Ne:, a:xka:n nikneki xine:chtapowi ne:, ke:ní:w n' tiketsa ne:n monexko:n, neh ka:n niweli, ka:n a:mo ke:man ne:chmachtihkeh, ekintsi:n nikneki xine:chtapowi xa: ni..., xa: niwelis ok. *Ajá**. ¿De kati:yeh, de yehwa de..., kati:yeski tao:ltsí:n, de n' ista:k? Kati:yeski tao:l *o** neh a:mo nikmati, komo t'neki, komo tikmattok *que**, ta:taman se: kketsa n' ista:ktao:l, ya:witao:l, kostiktao:l, xne:chtapowi seh se:. A:mo, pos de ista:k *igual** ke:meh ya:wit. E:mah, sayoh *que** ne:n ya:wit telehe...,. telema:nik nextamaltsi:ni. Komo se: kitelchochopots no: *igual** oksi wa:n ke:mah ye:kkahakaltik a ki:sa n' taxkaltsí:n. Wa:n komo kualtsi:n tiki:xtih a:mo, mah a:mo te..., mah a:mo oksi kuali, entó:s *cuando** tik..., tikta:liah ya n' taxkaltsí:n ye:kkualtsi:n pohposo:ni. wa:n ye:kahawiya:k wa:n no: *igual** ne:n ista:ktsi:n. E:mah, no: tik..., no: tiketsas, no: ke:meh yo:n tiketsas achto pero pos no: *igual** tenexa:t x'te:kili no: kualtsi:n. Mah nio:n no: teltetsa:wak wa:n mah nio:n no: tel a:mo tetsa:wak, mah *regular** kua..., mah kualtsi:n sah ihko:ni, mah nejo:n, mah ika tai:xeheko:l, mah a:mo teltetsa:wak. E:mah. Wa:n nio:n no: mah tel a:mo tetsa:wak para kualtsi:n ki:sa. Komo a:mo pos komo tikpano:ltilih, no: *igual** no:, no: nexkalaki wa:n yehwa yo:n mochi:wa ye:k..., ye:kkohkostik a ne:n taxkal mochi:wa *porque** nexkalak. Wa:n komo a:mo nejo:n nexkalaki pos kualtsi:n ki:sa wa:n no: iwki komo a:mo tikokxitih, kualtsi:n ki:sa no:. Pohposo:ni kualtsi:n taxkal, no: *igua...**, ekehemaxtsitsí:n no: iwki, no: iwki n' ke:meh ne: ya:witsi:n. Wa:n nochi ne:n, kostiktsi:n yeh, yeh *más, más** nejo:n takua:wak yeh. Yeh no: i..., se: kketsas pero pos no: nejo:n, mah yeh mah chochopoka kuali para tiketsas komohkó:n ye:kchochopokak kuali pos ke:mah tiki:xtia ya wa:n no: tikue:chowa ya. Para no: kualtsi:n ki:sa, no: sa pohposoktik taxkal ki:sa. Yeh komo chochopokak a:mo oksi. A:kah. Yeh a:mo oksi, *que** sayoh no: *más, más** ne:jo:n taxkaltsi:ni komo wehka:wa etok *más** achi tehtewa:ki a. E:mah. Pero n' ista:ktsi:n a:mo, nio:n no: ya:witsi:n, kualtsi:n ki:sa. Ne: pos ne:n kostiktao:l a:mo wel se: ke:wa n' taxkal. Pos kuali se: ke:wa pero komo de, kualka:n tikta:lih wa:n para tio:tak tikua:s ke:mah, kualtsi:n, pero para mo:stika ya pos *siempre** nejo:n kahkakaltia. E:mah. Ne:, wa:n, tinexketsa ne:, ke:n nimitsili:s ne:, etok sah *o** kualka:n, yowak oso... A:mo. Komo weli mah se: kketsa de kualka:n. Kualka:n sah para komo tik..., tikue:cho:ti ok n' tio:tak pos *igual**, kualtsi:n ki:sa no: nejo:n kualtsi:n, ye:kahahwiya:k *porque** ye:wa taketsal. E:mah. Kachi kuali de kualka:n se: kketsa. Komohkó:n ne:chahsi ok n' tio:takpa, kuali nnexketsas tio:tak. E:., ke:mah, weli, weli de tio:tak se: kketsa no: wa:n okyowatika sayoh tikue:cho:ti. Ne:, wa:n neh a:mo semi no: nikye:kmati ne:, kihtowah *que** ke:man se: kima:paka mah a:mo semi se: kipa:ka para, ka:n, a:mo semi nikmati, xa: tehwa:tsi:n tikmattos ke:ní:w se: kipa:ka se: inextamal. Ke:mah, *porque** komo tiktelma:pa:kak, ki:sas ye:kteiktik ne:n motixtsi:n, wa:n komo a:mo tikma:xakualoh nio:n no: teiktik, *hasta** kualtsi:n se: kita:lia. Wa:n komo tiktelma:pa:k pos yo:n ye:kkualtsi:n mochi:wa, ye:kkualtsi:n ki:sa nochi n' ie:wayo, yehwa ya yo:n ki:sa teiktik se: itixtsi:n. Wa:n de a:mo tik..., a:mo tikma:xakualo:s kualtsi:n ki:sa, kualtsi:n se: kkue:cho:ti. Wa:n komohkó:n teiktik, ¿kení:w moka:wa n' taxkal, ke:ní:w n' ki:sa? Pos ka:n wel se: kitaxkalowa, mahyá: te:ntahtapa:ni wa:n ka:n wel se: kitaxkalowa *más**. Ke:mah. Wa:n de kualtsi:n a:mo, a:mo nejo:n tikma:pa:ka kualtsi:n, kualtsi:n se: kitaxkalowa, kualtsi:n ki:sa n' taxkal. E:mah. Nio:n no: te:ntahtapa:ni *o** kohkoyo:ni, kualtsi:n ki:sa. Wa:n komohkó:n ne:, tikihtowa ye:wa ne: mah a:mo semi telkoko:k se: inex..., tenexa:t, Komohkó:n ne: nexkalak, ¿ke:ní:w se: kiki:xtilia ne:n nextamal? Pos ka:n weli ok, ka:n wel teh se: kichi:wilia. Seki kita:liliah ihkó:n teihsá:, pero a:mo *igual** ok *siempre**. Se: kiekowa *que** nexyoh. *Porque** ki:sa mo..., mo..., pané:, n' taxkaltsí:n mochi:wa kostik Wa:n... *porque** nexyowak. Wa:n komo a:mo nejo:n nexkalak kualtsi:n ye:kpohpochiktik ki:sa. *Más** komo se: kkowa ne:n taoltsi:ni, pero yeh tein nika:n tehwa:n totao:l a:mo iwki, yo:n taxi:kowa *más**. E:mah, pero komo se: kkowa yehwa yo:ni, niman nexkalaki. Wa:n seki nikakilia kihtowah ox i:x..., xokoya no: n' innextamal, o:x i:xtaya:..., A:ihya:ya. Ke:mah, pero yehwa yo:n komo a:mo tiktenexwih kuali. A:ihya:ya. *Ajá**. Komo a:mo ttenexwih kuali neli a:ihya:ya, mochi:wa ye:ka:pohpochiktik, wa:n komo, komo, komo a:mo tikta:lilih yo:n tenexa:t kuali se: kita:lilia pero i:ksá: mopa, *más** de n' tein yo:n okseki tao:ltsí:n, ya tein nika:n totao:l ka:n teh *pasarowa**, tikte:kili:s tenexa:t sepa wa:n tikue:cho:ti kualtsi:n ki:sa. E:mah. Kki:xtilia. Pahti ok. E:mah, pahti ok. E:mah, pero de yo:n okseki se: kkowa n' tao:ltsí:n i:ksá: a:mo ki:sa ok, yeh kipa, *hasta** se: kihnekui a n' tixtsí:n se: kkue:cho:ti. Pos neli semi ne:, kualtsi:n tikmati ke:ní:w n' timonexkechia *porque** neli ne: ekintsi:n neh nikilia *que** a:mo wel nio:n no: wel titisisnekih ok, tikte:mohtinemih ka:ni n' kinamakah n' taxkal. Ta: neli pero. Neli, ekintsi:n *lo más** nochi kkowah taxkal. Ne:... Ke:mah. Ke:mah, kikowah taxkal wa:n ka:n, pos ka:n tisih ok. Kanah. Pero semi moneki mah no: se: weli se: nexketsa. Pos ke:mah, mah se: mone:xtili ke:ní:w se: nexketsas. *porque** neli neh ihkó:n ne:chne:xtilia:ya note:iskaltihka:w, kihto:s tiknexketsas ihkui:ni tik..., kualtsi:n xketsa kichi:wtok monexko:n, mah nio:n no: telchochopoka komo a:mo tikoh *porque** komo tikokxitih, yehwa ya yo:n xta:li a ye:ktehtewa:ki a n' taxkaltsí:n. Wa:n neli komo a:mo tikokxitia pos kualtsi:n ki:sa, sa pohposo:ni ne: tikta:lia. Ne:, tine:chilih ya ke:ní:w n' tinexketsa wa:n ke:ní:w n' tikma:pa:ka monextamal, ne:, ¿tikue:chowa mokalihtik, tikpaya:na itech metat oso ke:ní:w ne:n tikpapayatsa nextamal? Pos *cuando, cuando** nejo:n niweli nikue:..., nikue:chowa *mejor** ika metat, Ke:mah *cuando** a:mo miak ok nikta:li:ti nikue:chowa ika metat. E:mah. Nikpaya:na. Nikpaya:na wa:n nikalaxowa wa:n ke:mah nikta:lia ya. Tikpaya:na. Wa:n ke:man tikwi:ka ka:..., ¿tikte:kue:choltia oso mocha:n tikpia yo:n tepostakue:cholo:ni no:...? A:mo, nte:kue:cholti:ti, nte:kue:cholti:ti. Ye:wa no: tikihtowa:ya *que** i:ksá: se: itix, komohkó:n se: kitelma:pa:ka, xiiktia *o** ke:n..., teiktia. Teiktia. Teiktik. Teiktik mochi:wa. ¿Ke:ní:w n' tikpahtia, xa:, xa: wel se: ki..., a:mo wel se: kipahtia ok? De pos, de yo:n teiktik weli, yehwa ya ke:meh i:n kihtohtok kuali se: kita:lia tila. Mah se: kita:li tila ke:meh yo:ni, mah se: kokxiti sentapal sah, wa:n se: kki:xtia wa:n se: kita:lia wa:n se: kima:nelowa, wa:n se: kita:lia mochi:wa sasaltik a neli, kualtia se: kita:lia. Wa:n ika yo:n kualtia ya se: kita:lia wa:n a:mo te:ntsatsayaka ok se: itaxkal. Ke:mah, kualtia. Kanah, ka:n te:ntahtapa:ni ok. Kuali ki:sa ya. Pos neli ne:... ¿Wa:n ke:man tiow tikte:kue:cholti:ti motix, tik..., tikalaxowa ok oso iwki a tikui, ti..., sayoh t'pano:ltia. A:mo, de niehko iwki nikta:lia ya. Sayoh nik..., nikpano:ltihtiw ika metat ok wa:n nikta:lia, pero pos sayoh sepa, a:mo miakpa. A:xka:n nikita neh *que** n' tokni:wa:n ne:, nochi mahyá: kikuih yo:n tepos, yo:n tein ika kipatachowah ya sah, ¿tehwa:tsi:n no: tikui? A:mo, nochi ika noma:y. Tikma:ta:lia. Nochi n'ma:ta:lia, ka:n, ka:n ke:man nikui yo:n kowit *porque** onkak kowit kikuih. A:mo ke:man nikui. *Es que** ka:n niweli, *más** niweli ika noma:y.