Te:chtapowi ne: i:n xiwtsí:n tikwa:lkuik ta:taman ke:ní:w mono:tsa. *Este** i:n mono:tsa ne: ma:ltantsi:n ista:k. ¿Wa:n yo:n ka:ni ne:n mochi:wa? Ne:, mochi:wa itech..., i:n mochi:wa itech a:..., ka:mpa yo:n a:pan. Ka:mpa onkak n' a:tsí:n. oso kanah ika ka:mpa a:chia:wit, ompa i:n mochi:wa. Wa:n komohkó:n ne:, tikta:lih ke:meh i:n ne: kalte:noh, ka:mpa ke:meh ne: mah *corral**, no: mochi:wa pero semi kineki ne: mah se: kimaka a:tsí:n. Komo tawa:kpan wa:ki, komo a:mo se: kita:lilia n' a:tsí:n. Kineki mah kuecha:wto n' ta:ltsí:n. Yehwa i:n ista:k mochi:wa nika:wí:n. Mochi:wa. Ta: yeha i:n nikihtowa niktelpiaya pero ne:, ke:meh i:n a:mo nietok kalakkeh pio:tsitsi:n *corral** wa:n ne:chtamilihkeh. Wa:n i:n, i:n sentaman, ¿ke:ní:w mono:tsa? No: yeha, no: ma:ltantsi:n, pero i:n *morado**, *morado** kilwiah. Pero i:n ista:k wa:n i:n *morado**. Wa:n i:n se: kiliah *chino**. *Pero mismo** ma:ltantsi:n. E:yi taman nochi yeha. ¿*Morado**, no: mochi:wa nika:wí:n? Pané: a:mo kanah ika nikitstok, i:n i:pa te:chwa:lkuiliyah ompa nika:n ahko. I:pa nikowa *como que** neh. ¿A:koni ne:n tikowilia? Se: na:no de ne:wí:n ahko wa:ltemowa, a:mo nikmati ke:ní:w mono:tsa. ¿Wa:n *chino** mochi:wa nika:wí:n? Kanah weh, nochi yeha nikowilia. Yeh kihtowa *que** no: kikowa, pero a:mo n'mati ka:ni kkuiti. Neh a:mo nikmati ka:ni mochi:wa pero ne:, yeha ne:chmaka se: siwa:tsí:n. ¿Wa:n ke:ní:w se: ki:xmati kati:ni ne:n ista:k, *chino** wa:n *morado** ne:n xiwtsí:n? Moi:xmati *porque** i:n xkita telpochiktik n' ikowyo. telkualtsi:n wa:n i:n xkita no: taman ikowyotsi:n. A:, neli *metsmohmorado**. *Metsmohmorado**. Wa:n komo poso:ntoskia, *morado** n' ixo:chiotsi:n wa:n i:n ista:k n' ixo:chiotsi:n. Wa:n i:ni xkita no: taman, i:n *nomedio** tihti:ltik n' ikowyotsi:n, wa:n kita ke:meh tamati, *[al] lado de** i:n, xkita, a:mo iwa:n *moparejarowa**. Telma:pisi:ltik. Telma:pisi:ltik. Yeh ka iw..., iwki ki:xmatih. Wa:n ixo:chio i:n *chino**, ¿ke:ni:wki? Pos in ne: *medio morado** no: n' ixo:chiotsi:n, pero ekintsi:n a:mo kipiya. I:n xiwit i:pa kikuih wehka:w a. Wehka:w a, neh ni..., neh pe:wak nio:ltamati i:pa kikuih. I:pa nikakiya *que** ne:, ma:lta:ntsi:n onkak, *hasta** kuali tai:s m' pili komohkó:n momowtihtok. Mah se: kimana ne:, se:, se: taki:tskiltsí:n. wa:n mah tai. Mox..., tik..., i:pa nikakia kihtowah, tai:lti m' pili para a:mo ne:, kisentokas ne: kokolakis komo a:mo, ne:n pili kokoxkeh eski komo a:mo ne: t'ta:iltih. *Porque** ne: iesyotsi:n momowtiya kit wa:n para a:mo *mo que** momachili:s kokoxkeh mah se: kita:i:lti. Entó:s a:mo kimachili:s ma:s teihsá: kimowtiya. Wa:n i:n i:pa kikowah wehka:w Pos wehka:w i:pa kikowah n' ka:mpa a:mo kipiyah, ka:mpa a:mo kipiyah wa:n komo kipiayah pos ne: kikuis sah. Ke:meh neh i:n a:mo nikowaya, ta: nikowaya i:ni sah. Pero yekintsi:n ka:n tei. Kuali tikihto:skeh ika i:n *morado** wa:n *chino** nika:n i:pa a:mo icha:n. Ke:meh eskiya. Ke:meh eskiya i:pa a:mo onkak. Icha:yohka:n i:pa yo:n ista:k. I:n ista:k i:n i:pa onkak. Wa:n i:n komohkó:n *este**, komohkó:n, se: tai, se: kimanelowa nochi n' e:yi wa:n se: kimana, ¿*o** ke:ní:w se: kichi:wa? Se: kima:nelowa, se: kixe:xelowa *como que**. Tepitsi:n ne:, tepitsi:n i:n, tepitsi:n i:n. Ke:mah se: kimolo:ntiya. ¿Wa:n ne: eliwis sah se: kikui *o** po:wtok? Ne:, ke:meh i:ni, ke:meh i:n miaktsi:n, kuali ki:sa se: e:xpa tikmolo:nti:skeh. Mah se: kixelohtiw, ika se: *litro** a:tsí:n. *Como que** ti..., tikuitih titai:tih ke:meh eski yo:n *como que** tia:mikih wa:n titai:skeh, a:mo ttai:s tepitsi:n sah. Kuali nikuis se: *tazahtsí:n** wa:n ntai:s sepa sah. A:mo teh, a:mo tehsá: *pasarowa**. Wa:n ne:n, yehwa ne: i:n, i:n xiwtsí:n komohkó:n a:mo se: tai, ¿ke:ní:w kuali se: kichi:was no:? Ne:, weli no: para a:mo se: tai:s, mah se: kikui komo se: *rehfi:nohtsi:n** ika se: *botella**, wa:n mah ompa se: kipanta:li. Entó:s kuali se: mota:lilia sayoh. Wa:n *que** yo:n se: pili oso se: we:i, wa:n *que** yo:n kochiti a mah mota:lili ihkón *entero**. Wa:n komohkó:n pili, nochi t..., 'ta:lili ihkó:n *parejito**, eski *como que** mah, ke:meh we:i. Ke:mah kualtsi:n xik..., xiktetekuino ya, wa:n mah kochi a. *Hasta** mi:to:ni:s. Ne: telkuali ne: xiwtsí:n. Tehwatsi:n i:n xiwtsí:n t'tekiti:ltia i:pa soh tikinimaka mah tai:ka:n wa:n yehwa yo:n tikihtowa mah se: ka:pacho ika *rehfi:noh**. Ke:mah wa:n ne: ika ne: tikchihchi:wah *como que** para ika tikin..., tikimpahtiyah. Ta: tikihtowah tikinkuitapawiah m' pilimeh, ika yo:n kualtiya no:. A:, no: tiweli tikchi:wa yo:n pahti. Ke:mah. ¿Wa:n teh ke:ní:w n' tikchi:wa yo:n pahti, yehwa n' tein yo:n sentaman. Se: kkue:chowa. Se: k..., se: kkue:chowa wa:n ke:mah se: kitsoyo:niya. Wa:n se: kitsoyo:niya ke:mah se: ki..., se: ki..., kichi:wa ya ohololtsitsí:n, para se: kinta:lili:s m' pilimeh. Wa:n ohololtsitsí:n tikpi:ki ika teihsá: *o** iwki sah. Ika ichkat. Ika ichkatsí:n se: kipi:ki, ta: iwki a:mo kualtiyas, xiti:ni. I:n i:pa nemowtil sah ne:n tikui ika t'pahtia. Eski we:i, eski pili i:pa nochi kina:miki. E:mah, i:p..., i:pa nochi kina:miki. Kuali ika mopa:kas wa:n kuali tai:s wa:n kuali se: kinta:lilia. Nochi kualtiya. Ma:ski we:itokni:w, kuali se: kita:lilia. Komohkó:n yeha n' *kine..., kinecesitarowa** para pahtis. Kimach..., *mal** momachilia wa:n wa:n a:mo teh ika p..., kina:miki pos yeha i:n mah se: kita:lili. *Porque** n' tein we:itokni:w takualka:wa ne:, *porque** yo:lika kokolaki wa:n a:mo takua ok. Mahyá: yo:n tewa:ki. Ke:m..., ye:k neli, ye:k neli, i:n tikihtowa neli. *Que** se: okichpil ne: takxitan nemi, sempowal xiwkayo:t, wa:n kimowtih kit kowa:t ka:mpa tekitiya. Kichi:w se: xiwtika ya, moka:wak ta:lpan ya, a:mo wel ki:sa ok, wa:n pe:wak mokokowa ya, ka:n takua ok. Neli m' pitsa:wak n' okichpil, ne:, wa:lah n' iná:n mah niow nikitati, pero neh a:mo niah nikitato la:k nikimowilia itskuimeh. Kintelpiah itskuimeh, *porque** tel *último** kali a ne: tani, kimpiah itskuimeh. Nikilia xa: kuali wa:la:s, nikilia yo:li:ktsi:n xwa:lwi:ka nikilwia. Kiwa:lwi:kak. E:xpa nikta:lilih. Ekintsi:n okichpil ta kualtsi:n nentok. Pahtik wa:n neli tekit moehkoltika. Ehkok wa:n nikilia, xmote:ka yo:n *cama**, xmose:wi ok wa:n nimitspahti:s. Mose:wih se: kuali *ratito** wa:n ke:mah, *que mientras** nikmolo:ntih i:n, ta: nikpixtok, ma:ski wa:ik pero nike:wtok. Nikmolo:ntih wa:n nikmakak se: *tazahtsí:n** mah tai. Taik. A:xka:n nikilia xme:wa ya, mah nimitsta:lili m' pahtsí:n. Nikta:lilih, nikte:mpachoh wa:n nikilia xmose:wi nikilia wa:n ttai:te:was ok tepitsi:n ok n' a:tsí:n wa:n nanya:skeh. Neli, iwki o:me *taza** niktai:ltih n' a:tsí:n wa:n nikta:lilih. Pero ta: mo:stika kualka:n, ke:meh se: *las ocho**, kilia kit n' imomá:n, kilia ma:, kilia, ta: neh neli nitakua:s a. ¿Titakua:s a?, kilwia. Kilia, ke:mah. Nikmakak kihtowa nopili n' taxkaltsí:n. Yeh kikuah kihtowa e:yi. Wa:n a:mo kikua:ya kihtowa, pero neli a:mo kkua:ya. Entó:s yo:n wa:lahkeh itech, itech na:wi to:nalika a para wa:lahkeh. N' ta: yekintsi:n wa:ltakuahtew a, kihtowa. No: kuali a nikilia, komohkó:n takuah ya nikilia, kie:kkuis. Sepa nikta:lilih. E:xpa nikta:lilih. E:xpa wa:lahka kalihtik. Ekintsi:n ta: pa:ktok n' okichpiltsí:n. Kualtsi:n monentihtok. Yeh ka nikmati *que** neli tana:miki. *Este** ne:, nowe:iná:n katka ika tapahtia:ya i:n xiwtsí:n wa:n ke:mah, wa:n *que** neh niahkia te:pal, nikahsito ya nota:totsi:n, no:mona:n katka no: ika tapahtia:ya. Yeha ni..., yeha:n wehka:wkayo:meh ne:, nikitak ika katí:n xiwtsí:n kikuih. Entó:s de nikitak a ika yeha ya n' kikuih xiwtsí:n wa:n nikmatik a no: yo:l..., tein yekinika nopili, nomona:ntsi:n ok ne:chpahtilih wa:n nikitak ika neli kina:miki, ika yeha i:n xiwtsí:n. Entó:s ne: sa:te:pan ya, ke:meh i:n a:mo nemi ok, neha ya nikimpahtia:ya m' pilimeh ke:meh nikitaya kichi:waya, wa:n iwki *nikseguiroh hasta** a:man i:n tepiliwa:n ya nikimpahtiya. Yeh ka niwelik wa:n yeh ka nikmatik ika ne: kualtia i:n xiwtsí:n. *Bueno** pos komo nochi a n' tite:chtapowih yehwa i:n xiwtsí:n, nika:wí:n kito:ka:ytiah ma:lta:ntsi:n, 'te:chili ne: moto:ka:y wa:n moxola:l. Nochi a, nochi a. Ne: Cristina Vázquez Hernández, de Xapantzingo.