Pos a:man *este** ta:to xite:chtapowi ke:ní:n i:n tehwa:tsi:n tiki:xmattok *este** i:n ta:taman nemowtil tein te:kui. *Bueno, antes que nada** mah timotahpalo:ka:n. Tio:taki:ltih, "tehwa:tsi:n ta:to" "Tio:takih" Ti..., neh niwi:tsa de Sua:pila:ko. *pertenece:rowa** Santiago Yankuiktlalpan, Nomunicipio ompa Cuetzalan. Neh nikmati de *cosas** de n', de n', n', nemowtil miak, miak ta:taman onkak, miak ta:taman onkak nemowtil. Borrar *Porque ke:meh te:chilia i:n tokoyo:tsi:n miak ta:taman ki..., ki:xmati yeh, ista:ka:t, ke: sa toni oksé: ma..., mati ton *tanto** ki:..., ki:xmati yeh, *ca..., cada comunidad, cada, cada** xola:l ta:taman ti..., tiki:xmatih *cosa** de nemowtil. Yeh kihtowa ke ista:ka:t, a:it toni kihtowa wa:n tehwa:n a:mo tiki:xmatih nehjó:n ista:ka:t, tehwa:n tiki:xmatih timoa:mowtihtok, komo timoa:mowtihtok. Pos se:sepa timoa:mowtiah itech n' a:t, *quizá** tima:lti:tih itech we:ia:t, tiowih tima:lti:tih wa:n san i:pa ta:ka:n yo:n ori:tah tikitak ne:n teisá: nemowtil *o** teh timoa:toktia:ya ke:meskia itech n' a:wei:l. Pos ne: ompa timoa:ka:wa ke:meskia, timoka:wa itech n' a:t, moka:wa moekawil. Borrar Timoka:wa ne:n itech n' a:t wa:n moneki mah se: .... Komo niman timomowtih wa:n niman tikte:moh a:koni mitsta:l..., mitsto:nalno:tsas Pos a:mo, a:mo mitskui kokolis, *porque** tikmattok ke timomowtih itech ne:ka a:t pero koma:mo timochi:w kue:ntah nima:n, yo:n ori:tah, tiwehka:wa para tik..., *hasta** tikmachili:s, tipe:wa ya tikuehmolti, teisá: tikmachilia ya kokolis, titohtonia *o** a:mo poliwi toni mitskui. Entó:s wa:n *hasta** ihwa:k tiknemili:s timote:no:tsalti:tia, semi owih ya. Owih ya *porque** nankimatih kuali ke n' a:t yeh nehnentok, yeh motalohtok, wa:n ne: motalohtok n' a:t pos ta:ka:n a:taw *o** a:me:yal *o** ka:mpa eski, wehka yowi. Ahsi, ahsi *hasta** itech n' itech we:ia:t, itech *we:imar**, ompa kahxitiah moekawih. Koma:mo niman tikno:tsa, se:.... Tikchi:wa se: tahkoxiwit *o** se: xiwit, wehka yowi. Entó:s tiknemilia timote:no:tsalti:s ok pero *cuando** tikmachilihtok a itech kokolis tietok a, mitskuik a toto:nik, a:mo poliwi toni, a:mo titakua ok, tikokolaki a. Timolia timote:tonats..., timote:no:tsalti:ti ok, pero komo ne: a:kin mitsno:tsa teisá: tahtamatkeh sayeh, a:mo semi kuali, kuali weli, a:mo ki:xmati ka:ni mitsno:tsas. Pero mitsno:tsa ka:mpa timomowti:to, mitsilwi:s "xikuiti n' a:t, kuiti komo tine:chwi:ka, oso ne:chwi:ka ka:ni ne:n timomowtih. Pero xine:chchihchi:wili kuali takual, ne:chtamakas. Chiwa takual, *mole** oso toni tikchihchi:wati oso se: to:tolin x'mikti wa:n xine:chkonsegui:rowili refini:toh para nitai:tia:s wa:n *nocigarrito** para nitachichi:ntias: wa:n tia:skeh ne: ka:ni ne:n, ka:ni timomowtih". Entó:s *qué sirve** mitswi:kati ok ompa ne:, para toni ok mitswi:kati, *acaso** ompa yetok mo..., moekawil, ta: yeh moekawil kwi:kak n' a:t. Yahki, nemi itech ne: we:ia:t. Entó:s a:mo *igual** ke:meh se: tano:tskeh tein neli, neli kuali kimati te:to:nalno:tsas, pero tein kimati te:to:nalno:tsas a:mo mitsno:tsati, ya:s, xikwi:ka ne: ka:ni ne:n timomowtihtok. Sanoke yeh mitsno:tsati ika tamatinimeh. Mitsno:tsati ika n' *angelitos** te:pianih, wa:n ka:ni mitsno:tsati itech ne: a:mali:n, *porque** i:n mono:tsa a:mali:n. A:t mono:tsa a:mali:n, yeh kipia n' a:t, yehwa kiki:tskihtok moekawil, n' a:mali:n. Entó:s a:mo, a:mo yetok ka:mpa timomowtih sanoke yeh yahki itech *mar**, ompa timopalakachohtinemi, momalakachohtinemi mo..., moekawil, ke:meskia ne: itech n' a:t. Ke:meh tikita n' a:t, we:ia:t, ne:n *mar** tikiliah tehwa:n, tayewalohtok sah, momalakachohtok. Entó:s kipia de n' a:mo yehwa mitsno:tsati ok a:koni ne: a:mo kinekis takual chihchi:wili, si no ke x..., maka sayoh *lo que** tein monekiti. Moneki motane:x, *mo..., mo..., moveladorita**, ika mitsahchi:was, mitsahchi:wa kualtsi:n wa:n ke:mah mitsno:..., mitsto:nalno:tsa ya. Pero *espirituamente**, ke:meskia mitsno:tsa, ika n' *angelos**, ka:nachi *miles** tamatinimeh, ka:nachi *miles** de *angelos**, ka:nachi *miles de patriarcas**, ka:nachi *miles *profetas**. Ka:nachi *miles milagrosos**, ka:nachi *miles milagro...,** ka:..., *poderosos**, mah mitsmalakacho:tih ika ikaba:yoh, ika *iespada**. Ika *imachete**, ika *lazada**, ika n' *irelámpago**, ka:ni tietok. Kox yehwa a:mali:n mitski:tskihtok, *o** ka:ni, yeh kimattoskeh ka:ni tiwetstok. Kox tiwetstok, kox tihkatok, kox tokotsietok, ke:ní:w tiwetsik, *solo** yehwa:n kimatiskeh tamatinimeh, mitsmalakacho:ti:wih ika tapeta:nilo:t. Mitskuiti:wih ika *espada**, ika *iminmachete**, ika *iminlazada**, ika iminrelámpago** isiwkatsi:n. A:mo tikneki t'takualchi:wi:s tano:tskeh sanoke Yeh ta..., xa: mitsta:tawtili:ti *dios** para mah mitsmalakacho:tih ne: ka:ni, ika n' angelos ika n' *apos...,** mitsmalakacho..., ka:n tietok pos *solo, solo** yehwa:n kimatiskeh tamatinimeh *angelitos** a:mo, a:mo se: kinkaya:was, ta: yehwa:n kimattokeh ka:ni tietok, mitsitstokeh ke:meskia wa:n tehwa:n ti..., seki titano:tsah, nikitani pos a:mo ihkó:n, sanoke tano:tsah ta: x'wi:ka ne: ka:ni ne:n timomowtih. Wa:n ta: ta:ka:n a:mo sayoh ompa tikpia nemowtil, ta:ka:n sani:nipa timomowtihtok, Tikita ya ke:meh tinentokeh, tinemih ka:mpa eski ne:wi:n, se:sepa tiowih a:te:n oso a:taw *o** a:te:noh *o hasta** ka:mpa a:me:yal, timomowti:s itech a:t *o** xa: ta:lwa:kpan ne:wi:n tiwetsik *o** xa: kanah timopantamo:t. Nimitsno:tsati ka:mpa tikelna:miktok, tikelna:miktok, ompa i:n nipe:wak, niwetsik *o** nimoa:mowtih. Ompa i:n nipe:wak, pera a:mo mela:w i:pa tikpia okseki nemowtil a. Ka:n t'mati xa: kanah ne:wí:n tinentinemi, mitsmowtia se: tapial, mitsmowtia se: kowa:t. Mistsmowtia se: itskuinti, *hasta** itskuinti no: te:mowtia ke:masá:, te:kehtsoma, a:mo poliwi toni, se: kalpano:ti, ne: te:tsikui:nkawia, te:kehtsoma, no: te:mowtia, no: se: moto:nalka:wa. Ka:mpa tipowetsi, ka:mpa ika eski, ne:kui:n nentinemi pos, *hasta** tikchi:was tawe:l, ke:meskia tikuala:nis kanah ika, no: timota:lka:was, moka:wa moekawil. N' ekawih a:mo ke:meh seki kihtowah *espíritu** moka:wa, *espíritu** a:mo moka:wa, koma:mo a:mo tinemiskia ok komo moka:waskia *espíritu**. Moka:wa moekawil, kihtowa koyo:t "eco**. Iwki kilia koyo:t *eco**. Entó:s *este** yehwa yo:n tikiliah toekawil, entó:s ompaka ne:wí:n taka:n timoto:nalka:wtok pos ompakawi:n ti..., tietok, ke:meskia a:mo tietok mokalihtik, entó:s *por eso**, ta:ka:n neh nimitsto:nalno:tsati, tine:chmakas moto:ka:y, ke:ní:w timono:tsa, wa:n ka:nachi xiwit tikpia. *Porque** tikitaya, timiakeh timono:tsah cha neh nimono:tsa niMiguel pero a:mo t'matih okseki *personas** xa: mono:tsa Miguel, pero moneki *apellidos**, moto:ka:y wa:n ka:nachi xiwit tikpia. Yeha yo:n ika nimitsto:nalno:tsas *porque** dios mitsi:xmattok, mitsmakak tane:x itech nehjó:n to:nal. Ke:man, ke:meh timono:tsas, *porque** pos sahyoh ta:taman ekintsi:n, titapolowah, se:sepa tima:se:wa..., tehwa:n tima:se:waltsitsi:n *más** ta:tomeh, wehka:w. *Cuando** todios te:chmaka tane:x namomakah kue:ntah ke todios te:chmaka tane:x, itech tahkoyowa:n *mero media noche** Kihtowa koyo:t *media noche**, pero tehwa:n tikiliah tahkoyowa:n, moxelowa yowal. *Antes** de moxelo:s yowal, se: *cinco minutos** achto, se: ma:kui:l *minuto** achto oksé:., oksé: totio:tsi:n ilwititok. Panowa de n' tahkoyowa:n *cinco minutos** panowa tahkoyowa:n oksepa se: totio:tsi:n ilwititok, a:mo yehwa *mismo** tein ilwititok a:xka:n. Pos seki ihkó:n neh nikinino:tsa nehjó:n tokni:wa:n, ne:chmakah oksé: *nombre**, oksé: to:ka:it *porque** a:mo yehwa *nombre** tein kua:lkuik *cuando** kimakak tane:x todios. Todios kimakak *nombre** ke eskia Jacinto, Jacinto *o** Fausto *o** Telésforo, niman tikihtowah, neh a:mo nikwelita no..., nopili mah ihkó:n mono:tsa, neh nikwelita nopili mah mono:tsa ke:meh mono:tsa ipopá:n *o** ke:meh mono:tsa *itio** *o** ke:meh mono:tsa *ipadrino**, ihkó:n nikto:ka:iti:ti nopili. Entó:s *manera** ke *este** te:popá:n ya kihkuanilih ya nimah *nombre** tein kimakak todios. Todios kimakak Fausto, Fausto eski, todios kimakak, *este** yo:lik tane:sna:wak a, katka nehjó:n tine:..., Telésforo, pos yehwa nehjó:n *nombre** kipias pili, *porque** dios kimakak tane:x yo:n ori:tah, ta:l, ta:l, ta:katik. Entó:s yehwa yo:n no: moneki xiwit, ton *horas** yo:lik, ka:nachi xiwit kiwi:ka de yo:lik. Borrar Wa:n, wa:n ka:ni nemi, pox, pox miakeh tikitah timihkuaniah ta:katih nika:n ta:ltikpak, neh nita:katik nika:n Sua:pila:ko wa:n mah niow ne:wi:n Cuesala:n ya, ompa nipowiti pero dios ne:chmakak tane:x Sua:pila:ko, a:mo ne:chmakak Cuesala:n. Entó:s, sa..., sanipa ne:chto:ka:iti:skeh kuesalte:koh, nikuesal..., ne: *este** nisua:pila:ko kayo:t, *porque** ompa nikayo:t. Entó:s ika nehjó:n toka:it kipia ne:chno:tsas tano:tskeh. *Porque** ompa nikayo:t, ompa nita:katik, kihtowa ne:n ma:se:wal ompa nika:wak noxi:k, ompa nochi yetok noxi:k, entó:s kipia *fuerza** nehjó:n to:ka:it kipiaskeh. Para.... Miakeh nikinilia a:mo x'patili:ka:n iminto:ka:y, ta:ka:n nankinekih nankipatili:skeh pero *después** de *bautismo**, x'patili:ka:n ke:meh nankinekiskeh pero tio:pixka:tsi:n kito:ka:iti:s ika *mismo nombre** tein kimakak todios para ihkó:n kuali, ki:xmat..., ki:xmattok Dios, a:koni tika:ta:ltih ta:ltikpak, a:koni kua:lik, entó:s para *con eso** wa:n tano:tskeh ne: kito:nalno:tsati, pos ika yeh yo:n *nombre** kino:tstok. Mm, entó:s kimattok dios ke mela:w yeha yo:n poliwtok, a:mo, a:mo teyok *porque** todios kipia ya, kipia ya *cien borreguitos** wa:n de *cien borreguitos** kipoloh se:. De kipoloh se: kika:wak tepitsi:n ne:n na:wi powal wa:n mahtaktio:na:wi, wa:n kitohtokak oksé: para a:mo ki..., para a:mo kidescompleta:ro:s *igente**. Kisegui:ros kipias *como siempre** se:, se: taktson, se:, se: pa:nti, se: pa:nti *borreguitos** kipiaya. Entó:s k..., ihkó:ni ne: tah..., ta..., ta..., tahtanih itech ina:wak dios, i:n mokone:tsi:n poliwtok, ke:yeh poliwtok, ka:n yetok, ka:ni moka:wak, tehwa:tsi:n timomkas kue:ntah. Xa: i:n a:tmali:n kiki:tskihtok, oso xa: n' *madre tierra** María Nicolasa Trinidad, *o** Juan Bautista Trinidad, xa: yehwa:n kiki:tskihtokeh. "żKe:yeh a:mo yetok ikalihtik? Ka:n yahki" Kite:mowa ipopá:n, kite:mowa imomá:n, mo:stah tane:si, tayowa, yehwa:n cho:katokeh, yehwa:n tayo:koxtokeh, kite:mowah inkone:w, kite:mowah inkone:w. Wa:n ke:yeh, ka:n yetok. *Por favor** note:pixka:tsi:n, tekodios, kinto:toka *moangelos**, kinto:toka *moángelos serafines, ángelos profetas, ángeles milagrosos, ángeles poderosos**, mah kimalakacho:tih, ka:n yetok, ika ikaba:yoh, ika *iespada**, ika *imachete** ika *ilazada** ika *relámpago**, mah wi:ki ikalihtik *porque** kite:mohtokeh. Xa: maya:na, xa: a:miki, ika ompa ne: yetok, ton, ton kichi:wtok, komo itech n' a:t, kipitsochi:wtok a:tsi:n, kimowispolohtok. Komo itech *madre tierra**, no: kimowispolohtok, ompa ki..., kixihxi:xtok, kihkuitatok, a:mo poliwi toni kichi:wilihtok. Entó:s *por eso** ta:tawtia dios *mio**, malakacho:tih, ika namote:pixka:wa:n, mah wi:ki ikalihtik wa:n entó:s pe:wa ya, se:, se: kitatsowi:tekilia. Ke:man, *cada, cada vez** titatsowi:tekis, tikto:ka:iti:s, *cada vez** ke titatsowi:tekis tikto:ka:iti:s. *Cada vez** ke titatsowi:tekis t'to:ka:iti:s, *cada vez** ke titatsowi:tekis t'to:ka:iti:s, *cada vez** titatsowi:tekis t'to:ka:iti:s. *Cada vez** titatsowi:tekis t'to:ka:iti:s, *Cada vez** tatsowi:teki..., t'to:ka:iti:s, ke:ní:w mono:tsa, mah wi:ki. Kite:mohtokeh ite:pixka:wa:n, kite:mohtok ipopá:n, kite:mohtok imomá:n, xa: a:miki, xa: maya:na, ton kichi:wtok ompa ne: wetstok. Chiko:meh *viaje** tiktatsowi:tekili:s, chiko:me *viaje** wa:n ke:mah tikimpowilia *cada, cada, cada** se:mpa:nti mo..., mo...,*morosario** tik..., tik..., kipia mahtakti *rosario**. Entó:s *cada** se: panti, tikta:tawtilia n' *madre tierra** oso toni, ka:n momowtihtok, ox a:tmali:n, itech a:tmali:n, de ompa yehwa ya *madre tierra** no:, no: mahtakti pa:nti, de ompa tote:ko Jesucristo, no: mahtakti pa:nti. Ompa yehwa ya Santiago Milagroso, *seńor** Santiago, no: mahtakti pa:nti, ompa San Miguel, no: mahtakti pa:nti se: kipowilia. Wa:n ke:mah tami ya yo:n, tima:tami a tikpo:powak mah..., mah..., komoke mahtak, ma:kui:l *viaje**,mahmahtikti pa:nti entó:s ke:mah tik..., timoketsa ya, sema titasowi:teki, sepa *igual**, sepa chiko:me *viaje**, sepa t'to:ka:itia kokoxkeh, a:koni mokokowa, sepa t'to:ka:itia. Chiko:me viaje t'to:ka:itihtiw, *cada vez** titatsowi:teki t'to:ka:itia, *cada vez** titatsowi:teki t'to:ka:itia, *hasta** ahsi chiko:me *viaje** titatsowi:tekis. De ompa ke:mah timoketsa ya. Timoketsa ya wa:n tikta:tawtia ya nochi ne:n *angelos**, nochi te:pianih. Ka:nachi *miles** de te:pianih, ka:nachi *miles milagrosos**, ka:nachi *miles posderos**, ka:nachi miles *soestianes**. Ka:nachi *miles** tamatinimeh, name:chta:tawtih itech i:n o:rah, itech i:n *punto**. o** itech nehjí:n to:nal *por equis motivo** namokone:tsi:n, tikto:ka:itia i:n a:koni tikno:tstok. T'to:ka:itia komo t'no:tstok Jonathan, pos Jonathan, nehi:n Jonathan, ne:chchi:wili:ka:n *favor**, a:mo xikelka:waka:n *lo que** name:chta:tawtihtok. Malakacho:tih, x'wa:lkuitih, mah wi:ki ikalihtik wa:n sepa name:chelna:mikis, a:mo name:chelka:was, sanoke niksegui:ro:s name:chta:tawtihtos *hasta** sin que ke a:mo nikitas nehjí:n Jonathan ke pa:ktok, kuali yetok, maya:na ya, takuaya, ehkok a ikalihtik *contento** ya yetok a. Entó:s ihwak a name:chelka:was note:pixka:wa:n *angelos milagrosos** name:chma:ktili:ti *namooraciónes**, name:chma:ktili:ti namotahto:l ompa ke:mah tipe:wa sepa se: totahtsi:n ne:, kiliah *padre nuestro**, de ompa n' sepa *dios te salve** we:i. *Dios te salve, reina y madre** wa:n ke:mah tikilia ya *bendito** *bendito, sea alabado, sea santísimo sacramento, del altar, la limpia concepción**. Se mancha carpo rinal, por instante natural, para siempre virgen, madre de dios, amén**. Timomachi:yo:tia wa:n ke:mah timose:wi:ti a. Entó:s ompa timomakas kue:ntah ya yo:n yowak *cuando** timose:wi:ti ompa timomakas kue:ntah ox ehkok a ne:n ekawil. Entó:s para mo:stika tikilwi:s a ne:n *persona**, a:koni *doliente**, ke tikitak a, ehkok a ne:n toni, pero komo tikita a:mo ehko sepa tikta:tawtia mo:stika, *hasta** tikahxiti:s na:wi *viaje**. Tikita ke a:mo tik..., a:mo tik..., a:mo tikehkoltih *porque** a:mo tikitati ehko en *persona**, tikitati ke tikwa:lkuik se: teisá:, se: *pajarito, al según, porque cada persona** tikpiah se: toekawil. Seki tikpiah toekawil de tapial, seki tikpiah toekawil de *pajaritos**, seki tikpiah toekawil se *golondrinas**, seki tikpia toekawil de kowa:t. Sek..., *cada quien** komo ke tikpiah to..., *diferentes** to..., toekawil, mm. Seki kihtowah *hasta** de kua:kueh no: tikpiah toekawil, yo:n seki lo:kahmeh, lo..., tilo:kohmeh ke:meskia *o** de itskuinti lo:kameh sa..., tilo:k..., tilo..., timo..., timoke..., ticorajientos, ke:meskia titawe:lmeh. Yo:n *porque** a:mo tikpia teisá: de ekawil de oksé: taman okuilin. Entó:s *por eso cada, cada** sehse:meh tikpiah *cada quien** toekawil, mm. Entó:s pero tikitas ehkok a ne: tein tik..., tikno:tstok, toni ehkok, ton tikwa:lkuik, ox.... Ox tikwa:lkuik *pajarito** *o** tikwa:lkuik se: *pollito** *o** tikwa:lkuik se: to:toltsi:n *o** tikwa:lkuik se: kowa:tsi:n pero yo:n tikehkoltih, t'mat..., t'mattok kuali ke tikehkoltih pos x'mati kuali ke ehkok a ne:n ekawil. Pero komo tikita a:mo ehkok, kipia 'segui:ro:s tikno:tstos, *hasta** tikahxiti:x sikie:ra na:wi *viaje**. I:n tehwa:n owih totekiw *puro** tamatinimeh. X'mahmati aha:konimeh tikinto:ka:iti:s *porque** miakeh tikihtowah *cad, cada** se: pa:nti tah..., n' *oraciones**. *Primero** nimitsilia ke toni, toni itech ne: momowtihtok, ox ta:lwa:ktah, komo tel..., ta:lwa:ktah pos yehwa *madre tierra**. Ta:lmanik, to..., tona:ntsi:n, tomomaci:ta de ta:ltikpak. Pero pos komo itech a:t pos yehwa a:tmali:n, komo kowa:t pos n' yehwa *cueva**, mm. Itech se: *cueva**. Komo kowa:t mitsmowtih, komo mitsmowtih *este** tatikui:nilo:t, a:chi:wanimeh, pos ompa itech tepe:meh, no: tepe:meh. Ta:lo:ka:n pos kalaki n' okuilin, ke:meskia mota:le:wa kowa:t, tatikui:ninimeh pos ne: itech tepe:t n' e:wtokeh. Entó:s miak, mah semi moneki x' mahmatili, kahka:ni yetok n' a:koni t'no:tsati Nochi i:n *este** tamati:lis tein tehwa:tsi:n tikpia, a:koni mitsne:xtilih ika xa: a:ksá: se: ta:totsi:n n' *este** mote:iskaltihka:w *o** a:koni ne:n mitsne:xtilih i:n tamati:lis tein, pos tein ekintsi:n ika tikimpale:wia ne:n nika:n tokni:wa:n. We:noh, kuali yetok nehjó:n netahtani:lis tein tine:chilia. *Lo que** ke:meh nikilih i:n koyo:tsi:n n' tonto:nal, kine[ki] kimatis ke:ní:w ti..., ke:ní:w tehwa:n titapale:wiah, ke:ní:w ta..., tato:nalno:tsah. Pos tehwa:n sepa, se: *parte** sempa:nti ke:meskia ka:mpa, ka:mpa noaweli:tos, *porque** neh niwerfanoh nimoskaltih. Neh nimoskaltih, *porque** a:mo niki:xmatik nopopá:n, *apenas** kipia ya tahkoxiwit *cuando** ne:, nikpiaya tahkoxiwit neh de niyo:lik, momikilih nopopá:n. Entó:s ke:meh nomomá:n komoke sua:pil katka ok, ka:mpa wa:le:wka se: *lugar** kiliah Kua:monoh. Ompa wa:le:wka nomomá:n, ya nopopá:n i:pa de Sua:pila:ko, pero ne:n no:má:n katka de Kua:monoh. ompa kipiaya ipopa:wa:n, imomá:n, entó:s ke:meh siwa:pil katka ok pos de mikik nopopá:n nika:n Sua:pila:ko pos ne:chkuite:w yahki iwa:n i..., ipopá:wa:n sepa nono, yahki iwa:n ne: Kua:mono, ompa ke:meskia nimoskalti:to. Entó:s *este** ke:meh siwa:pil katka ok yeh pos kitakeh ke yetok ompa ne: kalihtik sepa se: siwa:pil pe:wak kiihtanih nono, sepa se: ta:kat kitohtokak ke:meskia wa:n neh nimoka:wak iwa:n noa:weli:tos. Noa:weli:tos semi ta..., ta...., ta..., ta..., tapale:wia:ya, komoke para ta..., to:nalno:tsalis te..., nochi kual *más gente**, miak, miak tokni:wa:n ya:yah ompa kita:tawti:tih mah kiminto:nalno:tsa. Entó:s nikitaya mo:stah, mo:stah yowih wa:n neh ke:meh nitsi:tsikitsi:n katka pe:wak kuali nitakaki a, ke:meskia kuali nitamattok a, pos *seguidi:toh** ne: ka:mpa tano:tsa ne: mowe:ita:ttsi:n, ompa nitokotsietok no:, a:mo nikakisti, nii:xtakatokotsietok, ke:meskia nikaktok nochi, nikaktok ton kihtowa. *Por eso** nikilwih tonto:nal i:n tokoyo:tsi:n ke we:i teh, neh notahto:l, para name:chtapowi:ti nochi i:n tahto:l, name:chpowili:ti pos we:i, tiwehka:watih komo *más** de se: *hora**. Entó:s *este** pe:wal nikta:lia kuida:doh ke:ní:w ta..., tata:tawtia, ke:ní:w taresa:rowa, nochi nikaktiahki, nikaktiahki, nikaktiahki ihkó:n, *hasta** ihkó:n nimoskaltih. *Después** ke:meskia moka:wtiahki nochi notsontenkoko, nochi tein kihtowa:ya yeh n' nowe:ita:ttsi:n, nochi nokua:ko moe:wtiahki. *Porque** a:mo katka tatahtowihkeh ya yeh, yeh a:mo tatahtowihkeh, yeh tamela:wa tato:nalno:tskeh sah. Ta: no: weli, ke:meh i:n teh pos mah nimitsilwi ke kuali titano:nalno:tsas, kuali titato:nalno:tsas sah, pero para titatahtowi:s pos owih, oksé: taman ya. Entó:s *este** n'kaktiahki, n'kaktiahki ihkó:n, *hasta** iwki nimoskaltih, nikahxitih chiko:mexiwit a, entó:s nikahxiti chiko:me xiwit, ne:chno:tskeh *escuela**. Timo..., nemachti:lo:ya:n ya, niahki nemachti:lo:ya:n pos *este** ne: pe:wak nimomachtia ya ne:, pero ke:meh *antes** katka neli, neli te:chmachtia:yah, a:mo ke:meh a:xka:n ma:wiltiah sayoh, ta: a:xka:n sayoh timo.... Tikalakiah *a las ocho hasta las cuatro** tiki:sayah, *a las cinco**, tiki:sayah ya. Ta: pero *antes** tota:tahwa:n taxta:wayah *escuela**, a:mo, a:mo we:itekiwah ne: xola:lpan taxta:waya, sanoke nika:n tehwa:n timokopera:rowa:yah ke:meskia para ti..., Taxta:wi:skeh *maes...,** tamachtihkeh, taxta:wi:skiah. Entó:s *este** ihkó:n nikitaya wa:n ne:chyo:la:hsik yo:n tamach..., nemachti:lo:ya:n ne: ne:chyo:lahsik, niah tak o:me xiwit sayoh, a:mo nikwelitak, te:tewia:yah. Ke koma:mo tikihtowa, ihwa:k ka:n tikuiah ke:meh i:n a:xka:n a:mat tiki:xta:lihtokeh ompa, ta: katka se: kua:kuagri:toh ihkó:n, *pizarra** kilia:yah. Yehwa iwa:n se:, mahyá: *pizarrín** kilia:yah se: tepos, yeh ika titahkuilowa:yah, tikra:raya:rowah sayoh, tein kihkuilowa ne: *maestro** tamchtikeh mah ti..., mah ticopia:ro:ka:n ya wa:n ke:mah mah tikle:ro:ka:n ya ne: toni kihtowa. Mm wa:n a:kin a:mo welik kile:roh kuitkuetaxwiah ya, mahtakti tako:t te:so:sowilia:yah, de *guayabo** oso de yo:n kue:tehxiwit tako:t, yo:n ximowi:kili:skia i:pa. Tikui:kas mahtakti kowtako:tsitsi:n, *cada escuelero, cada** kwi:kas, *cada** momachtihkeh kwi:kas mahtakti tako:tsitsi:n para *cada** se: takuala:ntia pos niman kiso:sowiliah wa:n tak *siempre** nik..., nik..., *siempre nikta:lih kuida:doh pe:wa niki:xpowa ya n' a:matsi:n, ma:ski we:wehka niki:xpowtia:ya ihkó:n tein n'ta:lih tein nikitaya. Entó:s *después** nehjó:n ti..., nimokowilih se: no..., noli:libri:toh ya no:, pe:wa:k nikle:rowa ya no: ton kihtowa pero *cosa de, de, cosa de** dios, a:mo nimokowilih ihkó:s sah de *libro cualquiera**, sanoke pero nochi *cosa de dios**, a:mo .... Entó:s pe:wak nikle:rohtiw, n'le:rohtiw, nimochatia ihkó:n, *más, más, cuando** nikpiako *doce ańos** i:pa kuali nitaresa:rowa:ya ya. Nikmatia para nitaresa:ro:s a. Entó:s ihkó:n nitaresa:rowa:ya, ka:n a:ka, mahyá: ka:n teh *rezador** katka, *si no que puro** nochi ne: kikuitoya ok ta..., ta..., tata:tawtia:nin pero we:wehka, se:, se: nemia nika:wi:n *lugar** Istawa:tah wa:n se: nemia *hasta ne:paka de n' a:t wa:n ke mikiki se: ta:totsi:n ompaka ne:wi:n tikiliah Kua:pan. Ne:paka de Cuahutapa:nalo:ya:n wa:n wa:lahkeh ne:chta:tawti:koh "teh okichpil kuali titaresa:rowa". Ta: nipiltamatia, kaxto:l xiwit n'piaya ok. "Teh" kihtowa "okichpil kuali titaresa:rowa" kihtowa, "taresa:rowili:ti a:nimahtsi:n" kihtowa "mikik". "Pero neh" nikilia "pos a:mo, ka:n *resador**, aya:mo ta..., tata:tawtihkeh" nikilia "de animahmeh", Kihtowa "a:mo" kihtowa "ta:xiow *por favor**" kihtowa "ta: t'mattokeh, tikaktokeh kuali titaresa:rowa ya" kihtowa "wa:n kuali tialaba:rowa ya". Motelta:tawtiah. Neh nipi:na:waya. Nikpiaya *nomancurenitas** no: ne:n no..., no..., no..., nowa:mpoiwa:n, se: .... Nopi:pilikni:wa:n. Ma:kui:limeh ta: ay timokuiah komo taresa:rowah no:, tita:tawtia:nih wa:n *este** ne: pe:wak nikinilia pos xikinyo:le:waka:n nikilia no:..., komo ya:skeh ne: nocompańeros tein iniwa:n nita..., nitata:tawtia nia:s. Neli tiahkeh. Tiahkeh, tiahsikeh ne: wa:n pe:wak nikpowa ro..., n' tio:tahto:l ke:meskia, ke:mesh i:pa n'mati, ihkó:n niknema:ktilih a:nimahtsi:n wa:n nochi. Pero de *momentito** ne: takuitapan nikaki se: ta:totsi:n resa:rowa nika:n takah yehwa tein ne: a:na:l vivi:rowa *rezasor**, kimatik ke, takah icompadre** katka ne: tein mikik. Kimatik ke mikik ne:n n' i..., *icompadre** pos wa:lah, ma:ski motamo:tak, komo de *lugar**, pano:k itech n' a:t ika, ika *balsa**, ihkó:n katka *balsa** a:mo teh *lancha**. Pano:k *a la fuerza porque** kimatik mikik *icompadre**, entó:s *este** nikaki taresa:rowa nika:n nokuitapan se: ta:totsi:n tein i:pa *rezador**, te:n..., te:ni:mat ke yehwa ya. Fie:roh nipi:na:waya, n'machilia:ya pos neh a:mo *nirezador**, pero no: niktohtokak, n'tohtokak *hasta** ka:mpa niwelik ke:meskia, *hasta** nima:tamik. Entó:s ke nikaki neh, ta:totsi:n kinilia "a:xka:n" kinilia "nankipia kuali narezador** a" kinilia. "A:mo *fuerza**" kilia "niwa:la:s takah kuali nawelih, nan..., nankipiah yankuik *rezador**" kinilia "nika:n. Wa:n iwki a" kihtowa "kichi:wa, de mela:w ta..., ta..., taresa:rowah iwki a" kihtowa "ke:meh neh niweli", *Porque** nichipa nikwelitaya notiohwa:n komoke taa:compańa:rowa:yah ika *cantos**, ika *rosarios** nochipa nikintohtokatinemia. Nochipa nikiwi:kaya, ke:meskia no: nipantakaktok, tein a:mo nikwelitak, oksé: *cosa** de *juegos**, a:mo teh *juegos, más, más que rosarios**, ma:ske *cantos**, mm. Wa:n ne: wehka:w xa: aya:mo tikmatis ta: onkaya semi kilia:yah to:nawis, xa: tikelna:mikis, *o** tikakini *cuando menos**, a:mo tiki:xmatik *o** xa:, xa: tiki:xmatik *todavia**, a:mo ok. Entó:s *este** ne: se: to:nal, ne:chkuik nehjó:n kokolis, tono..., to..., to..., to:nawis, ne:chkuik pero ika *ganas**, nisehsekui wa:n fie:roh. Fie:roh nisehsekui wa:n nitoto:nia, nimotanke:ntia, miak a:ya:meh ne:chpanta:liliah, a:mo, nikpiaya nimitsilia ke *quince ańos apenas** nikpiaya, entó:s *este** ne: nietoya iwa:n nomomá:n, kika:wkeh ne: ka:mpa te:wa:n yetoya, entó:s sepa ne:chahsiko ne: ka:mpa neh nietoya, wa:n nomomá:n sah, pero no: nimochihchi:wilih nokaltsi:n *aparte** wa:n ompa nivivi:rowa:ya ya. Entó:s *este** ne: ne:chki:xtih toto:nik wa:n ne: wehka:w i:pa ne:chkuikeh de ma:lto:moh, niman de San Juanito, entó:s ihwa:k a ne:n ni..., nikilia nomomá:n, n'mattok wa:lahkeh seki pi:piltsitsi:n, ne:chwi:kakeh, *angel**, ke:meh yo:n wehka:w, tikita ne:n pilimeh kininbautisa:rowa:yah mah kwika:n, ika iminxohxochsota:nah ke:meskia, iwki wa:lahkeh yo:n pi:pil, miakeh wa:n ne:chiliah "tiowih" kihtowah "mitsno:tsa *seńor**" kihtowa "xiow**. N'mattok ne:chkuite:wkeh, n'mattok yo:n nimoahokui ehekai:xko, mixtsa:la:n ke:meskia, ke:meskia i:x..., i:xko mixti ke:meskia niahki. Wa:n yo:n n'mattok ihkó:n n'[machi]lia ke i:n ahko nia:ya ya, nikwa:ilwia no:má:n a:mo xite:chihchi:walti ilwit, a:mo x'chi:wa ilwit, x'te:chi:waltih sayoh *misa de San Juanito** kit nikilia. Sayoh ihkó:n n'mattok nikilh. Entó:s ihwa:n niah, niahki, niahki wa:n ne: pilimeh ne:chapura:rowah niahki ihkó:n, ke:meskia ehekai:xko ne:chwi:kakeh Entó:s miakpa n'..., tak mela:w ke:meh kihtowa i:n ta:totsi:n, i:n koyo:tsi:n, nikahkaya:wati, ox mela:w, se:sepa a:mo kin..., kineltokah ok. Pero neh niahki ne:, ne: ahko, ilwikak, niahki itech *primera puerta**, nikitak tahtkuilohtokeh. Tahkuilohtokeh koyo:meh. Tokni:wa:n, sepa itech *segunda** nikita..., ihkui:n na:ltachia sepa no: na:ltakawa:ntok kemeskia, ihkó:n, ke:meskia to:natok wa:n miakeh ompa yetokeh ompa tokni:wa:n. Itech *terce..., tercera puerta** niahki a, nikita taxo:tatok wa:n seki ta:totsitsi:n mototo:nihtokeh. Mototo:niah ne:, entó:s *este** ne: nina:ltachiak sayoh, ta: ne: ne:chno:tsah pilimeh, ne:chwi:kah pilimeh, ne:chwi:kah ne: *hasta última puerta**. Sepa ne: itech *cuarta puerta** nikitato yetok se: *solar**, ihkó:n se: *jardín** ke:meh *cuando vivero** kita:liah, kita:liah *vivero** kualtsi:n, ihkó:n *callecitas** ke:meskia yetok, ihkó:n *cruzados** ihkó:n pero *puro** xo:chit, taxo:chiti, ihkó:n *puro** xo:chit. Entó:s nikita wi:tsa se: ta:kat karreri:tah, karreri:tah, wi:tsa, ne:chdirigui:rowa nowa:n, ne:chilia, kihtowa "tiwa:lah" kihtowa "*hijo**". Wa:n se: notioh nikpia ya *igualito** tamatia ke:meh nopopá:n, entó:s nimolia pos ta: notioh nimolia ne: wi:tsa, "ta: tine:chi:xmati" kihtowa. Nikilia "a:mo, mm". "Tinotioh" nikilia. "A:mo" kihtowa "ta: nimopá:n" kihtowa. "Neh NiJosé de la Cruz" kihtowa. Wa:n ih..., ihkó:n mono:tsaya nopopá:n José de la Cruz. "Neh niJosé: de la Cruz" kihtowa, "*nohermanito** ne:n Eulalio" kihtowa. "Pero xikita sah" kihtowa "titahto:ske" kihtowa "*más**, ne:, ne: mitsno:tsah" kihtowa "ne: pi:pil, ˇXiow!! kihtowa. Nikilia "ke:mah, ne:chno:tstokeh" "Tipanowa" kihtowa "de *vuelta** wa:n titahto:skeh" nikilia "*bueno**". Wa:n ne: pi:pil yeh mela:w ne:chihsiwi:ltiah, tiowih itech *cinco puerta** ya, cha sepa tahkuilohtokeh, miak *gente** tahkuilohtok, miak yetokeh. Itech *seis puertas sepa takawa:ntok, ke:meskia komo mahyá: *focos** yetokeh, itech *siete puertas** ompa ya ne:n wetstok se: *seńor** ke:meh i:n itech, itech *icama**, kochtok ihkó:n, ke:meh tikita wetstotikah, "żTiki:xmattok wetstotikah?" Ihkó:n wa:lwetstok kit ihkó:n, ihkó:n wa:lkochtok, ne:chiliah pi:pil pos yehwa kihtowah ne: *seńor** kihtowah mitsno:tsa,xikalaki kihtowah, ne: mitsno:tsa. Entó:s neli ne: niahki wa:n nikno:tsa, nimotankua:ketsak, nikmattok ke niwetstotika, ne: wetstok nimo..., carrera nimotankua:ketsa "*seńor**" nikilia "niwa:lah, paraké:s tine:chneki", nikilia "tine:chno:tsa". Pos a:mo ne:chna:nkilih, sepa nikno:tsa, ika ohpa ya. "*seńor** nikilia "niwa:lah, timose:wihtok. Ni..., niwa:lah para ton tine:chneki, ne:chno:tsak". Pos a:mo ne:chna:nkilia. Sepa n'no:tsa *más fuerte** sepa nono, "seńor**" nikilia, "niwa:lah, nika:n nietok a, para ton tine:chnesita:rowa". Ihkó:n nikita ke ihsak a, ke ihsak a ne:n ta:katsi:n, moi:xkepa ya ihkó:n, mopani:xkepa, ne:chpanita ya ihkó:n, "A:" kihtowa "tehwa" kihtowa mitskuitoh", nikilia "ke:mah" "Neh ne:chwa:lkuikeh" "Pero teh" kihtowa "a:mo nimitsnesita:rowa nika:n ya, teh xiow" kihtowa "Tikinsalva:ro:ti *almas" kihtowa. "Tikinsalva:ro:ti *difuntos**, tikinsalva:ro:ti moribombios. xiow" kihtowa, tikinsalva:ro:ti" kihtowa "*imágenes** wa:n *hasta** neh nikmati ke:maniá:n nimitsno:tsas". "Entó:s a:mo tine:chnesita:rowa" nikilia. Kihtowa "a:mo" kihtowa "A:mo ta: neh nikmati" kihtowa "*hasta** ke:maniá:n nimitsno:tsas, teh xiow" kihtowa, "xi..., xikui nehjó:n ohti nimitsmakatok" kihtowa, *derechito** xiow, a:mo kanah xichi:..., chi:chikokalaki. A:mo xikui" kihtowa "tein ne:n *veredas** kihtowa "xikui nehjó:n ohti, yahtok we:yoh, *derechito**" kihtowa "xiow** "we:noh". Entó:s n'mattok nimopersina:roh, ta: n'mattok yehwa wetstotikah ne: wetstok, n'mattok nimopersina:roh ihkó:n kualtsi:n wa:n ke:mah niwa:le:w. Nihsatiki:s, ka:n teh ne:chkokowa, nio:n teyi, nipa:ktok, ke:meh ekintsi:n nietok, *nisano** nietok, nikita cho:kalo:tok miak *gente** ya, mosentilihkeh ya, miak *gente** ne:wi:n seki yetokeh, nochi cho:katokeh, nopopa:wa:n, noa:welitos cho:katokeh ya. Pos kihtowah ke de *las nueve de la mańana** nimikik, chikna:wi o:rah de tahkah, *hasta** e:yi o:rah tio:tak ni..., nihsako, pero nihsako a:mo teh ne:chkokowa nio:n teh toto:nik, para nehjí:n to:nal nika:n nietok. Nikpiaya *quince ańos** wa:n ekintsi:n nikpia *ochenta y uno**, ka:nachi xiwit a:mo nikpia. *Desde entonces** pe:wak ni..., nikintahtowia tokni:wan, Se: viaje kikuik kokolis se: ta:totsi:n ompaka ne:, neh a:mo nitapahtihkeh katka, kikuik se: kokolis ompa ne:, se: ta:totsi:n kiehehkana:mik, kito:tokakeh *mandado** ne: Santiago mah kuiti *chileancho**, mah kuiti *manteca** *porque** yo:n mo:stika ya:yah tato:katih ta:ke:walmeh, *o** tia:yah titato:katih, ke no: ompa nita:ke:wal neh, no:. ti..., ke:meh nikpiaya *quince, diesciseis ańos** i:pa nite:tekitilia:ya ya, entó:s *este** tia:yah titato:katih iwa:n noa:weli:tos. Entó:s *este** ne: tik..., tiwa:lahkeh kualka:n titekitikih, ne: a:te:n titekitiah tahta..., ta:lpantane:si a *hasta** tapoya:wi, tota:lpane:si tiwa:lahkeh, ne: také:s ka:mpa ne:n, ka:mpa tito:katih, ompa yetok ta:katsi:n pero a:mo wel moketsa ta:totsi:n. *Porque** ta:wa:nak wa:n ehekana:mik, yo:n se: ta:kat kiliah Claudio Nichebuena, ompa kaltani kit wetsik wa:n ompa kihtowa kipanowih itskuinti, kipanowih se: itskuinti we:i, pacho:ntik. Kipanowih ihkó:n, sepa yahki, sepa wa:lah, sepa yahki ne:wi:n, ke:mah a:mo mokepak ok kit. I:xpeta:nik a ke:meh, ke:meh o:..., ke:meh o:me o:rah de kualka:n, *las dos de la mańana** ya, entó:s i:xpeta:n ya ke:meskia, ke entó:s *este** ne: a:mo wel moketsak ok. Ihkó:n yahki *de bajada**, motitilatstiw, motitilatstiw, pos tikahsikoh ompa ne: ka:mpa tite..., ka:mpa titato:katih ompa cho:katok, pe:wak kimpa:pata ya ta:tomeh, kimino:tsa, mah kipahpachowili:ka:n imets, mah kipahti:ka:n. Entó:s miakeh mopa:patakeh, nochi tein tato:kanih *hasta** se: *isobreno** komoke no: ompa ta..., no:, no: ompa ne: tato:kaya, timiakeh, mon ka:n *doce** meh katka tatekinih, miakeh Neh ika *doce** ke:meh eskia, neh ika mahtaktio:mo:me ya. Entó:s *último** ya kelna:mik ke neh nitaresa:rohkeh, entó:s kilwi, kino:tsak ne: nop..., nowe:ita:t a mono:tsaya José Pedro. Kilia "Pedro" kilia "xiwi:ki" kilia. Kilia "ke:yeh" "kili" kilia "moxwi:w mah ne:chtaresa:rowili:ti *mejor** tio:pan" kilia. "Pero ke:ní:w" kilia "ya:s wa:n ekintsi:n mits..., ekintsi:n tekititok, kuala:nis" kilia "na:notsi:n". Ke:meh ne: na:notsi:n moke a:mo, a:mo ki:saya. A:mo kanah ki:saya ok, kalihtik sayoh yetoya, yeh ta:totsi:n ya:ya kinkuida:ro:ti ta:ke:walmeh, kilia "pero tekititok" kilia "a:mo, a:mo ya:s" kilia. "A:mo ta: xikilwi" kilia "A:mo xima:loh" kilia "Pedro, xikilwi moxwi:w mah neh..., mah ne:chchipa:wa ika *veladora**" kilia "wa:n ika xo:chit, ika se: *cera**" kilia "wa:n mah ne:chka:wili:ti tio:pan, mah ne:ch..., ne:chtaresa:rowili:ti. Wa:n miakpa nikinilwia tokni:wa:n tak nitatsiwia no:, ne:chno:tskeh, nikta:kamat, Ne: kihtowa "Okichpil" kihtowa "A:mo xima:loh" kihtowa "ne:chtaresa:rowili:ti" kihtowa"ne: tio:pan" "Ne: pero neh a:mo nitapahtihkeh" nikila "a:mo nitapele:wihkeh" "A:mo xima:loh" kihtowa *por favor**" kihtowa "ne:chtaresa:rowili:ti. Xikui" kihtowa "ve..., *cerita**" kihtowa "wa:n xo:chitsi:n, x'teki ampó:n, sempowalxo:chit" kihtowa "onkak, ika xine:chahchi:wa" kihtowa "nometsko" kihtowa "Ehekat nikna:mik" kihtowa "Ta: ihkui:n wa:n ihkui:n ne:chpasa:roh". Entó:s neli ne:, neli ke:meh nikinilia tokni:wa:n tak nitatsiwia, niki:ste:w mela:w, te:ta:kamat, n'metsahchi:wak ika xo:chit wa:n *cera** wa:n niahki tio:pan Santiago. Nikahsito ka:mpa *seńor Santiago**, pe:wak nikta:tawtia, ke:yeh yo:n ta:totsi:n ihkó:n kipasa:roh. "Dios mio" nikilia "ke:yeh" nikilia "ihkó:n kipasa:roh i:n *seńor**, mah moketsa, 'ahokui, mah me:wa, kihkuanili ika *moespada**, ika momachete, ika *molazada**, ika *morelámpago** ika *momilagro**. Chipa:wa tehwa nehjí:n ta:totsi:n, mah moketsa, te:kne:ltih, mah kisufri:rohto, mah nehjó:n tayo:koxto, ne: kalihtik mah wetsto, a:mo, a:mo wel moketsa, motitilatsa". Neh n'ta:tawtia acha wa:n nimokowilih notahto:l, no..., no..., notahto:l *oracióntsi:n** niweli, wa:n ke:mah niahki sepa nikinahsito ne:n tato:kanih. Nikahsito ta:totsi:n kuali ne:nemi a, moketsa ya, pahtik a. Kuali ne:nemia, ihkó:n yo:li:k, ika *bordón** pero kuali ne:nemi a, pos *acaso** wel moketsaya, entó:s motasohka:matik ta:tahtsi:n, pero ke: *sirve** yo:n tio:tak neh nimote:kato ya, a:mo ne:chka:wa ok mah ni..., mah nime:wa. Wa:n niktila:na *norosario**, nitaresa:ro:sneki, a:mo wel nitaresa:rowa, nikita *seńor**, se: *seńor** ne:chwi:kasneki, kihtowa "ke:yeh timokalakih teh" kihtowa "*semejante burro**" kihtowa "*muchacho**" kihtowa. "Ton motekiw" kihtowa "teh". Takah kichi:wilihtoyah *maldad pobre** ta:tsotsi:n, *por eso** ehekana:mik. Nikilia "pero neh" nikilia "ne:chta:tawtih" nikilia "*por eso** nimokalakih". "Pos ekintsi:n" kihtowa "tehwa tiowih". Nihsatiki:s ihkó:n, ke:meskia ni..., niktila:na *norosario** nitaresa:ro:ti, pos a:mo teh, a:mo teh *razón** wa:n taresa:ro:s ke:yeh a:mo niweli, nikita yehwa *seńor** ne:chtaka:waltia. Ihkó:n, ihkó:n, yo:n ta:tahtsi:n ompa ne: tak i..., *icuńado** katka tak, *mismo icuńado** kichi:wilihtoya, kiwihwi:kaltihtoya, entó:s *por fin** yo:n ke:meh, ke:meh o:rah de tane:si a, se: ta:tahtsi:n niki:xmattoya de nika:wi:n Piliancha:ko [Pilinchia:ko], ompa tato:kaya ne: ka:mpa ne: ka:m..., ka:mpa neh nokali, paratani. Ompa ka:waya n' a:tso:tsokol, ompa ka:waya isalo:n, kite:palo:tia:ya, nikaki ahsito ke:meh o:me o:rah kualka:n. "Tane:sik" kihtowa "*hermano**". Nimolia wa:n nitaresa:rohtok neh, nikuik *norosario** nikna:lta:tih ihkó:n para mah a:mo ne:chita, nimolia i:n yehwa nehjó:n ta:totsi:n, entó:s sepa ne:, sepa nikita a:mo ne:si, a:mo kakisti, sepa nechilia "tane:sik *hermano**". Ne:chtahpalowa. Ne: a:mo n'na:nkilia sanoke nime..., nimihkuani wa:n ne: nimota:li:to ihkó:n, pe:wak n'na:lita a:koni, a:mo ne:si, nimihkuani sepa wa:n a:mo ne:si, a:mo nikita a:koni, sepa ika e:xpa ya ke:mah, sepa ne:chno:tsa kihtowa "tane:siki *hermano**", nikiliah "Tane:sik" nikilia. Ihwa:k ke:mah tila:nato ya *puerta** wa:n niktapowilih [niktatapowilih] ya. "A:mo" kihtowa "ta: nika:n sah" kihtowa "neh niow ya" kihtowa "nitachiati nomi:lah". "A poco tane:sik a" nikilia. "Ke:mah" kihtowa "tane:sik a" "a: vaya" nikilia. "Entó:s nehjó:n tine...," "ta: nitachiati". Nikuik se: ikpal, nikpiaya yo:n nahnakas yeh, n'ta:lilih ihkó:n, mah mota:li, "A:mo ta: nihsiwi" kihtowa "nipantachiati nomi:lah". Entó:s yahki ta:totsi:n, pero nitachia n' ahko, pos *apoco** tane:sik a, pero ta: yowak. Entó:s *este** ne:, ne: nikita isalo:n a:mo ne:si. Ta: ompa yetok isalo:n, a:tso:tsokol ompa yetok, nimolia pos ton kichi:wato ta:totsi:n. A:mo tekitito pos ka:n teh e:lo:t, ta: *apenas** tahko mi:l ke:meskia, pos ta:ltata:lwi:listah, nimolia pos we:noh ke:yeh, entó:s nikuik *norosario** wa:n pe:wak nitekiti sepa, ta..., tata:tawtia. N'xo:taltih *novelita** tata:tawtia, nikaki no:má:n ne: *cocina** pero *fuerte** tena, pos neh nima:ki:sak a, pero no:má:n kuitiki:skeh ya, yehwa kwi:katih. Wa:n *keja:rowa, mokehja:rowa wa:n tano:tsa ke mah nikechili *santito porque** mikiti, mah n'no:chili se: *icomadre** ke:meskia yetok ihkó:n *cerca**, yeh n'no:tstiwetsito, mah kikuida:ro. Entó:s a:it ke:ní:w n'nemilih, we:noh nimolia, *pesadillas** ke:yeh, yo:n tane:sik ke:meh *las cinco** nikta ahsito yeha ne:n ta:totsi:n, tein ka:wtok itso:tsokol, "[ta] niwa:lah, pero niwa:lah" kihotwa "*hermano**" "A we:noh nikilia ximose:wi. "Pos ye:wa nikitak tiwa:lah a:mo titekitiko" "Nehwa" kihtowa "a:mo niwa:lahtok" "Ke:mah" nikilia "ta: tiwa:lahka tine:chnohno:tsak" "A:mo mela:w, *por dios** a:mo mela:w" kihtowa "a:mo niwa:lahtok". "Tiwa:lahka" nikilia "wa:n neh nikihto titekitito ya, takah nikita motso:tsokol ampó:n yetok wa:n mosalo:n", "Ka:n niwa:lahtok" kihtowa "ta: ekintsi:n niwi:tsa de Pilinchia:ko". "Tehwa" nikilia "ta: nimitsi:xmat ke tehwa, *hijo de la** nimolia wa:n ke:yeh ne:chilihtok ke a:mo yehwa. "Pos a:mo" kihtowa "x'machili notaxkal" kihtowa "totoktsi:n" kihtowa "nikwa:lkui de ne: Pilinchia:ko, neli nikita kitila:n isalo:n wa:n ne: a:tsotsokol wa:n yahki tekitito ya, tane:sik a. Pero pe:wak nitanemilia, pe:wak nitanemilia pos a:koni, ke:yeh, a:koni i:n ne:chnohno:tsak pos yowak, entó:s ke:meh nikmatia ke yetoya se: tamatkeh ne: Espinal, *este** ne: nikilia no:má:n "nikwi:kati" nikilia "*quince pesos**,". Ka:xto:l pe:soh n'piaya, ika ne: tomi:n, ne: wehka:w tomi:n ya katka kaxto:l pe:soh. N'tila:n kaxto:l pe:soh wa:n niahki, nikilia yo:n na:notsi:n, iko..., *icomadre** "Kuida:ro" nikilia "no:má:n, *por favor**" nikilia, "neh niow" nikilia "nikitati ton pasa:rowa. Ke:yeh i:n niko..., nikitak *pesadillas** ke:meskia". Entó:s niki:ste:w, niahki *hasta** Espinal, noma:ko nosombrero, nimotalowa, nimotalowa, nimotalowa, niahka *hasta** Espinal, Mm, ekin *las diez** mahtakti o:rah, niahsik a [I:xta:lan] Espinal. Ne:chilia ta:totsi:n "ton mitspasa:roh" kihtowa "semi *tiapresurado** tiwi:tsa" kihtowa, timoti..., timoka:wi:tsa", "ne: pos ihkui:n wa:n ihkui:n" "a ver" kihtowa "xiwi:ki", niman ne:chpano:ltih itech ime:sah. Nikilia "pos ihkui:n, ihkui:n wa:n ihkui:n ne:chpasa:roh" nikilia "neh, nitaresa:rohtoya" nikilia "wa:n nikitak seki *pesadillas** nikilia. "Se: ta:totsi:n ne:chno:tsato" nikilia "wa:n a:mo yehwa katka" "Wa:n ika yo:n" kihtowa "timohmowtia, a:mo ximowi" kihtowa "Katka dios *nuestro seńor**" kihtowa. "Tikitak yehwa yo:n *persona** pero a:mo yehwa, ta: katka dios *nuestro seńor**" kihtowa. Yo:n ta:totsi:n *sabio** katka, yo:n *dios nuestro seńor** mitsmakak se: ohti" kihtowa, "mela:w" kihtowa "mitsilih ke xikui se: ohti *derechito**", Nikilia "ke:mah, ne:chilwih *derechito** mah a:mo nichi:chikokalaki". "Pos katka *dios* Je..., Jesús" kihtowa "mitsmakak n' ohti. "Mitsnawatih" kihtowa ke xikinkuida:ro" kihtowa "ne:n kokoyanih, xik..., xik..., xikservi:ro:ti *difuntos**" kihtowa. "Xi..., xikintaresa:rowili:ti *santitos**" kihtowa "a:mo xikinka:wa, pos yo:n ohti" kihtowa "tikuik *muchacho**" kihtyowa "a:mo xikelka:wa ok. Yehwa yo:n" kihtowa "*mi camino, salva dios**, yehwa nehjó:n x'segui:ro, *hasta** yeh kimati ke:maniá:n mitsno:tsas, ihkó:n mitsilwih" kihtowa. "Ke:mah" nikilia "ihkó:n ne:chilih", "Pos entó:s" kihtowa "ton ika ai timohmowtia, xiow" kihtowa "wa:n xi...," "A: pos nimohmowtia" nikila "ekintsi:n no:má:n" nikilia "nikwa:lka:wte:w *grave**. Tanawtok" nikilia "no:má:n niwa:l..., niwa:l..., nehjó:n nikwa:lka:wte:w. "Ka:n ximowi" kihtowa "mo:má:n pahtik" kihtowa "ekintsi:n, teh tiwa:le:w" kihtowa "yeh pahtik a, takuah ya" kihtowa. Pos a:mo n'neltokilih. Nimolia pos ke:yeh wa:n tanawtok [nikua:le:w] nika:wte:w, karre:rah sepa niwa:le:w, *como a las cinco** niehkok nokalihtik sepa, nikita no:má:n tokotsieyok tikote:noh ya, ka:n teh kikokowa ok. Katka todios *cuando** ne:chnohno:tsak yowak, mm, yehwa ne: niahka ne: ahko wa:n sepa ne:chnohno:tsako ta:ltikpak, *hasta** para i:n *fecha**, para nehjó:n to:nal, *hasta** ekintsi:n a:mo ke:mah teh nikmachilia teisá: kokolis. Nio:n tataxis, nio:n semi, mah semi nitatastinemi ihkó:n *primero dios**, entó:s *después** de nehjó:n ta:totsi:n nikpahtih, ne:chohkuikeh ya, se: to:nal nika:wi:n se: *lugar** talwiah Ka:xa:ltepe:k, kokolispe:wak se: ta:totsi:n, kokoliskuik, no:, no: ehehkana:mik. Pe:wak kitsi:ntoka ke:ní:w, yehwa yo:n ta:totsi:n ne: *iamigo** katka tak ne:, tein nikpahtihka, kilih ke neh nikpahtih, pos ompa ne:chohkuikeh ya, ne:chohkuikeh, *poco rato**, se: nika:n Chikue:ia:ko no: kokolispe:wak, se: moehekana:mik, sepa ne:chkuitoh ne:, mah nikno:tsa. Mah n'to:nalno:tsa wa:n n'ta:tawtili *dios, hasta** para ekintsi:n. A:mo, a:mo nikpia *separación** ok, *todavia** nitekitia ok *campo, hace como cuarenta ańos**, ke:meh o:..., o:me powal xiwit, *todavia** nia:ya ok, nitekititi, nia:ya *rancho**. Pero de pe:wak niahsi *norancho**, ne:chno:tsah *hasta** nikcholwihka i:n tekit, i:n tein nikpia i:n tekit *hasta** nikcholwihka. Nivivi:rowa:ya i:pa nika:n Sua:pila:ko wa:n ke:meh nikwelita nitekitis *campo**, nikwelita nitato:kas, entó:s nitato:kaya notekipan ihkó:n, *apenas** niah notekipan, ne:chno:tsah ya, ne:chte:mowah. Ihkó:n, ihkó:n we:ititiahki, *después** nikilia ne: nona:nahtsi:n nikilia "a:mo, a:mo tietoskeh nika:n" nikilia, "a:mo wel nitekiti ok, moneki ta:ke:wal a, wa:n a:mo ki:sa para n', a:mo ki:sa para ne:n n'taxta:wi:s ta:ke:wal. Ihwa:k n'ta:nia *dos pesos** para nikintahtowi:s tokni:wa:n, mm. Pos *dos pesitos** wa:n *dos pesos** to:naltekit, tahta..., tahtaniah ya tokni:wa:n. Nikilia "a:mo ne:chki:sa" nikilia "*mejor** tiowih" nikilia paratani titato:katih". Tahkeh ne:wi:n Arroyos Arco, ompa nikonsegui:roh se: ta:l, ompa nitato:kaya. Pero *lo mismo**, ya:yah de nika:n temowa:yah tokni:wa:n ne:chte:mohtiowih ompa ne:, kimattoyah ke nimemi Arroyos Arco. Ompa ne:chnepachowihkeh sepa de Arr..., Arroyos Arco, wehkakayo:meh, de ne:wi:n Buena Vista ihkó:n, Palmar, pos ne:chki:sak *lo mismo** a:mo kanah wel nitekiti, *puro** ta:ke:wal wa:n nika:n no:, no:, ka:mpa notaktsoyohka:n ne: taximiktok nokali. Nikilia nona:nahtsi:n, nikilia "A:mo, tiowih" nikilia "*mejor** sepa tokalihtik" Nikinilia tokni:wa:n tein ompaka ne: ne:chnepachowia:yah ya, "axka:n konta:l nane:chte:mo:skeh Sua:pila:ko" nikilia. Ompa nietoti Sua:pila:ko. Kipia *como cuarenta ańos** kali..., *como cuarenta y dos ańos** nietok kalihtik, a:mo kanah niki:sa ok, sayoh *por gu...** neh, notekipan a:mo nikmati ok ke:ní:w tachi:wtok. *Pobre nomuchachos** yehwa:n tekitih ya, *hasta** para i:n to:nal, mm. A:mo ta: i:n owih. Entó:s. Pos tasohka:matik ta:to ika tite:chtapowih ke:ní:w ne:n tehwa:tsi:n ti..., timone:xtilih ika i:n chi:walis tein a:man tehwa:tsi:n *este pues** tikpia, a:man xite:chili ne:n moto:ka:y. *Bueno**, neh nimono:tsa, ni..., niMiguel Francisco Cruz, *niconocido** ka:mpa yeski, ahko, paratani, para *atravesa:ro:s** a:mo kanah nikpata nono..., noto:ka:y, i:pa Miguel Francisco Cruz ne:chi:xmatih, ka:mpa yeski.