**. mah a:mo ne:chyo:lita, mah a:mo ne:chtsompolita, mah a:mo ne:chkuehsiwita, ihkó:n. *Porque** pos yeh kimati n' *dios** ta:ká:n tipanowah tepitsi:n a:mo se: kimati, ox a:mo te:chwelitilia, pero se: motapohpolwia iwa:n ya. Wa:n tikihtowa ne: ke:..., ke:man taxo:..., ke:man taposo:ntok oso tamia:watitok, ke:mah tame:..., a..., pe:was, apenas** pe:wa tamia:wati, ne:... ¿tikchi:wa to:naya:n, nepantah? To:naya:n, ke:meh yeski, ke:man tiweli, ke:man tie:mantik. Weli, weli nochi. Wa:n tikihtowa *bueno** tikihtowa *que** mokui yehwa i:n *padre nuestro** wa:n *ave maría** wa:n ¿kati:yeh totahtsi:n tikma:ktilia? *Ajá**, yeha yo:n. *Este, por igual** no: ke:meh n' te:no:tsalis, *igual** no:, ne:, *primero** ne:n, yeha ne:n, *Señor Jesucristo, Santo Entierro** A:te:mpntsi:nko, yeha ne:, wa:n ne: sayoh n' o:me:n, *este, señor San Martín Caballero**, *Por eso** ke:meh ntachi:xtinemi neh tio:pan, sayoh ntachia sah pero ta:, n' ke:meh i:n *San Miguelito**, mela:k kita:liliah no: sintsí:n, pero yo:n a:mo sayoh kita:liah, no: yetos ke:ní:w ki..., ika kita:li:tih, *Santiaguito, igual**. ka:mpa yeski tikalakis pa:né: wehwei, wehwei *señores**, kita:liliah n' sintsí:n. Yo:n eski no: yeha kitekiti:ltia, *por eso** kita:lili:ti. Pero ka:n wel nikintahtania, ka:n n'mati, soh ntachia sah. *Cada quien** n' to..., *igual** no: ke:meh te:no:tsalis, *igual n' santitos**, no: iwki, teh t'mati katí:n tiktsahtsili:s, ka:tí:n tikno:tsas. Pero neh i:n no: ne:chilwihka, no: ne:chiliwihkah wa:n nikita *que** kichi:wa, ika yeha sah yo:n, a:mo moneki *más**, o:me:n. Ne:chili sepa yankuika: moto:ka:y wa:n ka:ni n' tiwa:le:wa. *Este**, Pedro Martín Xala García wa:n nehwa de Zacatipan.