Ekintsi:n na:no xite:chtapowi ne: i:n xiwtsí:n ke:ní:w ne:n tikto:ka:ytia wa:n ka:ni mochi:wa. I:n ne:n, niki:xmati neh kuikuitskaochpa:wa:s. Mochi:wa ompa ne: kalte:noh, ne: kahfe:ntah mochi:wa, i:n a:mo tasohti. Semi onkak. Pero i:n neh nikui ne:, para ne: yo:n pilimeh moi:toniah ata yowak, kochmi:to:niah tikihtowah. Yeha i:ni, wa:n sa okseki xiwtsí:n. A:mo, a:mo nikwa:lkuik *porque** a:mo nikahsik. Ne: tiki:xmatih teahwach, xa: tiki:xmattos. Yo:n wa:n yeha i:n seko sah nikmolo:ntiya wa:n yo:n, ke:meh yo:n ke:maniá:n nikwa:lik yo:n tili:k..., ti:ltikkuitakowit. Yeha yo:ni iwa:n ya nik..., nikmana sekosah wa:n ika tika:ltiah m' pili. Pili oso we:itokni:w. I:n ika mopa:kah sayoh. A:man i:n, *este**, i:n xiwtsí:n no: teyowa. Teyowa, wela:man i:n mochi:wati a n' iteyotsi:n. Ista:k n' ixo:chiotsi:n. I:n i:pa pisi:ltik sah n' ixo:chio. I:pa uwki, i:pa uhki pisi:ltik. Telne:nke:n miakiya. A:man i:n i:pa tikui pahti sah *o** t'tatekiwtia no: teihsá:, I:n kuali ika se: tachpa:na. Ka:n tasoh, *como que** tel onkak. 'Ma:olo:chowa, t'tekiti wa:n ika ttachipa:wa n' kalihtik, ika ttachpa:na. Pero tiki:xmatih ika pahtsí:n. Tein kochmi:to:niah m' pilimeh ika ne:, se: kimpa:ka. ¿Wa:n komohkó:n titachpa..., titachpa:nati ika, i:pa sayoh tikolo:chilpia *o** tikmetstia? Ke:m..., a:mo, sayoh ne: niktekiti wa:n nikmetsolo:chowa wa:n kualtsi:n no: nikchihchi:wa ih..., wa:n ihkó:n nik..., ke:meh i:ni wa:n nika:n ii:xkopa seko wa:n nika:wí:n no: ii:xkopa. Ke:meh eskia ihkuí:n niki:ka:na:miktia wa:n nikilpia wa:n ke:mah ika ntachpa:na ya. A:mo niman ma:tepe:wi. Ne:nke:n taxi:kowa. Taxi:kowa. *Bueno** pos komohkó:n nochi a ne: i:n, ochpa:wa:s ne: tte:chnohno:ts, ne: moto:ka:y wa:n moxola:l. Ne:, Cristina Vázquez Hernández, de Xalpantzingo