Ta:tah pos ekintsi:n xite:chtapowi ke:ní:w se: *tayuntahwia desde que** se: pe:wa *hasta** se: ma:tami se: to:nal. Ke:ní:w se: kichi:wa. *Bueno pues** sepa name:chilwi:ti nohjó:n de *yunta, este**, pos a:mo sayoh se: tayu:ntahwia. *Primero**, se: tawi:teki a, *este**, tikihtowa:yah titaxokolti:tih. Pero ihwa:k titato:kayah enero, febrero, a:mo ke:meh a:xka:n titato:kah ok diciembre, enero semi seki a sah. Entó:s nohjó:n *tiempo** titawi:tekiah diciembre para xokoyaya nehjó:n ehkaw. Wa:n tepitsi:n tai:xyehye:wa para *cuando** titekitiskeh ya pues tik..., ti..., a:mo t'mattok ok ke 'tawi:tekitih ok. Tikinkwitih ya kwa:kwehmeh komo tikimpiah *o** komohkó:n a:mo tikimpiah wa:n koma:mo tiwelih pos tikyo:le:wah a:koni tekitis wa:n koma:mo pos komo tiwelih, a:mo tikimpiah ne:n kwa:kwehmeh pos tikintane:wih tein kwali kitila:nah nohjó:n *arado** tikilwiah. Entó:s nohjó:n ti..., titawi:tekiah wa:n nochi xokoyah nohjó:n ehkaw kwaltsi:n moka:wa nochi *cuando** 'nemiliah titekitiskeh ya pos ti..., titekitih ya pero *hasta** itech enero. De ompa ti..., ti[k]inkwitih wa:n tik..., tikte:mowayah ne:n koma:mo tikpiah toni ika titekitiskeh yehwa n' *arado** nochi, n' nochi ke:meh yetok, nochi ke:meh moneki. Pos yehwa ya name:chilia tikte:mowah pero komo tikpiah pos titatkih ya ne: ka:mpa titekitiskeh ya achi. Tikwi:kah n' *arado** iwa:n ne:n kilian *timón**, tikwi:kah ne:n *yubo** iwa:n ne:n kiliah *koyuntas. Mismo** yehwa kwa:kowkwetax. Tikitkih nochi wa:n a:kin tekitis, *este**, kitekis *primero** se: *garrocha** para kinimowtihtiá:s ika ne:n kwa:kwehmeh tein tekitiskeh. Pero no: tein tekitiskeh komo, komo tamachti:lmeh *pues** tekitis ise:lti iniwa:n sah. wa:n koma:mo pos kipia de yetos a:koni kini:xyeka:nas, se: ma:ski se: pili *o** se: ma:ski se: tein chika:wak a *más** *porque** ka:mpa ahsiskeh tate:n kintsakwili:s. Para mokepaskeh, pos kipia ki..., koma:mo welih pos kitila:nas ika *lazo** para sepa ya:skeh ka:mpa wa:le:waskeh. Wa:n ne:n a:kin kikwi:ka ne:n *arado** wa:n kiki:tskia, pos kipia de kitstiw, ke:ní:w ne:n tachkwatiw, ke:ní:w kwi:kah kwa:kwehmeh wa:n a:mo sayoh kowit sah. *Porque** nohjó:n chihchi:wtok *arado** wa:n kipia se: tepos n' ite:noh tein moto:ktiw kiliah "*reja**". Ihko:ni ni..., nikmattok *porque** no: se: *tiempo** nitekitik ika ke:meh, 'tekitik ika ke:meh se: *cinco años** a sah, nehjó:n nikmattok ke:ní:w nohjó:n se: tekiti ika. Entó:s nohjó:n kitstiw *de que** komo panki:sa pos se: 'ki:xtilia ne:n tahsol *porque** miakia n' tahsol kipanki:xtia, a:mo wel moto:ka ok. Wa:n no: komo se: kimati pos moto:ka mah ipa se: taksa pero *xilisto** *porque** koma:mo m..., mokalaki:s momets ne: ka:mpa n...., ne:n *arado** wa:n iwa:n kwi:kas n' kwa:kweh momets. Wa:n nohjó:n *garrucha** pos ika se: *kimpareja:rohtiw**, se: kinoli:nihtiw, ke:mah. Entó:s, *este**, a:kin yo:n, a: nohjó:n kowit tein tatahko nohjó:n tsi:naktok nohjó:n *arado** iwki kilwiah *timón**, se: kowit mela:wak, pero tein kwali kowit. Wa:n tein ika iwa:n sotok, *este**, se: kowit kilwiah, *este**, tikiliah *tijerilla**. Ihkó:n nikakia kito:ka:itia:yah *porque** ke:yeh yehwa iwa:n sotok. Wa:n 'kalakiliah sayoh se: *cuña** senkaya kitili:ntiah. Wa:n a:mo ki:sa wa:n a:mo se: kimati ke:yeh *porque yunta** kitila:na wa:n pos sayoh kowit sah sa:liwtok. Wa:n ne: ka:mpa te:mpilkak itech *yugo** koyo:nia:yah ika, ika se: *barreno** wa:n ompa 'kalakilia:yah se: kowkla:bos wa:n no: kowkla:bos ne: *yugo** tatahko kit..., kilpiliah *lazo** koma:mo *mismo** yehwa ne:n *coyuntas** kite:mowa:yah tein pitsa:wak. kwaltsi:n kichihchi:wah, kit..., kichihchi:wah se: *agujero** wa:n ompa kipankalakiayah sah no: kowkla:bos. Wa:n yehwa yo:n ika kitila:nayah ya ne:n *yunta**. Ke:mah, kwiwilatsaya para nochi n' to:nal. Pero nohjó:n kowit tein mela:wak, tatahko kikwiah, kikwiah a:wa:t *o** yo:lo:xo:chit. *O** ne: tikiliah xa:lxokot tein mela:wak pero pos de weyak ske:ra de *cuatro metros**, *cuatro o cinco metros**, ompa sah. Wa:n no: komo wehweliwik pos sepa se: yankwik kitekiah, a:mo wel, a:mo kwaltia ya ok, de ompa yo:n, *este**, k..., kimpilowilia:yah, tikinkwa:ilpia:yah ompa ne: ka:mpa titekitiah nehjó:n kwa:kwehmeh tik..., tikwi:kah nohjó:n *yubo**, de ohka:n, de o:me *cadena** kilwiah para o:me kwa:kweh. *O** tikintokiah, *tikincerca:rowah** yo:li:k, tikwih ne:n *yugo** tikinkwa:ta:liliah. *Primero** tikwi::ltiah sentapal wa:n sentapal ohka:n tikwi:ltiah ne:n *icuerno**. A:kin a:mo weli, a:mo weli, kikwi:kwi:lti:s seko sah *o** kiye:yewalo:lti:s eliwis wa:n a:mo, a:mo kwaltia. *Primero** se: 'kwi:ltia sentapal n' *icuerno** wa:n panowa seko *cruzado**, wa:n se: 'kwi:ltia ohpa. Komo ohpa kahsis, ohpa wa:n komo e:xpa se:..., para sentapal no: achi para *moparejaro:s** Kikwis ohka:n seko, se: *lado** wa:n ne:pa kimakas *vuelta** kiyewalo:s sepa para ikwa:ko ya nochi, ohpa *o** e:xpa. De ompa sepa *mocruza:ro:s** sepa pano:s sentapal *último**, sepa ohpa wa:n tikilpi:ti:w i:xkwa:ko ya. Para kwali tatila:nas nohjó:n kwa:kweh, oksé: no: *igual**. Entó:s tikinchihchi:wah nohjó:n pos ti..., tikwih ya ne:n *arado** wa:n komo kini:xyeka:nas oksé: pos ti..., tikiliah, "¡'Pia *cuidado**, a:mo ka:n mits..., mitstope:w kwa:kweh *o** tiwetsis!" Pe:wa titekitih ya. Tikintohtokah pero a:mo titekitis nochi n' to:nal ika se: moma:y. Tiá:s nika:n *lado** ika i:n tiki:tski:s, timowa:lkepati:w ika i:n tiki:tski:s. *Vueltas** nochi n' to:nal, *vueltas y vueltas** tikpatas moma:y, *vuelta** tikpatas moma:y, ke:mah. De se: siowi pos se: mose:wia tepitsi:n. *Lo importante** nochi kikwiti:w. Kikwitiá:s ne:n *tanto** de we:wehka ta:l *como** de *cuarenta** de we:wehka 'kwitiá:s. kwaltsi:n moka:wtiw. Wa:n ne:n tai:xyeka:nkeh komo te:ntok tahsol pos kiteki se: kowtsí:n kahchi:wtiw ok nohjó:n tahsol komo te:ntok. Pero de xokoya ya, a:mo teh semi te:ntok ok. Pero komohkó:n ne:n yankwik *apenas** seki:n tawi:tektiowih pos semi miak tahsol mote:ma. Ke:mah, entó:s yo:n a:mo, a:mo semi, semi *ventaja porque** yo:li:k. Entó:s nohjó:n tik..., titekitih, seki 'tekitiah se: *cuartillo** n' to:nal, tein *más** we:lia tekitia se: *cuarto** de we:ika n' to:nal. Ika *yunta** titekitih, pero a:mo sayoh tikinteki:ltia:yah ihkó:n sah. Time:wayah *las tres de la mañana o las cuatro**, tikinkahka:watih. Mah takwa:ka:n nohjó:n kwa:kwehmeh, mah ixwitoka:n *porque** tikintekiti:lti:tih a:mo kikwa:tih xiwit pos *vueltas y vueltas** tekititi. Nió:n a:t tai:s. Siowi:lis , ke:mah. kwali ixwih *hasta las nueve** de kwalka:n pos ne: komo *cerca** pos titakwa:ti:w wa:n para tiá:s titekititi:w a. Pero komo wehka pos no: mitswi:kili:skeh moalmasa:l wa:n ompa moka:was a oksé: wa:n komohkó:n *más gente** etok pos sepa kwi:kas ne:n tein *sobra**. Para las *doce, la una sepa, sepa yowih, sepa te:makatih ne:n taxkaltsí:n. Entó:s nohjó:n ne:, se: tekiti, se: tekiti nochi n' to:nal, *hasta** ahsi *las s..., las cuatro** se: kintoma ya. Pero kwali maya:nkeh ya i:pa kwa:kwehtsitsi:n *porque** yehwa:n nepantah pos a:mo teh toni 'kwa:tih. Wa:n de timoka:wah, titatomah, sepa tikinkahka:wah ka:mpa onkak xiwit, ka:mpa 'kwa:skeh xiwit, kipia ixwiskeh *porque** pos nochi n' to:nal tahyowiah *sin** teyi. Entó:s ti..., ixwih, tikchiah kwali se:wi, ma:ski se: tayowa. Wa:n ke:mah se: kina:maka, se: kinilpia. Ompa mah yetoka:n pero ihwa:k pos neli se: *tiempo** katka, a:mo ke:meh a:xka:n. Tikintane:wiah *o** se: 'ka:waya wehka te:tapialtsi:n pero ke:meh a:xka:n a:mo ok, miak *malo** onkak. Entó:s nohjó:n tikchi:wayah iwki ka:mpa kalakiah nochi ti..., titayu:ntahwia:yah ka:mpa takwalka:n, *parejo**. Nochi tikchi:wayah wa:n komo tik..., tiknekiah *más** tiknehnekka:tachihchi:wi:skeh tato:k, yehwa yo:n kihtowah se: kinepanowa. *Ticruza:rowa:yah n' ta:l, ihkó:n. *Lo primero** tiktapa:nas ika ohpatiká: tik..., tikohpawi:s pero taman ya, para *parejo** mo..., moka:wa mo..., moxe:lowa nochi n' ta:ltsi:n pero mo..., kihtowah ke moloxtia para *más** kwaltsi:n mochi:was tato:k. Pos tikihtowah kwali wa:n pos nochi *igual** sah tikitah, timokahkaya:wayah sah *porque** tikitah a:xka:n a:mo, titawi:tekih, titasalo:wiah pané: *igual** sah ta:ki n' tato:ktsi:n ma:ski toni tikchi:wilia:yah ne: ke:man pero i:pa *igual** sah, *porque** ke:yeh *de que** xiwit kikokowa n' tato:k. De ompa yo:n tik..., timoka:wayah tio:tak, mo:stika sepa *igual**. Sepa kwalka:n me:was ne:n ..., komo yehwa yowi oksé: n' tatama..., tatamakati:w *o** se: mi:xpatas. Sepa yowak ya:s, ompa mota:li:ti:w, kinkahka:was *hasta** kwali ixwi. Ke:mah. Wa:n ke:mah sepa *hasta las nueve** sepa se: kinilpi:s, sepa titekitih, ke:mah. De sepa titekitih, pos lo *mismo**. Timoka:wah ne: *hasta** tio:tak. Wa:n sepa *igual** tikinkahka:wah mah takwa:ka:n wa:n sepa tikina:makah wa:n sepa tikinwa:lka:wte:wah. Komo we:ika pos se: wehka:wa, koma:mo we:ika a:mo se: wehka:wa, niman se: ma:tami. Pos de tami a, de tate:n, ka:mpa a:mo wel kikwi ok nochi n' *arado** yehwa yo:n tikih..., tikihtowa:yah titate:nsalo:wi:tih. Tima:tankeh ya ika yu:nta pero poliwi tate:nsalo:wi:lis. Entó:s tik..., tiksahsalo:wihtinemih ya ka:mpa a:mo wel kalaki ok n' *arado**. Ke:mah. Tima:tamih nohjó:n, pos komo yetok a ne:n *semilla** pos titato:kah niman. Ke:mah titato:kah niman, de titato:kah pos a:mo teh tomolwia komo, komo, komo ne:sis se: ne:n *patrón** pos te:yo:le:was, kihto:s ne:ch..., ne:chtayu:ntahwi..., ne:chtayu:ntahli:ka:n no: n'neki neh, pos ompa se: yowi, ke:mah Pero ihwa:k kwaltsi:n neli katka no: pero ekintsi:n a:mo ok. Yehwa nohjó:n titekitiah iwki, ke:mah. Wa:n kwa:kowehmeh i:pa sayoh tayu:ntahwia:yah *o** kichi:wayah okseki tekit. Pues kwa:kwehmeh miak tekit kichi:wayah, kichi:wayah tapa:tskayah, ki..., kwowila:nayah, yehwa ne:n *yunta**. Kiwi..., kiniwiwilatsaltia:yah tik..., neh no: nikchi:wak ok iwa:n *nocarnal** tikiwiwilatsaltiayah, *este**, tet ika *reja** para se: kiwi..., se: kisenilia ne:nke:n nohjó:n tet. Yehwa nohjó:n. Ihkó:n *servi:rowa:yah, mm. ¿kwali 'te:chtapowi:s ke:ní:w se: kowila:naltia:yah ne:n kwa:koweh? Pues** i:n kwa:kwehmeh tikinwila:naltia:yah kowit, pos ne: ke:man *cuando** tikchi:wayah kali *o** oksé: tokni:tsi:n ihkó:n kichi:waya wa:n wehka konkwiah n' kowit, *pues** te:ch..., te:chtahtania:yah *favor** *o** tiktahtania:yah *favor** n' okseki:n *porque** tiowih *por iguales**. *Este**, xa: te:chakas ma:noh mah kwi:ka ikwa:kwehtsi:n, tikwitih kowit, niman tahtanis toni kowyo. Tikilwi:skeh, kalikxit *o** taihtiyo:meh *o banco o** ta:nka:yo:meh. Komo wehwei pos kikalakia:yah o:me kwa:kweh wa:n koma:mo se: kwa:kweh sah tik..., tikilpilia:yah *porque** n'mattok neh tia:yah ne:wí:n wehka tikonkwiah kowit, tia:yah ne:wí:n Tecoltepec. Tikinonkwi:ltia:yah ok n' kowit kwa:kwehmeh tein tikimpiayah ok no:. Wa:n nohjó:n kwa:kweh se: kwa:it se: kiwi:ka pos kwi:ka ya *yugo** ikwa:ko. Pero ne: ka:mpa tiahsis tikwi:kas *lazos**, ne: ka:mpa tiahsis, tikte:mos o:meh kowit, tikto:ka:itiah x. Ke:meh ni:nipaka inakastan ne:n kwa:kweh ya:s nohjó:n kowtila:n wa:n ke:meh a:mo kikotsmagas ne:n *punta** de n' toni kwiwilatsas, wehkatsi:n para se: kilpilia. Nika:n inakastan sentapal se: kilpilia ika kwali *lazo** wa:n sentapal no:. Wa:n ne: i:ka:n moolo:chowa ya ompa se: kilpilia ya iwa:n ne:n kalikxit *o** taihtiyo:t. Pero yo:n kalikxit no: kichihchi:wiliah se:, se: *parte** kit..., kitek..., kitatehtekiliah ka:mpa kalakis n' *lazos** para a:mo kitekis n' ta:l *o** tet *cuando** momagas. Wa:n *vigas** moka:wayah ika to:nal, kikohkoyo:nia:yah ka:mpa kalakis *lazo** n' tepos kiliah *escoplo**. Ihkó:n kilia:yah ta:tah[meh] . Neh nikimpia ok nehjó:n teposmeh, o:meh. Etokeh ok. *Igual barreno** no: nikpia ok pero a:mo nikwi ok *porque** pos, a:mo kanah ok yo:n tikwih, *puro clavos** de tepos ya. Yehwa nohjó:n ika kikohkoyo:niaya nochi wa:n ke:mah tayo:le:waya ne:n a:kin ikow, a:kin a kichi:w *favor** 'kwi:li:tih, pero tiahsih chihchi:wtok a kowit. Kite:mowah kowtila:n wa:n tik..., tikitah ka:ni tikilpili:skeh ya kwali kwa:koweh. Tikilpiliah ya, se: kite:wila:nas wa:n sake:ra o:me:n kitohtokaskeh wa:n sehse: *palanca** kikwih para kitsakwili:skeh ka:mpa tate:mpan *o** ka:mpa mo..., motili:nti:ti:w ika kownalwat *o** tet. Kahkokwiskeh para *kisegui:ro:s** kwa:kweh kwiwilatsa. Yehwa nohjó:n tikchi:wayah. Pero a:xka:n a:mo kanah ok, ke:mah. Ihkó:n t'chi:wayah komo kalikxit tikwiah kowtila:n komo ne:n taihtiyo:meh tikwiah kowtila:n. Pero komo ta:nka:yo:t pos yehwa wehweyi:n tiki..., tikiliah *cargadores primero**. Ekinikatsi:n tama:..., tama:ma nohjó:n kowit pos wehwei. Tiktilpiliah *yunta**, tikilpiliah *lazo** n' tatahko nohjó:n kwa:kwehmeh de o:me:n *cadena** pos no: chihchi:wtok tatahko ka:mpa tikilpilia, [sa]ke:ra i:xo:meh *lazo** tein toma:wak wa:n tikilpiliah ya tai:ka:n ne:n kowit n' ..., ne:n *lazo** iwa:n. Wa:n ke:mah tikinwi:kah ya, *fuerza** ke ya:s. Pero a:mo, a:mo i:xsé: ya a:mo kixi:kowa, ihkó:n t'chi:wayah. Wa:n nohjó:n, *este**, ne:n tikinwi:kaltia:yah ne:n name:chilia n' tet. No:, no: *yunta**, no: weli se: sah pero *más ventaja yunta**. Se: kiteki se: kowit kamach..., kowkamachal, we:i ihkó:n, wa:n se: ki..., se: 'kohkoyo:nia *esquinas** ika *barreno** wa:n ne:n ka:mpa n' we:i n' *trozo**, se: 'koyo:nia para ka:mpa kalakis n' *lazo**. *Después** nohjó:n ka:mpa ne:n kowkla:bos pankalaki, ni:nipaka. Ompa se: kisohso nohjó:n de n' ekintsi:n tikitah seki tiktamo:tah no: kowkoste:rah, nehjó:n ka:mpa kitek..., kitekih kowit. Tiksohsoliah i..., inakastan pero mah kwali soto *porque** kwa:kweh kwiwilatsati wa:n tet kwi:kati para a:mo kanah wehweliwi. Ompa ike:span tiksohsoh, moka:wa se: *kowcajón**. A:mo no: semi we:i *porque** eti:k tet, ompa 'ta:lia:yah nohjó:n tet, Miak tikwi:kayah ya ika ne:n kwa:kwehmeh. tikinta:lilia:yah sake:ra *quince** tet, kwiwilatsayah sepa sah. Tikihtowa:yah *menos, menos, este**, tehwa:n timo..., timosiowti:skeh, *mejor** kwa:kweh mah kisaka. Tikchi:wayah wa:n 'sentilia:yah n' tet ihkó:n, *nocarnal cuando** mo..., kiketsak n' ikali tiksakakah *cuatro mil** tet seki tikma:mahkeh wa:n seki ika nehyó:n ika tapial, ika kwa:kwehmeh wa:n seki i:p..., i:pa tikin..., tikimpixtiowih ne:n *caballitos**. Seki ika *caballos** tiki:xtihkeh ka:mpa tehkolis para 'sentilihkeh yo:n tet. Ke:mah, yehwa yo:n titekitiah iwki, mm. Tikihtowa oksé: chi:walis kichi:wayah no: tapa:tskayah, ke:ní:w xite:chtapowi ke:ní:w se: kinilpia kwa:kwehmeh para tapa:tskah. *Pues** n' tapa:tskalis ne: name:chpano:ltilih ya yowi:pta. ¿kwali sepa name:chilwi:s? Sayoh ke:ní:w se: kilpia ne:n kwa:koweh. A: pos nohjó:n se: kilpia de n' tapa:tskalis, *este**, no: se: *kinincerca:rowa** o:me:n wa:n se: kinkwa:ilpia no: ke:meh ekin name:chilwihtoya, ka:mpa ne:n tate:n de *rueda** wa:n ke:mah se:, se: kintokia ya ne:n ka:mpa, in..., *inilugar** a pero nika:n oksé: se: ki..., se: kilpilia n' inakastan *lazo** we:i para se: kilpia iwa:n *espeque** kilwiah tate:nti..., tate:ntila:nalo:ni *porque** para a:mo ki:sas kalampa *cuando** ta:tayewalo:s ne:n itech n' tekit ya. Wa:n tatahko kwik..., se: kita:lia se: *lazo** sake:ra i:xna:wi *o** i:xma:kwi:l tein toma:wak, se: kite:mpilowa itech *espeque**, tikiliah *espeque** tein itech n' *trapiche** aktok. Yehwa yo:n se: kite:mpilowa ke:meh a:mo kinko:tsmagas, para ke:mah se: tapa:tska ya. Ihkó:n nohjó:n, mm. Yo:n no: tikihtowa:yah ke komohkó:n se: tayu:ntahwia ne:n kwa:kweh moneki mah tamachti:lmeh, ke:ní:w yo:n se: kinimachtia. *Pues, lo primero** tein, mahyá: tehwa:n tite:ta:tahwa:n, se: topili tikmachti:skeh pos niman tik..., tikili:skeh, "¡X'ta:li *cuidado** ke:ní:w titekitis!" Pero tehwa:n timoliah pero tapialtsitsi:n a:mo wel tahtowah nió:n no: wel tikinohno:tsah. A: pos, tikwi:kah tein i:pa ki:xmati tekit wa:n tikpilowiliah tein a:mo nehyó:n kimati a. Entó:s komo, komo tahmati pos tikte:te:nwila:nah wa:n se: kimpe:was *hasta mocalma:ro:s, hasta** kikwis a nehjó:n tekit. Wa:n komohkó:n a:mo teh kichi:wak pos tika:wah ya, mah ise:lti iwa:n ya:yawi a ne:n tein tamachtia para weli. *Después** de weli a pos oksé: no: ta:tahti a. Tika:wah ya wa:n moka:wa oksé: tein weli para sepa se: kimachtia no:, ihkó:n nohjó:n. Motohtokatiowih. *Porque** komo sepa sah tikinsemachti:skeh nochi, no: weli pero semi *trabajoso**, semi a eliwis tahmatih *porque** nió:n se: wa:n nió:n se: a:mo kimati ke:ní:w kichi:was nohjó:n tekit. Te:siowtiah. Ke:mah ihko:ni. Se: kinimachtia no: tein wehweitsitsi:n ya, a:mo semi nohne:lmeh, de a:mo, a:mo kwaltia. De, de *tres años**, de *dos años y medio** semi nohne:l ok. De *tres años** tekitis a. Se: kimachtia. *Después** pos komo welik, pos a:mo teh se: molwia. Se: kihtowa kwali ki:sak a n' tapialtsi:n, tekitis, te:chpale:wi:s. Pos pe:wa tikmachtiah ya ika n' yehwa n' tapa:tskalis, yehwa ne:n *yunta**, kowwila:nalis, tikwi:kah ya, pero weli a, kimati a ke:ní:w para mochika:was kitila:nas a ne:n teisá:. Pero *menos** ke a:mo weli, a:mo, a:mo wel tikwi:kah eliwis. A:mo t'wi:kayah. Ihkó:n nohjhó:n titekitiah, ke:mah. Ta:ká:n teisá: tikelka:w de i:n ke:ní:w tekitiah kwa:kwehmeh, kwali tikelna:mikis ekintsi:n. *Pues**, pos yehwa sah ihko:ni sah tekitiah, de n' *rueda** pos, ye:wa name:chilih se: kin..., ke:meh ekin name:chilih. De ompa kimpe:wa se:, no: yetos semi no: tein kimpe:was, ihkó:n. Kimpe:was *hasta, hasta** ma:tamis ne:n n' owat *hasta** ompa te:kwi kochis *porque** neh n'mattok *porque** no: name..., name:chilwih ya:lwa yowi:pta ke no: nikchi:waltih nohjó:n de nik..., nipe:wak de n'piaya de *ocho años hasta los,... a los veinte años** nika:wako nohjó:n tekit *porque** ke:yeh a:mo timopale:wihkeh ok tikni:meh, ke:mah. Moka:wik se: wa:n oksé: no: a:mo kinekik, pos nose:lti ton n'chi:wati. Pero nikmattok nohjó:n ke:ní:w titekitiah, tik..., ti..., tikchi:wayah, *tiksufri:rohkeh**, mm, ke:mah. Pero a:xka:ntsi:n *pues** tikitah a:mo kanah ok. Nochi koto:nik a nohjó:n tekit tein wehka:w *toabuelitos** ika mopano:ltia:yah, ika te:chiskaltihkeh, tahyowihkeh wa:n no: titahyowihkeh pero ekintsi:n a:mo kanah ok, ekintsi:n oksé: ya, ke:mah. ¿A:mo teh tikelna:miki entó:s de i:n tekit de kwa:koweh? xPos sayoh yehwa de nehjó:n de *yunta** wa:n de kowtila:nalis nochi name:chilwih ya wa:n de ne:, de n' kwi:kayah r..., r..., kow..., kowreja** ika ne:n *kowcarreta** ika ne:n tet. Yo:n no: taman, no: name:chilwih ya. Wa:n yehwa sah, ke:mah, ehe, pos tasoh..., tasohka:matik. *Bueno** pos xite:chili moto:ka:y. Pos neh noto:ka:y Andrés Martín Juárez Nita:ltikpaktik Xaltepec, pero a:xka:ntsi:n nimoahsi Tzinacapan, mm. ¿Ka:nachi xiwit tikpia? *Cincuenta y nueve años* ¿A: pos tasohka:matik? Tashohka:matik *igual**