*Pues** ne:chtapohpolwi tehwa:tsi:n n'nekia no: nimitstahtani:s, ni..., nikitani seki kuomekat onkak mono:tsa *este, bueno,** neh nik..., ki:xmatih koyo:kopa, de ne:, pero koyo:kopa pero ma:se:walkopa kito:ka:itiah chiko:me..., chiko:me iyo:lo komekat. Mm. Ne:n a:mo nikmati ox tiki:xmattok tehwa:tsi:n kihtowah no: semi kuali pahti para n', neh nikmati kuali pahti ke:meh yo:n ne: se: te:kokoh se: iyo:lo, a:mo nikmati para tehwa:tsi:n xa: tikmattok xa: kualtia para okseki *más** kokolismeh. Ke:mah, pos komekat niki:xmattok neh, niki:xmattok komekat, telwehwei mochi:wa, tohtomaktik, wehkapan yowi, moskaltia, ke:meh wehkapan kowmeh yowi ke:meh yo:n kues..., ne: xola:lpan *torre** de wehkapan yowi, *hasta** ahko mo..., ikechtan m..., yowi mopa:pacha:ni:ti. Pero a:mo, a:mo ke:man nikita ne:n ixo:chio ke:niwki, iteyo a:mo n'mati ke:niwki, pero nikitani ixiwyo, ke:mah nikitani *porque** ka:mpa se: kite:nteki neh n'mattok n'te:ntekito nehwa wa:n nik..., itsmoli:ntok niki:sato, e:yi n' ima:i mota:lia, e..., mota:lilia e:yi ima:i ne: ke:meh yo:n, ka:n teh, ka:n n'mati ke:meh kati:n yeh, e..., ihkui:kui:n de wehwei ne:, ke:meh te:kua:nenepi:l yehwa ne: xiwit, pero ke:meh *corazón** ekapitstik wa:n ihkó:n nika:n pano:tok ihkó:n, ke:meh, ke:meh *corazoncitos**, e:yi mota:lia. Se, se: nika:n mota:lia o..., nika:n se: wa:n se: nika:n wa:n se: ima:kowyotsi:n mochi:wa nika:n, ipan se: mota:lia ihkui:n, *mero** tikmati ke:meh toni moma:itia, ke:meh yo:n exoyema:nekilit. Mm, ke:mah, ke:mah, ke:mah, ke:meh ekilit, mm. Ke:meh ekilit. Ke:meh, ke:meh ekilit kimo..., *lo que es** et moma:itia, e:yi ima:i kipia, a:mo se:sah. Iwki ne: mochi:wa ima:i pané: we:weyak ihkui:kui:n. Wa:n ima:xiwyo ahalaxtik wa:n kahkana:wak, i:xko ahalaxtik wa:n kana:wak ne:n xiwtsi:n. Wa:n nehjó:n neli mota:lia ki..., miak ki..., *igualito** kowit nika:n mo..., ki:sa se: ima:xiwyo, nika:n se: wa:n ika se: kowtsi:n mota:lia wa:n nika:n sepa mochi:wa se: ihkó:n. *Mero** ke:meh et moma:itia. Pero wehwei ima:xiwyo ihkui:kui:n de weyak, ma:pih...,ekapihpitsaktik. Yehwa yo:n niki..., niki:xmati ima:xiwyo, e:yi. Ikuamekayo ki..., ikuamekayo komo se: kitahkoteki ihkui:n *derecho** se: kiteki. Wa:n iyo:..., n' i..., imikuemekayo, ke:niw, ke:niwki iyo:lo, kipia neli ke:meh kihtowah. I..., kipia ne:n i..., miak i..., iyo:lo, iyo:lo miakka:n [...] chiko:me. i:n ne:stok ka:mpa iyo:lo kipia wa:n komo se ... We:i mochi:wa, tomaktik, we:i, ihkó:n mochi:wa se: es..., tomaktik. Wa:n nehjó:n yo:n neli komo se: kitekisneki, se: kitekisneki teisá: se: kitatekiwti:sneki yo:n kuali tsaya:ni ke:meh *hule**. Se: kalakilia *machete** wa:n ompa sah tamito, ke:mah tiktila:na wa:n tsaya:ni ke:meh *hule** yemaxtik. Wa:n kuali se: ki..., wa:n kuali se: kitehteki ke:meh ... Kuali se: kimpilowah, se: kichi:wa mah mimiltsi:n Para t'chi:waskeh ke:meh, tehwa:n no: titekitiah de yo:n t'chi:wayah *artesanias**. Yo:n ka:mpa seki neh, seki nika:wiloh *porque** nik..., *después** ok nikmatik takah kuali pahti para yo:n kokolis para, para *riñones** wa:n para se: iyo:lo no:, se: a:kin kikokowa *iriño:n** pos kuali kipahtia no: *riñones**. A:, ne:n ma:tachihchi:w, mm. Wa:n nehjó:n ihwa:k nimomakak kue:ntah, sate:pan nikwehwelohtok yo:n kuamekat wa:n pos kuali para pahti, *por eso** a:mo niktekik ok, yo:n nikwehwelowa para, para wahkalmeh n'chihchi:was. Kualtsi:n nikwelita *porque** yema:nik, kuali se, se: ... Kuali se: kichi:wa ke:meh se: kinekis, se: kehkelpachowa *hasta** se:, neh n'chihchi:waya seki yo:n kiliah *fruteros**. A:mo posteki. A:mo posteki, nikchihchi:wa, nikue:kue:lowa:ya ke:meh neh niknekia, mahyá: tekolkaxit. Kualtsi:n tsi:npitstik wa:n nikyewalowa, kualtsi:n nikchihchi:waya komekat. Kualtsi:n mochi:wa yo:n nehjó:n, yemaxtsi:n, pero ... Wa:n de se:, se: ki..., de, nikihto:sneki de wa:ki a komoke chi:chi:le:wi ke:meh yo:n kuesalmekat, chi:chi:le:wi ko..., komekat, chi:chiltik ke:meh yo:n, ke:meh yo:n poposokani kilia. Chi:chi:ltik taihtik pero, pero paniá:n ikom..., komekat ipane:wayo xoxoktik wa:n no: pachiowa. Ihkui:n mochi:wa toma:wak wa:n pachiowa ke:meh wehka:w a kowit mochi:wa, pachowa, a:mo alaxtik ikomekayo. Wa:n neh nikneki nimitstatsi:ntoki:s ikowyo, we:noh takua:wak, xa: no: takua:wak ke:meh, ke:meh i:n kowit sah *o** ke:meh neh a:mo ke:man nikihto:s mah ni..., neh niki:xmattok. Pero a:mo ke:man nikteki para nikma..., nikmatis ke:ní:w *cuando** wa:ki. A:mo t'teki. Ox *este**, ox ki:sa no: kow..., kowtatsihtsi:ke:w, *o** xa: tamela:wa senki:s komekat sah. A:mo nehjó:n neh a:mo, a:mo, nikitani ke, ne: kowtah pos a:mo se: ki..., a:mo kite:xi:mah kowmeh *porque** a:mo we:ionkak. neh nikmattok ne: kowtah onkak sayoh ohka:n sah, ne: ke:meh o:me taktson sah nimattok. pero a:mo kanah nikitani *más**, ompa sah nikita. Ke:mah wa:n onkak kuomekat. Wa:n oksé: ne:chtapohpolwi tehwa:tsi:n es..., oksé: neh no: n'nekia nimitstahtani:s. Wa:n yo:n kitatekiwtiah para ne: tikihtowa tehwa:tsi:n *este** para ne: se: i..., te:kokoh nika:n se: ike:snahnakastan Yon tehwa:n tikihtowah koyo:kopa mono:tsa *riñones**. Yo:n te:kokoh nika:n se: ikehke:snakastan, neh nikneki nikmatis, ke:ní:w yo:n taih, ox kimolo:ntiah *o** tamela:wa xohxowik kia:pachowah *o** ke:ní:w yo:n taih. A:mo, ta: yo:n tamolo:nti:l, tamolo:nti:l wa:n, wa:n nehjó:n taih kualka:n wa:n nepantah wa:n tio:tak yo:n kit para kinina:miki ka:mpa kikokowa *riñon**, sayoh *riñon** sepa wa:le:wa tak de yehwa mokepa ya yo:n *después** kiliah ne:, ke:ní:w kiliah yo:n a:mo wel se: motapia:sowa ok. Tamolo:nti:l. Ehe, *mal, mal de orín, eso** a:xi:stsakui:lis yehwa yo:n ki..., yo:n kie:wasneki *por eso** mo..., *riñon** te:kokoh, de ompa wa:le:wa yo:n kokolis. A:, a:xi:xtsakui:lis. A:xi:xtsakui. De *riñon** kokolis pe:wa, yeh ika *hasta** te:chi:wilih *mal** a. Wa:n oksé: neh no: nimitstahtani:sneki n' a:tsi:n ox kipata ne:n i..., ox tapalowa n' a:tsi:n *o** tamela:wa chipa:wak n' a:tsi:n. Entó:s xa:, xa: ... *Bueno** neh nimonemilia A:mo ta: n' a:tsi:n chi:chi:le:wi tepitsi:n, mahyá: kiawa:t. Entós: xa: neh nimonemilia, nikpia seki pahti neh pero a:mo nimitsilwi:ti ox nimits..., nimitsye:kahsika:tapowi:ti ox yehwa *mismo** de yo:n kuomekat. Ke:mah. Mm. Nikpia seki pahti mahyá: seki kowtsitsi:n. Mm. Mahyá: yo:n kowtatsihtsi:ke:w, kowtatehtek, mah tikihto:ka:n tehwa:n se:, ihkó:n tsikitsitsi:n. Wa:n yo:n semi telpati:yoh, wa:n yo:n semi telkuali para *riñones** pero yo:n koyo:kopa kito:ka:itiah *palo azul** Mm. Wa:n neh nimolia xa: yehwa ya eski, a:mo se: kimati, ke:meh tikita ya ne:wi:n seki wehka, wehka, wehka no: taman, no: taman komekat, ta:taman mochi:wa, ta:taman mochi:wa. Ta..., wa:n, wa:n ta:taman wa:n *o** seki *mismo** yehwa pero ta:taman tikto:ka:itiah. Taman t'to:ka:itiah wa:n de wa:ki a, tik.., tikmatis tehwa:tsi:n *cuando** kitehtekih ihko:ntsitsi:n. Mopata ya, a:mo tikitati ox komekat nio:n tikitati ox, ox ke:meh weli sah kowit, tikihto:s teh xa: kowtatsi:ke:w kitehtekkeh ne:wi:n mah ... Mm, Ke:mah, ne:, ne: komekat tamati, komohkó:n se: kitehteki, mah tikihto:ka:n kahkana:wak se: kitehteki, ke:meh kihtowah *rebanadas** koyo:meh. Mm. Nehjó:n chi:..., chi:chi:ltik moka:wa kowit. Wa:n nehjó:n a:mo semi teltakua:wak, sanoke mahyá: me:dia poxa:wak ke:meh yo:n, tiki:xmati yo:n poposokani. Mm, poposokani. Poposokani, ke:mah yo:n *cuando** se: kiteki wa:n ki:sa n' a:t. Mm. Ihkó:n *mero** ne:n a:mo, a:mo, a:mo *macizo** ne:n kuomekat. A:, a:mo. A:mo *macizo**, sanoke mahyá: poxa:wak sah. Ke:meh yo:n kuomekat tikita ih..., ih..., iwki *merito** yo:n komekat nimitsilia t'te:nkuitokeh. Pero yo:n tata:wikmekat yeh no: taman, yeh, yeh niman se: kita ke takua:wak yo:n wa:n yo:n ista:k. Mm, tata:wikmekat, ke:mah. Takua:wak, kipia iyo:lo se:sah yo:n tata:wikmekat wa:n takua:wak, kakaltik. Ke:mah. Wa:n ne: a:mo, ne: se: kite..., se: kiteki mah ... Poxa:wak ke:meh yo:n nimitsilia ne: poposokani. Iwki komekat i:n tikte:nkuitokeh, a:mo *macizo** kuomekat, sanoke mahyá: e..., mahyá: me:dio pachtik se: kihtowa, mm. A:, iwki yo:ni, mm. A:, *entonces** a:m..., eski no: taman tein neh nimitsnohno:tstok ika de yo:n kowtsi:n. No: kuali semi ko..., no: kowit sah, ke:meh weli sah wa:n no: kuali pahti para *riñones**, Mm, mm. pos neli ke:meh tikihtowah tehwa:n onkak miak ko..., *este** pahti nika:wi:n, sanoke tehwa:n a:mo tikihi:xmatih sah. Ka:n tiki:xmatih. Ke:meh yo:n tik..., tikelna:mikih yehwa yo:n komekat, tikihtowa tehwa:tsi:n. Mm. Wa:n no: onkak seki kuamekat mono:tsa tsina:ka..., tsina:kaahtapal, ahtapalmekat. Mm. Tsina:kahtapalkuamekat yo:n no: kuali para *riñones**. No: kuali. Wa:n yo:n neh niki:xehehkowa pos a:mo no: a:kih semi kiahsika:mati para, para pahti *porque** tikmatis tik..., ke:meh a:mo kachi tiktatekiwtiah, ekintsi:n tehwa:n titakowtamatih koyo:pah. Ke:mah. Tika:wah ma:se:walpahti. Ka:n teh tikchi:wah kue:ntah. Wa:n yehwa yo:n tel, tel, semi tel a:mo kualtsi:n *porque** ke:meh yehwa, ke:meh *a veces** tikihtowah tehwa:n impo:rtah nochi tikixta:watih. Ke:mah, san ok te:i:xeheko:s sah koyo:t, x'taxta:wili ye:kpati:yoh wa:n sepa mitsmaka pahti *más** pati:yoh ki:sa ya. No.., no..., i..., yehwa yo:ni. Wa:n yehwa yo:ni wa:n ta: tehwa:n te..., iks.., ti..., ti..., a:mo titanemiliah sah. A:mo titanemiliah sah pero nika:wi:n *o** a:mo tiki:xmatih *o** a:mo timoi:xpantiliah. Mm, mm. Pero nika:wi:n onkak pahti ke:meh yehwa yo:n neh nimitsilia yo:n, tsina:kaahtapalkomekat. Yo:n no: semi kuali para n' yehwa yo:n tein nimitsilia te..., [ike:s]nahnakastan te:kokoh, yo:n koyo:kopa kiliah *riñones**. Mm, mm. Yo:n no: semi kualtsi:n mah se: tai, mah te:molo:ntili:ka:n wa:n mah se: tai ih..., ke:meh, mahyá: ke:meh i:pa a:tsi:n sah, ka:n teh nikihto:s mah chichi:k *o** ke:ní:w, ta: ke:meh a:tsi:n sah. I:pa a:tsi:n sah, mm. Mm. Wa:n yehwa yo:n semi kuali kihtowah para a:mo te:..., te:tekiskeh pos yehwa yo:n mah se: tai, Mm. Wa:n a:mo te:..., te:ihtako:skeh koyo:meh *porque** yehwa:n neli koyo:meh, ne:n koyo:tapahtia:nih yehwa:n pos tehtein weli kinemiliah, ke te:chi:wiliah miak nemachti:l wa:n ... Mm, ke:mah. Te:chi:wiliah miak nemachti:l *desp...,** sa:te:pan kihtowah pos *mejor** te:tehtekitih ya para se: pahtis. Se:sepa tana:miki wa:n se:sepa a:mo no: tana:miki, a:mo nochipa tana:miki. Mm, ka:n nochipa tana:miki, ka:n nochipa tana:miki. Pos neh niki:xti yo:n kuomekat tikihtowa pero neh nikita pisi:ltik mochi:wa ka:sá: ika se: kita pero kahkana:wak ixiwyotsi:n, tsikitsitsi:n ihkui:ntsi:n nikitani neh, yo:n xiwit no:. Komekat pitsa:wak ke:meh yo:n sa:..., xa:xantiah kiliah tein nika:n mochi:wa, ihkó:n mochi:wa yo:n komekat pero ima:tsitsi:n tsikitsitsi:n, ihkui:n, no: ke:meh tsina:ka chihchi:wtok iahtapal. Iwki a no:. Pero a:mo n'mati ox yehwa yo:n. Yehwa, yehwa eski, yehwa eski sanoke tikmatis tehwa:tsi:n no: ka:mpa, ka:mpa paniá:n Mah tikihto:ka:n ta:lwelita no:. Entó:s kualtsi:n mo..., mo..., mah tikihto:ka:n tehwa:n mopa:pacha:nia itech ne:n paniá:n de n' kowit. Mm, Neh nimitsilia tehwa:n, tehw..., tehwa:n sepa tiahkah nika:n, nika:wi:n tinemitoh. Mm. Wa:n tikahsikeh yehwa yo:n komekat, kipiaya ne:n i..., iteyotsi:n no:, kipiaya ita:kilotsi:n seki mahyá:, mahyá: tikihtowah tehwa:n ke:meh yo:n, ke:meh yo:n, ke:ní:w kiliah, *este** yo:n, yo:n kinamakah ne: Cuetza..., ne: Cuetzalan, yo:n ... *Uvas**. Eh..., ihkó:n *mero** tamatisneki n' i..., i..., ihkó:n tamatisneki iteyotsi:n. Mm, pisi:..., pisi:ltik *por más**, pisi:ltik. Wa:n te:ch..., yehwa, se: *persona** tein iwa:n niahka, se: tokni:tsi:n tein iwa:n niahka neh. Yo:n tokni:w pe:wa ne:chtatsi:ntokia. Kihtowa "ke:ní:w mono:tsa kihtowa i:n komekat" "Neh nikilia tsina:kaahtapal, tsina:kaahtapalkomekat". Mm. Kihtowa "Wa:n para toni kualtia", "i:n neh nikmattok" nikilia "kualtia para *riñones**. *O sea** kuali pahti Mm. Kuali pahti. Wa:n tik..., tikitakeh wa:n yehwa yo:n name:chtapowia no:, tehwa:tsi:n a:mo, xa: no: tiki:xmattos. *O, o** ta... ta..., ta:ka:n tiki:xmattos pero a:mo tikto:ka:i:xmati kuali semi ke:ni:w, *o** a:mo tikmati ke:ní:w, para toni kualtia yo:n. Ke:mah, ka:n, ka:n se: momaka kue:ntah no:. Ke:mah, ka:n se: kimati pos ne: ke:meh tota:tahwa:n ta:taman te:chiliah pos neli a:mo t'matih ton oksé:, se: tika:xpanowiah wa:n se: tikchi:wah kue:ntah. Mm, yehwa yo:n. Yehwa yo:n, yehwa yo:n mochi:wa. Ke:mah, ihko:ni yo:ni. Ke:mah, mm. *Pues** a:mo teisá:, a:kin neh nimitsmati:ltia ta:ka:n, se: tokni:w mitstahtani:s para toni kualtia yehwa yo:n komekatsi:n. Pos xik..., ki:xpantili wa:n xikilwi, mah a:mo ika timowe:inekika:n *porque** tikihto:skeh tehwa:n tikmatkeh ya ne: ke:ní:w mono:tsa Mm. Wa:n para toni pahti. Mah tikihto:ka:n tikta:ti:tih. Mm. *Siempre** kachi kualtsi:n mah tiktapowi:ka:n se: tokni:w *porque** miak ... Nika:n ta:ltikpak tikpiah miak kokolis. Mah se: motapowi, ke:mah. Neli pero ... Wa:n seki, seki pos titasematih ya de ke a:mo onkak pahti, tikpanowah miak koyo:pah ya, a:mo te:chna:miki ok. Pero a:mo, ta: tehwa:n neli a:mo titanemiliah sah, pero nika:wi:n tehwa:n i:n kowtahkopa tikpiah ne:n kalampapah. Tika:wte:wah miak pahti wa:n tiowih ne: ka:mpa koyo:meh. Ke:mah, ka:n t', ka:n t'nemiliah sioh ... Sayoh mah a:mo timo..., yehwa yo:n, a:mo timochi:wah kue:ntah sah. Ke:meh tine:chtapowia tehwa:tsi:n, ke:meh yo:n kuomekat yo:n chi..., chi..., *este** chiko:meyo:lo. Mm. Yo:n no: semi kuali pahti, neli. Mm. Sayoh neli ke:meh tehwa:n tikihtowah nika:wi:n pos a:mo kachi tikahsih ke:meh nika:n i:n nochi ixta:wat a, kanah ika ka..., kanah ika onkat *este** to..., totato:k de n' kahfe:ntsi:n. Pos a:mo moahsik ok yo:n komekatsi:n pero niki:xehehkowa nika:wi:n kowtah, wehweikowtahkopa, xa: onkas. Onkak pero neh niki[tsti]nemi miak *veces** kowtah, neh ke:meh miakpa ninemini. Mm. A:mo kanah nikita *solamente** onka:n sah nimattok, yo:n taktsonyetok, onka:n sah. Ohka:n. Pero *más** a:mo kanah onkak. *Pues** semi kualtsi:n *ojalá**, neh niknemili:skia, niknekiskia xiki:x..., xiki:xte:mo:ti wa:n Ke:mah. entós: ampó:n tite:chanawatia wa:n taka:n a:ksá: se: tokni:w mitstahtania para toni yo:n tiktatekiwtiah yo:n *o** para toni se: kitatekiwtia yo:n komekatsi:n. Mm, mm. Pos xikilwi, xiktapowi. Ke:mah. Ke:mah. Ke:meh i:n nimitsilia neh es... ti..., te:chitah tichika:wkeh. Te:chitah kualtsi:n tinentokeh pero a:mo kimatih ke:ní:w tietokeh itech ne:n to..., ton..., tonakayohka:n *o** toneketsaliska:n ihkó:n ke:meh tikihtowah tehwa:n. Pos ..., ke:mah *porque** ... Seki kuali tine:nentokeh. Ko..., Ke:mah. Pero pos tine..., mah, mah tikihto:ka:n tehwa:n tine:nentokeh pero timo..., mah tikihto:ka:n timoyo:lchika:wah sah, timoyo:lchika:wah sah, a:mo *porque** semi telkualtsi:n tipa:ktokeh ta: *a veces** se: moyo:lchika:wa sah. Timoyo:lchika:wah sah, timoyo:lchika:wah sah, ke:mah, mm. Ke:mah. *Pues** yehwa sah yo:n neh no: nimitsnohno:tsasnekia wa:n nimitstatsi:ntokia xa: tehwa:tsi:n tikpia *más** ... Ke:mah pos ... *Este ma..., más** talna:miki:lis *o** teisá: ihkó:n *más** tatsi:ntokalis Mah tine:chtapowi:skia wa:n, *ojalá** wa:n koma:mo, ta:ka:n i:pa yehwa ya sah tein ika timonohno:tskeh pos semi 'tasohka:mati miak, mm. Pos yehwa sah yo:n nikmati no:, tein neh niki:xmati komekat yo:n chiko:meyo:lo:t niki:xmati pero neh a:mo niki:xmati yo:n tikihtowa ne:n ... Nikitani pero a:mo n'mati ox yehwa ya *porque** nikitani ne: mochi:wa yo:n ohti, ka:sá: ika xiwka:wal. Pero pisi:ltik komekat, a:mo niki:xmati ox yehwa ya *porque** neli nehjó:n teh tikihtowa mochi:wa wehwei komekat eski, wa:n neh niki:xmattok pisi:ltik komekat mochi:wa, pihpitsaktik. Ke:mah. Ke:mah yehwa, ta:taman tiki:xmatih wa:n neli ma:ski nikitani pero a:mo, a:mo n'chi:wa kue:ntah yo:n kuomekat neh. Ke:mah. A:mo, a:mo n'chi:wa kue:ntah, a:mo niki:xmati de yo:ni. *Pues** tikitaskeh se: to:nal nimits..., se: to:nal nimitsne:xtili:s, nikitas ne:wi:n nikte:mo:s wa:n tik..., timone:xtili:skeh yehwa yo:n komekatsi:n para no: tikahsika:matiskeh neli ti..., Ke:mah. Kualtia, kuali yetok, kuali yetok, para se: kimatis kati:n yeh. Ke:mah yehwa yo:ni. Ke:mah, kuali yetok. Pos ne:chtapohpolwi miak, yehwa sah yo:n ika timonohno:tskeh wa:n a:mo ... *A ver** ke:maniá:n sepa timoahsih nika:n para sepa timotapowi:skeh nochi *lo que** tein tehwa:tsi:n tikmattok wa:n tein neh nikmattok. Kuali yetok, kuali yetok. Ke:mah. Pos mah timotapowi:ka:n, pos yehwa sah yo:n ika nimitsnohno:tsak. Telmiak tasohka:matik. Wa:n ... Neh nimono:tsa niRubén Macario, niwa:le:wa de Chi:lkowtah, nipowi nika:n San Miguel. Tasohka:matik, pos neh no:, niktasohka:mati miak ke tine:chtapowih tein motalna:miki:lis para n'mattos neh toni kuomekat tiki:xmati wa:n para toni wa:n yehwa yo:n nikpia miak, miak *este** pa:kilis ke timonohno:tsah nika:n miak tasohka:matik, neh niwa:le:wak de San Miguel, nimono:tsa niErnesto Vázquez. No: kualtsi:n, tasohka:matik miak. Ke:mah, tasohka:matik.