A:man xne:chili sayoh ke e... żPara toni n' kualtia i:n chakayxiwit ise:ltihtsi:n sah? Pos komo tikpia toto:nik *fuerte** moihtik ihkó:n ke:meh nimitsilwia ke komohkón pe:wa titakua ya. *O** titakuah ya wa:n pe:wa t'neki timihso:tas. A:mo wel titakua. We:noh, kemeh eskia a:mo tikpiasneki mo..., *moalimento** moihtik. Entó:s yehwa yo:n tikma:xakualowa wa:n titai. Nitai:k *por eso** nikihtowa. Nikmattok ke ke:ní:w se: kimachilia. Nitakuah wa:n ke:mah pe:wa nielmoya:wi, nikchi:w *como tres, cuatro días** wa:n a:mo wel nik..., a:mo wel *nimoa:komoda:rowa** de yo:n *porquería**. Kihtowa ne:n no:..., nookichpil, "Pero i:n", kihtowa, "mitsna:mikis mo:má:n", kihtowa, "yehwa i:n pahti". "Pero ka:n n'mati", nikilia, "ka:ni n' onkak". Wa:n yowak a, ke:meh *las nueve**. "Ekintsi:n nikuiti", kihtowa. 'Kuito se: *mano**. Kima:xakualoh. "'Nechakaka:n", kilia, "se: ma:ski iwi:pi:l", kilia, "no:má:n". Kimakakeh se: tilmah. Ompa kitsetseloh. Wa:n ke:mah se: *taza** we:i ihkó:n, kuali kipexo:ntih. Yeh ke:mah, a:mo we:lik, alaktik fie:roh. Pero x'kita, *santo remedio**. *Hasta** i:n *apenas** sepa n'machili:ko wa:n ta: ke:meh se: xiwit a. Mm. N' chakay. Ehe. N' chakay. Wa:n i:n wetskili..., witskilit ise:ltihtsi:n, żPara toni n' kualtia? Pos witskilit para se: itsontekon *dolor**. Komo semi ti..., *o** yo:n ke:meh yo:n ye:k..., mahyá: tiekakuitaki:sa *fuerte**. Yehwa yo:n ne:n pahti. Wa:n komo a:mo mitska:wa, entó:s tikui mi:ltomae:wat. A:tomae:wat *o** mi:ltomae:wat, *porque** o:me taman tomatsi:n ata. Mi:ltomat pisi:ltik wa:n a:..., n' a:tomat wehwei. Yehwa ya n' tikmana skera na:wi ika se: *jarrito** wa:n timopa:ka motankua:y tani. Wa:n *ya**. Mm. Komo t'neki timopahti:s, titai:s yo:n pahti wa:n t..., komo a:mo pos, *porque** onkak, onkak xiwit semi *santo remedio**. Mm. żI:n witskilit se: kima:xakualowa ise:ltihtsi:n oso se: kimolo:ntia? A:mo, tama:xakualo:l, tama:xakualo:l xoxowik. Xoxowik ke:meh i:n yetok, ihkó:n. Tikokototsa wa:n t'ma:xakualowa i:n, ke:meh tikui n' a:tsi:n, tikma:xakualowa wa:n nika:n t'pa:tskatiw ihkó:n. Ihkó:n t'pa:tska *fuerte** ihkó:n mah ki:sa n' i..., ia:yotsi:n wa:n nika:n i:n tik..., mahyá: tikoli:nia ya. Ke:mah pe:wa ya ki:sa n' a:t pero totoktik. Mm. Komo tikahsi yehwa i:n xiwtsi:n, pos iwa:n tikui. Mm. Wa:n ne:n wi:tsikite:mpi:l, is..., ne:, żToni yeh kipahtia n' ise:ltihtsi:n? Ise:ltihtsi:n kipahtia *solamente** komo titelkalanemi wa:n a:mo mitska:wa. Mm. Ika *chorrillo** mah te:kui wa:n a:mo te:ka:wa. żIse:lti sah? Mm. Ise:lti sah, se: tsikitsi:n tikui wa:n tikma:pa:tska, n' tik..., timokahka:wilia. Mm. Yehwa n' te:na:miki ika. żNe:n xo:me:t? Xo:me:t, no: *igual**, no: iwa:n ya, iwa:n ya ne: witskilit komo se: kahsi. Seko sah se: kima:xakualowa. Kualtsi:n se: mopa:ka. Ah, wa:n tikui ne:n tein moka:was, tika:was se: kuali, kuali *pocillo** hko:n. Entó:s tikuiti a se: teposkuchari:tah. Wa:n tikuiti a n' tatahkotikonex, tein totoktsi:n. Tikpante:milia wa:n t'ma:ma:nelowa wa:n ke:mah tikpa:ka ya de nika:n i:n. Ihkó:n. *Hasta** ne: moxokpalko, nika:n. Ke:mah ne:n itampa momets tikmaga ihkó:n, ihkó:n. Mometstampa, moxokpaltampa. Para mah ..., mah ki:sa yo:n toto:nik. Mm.