Ekintsi:n ne: te:chnohno:tsa i:n ta:taman a:makowit tein nika:n, nika:wí:n onkak, tein teh ti:ki:xmati i:n ta:taman. Yekinika tikihtowa ne: mah tpe:waka:n ika yo:n kowit kiliah wi:tsi:la:mat, ke:niwki n' ikowyo, ixiwyo, ox no: xo:chiowa wa:n ita:kka. Pos wi:tsi:la:mat niki:xmattok. Wi:tsi:la:mat yeh n' ikowyo, ista:k n' i..., n' ikowyo, tein ma:s we:ikowit a, ista:k. Wa:n nejo:n i..., ima:y ma:pisi:ltik, tepitsi:n ma:we:weyak, yo:n kiliah wi:tsi:la:mat. Wa:n iteyo, xoxoktik n' *cuando** oksi, n' xoxoktik de, de k..., selik, wa:n sepa de oksi xoxoktik. Yehwa yo:n kiliah wi:tsi:la:mat, ma:pisi:ltik. ¿Ita:kka no: kikuah teihsá: okuilimeh? Tak *cua..., cuando** maya:nah wa:n a:mo teh toni kikua:skeh kikuah, pero a:mo kachi kitelkuah, a:mo, a:mo kachi kikuah yo:n. tak a:mo we:lik kachi *porque** a:mo ahwiya:k. Wa:n se: taman a:mat, no:, no: n..., a:mat... I:n a:mat etok na:wi taman pané:. *Como que** ika o:me taman tiowih, n' a:m..., n' a:mat oksé: n' tein kiliah n..., a:m..., yo:n ma:wehweia:mat, yo:n ma:ahalaxtik n' a:mat, wehkapania no:, wehwei mochi:wa n' a:mat yo:n, yo:n telwehwei mochi:wa. I:n wi:tsi:la:mat moskaltia no: pero a:mo telwehkapan. Wa:n yo:n seki a:mat tein ma:tihtila:wak, ma:ahalaxtik wa:n nochi n' ima:i:ka:n, ima:i:xko, nochi alax..., alaxtsí:n yo:n kuowit wa:n *más** tihtila:wak yo:n, yo:n *más** tihtila:wak yo:n a:makowit. Wa:n nejo:n yo:n semi wehkapania wa:n iteyo *cuando** selik, *cuando** selik ne: xoxoktik, wa:n *cuando** pe:wa chika:waya ya kostia ya, kostik, kostik wa:n *cuando** oksi a, chi:chi:le:wi a. Yehwa yo:n kie:kkuah n' okuilimeh, nochi, nochi n' taman okuilimeh kikuah, tein yeski okuilin. Nochi n' taman chiktehmeh nochi kikuah, ke:meh yo:n pe:sohmeh, kikuah yo:n kowtanchomeh, kikuah ne: a:kuetahmeh, kikuah kuitatohtokmeh, wa:n kikuah te:na:ka:lmeh, papa:meh nochi kie:kkuah yo:n, yo:n kowtet, semi kwe:liliah wa:n semi ahwiya:k ata. Komohkó:n oksitok se: panowa itampa, ye:k se: kihnekui ahwiya:k. Yo:n ahwiya:k ata yo:n kowtet. Wa:n i:n wi:tsi:la:mat nimitsilia, a:mo ke:man se: kihnekui n' ahwiya:k n' iteyo, yo:n a:mo ahwiya:k. Yo:n ika o:me taman. Wa:n ika e:yi taman ne:n a:mat, yo:n... *Bueno**, achto ne:, achto tipano:skeh ika n' okseki tamameh ne:n *este** tein onkak nika:n ne:n a:makowit, mah tima:tamika:n semi i:n wi:tsi:la:mat. ¿Wi:tsi:la:mat, *este** n' ikowyo wa:n ixiwyo no: cho:kiloh? Nochi cho:kiloh, nochi cho:kiloh yo:n a:makowit, n' ikowyo cho:kiloh, wa:n ixiwyo ne: ma:pisi:ltik, no: yehwa yo:n wi:tsi:la:mat, E:mah, wa:n ikowyo achi ista:k wi:tsi:la:mat n' ikowyo, ista:k. E:mah. ¿N' ikowyo toni n' kuali se: kikui? Pos ka:n tei, soh *como** kowtati:l no:, pero a:mo okachi wa:ki yo:n kowit, telcho:kiloh a:mo wa:ki, wehka:wa, wehka:wa para wa:ki. Para kowtati:l kualtia pero mah kuali wa:ki. Kichi:wa sake:ra o:me, e:yi xiwit wetstok ihkó:n, a:m..., a:mo wa:ki *porque** selia, ke:meh cho:kiloh. *Bueno**, i:n oksé: tiki:..., tiki:xmati tikihtowa i:n tein ma:pa:pata:wak, teh t'to:ka:ytia ma:pa:pata:waka:mat, ye:k..., yekin tte:chilihtoya ya ke:ní:n ne:n ton okuilomeh ne:n kikuah, a:man sayoh xte:chilwi ke:niwki ne:n ixiwyo wa:n ikowyo. Ke:mah. Ne: n' ikowyo neh nejo:n ke:meh achi *medio** mets..., mets..., i..., ikowyo mahyá:, mahyá: yo:n ke:meh yo:n ti:ltsapokowit n' ikowyo, tein chika:wak kowit a iwki ne:n ikowyo, Wa:n nejo:n wehwei mochi:wa yo:n a:makowit, telwehweia, tohtomaktik wa:n monalwayo:tia semi. Wa:n yo:n kikuih ke:masá:, key..., ke:meh tak ka:sá: kichi:wah, kola:l, kita:liliah ne: *alambre** kipih..., kisoh wa:n kikuih ika *tapostearowah** tikihtowah. Yehwa yo:n kualtia semi kuali porin selia yo:n wa:n ma:mehmela:wak mochi:wa, *cuando** itsmol, ye:kma:mehmela:wak ne:n komo kima:xi:nkeh. Wa:n no: n' i..., ixiwyo teh..., telcho:kiloh n' ixiwyo, yo:n telcho:kiloh yo:n, yo:n yo:n kuowit. Wa:n ika yo:n ne: kwelitah porin kito:kah para ika, ika *tacorraltiah porque** a:mo wa:ki, niman itsmoli:ni. Ke:meh chakay, no: iwki a yo:n, yo:n a:makowit, semi selia. Wa:n i:n, ika o:me taman a:ma..., a:makowit wa:n ika e:yi taman a:ma..., a:makowit, yo:n ma:mohmoloxa:mat, ke:meh i:n Pawa:pa:n ihkatok se:, yo:n Pa:wa:pankua:pan ata, yo:n katka *corral** tak wa:n seliak. Yo:n, yo:n ma:mohmoloxtik n' tikiliah, ma:mohmoloxa:mat, *porque** i..., ii:xko wa:n ima:tampa nochi yo:lmoloxtsitsí:n. Molo:xtsí:n yo:n ne:n ima:xiwyo, wa:n no: achi ma:wehwei yo:n, no:, no: ma:yehyewaltik. Pero achi kana:wak n' ima:xiwyo wa:n i:n seki a:mat tein i:n wehweia:mat, tein i:n ma:wehweia:mat, yeh tila:wak n' ima:xiwyo, wa:n yo:n seki a:mat, se: mamohmoloxa:mat yeh kana:wak n' ima:xiwyo. wa:n ma:mohmoloxtik. Wa:n no: n' iteyo xoxoktik de selik wa:n *hasta** xoxoktik ne:n chika:waya, oksi nochi xoxoktik. Wa:n no: kikuah tepitsi:n okuilimeh no: kikuah pero a:mo ahwiya:k no:, a:mo kikuah. A:ma i:n... *Bueno** a:mo, a:mo ahwiya:k, *porque** se: kihnekui ka:mpa pos *cuando** oksitok n' te:ntok a:mo se: kihnekui ox ahwiya:k, wa:n i:n seki tein chi:chi:ltik, yeh ye:kahwiya:k se: kihnekui. E:mah, ahwiya:k. Yehwa ne:n tein ye:kma:pa:pata:wak a:mat, n' i..., n' ima:xiwyo, ¿yeh a:mo mohmoloxtik, ahalaxtik? Yeh ka:nah, yeh ma:alaxtik wa:n tila:wak. Ima:tampa wa:n ima:i:ka:n, ma:alaxtsí:n nochi. E:mah. Yehwa yo:n. Wa:n, i:n yehwa n' tein i:n ma:pa:pata:wak teh tikihtowa ma:tihtila:wak wa:n i:xahlaxtik n' ixiwyo, ¿yehwa yo:n tepe:tah mochi:wa, i:ksá: tepehxike:span mopepechowa? Yehwa, yehwa yo:ni ne:n yo:n mochi:wa tepe:tah, yehwa yo:n tepe:tah mochi:wa. Ikowyo ye:wa tte:chilih ika kuali ne: kikuih ke:meh yo:n *poste**, ka:mpa yo:n ixta:wat tatsakuah. Ke:mah, ka:mpa, ka:mpa kima:xi:mah wa:n itsmoli:ni, ki:sa n' itsmol mehmelaktsitsí:n ya. Yehwa yo:n nejo:n kikuih no:. ¿Kowtati:l ka:n wel se: kikui? No: kualtia, n' kowtati:l kualtia, semi kuali tata. Pero mah kuali wa:ki kichi:wa sake:ra o:me xiwit komo wetstok, *hasta** wa:ki. E:mah. Yo:n a:mo niman wa:ki, ma:s se: kitehtekis a:nimos..., a:mo niman wa:ki *porque** porin a:yoh, porin a:yoh, ke:mah, *hasta** kuali wa:ki, panxokoya, ki:sa n' ie:wayo, yo:n ke:mah kuali tata ya, mah se: kwa:tsa n' kowtsí:n, e:mah. A:man tikihtowa i:n a:makowit ne:n i:n se: taman ma:kana:wak wa:n ma:moloxtik, ¿i:n no: tepe:tah mochi:wa oso itech ta:l? Yo:n no: mochi:wa n' tepe:tah, no: mochi:wa n' tepe:tah. Wa:n no: mochi:wa itech ta:l, no: semi selia niman yo:n, telnalwayoh no: yo:n kowit. Yo:n semi nalwayoh no:. E:mah. Komo e:yi taman ya, e:yi taman, i:n wi:tsi:la:mat wa:n i:n mohmoloxa:mat wa:n tein ma:..., ma:wehweia:mat, nochi alaxtik n' ima:tampa wa:n ii:xko, kikuah pe:sohmeh semi n' iteyo. Wa:n sentaman a:mat nimitsilwia nika:n onkak i:n *loma**, nika:n Ahwach, yo:n a:mo ke:man nikita ke:ní:w n' teyowa, ke:ní:w n' xo:chiowa, nochipa nikita sayoh ihkatok n' kowit, ke:meh a:mo tika:wah mah moskalti n' kuomeh, pero yo:n no: a:makowit no:. No: ihki ye:kcho:kiloh ke:meh yo:n a:ma..., a:makomeh nochi, ye:k ye:kcho:kiloh. Wa:n yeh no: ma:tihtila:wak n' a:mat, wa:n i:n ma:we:weyak achi, yeh ma:we:weyak. Wa:n ikowyo ista:k no:, alaxtik ke:meh tio:kowit yo:n. Iwki yo:n a:makowit no:, pero a:makowit no:. E:mah, pero a:mo wehweia, a:mo ke:man tikitah wehweia, nochipa ne: nohne:lmeh yo:n. Ompa onkak, ompa i:n *loma** semi, i:n Ahwach, telnochi yehwa n' onkak yo:n, onkakeh pero nohne:lmeh n' kowmeh, a:mo mochi:wa wehwei. E:mah. Yehwa yo:n no:. Na:wi taman a:makowit niki:xmati neh. Wa:n Ke:mah, niki:xmati porin cho:kil wa:n ima:y tihtilaktik. E:mah. ¿Ma:moloxa:mat no: kuali se: kikui kowtati:l? No: kualtia de sepa kuali wa:ki, pero pos wehka:wa para wa:ki yo:n, nochi *lo que es** a:mat, nochi semi cho:kiloh, a:mo niman wa:ki. Ma:s se: kite:nteki a:mo niman wa:ki, komo t'tamo:t ta:lpan selia ke:meh yo:n ekimikowit. E:mah, semi yo:lchika:wak yo:n kowit. Wa:n yehwa i:n a:makowit tein tikihtowa onkak nika:wí:n Ahwachkopa, ¿wa:n yo:n, yo:n no: mochi:wa itech tepe:t oso ta:lpan? I..., ta:lpan mochi:wa yo:n. Ta:lpa:n, itech tepe:t a:mo mochi:wa, mochi:wa ta:lpan. E:mah, pero tak no: teyowa eski *por eso** ixwa ne:n iteyo, ka:sá: ika se: kita wa:n, wa:n nejo:n ma:we:weyak wa:n ye:kma:tihtilaktik yo:n. Ke:meh yo:n koyo:a:mat a:t ka:ni wa:le:wa, nampohkuí:n kito:kah, ampó:n ka:sá: ika se: kita. Ata yo:n ye:kma:tihtilaktik, ihko:ni *mero** n' ima:y tihtilaktik. E:mah, *porque** i:n ma:..., i:n ma:wehwei, n' okseki nika:n yo:n koyo:a:mat, yo:n ka:ni wa:le:wa yo:n a:mat, chi:chi:ltik ata n' iyo:lpayo, wa:n ne: m..., ne: xoxoktik n' ima:xiwyo, ma:we:weyak tepitsi:n pero tihtilaktik ne:n ima:xiwyo, tihtilaktik. Yeh ika nimitsilia, pos no:, no: a:makowit yo:n, onkak na:wi taman a:makowit niki:xmati. Ma:kui:l ika yo:n de parahko wi:tsa yo:n kito:kah de ka:sá: ika yo:n a:mat nikahkuí:n kito:kah ka:mpa ko:koyo:meh kito:kah yo:n pané: a:makowit. Yo:n eski a:makowit no:, pero iwki a no: n' a:makowit, no: cho:kiloh, neh niki:xmattok de nika:n tehwa:n onkak na:wi taman a:makowit. E:mah. A:man i:n teh tikilia koyo:a:mat yehwa yo:n koyo:meh inkaltsi:ntan kito:kah, ¿a:mo tikmati katí:n xiwit ne:n kwa:lkuikeh? E:mah. ¿Ox wehka:w a? A:mo n'mati, a:mo n'mati, pe: tikitah ihkó:n, ka:n no: nik..., ka:n no: t'chi:wah *cuenta**, ne:, neh a:mo n'mati ke:maniá:n yo:n pe:wak tikitah, yo:n weh..., parahko wa:lah yo:n, ka:ni kkuitoh n' koyo:meh. E:mah, pero yo:n no: a:makowit *porque** no: iwki a n' a:mat. E:mah. Yo:n a:mo tikmati ox no: kikuih kowtati:l komo sepa we:yak. Tak kanah, pos ka:n ta yo:n a:mo kite:xi:..., ke:meh kito:kah n' koyo:meh kinehnekih, a:mo kite:xi:mah yo:n, soh kwelitah sah mah tatampawi. Pané: nochi a ne: i:n a:makowit tite:chtapowih, neli ne:n na:wi taman tein nika:wí:n tikpiah wa:n se: taman yehwa i:n a:it ka:ni wa:le:w. Komohkó:n nochi a, xte:chili ne:n moto:ka:y wa:n moxola:l. E:mah. Pos neh nimono:tsa ne: niErnesto Vázquez, wa:n noxola:l San Miguel Tzinacapan.