Onkak *cuando más** nitamattia:ya ya, *más** nitamattia:ya ya, ta: noa:weli:tah nemia ok, niki:xmat ok. Yeh nochi, a:mo ke:man teh kikowayah, nochi kipiayah, *lo que** tein a:man tehwa:n nochi tikowah, yehwa:n a:mo kikowyah, kipiayah nochi. Ke:meh nejó:n *panela**, yehwa:n kipiayah, a:mo kowayah tei, ke:meh ne:n et kito:kayah, ke:meh chili:toh no: kito:kayah, ke:meh n' *ajojoli:n parejo** kito:kayah. Nochi, nochi *lo que es** tein totakwal, tein nika:n tehwa:n tinemih tikmahse:wayah, a:mo [ki]gasta:rowa:yah nió:n se: *peso**, sayoh [ki]gasta:rowa:yah *intrabajo** tein tekitiah. Tein tekitih wa:n ompa ki:stiw a. Ki..., kichi:wah ne:n *panela**, kinamakah, ika mopale:wihtiowih ya. Kito..., ki..., tame:wah, kito:kah etsi:n, kichipa:wah wa:n kinamakah, ika mopale:wiah nochi a yo:n. Pero yehwa:n a:mo ke:man kikowayah tei, nochi ompa mochi:waya sah, pero yehwa yo:n tiknekih ekintsi:n mah, mah *ojalá** kwal..., kwali sepa tikchi:waskiah ok *porque** ekintsi:n pos *casi** nochi tomi:n ya tiknehnemi:ltihtokeh *por eso** tikmatih ya ekintsi:n ka:nachi, ka:nachi ipati:w teisá: timokowiliah wa:n ne:ka a:mo tikmatiah ke:man ka:nachi *porque** tikpiayah *a la mano** nochi. Tote:iskaltihka:wa:n te:chiskaltihkeh pero motekiti:ltihkeh achto, kipiayah nochi toni tikmahse:waskeh pero n' a:man a:mo tiwelih ok. Oksé:, para se:, se: *danza, cuando** pe:was se:, se: monechiko:s, pe:was kinekis momachti:s nejó:n *danza**, kinehneki, welis, sayoh mah kinehneki n' okichpil. Mah kinehneki mihto:ti:s wa:n kineki kite:makas i..., *idevoción** pos yo:n kipia ke yeh ya:s wa:n ika itanemili:lis ka:nika mokalaki:s. Pe:was kinitas ka:ni mosentiliah wa:n ompa ne: ya:s wa:n kinili:s ke "neh no: nikneki ni..., nikchi:was *lo que** tein nankichi:wtokeh, no: n'neki nitapale:wi:s, ox nankinekeh". Kihto:keh, "ke:mah". Pos mokalakia ya nejó:n. Kipia ke momachti:skeh ka:nachpa para ne: ahsiti n' ilwit, achto ok mone:xtiliah, ke:ní:w, para ke *cuando** ya:skeh ya ip..., i:xpan ne:n towe:itahtsi:n, a:mo momachtihtoskeh ok, kimattokeh ya toni kichi:wah. Ke:meh neh nimihto:tia:yah *toreadores, cuando** neh n'nemilih ke nimokalaki:s nejó:n *danza de toreadores**, neh nikihtoh nimihto:ti:ti, a:mo nikneihto:tili:ti se: *persona**, sa[no]ke nimihto:ti:ti para n' towe:ina:ntsi:n, *virgen de guadalupe porque** ompa ninemia ne: ka:mpa yeh tahpia wa:n ni..., [ni]kihto, pe:wak timotakowiah ya, timomachtihkeh, tiwelkeh, kitaxta:wihkeh ne: *maestro** tein tatsotsonaya, wa:n te:chmaxtih *hasta cuando** ahsik a *fiesta**, yo:n ahsik a *fiesta** ti..., titio:pankalakkeh wa:n timihto:tihkeh. Pero a:mo sayoh *porque** timihto:tihkeh *sino que** yo:n kipia se: iwi:kal no:, kipia se: kwa:kwehtsi:n wa:n yo:n kwa:kwehtsi:n yehwa tikneihto:tiliah. Yehwa yo:n *por eso** kilia *toreadores**. Wa:n ke:mah yo:n ti..., [ti]pe:was timihto:ti:s, si..., achto ximo..., tikiliah tehwa:n ximo..., ximomachi:yo:ti *cuando** pe:wati timihto:ti:ti. *Porque** a:mo timihto:ti:ti sayoh wa:n ihko:ni sah, *sino que** tikna..., nemawistili:ti ne:n tahpixkeh a:kin te:chchi:x..., [te:ch]pixtok. Entó:s tipe:wah timomachtiah, nochi timomachtiah *cuando** pe:wa kimiktiah kwa:koweh, *cuando** pe:wa kitore:arowah, toni se: kichi:wa. *Primero** kitorea:rowah, nochi n' *toreros** nochi panowah, kineihto:tiliah. *Último** kineihto:tilia ya *vaquero** wa:n ne:n *poblano** *porque** yetokeh aha:konimeh no:, *caporal**, yehwa tein ki:xyeka:na ne:n nehto:til . *Delanteros** kiniliah tein ni:nipaka moketsah, se: moketsa *mayoral**, se: Juan Poblano wa:n tein *caporal** kitohtokatok *marinquilla**, komoke yehwa isiwa:w. Yehwa yo:ni ki..., kipia n' *grupo** wa:n ompa kitohtokatok yehwa ne:n kwa:kwehtsi:n tatahko, n' okichpil, kilia kwa:koweh *toro** wa:n ompa ke:mah yowi a n' *vaquero. Vaquero** ke:meskia *caporal** no:, ke:meh no: *caporal** wa:n ke:meh *vaquero porque** yehwa nochi kin..., kikwida:rohtiw kwa:koweh. Ta:ka:n ki:sasneki, ya:sneki ka:sa ika wi:n pos yeh kiki:tskia. Entó:s ne: yo:n nochi tikchi:wah, kitore:arowah nochi n' *toreros**, panowah nochi:n, *caporal, marinquilla**, nochi kipia *icontenidos**, sepa ne:n *mayoral, poblano, toreros**, ma:tamih ya, *último poblano**, ompa neh, ne:n to..., *vaquero**. De *vaquero** kitamimata:rowa ya, kimiktia ya, ki..., iwa:n *poblano** wa:n ke:mah kili:tih ya *caporal**, "ekintsi:n" kilia "tikmiktihkeh kwa:koweh". Kilia, "we:noh, pos xikte:mo:ka:n, kiliah ne:n koyo:tahto:l *gala** nochi ki..., kitahtaniah ya nochi n' *toreros** mah kimpale:wi:ka:n ke kimiktihkeh n' kwa:koweh. Pos ompa kitayo:koliah *lo que** tein weli, se: ne:ska:yo:t se: kichi:wa sayoh, entó:s yo:n nochi te:ilia mah se: kinamaka ne:n ie:wayo, tiktaminamaka ie:wayo, tiknamaka nakat, tiknamaka nochi, *mismo** yo:n tein mihto:tiah ompa se: kini:xpantilihtiw. Tiktamimiktia ya, nochi tiknamaka nakat, tikchi:wa ya, tikreparti:rowa nochi. Nochi ke:meh yetok, nochi tiktohto:ka:itia kehke:ní:w mono:tsah, tima:tami yo:n, entó:s tein moso:bra:rowa ne:n n' tomin tein tiknamakak nochi yo:n kwa:koweh tik..., tikili:ti a ne:n taeka:nkeh, yehwa n' *caporal**, tikilia ke tima:tan ya, entó:s mah moka:wa ok kit tein para n' omit . Pero yo:n omit tikiliah mah moka:wa sikie:ra para ika titai:skeh se: tsope:ka:t, entó:s kihtowa "pos xitai:tih se: tsope:ka:t". Entó:s se: konilia ya mah te:ch..., mah te:chwi:ka ne:n mosiwa:w, mah iwa:n titai:tih se: tsope:ka:t. Pos yeh no: kite:maka, pos sayoh "xi...," kihtowa "xikwida:ro:ka:n a:mo nankipano:lti:skeh de n' tai:s ne:n a:t". Tikiliah "a:mo", sanoke tikwida:ro:skeh. Entó:s de yo:n tami a nochi yo:n tein tikchi:wah, ti..., tatamih, de tami a yo:n, tikchi:wah se: neihto:ti:l, se: kiliah tein se: newal..., neyewalo:lis, ompa ika se: kiremata:rowa yo:n tein kwa:kowmikti:lis. *Después** de yo:ni tima:tamih, ke:mah ki..., te:chwa:ntih se: *taquito** ompa ne: ka:mpa ... ta:ká:n tiowih mayo:rdo:mohko. Entó:s kipia ne:n *marinquilla**, tein kiliah isiwa:w *caporal**, yeh kipia ke tahtanis istatsi:n, kipia tahtanis se: *vasito** de a:tsi:n para ke e..., ka:mpa yetok kwa:koweh ompa kita:li:s nejó:n. Para ke yo:n se: ne:ska:yo:t toni ne:n ... *porque** se: kwa:kweh ki..., tai a:t, tai ... Kikwa istat, entó:s yo:li:k se: kita:lilia se: *iofrenda** mahyá:. De nochi yo:ni ne: pos tik..., [tik]te:ma:ktiah nochi ompa yo:n tein tik..., tikmatih, *después** timihto:tiah se: *son** ok *o** o:me *o** e:yi, ta..., tein *lo que** tiweliskeh pero *cada son** ki..., kipia n' i..., iwi:kal nochi ke se: kipia relación de n' caporal**, kipia nochi *cada mayoral, poblano**, nochi kipia yo:n *icontenidos, a:mo sayoh iwki sah. Yehwa sah.