Tikitatih ekintsi:n de n' tein tepitsi:n tikmatih de n' tato:kmeh. Tato:k yehwa n' taeka:ntok, tikihto:ka:n, nochi ne:n .... Pos tak semana:wak a:mo nochi, no:ya:n kikuah kihtowah n' tao:l. Pero no: tika:..., nika:wí:n tehwa:n t'mattokeh yehwa n' taeka:ntok Komo a:mo teh tao:l, n' ta:kat miki:s, n' tapial mikis. A:mo teh pio eski, a:mo teh itskuinti eski. Itskuinti, pio, ta:kat, kikua tao:l. No: n' *caballo**, pero kikua xiwit. No: n' kua:..., kua:koweh, a:mo kikua tao:l Pero yehwa i:n pio, itskuinti wa:n *cristiano** pos tao:l wa:n okseki ok. N' tao:l telsenkaya ne:n, telwe:lik. Mah taxkal, mah ato:l, mah te:tewa, mah tamal, mah pino:l. San tein a:mo we:lik. Sa:n *aparte de** yo:n, se: kaha:wiya:lia iwa:n ok. Tein kimatih siwa:meh kahwia:li:skeh. Se: ato:l, se: tao:l iwa:n xokoa:t telwe:lik, iwa:n se: tsapot, telwe:lik. N' tao:lmeh san ta:taman, ya:witsi:n, ista:ktsi:n, kostiktsi:n, xokoyo:ltsi:n. Nika:wí:n n' tao:l mochi:wa pa:pata:wak, kuahkuali. Wa:n, ne:n, tikto:kah. Nika:n i:n, nika:n i:n ka:mpa tinemih tehwa:n, n' tato:k tikiliah to:nalmi:l motachi:wa. Tikto:kah enero. Tikto:kah enero wa:n tiki:xti:tih ne:n sintsi:n julio, agosto. Yekinika tikte:mowah xina:ch. *Después**, sa:te:pan tikihitah, achto tik... tiki:xpehpenah kati:yeh ne:n .... Komo i:pa tikpiah ya ka:ni titato:katih, pos no: kipia ke tikitaskeh ka:mpa a:mo semi wetsi n' ehekat. Ne: ke:man ka:mpa tato:kayah ki..., kiyu:ntahwia:yah, kilia:yah *barbecho**. A:man a:mo tei ok. A:mo teh kua:koweh ok. A:man t'salo:wiah oso titawi:tekih. Pero *como siempre**, tikte:mowah, kati:yeh xina:ch t'ta:li:tih. Ta:ká:n kostik pos sen..., senki:s kostik oso ista:k. Timiakeh tikuelitah kostiktsi:n, [ti]telmiakeh tikuelitah kostiktsi:n *porque** kihtowah *o** tikiliah xo:chitik, kualtsitsi:n kostik. Wa:n *más** takua:wak, kihtowah *más, más** te:chika:w, pané:, pané: ihkó:n t'matih sah, ka:[n] t'matih. Pero nochi n' tokni:wa:n kwelitah tein ista:k. Ista:k ki:saki taxkaltsitsi:n telwehwe:lik, komohkó:n telkualtsi:n titekitikeh .... Tikto:kah nimitsilwia:ya enero wa:n para t'to:kaskeh kipia ke tikihitaskeh n' tao:l, sinti acha. Tein telkuali katka, tein kiht..., tein *más** kuali katka mah se: kihita *desde** ka:mpa mochi:wa, tein *más** kuali ta:kka, tein más wehwei, tein más kualtsi:n mi:l. A:man tein *más** we:i sinti. Wa:n de n' [y]o:n sinti, tikihto:ka:n ihkó:n chi:wtok sinti, i:n itsi:ntayotsi:n ke:meh ka:n ma:kui:l pa:nti tao:l, a:mo tikuih. Nika:n a:mo tikuih. Wa:n sepa n' ie:kapayo, a:mo tikuih, *porque** nika:n i:n tahtamantik n' tao:l. Wa:n sepa nika:n i:n ohololtik, tikuih tein pahpatachtik sayoh, tein tatahko yetok, i:ni sah. I:n se: sinti. Seki tikuih, seki no: kipowah ka:nachi pa:nti kipia, ihkó:n, ka:nachi pa:nti kipia, tein telmiak pa:nti. Yehwa n..., para xina:ch. Seki kit kiliah kuawsin, seki, seki kiliah n', n' kowsin kiliah tohto..., wehwei ne:n e:lo:t, wehwei, tohtomaktik, inachichi. Pero a:mo miak pa:nti kipia, wehwei n' tao:l. Seki tikwelitah tein olo:pitsak. Tsikitsitsi:n n..., tsikitsitsi:n n' olo:t, miak tao:l kipia, yehwa miak *gente** kwelita yo:n. Kito:ka, yo:n a:mo *problema**, yo:n a:mo kuehmol, sake:ra mah ta:kiskia. Tika:pachowah, se: yowal a:pachiwtok, mo:stika tika:ki:xtiah. N..., ne:n tikui..., tikua..., ya ti:k..., ¿ke:ní:w nimitsilwis? tikpechtiah yo:n tao:l, taa:pacho:l a. Wa:l e:yito:naltika, na:wito:nalika ixwa ya. Xi:ktohtopo:ni, ki:sa n' inalwayo wa:n ke:mah ki:sa ya mi:ltsi:n. *Antes de** ki:sas ne:n mi:ltsi:n, *antes de que** molpi:s, tiktohto:kah ya, tikto:katih. Ke:man t'tato:kah, tikta:liah, ne: ke:mah tikta:lia:yah chikuase:n tao:l. Motstok se:se:, se:se: *metro**, se:se: *metro**. A:man i:n tikto:kah mahma:kui:l oso nahnahna:wi. *Porque** tikmattokeh ke nika:n ki:stiw *sobra**, tikitakeh ya *por experiencia**, a:mo nochi, a:mo nochi kuali ki:sa. *Mejor** tikto:kah sayoh na:wi wa:n tikitah *más** kuahkuali ki:sa. *Como siempre**, se:se: *metro cuadrado**. Wa:n ke:meh nochi, a:mo no: ..., ka:mpa ne: ke:man ya katka *más** takualka:n katka wa:n katka *barbecho** kita:lia:yah, *tayu:ntahwia:yah**. Ekintsi:n kita:lihkeh kahfe:n, ekintsi:n kahfentah. Ekintsi:n nochi... no:ya:n take:s, ka:mpa eski titato:kah. A:mo e:... a:mo miak ko:ko..., n..., a:mo miakeh ok n' tato:kah *barbecho o** tamaya:n Ka:mpa tamaya:n *más** mochi:wa wehwei sinti, *más** kuahkuali. Wa:n, wa:n *antes de** se: tato:kas, tikitayah ne: ke:man *abuelitos**, kipia ke t'tahtanili:skeh n' ta:lmanik n' totio:tsi:n, n' to..., tu..., ton..., tona:ntsi:n ta:ltikpak, tiktahtaniliskeh iwa:n totio:tsi:n ke n' tato:k tein t'ta:li:tih, ¡Mah *te:chservi:ro**. Mah a:mo kalaki n' a:mokuali. Nochi na:wka:n, kiliah n' koyo:meh *cuatro puntos cardinales**, koyo:meh kilia:h. Pero tehwa:n tikiliah na:wka:n, na:..., n..., kiliah n' okseki na:wi ..., ma:se:walmeh, na:wi oli:n. Mahyá: n..., mahyá: na:wka:n tachialo:tok. Wa:n i:n na:wka:n, yo:n tao:l, tehwa:n tikiliah tsi:katsi:n, tao:l chi:chi:ltik yo:n ta:..., yo:n tao:l ta:kat. N' ta:kat yehwa *más** chika:wak. N' ta:kat kipia *más valor**. N' ta:kat ke:meh .... N' ta:kat *más** chika:wak, i:n na:wi *esquina** tikta:lili:tih yo:n tao:l, yo:n *matas** na:wka:n, de tsi:kat. Kipale:wi:tih n' okseki siwa:meh tein ta:kitih kalihtikpa. Pero *antes** t'to:kaskeh nimitsilihtoya, tiktahtanili:skeh n', n' ta:lmanik ika se: tane:xtsi:n n' kalihtik, ika popo:ch wa:n se: tio:tahto:l. *Porque** n' ta:lmanik yo:ltok wa:n komo a:mo t'tahtanilihkeh, mochi:was, pero a:mo iwki. *O una vez** tikchi:wkeh ya i:n, tikwi:kah t'to:katih ya. Kasá: ika *santa cruz** kita:liah, se: tatahko de mi:lah, se: *cruztsi:n** de xo:chit, *santa cruz**, *cuando** mi:l mia:watitok A:mo teh tatekipachowa. A:mo wetsi n' ehekat, a:mo kima:toka. Kasá: ika a:mo kel..., kasá: ika kelka:wa A:mo semi niwel tio:tahto:l. Mmm, a:mo niweli, a:mo no: niweli *porque** a:mo nochi tiwelih n' tio:tahto:l, a:mo teh t'chi:wah kue:ntah. *Entó:s** t'mattokeh yehwa yo:ni, wa:n a:mo sayoh para mi:l, *cualquier** tato:k, tik..., tik.... N' ta:l yo:ltok, n' ta:lmanik yo:ltok. ¡'Nohno:tsa! ¡'Kilwi!, "Teh tato:k nimitsta:li:ti, para *tiservi:ro:s**. ¡Xta:kis para *tine:chservi:ro:s**. ¡Xta:kis para takua:s *nofamilia**, para takua:s..., takua:skeh notapialwa:n, para tinochi:n". Koma:mo, yo:n tato:k iksá: a:mo chi:wi. Ya nimitsilia tikto:kah, wa:l se: me:tstika tikme:wah ya, tikiliah mi:lme:walis. *Siembra**, ah. *Después** mi:lme:walis, *después** tata:lwi:lis. Nochi i:n, kihtowah no:, nika:n *costumbre**, no: igual titekitih ika ma:noh, seki ika ma:noh *mayoría**, seki ise:lti. *Pero** nika:n *importa** ompa takua:s. Nika:n i:n tekitikeh de mi:l a:mo wel maya:mpano:s. Komohkó:n maya:mpano:k i:n tekitikeh ke:man tekititoya mi:l, n' tao:l we:wehka sah kipia, ihkó:n, a:mo pexo:ntok. Kine:xtia n' sinti ke:man ta:ki ke i:n ta:kat maya:nak. Mm, maya:nak. *Entonces** kipia ke eski nika:n, kuali takua:s, a:mo maya:ntos tekitis. Ne: ke:man *importa** kita:wa:nilia:yah, tami n' tata:lwi:lis kita:wa:niliah, tami n' tato:kalis kita:waniliah. N' tato:kalis *importa** tikua:skeh we:wehcho *molito** , kuali tapalo:l. Tata:lwi:lis *igual o** nochi *pues**. Tapixkalis, n' tapixkalis, *este, con mayor razón.** Pero *antes de** tapixkalis tikiliah takelpacho:lis. N' *dobla** kiliah pos, ne:n takelpacho:lis. Yo:n *cada quien** takelpachowa. *Cose:cha** ya, agosto. T'kelpachowa wa:n *igual**, eh, *Cuando** n' ta..., tapixkalis, *cosecha**, tikua:skeh *molito**, to:tolin *costumbre pues**. Wa:n nochi:meh kintamakati:wih ompa, ompa takua:skeh. Mahyá: kiliah n' koyo:meh se: *convivio**. I:n tehwa:n tikiliah se: ilwichi:walis. Ilwichi:walis de totato:k, nochi:meh onkak ilwit *pues**, onkak *cosecha**. Nochi i:n para tehwa:n n' to..., n' totao:l, se: tomo:staya:n, *como que** se: tamahse:walis de totio:tsi:n, *sagrado** i:n. Tehwa:n a:mo wel tikxokolti:skeh n' tao:l. Nika:n a:mo wel tiktamo:taskeh .... ¡Se: tao:l wetstos ta:lpan, *porque sagrado**, a:mo wel ti(k)tamo:taskeh n' taxkal, *sagrado**! A:mo tika:wilo:skeh. A:mo weli, eski *aprovechable**, eski *parejo**. Komo xokoyak n' taxkal kipia kikua:skeh tapialmeh. A:mo wel pala:nis *porque** tayo:koya n' tao:l. Wa:n komo tayo:koyak n' tao:l a:mo mochi:wak. Ehkos to:nal tehwa:n a:mo teh tikua:skeh ok, a:mo teh toni ok. N' koyo:meh a:mo, koyo:meh yehwa:n ke mah... kitatiah, kitamo:tah, ka:wilowah, kipala:ntiah. Koyo:meh a:mo tamatih. Wa:n *por eso** ma:se:walmeh, n' tao:l, para n' tao:l, yehwa taeka:ntok Ika tsikitsi:n tahto:l . Se: t..., ta:kat *o** siwa:t *hech..., hecho de** nakat. Yo:n *cristiano** tahtohtok porque takuah. ¿Ke:(yeh) mihto:tihtok? *Porque** takuah. ¿Ke:[yeh] ma:wiltihtok? *Porque** takuah. ¿Ke:yeh kuala:ntok? *Porque** takuah. ¿Ke:yeh n' eliwisti? *Porque** ixwitok. *Gracias a** n' tao:l, n' kristia:noh kichi:wa n' tein moneki wa:n tein a:mo moneki. Ah, neh nimono:tsa Antonio Salgado Isabel, ompa nikayo:t nika:n San Miguel Tzinacapan, Xo:pana:ko.