A:man. Tikneki tikmatis ke:ní:w ne:n..., ke:ní:w se: ki..., kipixtok m' pili, se: kkochte:ka, se: *kicuidarowa más bien**. Ke:mah. Yehwa n' tikneki tikmatis. Pos se: *kicuidarowa**, komohkó:n a:mo se: kineki mah tsahtsi, mah se: kima:ma, ika n' ima:mal. Wa:n komo a:mo *este** nejo:n komohkó:n tsahtsi, kochisneki, mah se: kipankalaki ya itech ko:so:l wa:n mah se: kito:tope:wa. Se: kito:tope:wa mah kochi, pero yo:n koso:l kipia *que** kichihchi:was n' ipopá:n. Kisohsos *o**..., wapaltsitsí:n, tein ya ne:sik, komo wa:pal wa:n komo ohtat, mah kisohso wa:n ompa mah se: kipilo ya wa:n mah ompa ne: se: kkochte:ka ya m' pili. Entó:s ompa kochi a yeh m' pili, ihkó:n se: *kcuidarohtok para** a:mo pawetsis, *porque** me:wa wa:n pawetsi. Ihko:ni ne: mos..., moskaltia m' pili. Yehwa sah. ¿Ke:niwki mochihchi:wa o:n ko:so:l? Pos kisohsoh. ¿De to:ni? Tein yeski, *tabla**. *Tabla o** nejo:n te..., *de tabla** nej..., ohtat, ohtat. Pero *tablita** ne:n itsontayo, meh nika:n i:n *tablita** ihkó:n wa:n nika:n i:n kisohsoya ohtat, ke:meh ne: ohtat ni:nipaka ihkó:n kiso. Wa:n ke:mah mochi:wa ya ne:n iihtik n' ko:so:l a, wa:n itsi:ntan no: mah ihkó:n kipasohso ne:n ohtat, entó:s ne: neho:n tein mochi:wa *ka:cajontsi:n** ya wa:n ompa se: kpa..., se: kipilowa ya wa:n ompa se: kite:ka ya m' pili mah kochi. Ompa ya se: kito:tope:wtok para a:mo tsahtsitos, mah mokochti. Wa:n ihkó:n no: kualtsi:n mokochtia ihkó:n kichihchi:wtok *porque** komo wahkalko sah yeh ompa tso:laktok wa:n ompa xiwtataka:miktok wa:n a:mo *we:ro** no: n' tsahtsi, a:mo kineki kochis. Ne: kochis no: ka:mpa kualtsi:n se:wka:kochtos. Ihko:ni moskaltia m' pili, se: *kcuidarowa**. Ke:mah, a:mo iwki sah. ¿Tikneki tine:chili:s o:n de ko:so:t tehwa? ¿Tikneki tine:chilwi:s de o:n ko:so:t nehwa? ¿Ihkó:n sah? Tehwa ya. Ihkó:n sah. Yehwa ya. Titelwehka:wkeh ya. [...]