A:xka:n tikihtowa *que**tehwa:tsi:n tikmati se: sa:ni:l, n'neki xne:chtapowi yo:n sa:ni:l tein teh tikmati wa:n mah moka:wa nika:n wa:n sa:te:pan kuali tikakiskeh no:. Ke:mah, ne:n siwa:piltsí:n moskaltih, mika:ka:wal wa:n kihtowa ne:n kihto:wa:ya n' ipopá:n *que** mah te:tekitili:ti nejó:n pili, *porque** a:mo onkak toni kikua:skeh. Wa:n de a:mo onkak toni kikua:skeh, entó:s yahki te:tekitili:to nejó:n pili, pero, wehka:w a:mo tikuiah totilmah tatampa de timota:lilia:yah, entó:s kit nejo:n kimatik n' ipopá:n *que** wehka:wak ya yetok, wehka:wak a yetok nejó:n pili, ka:mpa te:pale:wia. Wa:n i..., ke:mah wa:lah, kilia, popá:n, niwa:lah, neh kit kilia semi ne:chkokowa nopox, pero, ¿toni mitsmaka?, kit kilia. Kit kilia ne: a:mo n'mati kit kilia popá:n, *porque** semi ne:chkokowa nopox. A:, pos kilia komo mitskokowa mopox xa:, xa: nejo:n ke:ní:w tietok. ¿Kuali mah n'machili ma:s neh? Kilia, kanah popá:n, a:mo xne:chmachili, tinopopá:n kit kilwia. *Bueno** kilia, komo a:mo t'neki mah nimitsmachili, pos xiow kit iwa:n se: tapahtihkeh. Yahki. Kilwia, teh tikpia kit kilia, tikimpia kit kilia, *bueno** tikpiati mopili. *Bueno**, tik..., tikpiati mopili, pero neh a:mo nimitsti:tan x'piati pili. *Después** de wa:lah ya, kilia n' ipopá:n ke:ní:w m' pano:to, ke:ní:w n' kilwihkeh n' tapahtia:nih. Kilia, ne:chilihkeh, kit kilia, nikpiati pili. pero neh kit kilia a:mo a:kah ne:chma:tokatok nio:n se:, nio:n se: tokni:w. A:, a:mo a:kah mitsma:tokatok. Kilia, kanah. Pero ¿ke:yeh kilia ne:, ke:yeh mitskokowa mopox wa:n ke:yeh n' tikpiati pili? Neh kilia nikpiati nejó:n pili pero a:man ne:, a:mo n'mati kit kilia ox nikpiati pili *porque** ke:meh a:mo a:kah ne:chma:tokatok. Entó:s yo:n ipopá:n yeh kuala:ni iwa:n, yeh kiwihwi:tek n' ikone:w. Kwihwi:tek n' ikone:w kuali wa:n kina:ltamo:t. Kina:ltamo:tak kalan, entó:s nejo:n yahki. Yahki kitaka:wilih. Xiow kit kilia, a:mo nimitsneki komohkó:n timo..., timotemo:lito kit kilia kalampakokolis, xiow kit kilia. Pos siwa:pil tein kichi:wak yahki. Wa:n ke:mah, *más, más** kitohtoka n' to:nalmeh, kitohtoka n' to:nalmeh wa:n ke:mah, kilia, yahki sepa n' koyo:ko, Kilia, ne:, neh ihkui:ni ni..., nietok, pos we:iak n' ipox, kilia ne:, pero teh kit a:mo tikimpia pi..., a:mo tikpia pili. Teh kit kilia tikpia yehwa i:n. ¿Toni kilia nikpia? Tikpia kit kilia seki okuilimeh. Okuilimeh kit kilia tikpia mopoxko. Wa:n tikitas kilia komo a:mo n..., komo a:mo neli kit kilia tikpia okuilimeh. ¿Pero ton okuilomeh? Pos ekintsi:n kiliah tikitatih, tikitatih kit kilia, para tikmatiskeh. I:n okuilimeh, kalak kit kilia n' okuilin, *cuando** ti..., tikpiaya mokokolis, wa:n ke:mah kilia kalak yo:n itech *mocuerpo** n' okuilin wa:n ompa ya kit kilia n' *tasemillaroto**. Ompa *mosemillaroto** kit kilia ne: k..., n' okuilin, ke:meh eskia taxina:choh, taxi:nachoh yo:n okuilin moihtik. A:, kilia, ¿wa:n ke:yeh? ¿Ke:yeh?, kit kilwia, *porque** i:pa etok de a:mo tikpias pili, entó:s kilia kalak nejo:n i:n okuilin. Kalak yo:n okuilin itech siwa:t wa:n ompa miakiatoh ya n' ipilwa:n ne:n okuilin. Entó:s siwa:t poso:nik, seki wehweyakeh n' okuilimeh wa:n seki tsikitsitsi:n. A:man kit kilia, komo t'neki kit kilia ne:, mah *timitsoperaroka:n**, wa:n mah timitski:xtili:ka:n, wa:n tikitas kit kilia komo a:mo neli okuilimeh tikimpia. Kilia pos tak, iwki a kit kilia komohkó:n, xine:chtekika:n. Xne:chtekika:n, kit kilwia, *porque** nopopá:n kit kilia ne:chkalantokak, kit kilia, *por medio de** nopili, kit kilia, nikpiati pero, wa:n ni..., kinekia nopopá:n ne:chma:tokas, kinekia kimachili:s ox neli pili oso a:mo pili. Wa:n neh nikilih kilia nopopá:n *que** a:mo mah ne:chma:toka *porque** yeh no:pá:n. Te:pi:na:wtih wa:n te:..., a:mo kualtsi:n mah ne:chma:toka nopopá:n. Nehwa kit kilia niknemilih, a:mo a:kah moneki ne:chilwi:s. Kilia, *bueno**. a:man kilia para tik..., timitstekitih, pos kitekkeh nejó:n siwa:t. pero ka:nachi okuilin ki:sak n' iihtik. Wa:n ki:sak n' te:na:n, we:i okuilin. tein te:nan ya, tein ompa ne: kimpiato n' ipilwa:n itech yo:n siwa:t. *[Por]que** ompa kimpiak, pos ne: siwa:t yeh *moal...**, ke:meh eskia takuahtok. Wa:n tein takuahtok siwa:t, tein takuahtok siwa:t pos nochi yo:n okuilimeh ne:, kikuahtokeh ya n' tein i..., itakualis siwa:t. Entó:s ne:, kualtsi:n moskaltihkeh nejó:n okuilimeh. Miak, miak n' okuilimeh. Kipiak n' okuilimeh eh..., ox, ox ke:meh se: ma:kui:l *ciento**. Ma:kui:l *ciento** kimpiak, *porque**, ¿ke:yeh? Seki, seki nohne:lmeh, seki we:weyakeh, seki wa:n..., ke:meh eskia mopexo:ntihkeh ya. Mopexo:ntihkeh ya n' okuilimeh, *por eso** ne: siwa:t kikokowaya n' ipox. Entó:s yehwa ika kilwihkeh *que** mah kitekika:n. Wa:n mote:makak *que** mah kitekika:n, wa:n ke:mah *después** wa:lah, pero kitekkeh wa:n kichipa:wkeh, nochi kki:xtilehkeh *hasta** se: mahyá: i..., mahyá: ikalo. Mahyá: ikalo kki:xtilihkeh nejó:n okuilimeh. *Porque** mah..., ke:meh yo:n a:lsimitmeh kichihchi:wah n' incha:n, no: kichi:wak ke:meh eskia kipiayah ne:n in..., ka:mpa takua:yah. *Porque** mote..., siwa:t yeh takua, kikua teihsá: tein itakualis, pos yehwa sah kkuahtokeh yo:n okuilimeh. De miak, miak ihkó:n tak ki..., *moserbirowa:ya** ika, wa:n ke:mah, wa:lah wa:n kilia ne:n *doctor**, yo:n tapahtihkeh ya *que** mah, mah kahsi *bueno** mah yowi a, mah kine:xtili:ti a n' ipopá:n *que** toni n' kipiaya, mah a:mo, mah a:mo kuala:nto. Entó:s kwi:kilih ya nejó:n okuilimeh. Kimakakeh ika se: tapa..., ke:meh eskia se: tapalkat mah kiniwi:kili. Se: we:i, we:i tapalkat ika kiwi:kilih n' ipopá:n, yehwa i:ni kit kilia nikpiaya, a:mo nikpiaya pilimeh pili kit kilia noke..., itech *nocuerpo**. Kilia, *bueno**, komo a:mo t'piaya pili kit kilia wa:n ekintsi:n kit kilia timochipa:w. Kit kilia, ke:mah, ne:chchipa:wkeh, ne:chki:xtilihkeh, ne:chki:xtilihkeh kit kilia nejo:n okuilimeh. Wa:n teh kit kilia tine:chma:k wa:n tine:chna:ltamo:tak *que** mah niow. Pero neh niah kit kilia de tine:chna:ltamo:t itech no..., itech nokalihtik, pos niah kit kilia, ta: tne:chma:k. Pero xkita kit kilia tein nikpiaya, ka:n nikimpiaya kon..., ne: pilimeh, ta: nikipiaya kit kilia ne:, okuilimeh. Wa:n a:mo kimatik kit nejo:n siwa:tsi:n ke:ní:w m' pano:k nejó:n okuilin, para kimpiato n' ipi:piltsitsi:n. Ihko:ni a m' pano:k nejó:n *cristiano. Después de** yo:n, ne:, kiliah pos a:man kit kilia, wa:lahka kit kilia se: ta:gat. ¿wa:n ton mitsiliko n' ta:gat? Pos ta:kat kit kilia ne:chilih *que** komo nimih..., *que** komo tietok nowa:n, mowa:n..., *como que** ne:, ne: *nimitscuidarohtok** nika:n, *que** yeh mitswi:kati, iwa:n timona:mikti:s. Kilia, *mejor** nimona:mikti:s. Nimona:mikti:s kit kilia, para mah, mah a:mo no: xtayo:koxto. Mona:miktih nejó:n siwa:pil iwa:n yo:n se: ta:kat. Wa:n ke:mah, *para después** kit ne:, ki..., ompa ne: kipiato ya n' kone:t, pero kone:t de **de cristiano** ya. A:mo kipiak ok okuilin. Kimpiato no: m' pilimeh pané: iwa:n ya nejó:n ta:kat tein iwa:n mona:miktih, *porque** ki..., *casi de que** kichipa:wkeh nochi kki:xtilihkeh nejó:n okuile:wat. Kimpiaya neli miakeh n' okuilimeh. Entó:s de yo:n okuilimeh, yo:n okuilimeh kimpiak pos kwi:kilih n' ipopá:n ika *mismo** n' tapalkat, para kine:xtili:to *que** a:mo neli ne: kipiak pili, ta: kipia okuilimeh. Entó:s de kilia, komohkó:n kit kilia ne: okulimeh, kilia, tikimpiak, wa:n ke:yeh..., kilia ne:, ekintsi:n kilia *xmocuidaro**. Ka:mpa tikochis *xmocuidaro**. *Porque** i:n kit kilia motech pano:k se: okuilin mono:tsa kit kilia ta:lkone:t, ta:lko:net ata yo:n se: okuiltsí:n ihko:ko:ntsi:n ata ye:kalaxtsí:n. Yehwa yo:n itech pano:k. Wa:n de itech pano:k pos ne:, okuiltsí:n pos ompa ne: tak, tak no: siwa:t *por eso** momiakili:to ompa. Entó:s de momiakilih, wa:n tak no: a:mo x'mati ke:yeh yo:ni n' ompa momiakili:to, kox..., n' ka:n nikihto:s kwi:kak ne: ii:xna:mik ta: pos yehwa sah, yehwa sah momiakilih, momiakilih yo:n okuilin se: sah. Miak, miak okuilimeh kimpiato. *Pero después de** mona:miktih, kimpiak a n' ipi:piltsitsi:n de *cristiano** ya. Kite:..., para iyo:lo pachiw n' ipopá:n, pero pos kite:makak, para k..., ke:meh eskia kina:miktih iwa:n se: ta:kat. Wa:n de mona:miktih, *hasta** nochi *contento** moka:wak a n' te:popá:n, kuali moka:w, komo a:mo teh molwia, nio:n kihto:s *que** tayo:koxtok, *hasta** ne: neli pe:wak, ne: ki..., pe..., *bueno** pos *hasta** ma..., *después** moyo:lkokoh n' te:popá:n, *porque** neli kitelma:k n' ipili, wa:n kina:ltamo:tak mah yowi. *Hasta** ka:mpa ntami kit kihtowa *nitonto**, kit kilia, nikna:ltamo:t nopili kit kilia wa:n a:man mona:miktih, kualtsi:n yetok n' ka:mpa yahki. kuali, kit kilia, kuali pano:tok, kuali mona:miktih, kuali, kualtsi:n kit kilia ne: kitekipanohtok n' a:kin iwa:n motekipanowa, *hasta** neh kit kihtowa no: ompa n..., no:, no: te:wa:n ni..., te:wa:n n' ntakua ya. Wa:n ompa no: *que** nejó:n *cristiano**. E:mah, wa:n pos ne:, tikitaya neli ne: neli kuala:nik no: tas..., taskaltihkeh *porque** pos onkak neli mopi..., mopi:na:wtia, *bueno** se: kihtowa timopi:na:wtiah, pero a:mo tikmatih, ox neli timopi:na:wtiah. A:mo, ox timopi:na:wtiah yo:n oso ke:ní:w, *pero bueno** pos, neli de a:mo ke:man *te:chpasaroh** de tinohne:lmeh pos tikihtowah tik..., tikpiah *tofamilia** pero ika de, yetok toi:xna:mik. E:mah, tikpiah a:koni n' te:chpale:wia, a:koni n' *te:chcuidarowa**. A:koni ne:n ima:ko timoskaltiah, ma:ski timika:ka:walmeh, pero yetos a:koni n' *te:chcuidarohtok**, yetok a:koni n' *te:chmandarowa**. Wa:n ne: wehka:w semi titamohka:tokayah, ttamohka:tokayah *porque** ne: ihwa:k nehnemia, nehnemia ne: kowtako:t n' te:so:sowilia:yah *o** tamali:n, tamali:n mitsso:sowili:skeh komohkó:n a:mo titakaki. Wa:n yehwa yo:n semi kimohka:tokaya. Tak iwki i:n *pasaroh**, ne:, neli kimowilih ne:n ipopá:n *porque** kima:k ne:n kima:k kuali wa:n kina:ltamo:tak. Mah yowi a komohkó:n mo..., kite:mo:to ne:n ii:xna:mik kalampa pos mah yowi a. Pero ka:mpa wehka:wato wa:n kitak *que más, más** ke:meh eskia *más** poso:nik nejó:n *cristiano**, pos kilia wa:n yahki n' ima:ko n' koyo:t, kilia *que** ke:ní:w yetok, Pero pos yehwa i:n tikpia kit kilia, komo t'neki kilia tmits..., *timitsoperarotih** kit kilia wa:n tmitski:xtili:tih. Kilia, *bueno**, xne:chki:xtili:ka:n. Pos ke:mah, ta: de miakiah ompa takuahtokeh, ompa takuahtokeh. Pos ke:na:..., n' ka:n o:me, e:yi:n, ta: ma:kui:l *ciento**, xki:xeheko *qué tanto de** ma:kui:l *ciento**. Ma:kui:l *ciento** pos miakeh ya. N' ka:n nikihto:s i:p..., wehwei okuilimeh, n' ta: pos ke:meh eskia momoxtikeh sah. E:mah, yehwa yo:n. Ne:, *este** ne:, nik..., niwa:le:wa de nika:n Xaltipan, nimono:tsa niMaría Ocotlán E:mah, nika:n name:chkue..., name:chnohno:tsako se: o:me, e:yi *ratito**, se:, o:me, e:yi tahto:l name:chtapowi:ko, *lo que** tein ne:ch..., *lo que** tein nikmati wa:n seki tein a:mo nikmati pos a:mo no: wel name:chilwia.