Ta:tah pos ekintsi:n xite:chtapowi ke:ní:w se: *tayuntahwia desde que** se: pe:wa *hasta** se: ma:tami se: to:nal. Ke:ní:w se: kichi:wa. *Bueno pues** sepa name:chilwi:ti nohjó:n de *yunta, este** pos a:mo sayoh se: tayu:ntahwia, *primero** se: tawi:tekia *este**, tikihtowa:yah titaxokolti:tih. Pero ihwa:k titato:kayah enero, febrero, a:mo ke:meh a:xka:n titato:kah ok diciembre, enero semi seki a sah ento:s nohjó:n *tiempo** titawi:tekiah diciembre para xokoyoya nehjó:n ehkaw wa:n tepitsi:n tai:xyehye:wa para *cuando** titekitiskeh ya pues tik..., ti..., a:mo t'kattok ok ke 'tawi:tekitih ok tikinkuitih ya kua:kuehmeh komo tikimpiah *o** komohkó:n a:mo tikimpiah wa:n koma:mo tiwelih pos tikyo:le:wah a:koni tekitis wa:n koma:mo pos komo tiwelih, a:mo tikimpiah ne:n kua:kuehmeh pos tikintane:wih tein kuali kitila:nah nohjó:n *arado** tikilwiah. Ento:s nohjó:n ti..., titawi:tekiah wa:n nochi xokoyah nohjó:n ehkaw kualtsi:n moka:wa nochi *cuando** 'nemiliah titekitiskeh ya pos ti..., titekitih ya pero *hasta** itech enero, de ompa ti..., ti[kin]kuitih wa:n tik..., tikte:mowayah ne:n koma:mo tikpiah toni ika titekitiskeh yehwa *arado** nochi, n' nochi ke:meh yetok, nochi ke:meh moneki. Pos yehwa ya name:chilia tikte:mowah pero komo tikpiah pos titatkih ya ne: ka:mpa titekitiskeh ya achi. Tikwi:kah *arado** iwa:n ne: kilian *timón**, tikwi:kah ne:n *yubo** iwa:n ne:n kiliah *koyuntas, mismo** yehwa kua:kowkuetax tikitkih nochi wa:n a:kin tekitis *este** kitekis *primero** se: *garrucha** para kininmowtihtia:s ika ne:n kua:kuehmeh tein tekitiskeh. Pero no: tein tekitiskeh komo, komo tamachti:lmeh *pues** tekitis ise:lti iniwa:n sah wa:n koma:mo pos kipia de yetos a:koni kini:xyeka:nas, se: ma:ski se: pili *o** se: ma:ski se: tein chika:wak a *más** *porque** ka:mpa ahsiskeh tate:n kintsakuili:s, para mokepaskeh pos kipia ki..., koma:mo welih pos kitila:nas ika *lazo** para sepa ya:skeh ka:mpa wa:le:waskeh wa:n ne:n a:kin kikwi:ka ne:n *arado** wa:n kiki:tskia pos kipia de kitstiw ke:ní:w ne:n tachkuatiw ke:ní:w kwi:kah kua:kuehmeh wa:n a:mo sayoh kowit sah. *Porque** nohjó:n chihchi:wtok *arado** wa:n kipia se: tepos ite:noh tein moto:ktiw kiliah *reja** ihko:ni ni..., nikmattok *porque** no: se: *tiempo** nitekitik ika ke:meh, 'tekitik ika ke:meh se: *cinco años sah, nehjó:n nikmattok ke:ní:w nohjó:n se: tekiti ika. Ento:s nohjó:n kitstiw de que komo panki:sa pos se: ki:xtilia ne:n tahsol *porque** miakia tahsol, kipanki:xtia, a:mo wel moto:ka ok wa:n no: komo se: kimati pos moto:ka mah ipa se: taksa pero *xilisto** *porque** koma:mo m..., mokalaki:s momets ne: ka:mpa n...., ne:n *arado** wa:n iwa:n kwi:kas kua:kueh momets. Wa:n nohjón *garrucha** pos ika se: kimpareja:rohtiw, se: kinoli:nihtiw, ke:mah. Ento:s *este** a:kin yo:n, a: nohjó:n kowit tein tatahko nohjó:n tsi:naktok nohjó:n *arado** iwki kilwiah *timón**, se: kowit mela:wak pero tein kuali kowit wa:n tein ika iwa:n sotok *este** se: kowit kilwiah *este**, tikiliah *tijerilla** ihkó:n nikakia kito:ka:itia:yah *porque** ke:yeh yehwa iwa:n sotok. wa:n 'kalakiliah sayoh se: *cuña** senkaya kitili:ntiah. wa:n a:mo ki:sa wa:n a:mo se: kimati ke:yeh *porque yunta** kitila:na wa:n pos sayoh kowit sah sa:liwtok wa:n ne: ka:mpa te:pilkak itech *yubo** koyo:nia:yah ika, ika se: *barreno** wa:n ompa kalakilia:yah se: *kowclavos** wa:n no: *kowclavos** ne: *yubo** tatahko kit..., kilpiliah *lazo** koma:mo *mismo** yehwa ne:n koyuntas** kite:mowa:yah tein pitsa:wak, kualtsi:n kichihchi:wah, kit..., kichihchi:wah se: *agujero**. Wa:n ompa kipankalakiayah sah no: *kowclavos** wa:n yehwa yo:n ika kitila:nayah ya ne:n *yunta**, e:mah, kwiwilatsaya para nochi n' to:nal. Pero nehjó:n kowit tein mela:wak, tatahko kikuiah, kikuiah a:wa:t *o** yoloxo:chit. *o** ne: tikiliah xa:lxokot tein mela:wak pero pos de weyak sake:ra de *cuatro metros** *cuatro o cinco metros**, ompa sah. Wa:n no: komo wehweliwik pos sepa se: yankuik kitekiah, a:mo wel, a:mo kualtia ya ok, de ompa yo:n *este** k..., kimpilowilia:yah, tikinkua:ilpia:yah ompa ne: ka:mpa titekitiah nehjó:n kua:kuehmeh tik..., tikwi:kah nohjó:n *yubo**, de ohka:n, de o:me *cadena** kilwiah para o:me kua:kueh. *o** tikintokiah, *tikincerca:rowah yo:li:k, tikuih ne:n *yubo** tikinkua:ta:liliah, *primero** tikui::ltiah sentapal wa:n sentapal ohka:n tikui:ltiah ne:n *icuernoh. A:kin a:mo weli, a:mo weli, kikui:kui:lti:s seko sah *o** kiye:yewalo:lti:s eliwis wa:n a:mo, a:mo kualtia, *primero** se: kui:ltia sentapal n' *icuerno** wa:n panowa seko *cruzado** wa:n se: kui:ltia ohpa. Komo ohpa kahsis, ompa wa:n komo e:xpa se..., para sentapal no: achi para moparejaro:s. kikuis ohka:n seko, se: *lado** wa:n ne:pa kimakas *vuelta** kiewalo:s sepa para ikua:ko ya nochi, ohpa o expa de ompa sepa *mocruza:ro:s** sepa pano:s sentapal *último**, sepa ohpa wa:n tikilpi:ti:w i:xkua:ko ya, para kuali tatila:nas nohjó:n kua:kueh, oksé: no: *igual**. Ento:s tikinchihchi:wah nohjó:n pos ti..., tikuih ya ne:n *arado** wa:n komo kini:xyeka:nas oksé: pos ti..., tikiliah 'pia *cuidado**, a:mo ka:n mits..., mitstope:w kua:kueh *o** tiwetsis. Pe:wa titekitih ya, tikintohtokah pero a:mo titekitis nochi n' to:nal ika moma:y. Tia:s nika:n *lado** ika i:n tiki:tski:s, timowa:lkepati:w ika i:n tiki:tski:s, *vueltas** nochi n' to:nal, *vueltas y vueltas** tikpatas moma:y, vue:lta tikpatas moma:y, ke:mah. de se: siowi pos se: mose:wia tepitsi:n, *lo importante** nochi kikuiti:w. Kikuitia:s ne:n *tanto** de we:wehka ta:l komo de *cuarenta** de we:wehka 'kuitia:s. Kualtsi:n moka:wtiw. Wa:n ne:n tai:xyeka:nkeh komo te:ntok tahsol pos kiteki se: kowtsi:n kahchi:wtiw ok nohjó:n tahsol komo te:ntok, pero de xokoya ya, a:mo teh semi te:ntok ok pero komohkó:n ne:n yankuik *apenas** seki:n tawi:tektiowih pos semi miak tahsol mote:ma. Ke:mah, ento:s yo:n a:mo, a:mo semi, semi *ventaja porque** yo:li:k, ento:s nohjó:n tik..., titekitih, seki 'tekitiah se: *cuartillo** n' tonal, tein *más** we:lia tekitia se: *cuarto** de we:ika n' to:nal ika *yunta** titekiteh pero a:mo sayoh tikinteki:ltia:yah ihkó:n sah, time:wayah *las tres de la mañana o las cuatro** tikinkahka:watih, mah takua:ka:n nohjó:n kua:kuehmeh, mah ixwitoka:n *porque** tikintekiti:lti:tih a:mo kikua:tih xiwit pos *vueltas y vueltas** tekititi nio:n a:t tai:s, siowi:lis, ke:mah. Kuali ixwih *hasta las nueve** de kualka:n pos ne: komo *cerca** pos titakua:ti:w wa:n para tia:s titekititi:w a pero komo wehka pos no: mitswi:kili:skeh moalmasa:l wa:n ompa moka:was a oksé: wa:n komohkó:n *más gente** etok pos sepa kwi:kas ne:n tein *sobra** para las *doce, la una sepa, sepa yowih, sepa te:makatih ne:n taxkaltsi:n. Ento:s nohjó:n ne: se: tekiti, se: tekiti nochi n' to:nal, *hasta** ahsi *las s..., las cuatro** se: kintoma ya. pero kuali maya:nkeh ya i:pa kua:kuehtsitsi:n *porque** yehwa:n nepantah pos a:mo teh toni 'kua:tih. Wa:n de timoka:wah, titatomah, sepa tikinkahka:wah ka:mpa onkak xiwit, ka:mpa kua:skeh xiwit, kipia ixwiskeh *porque** pos nochi n' to:nal tahyowiah *sin** teyi. Ento:s ti..., ixwih, tikchiah kuali se:wi, ma:ski se: tayowa wa:n ke:mah se: kina:maka, se: kinilpia. ompa mah yetoka:n pero ihwa:k pos neli se: *tiempo** katka, a:mo ke:meh a:xka:n. Tikintane:wiah *o** se: ka:waya wehka te:tapialtsi:n pero ke:meh a:xka:n a:mo ok, mika *malo** onkak, ento:s nohjó:n tikchi:wayah iwki ka:mpa kalakiah nochi ti..., titayu:ntahwia:yah ka:mpa takualka:n, *parejo** nochi tikchi:wayah wa:n komo tik..., tiknekiah *más** tiknehnekka:tachihchi:wi:skeh tato:k, yehwa yo:n kihtowah se: kinepanowa, *ticruza:rowa:yah n' ta:l, ihkó:n, *lo primero** tiktapa:nas ika ohpatiká: tik..., tikohpawi:s pero taman ya, para *parejo** mo..., moka:wa mo..., moxe:lowa nochi n' ta:ltsi:n pero mo..., kihtowah ke moloxtia. para *más** kualtsi:n mochi:was tato:k. Pos tikihtowah kuali wa:n pos nochi *igual** sah tikitah, timokahkaya:wayah sah *porque** tikitah a:xka:n a:mo, titawi:tekih, titasalo:wiah pané: *igual** sah ta:ki tato:ktsi:n ma:ski toni tikchi:wilia:yah ne: ke:man pero i:pa *igual** sah, *porque** ke:yeh de que** xiwit kikokowa n' tato:k. De ompa yo:n tik..., timoka:wayah tio:tak, mo:stika sepa *igua**, sepa kualka:n me:was ne:n komo yehwa yowi oksé: n' tatama..., tatamakati:w *o** se: mi:xpatas. Sepa yowak ya:s, ompa motali:ti:w, kinkahka:was *hasta** kuali ixwi, ke:mah wa:n ke:mah sepa *hasta las nueve** sepa se: kinilpi:s, sepa titekitih, e:mah, de sepa titekitih, pos lo *mismo** timoka:wah ne: *hasta** tio:tak. Wa:n sepa *igual** tikinkahka:wah mah takua:ka:n wa:n sepa tikina:makah wa:n sepa tikinwa:lka:wte:wah, komo we:ika pos se: wehka:wa, koma:mo we:ika a:mo se: wehka:wa, niman se: ma:tami. Pos de tami a, de tate:n, ka:mpa a:mo wel kikui ok nochi n' *arado** yehwa yo:n tikih..., tikihtowa:yah titate:nsalo:wi:tih. tima:tankeh ya ika yu:nta pero poliwi tate:nsalo:wi:lis, ento:s tik..., tiksahsalo:wihtinemih ya ka:mpa a:mo wel kalaki ok *arado**, e:mah, tima:tamih nohjó:n pos komo yetok a ne:n *semilla** pos titato:kah niman, ke:mah titato:kah niman, de titato:kah pos a:mo teh tomolwia ok. Komo, komo ne:sis se: ne:n *patrón** pos te:yo:le:was, kihto:s ne:ch..., ne:chtayu:ntahwi..., ne:chtayu:ntahli:ka:n no: n'neki neh, pos ompa se: yowi, ke:mah. Pero ihwa:k kualtsi:n neli katka no: pero ekintsi:n a:mo ok. Yehwa nohjó:n titekitiah iwki, ke:mah. Wa:n kua:kowehmeh i:pa sayoh tayu:ntahwia:yah *o** kichi:wayah okseki tekit. Pues kua:kuehmeh miak tekit kichi:wayah, kichi:wayah tapa:tskayah, ki..., kowwila:nayah, yehwa ne:n **yunta** kiwi..., kiniwiwilatsaltia:yah tik..., neh no: nikchi:wak ok iwa:n *nocarnal** tikiwiwilatsaltiayah *este** tet ika *reja** para se: kiwi..., se: kisenilia ne:nke:n nohjó:n tet yehwa nohjó:n, ihkó:n *servi:rowa:yah, mm. Kuali 'te:chtapowi:s ke:ni:w se: kowila:naltia:yah ne:n kua:koweh. Pues** kua:kuehmeh tikinwila:naltia:yah kowit, pos ne: ke:man *cuando** tikchi:wayah kali *o** oksé: tokni:tsi:n ihkó:n kichi:waya wa:n wehka konkuiah kowit, *pues** te:ch..., te:chtahtania:yah *favor** *o** tiktahtania:yah *favor** okseki:n *porque** tiowih *por iguales** *este** xa: te:chmakas ma:noh mah kwi:ka ikua:kuehtsi:n, tikuitih kowit, niman tahtanis toni kowyo, tikilwi:skeh, kalikxit *o** taihtiyo:meh *o banco o** ta:nka:yo:meh. Komo wehwei pos kikalakia:yah o:me kua:kueh wa:n koma:mo se: kua:kueh sah tik..., tikilpilia:yah . *porque** n'mattok neh tia:yah ne:wí:n wehka tikonkuiah kowit, tia:yah ne:wi:n Tecoltepec tikinonkui:ltia:yah ok kowit kua:kuehmeh tein tikimpiayah ok no:. Wa:n nohjó:n kua:kueh se: kua:it se: kiwi:ka pos kui:ka ya *yubo** ikua:ko pero ne: ka:mpa tiahsis tikwi:kas *lazos**, ne: ka:mpa tiahsis, tikte:mos o:meh kowit, tikto:ka:itiah kowtila:n ke:meh ninipaka inakastan ne:n kua:kueh ya:s nohjó:n kowtila:n. wa:n ke:meh a:mo kikots:magas ne:n *punta** de n' toni kwiwilatsas, wehkatsi:n para se: kilpilia, nika:n inakastan sentapal se: kilpilia ika kuali *lazo** wa:n sentapal no: wa:n ne: ika:n moolo:chowa ya ompa se: kilpilia ya iwa:n ne:n kalikxit *o** taihti:yo:t. Pero yo:n kalikxit no: kichihchi:wiliah se:, se: *parte** kit..., kitek..., kitatehtekiliah ka:mpa kalakis *lazos** para a:mo kitekis ta:l *o** tet *cuando** momagas. Wa:n *vigas** moka:wayah ika to:nal, kikohkoyo:nia:yah ka:mpa kalakis *lazo** tepos kilia *escoplo** ihkó:n kilia:yah tata..., neh nikimpia ok nehjó:n teposmeh, o:meh etokeh ok. *igual barreno** no: nikpia ok pero a:mo nikui ok *porque** pos, a:mo kanah ok yo:n tikuih, *puro clavos** de tepos a. Yehwa nohjó:n ika kikohkoyo:niaya nochi wa:n ke:mah tayo:le:waya ne:n a:kin ikow a:kin a kichi:w *favor** kui:li:tih pero tiahsih chihchi:wtok a kowit. Kite:mowah kowtila:n wa:n tik..., tikitah ka:ni tikilpili:skeh ya kuali kua:koweh tikilpiliah ya, se: kite:wila:nas wa:n sake:ra o:men kitohtokaskeh wa:n sehse: *palanca** kikuih parakitsakuili:skeh ka:mpa tate:mpah *o** ka:mpa mo..., motili:nti:ti:w ika kownalwat *o** tet kahokuiskeh para *kisegui:ro:s kua:kueh kwiwilatsa, yehwa nohjó:n tikchi:wayah, pero a:xka:n a:mo kanah ok, e:mah. Ihkó:n t'chi:wayah komo kalikxit tikuiah kowtila:n komo ne:n taihti:yo:meh tikuiah kowtila:n pero komo ta:nka:yo:t pos yehwa wehweyi:n tiki..., tikiliah *cargadores primero** ekinikatsi:n tama:..., tama:ma nohjó:n kowit pos wehwei. Tiktilpiliah *yunta**, tikilpiliah *lazo** tatahko nohjó:n kua:kuehmeh de o:me:n *cadena** pos no: chihchi:wtok a tatahko ka:mpa tikilpilia, [sa]ke:ra i:xo:meh *lazo** tein toma:wak wa:n tikilpiliah ya tai:ka:n ne:n kowit n', ne:n *lazo** iwa:n wa:n ke:mah tikinwi:kah ya, *fuerza** ke ya:s. Pero a:mo, a:mo i:xse:ya a:mo kixi:kowa, ihkó:n t'chi:wayah, wa:n nohjó:n *este** ne:n tikinwi:kaltia:yah ne:n name:chilia tet no:, no: *yunta**, no: weli se:sah pero *más ventaja yunta**. Se: kiteki se: kowit kamach..., kowkamachal, we:i ihkó:n wa:n se: ki..., se: kohkoyo:nia *esquinas** ika *barreno** wa:n ne:n ka:mpa n' we:i n' *trozo**, se: koyo:nia para ka:mpa kalakis *lazo**. *Después** nohjó:n ka:mpa ne:n *kowclavos** pankalaki, ninipaka ompa se: kisohso nohjo:n de n' ekintsi:n tikitah seki tiktamo:tah no: *kowcostera** nehjó:n ka:mpa kitek..., kitekih kowit. Tiksohsoliah i..., inakastan pero mah kuali soto *porque** kua:kueh kwiwilatsati wa:n tet kwi:kati para a:mo kanah wehweliwi, ompa ike:span tiksohsoh, moka:wa se: *kowcajón**. A:mo no: semi we:i *porque** eti:k tet, ompa 'ta:lia:yah nohjó:n tet tikwi:kayah ya ika ne:n kua:kuehmeh, tikinta:lilia:yah sake:ra *quince** tet, kwiwilatsayah sepa sah. Tikihtowa:yah *menos, menos este** tehwa:n timo..., timosiowti:skeh, *mejor** kua:kueh mah kisaka. Tikchi:wayah wa:n 'sentilia:yah tet ihkó:n, *nocarnal cuando** mo..., kiketsak n' ikali tiksakakah *cuatro mil** tet seki tikma:mahkeh wa:n seki ika nehyó:n ika tapial, ika kua:kuehmeh wa:n seki i:p..., i:pa tikin..., tikimpixtiowih ne:n *caballitos**, seki ika *caballos** tiki:xtihkeh ka:mpa tehkolis para 'sentilihkeh yo:n tet, ke:mah, yehwa yo:n titekitiah iwki, mm. Tikihtowa oksé: chi:walis kichi:wayah no: tapa:tskayah, ke:ní:w xite:chtapowi ke:ní:w se: kinilpia kua:kuehmeh para tapa:tskah. *Pues** n' tapa:tskalis ne: name:chpano:ltilih ya yowipta. Kuali sepa name:chilwi:s Sayoh ke:ní:w se: kilpia ne:n kua:koweh A: pos nohjó:n se: kilpia de n' tapa:tskalis *este**, no: se: *kinincerca:rowa** o:me:n wa:n se: kinkua:ilpia no: ke:meh ekin name:chilwihtoya, ka:mpa ne:n tate:n de *rueda** wa:n ke:mah se:, se: kintokia ya ne:n ka:mpa, in..., *inilugar** a pero nika:n oksé: se: kilpilia n' inakastan *lazo** we:i para se: kilpia iwa:n *espeque** kilwiah tate:nti..., tate:ntila:nalo:ni *porque** para a:mo ki:sas kalampa *cuando** ta:tayewalo:s ne:n itech tekit a. Wa:n tatahko kwik..., se: kita:lia se: *lazo** sake:ra i:xna:wi *o** i:xma:kui:l tein toma:wak, se: kite:mpilowa itech *espeque**, tikiliah *espeque** tein itech *trapiche** aktok. Yehwa yo:n se: kite:mpilowa ke:meh a:mo kinko:tsmagas, para ke:mah se: tapa:tska ya, ihkó:n nohjó:n, mm. Yo:n no: tikihtowa:yah ke komohkó:n se: tayu:ntahwia ne:n kua:kueh moneki mah tamachti:lmeh, ke:ní:w yo:n se: kinimachtia. *Pues, lo primero** tein, mahyá: tehwa:n tite:ta:tahwa:n, se: topili tikmachti:skeh pos niman tik, tikili:skeh x'ta:li *cuidado** ke:ní:w titekitis pero tehwa:n timoliah pero tapialtsitsi:n a:mo wel tahtowah nio:n no: wel tikinohno:tsah. A: pos tikwi:kah tein i:pa ki:xmati tekit wa:n tikpilowiliah tein a:mo nehyo:n kimati a. Ento:s komo, komo tahmati pos tikte:te:nwila:nah wa:n se: kimpe:was *hasta mocalma:ro:s, hasta** kikuis a nehjó:n tekit. Wa:n komohkó:n a:mo teh kichi:wak pos tika:wah ya, mah ise:lti iwa:n ya:yawi a ne:n tein tamachtia para weli. *Después** de weli a pos oksé: no: ta:tahti a, tika:wah ya wa:n moka:wa oksé: tein weli para sepa se: kimachtia no:, ihkó:n nohjó:n. Motohtokatiowih, *porque** komo sepa sah tikinsemachti:skeh nochi, no: weli pero semi *trabajoso** semi a eliwis tahmatih *porque** nio:n se: wa:n nio:n se: a:mo kimati ke:ní:w kichi:was nohjó:n tekit, te:siowtiah, ke:mah ihko:ni. Se: kinimachtia no: tein wehweitsitsi:n ya, a:mo semi nohne:lmeh, de a:mo, a:mo kualtia. De, de *tres años**, de *dos años y medio** semi nohne:l ok, de *tres años** tekitis a, se: kimachtia, *después** pos komo welik, pos a:mo teh se: molwia. Se: kihtowa kuali ki:sak a n' tapialtsi:n, tekitis, te:chpale:wi:s, pos pe:wa tikmachtiah ya ika n' yehwa n' tapa:tskalis, yehwa ne:n *yunta**, kowwila:nalis, tikwi:kah ya, pero weli a, kimati a ke:ní:w para mochika:was kitila:nas a ne:n teisá:. pero *menos** ke a:mo weli, a:mo, a:mo wel tikwi:kah eliwis, a:mo t'wi:kayah, ihkó:n nohjhó:n titekitiah, ke:mah. Ta:ka:n teisá: tikelka:w de i:n ke:ní:w tekitiah kua:kuehmeh, kuali tikelna:mikis ekintsi:n. *Pues**, pos yehwa sah ihko:ni sah tekitiah, de n' *rueda** pos, ye:wa name:chilih se:, ke:meh ekin name:chilih de ompa kimpe:wa se:, no: yetos semi no: tein kimpe:was, ihkó:n, kimpe:was *hasta, hasta** ma:tamis ne:n n' owat *hasta** ompa te:kui kochis *porque** neh n'mattok *porque** no: name..., name:chilwih ya:lwa yowipta ke no: nikchi:waltih nohjó:n de nik..., nipe:wak de n'piaya de *ocho años hasta los, a los veinte años** nika:wako nohjó:n tekit *porque** ke:yeh a:mo timopale:wihkeh ok tikni:meh, ke:mah. Moka:wik se: wa:n oksé: no: a:mo kinekik, pos nose:lti ton n'chi:wati. Pero nikmattok nohjó:n ke:ní:w titekitiah, tikchi:wayah, *tiksufri:rohkeh**, mm, e:mah. Pero a:xka:ntsi:n *pues** tikitah a:mo kanah ok, nochi koto:nik a nohjó:n tekit tein wehka:w *toabuelitos** ika mopano:ltia:yah, ika te:chiskaltihkeh, tahyowihkeh wa:n no: titahyowihkeh pero ekintsi:n a:mo kanah ok, ekintsi:n oksé: ya, e:mah. A:mo teh tikelna:miki ento:s de i:n tekit de kua:koweh. Pos sayoh yehwa de nehjó:n de *yunta** wa:n de kowtila:nalis nochi name:chilwih ya wa:n de ne:, de n' kwi:kayah r..., r..., kow..., kowreja** ika ne:n kowcarreta** ika ne:n tet. Yo:n no: taman, no: name:chilwih ya wa:n yehwa sah, e:mah, ehe, pos tasoh, tasohka:matik. *Bueno** pos xite:chili moto:ka:y. Pos neh noto:ka:y Andrés Martín Juárez. Nita:ltikpaktik Xaltepec, pero a:xka:ntsi:n nimoahsi Tzinacapan, mm. Ka:nachi xiwit tikpia *Cincuenta y nueve años** A: pos tasohka:matik. Tasohka:matimk *igual**