A:xka:n nikneki xine:chtapowi ne:, neh nikitani miak taman nanakat onkak, sayoh *que** a:mo nikintohto:ka:y i:xmati, sayoh nikmattok *que** seki se: kinkua wa:n seki a:mo. Neh a:mo nikmati ox tiki:xmati i:n xo:no:nanakat. Ke:mah, niki:xmattok. Nikixmattok mochi:wa itech yo:n kowit, xo:no:kowit no: kie:wa. Ne:... E:mah yehwa yo:n kie:wa kualtsi:n, seki ye:kpa:patakaxtik. Emah, wa:n, wa:n wehwe..., *bueno, de cuando** yekinika e:wa pisili:tos, *pero después** mochi:wa wehwwei, *hasta** nehnepantik, kualtsi:n mochi:wa se: kikuiti. E:mah wa:n yewha yo:n se:, komo se: kikua:s taa:man oso komo se:, ki..., se: kikua:s a:ko:loh kihtowah *que** no: we:lik a:ko:loh. Pero neh nochipa nikmana iwki sah taa:man sah, e:mah, niki:xmattok. I:pa nochipa taa:man sah pos teh tikua. Ke:mah, neh nochipa taa:man sah. ¿A:ksá: tikakini kikua taman? Ke:mah, seki we:lik kihtowah a:ko:loh no: we:lik wa:n komo a:mo chi:lposo:n no: we:lik. Chi:poso:n mah se: kichi:wa. Pero neh nochipa nikmana ihkó:n iwki sah. Komohkó:n chi:lposo:n, ¿toni se: ika se: kita:...,, toni se: kita:lilia? Se:... Se: kita:lilia tomat wa:n chi:lwa:k, ¿i:pa yehwa sah? Ke:mah, i:pa yehwa sah, yehwa se: kkue:cholia. A:mo, kita:liliah mah teihsá: mah ahwiya:ya. A:mo, e:mah, yehwa sah. Tikihtowa *que** mochi:wa itech xo:no:kowit, ¿ka:ni mochi:wa? Yeh mochi:wa ka:nika eski, mochi:wa. Pos pané: yehwa sah de i:n xo:no:nanakat, neh ka:n ka:n teh n'mati semi, ne: a:mo nikmati. Nikitani i:ksá: neli ne:chwa:ntih pero a:mo nikmati ka:ni mochi:wa wa:n ke:maniá:n. ¿Ke:maniá:n neli mochi:wa? Pos yeh *más** mochi:wa ke:meh i:n *cuando de** i:n kiowi a. Ke:meh i:n tiwa:lpano:keh i:n oksé: *mes** kiowi a, pos ihwa:k a mochi:wa ya. E:mah, mochi:wa ya, *porque de cuando** teltakawa:ni ka:n no: mochi:waya. *De que** kiowi a, mochi:wa ya. Pos nochi mah tikihto:ka:n i:n me:tsti *hasta** enero onkati xo:no:nanakat. Pos ahachichi onkak ok, e:mah, onkak ok, ke:mah, ka:mpa palaktik n' kowit wa:n tein kie:wa, kie:wa neli. Wa:n ka:sá: ika mas:ki onkak kowit pero a:mo mochi:wa. Ka:sá: ika sah mochi:wa, pero mochi:wa. *Porque** tehwa:n ompa ka:mpa ne: nota:tahtsi:n ita:lpan, ompa mochi:wa *porque** ko:nkui. E:mah, yeh ika n'mattok *que** mochi:wa. ¿Nochi xo:no:kowit kie:waltia ne: nanakat oso seki sah? Seki sah, seki kie:waltia wa:n seki a:mo. Wa:n komo a:mo i:ksá: yo:n chalawih no: ke:waltia, chalawihkowit. pero yehwa yo:n pos tein palaktik a no: ke:waltia, yehwa xo:no:nanakat, komo a:mo yehwa ya yo:n seki onkak nanakat, yo:n ma:tananakat no: ke:waltia. Pos ne:..., ekintsi:n, *bueno** tne:chtapowih ya de i:n xo:nokowit. A:xka:n nikneki no: nikmatis seki nanakat niye..., ye..., i:n to:nalmeh no: nte:te:nkak, kito:ka:ytiah ka:walpox, ¿ke:ni:wki yo:n yehwa yo:n nanakat ka:walpox wa:n ke:ní:w se: kikua? Yeh, pos yeh no:, no: iwki se: kikua:s. Komo se: kineki no: taa:man mah no: se: kikua iwki wa:n komo a:mo mah no: se: kichihchi:wa a:ko:loh. Pero yeh *más**, yeh *más** tihtilaktik. Yeh *más** tihti:la:wak *que** tein nejo:n tikiliah ma:tananakat, achi kahkanaktik wa:n yeh *más** tihtila:wak. Niki:xmattok, yeh *más** tihtila:wak, wa:n ipanko mahyá: ma:tahta:ltik. Pero *más, más** we:lik yo:ni, no: *más** ye:kahwiya:k. Kachi we:lik pos. Ke:mah, we:lik, we:lik no: *ig...**, no: we:lik ke:meh ne: ma:tananakat, no: iwki we:lik. No: iwki a we:lik pero pos *más, más** tihtilaktik yeh mochi:wa. ¿Wa:n yeh itech toni mochi:wa? No: mochi:wa itech kowit, yo:n mochi:wa no: itech katí:n yeski kowit. Mochi:wa itech chalawih no: oso yo:n, yo:n teswakowit no: kichi:wa n' ompa. Ne:, ¿wa:n i:n tikowa oso, *bueno** kinamakah oso i:pa sayoh kikuah? Pos *cuando, cuando** kahsih ke:meh yo:n i:ksá: n' ompa ke:meh ne: tehwa:n tinemih *cuando** kahsi a:ksá: se: tokni:tsi:n te:chnamaki:lti:ti, tikowah no: i:ksá:. Wa:n komo a:mo pos yehwa yo:n ka:mpa tikahsih, pos ompa timowa:lkuiliah ya. Wa:n komo a:mo tikowah, *cuando que** a:ksá: kahsi miak pos monamakilia, tehwa:n tikowah ya. Pos neli, neli, no: neli kin..., ne:n xa: i:n se: tonal no: nimoahxili:s wa:n nikeko:s ke:ni:wki we:lik i:n ka:walpox. Ke:mah, ta: we:lik kualtsi:n. A:man no: nikneki xine:chtapowi i:n oksé: no: nanakat kiliah ki..., chikinte. A:, n' chikinte yeh, yeh mochi:wa ata yeh nehnextik, nikilia neh, yeh *más** itech e:wa yo:n chakay. Chakaykowit *o** yo:n nejo:n, yo:n kowit de yo:n, yo:n xi:kalkowit, yo:n no: kie:wa semi. E:mah, yo:n chikinte yeh a:mo, yeh a:mo wehwei mochi:wa, yeh tsitsikitsitsi:n pero mah..., nehnextik neli. Wa:n yo:n no: kuali se:, kualtsi:n iwa:n ne: nejo:n emo:l se: kimana wa:n se: kipante:milia no: a:ko:loh. no: we:lik. E:mah, pero neli yo:n no: mochi:wa yehwa, itech yehwa yo:n chakaykowit wa:n yehwa nimits..., neh itech yo:n xi:kalkowit, yo:n nochi kie:wa. E:mah, wa:n kuali n..., pero yo:n *ma...**, yo:n taxi:kowa wehka:wa yetok, *porque** neh ye:k yo:n ke:man ya nikuito ne: nikahsik ne: ahko ke:ski wa:n iwki nike:wtinemi *porque** a:mo kanah nikahsitok *más** wa:n nikilihtoya nota:tahtsi:n komo nikahsik *más** nikilia, yehwa ya n' chi:was e:mol nikilia pero yo:n taxi:kowa wehka:wa yetok, a:mo teh *kipasarowa**. E:mah, iwki, iwki yetok, mah se: kita:lihto wa:n *cuando** yo:n se: kkuiti a mah no: se: kahtselwi wa:n, wa:n no: nejo:n mochi:wa wehwei a wa:n se: kie:ktia wa:n se: kipante:milia ya n' e:mo:l, no: we:lik kualtsi:n. Iwa:n a:ko:lin no: mah se: kkue:choli wa:n ika chi:lxoxowik, no: we:lik wa:n iwa:n yehwa n' ti:ltiket. ¿Mahyá: moskaltia ok sepa? Ke:mah, ke:mah tsikitsitsi:n mochi:wa, motohtokotsowa de wa:kik wa:n komo tika:pachoh mochi:wa pa:pa:takaxtik no: wa:n ke:mah mah se: kipante:ma ya. Mah *cuando** yo:n se: kipante:ma ya n' et mah no: se: kipante:ma ya, *cuando** se: kichihchi:waki a pos oksik a wa:n se: kikua ya. A: pos neli y..., yo:n neh nikmattok nikua:ya ke:man katka nipili, niko:nkuia iwa:n ne:n nowe:iná:n. Ne:, pero a:mo nikel..., a:mo nikmatia yo:n komohkó:n kuali se: ke:wa. Sah neh n'mattok *que** tiko:nkuiah wa:n niman tikua:yah. A:mo, kualtia se: ke:wtok, *porque** neh niketstok ompa neli. Yeh ika n'mattok *que** kualtia. I:pa iwki ne:chilia:ya note:iskaltihka:w, yo:n ka:n teh *kipasaro:s** kihtowa, mah ampó:n yeto kihtowa, wa:n *cuando** tikahsis sepa ka:sá: ika kihtowa t'chihchi:waskeh ya. E:mah, iwki n' tehwa:n t'chi:wah. Pos xikita sah. Pos neli ne:n tikihtowa i:n se: kikua iwa:n emo:l, Ke:mah, ti:ltiket. ih..., iwa:n, iwki sah, epaso:yoh oso... A:mo iwki sah, neh iwki sah n'chihchi:wa i:pa sayoh a:ko:lin n'ta:lilia, nikue:cholia a:ko:lin wa:n yehwa ne:n chi:lxoxowik wa:n iwki a. Pero pos taká:n kinekis kuali kita:lili:s teihsá: para iahwiya:kka. Ke:mah. Pos neli kuali etok i:n, welik mahy..., welik i:n chikinte neli we:lik, i:n nikua:kua:ni. Ke:mah. A:xka:n nikneki xine:chtapowi i:n oksé: nanakat, kiliah ma:tananakat. Ke:ni:wki i:n ma:tananakat wa:n ka:ni mochi:wa wa:n ke:maniá:n mochi:wa. No: ke:meh a:man nochi mochi:wa yo:n ma:tananakat, e:mah. Wa:n ma:tananakat no: kie:wa yehwa n' chalawihkowit. Ke:wa wa:n a:mo n'mati seki ton kowyo no: kie:wa, yehwa de yo:n teswat no kie:wa, chi:kikis no: kie:wa. E:mah, pero yo:n nochi komo ye:kchika:wak a no, yo:n kuali se: kikua mah se: kipuye:li wa:n mah se: kite:tewa:tsaka koma:lko, kualtsi:n te:tewa:ki no: kualtsi:n ika se: takua, ye:kahwiya:k. Komo yo:n telchihchika:wak a, *porque cuando** ye:kchika:wak a ata ye:kkohkostik a. Wa:n *cuando** ko:kone:meh ye:kpohpochiktik wa:n sa sehseltik, se: ki:e:ktia ye:kne:nke:n kokotoka yo:n itsi:nkowyo. Pero komo chika:wak a pos ka:n no: we:l se: kikua ok *porque** takua:wak. E:mah, kuali se: ki..., kuali se: kitewa:tsa koma:lko, se: kipuye:lia wa:n se: kitewa:tsa koma:lko wa:n kuali ika se: takua no:. I:ni, ¿wa:n komohkó:n sehselik se: kia:mana? Se: kia:mana oso komo se: kichi:wa a:ko:loh no:. Pero n' ta: nimitsilwihtok seki kihtowah komo se: kia:ko:lwih *que** a:mo mochi:wa ok n' ka:mpa mochi:wa, pero a:mo se: kimati ox neli, neh, neh nochipa nikmana ihkó:n pero taa:man sah. Wa:n i:n, yehwa i:n tikihtowa mah a:mo se: kia:yo:ti tne:chtapowihtoya. A:, ke:mah, *como que**, komo se: kitela:yo:tih pos ka:n no: we:lik ok ki:sa, mah se: kia:yo:ti pero tepitsi:n sah *porque** yo:n moa:yo:tia *porque** ke:meh, ke:meh *de que** kiowi *cuando** mochi:wa pos kwa:lkui miak a:t. E:mah wa:n de se: kite:kilia a:t miak pos moa:yo:tia wa:n komo tepitsi:n sah tika:yo:tih kualtsi:n ki:sa. Mah kualtsi:n sah se: ka:yo:ti. No:, pos neli, neli nejo:n we:lik i:n nanakatsí:n neli no:. Ke:mah we:lik. Ke:mah. Ne:, i:n a:mo, a:mo semi, i:n a:mo niki:xmati i:n na:..., nanakat. ¿Ka:n tiki:xmati? Neh niki:xmattok, niki:xmattok. I:n a:mo niki:xmati. A:, ke:mah. E:mah, eski miak taman ne: nejo:n se: kinkakilia n' tokni:wa:n, seki kiliah seknanakat, seki kiliah ne: miak taman nikinkakini sah pero neli de a:mo nikini:xmati pos a:mo nikma[ti]. Ke:mah, pero seknanakat no: yetok sah ke:man mochi:wa, yehwa yo:n a:mo, a:mo nikelna:miki, de seknanakat no: yetok sah *cuando** mochi:wa, *cuando** yo:n ye:ktasese:ya sah. E:mah, itech i:n, itech i:n tapowal de diciembre ihwa:k mochi:wa yo:ni. Yo:n neli, yo:n neli no: we:lik. Wa:n yo:n kualtsi:n no: se: kichi:wa. E:mah, yehwa yo:n a:mo nikelna:mik teh nimitsilih pero yo:n neli no ni..., no: niki:xmattok. ¿Wa:n yo:n ke:ní:w se: kikua yehwa yo:n seknanakat? Pos yo:n kuali se: kikua no: mah se: kichi:wa taa:man *o** mah no: se: kichi:wa chi:lposo:n oso tatsoyo:n. Wa:n komo mah se: ki...., mah se: kkokototsa kualtsi:n wa:n mah se: kipuye:li wa:n mah se: kichi:wa koma:ltamal, no: ye:kwe:lik. Tehwa:n iwki tikchi:wah, *más** koma:ltamal tikuah. E:mah, ke:meh yo:n n'ta:lia n' tixti wa:n de nikepa ya ihwa:k a ompa niki:xta:lilia ya ne:n nanakat wa:n sepa se: n'pasowilia wa:n ke:mah oksi a wa:n tikuah ya, ye:kahwiya:k neli. E:mah, pero yo:n mochi:wa ihwa:k itech i:n diciembre sah. I:pa sayoh diciembre sah mochi:wa. Ke:mah, oso enero mochi:wa *cuando** yo:n teltasese:ya, ke:meh i:n a:man mochi:wka. E:mah, *porque** teh..., wa:n yo:n mochi:wa ta:li:xko sah, yo:n a:mo mochi:wa itech kowit, yo:n ta:l..., no: mochi:wa seki *pero más** mochi:wa seki ta:li:xko. Mochi:wa ke:meh i:n ta:li:xko wa:n kuali se: kkuiti ompa wa:n se: kichihchi:wa. A:, pos xkita sah. ¿Wa:n no:ya:n onkak? E:mah. A:mo semi, ka:sá: ika sah mochi:wa, ka:sá: ika a:mo mochi:wa. *Porque** neh n'mattok *porque** ne: ka:mpa nota:tahtsi:n ita:lpan ompa mochi:wa, ompa tiko:nkui:kuih. Ma:ski kahfe:ntah ihkó:n mochi:wa ye:kkuahkuali wa:n a:mo ta: no: kie:wa xo:no:kowit, chika ompa ko:nkuika seki nota:tahtsi:n itech xo:no:kowit, no: kie:wa. E:mah, ye:kwehwei mochi:wa no:. Pero yo:n no:, no: komo pano:tok a a:mo no: wel se: kikua ok. Mah se: kikua no: yo:n *cuando** sehselik kualtsi:n. Wa:n yo:n neli no: moy..., no: motela:yo:tia. E:mah, yo:n ye:ktsikilitsi:n sah a:tsí:n sah t'te:kili:s wa:n ye:k miak mochi:wa n' ia:yo *porque** ye:ka:yoh. Wa:n komohkó:n chihchika:wak a se: kikuah, ¿toni ne:n...? Ka:n wel se: kikua ok *porque** eliwis pa:ti, kokotoka ya sah. Wa:n de sehselik kualtsi:n se: kkokototsa, sehseltsitsí:n kualtsi:n se: kkokototsa *porque** komo telpano:k pos ka:n wel se: kikua ok *porque** ka:n wel..., wa:n kie:kkuih yo:n ihkochimeh. Yo:n neli kinye:kpia, kintelpia ihkochimeh. Pero de chika:wak a, *pero de que** sehselik ka:n teh kipia. *Porque** neh niki:itani *porque** nikchihchi:wani. A: pos neli, kuali a *que** tikelna:mikkeh i:n seknanakat, a:xka:n nikneki xne:chtapowi, kihtowah onkak o:me taman alakcho. Nikneki xne:chtapowi sehse:meh wa:n ka:ni mochi:wa wa:n ke:maniá:n mochi:wa. A:, yeh m..., yeh mochi:wa ke:man eski pero no: *cuando** kiowtiw, *de que** yo:n *cuando** teltakawa:ni a:mo no: mochi:wa, *pero siempre** se: kahsitiw ahachichi, *casi** ke:meh i:n de kahfe:ntah mochi:wa, yeh kuali mochi:wa itech kahfe:n. Yehwa yo:n seki yo:n nikilia ti:ltik wa:n de yo:n okseki, pero de yo:n ti:ltik te..., yeh *más** takua:wak. Wa:n yo:n seki *más** ema:nik wa:n telihkochyoh, n' okseki ne:n alakcho pero tein yo:n ti:ltik *más**, *más** takua:wak, yo:n kihtowah kuali se: kikua iwki mah chi:lposo:n se: kichi:wa. No: we:lik kualtsi:n. Wa:n, ¿i:pa sayoh chi:lposo:n se: kikua? Weli se: kikua taa:man no:. Taa:man. Neh iwki nikchihchi:wa taa:man sah, nikmanilia nota:tahtsi:n. Wa:n, tikihtowa mochi:wa ka:mpa ika eski wa:n sayoh ke:meh i:n a:man kiowi, ¿wa:n i:n no: monamaka? N..., ke:mah, mochi:wa. Pané: a:mo okachi, *porque** a:mo akah ihkó:n mah, mah kinemi:lti. E:mah. Se: kahsi pero ke:meh yo:n, pos tehwa:n i:pa tikahsih pero tik..., a:mo ke:man n'namaka neh, nochipa tikmanah sah. Ke:mah, pos neli ne: nochi iw..., wa:n i:n tikihtowa n' alakcho wa:n i:n, acha n' tein ti:ltik wa:n tein nextik, okachi we:lik n' tikihtowa n' tein ti:ltik. Ke:mah *porque** yeh *más** ka:n pa:ti wa:n okseki no: pa:ti. E:mah, yeh *más**, yeh kahkanaktik, *pero más, más** kualtsi:n, a:mo semi..., wa:n yo:n seki kitelkuih ihkochimeh wa:n kitelkuih mo:yo:meh. N' tein okseki nikihtowa ne:n alakcho wa:n yo:n tein ti:ltik a:mo okachi. Wa:n nochi n' o:me:n mochi:wah itech ne:n chalawih tikihtowa. Ke:mah mochi:wa, mochi:wa itech kahfe:n *o** itech chalawih no: mochi:wa. Pos neli ne: tikihtowa se:, Kahfe:ntah mochi:wa. Ke:mah neli i:n niki:itani pero a:mo nikmatia ox o:me taman onkak. Ke:mah, o:me taman onkak neh niki:xmattok. A:xka:n nikneki xine:chtapowi i:n to:tolko:skat, neh a:mo niki:xmati. A:, n' to:tolko:skat yeh nimitsilia mochi:wa tsikitsitsi:n, neli, neli tsi:tsikitsi:n ihkuí:n mahyá: *bobolitas**, yeh mochi:wa no: kahfe:ntah *o** ehkawtah ka:mpa se: tato:ka. Ompa yo:ni no: mochi:wa yehwa yo:n pisi:ltik wa:n tein wehwei no: mochi:wa ehkawtah *o** kahfe:ntah no: mochi:wa, pero yeh wehwei ihkui:ni mochi:wa wehwei. Seki *más** wehwei mochi:wa. Pero yehwa yo:n komo tikahsik yehwa yo:n xikui wa:n niman x'mantehko *porque** komo pano:tok a: no:, ka:n no: kualtia ok se: kimana. *Porque cuando** ki:sa n' iihtik mahyá: yo:n ye:kpopo:ka ya, ka:n wel se: kikua ok, se: kikua *cuando** yo:n pochiktsí:n. E:mah, yo:n neh no: nikmana nochipa iwki no: taa:man sah. Pero yo:n mochi:wa neli kahfe:ntah *o** ompa ka:mpa se: tato:ka wa:n nejo:n ka:mpa owasintah no: mochi:wa. Tikihtowa *que** onkak, *bueno** neh nte:te:nkaki *que** onkak, pisi:ltik wa:n wehwei. Yehwa n' ekin tne:chilwihtoya. Seki telwehwei wa:n seki tein tsikitsitsi:n. Ke:mah, tein tsikitsitsi:n pos yeh kuali se: kkohkoto:nilia sah n' imestkowyotsi:n ihkó:n wa:n iwki se: kimana ya. Wa:n tein wehwei pos se: kkohkoto:na wehwei, se: kkohkoto:na *porque** wehwei, yeh a:mo wel se: kimana iwki ahsitok, we:i, we:i ihkui:ni, yo:n ke:man se: nikahsika ihkui:ni. E:mah, neli tikokototskeh para tikmahkeh. Wa:n no: iwki tikuah no: taa:man. ¿Wa:n yo:n no: monamaka? Pané: a:mo okachi kanah xkita mah kinamakaka:n. E:mah, pero mochi:wa no: neli ke:meh i:n kahfe:ntah. ¿Wa:n no:ya:n sah mochi:wa? Pos a:mo n'mati *porque** ka:mpa tehwa:n titato:kah tika:ahsih i:pa. Wa:n ne: okseko ttato:kayah i:pa no: tikahsiah. Pero ompa sah, ka:mpa titato:kah. Wa:n kahfe:ntah neli mochi:wa pero a:mo, a:mo semi mah, mah nochi n' kahfe:ntah a:mo n'mati *porque** ke:meh tehwa:n tiko:nkuih i:pa ka:mpa tehwa:n sah tokahfe:ntah. Ompa neli nikahsini. E:mah. Wa:n ompa ya n' ka:mpa ttato:kah. Pos xkita sah. Pos neli ne:... Ka:mpa yo:n ye:kkualtsi:n ta:ltsi:ni, ye:kti:ltik, ompa mochi:wa. Ka:mpa yo:n kualtsi:n kipia *abono**, e:mah, ompa mochi:wa. Wehwei mochi:wa neli. Ke:mah, neli ne:, eski neli. Neh a:mo nikye:ki:xmati n' to:tolko:skat, wehwa:w a nikuahka. A:, neh niki:xmattok *porque** tehwa:n neli i:pa, i:pa ni..., nik..., Pero no:... tikuitih wa:n nikmana. A:, ke:mah. Ke:mah, neh no:má:n kichihchi:wka chi:lmo:l. A:, pos neli, ke:mah ta:taman se: kikua. A:mo, neh. A:, neh nikahsika i:n ka:ya wehka:w sepa se:, Nikel..., pero wehka:w a katka nipili ok wa:n a:mo ke:man tikahsikeh ok. E:mah, nikahsika wa:n ne: no:mantsi:n yetoya ok, nikwa:lmakatiki:s. Nikilia, teh xikua ma: nikilia i:ni *porque** tehwa:n nikilia ka:n miak nikilia, wa:n namehwa:n nano:metsitsi:n nikilia namechahsis. Xkua:ka:n nikilia. Nikwa:lmakatiki:s no:ma:ntsi:n mah yeh kimana. E:mah, i:ihko:ntsi:n nikahsika, ihkuí:n se:, se: ololtsí:n. Ke:mah. Pos neli ne:n, neli nejo:n We:lik kihtowah neli pero a:mo ke:man a:kin nikakilihtoya mah kikua taa:man sah. A:mo, we:lik, ke:mah, nejo:n tehwa:n tikuah nochipa iwki sah, e:mah, tika:manah sah ihkó:n, t'puye:liah wa:n tikmanah ika se: ko:ntsí:n wa:n yehwa ya yo:n pos neli i:pa a:mo t'we:ia:yo:tiah nochi *porque** nochi *lo que es** nanakat nochi moa:yo:tia. E:mah. A:, no: nte:kakilia:ni seki onkak kiliah chi:ltaxkal. Ke:mah, chi:ltaxkal neli no: onkak. Yeh, yeh nik..., yeh yo:n neli nikowani, yo:n a:mo a:mo ke:man nikahsi ka:mpa ip..., *porque** yo:n kihtowah ke:wa *solamente** yo:n kowit, yo:n a:wa:kowit wa:n chini:nahkowit. Pero a:mo nochi ke:wa *porque** tehwa:n ne: ne:pa ka:mpa nejo:n tota:lpan ompa kite:ntekkah se: chini:nahkowit a:mo ke:man kie:wak. E:mah, pero tikoko:wanih neli kihtowah kie:wa *que** yehwa chini:nahkowit wa:n a:wa:kowit. Pero yeh wehwei ih..., yeh kihtowah *que** wehwei mochi:wa, pero neh nikowa *porque** tsikitsitsi:n, i:pa takokotots a neh nikowa. Wa:n nikchihchi:wa neli yo:n neli nikchi:wa chi:lposo:nyoh. Wa:n tikta:liliah epaso:t. E:mah wa:n iwki tikuah ya. We:lik kualtsi:n no: neli. Wa:n no: tein sehselik *porque** tein chika:wak no: ye:ktahtakua:wak a. E:mah, *pero más**, yo:n mahyá: te:teiktik wa:n n' okseki i:n nanakat a:mo iwki n' tikuah. E:mah, pero we:lik no:. A:, pos ke:mah eski, neh a:mo niki:xmati i:n. A:, neh niki:xmattok. E:mah, niki:xmattok *porque** tein ko:kone:meh neli ye:kkokotoka kualtsi:n se: kimana wa:n tein chika:wak no: takua:wak a. chi:ltaxkal neli. Yehwa yo:n neh nikmattok *porque** neh niko:kowani, yo:n neli nikowa a:mo ke:man nikahsi ne: ompa ne: nejo:n ka:mpa tehwa:n tota:lpan *porque** a:mo mochi:wa. *Más** mochi:wa kihtowah ne: we:ikowtahpa. Pos neli pané: nochi a i:n sek..., i:n yehwa i:n nanakat tein n' onkakeh tein, *bueno** tein tikini:xmattok. Ne:, ke:mah. Xa: onkaskeh okseki:n ox pero a:mo tikini:xmati. A:, seki a:mo niki:xmati okseki. Ke:mah. Kihtowa *que** nochi i:n nanakat mochi:wa ke:man telkiowi wa:n Ke:mah. yehwa ika tikihtowa *que** ke:man se: kimanas mah a:mo semi se: kia:yo:ti porque** moa:yo:tia. Ne:, *bueno** nikelka:w no: nimitstahtani:s i:n xo:no:nanakat, ¿ke:ni:wki yeh? Ihista:k no:. ¿Wa:n ka:walpox? Ka:walpox n' yeh nimitsilihtok yeh *más** tihtilaktik, wa:n yeh ipanko mahyá:, mahyá: pantahta:ltik. Wa:n tein, tein xo:no:nanakat yeh ye:kpohpochiktsi:ni. Wa:n *más** ihkó:n kipia *ra:ra...**, ihkó:n kipia *ra:rayitas** wa:n okseki ne:n ma:tananakat yeh no: taman, yeh no:, yeh no:, yeh no: nimitsilihtok, yeh no: komo nejo:n se: kimana yo:n ko:kone:meh ye:kkualtsi:n no: s..., kualtsi:n se: kikua wa:n komo chika:wak ka:n no: wel se: kikua ok. E:mah. ¿Wa:n to:tolko:skat? Totolko:skat yeh kualtsi:n kokotoka yeh kualtsi:n ema:nik no:, yo:n no: kualtsi:n ema:nik. ¿Ke:ni:wki yeh, ista:k oso...? Ke:mah, yeh ista:k no:. A:, no: ista:k. No: ista:k. ¿Wa:n chi:ltaxkal? Chi:ltaxkal yeh chihchi:chi:ltik. Yeh mahyá: panchihchi:chi:ltik wa:n itampa ihista:k. ¿Wa:n seknanakat? Seknanakat yeh, seknanakat yeh ipanko no: mahyá: ye:kma:ta:ltik no:. E:mah wa:n nochi iwki ne:n im..., imetskowyo, e:mah mahyá: n..., mahyá:n neli nejo:n tahta:loh. A: xkita sah. Ke:mah. E:mah, iwki yo:ni n' seknanakat, e:mah yeh niki:xmattok *porque** yeh neli ta:lpan mokehketsa. Wa:n neli no: ke:wa xo:no:kowit, pero a:mo okachi wa:n a:mo semi mah *seguido** mochi:wa, pos mochi:wa sayoh *cuando** tasese:ya, pero i:ksá: a:mo mochi:wa. A:mo nochipa. A:mo nochipa. Pos neli ne:, pos miak tasohka:matik tine:chtapowih i:n nejo:n tein teh no: tikmati wa:n tikmati ke:ní:w n' tikchihchi:was yehwa i:n nanakat. Ne:, pos pané: nochi yehwa sah, ¿ka:n teh tikelna:miki ok? A:mo ok, pané: nochi a n' tein nimitsilwih, ka:n teh niki:xmati ok *más** nanakat. E:mah. Pos ne:chilwi moto:ka:y wa:n ka:ni n' tiwa:le:w. A:, neh nimono:tsa niMaría Salazar Osollo, niwi:tsa de San Miguel. *Bueno** pos neh noto:ka:y Amelia Domínguez, ompa ne: Xaltipan nikayo:t. Miak tasohka:matik. *Bueno**. A:mo teihsá:.