Ekintsi:n xte:chtapowi de yo:n kowit m..., mono:tsa tamalkowit ox no: tiki:xmattok, ke:niwki n' ixiwyo, ixo:chio, ka:ni mochi:wa, ox no: teyowa. Ke:mah, yo:n tamalkowit niki:xmattok neh, nejo:n mochi:wa nikahkuí:n A:tekohkomolkopa, ne: Lo:mah, *o** nika:n Osto:ka:pampa mochi:wa n' tamalkowit. Yo:n mochi:wa ne: nochi take:span ka:sá: ika itech tet *o** kowke:span mochi:wa n' tamalkowit. Ke:meh yo:n na:ntsi:nkowit, a:mo yo:li itech ta:l. Kwelita mo..., e:was teke:span oso kowke:span. Ke:masá: pala:ni a n' kowit wetsi moka:wa yehwa ya ne:n tamalkowit, ise:lti a. Pero yeh e:wa itech kowke:span. Wa:n ikowyo ne:, ikowyo ahalaxtik sah wa:n tohtomaktik mochi:wa no: ke:meh chakay, tohtoma:wak wa:n alaxtik n' ikowyo, ista:k. Wa:n i..., ima:xiwyo, yehyewaltik, ihkui:kuí:n yehyewaltik. mahyá: tilameh wa:n ye:kma:tihtila:wak wa:n alaxtik n' i..., ima:y. Yehwa n' kiliah ne: tamal..., tamalkowit. E:mah, pero a:mo ke:man nikita xo:chiowa, nio:n ta:kilo:t a:mo ke:man nikita, nikita xiwit sah wa:n yehwa sah yo:n. Pero n' i..., ikowyo ne: ahalaxtik ke:meh, ke:meh i:n chakaykowit. Ista:k pero n' ikowyo, n' chakaykowit xoxoktik *o** chi:chi:ltik. Tein, xoxoktik n' ikowyo tein *mero** ikowyo, *cuando** xoxowik wa:n *cuan...**, yo:n chakay *cuan...**, wa:n *cuando** chika:waya mopata ya, chi:chi:le:wi a n' ie:wayo para ki:sa ya, yo:n chi:chi:..., n' chakaykowit. Pero n' ikowyo xoxoktik, soh chi:chi:le:wi n' i..., ipi:che:wayo de ki:sa chika:waya chi:chi:le:wi a. Pero xoxoktik n' ikowyo. Wa:n *igual** i:n tamalkowit yeh ikowyo ista:k. Yo:n a:mo ke:sehehke:wi, ista:k n' ikowyo, wa:n ma:yewaltik wa:n a:mo teh kualtia para, para kowtati:l a:mo kualtia wa:n niu:n para kalkowit, a:mo teh kualtia. Pero a:mo ke:man nikita ke:ní:w n' teyowa, niki:xmattok sah, de ima:xiwyo ma:yehyewaltik. Yo:n semi mochi:wa nika:n Atpoliwikopa, itech n' kohkowke:span se: kita n' tamalkowit kiliah. Onkak semi n' ompa semi yo:n tamalkowit, kowke:span mochi:wa. E:mah, yehwa yo:n. Wa:n tikihtowa mochi:wa kowke:span, ¿n' kowit tein itech *este** mochi:wa kwa:tsa?, ke:meh yo:n a:makowit ata yeh kwa:tsa ne:n... *Este** yeh kwa:tsa de kitami, kitami chichi:na tak ne:n i..., icho:kilo ya ne:n kowit ika moskaltia, wa:ki seki n' kowit wa:n seki, pos i:n tamalkowit a:mo nikita ox wa:ki *porque** yeh a:mo, a:mo semi we:i mochi:wa. Nohne:lmeh mochi:wa yo:n tamalkowit. E:mah, itech istawa:t mochi:wa oso teihsá: chalawih, *Pero siempre** kowke:span mochi:wa, a:mo ke:man se: kita ixwak ta:lpan. A:mo, soh yo:n nochipa kowke:span mochi:wa *o** teke:span. Yehwa yo:n nikitani neh n' tamalkowit. E:mah, pero a:mo ke:man nikita ke:ní:w n' ta:ki *o** ke:ní:w xo:chiowa, a:mo n'mati ke:ní:w. Wa:n yo:n kito:ka:ytiah tamalkowit, ¿a:mo tikmati ke:yeh? A:it ke:yeh, pero tehwa:n i:pa ti..., tikakih tamalkowit pero t..., A:mo, a:mo kualtia para tamal n' ima:xiwyo, sanoke i:pa ihki sah kito:ka:ytiah, n' ta:tahmeh kito:ka:ytihkeh, te:chtapowiah tamalkowit *porque** mayewaltik, yehwa sah yo:n ika. Ma:tihtila:wak wa:n ma:yewaltik yo:n tamalkowit. Yehwa sah yo:n. *Bueno** pos komohkó:n nochi a, sayoh moto:ka:y wa:n moxola:l. Pos neh nimono:tsa niErnesto Vázquez wa:n noxola:l San Miguel Tzinacapan.