Pos sepa *compadrito** nimitstahtani:ti *de que** żox tiki:xmati yo:n ahmo:lkilit? Ke:mah, tiki:xmattokeh, yo:n mochi:wa ne:wí:n we:ikowtah, ka:mpa taxiti:ni ata, oso ka:mpa kowte:xi:mah, e:wa yo:n, yo:n kilit. A:h. Ompakawí:n e:wi ne:hkuí:n we:i..., nika:n kowtahpa, ma:ski a:mo we:ikowtah, nika:mpahkuí:n, nika:n Tahchikteko ka:mpa paya:n, e:..., e:wa yo:n yo:n, yo:n xiwit kiliah ahmo:l..., ahmo:lkilit, chi:chi:ltik n' ikowyo, metsaha:..., ahalaxtik wa:n tohto:ma:wak wa:n de chika:..., *bueno** de selik we:lik kualtsi:n ikilo, pero de wehweya, ompa ya mochi:wa momahmaxalowa kualtsi:n ihkó:n wa:n ke:mah teyowa ya. N' i..., iteyo ne: mah tikihto:ka:n il..., ilwikatik. *Azulitos** n' iteyo, ilwikatik. Yehwa yo:n ne:n iteyo mochi:wa wa:n pané: *medio** pahpatachtik sah. Yehwa yo:n kiliah ahmo:lkilit wa:n mochi:wa ika *sarta** ne:n weyakaxtik sah mochi:wa ne:n i..., ikowyo, ompa mopihpilowa n' iteyotsitsí:n ihkó:n. Iwki yo:n ahmo:lkilit tikiliah, *bueno** yo:n semi we:lik, ne: e:..., tatso:yo:n tik..., tikakih ihkó:n kichi:wah, kitats..., kitsoyo:niah ika *cebolla** wa:n yehwa yo:n kualtsi:n we:lik, kita:liliah *chilito**. Kualtsi:n se: te:we:lia ika yo:n. A:, żki..., kima:pa:tah *o** kimanah? Ki..., kima:pa:tah. wa:n ko... Achto kimanah. Wa:n ke:mah ki..., ih..., kitsoyo:niah ya, ompa pa:ti itech ne:n itech ne:n *cazuela** ya n' kitsoyo:niah, ompa pa:ti a, ki..., kuali oksi pa:ti a. Wa:n iwa:n, ika *cebolla** n' kitsoyo:niah, kualtsi:n we:lik ki:sa, tepitsi:n koko:k, kualtsi:n we:lik yo:n. Wa:n... Pos yo:n ahmo:lkilit no: kualtsi:n ke:meh tine:chilihtok, Wa:n yo:n no: sayoh no: para se: kikua:s *o** no: kualtia para pahti. Pos tehwa:n t'mattokeh *que** ki..., we:lik para se: kikua:s sah, pero a:mo n'mati ox pahti *porque**, ke:meh nejo:n se:ki..., ta:tahmeh nochi kikuiah, teihsá: ihkó:n kichi:wah *remedio**, de miak taman kin..., tanechiko:l xiwit ya pos kichi:wayah *remedio** seki tak, pero neh n'mattok soh para se: kikua sah. A: pos yehwa yo:n tikmattok wa:n neh no: nik..., Ke:mah. Yeh neh niki:xmattok n' ahmo:lkilit. Nimitsili:ti *de que** ki:n ahmo:lkilit no: tepitsi:n nikmati. Pos neh nikmati *compadrito, de que** nejó:n ahmo:lkilit, Onkak ne:wí:n we:ikowtah. Ihkui:kuí:n wehkapania wa:n chihchi:chi:ltik n' ikowyo wa:n Alaxtik. Kipia..., alaxtik wa:n kipia n' iteyo. Nijó:n iteyo semi kikuah yo:n chiwihkoyomeh. Kikuah semi. A:chá: tikini:xmati yo:n chiwihkoyomeh. Ke:mah, ke:..., i:n..., Nikinki:tskia:ni yo:n chiktehmeh, tehtekolotikeh wa:n panchi:chi:ltikeh. Ihkui:kuí:n ne:n chiktehmeh. Wa:n yo:n no: semi kikuah wa:n tata:mpa tahtachkuah ka:mpa mo..., ompa kochih, nochi xi:i:ni n' inihwiyo. ˇAh, sí! Wa:n nijo:n neh *antes** nikitaya, ko:nkuia ne: no:má: wa:n no:pá:n, kimanayah, wa:n kima:pa:tskayah ihkó:n wa:n kita:lilia:yah istat. Istat wa:n kualtsi:n se: kkua:ya. Ke:mah we:lik no:. De ompa ke:mah kimo:ltayah ne:n *chilito** ihkó:n, xi:tomachi:l tikiliah, wa:n ne:pa tikta:liah, ne:paka etok ne:n kaxtsí:n, wa:n ompa k..., ompa tikui:kuih ya wa:n tikta:lilihtiwih ihkuí:n, Tikta:lilihtiwih ya. Kima:patayah. Ke:mah. Pos ye:kwe:lik ne: tikua:yah, pero pos neh a:mo no: tikmatik ox, We:lik. xa: kuali para teihsá: pahti, pos neh nikmattok *que** we:lik yo:n [ah]mo:lkilit. Pos sayoh tikmattokeh *que** se:, ke:mah se: kikua, we:lik sah, e:..., tapalo:k kikuih, *bueno**, se: kikua. Mah..., i:n *cuando** tikihtowa n' teh de taa:manal sah, we:lik wa:n we:lik n' tatsoyo:n. A:, tatsoyo:n no: we:lik. We:lik tatsoyo:n, no:. Ke:mah, *porque** neh ka:mpa, we:lik *porque** ne:wí:n tehwa:n ay tikinkalpanowah ompakahkuí:n ne: *vecinos**, Pos yehwa yo:n neh a:mo nikmati kox we:lik n' tatsoyo:n, pero, wa:n kichi:wah tatsoyo:n, pos kualtsi:n, kualtsi:n se: kwe:lilia no:. ika *cebollita**, kualtsi:n kina:miki. Ke:mah. Se:, se: te:nwe:lia ya. Wa:n Pahti, pahti no: ata kihtowah pero yo:n tomakilit, yeh pahti para chi:chi:lkokot. A:. Sese:k . Yo:n ke:mah pahti no: kit *porque** sese:k. Yo:n ke:mah ne:, ki..., kimanah, wa:n de se:wi kuali a, ke:mah *que** ka:mpa yo:n chi:chi:lkokot mochi:wa, ki..., kita:liliah se: tilmahtsí:n, ke:meh yo:n *manta** achi *más** a:chichi:na, wa:n ke:..., ka:ahts..., kia:a:tekihtokeh ya para mah ka:n a:..., a:chichi:nto yo:n se: chi:chi:lkokot kiliah. Yehwa yo:n pahti n' tomakilit, pero yo:n ah..., ahmo:lkilit yeh a:mo. A:, tomakilit yo:n de n..., de n' k..., kuowtahtomakilit. Yo:n pah..., kowtah, kowtahtomakilit n' onkak no:. Ehe, yehwa ya ne: tikihtowa no:. Yeh no: n' kowtahtomakilit no:. Wa:n i:n tomakilit de i:n *chilar** mochi:wa *o** ka:sá: kahfe:ntah mochi:wa n' tomakilit. A:. Ome taman yo:n tomakilit yeh. O:me taman. E:mah, se: taman tein tiki:xmattokeh tein kinamakah ne: de Ecatlán tokni:wa:n. wa:n se: taman ne: kowtah, kowtahtomakilit. E:man, yo:n no: taman ata yo:n, iwki a no:. A:h. tomakilit. Ke:mah no: iwki a, no: iw..., no: iwkia, pero achi ma:we:weyak tepitsi:n ne:n de kowtahtomakilit. No: iwki a ke:meh n' ah..., ahmo:lkilit. achi ma:we:weyak tepitsi:n ata. E:mah. Wa:n i:n seki ma:yehyewaltik sah, ma:yehyewaltik sah. A:h, i:n... Ma:yehyewaltik i:n ahmo:lkilit. Wa:n achi pané: ma:kohkoyoktik n' tein nika:n kinamakah ne:n tokni:wa:n i:ni ne: de Ecatlán, achi ma:... wa:n *morado**. Ke:mah. Wa:n ne: we:ikowtah mochi:wa yeh xoxoktik, a:mo *morado**, xoxoktik. Xoxoktik. Ke:mah, yehwa yo:n tiki:xmattokeh. Pos yehwa yo:n neh nik..., niki:xmattok no:, pos kuali a *que** tine:chilia ne:n Ke:mah. ahmo:lkilit pos yehwa ne:n no: semi kwe:liliah ne:n de wetsi ne:n i..., nika:n *cuando** xo:chiowa t..., wa:n chika:waya nochi ne:n *semillita** pos nochi, nochi kikuah ne:n chiktehtsitsi:n. Kikuah ne:n chiktehtsitsi:n. Nochi kikuah. Nochi kikuah wa:n Kikuah. Pos tak no: kwel..., mowelitah ne:n chiwihkoyomeh. Ke:mah wa:n..., kololowah *de que** onkak toni kkua:skeh. pos kololowah. Ke:masá: ompa nikitaya, ompa ne: se: kitaita, ompa ne: *matita**, ke:meh *matitas** ihkó:n moyewalowa, wa:n ompa tata:mpa ne: mo..., mose:wiah ne:n chiwihkoyomeh, *Hasta** mopohpoxowah nochi ompa. Ke:mah, kikuah n' iteyo de ne:n ahmo:l..., ahmo:..., ahmo:lkilit *porque** yo:n, Ke:mah. we:lik ke:meh nimitsilihtok, ke:ní:w n' tehwa:n... We:lik kualtsi:n. Teh no: tine:chilih ke:ní:w tikuah yo:n kiltsí:n tikmahse:wah Ke:mah. *wa:n lo mismo** tehwa:n kichi:waya no:má:n wa:n, no:pá:n ko:nkuia kuowtah. Ke:mah ompa..., mo..., mo:..., n' 'kuitih. Ompa mochi:wa yo:n, ompa mochi:wa. Kowtah ka:mpa tahtaxiti:ni, ompa e:wi sah yo:n ahmo:lkilit. *Porque** yo:n semi we:lik pos yeh nimitsilia ne:n Ke:mah. kkue:chowa:yah ne:n *chilito**, chi:ltamo:ltal wa:n, kima:patskayah wa:n kita:lilia:yah istat. Ke:mah. N' ompa t'te:te:kilia:yah wa:n tikuiah yo:n kaxit, kaxit yo:n de, se sokit. Chi:ltekaxit. Chi:ltekaxit, yeh n' tikuiah, wa:n ompa tikta:lia:yah wa:n nika:n seh se: tikuiah yo:n..., ne: yetok ne:n chi:l, chi:ltekaxit. Kihtowa, xkua:lkui a, ompa tikta:li:tih ne:n Ke:mah. totapalo:l. Ne:n kiltsí:n tik..., tikma:pa:tkeh ya. Ke:mah. Nochi kima:pa:tayah ihkó:n wa:n ompa kita:lia:yah. Entó:s yo:n chi:l, chi:ltekaxit nika:n kita:lia:yah se: wa:n se: nika:n, ohka:n. O:me, o:me nijó:n monekia kita:lia:yah. Ke:mah. Wa:n pos tikua:yah, ihkó:n tite:nwe:liayah ya. *Después** wa:la:ya se: tokni:w kihto:s ne:n Ke:mah pos ta: we:lik kualtsi:n. N' ekintsi:n, no:má:n, xa: tikua:s se: taxkaltsí:n. Nika:n tehwa:n tikuahtokeh i:n ah..., ahmo:lkilit. żOxné: semi we:lik? We:lik. Pos kihtowa no:, *a ver** ke:maniá:n ya:s n' ta:tahtsí:n kowtah, ne: mah ne:chwa:lkuili:s. Pos ke:masá: kwa:lkuia ne:n no:pá:n. I:n yetok ne:n, ne:pa ne:chtahtanihkeh, ne:n, Ke:mah. ekintsi:n tak nika:wati. Ke:mah. Ke:mah ta: kualtsi:n we:lik, ke:mah, kualtsi:n we:lik wa:n semi yema:nik yo:n kiltsí:n, semi yema:nik. *Después** kimanayah no:, pos kineltokayah. *Después** nochi kimtatkeh ya n' tokni:wa:n *que** we:lik yo:n, yo:n ahmo:lkilit. Yema:nik wa:n, Ye:mani:k kualtsi:n. Yo:n a:mo wehkapania. Ke:mah. Wehkap..., we:i mochi:waya, sake..., moso:sowaya wehkapan de chika:waya pos a:mo a:kin kkuiti, Pos nijo:n a:mo wehkapania. No: kualtsi:tsi:n no: n' it..., n' iteyo. A:chá: tiki:xmattok no: n' iteyo. momahmaxalowa ya wa:n ompa ta:ki a n' i..., Wehwei ihkó:n momahma:yo:tia:ya. Ke:..., ke:mah. Wa:n achi ma:yehyewaltik n' i..., n' ixiwyo. Ke:mah. Ma:yehyewaltik. Ke:mah. Yehwa yo:n ixiwyo wa:n de n..., pos ne: chi:chi:ltik de e:wi, de ne:pa ixwa. wa:n xi:i:ni nochi n' iteyo ne:pa, ihkó:n se: kita, ihkó:n *matitas** ne: ixwa, E:mah. tata:mpa de ne: *mata** nochi ixwa. Ixwatok a. wa:n sepa wehwei mochi:wa. E:mah. Wa:n yehwa de n' a:mo no: kitamiah yo:n chiktehmeh. Ka:n, ka:n no: kitamiah. Ke:mah, ke:mah. Nikinki:tskia:ni ke:masá: yehwa yo:n. Ta: teh a:chá: no: tikini:xmattok yo:n chiwihkoyomeh. Ke:meh, ke:meh se: piotsi:n. Itampa yehwa yo:n, yo:n ahmo:lkilit de te..., iteyo kikuah wa:n ke:masá: nikinki:tskia:ya yehwa yo:n chiwihkoyomeh itech n..., xo:me:tet no: kie:kkuah. Yehwa nikinki:tskia:ni chiwihkoyomeh. Pos, no: *igual** no:pá:n kin..., kintakechilia:ya. Kita:lia:ya ne: ihkó:n ne:n, tsontamali:n. Tikiliah tsontamali:n. E:..., kechmekat. E:..., kechmekat. Nika:n tiketsayah se: kowtsí:n wa:n nika:n, Kihtowa nikta:li:ti ne: kechmekat, A:, kilia, żke:yeh? Pos ta n' i:n nentokeh, semi nemih ne:stok ne:n chiktehtsitsí:n. Niman mota, xi:i:ni n' inihwiyotsi:n. Ompa tiki:satih ompa pilkak ya se: n..., se: n' chikteh. Kechpilkak a ne:n... Ke:mah. Ika yo:n kechmekat semi mokuiah wa:n a:mo 'koto:nayah. Mokuiah, mokuiah, mokuiah. Mokuiah wa:n yo:n t'ta:lilia:yah se:, Ke:mah wa:n onkaskeh ekintsi:n, tso:nkowit ihkó:n, tikilia:yah tso:nkowit. Entó:s ompa tikilpilia:yah wa:n Ke:mah, tsonkowit. Ke:masá: kwiwitaya wa:n ke:masá: a:mo kwiwitaya. Ompa tikahsitih ompa mikik ya. Ompa, ompa mokechpilowa. A:, ke:mah. Se: kwa:lkui a wa:n se: kichipa:wa wa:n se: kichi:lposo:wia *o** se: kita:lilia ya ne:n a:ko:ltapalo:l wa:n *A hijo de mala**, telwe:lik. achi... Yehwa nojó:n tik..., Telwe:lik. tikua:yah yo:n chiktehtsí:n pero ekintsi:n pos ne:n yehwa yo:n [e]kintsi:n kuali s..., ke:masá: kuali se: kkuiti:w nijó:n kiltsi:ni pero ompa *hasta** ne: we:ikowtah. *Hasta** nika:n, Ompa *hasta** kowtah mah se: kkuiti, pero seki ka:n no:, mochi:wa soh a:mo se: kkuiti sah. tikilia:yah nika:n, Chechelo:tepe:tikpak. Ke:mah. Chechelo:tepe:tikpak a:chá: timati. Ke:mah, ompakawí:n no: nnemia nochi. Ompa Chechelo:tepe:tikpak kiliah, *porque** miak, miak itech nijó:n tepe:t, timattos yo:n tepe:t wehkapan. Ke:mah. Ompa ke:masá: se: kinitaya yowih sake:ra ma:kui:l *o** chikuase:n ne:n chechelo:meh. Ke:mah. Chechelo:meh ihkó:n se: kita, ihkó:n ne:nemih, yuweh itech i:n tepe:t, i:i:xtapal. *Por eso** kiliah Chechelo:tepe:tikpak. Tepe:tikpak kiliah *porque** wehkapan. Kihtohkeh Chechelo:tepe:t. Ke:mah, Chechelo:tepe:tikpak. We:i tepe:t. Ke:mah. Ahko achi ihkó:n tatekochya:n ya, ihkó:n yahtok n' ta:ltsí:n. Ihkó:n yahtok n' ta:ltsí:n *por eso** kiliah, Chechelo:tepe:tikpak, *porque** n' tani itech i:n tepe:t ke:meh i:n, Chechelo:tepe:t. ompa ne:nemiah ne:n chechelo:meh. Ke:mah. chechelo:meh. Wa:n semi onkayah, porin *loma**, kwelitah semi, semi onkayah ompa n' chechelo:meh. E:mah. Chechelo:meh, yo:n ti:ltikeh, yo:n wehwei ihkuí:n. wa:n yo:n nika:n pá:nehnextikeh wa:n nika:n po:xtampachi:chi:ltikeh. Poxtampachi:chi:l..., poxtampachi:chi:ltikeh. E:mah. Wa:n yo:n semi tsikitsi:tsi:n. Mo:tomeh. Yo:n ke:ma:sá: mowi:katimeh sake:ra chikuase:n *o** chiko:me *o hasta** chikue:yi. Ke:mah. Chikue:yi chechelo:meh, wa:n yehwa yo:n, ika nijó:n ito:ka:y *de que**, Kihtowah ika n' ta:tahmeh. I:n ta:tahmeh [i]hkó:n kito:ka:ytia:yah. Ke:mah. *hasta** ompa ko:nkuia no:pá:n ne:n Kiltsí:n. Ke:mah. oso ke:masá: no: nia:ya, n' kiltsí:n ompa tikuitih tik... Kihto:skeh ka:n nankuitoh i:n kiltsí:n, tikuitoh *hasta** ne: Chechelo:tepe:tikpak. żKa:n yo:n tato:ka:ytiah? *Hasta** ne: ahko. żWa:n ke:yeh ihkó:n nantalwiah? Pos ihkó:n titalwiah *porque** nemih seki chechelo:meh. Ke:mah [...]. Itech i:n tepe:t n' chechelo:meh ihkó:n ta:tayewalowah. wa:n parahko ihkuí:n, yetok n' ta:ltsí:n achi tatekoch. *Por eso** kiliah ne: Chechelo:tepe:tikpak. Ke:mah. Entó:s yehwa yo:n ne:n tik..., Neh no: nimitstapowia *compadrito**, yehwa yo:n neh nikmati no:. Ke:mah, pos ompa neh no: nonemia:n, nikitani yo:n okuilimeh sem..., neli ne: se:mi se: kinita n' ompa, kwelitah nimolia neh, porin *lomatipan, por eso** mos..., semi kwelitah yo:n chechelo:meh. Wa:n ika, yeh ika kkui:lihkeh to:ka:it chechelo:..., *Chechelo:tepe:loma**. Ke:mah. A:mo tikihto:s nimitskaya:wa *compadrito** ompa ne:, Ke:mah. A:, ke:mah de n..., no: nomemia:n ne:h. ompa no: tinemia ika ne:n Wehka:wak ninemik no: ika yo:n *tirada**, ika yo:n, Ni:ixmattok ompakahkuí:n nochi. *O sea** nochi *lo que es** we:ikowtah nimattok, de nikalakia nika:n, Tikinte:mowa:ya ne:n..., *es...** Chechelo:tepe:tsi:ntan *hasta** Chechelo:tepe:tikpak nia:ya, *hasta** Ista:ka:t niwa:ltemo:ti, *hasta** nika:n Masa:owatah, Pochnetah ntemowa:ya, *hasta** nika:n i:n Ta:lko:nte:noh nipan..., niki:saki. Ihkó:n nochi nine:nemia n' ompa yo:n kowtah. Ke:masá: no: t..., ompa semi nemih yo:n kiliah a:kuetah. Nemih, nemih. Chikteh sah. Chiktehtsi:n, a:kuetah, te:na:ka:l, ompa semi nemia. Te:na:ka:l, yehwa yo:n. Nemih semi *compadrito**, nemih. Ke:mah, incha:yohka:n omap n' okuilimeh. N' kowtah yetokeh n' okuilimeh. Ke:mah. Nijo:n, ompa nemiah mohmotmeh. Ke:mah. Ke:mah. Ompa nochi nemih. Yehwa yo:n pané: n..., *se vez** ompa tikahsitoh n' kowta:ncho, takuahtoya itech se: a:makowit. Kowtancho. Ke:mah. Kowtancho wa:n yo:n kowitskuinti. Ke:mah. A:yo:to:chin ompa semi no: tikinahsiah. A:yo:to:chin. A: ompa telnemih ya ne: Masa:owatah, telnemih, i:pa tetah. Telnemih n' ompa. E:mah, ompa nemiah ne:n, Yehwa ya ne:n, yo:n *se vez** ompa tikahsito yo:n ne:n *chupamiel**, pero yo:n a:mo ompa tahtachkuatoya, kinkuahtoya n' a:skameh. Yehwa n' kinkua yo:n, yo:n nextekuilimeh n' kihki:x..., kihki:tskia, kinichkua, yehwa yo:ni. *Chupamiel**. Ke:mah. Wa:n se: *viaje** ompa tikwa:lkuiti:skah n' epat. Pero yo:n epat pos no: we:lik se: kitsoyo:nia, pero yo:n kuali ne:n *imantecayo**. Yo:n para pahti. Para pahti. Para pahti. N' *imantecayo** yo:n para se:, de se: tataxisti nika:n te:kokoh se: *ipecho**, te:ohxiliah wa:n nika:n se: ii:ka:n, yo:n semi kuali. Kuali semi yo:n pahti. Kuali semi. Yo:n kuali. Kuali semi Wa:n yehwa yo:n pos ompa ne: nochi ti..., tikitayah. wa:n ompa onkak nejó:n ahmo:lkilit. Ke:mah, ompa semi mochi:wa ne: kowtah. Semi mochi:wa *compadrito**. Yo:n ahmo:lkilit semi tel..., telwe:lik A:, yo:n we:lik semi. We:lik ke:meh ekintsi:n nika:n ampo:wí:n pané: a:mo teh nikita neh n' ahmo:lkilit. We:lik. Pos nikahkuí:n a:mo onkak ok, pero ompa ne: kowtah mochi:wa, neli ka:mpa yo:n tahtaxiti:ni semi yo:n e:wa, e:wa semi. Wa:n tatampa ka:sá: ika se:..., se: kkuiti:w ne:n..., kuali se: kkuiti:w ne:n, ihkó:n *semillita** wa:n mah se: kito:ka. Ta: mochi:was nika:n, sayoh a:mo t..., sayoh a:mo t'chi:wah *cuenta** t'to:kaskeh. E:mah. Kualtsi:n we:lik. Mah se: kito:ka yo:n semi we:lik no: pero Kualtsi:n. timiakeh..., pos neh a:mo no: nikmatia ox ti..., tiktsoyo:nia, nankitsoyo:nia:yah. Tehwa:n tikua:yah nakata..., *bueno** ke:meh kil..., kiltaa:man. Ke:mah, kitsoyo:niah *compadrito**, yehwa n' tehwa:n tik... Taa:man sah. Taa:man sah. Tikiliah kilta:ma:n[kiltaa:man] *porque** kimolo:ntia:yah wa:n kiki:xtia:yah, Tama:pa:tskal. Tama:pa:tskal. Kiliah kiltaa:man. Tama:pa:tskal, ke:mah. Kiltaa:man *porque**, Pos neh, neh nikua:ya ihkó:n n' ta..., ta..., kimanayah wa:n ke:mah ne: kitsoyo:niah pos telwe:lik ki:sa. A:. Kitsoyo:nia:yah wa:n yo:n kita:lilia:yah *manteca** de n..., de n' pitsotsi:n oso *mantequita** de piotsi:n. E:mah, kitsoyo:niah. Ika, ika *manteca**, ika *cebolla, hijo de mala**, telwe:lik. De, de pitso..., de *pitsomanteca**. *Porque** n' *aceite** tehwa:n a:mo ochika [okachi] timomatih nika:n, de a:mo kichi:wah iwki, ne: *manteca** ne:n kita:liliah. Kualtsi:n kwe:liltia. Ke:mah, we:lik kualtsi:n *compadrito**, we:lik. Cha:wak, kualtsi:n moka:waya. Pos yehwa sah *compadrito**. Wa:n de yehwa yo:n, ne:n... Ke:mah. A:, *bueno**, tasohka:matik ke:mah tine:ch..., tine:chilih *compadrito**, no: nikmatik ya ke:ní:w. Neli *compadrito**. Ke:mah. Ke:mah ihko:ni. Ka:n teihsá: *compadrito**. Wa:n teh no: tikmatik ya ke:ní:w no: *t'pre...**, ke:ní:w nehwa no: nikmattok. Tasohka:matik *compadrito**.