Iwki a. Ta:tah pos ekintsi:n x'te:chtapowi ne: tein tikihtowa:ya ke:ní:w ne:n wehka:w mo..., tonika mota:lia:yah ta:tahmeh. *Bueno**. Entó:s sepa name:chili:ti ke:ní:w ne:n wehka:wta:tahmeh mo..., yehwa:n *moservi:rowa:yah** wa:n a:m..., *cuando** yehwa:n nemiah wa:n no: tikitakeh ok seki wa:n no: tikpano:keh ok nohjó:n ke:ní:w. *Este**, ihwak pos pe:wak tikitah i:xpoliwtiwi:ts a ke:meh i:n itech i:n xiwit *de año setenta** *todavia** ne:si a ok wa:n ka:sá: ne:sis ok pero, a:mo, a:mo miak ok. Ihwa:k, *este**, tiahsiah, timokalpanowa:yah wa:n te:chna:nkilia:yah, te:chilia:yah [mah] tikalakika:n, [mah] timose:wi:ka:n. Pero niman kiwa:lkwitih, [mah] timota:li:ka:n itech yo:n kil..., kito:ka:itiah oh..., ohtakaba:yoh, ohtakaba:yoh. Wa:n ompa yo:n *pues** komo ke a:mo, tikiniliah pi:pil ekintsi:n pané: kimana:lmatih , komo ke a:mo kineltokah ok, kihtowah ke toni nikilwihtos kownalwat , ka:n kwaltsi:n. Pero ihwa:k ta:tahmeh nochi iwki mowi:kayah. Nikitaya ihkó:n kininsentilia:yah miak, ika to:nal a nohjó:n kichkwayah wa:n kiki:xtia:yah nohjó:n ohtat ka:mpa onkak, seki chihchikwase:n imets, seki nahna:wi, seki mahma:kwi:l. kwaltsi:n kichihch..., kichihchi:wah, kim..., kimanisti[li]ah seko wa:n seko no: wa:n kalaxowah nochi nalwat tein wehwei nalwat kipia. Wa:n komo ke no: imets a, yehwa yo:n *cuando** se: kinkalpanowa:ya pos yehwa kwa:lkwitih. Ximota:li. Wa:n komo se:, teisá: nechiko:l kichi:wah pos nochi yehwa itech timota:li:skeh koma:mo kichihchi:waskeh se:, no: *banco** ya, no: tikihtowa:yah telkwali *banco** ya. Se: de xo:no:kwowit, we:i ihkó:n kit..., kitehtekih, kwaltsi:n kixihxi:mah wa:n kimehmetstiah. Wa:n koma:mo kitapechtia ika tet para ke:meh se: mota:li:s sah. Yehwa nohjó:n kikwiah. *Después** pos tikitah miak poliwtiw a *porque** ke:yeh, *este**, a:mo kwelitah ok. Teisá: nechiko:l kichi:wayah ihkó:n teisá: *compromiso** nochi yehwa t..., itech timota:lia:yah wa:n na:nahmeh pos ihkó:n, ihkó:n nochi yehwa itech mota:lia:yah wa:n *cuando** ihkó:n te:chilia:yah mah tikwa:ka:n se: taxkaltsi:n pos timota:li..., titakwah ya pero a:mo te:chkechili:ki:wih *mesa**. Ihkó:n ta:li:xko tiketsaskeh to..., tokaxtsi:n, tikiliah *mexicano** kaxit, ekintsi:n tikiliah *plato**. Pero a:mo ke:meh ekintsi:n onkak miak taman *plato**, ihwa:k 'kwiah sokikaxit. Sokikaxtsi:n, ompa ne: titakwah ya, ta:lpan wa:n ihkó:n ya *hasta** tixwih. Tasohka:matih. Wa:n iwki a sepa taololowah na:nahmeh wa:n se:, ma:s[ki] se: ta:tahtsi:n wa:n sepa ihkó:n timota:liah itech nehjó:n ohtakaba:yoh wa:n oksentaman, *este**, chi:kikiskowba:nkoh kichihchi:wayah, wa:n xo:no:kowba:nkoh. Kitekiah de i:n *tanto** de we:i koma:mo kikwadra:dohxi:mayah sentapal wa:n sentapal no:, e:yi, e:yi *parte** wa:n tatampa kichkwayah *como ke cajón**, kitapachowa:yah wa:n kita:[li]lia:yah ima:y komo ke, kikwiah ihk..., ihkó:n wa:n ximota:li itech, ta:li:xko. Ihkó:n no: kichihchi:wayah de n' xo:no:kowit wa:n ihkó:n no: kichihchi:wayah de ne:n chi:kikis. Ke:mah, ihko:ni. Wa:n nikitak ok no: wa:n no: itech nimota:lih ok yo:n ohtakaba:yoh wa:n yo:n kow..., kowba:nkoh, kowba:nkoh tikilwiah. Pero se: *señora** nika:n nemia, nika:wí:n por talwiah Taxayakatitan. Yehwa kikwia *banco, legítimo** tet. Se: *tiempo, este**, xa: nankimatih a nohjó:n nemiah, *este**, tikilwia:yah tapahwia:nih de n' kalmeh. *Este**, nemiah wa:n neli ke:meh aya:mo timoi:xmatiah tehwa:n wi:tseh okseki:n de wehka tikimo..., seki tikimowil..., tikimowiliah *o** timoitayah ne: tsahtsitiw, cho:ka, kinimowilia koyo:meh ke te:kwa:tih, *o** te:wi:katih. Pos kiniwi:katinemiah, ihwa:k *nohermano** katka, *este**, kihtowah ox, kihtowa ke to:pi:leh katka de nika:n Presidencia San Miguel, *porque** ihwa:k onkayah nohjó:n nochi, a:xka:n nochi koto:nik a. Entó:s, *este**, kineka:ntinemiah para matiskeh. Ahsikeh ompa, tano:tsatoh, kina:nkilihkeh. Kiniliah ox taki:xtihkeh ya *inincosas** nochi para tapahwi:tih *porque** yehwa:n a:mo kipahwi:skeh tein *lo que es** se: kikwi. Se: ia:ya:tsi:n *o** kochpetat *porque** ihwa:k tikwiah kochpetat, de owapach, de owat, a:mo tikwiah *cama o tabla**, a:mo, a:mo tik..., a:mo tiki:xmatiah yo:n. Entó:s, *este**, kilwihkeh ke ke:mah, titaki:xtihkeh ya, nehyó:n, tein *lo que es** kowit kit kiliah tikpahwi:tih, ke ompa mokalakiah okwilimeh. We:noh. Entó:s ne: pe:wak tapahwiah ya, *nohermano** ompa ne: kinitstok. Entó:s nochi kipahwihkeh kali ihkó:n, nochi ke:meh etok taihtik wa:n pe:wak kitsi:ntokiliah ya ne:n *ibanco**. "Mah tik..., mah tik..., mah tikpahwi:ka:n *porque** kikwis okwilimeh". "¡Ay dios!, ta:tameh", kilia, "neh a:mo teh noba:nkoh". "¿Pos mobanco**?" "Yo:n yetokeh, *puro** tet." *Nohermano** kitato *puro tet** kihtowa "komo de a *veinte, de a cuarenta kilos** ihkó:n tekpa:ntok, sa ahalaxtsitsi:n no: kihtowa, "Pos tak *tiempo** ya itech mota:liah. Pos nohjó:n *señores**, kihtowa, kahwate:wkeh. Kiliah, "A:mo, a:mo i:pa a:mo tiweli sake:ra de kowit xi..., mah kixihxi:ma *moseñor**", kit kiliah, "tet tikwi *o** tikxi:kowa tikahchi:wtinemi". "Wa:n a:mo *tanto más** xine:chnohno:tstoka:n", kit kilia, "nane:chkwala:ntiah", kit kinilia, yo:n *señora**. "Neh name:chilwih ya ke yehwa neh *nobanco**, ta: *nipobre** ka:n nikpia para nikpias kwali kowba:nkoh." Pos iwki yahke nohjó:n tapahwia:nih. *Nohermano** kwali kitato. Ihkó:n nohjó:n, kikwiah tet wa:n yehwa name:chilia xo:no:kowba:nkoh wa:n de n' chi:kikis wa:n de n' ohtat. Ke:mah. *Después** pe:wak ne:si a ne:n *banco** de nehjó:n tikiliah *silla** de kowit *o** ihkó:n, seki pe:wak kichih..., mochihchi:wiliah ya, de ke, mah ki..., *tabla** kitehtekih ma:ski *tablita, hasta** a:xka:n *más** mopatak a. Ke:mah. Nohjó:n poliwik a yo:n, a:mo kanah ok. Ka:sá: a:chá: yetos ok. Wa:n nochi n' kali pos, kitsi:ntsakwayah ika kowtsitsi:n, ika ke:meh ne: ohtat tikiliah, taxahxama:ni:l. Wa:n takalte:ntsakwayah, *este**, soh kikwa:kahkalakia:yah sah ka:n mo..., teh..., *candado o**, kilpi:skeh *porque** a:mo tachtekiayah tak. Pero a:xka:n mah nitaka:wte:wa soh nikwa:kahkalakihte:wa ke:meh weli a:mo, pos nikahsiki:w kali pero tein yetos kalihtik a:mo nochi nikahsiki:w ok. Niman kiki:xti:skeh seki:n, *porque** ihwa:k a:mo, a:mo *malos** katka. Ke:mah, nochi yehwa yo:n kikwiah ta..., kalte:ntsakwil, xo:no:kowtsi:n kixihxi:mayah *o** yehwa chi:kikis *o** yehwa n' ohtat, kikwa:kahkalakia:yah sah wa:n kihilpi:skeh ika komekat *o** ika xo:no:t wa:n iwki a. Wa:n ne:n tapayo:t kita:lia:yah pos ne:, a:mo ke:meh a:xka:n tiki..., tikwih ka:sá: ne: kowtasierrahwi:l, ta: ihwa:k kikwiah yehwa nochi ta:rroh kixahxama:nia:yah. Ihkó:n kita:lia:yah para ompa tata:lia:yah *incositas** ahko. Ke:mah, mowi..., mowi:katia:yah *deve..., deve..., deveras de pobres**. Ke:mah. A:xka:n a:mo ok, poliwik a yo:n, mm. Pero neli pos a:mo *mose:guiroh**, tikitah neli tite:ch..., ihkó:n ka:mpa titekitiah, te:chwi:kilia:yah yehwa nehjó:n *atolito** wa:n koma:mo ahsi *platito** pos titakwa:yah ika pahpataxo:chit. Ta:li:xko. Tikte:mowa:yah wa:n iwki titakwa:yah, ke:mah. A:xka:n a:mo ok. Nochi koto:nik yo:n wa:n poliwik pero pos tein t'mattokeh, t'mattokeh ok. Mm, ke:ní:w titahyowihkeh, ke:ní:w tipano:keh. Tein te:ch..., te:chne:xtilia:yah tote:iskaltihka:wa:n, mm, ihkó:n yehwa nohjó:n. Wa:n de ne:n okseki de n' nan..., nan..., nankihtowa:yah de n' wito:n pos yeh, yo:n o:me taman no:. *Bueno este** yo:n sa:te:pan tikitaskeh de ne:n wito:n, ekintsi:n, *este**, para *bueno, este**, 'sentokaskeh ika i:n tein tite:chnohno:tstok, tikihtowa ke ..., pos ne: ke:man, *este**, kikwiah nochi sokikaxit wa:n tein ika taya:yah teisá:. Pos ika taya:yah ne:, komo *atolito o** ne:, *este, cafecito** pos ihwa:k nochi kitekiti:ltia:yah *panela** nochi, yehwa ne:n onkayah seki *tazahmeh** de sokit no:, seki ihko:ko:n kilia:yah, no: kilia:yah chi:nahta:sah de sokit, ke:mah. Koma:mo yo:n *jarritos** onkakeh ok, yehwa ika mitswa:ntiskeh wa:n ihkó:n *porque** nochi ihkó:n se: mowi:ka a:mo, a:mo sayoh se:. Por eso ka:sá: ihkó:n nikita ok tinemih wa:n te:chwa:ntih teisá: ika pos a:mo wel se: kinehnemilia *porque** yo:n de n' *antigua**. Ke:mah, *todavia ki..., kisegui:rowah** ok ka:sá: pero a:mo miak ok. A:mo ok, semi o:me e:yi:n ya sah. Ke:mah, yehwa nohjó:n tikwiah. Wa:n no: kiwi:kayah tapalo:ltsi:n pero ika ko:mit. Se: ko:mit, koma:mo kikowayah tein ma:yeh ya, kikwa:ytia:yah ika xo:no:t. Wa:n kwi:kah ya na:nahmeh. A:mo ke:meh a:xka:n n' kwi:kah *olla** de tepos, te:ntsaktok kwali, *o** kwi:kah *cucharas** de tepos. A:mo, ihwa:k a:mo. Ko:ntsi:n, tama:mah wa:n kitkih ne: ka:mpa, ka:mpa ne: se: tekitis. Semi no: se: kwi:kas, se: no: kwi:kas taxkal komo se: miakeh, se: n' tapalo:l. Ke:mah, ihko:ni, mm. Yehwa yo:n nochi ika te:ch..., techne:xtilihkeh pos tein tikmattokeh a:mo tikelka:wah, ke:mah. Ompa titakwa:yah kowtah wa:n pos komo tikele:wia:yah a:tsi:n pos, komo onkak ne:n a:me:yala:t tikiliah pos yeh titayih wa:n koma:mo a:ichkwala:t, ma:ski ka:mpa tayih kwa:kwemeh tikwitih wa:n titayih. *Por eso** a:xka:n kihtowah seki nikaki, mitschi:wili:s *mal**, a:mo xitayi pero pos, se:, ekintsi:n se: *tiempo** tietokeh *más** takokolisti. *Porque** a:mo tikitah *tiempo** ke:ní:w wa:lahtok, de n' ahko, xa: wetstok kokolis itech n' a:t. *Por eso** titayih ya nochi achi chipa:wak a, koma:mo tamolo:nti:l , pero se: *tiempo**, ihkó:n nohjó:n, mm. Tikihtowa ihwa:k a:mo kikwiah *cuchara**, ne:n a:mo kwi:kayah *cuchara** n' kowtah. ¿Ke:ní:w kite:kayah n' tapalo:l? Pos kwi:kayah pero a:mo teposkucha:rah. Kowkucha:rah, ke:mah, ika kowkucha:rah. Ke:mah, ihkó:n. Kite:kayah ika kowkucha:rah, onakakeh ok a:xka:n nohma, nohjó:n xa: nankitah no:, kowkucha:rah, yehwa ika kite:kayah n' tapalo:l pero de tepos a:mo. A:mo tiki:xmatiah, ke:mah. Kahfe:ntsi:n *lo mismo** ki..., *como siempre** nohjó:n xi:wah de xi:kal, kikwih ok. Onkakeh ok. Pero para nikihto:s *este** tepos a:mo teh ne:sia, ke:mah, mm. Ta: ka:n teisá:, *este**, tikelna:miktos ok tein yo:n ihwa:k kikwiah wa:n ekintsi:n a:mo kikwih ok ke:meh yo:n kalihtik tinemih. *Pues** pos ihwa:k, *este**, pos ekintsi:n tein a:mo tikwih ok pos miak taman i:xpoliw a tein ihwa:k kikwiah. *Porque** ihwa:k nochi ika tamolo:ntia:yah na:nahmeh *puro** ko:mit, *puro cazuela**. Wa:n tiko:mit pos a:mo kikwiah ke:meh a:xka:n nohjó:n kininamakah, de yo:n de *varilla**, kite:mowah e:yi tet, koma:mo xa:ltet, texkaltet tein a:mo tapa:nis. Wa:n ompa ne: tachkwayah tepisti:n wa:n kipalankia:yah se: ko:ntsi:n para ka:mpa mochi:was n' kownex wa:n tekol para taxo:taltia:yah ya. Ihkó:n nohjó:n kichi:wayah, ke:mah. Wa:n a:mo kikwiah a:xka:n nochi ne:si koma:l de tepos, ta: kikwiah *puro** de sokit. Wa:n ompa ne: pos kokxitiah ya n' taxkaltsi:n wa:n pos a:mo kix:matiah *molino** ke:meh a:xka:n *molino de motor o molino de mano**. *Tal vez** i:pa onkaya pero oksé: *lado**. Neh nikitaya *nomomacita** katka, *este**, kipaya:naya nextamal, kiketsaya ne:n tao:l, oksi, nikita kipante:milia:ya ne:n tenexa:t kimolo:ntia *hasta** ahsi *punto**, 'ki:xtia, kichia se:wi wa:n mo:stika *o**, mo:stika kikwi a *porque** a:mo wel kikwih toto:nik. Pero *cuando** tisia pos a:mo ke:man kitalo:xti:ti *molino o este** ki..., kipante:ntok itech *molino de mano** tein tikpa:palakacho:skeh ika toma:y. Aya:mo onkaya. Pos tak onkaya pero a:mo x'mati ka:ni. Ompa ne: kite:maya metat i:xko. Ke:ke:ski, Ke:ke:ski, Kipaya:na wa:n ke:mah ompa ne: *cerca** kita:lia tiko:mit ompa kita:lih se: taxkaltsi:n pero ya: name:chilia, *este**, a:mo, a:mo ke:meh a:xka:n, ta:li:xko. Kichih..., semi kipiayah se: tankwa:pech ihko:ntsi:n kichihchi:wayah para ompa motankwa:ketsayah wa:n tisiah ya, ta:li:xko. Ompa nikitaya tisia nom..., noma:ntsi:n katka wa:n kita:lia:ya taxkal *hasta, hasta** nochi tein ke:meh te:chahsia. Ke:mah, *te:cha:tende:rowa** kimanaya ne:n tap..., teisá: tapalo:ltsi:n tein, ihkó:n kiltsi:n *o** emoltsi:n *o** pio:tetsi:n. Wa:n te:chtamakaya. Tiowih ya kowtah komo tiowih kowtah, komo *escuela** pos neh niwi:tsa ya *escuela**, nitakwah ya. Ke:mah pero a:xka:n a:mo ok. Yo:n ihwa:k nochi yehwa ki:xmatiah ihkó:n moi:xmattoyah na:nahmeh. A:mo, a:mo kisakayah, *este**, n' a:t nehyó:n ika, ke:meh ekintsi:n ehko sah kalihtik, tikpiah *llave**. Kisakayah pero pos ika tso:tsokol ke a:xka:n name..., name::chilwih, *este**, a:mo a:me:yal, a:ichkwala:t kikwitih wa:n kisentiliah wa:n no: kisentiliah a:mo ke:meh a:man nohjó:n te:ch..., te:chtekiwihtinemih tokni:wa:n ma:ski *hasta** te:chkwe:ntahtiah. Ihwa:k kikwiah mono:tsa ahpa:s. Se: we:i ihkó:n, nikita ka:sá: kipiah ok, ke:wtokeh ok. Ompa kipante:kayah n' a:t, kipexo:ntiah, yetok a inina:w. Wa:n kisakayah nohjó:n ika tso:tsokol no: nohne:l nohjó:n, no: iwki ihkó:n *tamaño** pero yeh nohne:l. Wa:n kite:ntsakwayah ika to:tomo:ch, kisentilia:yah wa:n kitili:ntiah wa:n soh mowita:tsowilia:yah, kima:ma:yah ya. 'kwiti n' a:t, kisakah. Ihkó:n nohjó:n kisentilia:yah wa:n komo kima:wila:na pos yehwa no: name:chilia ika se: ko:ntsi:n tein ma:yeh. A:mo moi:xmatia tepos, *plástico**, a:mo tiki:xmatiah. Nehjí:n *plástico** ne:sik aya:mo wehka:w, nikmattok a no: pe:wak ne:si. Nochi nohjó:n ika se: motsakwa *naylon**. Yo:n a:mo onkaya, ke:mah Nochi titekitiah, timotsakwayah ika kekexikilit *o** pahpataiswat wa:n ihkó:n tipanowa:yah, ke:mah. Nikmattok nohjó:n. Komo tiknekiskia kwali 'te:chtapowi:s teh ke:ní:w, *este**, ton chi:walis kichi:waya mo:má:n katka *desde** ke me:waya *hasta** tayow..., *este**, tayowaya wa:n iwki, *este**, pos tapoya:wia. kwali yetok. *Pues** nomoma:ntsi:n katka *pues** kwalka:n me:waya, te:chtixilia:ya, te:chkahfe:mania:ya, te:chtapalo:lchi:wia:ya wa:n titakwa:yah. Wa:n tehwa:n komo tinoh..., ik..., *cuando** tinohne:lmeh katka pos ompa ne: tima:wiltihtokeh *o** te:chahwaya *porque** ne: ke:man semi te:ahwayah *o** te:chkwetaxwia:yah pero, pos a:mo no: te:kwetaxwiah pero mah se: kikaki toni te:ilwiah. A:mo no: te:chma:ya ok, *lo primero** ke:mah, a:mo, a:mo se: ye:ktakaki pos i:pa ihkó:n ya para se: *kirespeta:ro:s** se: ite:iskaltihka:w. *Siempre** mah te:kwetaxwi a. Pero a:xka:n a:mo onkak tanawati:l ok yo:n. Te:chahwaya, te:chilia:ya, "Yehwa ne:, yehwa ne: x'chi:watih!" Ke:meh nopopa:sitoh no: nemia ok, katka ninohne:l. Teh ne:pa xitame:wati wa:n se: i:n mah kisa:saka kowit. Wa:n xietoka:n wa:n koma:mo nankichi:wah a:mo nantakwa:skeh. Ihkó:n te:chilwia:yah. *Todavia** nomomá:n de tamitisi a no:, nochi t..., tapahpa:ka ya. Koma:mo ta..., kipihpixkas sinti, tao:yas, *o** tapa:kas, *o** nexketsas**, tachpa:nas, *o** kihtsomas totilmahtsi:n *o** nopopá:n katka itilmah, *hasta* tayowas *o** nepantah pos sepa te:ch..., komo yetok taxkaltsi:n nepantah sepa te:chilwi:s, "Nantakwa:skeh nopiliwa:n, name:chtoto:nili n' taxkal. Soh a:mo teh tapalo:l, name:chixkili se: pio:tet *o** name:chmo:ltili chili:toh. Pos tamela:wa chi:l te:chmo:ltilia:ya, *líquido, verde**, chi:l, chi:l, chi:ltekpin. Tikwa:yah, tikahakia:yah, a:mo no: tie:ktakwa:yah pos koko:k. Timowetskilia:yah ti:kni:meh pos timi:i:xitah, a:mo teh tapalo:l. Tikwa:yah ke:meh weli wa:n topopá:n pos te:chitstok. Tite:ntamih sepa te:chilia, "Yehwa i:n, x'chi:watih". *Hasta** tio:tak. Te:chilia:ya toni tikchi:waskeh, tikchi:wah. Wa:n ne:n tomomá:n sepa mo..., kichi:wtok yeh toni ne: kipolowa. Komo kipolowa ok tachpa:nas *o** tao:yas pos yehwa kichi:wa *O** tapa:kas, kichi:wa ok *hasta** tio:tak. Koma:mo teh ia:w, pos kisakas ok para kikwis n' okyowatika kwalka:n, a:mo s...kisakatiá:s wa:n kikwitiá:s. Ke:mah ihkó:n nohjó:n. Semi owih nohjó:n mopano:ltia:yah *porque**, a:mo ke iwki a:xka:n. A:xka:n a:mo, a:xka:n komo tiknekih, *este**, teisá: pos nochi, nochi ihsiwka, ke:mah. Wa:n, *este**, yo:n ihwa:k, *bueno** ye:wa tikihtoh ika, *este**, a:mo, a:mo kochiah itech wapal. Ihwa:k itech kochiah owapach nochi, owapach. Ke:mah. Ki..., ki..., kix..., kiki:xtihtia:yah no: ne: ka:mpa n..., tita..., 'tapa:tskayah, *bueno** ne:h semi, semi ni:xpeta:n i:pa tapa:tskah pero ke:meh ninohne:l aya:mo nikimpale:wia:ya. Ne:ch..., ne:n nimos..., tepitsi:n niwe:yak de *ocho años** pe:wa nikimpale:wia ya. Nikitaya kiki:xtia:yah para n' itech kochiah, no: kiki:xtiah tein mehmela:wak, tein a:mo kohkotoltik *porque** a:mo kwaltia. Tein kohkotoltik a:mo kwaltia, para tatas, para *gasto**. Pero tein yo:n kiki:xtiah ya para ininkochpet *aparte** kixelowa:yah, ke:mah, kiwi..., kiwi:pa:nayah ika xo:no:t. Yehwa yo:ni. Wa:n *cuando** kochiah pos tikochiah ya te:..., te:chchihchi:wilia:yah sehsé:. Timotasowiah ya ta:li:xko wa:n tikochih ya wa:n yehwa:n no:. Ti..., time:wah, sepa tikehe:wah yo:n tokochpetaw, sepa seko tiketsah, mo:stah, mo:stah ihkó:n, mo:stah ihkó:n, mo:stah, A:mo ke:meh a:xka:n tikpiah *cama o** a:mo pero *fuerza** tikochpa:naskeh mo:stika de time:waskeh s..., tikchipa:wah *o, o** tikpatah de *una vez** *porque, este**, tikihtowah ke:meh te:chiliah tokni:wa:n se: mokokolismaka *o** okwilimeh mota:liah, wa:n *deveras** mah wehka:wa mota:lis:keh okwilimeh, ke:mah. Ihkó:n nohjó:n t'chi:wayah kisentilia:yah n' owapach para kochpetat, xo:no:t kehke:wayah. Iwa:n ya *servirowa:ya** para *panela**, ompa kikwiah ya, ke:mah. Ihkó:n nochi:n tekitiah, mm. Ekitsi:n no: tikihtowa no: ika, *este**, moneki se: kichipa:was ne:n kochpetat, koma:mo, *este**, mokaliakiah okwilimeh. ¿Ton okwilomeh ne: kwali mokalaki:skeh? *Pues**, nohjó:n kochpetat itech mokalakiah nohjó:n kiliah tepechokwilimeh *o** chi:nkismeh, *o** xopepemeh, *porque** ke:yeh pos koma:mo tikpatak niman. Mahyá: tamantia, de pala:ni a. Kikwi n' *polvo** wa:n a:mo, pos ke:ní:w tiki:xtili:ti ihtik. Ika nohjó:n monechikowa:yah ompa ya nohjó:n okwilimeh. Ke:mah, *por eso** kihtowa:yah achto telnemih tepecholuilimeh. Telnemih chi:nkismeh pero tehwa:n, tehwa:n t[i]mochi:wilia:yah *porque** no:hjó:n itech e:wiah nohjó:n, nehjó:n mahyá: tahsol owapach, ihko:ni. Ke:mah yehwa nohjó:n okwilimeh mosentilia:yah, mm. *Porque** ta:li:xko mochi:wayah wa:n pos a:mo poliwiah. Pero a:xka:n a:mo teh tikitah ok, ke:mah, ihkó:n nohjo:ni. Ta:ka:n teisá: tikelna:miki ok tein mokwia kalihtik yo:n ihwa:k, *o** nochi a. *Pues**, pos ke:mah ki..., ki..., pos na:nahmeh yehwa ne:n kikwiah ne:n ke:meh name:chilih ya metat nochi tiko:met, nochi name:chilih ya. Nochi tapalkat kikwiah de sokit, a:mo teh ke:ní:w wa:n ne:n tapa:kayah *sólo** yehwa poliwi pos. Neh nikitaya ompa ne:wí:n ka:mpa nita:ltikpaktik wa:n nikaki molwiah oksekin na:nahmeh, tapa:kayah a:mo kikwiah xapoh. Nikitak se: na:nahtsi:n ke:meh ka:n, ke:meh se: mahtakti *viaje** kitekte:wa chokonihxiwit wa:n yowi tapa:kati a:taw. A:taw, a:mo ke:meh a:xka:ntsi:n ne: kalte:noh tikta:liah ne:n tap..., tapa:kalo:ni, kwaltsi:n titachihchi:wah, ma:ski s..., tikihtowah *sencillo** pero t'sa:lowah sake:ra tet, ompa tikta:liah. Wa:n ihwa:k a:mo, kiwi:kah n' tilmah a:taw wa:n kitekte:wah i:n kiliah chokonihxiwit wa:n tapa:katih ya. A:mo 'kwiah xapoh. Wa:n xapoh onkaya no: pero kil..., kilwia:yah kostik xapoh kiliayah takwa:wak xapoh, nikakia moi..., ki..., kito:ka:itia:yah wa:n yo:n, sayoh yehwa, a:mo teh onkaya *más** xapoh. *Porque** a:mo t'matih ka:ni i:n xapoh *más** kichi..., kichi:wkeh *más** kinkwik talna:miki:lis para *más** miak taman ya. Ke:meh a:xka:n pos kihtowah seki tapati:yoh pos a:mo titahyowiah *porque** miak taman onkak. A:mo tikowaskeh *solamente** a:mo 'tamahxiti:skeh pero komo tikahxitiah *tocentavos** tikihtowah nikowati ne: wa:n nikwis yeh. Pos tikpiah ya, pero ihwa:k semi tahyowihkeh, neh nikitak ok ne:n, nikitak ok na:nahmeh, ihkó:n, no: kikwik ok nomoma:ntsi:n katka nohjó:n chokonihxiwit. Wa:n chipa:wayaya tilmah, a:it ke:ní:w kichi:wayah, ke:mah, yehwa yo:n nikitak nehwa, mm. Nochi a eski ke:meh ne: ke:man mowi:kayah, *este**, xa: tikelna:mikis ke:ní:w, *este**, ox i:pa tachihchi:wah kalihtik tokni:wa:n, ke:ní:w tachihchi:wayah. ¿Ika ne: taneltokalis? Ke:mah, tein i:pa de tachihchi:wayah pos *más** miakeh katka pané:, a:xka:ntsi:n pané: a:mo ok. Pos neh, neh i:pa, i:pa *completamente** i:pa titachihchi:wah de ni:xpeta:ntok kalihtik *hasta** a:man *tiksegui:rowah hasta** nopi:pilwa:n a:mo tika:wah yo:n, yo:n taneltokalis, ma:ski a:mo *seguido** 'tachihchi:wah, sake:ra *quince dias** pero tikpatatiowih n' xo:chit. Kitah tachihchi:wayah wa:n nemiah tokni:wan yo:n te:kahkaya:wah ki..., se: *vez** kikahkaya:wkah nopopasitoh katka wa:n yahka ne: se: ta:tahtsi:n de nika:n San Miguel, ya:ya, pe:wak ya:yawi, katka ni..., katka ninohne:l. Nikita yowi ompa mota:li:tih *tale:rohtokeh** wa:n ne:chilia ne:n noma:ntsi:n katka, de ya:yah ya wa:n ne: nopopá:n seko mota:lia. Ne: mopopá:n *loco**, ne: a:mo tamati ke:yeh, ke:yeh momá:n pos ne: kikahkaya:wah mah nehyó:n *desmático** mochi:wa. Wa:n ne: *isantitos** kinkalampi:xo:s kihtowa. Nochi te:chilia:ya tikni:meh, ki..., ti..., tietoyah nochi tikni:meh. E:, pe:wak kisenkwiah ya, kilia:yah ne: tein tamattokeh nokni:wa:n "¿P a:, neli timochi:wati tidesmático" "A:mo xine:chnohno:tstoka:n, name:chkwetaxwi:s". Ke:mah. Entó:s yo:n *señor** kikaya:waya kit ke mah mokalaki yo:n oksé: taneltokalis *porque** a:mo ke:man, a:mo ke:man i:xpoliwis. Mikis wa:n nochi pero e:yi to:nal de *sepul, kisepulta:ro:skeh** wa:n sepa wa:la:s. Mah a:mo *kisegui:ro** ke:meh ne: yo:n kitokatok, *porque** ka:mpa yo:n yetok mikis a:mo ke:man wa:la:s ok. Mah ki..., mah, mah kininkwi yo:n todio:smeh, yo:n a:mo todio:smeh, ta: *retratos** sah, *muñecos**, mah kinolo:chte:ma seko sah wa:n mah kinte:kili *gas** wa:n mah kintikwi:lti. Wa:n kinkaktoya *nomomasitah** katka, ye:kkwala:n. Entó:s se: *vez** yahki no:pá:n, yo:n kinkwi:lih n' a:mat, wehka:wak a ya:yahtoyah *des..., después** kinkwi:lih se: *libro** i:n *tanto** wa:n semi kipihpi..., kipihpiak tak nomomasitah katka ka:ni ke:wak. Yahki ne: no:pá:n katka a:it ka:ni. Kikwik nohjó:n *libro** no:má:n katka wa:n kitatahkotikota:lih, tatak. Ehkok nopopasitoh katka a:mo niman kitak, ekok kitamakak. Pero *cuando** kinemilih kite:mo:ti a wa:n tak kitaskia pero sayoh *a lo tonto** kitaskia, ka:n tai:xmatia, *porque antes** ta:tahmeh a:mo tai:xmatiah *hasta** ekintsi:n seki:n nemih ok *hasta** na:nahmeh. Pero pos a:mo mah, mah tikinma:lihto:ka:n *porque** ke:yeh, *fuerte** yetoya de tanawati:l de to:te:iskaltihka:wa:n, a:mo kinekiah mah timomachti:ka:n *porque** kihtowa, "Timomachti:ti , ta: xiow xitekititi. *Todavia** mitskwetaxwi:skeh ok". Tika:wah nemachti:l, titekititih pos ta: te:chkwetaxwia to:pá:n *o** to:má:n, pero yehwa:n a:mo ki:xmatih se: *letra**, ika nohjó:n, *este**, miak ihkó:n ok. A:mo kimatih, a:mo kimatih *tofirma**. Teisá: tikihkwilo:skeh *o** se: *cuentas** ke:meh i:n tikihtowah. Te:chkahkaya:waskeh koyo:meh, teisá: tikowaskeh *o** teisá: t'namakaskeh *[por]que** a:mo wel tikchi:wa *cuenta**, tikihkwilo:s *o, este**, tein se: kimati, seki se: itech se: iyo:lo se: kimattok a ne: ka:nachi ne:chmakati *novuelto o** ka:nachi ne:chmakati notomi:n tein n'namaki:ltih. A:mo moneki *lápiz**, se: kimattok a. Entó:s ne:, ehkok *después** ka..., ki:xahsik a ne: kite:mowa ya, ¿A:koni kitamo:t *nolibro**? Pe:wak tsahtsi, ne:, ¿"A:koni kitamo:t nolibro"? "A:mo n'mati. ¿Ox ne: tikpia *libro**"? "Ta: nika:n n'ta:lihka nehjó:n ne:chka:wilihtiki:skeh yo:n ta:tahmeh". "A:mo n'mati neh". "A:mo ta: nankitamo:tkeh". Pe:wak kinahwah nokni:wan tein ne:cheka:nayah. Se: ne: ke:man ya mo..., o:me:n ne: ke:man ya momikilihkeh. Pos pe:wak mihi:xitah sah. Pos nikita kikwito ne: *cubierta** ne:n no:pá:n katka wa:n pe:wak kimá: no:má:n katka. Tsikwi:nih nokni:wa:n i:pa wehwei:n ya, o:men, kinki:tskihkeh n' impopá:n. A:mo kika:wkeh, neh pe:wak nikowtsahtsi pos ninohne:l. Nikmowilih. Entó:s ne: kit..., ki..., kitaka:waltihkeh. "Entó:s" kilia "naniwa:ntitokeh sah namo:má:n, namehwa:n nankitamo:tkeh yo:n *libro** tein ne:chakakah ne: tokni:wa:n". "Tehwa:n a:mo tikmatih wa:n komo tikneki tikmatis timitsma:skeh ya". Pos iwki moka:w. A:mo sepa, tak, tak kinyo:lohpachoh, ke:ní:w yo:n, a:it ka:ni iniwa:n moahsik. A:mo sepa yahkeh ok yo:n tokni:wa:n. Pos pe:wak *kisegui:rowa** ya ne: sepa pe:wak tachihchi:wtiw, tachihchi:wtiw, te:chne:xtilih nochi ke:ní:w tikitayah, ke:ní:w *hasta** iwki *t'segui:rohkeh** tehwa:n. Pero neli yo:n tokni:wa:n para te:yo:lkehkepaskeh, te:tanehnektiah, kihtowah ke a:mo moneki se: tekitis ehko sah tomi:n, ke mosentilia sah tomi:n, ke a:mo .... Mah a:mo se: kineltoka tein se: ya..., se: ki..., se: kitokatok se: itaneltokalis . Wa:n a:mo ke:man te:kwis kokolis *porque mismo** dios te:ahchi:wili:s, [...] pos yo:n tak, ke:mah neli tak, te:ahchi:wili:s todios, neli ke:mah nikneltoka pero komo tehwa:n no: tik..., timoki:tskiah iwa:n, yo:n a:mo moneki te:ilwi:skeh yehwa:n. Pero de se: mikis, a:mo, a:mo neli kihtowah, timikis wa:n e:yi to:nal tiwi:tsa. Yo:n i:pa te:chte:moliah se: *trampa** sah, no: kinekih *inigente** mah kipiaka:n. Ke:mah, pero komo se: *kienten...,** se: kikakik pos se: kintohtokas wa:n koma:mo a:mo. *A la fuerza** a:mo, *tiksegui:rowah** ka:mpa tooh. *Porque** a:mo a:kin kimati *mero** ka:nika *mero** kwali, ka:nika kwali. *Además** ta:ltikpak nochi *tiiguales** sah, wa:n todios** se: n' ta:ltikpak, se: n' ahko, *iguales** sah. Nochi te:chistokeh ke:ní:w, toni tikchi:wtokeh, toni mochi:w..., toni kwali, toni ka:n kwali. Wa:n tehwa:n *mismo** tita:ltikpakcristianos** timokahkaya:waskeh, pos a:mo. Yo:nkes a:mo, kinineltokilia tein, tein tak semi *tonto** pero pos tehwa:n tikitah sah. *Porque** ne:pa ka:mpa ne: nita:ltikpaktik miakeh ya nohjó:n mokalakihkeh ke:m..., kwi:ka ke:meh *año y medio** ya. Ompa miakeh ya. *Por eso** se: *fiesta kichi:wah a:mo, a:mo monechikowah ok *porque** nochi moka:wilihkeh ya. O:me, e:yi, ompa ne: ke:meh se: na:wi:n ya sah, ma:kwi:limeh ya sah. Tein kitohtokah yo:n nechiko:l de n' taneltokalis tein tehwa:n tikwi:kah. Okseki:n se: *lado** ya, soh tachi:xtokeh. Pero pos tikitah pané: *lo mismo**, no: motsikwi:naltihtinemih, no: motekiti:ltiah. Wa:n tikitah miak i:xpoliwkeh ya wa:n a:mo ke:man ne:sih ok. A:mo neli tein te:chilwiah, te:chkahkaya:wah. Ke:mah wa:n *por eso** nikakik ye:wa ne: kihtowa i:n siwa:pil ke yehwa a:mo kwelita xolopihyo:t. *Deveras** ke a:mo se: kwelita mah se: ki..., mah se: kihto *lo que es** tein neli** *porque a veces** xolopihyo:t neli se:, *a veces** se: tamiti *oficina** ya. Wa:n yo:n taman ya. Ihkó:n nohjo:ni, ke:mah. kwali 'te:chtapowi:s ke:ní:w se: tachihchi:wa, ke:ní:w se: kipe:waltihte:wa, toni se: kikwi, *desde** se: kite:mowa. *Pues** se: tachihchi:wa itech ne:n *altar** totodio:swa:n tikiliah ka:mpa tokalihtiktsi:nko ka:mpa te:chpia todio:s pos *cuando** t'nemiliah titachihchi:watih, komo de yankwik kali pos *primero** tik..., tikitah ka:nika tikta:li:skeh n' kowit de n' *altar** ka:mpa nimo..., tikilpi:skeh xo:chit. Tikchihchi:wah ya yo:n, tikinta:liah ya to..., totodioswa:n wa:n tikte:mowah ne:n xo:chitaa:ketsal tikilwiah. Tikowah *o** tikte:wah ne:wí:n ka:sá: mochi:wa n' tein ka:mpa tikitah ka:sá: kowtah onkak, i:ksá: *tiempo** wi:tsa onkak tein kwaltsitsi:n wa:n ke:mah tikte:mowah ya n' tepe:xi:lo:t wa:n tiktekih ya n' chamakih. Tiki:xehekowah ke:meh ka:nachi kahsis, kahsis *veinte o quince o doce** pos, *este**, tik..., tikte:mowah wa:n de tikte:mowah, tikoho:meki:xtiah yo:n chamakih, tiktapa:nah wa:n tikilpiah sehs..., tikilpiliah sehse: *hilo** ne:n kowit, e:yi *lado** komo, komo na:wi pos na:wi *hilo**, ke:meh ahsis. De ompa ke:mah tik..., tikil..., tik..., tiktamitapa:nah ya nohjó:n xo:chit tik..., tikilpiliah ya ne:n tepe:xi:lo:t. Wa:n iwa:n ne:n chamakih tikilpihtiowih ya. Tikwihkontiowih ti..., *hasta** tiki:sah se: *surco**. Ke:mah wa:n ta:ká:n tikma:ma:nelowah pos no: tiki:xehekowah ke:ní:w mo..., motohtokas nis..., i:n tikiliah ista:k chamakih. *o** yo:n xokoyo:lchamakih *o** chi:chi:lchamakih *o** yehwa yo:n tata:wik, kowtah chamakih. De miak taman chamakih, ke:ní:w motohtokas para kwaltsi:n moitas. Entó:s tikchihchi:wah nochi, nochi tima:tamih, seko tima:tamih sepa seko tipe:wah. Wa:n ne:n.... *Primero** tai:xkwa:ko wa:n *después** tametsko, tikinte:mowah o:me tein *parejos** tikihtowah tikinkechpilo:tih nehjí:n, tein taeka:nte:was para paratani a, tikinte:mowah no:. Tik..., tikilpiah ya, tikechpilowah ya, tikilpiah ya, t'ta:lihtiowih ya n' tepe:xi:lo:t *hasta** tani ki:sati. Sepa sentapal sepa tikwih *hasta** tani ki:sati. Wa:n komo *sobra** nohjó:n xo:chit yehwa no: tikta:liah ih..., ihkó:n komo ke *lujitos** a, ¿*porque** ke:yeh? tiknehnekih. Ke:mah, ihkó:n tikchi:wah, de tima:tamih nochi titachpa:nah ya ne:n ka:mpa *mesa** wa:n tik..., komo etok *listo** ne:n tekol, pos titapopo:chwiah. Tikchi:wah *lo que es** iwki a:mo iwki wa:n ke:mah *ticontentos** timoka:wah. *Porque** neh nopi:pilwa:n nochi ihkó:n, se:, se: noo:kichpil nikpia pero semi *gustoso** de yo:ni A:mo moneki nikilwi:s *cuando** kikwiti:w chamakih. Nikitas kehkoltih ya, kwa:lkwi tepe:xi:lo:t. "'Tachihchi:wati pa: , pané: kichi:wa *falta** ya". Tachihchi:wa. "¡Ne:chpale:wi:ka:n!" Pos timopale:wiah, tik..., kitohtoma ya tein wa:kik a wa:n kipi:xowa wa:n no: kipi:xo:ti wehka wa:n koma:mo tikta:liah itech *bolsa** wa:n kikwiti n' yo:n tein kololo:ti tahsol. Entó:s timopale:wiah ya wa:n sepa ihkó:n tikchi:wah, e..., a:mo moneki nikilwi:s *porque** kim..., momakatok kwe:ntah ke pos kitstok ke kichi:wa *falta**. Wa:n tein a:mo pos kika:was ihkó:n mah eto *hasta** se: xiwtika *porque** neh nikistinemi ka:sá: ihkó:n, a:mo *porque** nitanehnemilia pero pos todios te:chitstok. Nikita yo:n sempowalxo:chit ka:sá: *cerca** tahkoxiwit nohma ilpitok. Wa:n ihkó:n a:mo *porque** tehwa:n a:mo titaxi:ko:skeh n' totilmahtsi:n mah tiaktoka:n se:, *hasta** se: me:tsti, *hasta** se: *quince dias**, kipia de t'pataskeh, *igual** todios itaselo:w kipia de tikpatili:skeh ¿*porque** ke:yeh? para no: towa:n yetos koma:mo a:mo. Ihkó:n nohjo:ni name:chilwia nehjí:n tahto:lmeh, ke:mah, mm. Okseki xo:chit tein kwali se: kita:lia oso i:pa chamakih sah. Miak taman xo:chit, kwali no: se: kilpia yo:n tikiliah tewi:tso:t *mexicano**. No: kwali ika se: tachihchi:wa yo:n koyo:po:lxo:chit mochi:wa ne:, acha *santa cruz** xo:chit mochi:wa itech n' *tres de mayo** xa: nanki:xmattokeh yo:n wehwei no: kwali ika se: tachihchi:wa yeh. Wa:n nohjó:n, *este**, tikiliah tekolo:me:t *cuando** ne: *viernes santo** todio:s ehko i..., i..., [i]ilwiw, yo:n no: ika se: tachihchi:wa. Wa:n welis *cualquier** xo:chitsi:n ika se: tachihchi:wa *porque** n' xo:chit *kibendicia:roh tomadre virgen**. Miak taman xo:chit yehwa kitio:chi:w, nochi kwali tikmawistili:skeh. Ihkó:n nohjo:ni. Ke:mah, nochi weli, a:mo se: *mal**, ehe. Tikmattok ke:ní:w se: kita:lia n' tewi:tso:t. Yo:n a:mo nikmati, nikita wa:n weli *nocarnal**. Weli. Pero neh a:mo nimone:xtilia pero nikita *todavia kisegui:rowa** miak mone:xtiliah pero neh a:mo niweli, *nocarnal** weli tewi:tso:t, weli de kowxiwit kichihchi:wa. Ke:mah, mm. Pero tiki:ita ke:ní:w kichihchi:wa. Pos nikita ke:ní:w kinehnepanohtiw, kinehnepanohtiw iwa:n moilpi:ti wa:n kita:lia se: *hilo** wa:n motili:ntia, ompa moka:wa ya, ke:mah. Weli yehwa, weli kwali. Mm, wa:n ke:mah de n' po:wtok no: kichihchi:wah ne:n *altar o** ke:meh ne: pos kilpiah ya no: tatampa yowi, yo:n a:mo kiwi:ka tepe:xi:lo:t, yo:n kiwi:ka, *este**, nohjó:n kiliah tepe:sin. ¿*Porque** ke:yeh? wehwei para kahsi ne:n ima:y we:wehka. Kilpiah ya no:, ke:mah. Neh nikitaya no: ne: ka:mpa nita:ltikpaktik, *este**, ki..., *cuando** ta..., tamitachihchi:wayah ompa kite:mowa:yah yo:n kiliah, *este**, seki xo:chit *tulipan**. A:mo eliwis onkak ok, pero nika:wí:n a:mo kanah nikita ok pané:, xa: onkas pero a:it ka:ni. Sehse: yo:n xo:chit kitekih kiyo:la:nta..., kiyola:nta:liliah para kwaltsi:n moita, ke:mah. *Hasta** yo:n xo:chit semi, semi nehyó:n tak chipa:wak *porque** nikitaya *cuando** ihkó:n mo..., kichi:wayah, *este**, mona:miktia:yah na:nahmeh, ta:tahmeh ya, kichihchi:wayah pa:nko:skat, pa:nmekat kilia:yah iwa:n kisohsoyah. Wa:n xokoxiwit wa:n li:mahxiwit wa:n pa:ntsi:n no: ma:neliwtok, a:mo sentaman sah. Kichihchi:wayah ka:..., ka:nachi yo:ni tein ne:n kikwiskeh pos miak kisohsoyah no: moka:wayah na:nahmeh tein kisohsoyah wa:n *cuando** ehkoya ne:n *novia** wa:n *novio** wa:n *padrino** wa:n *madrina** pos kinchiah ika. Ika motso:tsowiah, ke:mah. Wa:n de ompa pos motahpalowah ika wa:n komo kwi:kah pa:kilis pos kalan mihto:tiah. Ompa kichi:wah se: o:me, e:yi *sonecitos** de xo:chipitsa:wa wa:n *después** kalakih ya. Ke:mah yo:n xo:chit semi ki..., kikwiah, ki..., kikwih ok ka:sá: eski pero a:mo nochi ok. Ke:meh kihtowa:ya ne: na:nah ye:wa pos ekintsi:n oksé: *costumbre** ya, koto:nik a yo:n, ke:mah. Wa:n a:konimeh yo:n motso:tsowia:yah. Pos motsowia:yah ne:n *te:compadrito** iwa:n tein, tein ipopa:n okichpil. Pos motsowi:s iwa:n ne: ipopá:n ne: siwa:pil wa:n *padrino** no:. Iwa:n no: motsowi:s. *Madrina igual** iwa:n motsowi:s *icomadrita** tein, tein nochi, nochi yo:n ya:s *por parejo**. Tein isiwa:pil imomá:n no: kitsowi:s n' *icomadrita** tein okichpil imomá:n. *Parejo** ya:skeh. Nochi *te:parientes** tein *deveras** motasohtah pos komo te:okichpil, komo wi:tsa ne:n siwa:montikeh pos, komo yetokeh ne:n iweswa:n, *porque** mochi:wati iweswa:n a:mo a:wil, ki..., komo kipiah *gusto** kichihchi:wili:skeh sehse: yo:n xo:chimekat wa:n kitahpalo:skeh ini..., ini..., iniwes wa:n kikechtsowi:skeh, ke:mah. Wa:n yo:n xo:chimekat a:mo kiki:xti:s wa:n okichpil *igual**, no: kitsowi:skeh tein siwa:pil ikni:wa:n, ya:skeh te:wa:n wa:n no:, no: kiwi:kaskeh yehwa:n, no: kitsowi:skeh ya ne: ta *cuando** ahsis no: kitahpalo:skeh, ¿*porque** ke:yeh?, pos ini:k..., ini:kni:w ompa ne: yetoti. Ihkó:n nohjó:n. De motahpalowah pos ompa ne: yetokeh, *madrina, padrino wa:n ne:n te:popa:wa:n, te:moma:wa:n pos mo..., ke:meh kimattokeh ya ton *compromiso** kipiah pos niman moiliah kichi:watih se: p..., pa:kilis n' kalte:noh *porque** ihko:ni mota:lihkeh *de acuerdo**. Entó:s ne:n te:popa:n kalte:..., ne:n kalihtik, tein *casero**, niman kwi..., kiwa:lkwiti sake:ra se: *litro** ne:n tikilia:yah refi:noh, mexica:nohkopa. Kimakaya ne:n *padrino** wa:n pe:wa ya *baile** kixelo..., kixelowa ya ne:, taxelowa ya ne: kalampa. *Mientras** mihto:tihtokeh seki:n wa:n yeh no: pos no: te:wa:n, ihkó:n nohjo:ni. A:mo sayoh kichihchi:wayah para se: nohjó:n pa:nmekat tikilia:yah pero iwa:n nohjó:n xo:chit, yehwa ne:n xokoxiwit, li:mahxiwit wa:n pa:ntsi:n no: yetoya sah tein kikwiah, kikwiah *bolillo** wa:n seki kilia:yah *pan blanco**. Wa:n nohjó:n kiliah *cuernos** wa:n seki kiliah a:ko:loh. Yehwa kikwiah. Pero a:xka:n a:mo kanah ok, kichi:wah, kichi:wah pero pos oksé: taman ya. A:mo *igual** ok. Wa:n i:n.... Ne: ke:man niwa:lahka nika:n, a:mo i:pa nika:n ninemi a, i:n San Miguel i:pa ompa nimoahsi a. *Ne:chinvita:roh** se: *amigo** wa:n nikitak ke:ní:w chi:wik, *este**, kichi:wkeh nohjó:n *compromiso**. Wa:n, pos tein tikmattokeh *porque** neh no: neli no: ni..., no: *nicasado** katka, nikmattok ke:ní:w yo:n, tikmattokeh ompa ne: tietokeh kalihtik. Etokeh iikni:wa:n ompa ne: ta:kat pero pos ne:n ta:katsi:n kit a:mo kanah yowi. A:mo ke:man kitah, *hasta** kihtoh *después**. Ehkok a *nicompadrito** wa:n *icomadrita** wa:n *novio** wa:n *novia**. A:mo teh molia yeh, ne: kwityetok ne: kalihtik. Kiliah ya ne:, "Xiow ya ne: x'na:mikiti a moko..., mo..., mosiwa:mon wa:n *mocompradito** wa:n *mocomadrita**!" Semi 'na:mikiti . Ka:n nikilia mah kalaki. A: nik..., ne:chilia ne:n iikni:w, "*Cabrón don** Andrés ne: *nocarnal** neli ika ya a:mo kanah yowi. I:pa a:mo kimati." "Neh soh nikitstok" nikilia. "Neh *por eso** niwa:la nitachiako, neh n'mattok ke:ní:w", nikilia, "ne: kichi:wah, ke:mah". "Xiow a", kilia "pero ton, toni n'wi:kas, toni moneki". *Igual n' iseñora** yeh mosenkwikeh ne:pa *cocina** ke:meh ne:, moolo:chtsahtsiliah ke moneki tekolkaxit, ke moneki *cera**, moneki xo:chimekat, *híjole**. Pos ne: tein iniwa:n, a:mo teh kilwihkeh. Pos semi kihtoh *señor** ne: kalan moketsato, "Name:..., name:chtahpalowa *compadritos** iwki *o** a:mo iwki *comadritas** *[por]que** neh semi xikmatika:n a:mo ke:man kanah niow. Pero we:noh", kilia, "nehyó:n tikchi:watih", kilia, "n' pa:kilis wa:n timotahpalo:tih, iwki a:mo iwki pos". Kininohno:tsak, *después** ok kwi:kakeh ne: xochimekat *después** ok ki..., kikechakih *icompadrito** wa:n *icomadrita** wa:n *te:comadrita no:. Wa:n *novios después** ok kintahpalohkeh wa:n n' xo:chimekat ne: seki:n kiliah ni..., mah ki..., ki..., kitsowi:tih ne: te:weswa:n. Moka:ka:wiliah, ke kwala:nih, we:wetskah, wetskah sah. Entó:s kinilia se: te:tioh wa:n se: te:awi , "A:mo xiwetskaka:n", kilia, "pero ne: *como respeto**", kilia, "*anterior**", kilia, "[komo] nawetskah, kihto:skeh ke sayoh nankiwetskiliah wi:tseh , a:mo nankiwehwelitah. *Este**, a:mo iw, a:mo iwki nehyó:n nankichi:wtokeh, ¡xi..., xia:ka:n¡" kinilia, "ma:ski *fuera de tiempo** nanehkokeh pero namehwa:n x'ta:lili:tih" . Pero kita:lili:toh a:mo iwki. 'Kechkalakili:to wa:n ne:si yo:n teisá: kimowtia para kalihtik, sepa. Ihkó:n a:mo. 'Kechta:lili:s ika *paciencia, primero** kitahpalo:s 'kechkalakili:s wa:n no: kitahpalo:s wa:n ompa moka:was a. Ta: mihto:ti:s mah mihto:ti a ne:n te:wes *o te:cuñado o te:cu...,** te:popá:n, *a ver** a:koni. Soh tikitakeh. *Después** ne:chilia ne:n te:ikni:w se:, "Ne: *nocarnal** a:mo ke:man i:x..., mi:xpeta:nih", kihtowa, "*este**, n' i:n a:mo yahtinemi ta: okachi kwali", kihtowa, "mah se: yowi ka:sá: mah se: kita ke:ní:w mowi:katiah, ke:ní:w kichi:wah, ke:ní:w motahpalowah", kihtowa, "para no: se: yeh teto..., a:mo, a:mo se: motahtanihtok pero *a veces cualquier amigo** se: kipia *amistad**", kihtowa. "Te:tahtania *favor**. Pos *tikinvita:rowa amigos** komo t'na:nkilih, *tikinvita:rowa** o:me, e:yi *amigos**. Pero tiow tikmattok a ke:ní:w wa:n komo semi a:mo se: kimati mah se: kitsi:ntokili tein kimattokeh, '¿Ke:ní:w nikchi:was i:n *compromiso** nikpiati?'". Pero ne: nokni:w a:mo tahtowa pero soh *por relajo**" kihtowa, a:mo kimati ke:ní:w, kihtowa. Pos kichi:wkeh se: o:me, o:me e:yi *son** kalampa *bailecito** kichi:wkeh wa:n iwki a, ompa ne: kimpa:ktihtiw ne:n *casero** pos a:mo kimati tak ke:ní:w. Kalakkeh wa:n de kalakkeh, *este**, motahpalohkeh. Semi kin..., te:chsenilwih ya, "*Más bien** nohjó:n *señor**". Kihtowa, "Tak iwki, ki..., tak iwki", te:chilia, "wa:n tak iwki *compadritos** nanik..., tik..., tik..., nikchi:wtok *[per]o** name:chchiak *porque** neh", kilia, "mah semi name:chili a:mo ke:man kanah niow pos sake:ra", kilia, "name:chchiak, a:mo niwintitok". Pos miak kwetskilihkeh *porque** neli a:mo iwki ne: kichi:wtok kitakeh, pero we:noh sake:ra te:chwa:ntik taxkaltsi:n seki kihtowah, "Pos yehwa sah *más** moneki", kihtowah. Kichi:wkeh *baile. Después** tamik nochi yo:n *baile** wa:n monawatihkeh. Ke:mah, ompa ya tikitakeh a:mo mochi:wa *o** a:mo kimatih okseki:n ke:ní:w nohjó:n mochi:wa tein *más**, semi telwehka:w kichi:wayah n' ta:tahmeh, ke:mah. Pos a:mo n'mati ta:ká:n teisá: tikelna:miki ok tein, *este**, wehka:w nemi:lis katka. *Pues**, pos yehwa yo:n tein mame:chilihtok ne:n, de n' motahpalowa:yah pero tein *morespetaro:wah pues kisegui:rowah** wa:n tein a:mo pos, a:mo kino:tsas nió:n *porque icuñado o porque** iwes a:mo kino:tsas kwali iwa:n moahwas *porque** tikitah *pasa:rowa** wa:n *pues te:chpasa:rowa pero a:mo tinochi:n. Pero neh *gracias a dios** a:mo ke:man *ne:chpasa:roh** iwa:n no..., *nosuegro** katka *o** no..., no..., nos..., no..., no..., *nosuegra katka *o nocuñado, nocuñadas hasta** a:xka:n nochi nikinohno:tsa, nochi ne:chnohno:tsah, pero *por** kwali a:mo *por mal**. *Porque** ke:yeh a:mo yo:n, a:mo i..., a:mo ika yo:n nehwa nikinte:moh *o** nikinehnekik. A:mo kwaltsi:n nohjó:n *porque** ke:yeh *este** tasohtalis se: mochi:wa pero *hasta** ke:man dios kihtowa. Tein se: kinemilia wa:n tein a:mo, niman nikaki kihtowah ke yehwa:n *kinivale:rowa madres** pero semi *tontos** etokeh, *porque** nochi *ticristianos**. Mah a:mo se: momachili semi se: yehwa ya *porque** se: chika:wak *o** ke:ní:w *porque** todios a:mo tikitah wa:n tonemi:lis a:mo tikitah *o** se: kokolis te:chahsis. *Por más** semi titelchika:wak pero kipia de se: wetsi ika kokolis wa:n ihwa:k timota:tawti:s iwa:n ya ma:ski tein tik..., tein mitstawe:litaya *o** t'tawe:litaya. Wa:n mah a:mo yo:n se: kichi:wa, mah, mah se: motasohta *por parejo** seki tein tiknemiliah. Pero tein a:mo kinemilia, a:mo, weli mits..., mitspanawia nió:n no: mitstahpalo:s *o** tiktahpalo:s nió:n no: mitsna:nkili:s yeh ya:s, yeh ya:s ke:meh tapial. Wa:n ihkó:n a:mo kwaltia. Ke:mah, iwki nehjo:ni, *pues** tein mo..., mowi:kah kwali *como siempre** mowi:katinemih *hasta** sentekitih *cuñados o** ne:n iweswa:n ya siwa:t mosewi:katinemih, kwaltsi:n motasohtah *porque** ke:yeh a:mo teh onkak tawe:l. Wa:n seki tite:kakilia:nih niman kihtowah, "A:, ke ne: yehwa i:n ika tapoloh, ke kima:keh *o** 'kwetaxwihkeh *o** ki:xkahkapa:nihkeh." Ihkó:n a:mo kwaltsi:n Ta: komo se: kimati yo:n iwki pos *mejor** a:mo, para toni te:chkwala:ntihtos se: siwa:t, *este**, tokalihtik *o** tikwala:nti:skeh tehwa:n pos *mejor** a:mo, [por]que se: te:ikne:ltih. Ke:mah, iwki nohjó:n, tein se: kinemilia pos iwki wa:n tein a:mo pos se: kihtowa se: siwa:t wa:n tita:kah nochi titasohmeh, a:mo a:kin a:mo tasoh, *parejo**, mm. Teisá: *mas** ok tikneki 'te:chtapowi:s. *Pues, pos solamente** yehwa yo:n name:chilia ya tayah *puro refino** wa:n mowintia:yah ta:tahmeh *hasta después** motewia:yah seki:n wa:n monawatia:yah a:mo monawatia:yah, i:ksá: tane:siah, se: yowal *baile hasta** mo:stika i:ksá: moka:wayah nepantah ika miak *gu...,**, ika miak pa:kilis kichi:wayah *baile**. A:mo ke:meh a:xka:ntsi:n, a:man taman ya. Ke:mah, a:man seki, seki iwki sah, seki *baile** mochi:wa se: *dos, tres horas o** tik..., *o** tiknechikowah yo:n wehwei tatsotsonanih *porque** ke:yeh a:xka:n oksé: ya. *O** tikinte:mowah miak, *este**, nehyó:n nechiko:l *padrinos**. Wa:n ihwa:k katka a:mo, ihwa:k katka *solamente** se: sah. Wa:n ne:n tein tayo:lpa:ktia:nih *solamente** o:men ya:s ki..., ne:n *guitarra** tein kitsotsonas wa:n tein *violín** sah. Wa:n yehwa:n ya. Aa:n a:xka:n tikitah a:mo, yowih sake:ra chikwase:meh *o** na:wi:n *porque** ke:yeh onkakeh ya, *más** momachtihkeh wa:n semi kwalia ke *más** momachtihkeh, a:mo ke:man moelka:was yo:n wehka:wkayo:talna:miki:lis. Ke:mah, [mah] semi se: kintasohka:matili *porque** te:ikne:ltihkeh, semi *kisufri:fowah, modesvelarowah por, por** tein *tigustosos** tikchi:wah se: pa:kilis, mm. *Bueno pues, este**, komohkó:n nochia tein tite:chtapowih kwali 'te:chili:s moto:ka:y. Pos neh nimono:tsa niAndrés Martín Juárez, nita:ltikpaktik Xaltepec, a:xka:n nimoahsi Tzinacapan. Ne: nik..., xiwit nikpia *cincuenta y nueve años**. Tasohka:matik. Tasoh..., tasohka:matik *igual**.