Xite:chtapowi ekintsi:n ne: yo:n xiwit ne:, kanah ika kaltsi:ntan kito:kah yo:n ahtsomia:s, ¿ox *importa** mah se: kito:ka *o** no: mochi:wa sah? *Ajá**, ke:mah yo:n a:mo mochi:wa sah, yo:n, kito:ka n' a:kin tanehneki, wa:n kipia ne:n kinehneki pos ne:n yo:n xiwit kito:kah ikowyo. Pero, pero a:mo mochi:wa sah no:yan, soh ka:..., ka:mpa kito:kah ompa mochi:wa. Wa:n yo:n xi..., yo:n xiwit ne: ait ma..., ma:pisi:ltik wa:n achi ma:we:weyak wa:n a:mo semi wehkapania, semi wehkapania se: *metro** wa:n tahko, ompa sah, *más** a:mo mochi:wa wehweyi. Nejo:n, no: kikuih pahti para yo:n ke:meh yo:n seki mokokowah, ne:, kinkui ahwayowalis mahyá:, ika maltia:yah n' tokniwa:n nikinkakilia. E:mah, pero nejo:n yo:n a:mo mochi:wa sah n' ahtsomia:s kiliah, yo:n s..., se: kito:ka. Kasá: ika nika:n xola:lpah ki, kipiah, pero neli kito:kah, a:mo mochi:wa sah, komo mochi:waskia, nochi mochi:waskia n' tokalte:noh tehwa:n. De a:mo t'to:kah a:mo mochi:wa, pero yo:n kito:kah sah a..., ka:mpa kito:kah mochi:wa yo:n xiwit. Ke:mah. ¿Wa:n ixiwyo ke:niwki, ox xa: ahwiya:k, xa:...? Pané: ka, ka:n ahwiyak, soh nejo:n ma:pitsakweyak tepitsi:n, ma:pisi:ltik wa:n ma:ahalaxtik, ma:alaxtik, pero a:mo ahwi..., a:mo ahwiya:k. ¿Xa: ke:man tikita ox xo:chiowa, teyowa? Ixo:chio, ke:mah, nikita, pero a:mo n'mati katí:n *tiempo**. Pero n' ixo:chio ne:..., no: iwki mo, moolo:chchi:wa, no: mahyá: yo:n ke:meh yo:n, tik..., tikelnamikkeh, ke:meh *kaba:yohkuitaxiwit**, iwki no: mota:lia ikehkechta ne:n xo:chit, mota:lia wa:n ika taolo:ch. Wa:n kostik n' ixo:chio, kostik, pisi:ltik, a:mo semi wehweyi xo:chitsí:n. E:mah. ¿Wa:n, a:mo tmati xa: teyowa? Tak teyowa eski, pero de xo:chiowa, teyowa eski no:. Teyowa, pero a:mo, a:mo ke:man nikixmati n' iteyo ke:niwki, nikitani xo:chit, pero a:mo nikitani n' iteyo ke:niwki. E:mah. ¿I:pa soh se: kokolis ne:n kipahtia? Pos pané: n'mati ke:mah, yehwa sah yo:n, *o** xa: onkas okseki taman kokolis kipahtia, pero de a:mo se: kimati, a:mo ika se:... se: kitsi:ntoka, pero, nikmattok neh ka..., ke:meh yo:n kikui ahwayowalis se: tokni:w wa:n maltia ika wa:n kitamati:lia. Kimolo:ntiah yehwa ika ma:ltiah. ¿Wa:n yo:n kimolo:ntiah iselti sah xiwit *o** xa: teisá: xiwit ok kima:nelowah? Pos e..., pos, seki kitanelo:tiah, e..., miak taman xiwit ki... ki..., kinelowah para iwan mosempale:wia ya. Pero n'mattok te:wa:n ahts, ahtsomia:s no: ki..., kimanah iwa:n. E:mah. ¿Wa:n, a:mo t'mati katí:n xiwit n' okseki kima:nelowah iwa:n? N..., ka:n n'mati, pero ne, nejo:n iwki nikakini, ihkó:n seki:n ni[kin]kakilia *que**, *que** pahti para ke:meh yo:n ahwayowalis wa:n ika ma:ltiah, *pe..., pero** kinelowah iwa:n okseki taman xiwit. Ke:mah. Pos komohkón nochia: i:n ahtsomia:s sayoh moto:kay wa:n moxola:l. Pos neh nimono:tsa ni Ernesto Vázquez, ne:n noxola:l San Miguel Tzinacapan.