A:man xite:chtapowi tikihtowa ke teh no: iksá: tikinonkuia xilimeh a:taw. Ke:mah Neh niki..., neh n'te:te:nkaki ke iksá: kihtowah kitsakuayah n' a:t. ¿Ke:ní:w kitsakuayah? ¿Toni kikuiah? ¿Ke:ní:w kichi:wayah? Wa:n ox teh no: tiwelik yo:n kitsakuah n' a:t. Ke:mah. Wa:n ke:ní:w kichi:wayah ke:man ..., para kinki:tskia:yah xilimeh. Nikmattok, kualtia, komohkó:n ekintsi:n name:chtapowi:ti. Pues nohjó:n n' a:t, kitsakuayah pero nohjó:n timo..., moilwia:yah *entre** tein titasohiknimeh tikihtowa:yah, tikontsakuaskiah n' a:t, xa: onkaskeh xilimeh. Niman kihtowa oksé:, "¿Tiá:s? Tia:skeh, a:mo, a:mo, nehyó:n, teh ximolwi komo tikta:li:s ne:n tenex no:, neh no: n'ta:li:s para n' a:taw, para mikiskeh xilimeh. "*Bueno**, tiowih oksé: *amigo** tikilwi:tih, se: totasohikni:w tikilwi:tih". Mokuih sake:ra na:wi:n, wa:n *¡Órale!** Entó:s ki..., tia:yah ya n' a:taw wa:n tiahsih ompa ne: tikte:mowah ka:n tikwa:tsaskeh, tik..., tikitah ka:nika kuali tikta:niskeh *porque** koma:mo se: kita:nik nohjó:n n' a:t pos te:ta:ni wa:n ne:nkah sah se: itekiw. *Primero** tikitah ka:nika ne:n *más** ya:s wa:n tikwa:tsah ka:mpa *menos** se:, ka:mpa a:maxal tikiliah a:maxal *porque, caso** xeliwtok n' a:t, ka:mpa *menos** ompa wa:kis. Entó:s pe:wa tiksakah ya n' tet, tiksentiliah n' tet, seki ompa ne: tik..., tiki:i:xkepah tet, tiktekpa:nah komoke *corral**, mahyá: *cimiento** de nehí:n tepa:mit, wehka *según** de wehka, sake:ra, ke:ra *diez metros o quince metros** de wehka, de o:me *lado**. Tapo:tok *como de *treinta centímetros, cuarenta**, nehjó:n tekorra:l, mahyá: *caño. Después** ke..., seki:n ya, de timiakeh ya tiowih, tia:yah kitekih ya n' iswat, pahpataiswat *o** chamakihiswat. Nohjó:n ke:meh i:n, ke:meh i:n yetok nehjí:n wehkatan, 'postektiowih nohjó:n iswat, sake:ra i:xoho:me, i:xehe:yi kinepanowah *lado y lado** wa:n ke:mah seki:n kisakah ya *arenilla**. Kipante:mah ne: a:i... ihtik a nohjó:n iswat, tikiliah a:xa:l. Pero *so..., kisufri:rowa:yah pobres**, ihxi:katiw pero *puro** sokimeh moka:wayah. Se: *lado** kichkuah seki:n wa:n seki:n ki..., kima:mah ika *costal** wa:n kipante:mah nohjó:n, nohjó:n mahyá: *caño tecorra:l** *hasta mollenarowa** nohjó:n *hasta** pexo:ni nohjó:n de wehkatan 'pexo:ntiah pe:wa ki..., wa:ktiw a n' a:t. Pe:wa wa:ktiw a n' a:t, *más** kipexo:ntiah, sentapal moka:wa miak. *Hasta** ki:satih, komo wa:kik a nochi, a:mo kanah ok ki:sa ok n' a:t. Ke:mah kit kwi:kah ya ne:n tenex kita:liah sake:ra *seis bultos o cuatro bultos o cinco costales** de nohjó:n *costales** tikiliah *co..., este, burreros** *de cuarenta ki..., cuarenta kileros**, ke:mah. Entó:s, [noh]jó:n, pe:wa kita:liah ya, *este**, pos pe:wa panki:sah ya xilimeh. Entó:s ompa ne: mosentiliah ya na:nahmeh, pi:piltsitsi:n, ta:tameh ti..., *cada quien** ima:taw, *cada quien imorral**. Pero kinte:mowah ya xilimeh, komo ki:sah ya xilimeh. Pos kinima:tawiah ika, nohjó:n, ma:tat wa:n tein *listo** ika ima:y tsikui:ni wa:n kinki:tskia. Wa:n nohjó:n xilimeh pos miak tamameh. Onkak sayoh kikui tein yo:n wehwei:n kiniliah *pintos** wa:n seki:n mono:tsah, *este, mecos** wa:n seki:n kiniliah ma:chikomeh wa:n seki, *este**, ma:xahxakameh. Wa:n seki n', *este**, kua:texilimeh yehwa nohjó:n xilimeh *este** onkakeh. Pos a:kin *listo** kikuis miak wa:n a:kin a:mo *listo** a:mo kikuis miak. Ihkó:n mokepas a:mo miak kwa:lkuis wa:n iwki a. Pero no:, no: se: taman nohjó:n yetok, komo se: tokni:tsi:n yahki *por malo**, nexi:kol, komo kipantamo:t nohjó:n a:taw se: *peso o** se: *veite centavos** a:mo teh ki:sas n' xili. Tikpolo:s nochi yo:n *motrabajo**, nochi tenex. Ne:nkah, a:mo ki:sas, sake:ra se: *seis** ki:sas. Yehwa sah. Ma:ski onkaskeh. Wa:n no: kichi:wa *mal** komo yahki se: tokni:tsi:n, siwa:tsi:n, *este, embarazada** No: *igual**. A:mo teh ki:sas nohjó:n xili, no: kichi:wa *mal**. Ke:mah. Nochi 'mattok nohjó:n, *este**, ihko:ni yo:ni chi:wik. Pos nikitaya wa:n no: nia:ya, no: nik..., no: nitekorraltia:ya wa:n niksakaya n' a:xa:l pero semi fie:roh. Ke *entre por a veces** se: kihtowa mah nikita sake:ra ke:ní:w xa: no: niwelis. Pos ompa se: kimattok, *hasta** a:xka:n nikelna:miktok ke:ní:w nohjó:n kichi:wayah. A:mo, a:mo ne:nkah, se:, se: *recuerdo** moka:wa *porque** se: kimattok. Entó:s de, noh[jó:n], de tami a, a:mo teh ne:si ok ne:n xili, pos tiowih ya. Timoka:wah, sepa tiktapohte:wah ne:n ka:mpa tik..., tiktsakkah. Ihsiwka para se: kitapo:s pero para se: kichihchi:was owih, ika miak *trabajo**. Ke:mah. Yehwa nohjó:n tikuiah nohjó:n tenex de nochi tikixkayah. Seki para a:taw wa:n seki para n' kali ihkó:n. Wa:n, nohjó:n n' *este, pescados**, nohjó:n, a:mo mikiah ika tenex. Nohjó:n *pescados, este**, nohjó:n mikih ika se: kimpahwia kiliah a:pahkamoh. Ke:mah wa:n yo:n a:pahkamoh onkak kuowtah. Onkak, *este**, kuowtah, owihka:n *o** ka:sá: a:mo owihka:n. Se: kichkua, *a veces** seki se: tachkua wehkatan sake:ra *tres metros o dos metros o** se: *metro**. Se: ki:xtia wehwei kamoh, ka:sá: ika ki:sa sake:ra *treinta kilos**. Ka:sá: ika *veinte o cuarenta kilos cada mata**, ka:mpa wehwei, wehwei *mata**. Pos se: kisentilia wa:n se: kichihchi:wa se: *bote**, se: 'kohkoyo:nia wa:n ompa se: kix..., se: kixitkoma mah, mahyá: nohjó:n kamoh mochi:wa takue:chol ke:meh, ke:meh i:pa tixti. Wa:n nohjó:n takue:chol pos se: kisentilia miak wa:n se: ki..., se: 'koxta:lketsa sepa, koma:mo ika *naylobolsa** wa:n ke:meh komo se: monechikowa sepa se: itasohikni:wa:n iwa:n pos, se: molia tiowih tikpahwi:tih ya n' a:t, ka:ni. Tiowih, para *pescados** nehjó:n. Pero para ika tenex a:mo mikih. Ke:mah. Tikwi:kayah wa:n tikinta:lilia:yah, ki:sayah *pescados**. Timowelitayah, ¿*porque** ke:yeh? aya:mo te:ch..., aya:mo te:chte:mohmowtia:yah. Pero a:xka:n a:mo wel tikchi:wah ok *porque** te:chte:mahmowtiah. Wa:n neli *porque** tite:kakilia:nih, ka:sá: kin..., ekintsi:n pos nochi tase:wik pero *cuando** pe:wak kinahsih ya pos kiniwi:kakeh seki tokni:wa:n *por** yehwa yo:n. Pero *gracias a Dios** tehwa:n a:mo teh *te:chpasa:roh**, timopale:wihkeh a:mo no: tiahkeh ok, tikakkeh onkak kuehmol de n' a:taw, ihkó:n timoka:wkeh. Ke:mah, pero ihwa:k a:mo teh, a:mo teh tamowtia:yah. Ti..., d..., tia:yah a:taw de *confianza**, mahyá: yo:n toa:xkapan tia:yah a:taw wa:n ompa ne: tinemiah *a gusto**. tikinte:mowa:yah okui..., okuil..., okuiltsitsi:n. Pero a:man, a:xka:n a:mo ok, a:mo a:kin yowi ok. Nió:n *porque** kinimo:taskeh ika *cohte pescados** nió:n *porque** kimpahwi:skeh, tak xa: xichi:wah seki pero semi ika mohka:yo:t. A:mo, a:mo semi de *gusto** ok. Ke:mah, yehwa yo:n tikchi:wayah, semi owih. Ke:mah, yehwa sah, tasohka:matik. Tikihtowa ne:n tekorra:l, ke n' a:itik, ¿Ka:n kisenkui:ltia:yah pos, mahyá: ninipaka ihkó:n kisa:lowa:yah n' tet. O:me *lado**. Aha. ¿Wa:n nika:n ihti..., ihtiwahkaltik? Ihkó:n. O:me *lado**. *Ésole**, mahyá: wahkal, mahyá: wahkal *deveras** ihkó:n. Mahyá: *cajón**, mahyá: *cajón**, ke:meh nehjí:n yetok i:n kowit wa:n nehjí:n, ihkó:n. Mah pexo:ni nochi ne:n ta:l, Ke:meskia o:me tepa:mit. wa:n ke:mah motsakua ya n' a:t seko, seko wel se: *lado** we:ia komo nipa *o** nipa pero se: *lado** kaxa:ni ka:mpa se: ki:xehekowa no:. Mm, ihkó:n nohjó:n t'chi:wayah. Ke:mah. Wa:n miak n' okuiltsitsi:n ne:n nankinki:xtia:yah *I:hjuamalah**, pos ne: ke:man miak ki:sayah. *I:hjuamalah**, nehwa note:iskaltihka:w, nikitak kinkuia sake:ra, ke:ra o:me *canasta**, de nohjó:n ihkó:n *canastas**. Kinkuiah, miak onkayah. Ke:mah. Pero a:xka:n a:mo ok. Kimpahwihkeh ika nohjó:n, a:mo se: kimati toni. 'Tankeh. Entó:s se:.... Ekintsi:n komohkó:n timo..., mah tikihto:ka:n tiowih tiktsakuatih n' a:t wa:n tikinte:mo:tih xilimeh ¿Timolwia tikinahsiskeh ok? Pos a:mo a:kin *ma:nima:rowa porque, pues** mowih ya. Mowih ya, niman se: kihtowa, [para] mah ompa ne:chkuitih *policias**, a:mo niá:s. Para toni nitsaktoti:w por a:mo t[eh], mah a:mo teh nikui. Ihko:ni a:mo a:kin ok kichi:wa. Ke:mah. Kita:liah oksentaman ya, yehwa nohjó:n okseki pahti a:it toni pero pos no: tein *ka:rriesga:rowa**, pero de a:mo, a:mo. *Porque** se: mowi, ke:mah. Wa:n yo:n pahti ne:n, kita..., *bueno** ne:n tenex nankikuiah. ¿Kinsemiktia:ya oso kini:xtayowaltia:ya sah? Pos *de plano** mikiah. Komo telmiak tenex *de plano** mikih, ompa ne: mote:mah a:ihtik koma:mo nochi se: kinte:moh, mo:stika, wiptika se: ya:s ompa ne: yetokeh ok pero tamantikeh ya. A:mo para se: kikuis ok. Pos tatah. Ke:mah, iwki nohjó:n tikin..., tikinchi:wayah. Teh timolwia ke yo:n tenex nakinte:milia:yah, a:mo kin..., yehwa kinsewehweloh timolia, yehwa ika a:mo semi onkakeh ok no:. A:mo. A:mo *porque** yo:n yetok sah ka:mpa pahyowayah, se: *parte** sah, a:mo nochi. *Al, al año** sepa onkakeh, *al año** sepa onkakeh pero nehjí:n oksentaman pahti ne:sik, *este**, i:n a:xka:n ok, *parejo** poliwih. A:mo teh tikahsis ok. *Al año** ne:sis sake:ra se:, se:, se: *treinta**, se: cuere..., se: *veinte**. Ke:mah a:mo tein, yehwa nohjó:n semi kintamih. Pero achto ika tenex tikta:liah wa:n ke:[meh] nane:chilwiah, tiktsakuayah pos se: *rueda** sah, se: *ruedita** sah. Koma:mo se: miakeh se: tapahwi:s, nohjó:n se: kitsakuas ke:[ra] se: *cachito**, komo se: o:me:n *o** se: ise:lti Pos se:, se: *diez metros** tikinkuis se: *morral** xilimeh. Se: *tres kilos**, se: *diez metros** de we:i sayoh n' a:t. Ke:mah 'wi:ka tenex sake:ra se:, se: *diez kilillos**. A:mo miak. Ihkó:n tikinkuis a, tikinkua:s a ne:n xilimeh para teh sah. Pero komo se: kineki para m..., se: miakeh pos yehwa nohjó:n, we:i tekorra:l x'chi:wa wa:n miak mah yowi *gente**. Mah tate:mo:ti. Ke:mah. Pero no: se: *moorganiza:rowa**, se: monechikowa para a:mo sayoh mokalaki:ti:w n' a:kin ya:s *porque** tepitsi:n *kicoopera:rowa:yah** kimak..., ki, *cooperación** kite:makaya. Se: *cinco pesos**, a:mo miak kitahtania:yah *porque** para tenex, ke:mah, ihkó:n nohjó:n tekitiah. Pero *después** poliwik nohjó:n, nió:n tenex a:mo tikixkah ok, nió:n, nió:n tei ok. *Hasta** a:xka:n, a:xka:n *mejor** wi:tsa oksé: *lado**, pero a:mo para a:taw ok. A:mo kualtia, kita:lihka se: *vez** ompa ne:pa *novecinos** yehwa nohjó:n pero a:mo *igual fuerte*. Taxi:kowah n' *acamayas**. Ke:mah, taxi:kowah a:mo mikih niman, mm. Pero, ne:n tein, ne:n, nika:n tik..., tikixkah, ¡*I:hjuemalah**. semi *fuerte**! Mikih. *Hasta** chi:chi:le:wih n' *acamayas**, xilitsitsi:n. Ke:mah. *Demás** a:mo, nehjó:n tekorral ihkó:n ke:meh nimitsilia, 'pexo:ntia:yah *hasta** tate:n, *hasta** tate:n para wa:ki n' a:t. Komo a:mo, a:mo. Ne:nkah sah, mm. Wa:n yehwa sah yo:n nimitsilwih, a:mo teh *más**. Nikmati okseki, okseki ok, *cosas, sobre** de n' tapa:tskalis. MM. *Este**, tikihtowa:ya ke ke:man komo nantapahwihkeh oso nankitsaktokeh n' a:t Ke:mah. Yowi se: siwa:t tein kokoxka:etok oso ne: kipantamo:tiliah se: *peso** oso *o**, aha, se: tomi:n ne:n n' a:t Ke:mah, ke:mah. ma:ski mikkah ya xilimeh, i:x..., ¿sepa i:xpeta:nih oso ke:ní:w tikihtowa ke a:mo, ke no: kinwehwelowa? A:mo ok, komo mikkeh ya, a:mo, pero kiniwehwelo:s komo kichi..., yekin kita:lihtokeh pahti *apenitas** de se: *dos minutos**. A:mo mikiskeh. Ke:mah kiniwehwelo:s. Pero de, komo i:pa pano:k nochi pahti kinchichi:na, a:mo teh, a:mo teh *pasa:rowa** ok. Ma:ski 'tamo:tili:skeh tomi:n. Ki:sa. Ah, ma:ski kitamo:tili:skeh a:mo teh *pasa:ro:s** ok. Pos, ke i:pa kuali kinchichi:nak a ne:n n' pahti, Ke:mah, ihkó:n nohjó:n. Tiki..., tiki..., tiki..., tikitayah tehwa:n wa:n tik..., *te:chpasa:rowa:ya**. Mm. Teh ke ti..., tikini:xmati ne:n okuiltsitsi:n tein onkakeh ne:n a:ihtik, ¿ka:nachi taman ok ne:n onkakeh? Wa:n ke:ní:w se: kimpa..., se: ke:ní:w se: kimpahwia, se: kinin..., se: ka:te:ma tenex oso se: kia:ma:nelowa wa:n ke:mah se: kipante:ka sah. Teh tikmattos ke:ní:w, ¡xite:chtapowi! Ah, ke:mah. *Este**, yo:n kwi:kayah ika ichkosta:lmeh tikiliah yehwa nohjó:n ichkosta:lmeh de *a cuarenta kile..., kileros**. Komo wewe..., komo ki..., kitsakuah pos ompa ne:, k..., kilpiah ika se: tamali:n wa:n kwi:wila:nah, kwi:wila:nah sake:ra na:wi:n *a ver** ka:nachi *bolsa** kwi:kah, *cada quien ibolsa**. Kwi:wila:nah *hasta** pa:ti. Nochi pa:ti yo:n tenex ika kosta:l kwi:wila:nah a:ihtik. Mah kwi:ka n' a:t para mah kinke:mi nochi ne:n xilimeh, *hasta** tami nochi nohjó:n pahti n' ihtik n' *costal**. Wa:n ke:mah, moka:wah ya no: wa:n seki:n i:pa tate:mo:lo:tok, i:pa kin..., [kin]kuitokeh ya xilimeh, ke niman ki:sah. Ah ke:mah, komo *fuerte** semi tenex yenkuik, niman, niman ki:sah mahyá yo:n wi:tseh miak, mahyá: yo:n piotsitsi:n kin..., se: kintamaka. Ihko:ni. Miak ki:sah wa:n tein *listo** pos niman ki..., kinkui. Ke:mah iwki nohjó:n. Kia..., kia:moya:wah ne:n tenex, ika *costal** kwi:wila:nah ihkó:n, kwi:wila:nah a:ihtik, *hasta** tami. Wa:n no: se: *cosa** kichi:wayah *cuando** kihtowa:yah kisempahwi:tih. Kisempahwiah wa:n kisempahwia:yah n' a:t, a:mo kitsakuayah. Ya:yah ka:mpa *pozo** we:i yetok, ka:mpa itech tepe:t, ka:mpa **corrie...,** ka:mpa *chorrera** kipia, pero ka:mpa *pozo*. *Este**, ya:yah, kwi:kayah, nohjó:n, tenex *por costal**. Wa:n ompa kipankahka:wayah. Wa:n de *tanto** toto:nik ne:n *cos...,** ne:n tenex, *hasta** kuitats..., kuitatsaya:niah seki ne:n kosta:lmeh ma:ski kualmeh, *porque** ne:n tenex, *este, cuando** ne:n a:t iwa:n poso:ni mahyá:. Entó:s ti..., tikinitayah pero cuando yo:n tasempahwia:yah a:kin eski mah motate:moli, pero pahyowaya n' a:t, wehka, wehka. Pochiktik mochi:waya ke:meh i:n tilmah n' a:t. *Puro veneno** de tenex. Pero a:mo tamiah. Se: xiwtika sepa onkakeh. A:mo tamiah. Pero a:xka:n, a:mo tei. Tikele:wiah pero nió:n sake:ra tikelna:mikih ok tia:skeh pos i:pa ne:nkah sah. Ke:mah, pero nochi kikuiah yehwa yo:n name:chilia ma:tat, nochi yehwa ika kikuiah, ma:tat. Niweli ma:tat, no: niweli nikchihchi:wa. Ke:mah *porque** de ke tikuiah tehwa:n. Ke:mah, pero de pos nehjó:n moka:wak nohjó:n tekit tikchi:wayah. A:mo no: tikelna:mikih ok tikchihchi:waskeh ma:tat, a:mo tikelna:mikih tia:skeh ok n' a:taw ke 'mattokeh ke a:mo teh tikahsiskeh ok. Ke:mah. Iwki nohó:n ki:sayah miak okuiltsitsi:n. Mm. ¿Toni tikuia ke:man t'chihchiwa:ya ma:t..., ma:tat? ¿Ton ika t'chihchi:waya. Pos *hilo** mono:tsa *cáñamo*. Wa:n koma:mo yo:n kiliah *pita**, se: 'ki:xtia, se: kite:xi:ma wa:n se: ki..., se: 'ki:xtia itech se: kuowit, se: kiwahwa:na mahyá:, moka:wa *hilo** ya sah, mahyá: pachti. Wa:n ke:[mah] se: kixe:xelowa mahyá: tsonti. Wa:n se: kimali:na, *por, por cachitos** mochi:wa. Wa:n se: kite..., se: kichihchi:waya ma:tat, se: kisa:lohtiw. Tikneki we:i ma:tat, tik[neki] *más** we:i, *qué tanto** de we:i. Nochi weli, po:wtok . Po:wtok, ke:mah, pero a:mo owih. Tein se: kimattok a:mo owih. Entó:s yehwa yo:n tikuiah. Tikuiah ma:tat de *pita o** yehwa de *cáñamo** wa:n ka:mpa tikchihchi:waya tiktekih se: kowtsi:n [i:]n *tanto agujeritos**. Tikpankui:ltihte:wah nohjó:n wa:n 'te:mpilowahya se: kowtsi:n tiktekiah hko:n de ta:rroh. Pat..., pata:wak, *tanto** de wehwei eski n' *agujeritos**, ke:mah. Wa:n nohó:n tik..., tiknehnemi:ltia:yah nohjó:n kowtsi:n *hasta** tamiti:w n' ma:tat. Ihkó:n 'xola:wtiowih, 'xola:wtiowih wa:n tikilpihtiowih, 'xola:wtiowih, xola:wtiw ihkó:n *hasta** tamiti:w. Mochi:wa se: ma:tat we:i. De ompa tatsi:ntan tamiti ompa se:, se: *kicruza:rowa** ihkó:n, se: kite:te:mpilohtiw nipa, nipa. Nió:n no: moita ok ka:ni n' sa:liwtok, nió:n no: moita ka:nika pe:wa. Ihkó:n nehjó:n mochi:wa, ke:mah. Nochi, nochi n' mattok nehjó:n tekit. Mm. Mm. Ye:wa tite:chilih ke onkak, *este**, ox kui:kuiltikeh xilimeh. Ke:mah. Okachi kuali teh 'te:chtapowi k..., *porque** neh a:mo nikini:xmati. Ah. 'Te:chili:ka:n..., ke:niwkeh? Ke:ní:w mono:tsah, ne:n, yehwa yo:n okuilimeh *porque** neh nikinte:nkakia kihtowah seki onkak, *este**, kilwiah, *este**, ox xo:lo..., a:mo n' mati, a:mo semi nikie:kmati. Aha, ne: pero de n' *pescados**. Aha, nochi yo:nkes onkayah wa:n ke ekintsi:n a:mo onkakeh ok. *Pues** ekintsi:n yo:n a:xo:lo:meh tikinilia:yah, yo:n a:mo we:lkeh. Tein a:xo:lomeh tsikitsitsi:n pero tein kiniliah xolotes wehwei:n ke:mah we:lkeh. Pero yo:n a:xo:lo:meh *hasta** ekintsi:n a:mo tein ok. Wa:n onkayah seki tikin..., tikinilia:yah, kueyameh. Tikiliah *español, 'rana', este**, wehwe:ih . Se: *nocarnal** nikpia semi kiniwelitaya kinim..., kinima:ya tet. Ma:noh katka. A:taw ya:ya, a:taw niman kimá:s tet, sake:ra *diez** kinima:ya. Wa:n ke:meh tenex tikuiah, tapahwia:yah, a:mo ke:man poliwiah. *Mes de marzo, abril, mayo, hasta junio**, ¡uta! miak mota:lia:yah tekua:ko. *Hasta** ne:n xilimeh ki:sayah a:te:n de n' a:taw. Pero, pos ekintsi:n i:nxxx ke:meh name:chilia nohjó:n *pintos** i:ihkui:nkes. *Pintos** kinilia:yahxxx wa:n inima:y wehwe:i, wehwe:ixxx mochi:wa ihkó:n. Wa:n kiliah *mecos** no: i:ihkui:meh. Wa..., wa..., mela:w nakayohkeh, tohtoma:wkeh. Wa:n ne:n ma:chikomeh seki ihko:ni sah. Wi..., *mismo igual** we:lik, ma:chikomeh. Wa:n nohjó:n *este** kiliah ista:kxilimeh no: seki:n, *mismo** no: pero yeh *más** tsikitsitsi:n. Pero ne:n, *este**, n' kiliah kua:poye:kxili, pos yo:n a:mo, yo:n a:mo se: kikua, yo:n i:pa ihkó:n sah, seki kikuah pero a:mo. Semi takua:wak. Pero ma:xahxaka yeh ihkui:ntsitsi:n sah, *medio verdes*. Ke:mah. Soh ke neli xahxakachti. Neli, neli xahxakachtik, pero nikitak tikinkuiah no:, pero semi takua:wkeh. Pero ma:chikomeh wa:n *pintos** wa:n *mecos** kualtsi:n, semi ema:nik. Semi we:lik para se: kikua:s chi:lposo:n *o** ihkó:n taixkal *o** mantecado** iwa:n *jitomate**, semi we:lik. Yehwa:n nohjó:n, ke yo:n *nombre** kipiah wa:n *tamaños** name:chilwih ya, *más** a:mo. A:mo teh *más**. Entó:..., entó:s, entó:s ke:man nantapahwia:yah, *pescados**, ¿yehwa:n a:mo ki:sayah? Ke:mah. A:mo, a:mo mikiah. Pos *ya, de ya**, name:chilwia, *este**, ki..., yehwa:n ki:sah pero ika ne: a:pahkamoh. Okseki. Tenex a:mo, a:mo kimachilia:yah. No: moyo:niah pero *si..., como siempre vivos** yehwa:n moka:wtiki:sah *cuando** ne: mi:xte:kaya n' a:t. A:mo, a:mo mikiah. Ke:mah, *porque** yo:lchika:wkeh. Oksé:, oksé: *fuerzas** kipiah tak. Ke:mah, pero, ne:n, ika a:pahkamoh a..., niman mo..., momoya:wah. Mikih. Ke:mah Nikmattok *porque** neli tia:yah. Wa:n tikchi:wayah neli ti..., tikte:mowa:yah yo:n kamoh. Semi kualtsi:n se: kichkua, seki we..., seki semi wehwe:i. Seki i:ihkui:n se: kahsi, se: kitihtoka, se: kichkua. Ke:mah. *Por eso** nikihtowa yehwa yo:n ika mikiah. Pero ne:nke:n. A:kin *listo** kinkui nohó:n tikihtowa xo:lo:tes *o** toni kiliah tokoxihmeh *o** kowa:michin wehwe:i. Seki tapalo:l a nohjó:n. Pero a:xka:n a:mo ok. Ke:mah. A:xka:n yo:n nochi, nochi poliwik a, ma:ski tak onkaskeh pero *gente** mowia. Pos ne: xilimeh a:mo tein ok. Ke:mah. Mm. Yehwa sah nohjó:n, a:mo teh *más**. Mm. Sepa yankuiká: 'te:chtapow`i moto:ka:y wa:n ka:ni tiwa:le:wa, ka:nachi xiwit tikpia. Pos neh noto:ka:y Andrés Martín Juárez ni..., ne: Xaltepec niwa:le:wa, ninemi a:xka:n de San Miguel Tzinacapan. Ke:mah. Nikpia *cincuenta y nueve años**.