*Bueno** a:xka:n nikneki xine:chtapowi nochi motilmah tein teh t'tatekiwtia *o** tein timakia, ne:chtapowi ke:ní:w n' ito:ka:y wa:n ka:ni n' tikowa, ox tehwa n' tikchihchi:wa wa:n ke:n tikita ox kualtsi:n *o** a:mo kualtsi:n mah..., *o** tiknekiskia mah tehwa:n no: tikuika:n tein a:mo tikuih ok. Pos neh nimolia *que** ke:man *porque** a:man, a:man nochi mopapatatiw a, a:man nochi kikuitiwih yehwa ya nochi de i:n, a:man siwa:pi:pil a:mo kikuih ok ista:kkue:it. Nio:no, nio:no nejo:n, *bueno** de ke:meh i:n *tahmachkami:sah** ke:mah kikuih ok pero tatsa:la:n ya sah. Moelka:wtiw a yo:ni *porque** a:man nochi kikuih *pantalón** ya. A:man nochi mopatatiw a, a:mo iwki ok ke:meh *antes** katka. A:mo ke:meh i:n neh niaktok i:n nowi:pi:l, i:n *mokami:sah**, *porque** i:n *nokami:sah** pos a:man kikuih m' pi:pil pero semi tatsa:la:n ya sah. *Más** kikuih nochi okseki a, kikuih ke:meh yo:n tiaktok a. E:mah, a:mo kikuih ok de i:ni. Wa:n ke:meh i:n ekintsi:n, ke:meh i:n niaktok ekintsi:n *apenas** neli *que** yehwa, yeh ke:meh nejo:n, no: na:wi *ciento** ya. ¿Toni yo:ni na:wi *ciento**? Yehwa de ke:meh i:n, *kami:sah**, ke:meh i:n. A:, ne: *motahmachkami:sah**. Ke:mah, *notahmachkami:sah**. Wa:n wi:pi:l nimitsilihtok no: e:yi *ciento**. *o** o:me *ciento** wa:n tahko semi achi tsi:nki:stok. Wa:n kue:it pos yeh i:pa t..., yeh kue:it tein i:n nikpia, pos yeh nejo:n i:n tikowah *por metro**. Yeh nikihtohtok, yeh yo:n tonto:nal nitahtan ahsika *hasta** tahko *ciento** no: n' *metro**. Wa:n komo se: kikuis na:wi *metro** wa:n tahko pos tepitsi:n ne: de n' tsi:nki:stok, pero komo se: kikui ma:kui:l *metro**, e:mah. Wa:n mah tahko *ciento metro**, ki:xeheko ka:nachi ahsi. ¿Wa:n tehwa n' tikchihchi:wa mokue:y? A:mo, nochi n'te:chihchi:waltia, n'te:ihtsomaltia. Kihtsomah no:. Neh, neh nejo:n *ne:chcobrarowah** sayoh *diez pesos** ika kihtsomah, porque** a:mo kipia yo:n kiliah *alforsos**. Komo kipia yo:n, komo kipia sake:ra se: *veinte**, se:, se:, se:, se: kaxto:l, oso kipias yehwa ya yo:n mah nimitsili nejo:n, se: sempowal, yehwa ya yo:n *más** no:, *más** pati:yoh no:. Ke:mah, ika kichi:wah no: ke:meh nejo:n ke:meh e:yi powal wa:n mahtak kichi:wah. Iwki, ihko:ni *apenas** ne:chilwihkeh. Wa:n komo ahsitok a se: kkowa, mah tachihchi:w a nochi. Ke:meh, ke:meh a:man neli nochi mopatatiw, *porque** ke:meh a:man makiah yo:n sen xolochtik, yo:n sen xolochtik makiah, pos kihtowah ekintsi:n, yo:n ke:man ne:chilwih se: nejo:n siwa:t ne:chilih tahtan nejo:n ika o:me *ciento** wa:n e:yi powal wa:n mahtak. E:mah, pero ahsitok a nochi, yo:n sen xolochtik kipia nochi n' *alforsos**, wa:n neh ka:n nimakia iwki, neh nimakia neh nimakia ke:meh i:n, neh nimakia senkoyaxtik, ke:meh nikowa nejo:n ke:meh yo:n *por** tamachi:w, iwki ne:chchihchi:wiliah, sayoh kite:na:miktiah, wa:n iwki nimakia ya. Neh a:mo ke:man nimakia yo:n xolochtik *porque** a:man nikita nochi iwki. Neli ke:meh se: kihtowa nochi mopatatiw. *porque** neh ka:n ke:man nikui ke:meh yo:ni. Wa:n a:man a:kin eski tikitas, ma:ski se: na:nahtsi:n ya kikui no: iwki. Sen xolochtik, pos yo:n *cuando** ke:meh i:n kihtowah *que** ihsiwi, yowih ka:sá: ika, motsonakiah wa:n kuali a wa:n yowih ya. Wa:n neh a:mo, neh, neh ka:n ke:man nikui ihkui yo:ni, neh nikui nochipa ke:meh i:n sen koyaxtik. *Hasta para** nikwa:tsa wa:ki ne:nke:n *porque** *porque de que** nejo:n itahko..., a:mo wa:n nika:n itahkoya:n xolochtik yo:li:k para wa:ki yo:n iwki makiah. Wa:n neh ke:meh i:n a:mo, ma:ski a:mo we:ito:na pero nikpilowa wa:ki niman. *porque** sen koyaxtik a:mo, a:mo nejo:n nika:n xolochtik. No: nikui xolochtik pero tein i:pa nimakia tatampa noxolochkue:y, yeh ke:mah xolochtik. Wa:n no: nikui yehwa *popelina** pero ekintsi:n no: ye:kpati:yoh. E:mah, no: nejo:n komo *popelina**, kika:wah iwa:n, nochi iwa:n yo:n mah kipia ya *encaje**, no: katka e:yi powal wa:n mahtak. Ekintsi:n a:mo n'mati ka:nachi, e:mah, niko:wka se: i:n, xiwtiti i:n tiowih i:n, i:n septiembre niko:wka ihwa:k para se: siwa:pil. E:mah, iwki ne:chakakah. E:mah, pero pati:yoh nochi. ¿Wa:n yo:n tilmah kwa:lkuih ahkua:kopa oso nika:hkuí:n sah kichihchi:wah? Pos nejo:n kikowah no:, kikowah ompa nika:n xola:l kkuikuih, Kuesala:n *o** ompa ne: San Miguel kwi:kah, ompa kikowah yo:n tatkih miak. Wa:n yehwa ya n' kichihchi:wa xolochkue:it wa:n te:chnamaki:ltiah ya. Wa:n komo, wa:n pos n' *encaje** i:pa nochi se: kkowa, yo:n a:mo n'mati yo:n tak i:pa iwki n' kiliah de ma:se:wal, i:pa *enca...**, a:mo chikia kiliah *ra:ntah**. *Ra:ntah de** i:n ite:noh kwi:ka. Yehwa yo:n no: se: kkowa no: *por metro**. Komo, komo kkuikeh e:yi *metro** ne:n yehwa para n' xolochkue:it, no: e:yi *metro** kikuis ne:n yehwa n' *ra:ntah**. E:mah, wa:n yo:n *ra:ntah** no: *metro** pané: no: katka, katka mahtakti *peso** no:, katka *metro**. N' tikilia ne: xolochkue:it tein tatampa se: makia, tein kiliah kiliah seki tatampakue:it, Tein tatampa se: makia. *Ajá**, yehwa yo:ni, e:mah *pero igual** tatampakue:it wa:n xolochkue:it no: iwki a. ¿Wa:n tein paniá:n tikilia n' teh, ke:ní:w? Pos tein paniá:n, topania:nkue:y. Pania:nkue:y wa:n seki kiliah mahyá: ista:kkue:it. Ista:kkue:it wa:n pania:nkue:it, neh iwki niki:xmati is ta:kkue:it *o** pania:nkue:it *porque** payá:n ya timatiah. Wa:n ne:n, toni ka n' tikilpia pos, tikihtowa teh a:mo tikua:xolochowa. Ika..., pos neh ika nolpika nikilpia, ika *mismo** nolpika. Wa:n komo a:mo kuali se: tilmahtsí:n ihkuí:n se: kiteki ihkó:n wa:n ika achto yeh nikilpia wa:n ompa para ke:mah nimokue:ytia ya wa:n ke:mah nikilpia ika nolpika ya. Ihko:ni neh, neh nimakia nokue:y. ¿Wa:n molpika teh t'chichi:wa? A:mo, no: nikowa wa:n no: yeh ekintsi:n i:n ke:man no: nitahtan no: ika no: se: *ciento** wa:n tahko. Pero yo:n ekintsi:n, pos ekintsi:n neli nochi mop..., mopatatiw, *porque** ekintsi:n onkak de *estambre** wa:n ne: ke:man a:mo onkaya de *estambre**. Ne: ke:man onkaya *puro de hilo** wa:n onkaya yo:n kilia:yah *arabia**. Wa:n a:man on..., wa:n am..., wa:n no: n' a:mo no: nokachi akah kikui ok yo:n kiliah *arabia**. A:man kikuih nochi ke:meh i:n neh ika nikilpitok a, *estambre o** yehwa yo:n kiliah *hilo de** yo:n para ke:meh i:n *kami:sah** kiliah *hilo cadena**. Wa:n ne: ke:man kkuiah ki..., tikilia:yah *hilo vela**, no: kualtia ya para ilpikat. Yo:n monamaka ata *por madejas**, yo:n se: kichi:wa *servilleta**, yehwa yo:ni no: kikuiah. E:mah, wa:n komo a:mo yehwa ya n' tein kiliah *hilo, hilo cadena** no:. Wa:n a:man nochi, nochi taman onkak, a:man onkak yo:n kiliah mahyá: *plástico hilo**, yo:n mimilika ata oso yo:n seki kipia n' ikpikat nika:n i:xmimilika. Yo:n i:pa kichi:wah iwki wa:n komo se: kineki yehwa yo:n ki:xchihchi:wa, yo:n kita:liliah yo:n kiliah *anti..., antijuelos** tehwa:n tikiliah, yehwa yo:n kita:liliah. E:mah, komo se: kineki pos mah kipia yo:ni no:, pero pos sepa no: komo akah te:chihchi:wilia yo:n sepa no: se: taxta:was. Wa:n komo se: yeh kichihchi:wa pos a:mo. Komo a:ksá: kichihchi:wa sepa no: se: taxta:was. E:mah, no: kichihchi:wah. Wa:n komo iwki no: kinamakah ne: ka:mpa se: kkowa ompa ne: Kuesala:n, pero a:mo okachi. Komo se: kineki mah se: yeh se: kita:lili a. E:mah wa:n yehwa neh nimitsilia no: iwki n' ipati:w, no: se: *ciento** wa:n tahko. Pero yehwa yo:n komo *estambre** wa:n komo yo:n seki yo:n *hilo** no: ke:meh o:me *ciento**. O:me *ciento** wa:n tahko, a:mo n'mati, ekintsi:n a:mo niko:wtok. Tein ma:ski ke:meh yo:n ekintsi:n tikwa:lkui. I:n tein ekintsi:n nikwa:lkui yehwa n' tein tsi:nki:stok. Wa:n tein okseki, yehwa nimitsilia neh *más** pati:yoh, yo:n tein kiliah *que** no: *hilo cadena** kikuih. E:mah. ¿Ne: pos n' *arabia** ka:n monamaka ok? Pané: a:mo okachi ok, a:mo kachi nikitilia ok akah, *pero hasta** ke:meh i:n a:man ka:n okachi akah kikui ok. E:mah. Neh nikuia n' achto, neh nikuia n' achto, pero de nikpa:tak a:mo teh nikowak ok, pe:wak nikowa yehwa ke:meh i:n *de estambre**. *Pero de estambre, porque** de yo:n okseki se: kwelita no: *de hilo** pero teli:xki:sa wa:n de i:n *estambre** a:mo i:xki:sa. Wa:n *igual** nochi i:n tilmah yo:n nimitsilia, pos yehwa ya n' teh, tilmah tein onkak, ke:meh i:n para nokue:y, ke:meh i:n komo se: kitatih i:n kualtsi:n tatatiw, wa:n komo yehwa yo:n seki yo:n alaxtik tilmah onkak, pos tsotsoltia ya komo se: kitatih ke:meh i:ni pos ompa moka:wa ya wa:n nejo:n takuaktia *porque** a:it toni n' iwa:n, a:mo nochi tilmah ok, a:mo ke:meh onkaya n' achto tilmah. *Porque** on..., yo:n *franela** a:mo nikchi:wa *cuenta** n' a:man ox onkak ok, pero yo:n no: kualtsi:n katka para se: ikue:y, *porque cuando** neh nikpiaya ke:meh, nikpiaya ke:meh kaxto:l xiwit kom..., ke:mah, kaxtol xiwit nikpa:tako yo:n se: nokue:y *porque cuando** nikpiaya ke:meh nejo:n mahtakti xiwit nikpiaya n'mattok *que** no:má:n kiko:wka se: *franela**, para ika nimo:pi:kia *porque** ne: ke:man a:mo onkaya cha:leh, a:mo teh onkaya, a:mo onkaya *suéter**. tikiliah a:man. A:mo, yo:n n'mattok ne:chkowilih no:má:n, nimoye:kwe:welitaka *porque** ne:chkowilih *nofranela** ika nimopi:kik se: kostik. Wa:n ompa nejo:n de yo:n kikowak ika nimopi:kia kualtsi:n. Ompa n..., s..., sepa nejo:n kikowak a se: nocha:leh ya, entó:s yehwa ya pe:wak nikui, wa:n yo:n tilmah yo:n tein ne:chkowilihka, yo:n kiko:wka ne: no:má: katka entó:s yo:n nik..., *despue...** kichihchi:w nejo:n noxolochkue:y *después**, ke:meh i:n tikilia tatampakue:it, yeh ne:chchihchi:wilih, yeh pe:wak nimakia, *hasta** iwki n'pa:tako yo:n tilmah, pero yo:n *franela** no: kualtsi:n. Yo:n a:mo no: ihwi..., yo:n kualtsi:n no:, a:mo..., kualtsi:n pa:ti wa:n nochi ne:nke:n ke:meh yo:n se: kipa:ka ihsiwka wa:ki. *Porque** i:n seki no:, no: ihsiwka wa:ki pero yeh a:mo para x'pa:tska *porque** ihxi:ka wa:n ihxi:ka n' a:t, ihxi:katiw wa:n komo i:n *popelina** kualtsi:n tikma:pa:tskas wa:n x'tsetselo wa:n ne:pa x'pilo wa:n wa:ki. Wa:n yo:n okseki a:mo para x'pa:tska *porque** a:mo ki:sa n' a:t, mah ompa ihxi:ka *porque** alaxtik. *Igual mantatilmah, porque** no:, neh no: nikuik ok nokue:y *de manta**. *Hasta** yo:n xa: tiki:xmat yo:n onkaya ata yo:n seki *bolsas** kahkanaktikeh, yo:n monamakaya ata *mantabolsas** kahkanaktikeh, mahyá: ka:n *manta** xayaltik katka, yo:n no: nikuik ok nokue:y, n'mattok, kkowaya no:má:n wa:n ki:xtapa:naya wa:n ne:chte:chihchi:waltilia:ya nokue:y. E:mah, no:, no: nikui a ok yo:ni, wa:n ihwa:k nikuia tepitsi:n kipiaya yo:n kiliah *alforsos**. Pero pe:wak a:mo nikui ok *porque cuando** yo:n pa:ti a se: ikue:y wa:n komo ke:meh ke:meh neli pos timoskaltihkeh neli nikilia neh tip..., ti..., *tipobrecitos** pos neli nikilia neh nejo:n n'mattok ke:meh yo:n tiktsonkepayah ya n' tokue:y wa:n yo:n *alforsos** yo:n kipia nika:n, komo se: kitsonkepak ne:si wa:n *mej...**, yeh ka *mejor** iwki n'te:chihchi:waltik ke:meh i:n mah a:mo teh kipia *porque** komo nike:kepa i:n a:mo teh ne:si nio:n tei. Kualtia iwki nimakia, sepa n'tsokepa sepa wa:n sepa iwki *hasta** iwki n'pa:ta wa:n komo kipia yo:ni pos ne:si. A:mo para se: kitsonkepas wa:n yeh ika yo:n xolochtik nikihtowa neh yo:n a:mo para para tikepas *porque** yo:n xolochtik pos ahko moka:wa ne:n tein koyaxtik wa:n tani xolochtik ka:n wel se: makia, yeh ika neh *mejor** iwki n'te:chihchi:waltia nokue:y. E:mah, neh iwki nimakia neh notilmah wa:n neli iwki, i:pa ihkó:n ne:chne:xtilih note:iskaltihka:w neli yeh no: iwki makia:ya. A:, pos yehwa yo:n a:mo n'matia ne:pos seki kitso:tsonkepah n' inkue:y, ke:man pa:ti a nika:n ka:mpa i:n ekintsi:n... Ke:mah, neh iwki nikchi:wa. Ke:mah *porque** i:n niaktok i:n, pa:tik de nika:n, entó:s nike:pak yekintsi:n ahko moka:w wa:n tani yetok i:ni *porque** a:mo teh kipia niu:n tei, i:n kuali se: kkepa. Wa:n komo yo:n tahkoxolochtik pos ka:n kualtia, ka:ni nikepati wa:n niu:n, wa:n niu:n *porque** teihsá: timoohsas nika:n timoohsas i:n moi:ka:n teihsá:, yo:n i:ksá: teihsá: se: moohsa ke:meh yo:n kanah ika se: mota:lia, se: moohsa teihsá:, yo:n tapalo:l oso ihkó:n san tein a:mo, kuali se: kimalakachowa ihkó:n se: kkepa. Wa:n komo yo:n xolochtik ka:ni xikepa, nochi iwki sah. E:mah, yeh, yeh ika neh iwki nimakia nokue:y. Neli, okachi kuali n' ke:meh yo:n teh timokue:ytia. Pos neh nikita *que** ke:mah, pero neli a:mo tinochi:n ok, tatsa:la:n ya sah, *porque** nikita ihkó:n pi:pil a:mo kikuih ok. E:mah. Ke:mah. *Porque** neh... Wa:n seki *hasta** na:nahmeh ya no:, Ke:mah, makiah ya no: iwki, makiah ya no: iwki nikita neli, pero neh neli neh a:mo, a:mo nimakia iwki yo:ni a:mo wa:n miakpia ihkó:n ne:chiliah seki ke:h ka:n iwki n'te:chihchi:waltia nokue:y. Pos kanah *porque** a:mo nikwelita nikilia. Wa:n ka:n nimaki:s nikilia *mientras que** nipa:ktok nikilia pos nikchi:was nikilia iwki, neh nimokue:yti:s, *sólo** komo ne:chahsik kokolis a:it ke:ní:w. E:mah, pero neli nikilia neh, neh iwki nimakia nokue:y. *Porque** neli pos se: maki:s wa:n no:..., wa:n ta no: nimakih ok, ekintsi:n ke:meh i:n niaktok i:n kiliah ma:xoloch, pero tein achto tikuiah ma:..., iwki tikuiah ke:meh yo:n monamaka ne: Kuesala:n ata yo:n ma:xitaktik, no: nikimpa:tak yo:n ma:xitaktik, yo:n *a co:colores**. Yo:n no: n'pa:tak neh *porque** no: kko..., kkowaya iwki ne: note:iskaltihka:w. E:mah, iwki yo:n kkowaya, i..., i:n pe:wak kikowa pero i:n i:pa nejo:n, i:pa niwe:i a *cuando** pe:wak kikowa tei:n yehwa ya ma:xoloch ke:meh i:n. E:mah, pero achto nikuia yehwa yo:n nejo:n ma:kanaktik de nika:n, a:mo xolochtik. *Porque** i:n xolochtik no: taman wa:n de yo:n oksé: no: taman. Ne: pos mo:má:n no: kikuia ne: tein ma:xitaktik n' achto. N' achto ke:mah, *más** achto ke:mah n' kihtowa. Pero i:n, *más** i:n i:pa nejo:n tiwehwei:n ya pe:wak kikui no: ma:xolochyeh ya. *Hasta** ika, *hasta** tehwa:n pe:wak iwki kkowa ma:xolochyeh ya, pero achto no: nikuik ok n' tein yo:n ma:xitaktik. E:mah, tein ma:xitaktik no: nikuik, *porque** nikowaya, no: sepa tiko:wkah ok, *hasta** nikahkuí:n kinamakayah. Wa:n ompa pe:wak tikowiliah sepa se: na:nantsi:n de Nauzontla, yehwa n' kiniwa:lkuia yo:n ma:xolochehkeh nochipa, yehwa ya pe:wak tikowiliah. E:mah, pero i:pa i:n niwe:i a. Ne: pos mah tikihto:ka:n i:n, i:n *motahmachkami:sah** tein ekintsi:n tiaktok tikilia ma:xoloch, a:mo k..., a:mo kipe..., a:mo pe:wak kichihchi:wah nika:n ka:mpa teh tinemi nika:n Tzinacapan. A:, i:n pe:wak kichi:wah pero i:n ka:n ya wehka:w, ke:meh se: e:yi xiwit, na:wi xiwit pe:wak kinchi:wah ya, achto ka:n kinchi:wayah. E:mah, achto a:mo kichi:wayah, a:mo na:kah welia nika:n, pero a:man nochi welih ya, a:man welih nochi n' kichi:wah ya n' ekintsi:n. E:mah, ekintsi:n nika:wí:n sah n'te:chihchi:waltia pero achto nikowaya nehkui:ni. Tein te:chiwa:lmakaya se: na:nahtsi:n de Na..., de Nauzontla no: mikik a, ne: ke:man ya no: mikik. Wa:n no: pe:wak momachtiah nika:wí:n kichi:wah ya pos nika:wí:n ya n' tikowah. Pero tikowah sayoh yehwa i:n tahmach wa:n tilmah tehwa:n tikowah ya, t'te:ihtsomaltiah ya. E:mah, sepa no: tikowah n' tilmah wa:n yehwa ya n' ke:meh i:n te:chakah sayoh nejo:n *pecheras**. Wa:n sepa para ka:mpa te:chtahtsomiah pos no:, no: sepa ttaxta:wah. No:. Pos neli ne: yo:n a:mo n'matia. Neh nimolih ompa ne:n i:pa kichihchi:wayah yehwa yo:n *tahmachkami:sah**, nika:n ka:mpa teh tinemi Tzinacapan. A:mo, ompa ka:n kichi:wayah kachi. E:mah, i:pa, i:pa ki..., kichi:wayah tein, tein n'mattok i:pa kichi:waya se: na:nahtsi:n a:man nohma niki:ita no:, no: nejo:n, a:man no: makia nochi yehwa ya no: ma:xoloch, pero yeh no: kinchi:waya neli yehwa n' tein yo:n nikihtowa ma:..., nejo:n a:mo ma:xoloch, ma:xitaktik iwki sah, yehwa no: niko..., no: kko:wka ok neh no:te:iskaltihka:w, yehwa kkowilihka i:pa se:, se: de *co:colores** no: kko:wka. E:mah, pero ma:xitaktik katka, a:mo ma:xolocheh. I:n pe:wak nimakia ma:xolocheh pero i:pa i:n, i:n nejo:n *casi** i:pa *más** niwe:i a, pero achto nikuia yehwa n' tein nejo:n nejo:n tein yo:n ma:..., ma:se: sah kiliah, e:mah, a:mo xolochtik katka. Wa:n ne:n mowi:pil, ompa ne: Tzinacapan ne:n A:mo, i:n..., a:mo i:n i:pa no: tikowayah. I:n i:pa pe:wak ki..., kichi:wah i:pa ompa *desde** ti:xpeta:n. tikowayah, i:n, i:n neh nikowilihka se: na:nahtsi:n nemi nika:n Pinahuistan, yehwa neh nikowilihka. E:mah, i:n nowi:pi:l. I:pa, i:pa nimakia:ya n' achto nowi:pil, pero yehwa nik ihtowa *de encaje**, yo:n tein ka:mpa, ampó:n Kuesala:n monamaka, yo:n *tienda** ata yo:n kipihpilohtokeh yo:n xo:xo:chioh, yehwa n' timakia:yah de n' achto. Neh, neh yehwa nimakia:ya. Pero pe:wak nikui i:n notachi:w..., de i:n tikiliah tachi:wwi:pil a, i:n ka:n ya semi wehka:w. Kipias ke:meh se:, ke:meh se: sempowal xiwit pe:wak nikui yehwa ya, pero achto ni..., achto nikuia nochi yehwa yo:n seki, e:mah, yehwa yo:n tein kiliah *encaje**. oso *jamá**. E:mah, *jamá** no: nikuik ok nowi:pil. I:n ach..., achto ke:mah *cuando más** ninohne:l yehwa ok nikuia. ¿Wa:n yehwa yo:n *jamá** ka:ni n' kichihchi:wayah? A:mpó:n monamakaya i:pa Kuesala:n, ampó:n kkowayah. Tachihchi:w a. A:mo, kkowayah tilmah. wa:n no:, wa:n kuali, neh nejo:n note:iskaltihka:w katka kuali k..., kuali kihtsomaya, kuali kichihchi:waya. Yeh welia nochi, kuali kichihchi:waya, kima:ihtsomaya. Ke:mah, wi:pil kuali kima:ihtsomaya n' kihtowa. Pero neh ka:n..., neh yehwa yo:n neh a:mo nimone:xtilih, a:mo ke:man niwelik, a:mo nikchi:w. Ne: p..., ne: pos ne:n tachi:wwi:pil a:mo no: ne: moxola:l m' pe:wak kichi:wah. A:mo, yeh nejo:n i:pa pe:wak tikowah, ke:meh i:n ompa ne: kininemi:lti:tih. Se: na:nahtsi:n tiko:kowilia:yah nochipa, nemi nika:n Pinahuistan. Nochipa yeh ti..., yehwa tikowilia:yah. Wa:n a:man pos ke:meh i:n Kuesala:n onkakeh ya no: ompa ya n' tikowah, a:kin yeski a tikowiliah, a:mo t'matih ka:n kayo:t. Pero *que**, pos kininamakah, ke:meh ne:wí:n San Andrés kiniwa:lkuih. Kihtowah n' ekintsi:n no: nemih ne: siwa:meh ompa ne: xola:lpan nemih, tein kichihchi:wah yehwa yo:n tachi:wwi:pil, momachtihkeh pos *apenas** ok. Ke:mah, no: kinimachtihkeh ya para pe:wak kichi:wah, kihtowah *que** se: na:nahtsi:n no: k..., no: weli pero no: ki..., no:..., i:n wa:lahka n' kihtowah i:n *apenas** pero no: kimachtihkeh ya, e:mah, no: welih. E:mah, welih pero a:mo miakeh. Ke:meh, se: o:men, o:men sah neh nikini:xmattok kihtowah *que** welih ne:n yehwa ke:meh i:n wi:pil. Pero neh a:mo ke:man nikinkowilia, neh i:pa nikowa seko. Ne: pos ne:, kualtsi:n i:n tein tine:chtapowih de motake:n. Ne:, wa:n i:n ka:mpa teh tinemi, wa:n, ¿yo:n tilmah no:ya:n sah kikuih *o** i:pa ka:mpa teh tinemi sah? ¿De i:n tilmah, ke:meh i:n niaktok? Kik..., kikuih ok, kikuih ok *siempre**, kikuih ok San Miguel, pero pos nimitsilwihtok *que** a:mo miakeh ok. Ke:meh teh timotake:ntia, ke:meh teh timochihchi:wa mah tikih... Pero n' okseki xola:lmeh. Ke:mah, pero Ayotzinapan no: kikuih ok, no: kikuih ok. Kikuih ok no:, pero nochi yehwa n' ke:meh i:n, kikuih ya ke:meh i:n nochi xoloche, pero yehwa ya nimitsilia n' kue:it nochi yehwa yo:n alaxtik tilmah. Yo:n onkak ata seki *de co:colores** n' tilmah, seki kikuih yo:n mahyá: xoxoktik. E:mah, wa:n neh ka:n ke:man nimakia de yo:n xoxoktik, neh i:pa nikui nochipa i:n ista:k. E:mah, a:mo, neh a:mo nikui de yo:n onkak yo:n tilmah seki mahyá: xoxoktik, seki mahyá: yo:n *azulito** yo:n kihtsoma ika yo:n *color de hilo**, a:mo ke:man nikui neh iwki no..., nokue:y, neh nikui nochipa ista:k. Wa:n nipawí:n, no: iwki motake:ntiah ke:meh teh, nika:n por Xiloxochico, Yohualichan, San Andrés. A:mo, ompa ke:mah no: taman ya n' intilmah. Ompa ke:mah no: taman ya. E:mah yo:n ompa a:mo nikelna:miki ok ke:ní:w, pero ompa no: taman ya. Ne p..., i:n tein nikahkuí:n tehwa:n San Miguel sah tinemih yehwa ke:meh i:n tikuih. Pero nikahkuí:n no: taman ya, no: taman ya. ¿Toni mopata? Pos mopata de se: *ikamisah** ya *porque** no: taman, yo:n seki kikuih ata *kami:sah** nika:n xohxolocheh. Wa:n tehwa:n *tokami:sah** a:mo iwki, tehwa:n i:pa ke:meh i:ni sah. ¿Wa:n inilpika no: ke:meh tein teh? A:mo, no: taman, *más** patakaxtik ata yehwa:n inilpika. Wa:n seki kikuih inilpika de nika:n pané: por Pinahuista kikuih yehwa yo:n mahyá:, mahyá: ti:ltik ata wa:n *más** pitsa:wak. Pané: iwki n' ilpika[t], ka:n nikelna:miki pero *bueno** pos ompaka ne:wí:n kayo:meh ya. Pero tehwa:n ompa ne: San Miguel pos yehwa n' tikuih *más** de i:ni wa:n yehwa nimitsilia neh achto *más** tikuiah yehwa yo:n kilwiah ilpikat *arabia**. Pos ekintsi:n a:mo kachi, a:mo kachi no:, pané: a:mo kachi na:kah kikui ok. ¿Wa:n ne:wí:n San Andrés? Pos ompa kikuih no: yehwa yo:n pata:wak. No yehwa n' yo:n pata:wak neh nik... ¿Wa:n intahmachkami:sah? A:mo no: kikuih ke:meh i:ni. No: taman ya n' kikuih no: n' *kami:sah**. E:mah, kikuih seki yo:n de miak *colores** wa:n ka:n nikelna:miki kati:yeh n' ompaka kikuih, *pero bueno** pos nompaka kayo:meh ya, a:mo nikmati de ke:ní:w yo:ni. E:mah, neh n'mattok de ompa sah de nika:n. E:mah. Pos mah tikihto:ka:n *que** yo:n tein tilmah tein teh tiaktok i:pa ne: Tzinacapan sah kikuih wa:n tein paratani xola:lmeh yetokeh, Ayotzinapan wa:n tak Xaltipan no: tepitsi:n xa:. Ke:mah. Ompa no: kikuih ok seki, no: kikuih ok seki. *Porque** ne:paka a:na:l yetok Tecoltepec, pero kihtowah ompa no: taman ya motake:ntiah. Ompa sepa no: taman ya, e:mah, ompa sepa no: taman ya. Wa:n nika:n no: etok, ne:n Tonalix wa:n Tixapan pero no: taman intake:n. A:, ompa sepa no: taman intilmah, e:mah, sepa no: taman ya. Es que** ta:taman se: itilmah nochi se: makia. Pero neli neh pos neh de i:n nikui, i:pa yehwa i:ni nikui. Ke:mah. Pos mah tikih..., ne: nochi n' tilmah tikihtowa *que** tikowa ne: nika:n Kuesala:n tilmah wa:n tak ne:n ikpat tein ika tikihtsoma ne:, *bueno** kichihchi:wah ne:n tahmach wa:n teh te:chihchi:waltia ya, ¿pero yo:n moko:skaw? ¿I:n noko:skaw? Pos i:n, i:n tiko:wka *antes** ya, i:n a:mo, a:mo n'mati ke:n, i:n tein no:má: ne:chakaka seki wa:n seki tein tehwa:n tiko:wkah pero tonto:nal a n' tiko:wkah. *Porque** a:man ihkuí:n se: *bolsita** nitahtan i:n *apenas**, ne:chilwihkeh nejo:n, ka:nachi, ka:nachi ne:chilwihkeh, no: o:me *ciento** ihkuí:n se: *bolsita**. Ahsi, ahsi mahtaktio:mo:me *hilo** ahsi. *Porque** i:pa niko:wka yo:n ke:mah, i:pa niko:wka, ihwa:k nikowka pané: katka se: *ciento** ok ika se: *ciento**, ka:n nikelna:miki ka:nachi, se: *ciento** wa:n tahko ok pané: niko:wka. E:mah, pero, pero neh niko:wka para se: para se: noto:ka:y nikmakak. Ke:mah, yeh ika n'mattok ke:ní:w. Wa:n i:n a:man sepa nitahtan, nikitak sepa onkak, ne:chilihkeh *que** o:me *ciento** ya. E:mah, panki:sak a. Neh niko:wka ke:meh e:yi xiwit niko:wka. Pos xkita sah. Ne:, nimolih teh t'chihchi:waya yo:ni. A:mo, a:mo, i:n se: kkowa i:pa, i:n a:mo n'mati ka:ni kko:wkah. E:mah. Wa:n i:n seki, pos i:n seki tein yehwa ya nejo:n kikowak ne: notatahtsi:n pero pos a:mo nikelna:miki ke:ní:w, tonto:nal a no:. Wa:n yo:n ika tikilpia, ¿toni, ke:ní:w mono:tsa? ¿I:n? I:n i:pa kilwiah *listón**, neh i:pa iwki niki:xmati, pero se: kilwia iko:skama:it[ko:skama:it]. Ko:skama:it. Ko:skama:it pero pos i:pa se:, se: tahtanis nikneki *listón para** s..., ko:skama:it, e:mah *porque, más, más** wel kiliah ko:skama:it, para ika se: kima:ytia. ¿Wa:n kuali se: kima:yti:s ika se: tilmah sah *o** i:pa moneki n' ko:skat ne:n im..., n' ko:skama:it? A:mo neh i:pa nochipa ke:meh i:ni nikowa para n'ta:lilia. A:mo ke:man nikui tilmah sah, kualtia seki kikuih *hilo**, pero neh nikui nochipa de i:ni. Pos pané: nochi a yo:n, tein, tein..., a:, pos te:chpolowa mopi:pilo:l, ka:n n'mati ox tehwa tikchihchi:wa oso tikowa. A:mo, a:mo i:n no:, i:n no: nikowa. I:n no: nikowa ompa nika:n Kuesala:n. Ka:mpa yo:n monamaka teihsá: nochi yo:n para ne: sa..., ompa neh nikowa. *Mercerías** neh nitalia, e:mah, ompa neh nikowa nopi:pilo:l. Wa:n no: pati:yoh. Ke:mah, no:, no: nejo:n, no: onkak *hasta** no: onkak de se: *ciento** panowa, *ciento veinte** no: onkak, ihko:ni, e:mah. Pati:yoh no:, nochi pati:yoh wa:n tei:n se:, pos ke:meh se: kinekis, se: kahsis seki ika ika, yo:n ke:mah nitahtan seki ne:chilihkeh *a** kaxto:l *peso**, seki sempowal *peso**, ke:meh se: kinekis wa:n komo se: kineki tein *más** pos yehwa ya no: tahko *ciento** no:. E:mah. Pos neli miak tasohka:matik tne:chtapowih neli neh, neh nikita sah namochihchi:wah pero a:mo nikmati ke:ní:w n' ito:ka:y ne:n namotilmah wa:n ox pati:yoh *porque** a:mo nik..., a:mo nikui. Ke:mah. Ke:mah, pero pos miak tasohka:matik ne:n A:mo teihsá:. tine:chtapowih neli. A:man, axka:n n'neki xne:chili ne: moto:ka:y wa:n ka:ni n' tiwa:le:wa. Neh nimono:tsa niMaría Salazar Osollo, de San Miguel. *Bueno** pos neh noto:ka:y Amelia Domínguez, de Xaltipan.