Ekintsi:n 'te:chnohno:tsa ne: i:n xiwtsí:n ti..., tikwa:lkuik, ke:ní:w mono:tsa wa:n ka:ni mochi:wa. ¿Toni *más**? :I:n mochi:wa ne:, i:n nikwa:lik mochi:wa itech ne: *lindero** kita:liah *para, para lindero** kikuih. Wa:n kita:liah para se: *corraltsí:n**, i:n a:mo semi mone:neki, i:n seliya n' ka:mpa se: kita:liya. Wa:n i:n kuali no: para toto:nik, ika ne: motapepechowiliah n' tokni:wa:n. Iwa:nti a ne:n ala:wakochpa:wa:s. Nika:n kita:liah n' xiwpachtsí:n de n' ala:wakochpa:wa:s wa:n kipepecholiah ya ne:n tokni:w tein mokokowa. ¿Ke:ní:w mono:tsa i:n xiwtsí:n? I:n neh niki:xmati weh *hoja santa**, pero seki ti..., seki tiki:xmatih chichi:kxiwit. A:mo n'mati kati:ni *más** ma:se:wal mokaki. Yehwa tak n' chichi:kxiwit. Neli ata. ¿Wa:n i:n no: xo:chiowa? No: xo:chiowa ata, we:i mochi:wa n' ixo:chiotsi:n. wa:n *cuando** yo:n chika:waya ya neli momoya:wa, *[co]mo que** poso:ni wa:n ke wa:ki a sa nipaka ya sah wetsi n' ixo:chiotsi:n. Wa:n ne:n tik..., i:n tikihtowa i:pa soh para toto:nik, a:mo Pos neh niki:xmati yeha sah yo:n tikuih i:pa, a:mo t..., oksé: taman tikuih, tikuih para ika ne:, *serbirowa** para toto:nik, ke:mah ne: yeha yo:n, wa:n oksé: no: *serbirowa** pero a:mo ise:lti i:n, ne: okseki xiwtsi:..., xiwtsí:n onkak, pero nika:wí:n ni:xnemik a wa:n a:mo kanah nikita. Ne:wí:n teha:n onkak se: kuowit tiki:xmatih ma:pisi:lkuowit. Ne:, yo:n ma:pisi:lkuowit, moketsa we:i kuowit, we:i kowit kuali ki..., kima:yawih para kikuih para kuowkalikxit, kikuih para ne: kuowtati:l, we:i kowtsí:n moskaltia. Wa:n yo:n ixiwyotsi:n, wa:n ke se: kin..., tikuisenkih tel senka yo:n xiwtsí:n tiktekih wa:n yeha se: kuali *rollo**, wa:n ne: i:ni no: tiktekih no: miaktsi:n, wa:n tikmolo:ntiyah ika se: ko:mit, mah kuali molo:ni de yo:n o:me taman xiwtsí:n. Ke:mah, ne: tik..., ne:wí:n tikta:liyah a, ika se: *botella** tike:wah. Wa:n nankimatiskeh to:ni, welis nankineltokaskeh, wa:n welis nane:ch..., nane:chili:skeh *que** xa: name:chkahkaya:wa, pero a:mo. Neh nikihtowa por nikmattok ika neli kualtiya. Ne:, ata yo:n, kokotsí:n kipiyah seki n' *diosipilwa:n** ata n' inmetstsi:n a:mo wel pahti ata, wehka:wak a ihkó:n yetokeh wa:n a:mo wel pahti, yeha i:ni ne: a:tsí:n ya *como que** tein tamanal ne: tike:wtok, wa:n tikmatik a ne: tokni:w wa:lah mitsnohno:tsako, mitsilwi:ko, neh ihkuí:n wa:n ihkuí:n nietok wa:n i:n nomets, kipahtih ya n' koyo:t wa:n a:mo pahti, *hasta** kinekih ne:chwi:kaskeh wehka ya para mah kiki:xti:ka:n, mah kitekika:n, pero yo:n a:mo kintekih, yeha yo:n a:tsí:n tein i:n tikmankeh wa:n yo:n okseki xiwtsí:n tikmankeh seko sah, wa:n ne: tikpiyah yo:n a:tsí:n wa:n yo:n tokni:w wa:lah te:chkalpano:ko, te:chil..., te:chtapowihtiwi:ts toni n' ki..., n' kelna:miktiwi:ts, ton tayo:kol kiwa:lkui, pos tikilwi:skeh teha:n tikepili:skeh m' *palabra**, tikilwi:skeh, *ay dios**, kuali a n' tiwa:lah, ¿ke:yeh a:mo niman tiwa:lah? Nimitsmakaskia n' a:tsí:n tein ika tikpahti:skia mometstsi:n. Komo yeha yo:n tikte:mohtimeh n' ika tiwa:lah, nimitsmakati ekintsi:n. Tikmakas ihkó:n se: *botellita**, se: *medio**, se: tahko *litro** tikihtowah, ne:, t'makas: yo:n a:tsí:n, wa:n ihkuí:n tikinawati:s, xikpa:ka, *prim...**, ne: achtopa xikpa:ka mometstsi:n, ika se: xapohtsí:n tein chipa:wak, tein aya:mo akah kikui, tikteki se: *cachito**, a:mo we:i. Entó:s ma:ski ke:meh ne: takoko:l, *como que** ne: kkokohtok, mah se: tasaltsí:n mah kualtsi:n kixapohwi ika yo:n xapoh, se: tasa:ltsí:n tein yema:nik, ke:mah mah kipano:ltili a n' ka:mpa kkokowa. Mah kualtsi:n kixapohpa:ka, kualtsi:n, kualtsi:n kipa:ka xapoh wa:n ke:mah mah kiwahwa:tsa ya ika se: tasa:l tein chipa:wak, wa:n ika sa iyohtsi:n yo:n a:tsí:n, kita:lia ne:n imetstsi:n ne: ka:mpa, ka:mpa, kita:li:s ka:mpa a:mo onkak tewti, mah kit..., kipa:ka ika ya, ika yo:n a:tsí:n tein *botellahko** kipia. Kualtsi:n mah kipa:ka, ihkó:n kualtsi:n, kualtsi:n mah kipa:ka, tepitsi:n, tepitsi:n, a:mo mi:miak n' a:t kita:lili:s, tepitsi:n sah, ihkó:n kipa:ka, wa:n ma:ski nehnentoya a:mo wel motsakuilia, a:mo wel ne:, pahti, ika yo:n pahtis. A:mo moneki ok n' koyo:tapahtihkeh, ma:ski kilwihkah ya *que** yetoya to:nal *que** ki..., kitekili:skeh. Peh..., pero pahtih n' tokni:wa:ntsitsi:n, ihkó:n tein ne: ki..., te:chahsih wa:n te:chtapowiyah, wa:n tikinkepiliah n' tahto:lis ika ke:ní:w para pahtiskeh wa:n tein kineltokah, pahtih. Ampó:n ahko yetok se: nika:n i:n, *santuario** ihkuí:n se: siwa:t, wa:le:w ompa ne: tani, ka:mpa teha:n, ka:mpa ika teha:n tinemih ne:paka, wa:n a:mo tikmatiyah, wa:n se: i:kni:w, se: ta:kat, neh nota:to kualtsi:n iwa:n monohno:tsa, entó:s mote:nahsikeh ne: ohti pe:wak motapowiah, a:it ke:ní:w yo:n kelna:mik n' ikni:w wa:n kilwia, ika ne: nokni:w kilia ihkuí:n wa:n ihkuí:n yetok, mokokowa, wa:n nikwi:kaya ya kilia Teziutlán wa:n kihtohkeh komo kitekili:tih n' imets, wa:n neh kilia a:mo nikte:ka:wilih. Kilia kuali a kilia a:mo t'te:ka:wilih, xikwa:lwi:ka kilia n' kalihtik. 'Wa:lwi:ka kilwia, yo:li:ktsi:n kilwia i:pa ehkos. *Dios** kichi:wak, kiwa:lwi:kak kalihtik, wa:n ne: tikpahtilihkeh yo:n imetstsi:n, wa:n tiktoktihkeh n' a:tsí:n, pos ekintsi:n kualtsi:n nentok. Pahtik kualtsi:n, moalaxoh. Monentihtok siwa:tsí:n. Wa:n i:n, wa:n miakeh ya ihkó:n tikimakah yo:n pahtsí:n wa:n kinina:miki. Oso a:mo nikmati nika:wí:n nameha:n ox no: nemi, ox no: kanah ika nante:kakiliyah, eski pili, eski we:itokni:w, pero kikui se: ahwayowalis pero nochi n' *icuerpo**. A:mo n'mati nika:wí:n ox no: nemi yo:n kokolis. Wa:n yeha sah yo:n ika tkintamati:liah. Xikinmaka yo:n se: *litro de** a:tsí:n yo:n tikimakas, *prim...**, tikinawatiah *primero** xmopa:kaka:n ika chipa:wak xapoh, aya:mo takuil. *Después, [al] último** yeh xmota:lili:ka:n. Semi, semi *fuerte** yetok n' kokolis, na:wi *viaje** namopa:kaskeh ika yo:n pahti, wa:n nanpahtiskeh. Ihkó:n, ihkó:n ne: pahtitokeh n' tokni:wa:ntsitsi:n. A:man ne: i:n tikihtowa ne:n ika kipahtiah i:pa sayoh kokot *o** yetok sah n' kokot *o** kati:yeski kokot. Pos ne:, yeh, yeh yo:n kokotsí:n tein a:mo wel pahti. A:mo nikmatik ke:ní:w kito:ka:ytiah, pero a:mo wel pahti, ma:s kipahtia yo:n koyo:tapahtihkeh pero *igual** sah ompa yetok *hasta del último que** a:mo wel kipahtiya ok, kit..., kiti:tani a seko ya mah kiki:xtili:kan *mejor**. *Porque** se: *señor** ne: San Andrés kitekilihkeh n' imetstsi:n *hasta** a:man ka:n wel moketsa. A:mo tikmatkeh, tikmatkeh pero i:pa kuali a. *Porque** sekime:h kachi kineltokah ne:n koyo:tapahti:lis, wa:n a:mo kineltokah n' ke:meh i:n teha:n ti..., titahtohtokeh. Wa:n ompa ya yo:n, pos *[de] qué sirve] kki:xtilihkeh n' tein kkokohtoya, pero ka:n wel teh kichi:wa, ka:n wel ne:nemi ok, ka:n wel moketsa ok. Wa:n ompa yo:n wi:tsa, de mela:w se: te:kne:ltih, teha:n timoi:kne:liah, tikinikne:liah n' tokni:wa:n, ke:meh teha:n timokne:liah. A:man ne:n, i:n tikihtowa se: kimolo:tia wa:n se: ke:wa ika se: teihsá, se: te:skat oso se: teihsá:, ¿ka:n xokoya *o** ke:ní:w se: kichi:wa para a:mo xokoya? Maski... A:mo xokoya, n' ke:meh ka:n no: we:i *tiempo** yetok pero. Kuali kichi:wa *quince días** yetos, Wa:n tikihtowa ne:n, no: iwa:n tikmolo:ntia yehwa i:n tikilia chichi:kxiwit wa:n iwa:n ma:pisi:lkowit, ¿ke:ni:wki yo:n ma:pisi:lkowit? *Bueno**. sek..., seki kuowit ne:, nika:n, nika:n *lo más** de nika:n para Yohualichampa a:mo kanah nikitstok. a:mo onkak nika:wí:n. Ne:, we:i kuowtsí:n moketsa wa:n ista:k n' ixo:chio. Wa:n ma:pihpi:tsa:wak n' ixiwyotsi:n, tamati ke:meh yo:n ochpa:wa:s nika:n tima:ktoyah. Pihpitsa:wak n' ixiwyotsitsi:n. ¿Wa:n i:n no: teyowa? Teyowa. Teyowa, yeh ika momoya:wa, yo:n semi kikuah n' chiktehmeh. Pero nik..., nika:wí:n para tani, nika:n Yohualichampa a:mo tei, por Xiloxochico a:mo tei. Pero tikte:mohkeh a, nika:n Yohualicha:n a:mo nikmati, komo kito:kkeh m' *planta**, ekintsi:n yetos a ihkui:ntsi:n ya, ke:meh o:me xiwit a *que** tikte:makakeh. Tehwa:tsi:n t'pia mokaltsi:ntan. Ke:mah. Onkak ne: kaltsi:ntan. ¿Yo:n no: se: kito:ka? Ne:, kimoya:wah n' chiktehmeh weh de kikuah n' tatet. Yeha:n ne: kitelkuah n' iteyotsi:n wa:n ka:mpa chika:wak a, oksitok n' tatetsí:n, *de veras** kiwelitah n' chiktehmeh. Entó:s yeha:n ya kimoya:wah, ka:mpa weli ixwa n' kahfe:ntah. ¿Ke:niwki ne:n iteyo *cuando** oksi? Tihti:ltik. Tihti:ltik n' iteyotsi:n ke:meh tikita n' tomakiltet. ¿Wa:n xoxowik? Xohxoxoktik no:. *Bueno** pos tas... Wa:n ixo:chiotsi:n ista:k. *Bueno, pues este**, pané: yehwa sah ne:n, *este** ne:n n' tite:chtapowih de i:n o:me taman xiwit. A:man xte:chili ne:n moto:ka:y wa:n moxola:l. *Este** neh nimono:tsa niCristina Vázquez Hernández, de Xalpantzingo.