Na:no tehwa:tsi:n xa: tikmati ne: ke:ni:w se: mopahtia yo:n i:ksá: mahyá: te:kokoh se: i..., se: ikechtipan oso se: iyo:li:ka:n. Kihtowah seki ma:ski a:mo semi tekitih pero no: kinkokowa. A:mo se: kimati ke:yeh yo:n kinkokowa, xa: tikmattos teh ke:yeh yo:n oli:ni se: iyo:li:ka:n wa:n toni kuali ika se: kipahtia. Pos de yo:n oli:ni se: iyo:li:ka:n ke:meh i:n teihsá: se: kichi:wa wa:n se: kowti, wa:n tepitsi:n mitsmaka kiowit, yehwa n' ika yo:ni ne:n te:kokoh se: iyo:li:ka:n, ika yo:n se: pe:wa. Pero onkak pahti, yehwa ne:n ti:ltsapot, mah se: ki..., mah se:..., kualtsi:n oksi, wa:n mah se: kiki:xtili n' ie:wayo, wa:n mah se: kima:pa:ta wa:n mah se: kita:lili limo:n. [Sa]ke:ra e:..., o:me limo:n se: kima:pa:tska wa:n ika nejó:n, se: kimolo:ntia wa:n tsikitsi:n a:tsi:n se: kita:lilia, wa:n tsikitsi:n *azúcar**, ika yo:ni se: pahti. Yehwa neh nikmattok i:n se: iyo:li:ka:n te:kokowa. Yehwa neh ika ne:n..., no: ne:chkokowa:ya wa:n no: ika nimopahtih. Wa:n yekintsi:n a:mo nikmachilihtok. *Por eso** nikmati *que remedio** nejó:n ti:ltsapot. Yehwa neh ika nimopahtih. ¿Wa:n i:pa yehwa sah yo:ni? I:pa yehwa sah, i:pa yehwa sah. Yehwa sah neh ika nimopahtih wa:n ka:n n'machilihtok. Wa:n ekintsi:n, ma:ski timokiowi:ltia, ¿a:mo tikmachilia ok? Ka:n teh nikmachilia ok. A:mo teh nikmachilia ok. *Porque** nejo:n *como que** ne:chchipa:wilih. *Porque** nejó:n say..., ne: tein te:kokoh se: iyo:li:ka:n, yehwa ya ne:n se: kihtowa kasti:yahkopa no: taman. Pero ke:meh i:n timonohno:tstokeh ma:se:wal pos yehwa se: iyo:li:ka:n te:kokoh pero yehwa se: mokiowi:ltia. Yehwa yo:n ika n' oli:ni. E:mah, oso teihsá: tikchi:wtok wa:n timopahpa:kati *carrerita, porque** tixiwtata, yehwa ya n' ika se: oli:ni. Miak tasohka:matik na:nah tine:chyo:lmela:w, a:mo nikmatia komohkó:n i:n ti:ltsapot pahti, *este**, a:xka:n nikneki xne:chili ke:ni:w moto:ka:y wa:n ka:ni n' tiwa:le:wa. Pos ka:n teihsá:, neh niwa:le:wa Wi:tsikitepe:k[Huitziltepec], wa:n nimono:tsa niMaría Modesta Millán Diego. No: *igualmente** name:chmaka nejí:n notahto:l, notapahtilo:yo:n wa:n no: *xikaprendero:ka:n** wa:n xikmatika:n to:ni m' pahti n' onkak.