*Bueno, pues** ekintsi:n 'te:chnohno:tsa yo:n kapolin ata achi nohne:l moskaltia, nika:n i:n, a:mo n'mati ka:ni ne:n no: onkak, pero neh niki:ita mochi:wa nika:n i:n Texa:yakatitankopa, nochi ne:, Ta:lchi:chi:lkopa pané: mochi:wa seki ata achi mohmoloxtik. Ke:niwki ne:n ita:kka, ixo:chio, ikowyo wa:n ox no: se: kikui. Pos yo:n niki:xmattok, yo:n, yo:n xiwit sah n' tikilwiah, a:mo, yo:n a:mo kowit, xiwit sah mochi:wa, ta:lpantsi:n sah, mahyá:, semi wehkapan de, se: *vara de** wehkapan semi yo:n mochi:wa. Wa:n nejo:n neli, ikowyo chi:chi:ltik tepitsi:n i..., wa:n ye:ktah..., ye:ktahtakua:wak n' tako:t, wa:n ye:kmohmoloxtik, mohmoloxtik ne:n, ikowyo, wa:n nochi n' ima:y nochi ye:k..., im..., ima:tampa tein ikechselo ya, ma:ika:nchi:chi:ltik nochi n' ima:moloxyo, nochi, nochi ma:i:ka:nchi:chi:ltik. wa:n nochi n' ikechtayo nochi chi:chi:ltik wa:n ye:k..., ye:k..., ye:kmoloxtik, moloxtik. N' i..., yo:n xiwit sah wa:n no: ta:ki n' i..., n' iteyotsitsi:n no:, iteyo nejo:n xoxoktik, xoxoktik n' iteyo wa:n ne:n, wa:n tein chika:wak ya tihti:ltik no: n' iteyo, pero ye..., nochi *más** iteyo yo:n kuowtet, nochi moloxtik wa:n nochi itsi:nkaxyo yo:n tein, tein, tein tsi:nta..., itsi:nkaxyo ya, nochi moloxtsitsí:n, mahyá:, mahyá: ichkatik, ye:ix..., ye:kmoloxtik. I..., pero yo:n xiwit sah yo:n, kapolin tikitah pero a:mo n'mati ke:ní:w mono:tsa n' kapolin, pero xiwit sah, ma:mohmoloxtik. ¿Yo:n ita:kka tak no: we:lik komo oksi? Pos a:mo se: kimati, ka:n ke:man tikuah yo:n, a:mo se: kimati. E:mah, xa: kikuah chiktehtsitsi:n, pero a:it, pero ka:n, ka:n miak ta:ki no:, tepitsi:n sah mochi:wa. Yo:n xiwit sah neli, a:mo, a:mo, a:mo kowit, moskaltia xiwit sah. Ke:meh xo:no:ochpa:wa:s, iwki sah mochi:wa. Yo:n ka:ni ne:n mochi:wa, i:pa kowtah sah? Kuowtah, mochi:wa nika:n A:tekohkomol oho:hte:n se: kita wa:n nika:n Texa:yakatitan komo se: yahtok ne: tetampa nochi yehwa n' onkak *hasta** ne: ka:mpa, Ta:lkohkomo:ni n' talwiah, ne: ka:mpa Arrieta ita:lpa:n, yo:n se: mopani:xkuitakepati ne: Tu:sanko se: tachia, nochi yehwa n' ohohte:noh onkak ixta:wat. Nochi yehwa mochi:wa yo:n xiwit, onkak nochi yo:n ixta:wat, mochi:wa. Pero yo:n i:pa a:mo kipia ito:ka:y. Ka:nah, ka:n, ka:n t'matih ke:ní:w mono:tsa, pano:tiwi:ts, pané: teswat sah pero, iwki a no: ke:meh teswat pero, pero a:mo, a:mo n'mati ke:ní:w mono:tsa, nikita xiwit sah, *Bueno, pues este,** pané: nochi a de yo:n xiwit a:mo se: ki:xmati ne:n mahyá: kapolin, mahyá: nehe:n, mahyá: yo:n seki ixta:wat mochi:wa. Xte:chili moto:ka:y wa:n moxola:l. Pos neh nimono:tsa niErnesto Vázquez de, niwa:le:w San Miguel Tzinacapan.