*Bueno** na:no, a:man xite:chilwi ke:ní:w mono:tsa i:n xiwtsí:n. In teha:n tiki:x..., tiki:xmatih xo:me:t. ¿Kani mochi:wa? *Este** mochi:wa ne:, sekime:h kikuih *lindero**, wa:n tiseki:meh ika tikchi:wah ne: *tocorral**. ¿A:mo mone:neki? A:mo mone:neki, i:n mochi:wa, seliya n' ka:mpa se: kita:liya. ¿Wa:n i:n ka:nachi to..., ka:nachi taman xo:met n' teh tiki:xmattok? Pos neh niki:xmattok yeha i:ni wa:n yo:n, yo:n kiliah ne:n kuowtahxo:met, yo:n wehwei. Pero no: oksé: taman, ta: i:n ma:pi:pisi:ltik. Wa:n yeh wehwei n' ima:y wa:n *más** wei kuowit mochi:wa. ¿Wa:n ixo:chio ke:ni:wki? Ista:k. Wa:n iteyotsi:n wa:n ke selik ok ne: xoxoktik wa:n ke ne: oksi a, tihti:le:wi. Wa:n yo:n ne:n tatetsí:n no: kualtia para pahti. No: kuali se: kisentiliya wa:n mah se: kichi:wa ne: teihsá: pahtsí:n, para nemowtil kuali se: ki..., kikui para *jarabe**. Para se: ta..., para tai:s se: pili, pero semi tepitsi:n sah. Ke:mah, i:n xo:me:tsí:n tiki:xmatih. ¿Wa:n kowtahxo:met iteyo no: pahti? Ka:n nikmati. Niki:xmattok n' kowtsí:n pero a:mo nikmati ke:ní:w ne:n, ke:ní:w ne:n kitekiti:ltiyah. A:man ne:n i:n tein, *este** xo:me:t, ¿toni ne:n kipahtia wa:n ke:ní:w se: kikui? I:n ne: teha:n tikuih i:pa *hasta** ne: ke:man ya ne:n nikitak wa:n ke neh nimoskaltih, kikuiyah komohkó:n yo:n se: pili ne: tikwi:kakeh ne: kanah ika nechiko:l, wa:n ne: kikuik se: tsahtsi:lis ne:n topili, entó:s yeha i:n xikui, xikteki i:n xiwtsí:n, wa:n tikte:mowa se: piotet wa:n se: chi:ltepin wa:ik *o** se: chi:lwa:k wa:n se: *cachito de ajo**, wa:n se: *hoja de** me..., de awakaiswat. Kualtsi:n xikta:li seko sah, xiksentili yo:n xiwtsitsí:n, ke:mah ne: kualtsi:n xik..., ne:n pili ne: xte:ka, kualtsi:n ika xikchipa:wa ihkuí:n, ihkuí:n kualtsi:n tikpo:powa ika yo:n, *parejito, parejito**, ompa ke:mah tiktapachowa m' pili. Para ikua:ko tiwa:le:wati ihkó:n kualtsi:n tikchipa:wa, kualtsi:n nochi, nochi ihkuí:n t'chipa:wa. Ke:mah yo:n pio:tet tikxama:ni:s itech se:, se: tapalkat kipias a:tsí:n, pero yo:n tapalkat, ihkuí:n tiketsas wa:n ne: kipia n' a:tsí:n wa:n t'panta:liya m' piotet, pero tikitas n' a:t ke:ní:w yetos ne: ox teihsá: mone:xti:s itech n' a:tsí:n wa:n yo:n piotet. Tein na:lto:ni. Ke:mah ne:, ompa ya yo:n moitas komohkó:n ehekayowak m' pili *porque** kikui n' tsahtsi:lis wa:n a:mo wel kochi ok, telkuehmoliwi. Wa:n komohkó:n ehekayowak sake:ra o:me *viaje** tikchi:wili:s oso e:yi *viaje**. Ika yo:n kuali moka:was. A:mo moneki n' koyo:tapahtihkeh, sano kanah, yeha ya yo:ni ne: i..., ipah, ika yeha i:n xiwtsí:n. A:man yo:n tikihtowa ne: na:lto:ni, kuali se: kikui te:skat eski wa:n komohkó:n toni ne:n mota:lia itech m' pio:tet, tikihtowa komo teihsá: mota:lih. Ke:mah, pero para kuali se: kiita. *Porque a veces** ne: moita. Komohkó:n ne: tikihtowah ehekayowak ne: topili yeh ika ne: telcho:ka, ka:n wel tamati:ya, ka:n wel kochi. Wa:n ika yo:n tikchi:pa:wah ika yo:n piotetsí:n entó:s *contento** moka:wa ya m' pili. Yo:n, yo:n kualtia *hasta** tiwehwei:n, a:mo *importa** pili sayoh. ¿Wa:n toni ne:n se: kita itech m' pio:tet? Moita itech yo:n tapalkat ne: komo semi *mal, mal** yetok ne: pili, moketsa *velitas, al según** ke:ní:w ki:sas, ke:masá: ki:sa *hasta siete velitas**. Ke:meh *foquitos** pohpol..., *como que** xohxo:tatok, wa:n ke:mah ke:meh eskia yo:n *globitos** mota:lia ne: tatampa, nahna:ltoktik kiyewalowa nochi m' piotetsí:n iista:ka:yo. Nipa wa:n nipa wa:n nipa nochi moka:wa, moka:wa miakka:n, pero nochi *bolitas**. Ke:meh eskia *vejiga**, pero ne: miak. Wa:n komo a:mo se:tsi:n. Komo a:mo semi *mal** yetok m' pili, se:tsi:n mone:xtia. Wa:n se:tsi:n tane:x. Wa:n komo tel *mal** yetok ne:, mone:xtia miak. Wa:n a:mo *importa** pili, ma:s we:i tokni:w. Ne: tokni:w we:i, ne: kipia se: *dolor** nika:n ipanko *o** nika:n ipoxko *o** imetsko, wa:n a:mo weli ok kanah ika nio:n *porque** n' koyo:tapahtihkeh kitato ya wa:n a:mo kina:mikik, yeha no:, no: xikchi:wili. No: xikchipa:wa ika yo:n piotet wa:n ika i:n xiwtsí:n. Wa:n yeha yo:n tein nikihto nochi xik..., kualtsi:n xikchipa:wa ika ne: *persona** ka:mpa kkokowa, kualtsi:n, kualtsi:n xikchipa:wa. Neh *ne:chpasaroh**, ne: San Andrés yetoya se: ta:kat, pero nochi yahka ya kit. Pe:wato México, ompa kikuik yo:n kokolis, wa:n ke:mah nochi pano:k ima:ko *doctoras**, a:mo kanah ika *hasta** iwki wa:ltemo:k, nika:n ehkok sepa kimpano:k *doctoras, igual** sah, nika:n i:n *dolor** pero kipia, pero nochipa, yowal n' to:nal, a:mo tamati:ya. Entó:s te:chilwihkeh wa:n tikchipa:wakoh, nikwa:lwi:kak nota:totsi:n, tiwa:lahkeh t'chipa:wakoh, wa:n kuali nane:chili:skeh nixolopih, a:mo neli, pero neh n'mattok *que** neli *porque** neh nikitak. Kualtsi:n tikchipa:wkeh wa:n i..., wa:n itech yo:n tapalkat nikihtowa se: *vaso** tein na:lto:ni ompa tikpanta:lihkeh yo:n piotet, ki:sak nankimatih to:ni, ke:meh se: *chileanchotet**, Nankitah *chileancho** iteyo kiwi:kak m' piotet ixo:chiyo wa:n yo:n *globitos** mochi:wak miak. Wa:n de yo:n ki:sak, sayoh o:me *viaje** tikchipa:wkeh yo:n *persona**, wa:n pahtik. Pero yeha yo:n tiki:xtilihkeh. Yo:n neh a:mo nikmati ke:yeh, ox neli ne:n yo:n kihtowah te:ta..., te:ta:liliyah teihsá:, oso ke:yeh yeh ika iwki. *Porque** i:pa nikinchipa:wani m' pilimeh, pero a:mo ke:man nikitaya iwki. Wa:n yo:n *dolor** kika:wak, ekintsi:n sepa *como siempre** tekititok México. Yeh ka neh ah..., ahachichi nikneltoka ika neli tana:miki. A:man ne:n kowtahxo:me:t, ¿no: kuali se: kikui pahti? Pos yo:n ka:n nikmati, a:mo nikmati. Kihtowah no: kikuih pero neh a:mo ke:man nikui. Neh i:pa n'tekiti:ltia i:pa yeha i:n. Yeha i:n iwa:n tekiti wa:n *albahaca**. Tasohka:matik na:no tte:chtapowih ne:n toni ne:n ika ne:n Pos neh no: name:chtapowia ke:meh nikmattok niktekiti:ltia. Xite:chili ne:n moto:ka:y wa:n moxola:l. Neh nimono:tsa niCristina Vázquez Hernández, de Xalpantzingo.