*Bueno** pos ekintsi:n xte:chtapowi ke:ní:w ne:n se: kichihchi:wa ne:n pilwahkal, teh ne:, tiweli. Pilwakal se: kichihchi:wa komo para pili pos *de trenza** se: kichi:wa, de, de we:i, *sesenta de** weyak. Wa:n de pata:wak pos tepitsi:n no: *tamaño de** ke:meh pankalakis m' pili *porque** pos semi telihtiwehkatan a:mo no: kualtia oso semi teli:xpe:chtik a:mo no: kualtia. E:mah. Wa:n ne:n, ¿ke:ní:w ne:n se: kipe:waltihte:wa, toni n' achto moneki? Pos komekat, se: kkelapachowa wa:n ompa pos se: kita:lilia ya n' *clavitos** kiso wa:n de ompa, pos de wa:ki a se: ki..., se: kipe:waltia ya ika n' xo:no:t, se: kichihchi:wa ya. E:mah. ¿Ka:nachi taman komekat kualtia ne:n se: kikui yehwa yo:n wahkal? Onkak miak taman komekat. Onkak ista:kpoposokani wa:n chi:chi:ltik poposokani wa:n tata:wikmekat. yeh cho:kiloh, se:, yeh se: kixihxi:ma, yeh a:mo pihpixki sah. Ta yeh nehyo:n se: ki..., se: kki:xtilia ika n' *cuchillo** se: kwawa:na, kualtsi:n pohpochiktik n' komekat. ¿Wa:n sa:te:pan tikihtowa komo ihwa:k wa:ki a ne:n komekat, se: ki..., se: kipe:waltia ya, ke:ní:w se: kipe:waltihte:wa? *Ajá**. S..., se: kipe:waltihte:wa ika n' xo:no:t a, se: ki:xchi:wa ke:ní:w se: kinekis, komo se: kinekis *de botón cruzado** sah, pos *cruzado** wa:n komo a:mo *trenzado** wa:n *botón cruzado iwa:n. ¿Wa:n sempa..., sepa tikualtilia ne:, tiwehka:wa? Wahkal *ocho días** nikchi:wa. *porque trenzado** n'chi:wa, *parejo** n' inakastan, *hojas** nikchi:wa nochi, Achto tikchi:wa n' *hojas**. wa:n de ompa niktsi:nilpia ya wa:n niknakastantsakua ya. N'ta:lia se: kowtsí:n para ke:meh tapo:tos de para m' pili se: kipante:kas. Wa:n ompa pos niknakastantsakua ya. Kualtia pos nikta:lilia n..., se: *hilito** ite:noh de n' wahkal para se: kite:nilpia wa:n mekapal pos komo se: kichihchi:wa wa:n komo se: kkowa pos se: kkowa ya, pero, pos kipia de kwi:kas mekapal no:. Wa:n komohkó:n tik..., ¿tiweli n' tikchihchi:wa mekapal? ¿Tiweli tikchihchi:wa mekapal? Ke:mah, pero kana:wak a:mo niweli n' tein tila:wak kichi:wah. *porque** seki kichi:wah kualtsi:n mekapal, tila:wak, *como que** n' kua:it se: kichi:wa. Wa:n neh n'chi:wa kana:wak, no: kualtia pero pos nejo:n a:mo *igual** de, para ne:n kua:ytsí:n se: kita:lilia. ¿Wa:n yehwa ne:n pilwa:hkal wehka:wa, ton *tiempo** kichi:wa para tak no: pala:ni? Ne:n, ¿de xo:no:t ne:n pilwahkal pos? Komo a:mo se: kka:wa mah kiaha:wi ika n' ixi:x m' pili, pos wehka:wa no:, pero komo a:mo a:mo wehka:wa, koyo:ni. Kachi wehka:wa *de plástico** se: kikui ne:n *hilo**, yeh wehka:wa. Yo:n moskaltia sake:ra o:me pili ika. ¿Wa:n xo:no:t a:mo ahsi n' o:me pili? Pos nimolia a:mo ahsis *porque** i:xkoto:ni. Koto:ni de wehka:wa ya yetok wa:n kiaha:wia m' pili, pos koto:ni. pero m' *plástico hilo** pos a:mo, yeh wehka:wa. Wa:n *este, bueno** a:man tikela:miktokeh wah..., wahkal no: kuali tte:chtapowi:s ke:ní:w ne:n sepa kualtia ya ne:n wahkal ke:ní:w se: kitatekiwtia. Pos se: ihtitapechtia ika..., ¿para pili se: kite:kas a? Pos se: kihtitapechtia *o** se: kita:lilia se: itsompaltsi:n para ompa se: kkua:te:ka ya wa:n se: kita:lilia n..., tilmahtsí:n para n' i..., ipi:kka ya m' pili. Wa:n se: kipankalakia wa:n se: kima:ma, se: kine:nemi:ltia. Wa:n, a:man ne:n tikihtowa xo:no:t ne: ke:man *este** kkuiah, a:man kkuitokeh *plástico** ya, ¿komohkó:n xo:no:t tiweli ne:n ti.., ti..., tikehke:wa wa:n nochi yo:n kichi:wah? A:mo niweli, welia nota:tahtsi:n kehke:waya. Pero tikmattok ke:ní:w n' kichi:wah. Pero... Ke:mah, n'mattok ke:ní:w, ta: kikowtsa:la:nkalakiah. wa:n tiko:nehke:wayah no: pero pos neli de a:mo, de a:mo nemi ok pos a:mo tikehke:wah ok, nik..., nikowa ya no: n' xo:no:t. A:mo nikehke:wa ok, nikowa ya. Komohkó:n kuali tte:chtapowi:s ke:ní:w se: kipe:waltihte:wa se: kehke:wa. Se: kehke:wa, ke:meh ne: kowtsí:n ihkatok wa:n se: kitsi:ntanewalowa wa:n se: ki..., se: kitsihtsi:ke:wtiw *por rajitas** n' xo:no:t se: kitila:na pos *hasta** ahko tapetskowa ya. Wa:n ke:mah se: kite:nteki se: kowtsí:n wa:n se: ki..., se: kitapa:na ika n' *machete**, wa:n ke:mah ompa se: kikowtsa:la:nkalakia ya, se: kitila:na, kualtsi:n ki:stiw a xo:no:t. Wa:n kuali se: ka:pachowa ma:ski kaltsi:ntan itech *plástico**. Se: ki..., ompa se: kipante:ma, ompa xokoya. Wa:n de xokoya pos se: kipa:ka ya wa:n ke:mah se: kwa:tsa ya wa:n *después** se: kikui a. ¿Ka:nachi to:nal ne:n xokoxtok? Se: *veinte días** xokoya ya. *o** de achi wehwei n' kowmeh wa:n komo kowkone:meh se: *quince días** se: kipa:ka ya, xokoya ya. ¿Wa:n yehwa yo:n xo:no:t, ke:ní:w se: kimatililia *que** xokoyak a? Ta: se: kimachilia n' a:ihtik, wahwapaktia, *como que, pos iwki a:mo ahalaktik ok. Pero mah a:mo se: kki:xti, komo se: kki:xtia kipi:tsa n' ehekat wa:n tihti:le:wi. A:ihtik sah se: kimachilia ox xokoyak a. Wa:n sa:te:pan tikihtowa se: kipa:ka, ¿wa:n ompa se: kikui a? Se: kipihpilowa, wahwa:ki a wa:n se: kikui a. Wa:n a:man i:n tite:chilia i:n nika:n, xo:no:..., xo:no:kowit se: kiehke:wilia ne:n ie:wayo wa:n yehwa ya se: kikui, ¿miak taman no: ne: xo:no:kowit *o** i:pa sentaman sah? O:me taman, onkak seki ista:k kualtsi:n ki:sa n' xo:no:t wa:n seki chihchi:chi:ltik xo:no:t ki:sa. Tein chihchi:chi:ltik xo:no:t i:pa, i:pa iwki ki:sa n..., xo:no:t chihchi:chi:ltik wa:n tein ista:k pochiktsitsí:n ki:sa no:. Pero nochi n' o:me taman ma:ski chi:chi:ltik kuali ika se: kichihchi:wa. Kualtia. *Ajá**, kualtia. A:mo ne:n, ¿wa:n ke:ní:w se: ki:xmati ne:n ompa ne: kowtah kati:ni n' chi:chi:ltik wa:n kati:ni ne:n ista:k? Tein chi:chi:ltik n' xo:no:t, chihchi:chi:ltik n' ixo:chiotsitsi:n. Wa:n tein yo:n ista:kxo:no:kowit is..., ihista:k n' xo:tsitsí:n. *Pues** pané: yehwa sah n' tein tite:chtapowih de ne:n wahkal a:mo n'mati ox tikpia ok teihsá: tein tikihto:s de yehwa i:n pilwahkal se: kichihchi:wa. Pos de, ta:taman, ta:taman nikchihchi:wa *porque** n'chihchi:wa m' *portafolios** nikchihchi:wa. Ne:chtahtania, ke:meh ne:chtahtanihtiwih pos iwki n'chihchi:wa wa:n yo:n *maceteros de** n..., *media luna** t'chi:wa[n'chi:wa]. E:mah, oso yo:n *macetero de redondo** n'chi:wa no:. Ke:mah, pos ke:meh ne:chtahtanihtiwih iwki n'chihchi:wtiw. *Bueno pues, este** sayoh ne:n moto:ka:y wa:n moxola:l. Pos neh nimono:tsa niDeonila Zorrilla Damián, wa:n ninemi San Miguel.