Pos *o sea** n' ompa ne: tehwa:n, *cuando** ne: wehweliwi se: tokaltsi:n, timoilwiah, tane:sik ta:tah. Nekiltia tehwa:tsi:n. 'Mose:wi. A:, niwa:la semi ika se: we:i *favor**. *Ajá, ża ver** toni? Pos ne: *este** nikchihchi:wasneki nokaltsi:n, A:, *bueno**, t'chihchi:wasneki mokaltsi:n. Ke:mah, *porque** wehweliwik. Semi wetsi n' a:t n' kalihtik. A:man, ne: tikneki t'chihchi:was. N'neki n'chihchi:was, xne:chmaka *manito**. Komo tne:chmaka *manito**, ta:ká:n t'nemilia *que** no: tia:s, ne:..., ne: na:nah no: te:ch..., ne:chnawatih, yeh a:mo wi:tsa, pero te..., na:nah ne:chnawatih, ta: we:liskia ne:n ina:nahikni:w mah n..., kichi:wa se: *favor**, mah no: kipale:wi:ti. Entó:s, *bueno**. Nikilwi:ti na:nah xa: ya:s. Entó:s ne: yehwa:n, *entre de** yehwa:n no: moi:xpantiliah, Kineki ne:n ta:tah xiow, 'pale:wi:ti mona:nahikni:w. Ke:na:mo, n'pale:wi:ti:w komohkó:n. Teh tikihto:s komo n'pale:wi:ti, n'pale:wi:ti. *Bueno. Pero** semi a:mo onkak to nikwi:kas. A:, ka:n tei. Onkas, ne:paka x..., no: t..., oso se: pio:kone:t, wa:n xkwi:kili *pobrecito porque** te:kne:ltih. No:..., neli tak *cuando** tehwa:n t'nekiskeh no: te:chpale:wi:s. no: te:chmakas *manito, żporque** ke:yeh? *De tiki..., kita *que** tikpale:wiah. A:xka:n i:n, te:chyo:le:wa pos mah tia:ka:n, tiowih, t'pale:wi:tih. *Bueno**. Tiowih pos komohkó:n, xiahto, ompa niow. *Nimoarreglaroti** neh wa:n ampó:n niow. Ta:ká:n ne:, kwi:ka ke:ski itao:ltsi:n *o** ta:ká:n kwi:ka sake:ra ne: o:me, e:yi, tatahpalo:ltsi:n ne:n tikihtowah, ne:n istatsí:n, se: *kilo azucartsí:n**, se: ka:n na:wi tomatsí:n, sake:ra ne: *o bien** ke:ski tao:ltsí:n, ke:meh eskia tehwa:n timoe:kchi:wah wa:n no: tiowih ya, no: tikitatih ya n' tona:nahikni:w. Nimitsili:s, niwa:lah na:nah. *Bueno, bueno**, xmose:wi. N' ta: ne:chwa:lkwite:w n' ta:tah kit mah n'tixili:ki ne:n kalchi:wkeh, Ke:mah, ihkó:n niknawatih neli *porque** neh a:mo niweli, nika:n nikpia nochi:walis, para nikchihchiw..., *bueno** tikiwa:ntiskeh se: taxkaltsí:n ne:n ta:tahmeh. *Bueno**, xmose:wi. Pos mah name:chpale:wi:ti ekintsi:n tik..., tikta:li:tih se: taxkaltsí:n wa:n tikiwa:ntiskeh komohkó:n. *Bueno**, pos 'ne:chpa:kili nonextamaltsi:n komo tne:chpale:wia wa:n xine:chkwe:choli:ka:n wa:n tikiwa:ntih ka:n o:me taxkaltsí:n, *mientras que** n'chihchi:wa notapalo:ltsi:n. Semi ke:meh weli sah, pero nikintamakati. Kihto:skeh, *bueno**. Komo..., nimitspale:wi:ti komohkó:n. Kipa:kah ya nextamal. Takwe:cho:tih ya, yowih ya ne: ahsi nepantah *o** se: *hora** tio:tak a, kinin..., kiniwa:nti a n' taxkaltsí:n, kiniwa:ntih n' taxkaltsí:n, ke:mah ne: kin..., sepa ne: ki... Wa:n ne:n ta:tahmeh yehwa:n kihsiwiliah n' kowit *a ver** ka:nika ne:n kitatih *o** no..., *bien** kikwitih ok, *porque** pos seki ne: kichihchi:wah de yo:n kima:..., kima:teh..., ke:meh eskia mah nikihto kite:mohtiwih n' kowtsí:n para kita:liah ne:n..., n' kali ke:ní:w n' kichi:watih, pos kikwitih ok para kita:lihtiwih. Ta:ká:n kita:liah ne: *cartón** tikihtowah *o** taká:n kita:liah ne: *teja**, pos ne:..., no: moneki achi miak ne:n tikihtowah ne:n tai:x..., ne:n tein kitsakwili:s n' *teja**, n' ahko n' kowtsí:n. achi miak kikwi. *Solamente** komo *cartón**, pos a:mo miak kikwi *porque** kachi we:wehka kita:liah. We:wehka takwitiw. Pero *de una vez de** kwaltia ya n' kaltsí:n, kilwi:skeh pos ne: xmochiaskeh, tikyeko:tih se: siowpah, T'yeko:ti se: siowpahtsí:n *porque** kwali a nante:ch..., ante:chchi:wilihkeh *favor, que** nante:chpale:wiah ika i:n, tokaltsi:n t'chihchi:wkeh, tima:tankeh ya, a:man tima:tankeh ya. Ke:mah, nama:tankeh ya. A:man ne: tite:i..., 'tai:tih ya ne:n siowpahtsí:n komohkó:n, t'yeko:tih tsiktsi:n wa:n *cada quien** timoitatih sepa, tia:tih *porque** ne: kalihtik ompa ne: tikitatih to t'chi:watih, a:mo tietotih sah, ta: no: sepa teihsá: monekis n' kalihtik, ti..., tiknekiskeh teihsá: timokwi:li:ti:wih, *por...**, ta:ká:n tikinitatih totapialtsitsi:n, ta:ká:n tikinitatih sake:ra se: tapialtsí:n ne: kalan, kow..., kowtah. Ke:meh n..., kwakwehtsi:n *o caballito o**, *a ver** toni n' kitati n' *irancho**, kipia de kitati ok wa:n kipia de no: *kicuidaro:skeh** n' se: tapialtsí:n *porque** komo a:mo ne: mah kisenka:waka:n, a:mo no: kwaltia. Kipia de no: kitati:wih, xa: moihilpih, xa:..., ox takwah ka:mpa onka..., ka:mpa onkak xiwtsí:n oso a:mo takwah, kipia de no: *kcuidaro:skeh** ok. Entó:s yo:yowih ya ne:n ta:tahmeh, pero achto neli ne: ki..., ma:tamih n' kalkone:t *o** ka..., toni n' kichihchi:wah timose:pampale:wiah iwa:n na:nahmeh wa:n ta:tahmeh. Taká:n se: siwa:pil kiti:tanih, pos tikili:s, xne:chkwe:choli siwa:pil ne:n tixti *porque** tehwa:n ne: nejo:n tikta:li:tih para ne:n ta:tahmeh. Pos yeh ne: siwa:pil ne: kkwe:chowa ya n' tixtsí:n wa:n ne: ki..., kita:liah ya ne: na:nahmeh, wa:n tikinwa:ntih n' taxkaltsí:n wa:n ke:mah ne:..., neli pos mo..., mosiowpahtiah, *bueno** kihtowah ne: taih se: *traguito** pos ika mosiowpahtiah ya. *Después** ki..., kinemili:skeh ne:..., kili:s ne:n ta:tah, pos neh niknemilia:ya ne: xa:, xa: nakkechili:skiah se: se: kolo:tsi:n ne:n tokaltsi:n *que** kwaltiak a. A:it, pero pané: a:mo teh t'mattokeh. Pos a:mo teh t'mattokeh pero ekintsi:n nika:n tiknemilihkeh, *que** xikkechili:skiah se: ne: kolo:tsi:n para ne: titako:wtamatiskeh, a:mo t... Ne: mah mo..., mah tikihto:ka:n kipia ito:ka:y no:. kwaltia tak, t'nemili:tih komohkó:n wa:n ti..., tiwi:tseh *al ratito**. Tiwi:tseh *al ratito, porque** ne: moneki no: toni ne:n tikwa:lkwiskeh para, para tikchi:wili:skeh ne:n i..., ikolo:tsi:n ne:n to..., tocha:ntsi:n. Ke:mah, ne: ka..., ta:ká:n nawelih, 'ne:chnawatiah komohkó:n. Ta: niman tiwi:tseh, ne: tiwi:tseh *desde** se: tio:takpate:mpan tiehkotih, komohkó:n ne: nikinilwi:ti nopi:pilwa:n ke:ní:w n' kinemiliah wa:n tiwi:tseh komohkó:n. Entó:s kini:xpantili:tih ne:n ipi:pilwa:n, ta:ká:n kimpiah kone:meh. Pos tak kwaltias komohkó:n name:chi:x..., name:chi:xpehpenkeh wa:n name:chi:xahokkeh *que** namehwa:n nankichi:walti:tih nejó:n chiwa:..., ne:n nejó:n ta..., nepale:wi:lis, pos tak xikchi:waka:n. żA:kon ne:n tika:wili:tih? Ka:n a:kin. Wa:n i:pa namehwa:ntsitsi:n nankimatih. Neh a:mo n'mati. *Pero bueno** namehwa:ntsitsi:n nankimatih to nankichi:watih. Ke:mah, yehwa t'nemiliah n' tehwa:n. A:, *bueno**. Komohkó:n ka:n teihsá:. Mohkó:n xchi:waka:n wa:n tia:skeh komohkó:n ne:n tikinka:wati:wih ne: *a lo mientras** xchihchi:waka:n se: kowkolo:tsi:n wa:n 'ka:watih. Wa:n para ne:n e:yi *de mayo** semi xkinye:kilwi:ka:n komohkó:n. E:yi de mayo ihwa:k n' tika:wati:wih n' tein ne:n nejo:n tikihtowah kitio:chi:wa ne:n tio:pixka:tsi:n. Entó:s yo:n neli iwki t'chi:wah. Ki..., ki..., tio:chi:wa ya ne:..., *bueno** kite:chihchi:waltiah kita:liah ne:n *crucecito** pero achto kita:liah e:yi taman *listón**. Kita:liah ne:n chi:chi:ltik wa:n kita:liah tatahko n' ista:k, wa:n kita:liah xoxoktik, para ke:mah moita ya *que** kolo:tsi:n ya n' kichihchi:wah. Pos toni ne:, e:yi de mayo, ihwa:k a kka:wili:tih ne: kalkone:t. Ka:mpa yo:n tana:nkiliah ne:n *padrinos**, ompa ihwa:k a kka:watih, pero e:yi de mayo, para ne:..., ompa ke:mah, no: motapowiah ya, A:man tik..., a:man tima:tankeh ya, a:man i:n tehwa:n yehwa:n ya sah tikchi:wkeh *lo que** tein *lo que** nanki..., nankinemilihkah wa:n tein nanki:xehekohkeh mah timochi:waka:n *ticompadritos** pos ekintsi:n timotahpalo:tih *de compadritos** ya, Pero a:mo ka:n mo:sta wi:pta ne: nankihto:skeh neh a:mo tinokompa:leh ok, neh a:mo ti..., ke:n nimitsita ok, neh a:mo teh nimitsta:tawtihtok, *que** teh timote:tekiwih. Kanah, mah telkwaltsi:n ti:xpano:ka:n, mah telkwaltsi:n tixiwki:saka:n *hasta** ke:man *dios** kihto:s, *hasta** ke:man te:che:was ne:n ta:ta *dios**, ihwa:k, *hasta** ompa s..., ihwa:k n' tamis kompa:lehyo:t. Ke:mah, yeh. Tak neli, yo:n neli iwki. A:mo wel timotawe:litstoskeh, nio:n wel timowihwi:kaltihtoskeh, tamela:wa timotahpalo:skeh ika *respeto**, ika miak netasohtalis. żKe:yeh? *Porque** timota:kachi:wkeh ika i:n *tocrucecito**. A:mo ne: tikihto:skeh ne: pos ihwa:k sah n' a:man *ticompadres**, ke:meh kihtowah seki:n, a:man sah i:n *ticompadres porque mesai:xko** tima:yehyetokeh, tikitstokeh n' to..., towe:wehchotapalo:l, a:mo, mah a:mo ne: mah a:mo tikitaka:n towe:wehchotapalo:l, ta: mah tikitaka:n de mowisyo:t. Mowisyo:t tikihtowah neta:kachi:walis ika ne:n tokompa:lehtsi:n. Yehwa yo:ni mowisyo:t. A:mo *tikmalte:ne:wtoskeh** se: *tocompadrito o** se: a:ksá: ihkó:n *tikmalihto:skeh. Mah tikihto:ka:n tein kwali wa:n mah tikihto:ka:n tein ka:mpa ika tiwa:lpano:tiwi:tseh, ke:meh, ke:meh n' ta:tahmeh *antes** tein te:chiskaltihkeh, pos ne: mah, mah, mah *ticumplirohtoka:n**, mah *ticumpliroka:n**, ma:ski a:mo nemih yehwa:n pero tehwa:n tinentokeh, pero a:man mah *ticumplirotoka:n lo que es** tein te:chkakistiltihte:wkeh ya:lwa yowi:pta, *porque** mah a:mo tikelka:waka:n *porque** komo tikelka:wah a:mo kwaltsi:n. Komo tikelka:wah ki:sa ke:meh eskia tikwih ne: soh tikehke:litah ne:n *tocompadre** wa:n mah a:mo tikehke:litaka:n *tocompadre**, ta: mah tikitaka:n *de cristiano**. mah tikitaka:n *de persona, de** tokni:w, ta:ltikpaktokni:w wa:n neh no: nita:ltikpaktokni:w, a:mo ilwikak niwa:l..., ni..., ilwikak niwa:le:w, n' ta: niwi..., [ni]nemi ta:ltikpak nikitak n' tane:x, ta:ltikpak nitayowas, ta:ltikpak nitane:sik wa:n ta:ltikpak nitayowas. *Cuando** ahsis n' *hora** pos ihwa:k a ne:che:was ne:n ta:ltikpaktsí:n *pero hasta** ke:man yeh kimati ke:maniá:n. *Porque** yeh n' *cuando** yo:n timoitah *de ticompadritos** ika se: tokaltsi:n pos a:mo wel *timoburlarohtoskeh** sah, a:mo timokehke:litaskeh, *porque** ne: komo timokehke:litah a:mo kwaltsi:n, a:mo, a:mo yehwa yo:n tanawatia n' *dios**, ta: tanawatia n' *dios** mah timota:kachi:waka:n *hasta** ke:man *dios** kihto:s. Yehwa yo:n. Ke:mah wa:n *hasta** ihkó:n teihsá: timotahtani:skeh se: *favor**, a:mo tikihtohtoskeh pos ne:, ne: a:mo *tocompadre** ok, a:mo ke:ní:w ok. Yo:ni ke:meh se: kihtowa *hasta** ke:man *dios** kihto:s *ticompadritos**. ż*Porque** ke:yeh? A:mo ne:..., timota:tawtiah miakpa, se: *tocompadre** tiktekityo:le:wa timota:tawtiah miak. A:mo soh se: tahto:l, o:me tahto:l wa:n yehwa ya. Yo:n kipia *que** tik..., kipia *que** ti..., tikchias *hasta a ver** ke:maniá:n *dios** mitski:xti:s para ihwa:k ke:mah poliwis ya n' kompa:lehyo:t. *O** ta:ká:n yeh *dios** kiki:xtih, pos ihwa:k ke:mah tami a n' kompa:lehyo:t, pero ihwa:k a. Pero mah nika:n ta:ltikpak tikpolo:ka:n ok pané: a:mo kina:miki *porque** nejo:n neh ihkó:n nietok *porque** no: ompaka ntaskaltih, wa:n no: ompaka nikimpiak kone:meh, ka:nachi *nocompadres**, ka:nachi *nocomadres**, pero a:mo ke:man *nikimalte:ne:wtok semi. Se: *nocomadrita** semi n'pialia miak *respeto, más** ok *que** no:má:n eskia, *porque** ne: tikpiah *como** eskia se: tomomá:n se: *tocomadrita**, komo topilto:ka:y *de bautismo**, komo topilto:ka:y *de levantamiento**. żKe:yeh? *Porque** tikwehmolohtinemih, a:mo mote:tekiwia, se: kihto:s, niwa:lah. Niwa:lah. A:, *bueno**, 'mose:wi. A:, n' ta: neh niwa:lah, xa: kin..., xa: *kinecesitarowa** ito:ka:y mopili. Xa: *kinecesitarowa** se: *padrinoyo:t** mopili. A:mo a:kin. *Siempre** tehwa:n timotokihtiwih n' tite:na:meh *o tiabuelas**, para se: pili nejó:n *mobautizarowa** oso para se: pili nejó:n kichi:wiliah ne: tikihtowah netio:pankwi:lis. Netio:pankwi:lis tein ika ohpa te:to:ka:y, n' *confirmación**, *primera comunión**, ika e:xpa te:to:ka:y. I..., ne:n *confirmación** ika na:wpa te:to:ka:y, *primero de** kipiaskeh n' *tobautismo**, ompa tipano:lti:skeh ne:n *primera comunión**, ompa ke:mah pano:s a n' tatio:pankwi:lis, ompa ke:mah pano:s a n' i..., i..., nejó:n i..., ke:n tikiliah ne:n *confirmación**, para ke:mah kwali mona:mikti:s, a:mo monekis kwehmo:l. Kihto:skeh xwa:lkwika:n *iboleta de** ne:n de nochi n' ohka:n. Ke:mah, nika:n etok. Nikpia *de bautismo**, nikpia *de comunión**, nikpia *de confirmación**, ya de..., ya de tatio:pankwi:lis pos yo:n a:mo kinimakah a:mat, Pero i:pa kipias..., a:mo, a:mo kipias ne:n a:mat, so *que** kipias se:..., se: *velita**. Se: *velita** ihko:ntsi:n no: tsaktos, se: *velita** ihko:ntsi:n wa:n no: kipias se:, mahyá: se: se: okwiltsí:n ie:wayo, se: okwiltsí:n ie:wayo *porque** mono:tsa *conchita**, iwa:n etos yo:n *cerita** wa:n iwa:n etos yo:n *conchita**, n' okwiltsí:n ie:wayo, itech se: *velita** ihko:ntsi:n, tatio:pankwi:lis, pero kipia de kipias wa:n kipia de tikowas. *Cuando** tikpias tatio:pankwi:lis, tikowa:s [n]e:n cera**, tikowas xo:chit, tikowas *escapulario**, tikowa:s *taza**, tikowas *plato**. Ke:mah, yehwa yo:n tikchi:was. Wa:n *cuando** tik..., *cuando** t'tio:pankwiti:w *moahijado**, tikta:lis yo:n tona:ntsi:n tatahko de m' *plato** wa:n tatahko de n' *taza**. Tatahko de n' *taza** tikta:li:s n' tona:ntsi:n wa:n ompa t'yewalo:lti:s a xo:chitsí:n wa:n ompa tikwi:kas a mo..., moto:ka:y ne: tio:pantayekak. Tio:pantayekak tikwi:kas, *a ver** toni ne: komo, komo ta:ta *dios** komo okichpiltsí:n tikwi:kili:s ta:ta *dios** wa:n komo siwa:piltsí:n tikwi:kilis *virgencita**, *a ver** ka:ti:yeh *virgencita** n' tahpia n' ka:mpa tikwi:kas. Ta:ká:n *virgencita de Guadalupe o** ta:ká:n *virgencita de** de nika:n *toparroquia** etok ne:n Ocotlán, pos yehwa n' tikwi:kili:s. *Pero caso es que** tikwi:kas iwa:n se: *virgencita**, wa:n ke:mah ompa tiki:xti:s a wa:n t'tankwa:ketsas moto:ka:y wa:n ompa tikmachio:ti:s moto:ka:y na:wi *viaje**, na:wi *viaje** tikmachio:ti:s moto:ka:y wa:n na:wi *viaje** ti..., tikwit..., ke:meh eskia tiktankwa:ketsas wa:n *mismo** teh tikahkokwis. żKe:yeh? *Porque** mono:tsa tiktio:pankwi, tiktio:pankwi *porque** ne: na:wi *viaje** kipia *que** tikahokwis wa:n *itacita** wa:n *iplatito** wa:n *ivirgencita**, *cuando lúltimo** tikahokwis a, tikta:lilia ya n' *ivirgencita**. Tikta:lilia ya n' *ivirgencita para** ika moahokwi a, *es que porque** moto:ka:y ya. Ihko:ni yo:ni. *Porque** motio:panto:ka:y *aparte**, nimitse:kilia ya. Motio:panto:ka:y *aparte, aparte** mobautismo**. *Aparte** ne: mo..., *mocomunión, aparte** motio:panto:ka:y, *aparte moconfirmación**. *Mocasamiento aparte**. Kipia *que** tikpiati na:wi to..., ma:kwi:l to:ka:it. Ihko:ni yo:n, ihkó:n tehwa:n nika:wí:n. A:mo n'mati ne:wí:n okseki *lados**, *porque cada quien comunidades** ta:taman kichi:wah *o** tataman tikchi:wah, a:mo se: taman sah. Ke:mah, a:mo n'mati ox, ox nochi ihkó:n tikchi:wah oso xa: seki, xa: seki *más** kwaltsi:n kichi:wah *o** xa: seki *más** ke:meh eskia mah nikihto ne: kimpolowa ok n' talna:miki:lis, *o** xa: nehwa ne:chpolowa n' talna:miki:lis, *pero caso es** ihkó:n tehwa:n nika:wí:n timowi:kah. Kipia *que** ne: tikte:moliah. Wa:n se: pili, se: pili kipia *que** kipias n' itio:panto:ka:y. Ma:s se: siwa:t, pero ka:mpa ite:iskaltihka:wa:n komo a:mo kichi:wkeh *cuenta de** kite:tio:pankwi:ltihkeh, wa:n teh mosiwa:mon ya, pos kipia *que** t'te:tio:pankwi:lti:s. Kipia *que** t'te:tio:pankwi:lti:s *porque** yo:n mono:tsa nejó:n *madrina**, *madrina de penitencia**. Yehwa yo:n tatio:pankwi:lis, tein *primeritito**. Yo:n *madrina de penitencia** yekinika moto:ka:y. M..., yekinikatsi:n moto:ka:y. Ika o:me, pero yekinikatsi:n moto:ka:y. Ke:mah, ihko:ni yo:ni. *Para con eso** ne: pos no: tik..., tikpia *confianza** mosiwa:mon *que** kipia itio:panto:ka:ytsi:n. Se: ne: nosiwa:mon, kipia n' *iconfirmación**, kipia *icomunión**, pero itio:panto:kay a:mo kipia. A:xka:n tehwa:n t'te:moli:tih itio:panto:ka:y para mah kipia n' itio:panto:ka:y. Ke:mah. Wa:n oksé: kipolowa *icomunión** kipolowa *iconfirmación**, kipolowa itio:panto:ka:y, pos tio:panto:ka:y t'te:moli:tih nochi. *Ora para** mona:mikti:s tahtaniskeh *boleta de n' confirmación**, tahtaniskeh *boleta de m' primera comunión**, ka:n tei. ż*A poco** ka:n yo:ltoyah n' te:ta:tmeh? Pos ka:n n'mati. Wa:n neh mah nochi nika:n x..., wa:n 'pano:lti mo..., mokichpil i..., ia:maw, nika:n etok wa:n se: no: nika:n etok. Nio:n teh owihka:yo:t. Nimantsi:n *tikimpresentarowa** mopilwa:n wa:n nika:n mona:miktiah. *A los veinte días** na:mikeh moet..., *o a ver** ke:maniá:n, pero mona:mikti:s. Ke:mah, kipias a n' *imatrimonio**, *imatrimonio porque** mochi:wati iwa:n ne:..., [ke:meh] eskia se: sah. Mochi:wati de n' o:me pi:pil mochi:wati se: sah. żKe:yeh? *Porque** ina:mik a. Tikihtowah itatio:chi:walna:mik a. Ihko:ni yo:n. Wa:n de n..., ma:n..., pos *antes** *antes** ihkó:n t'chi:wtiwa:la:yah. Pero ekintsi:n a:mo kichi:wah n' ta:tahmeh. Pero neh a:mo, noxwiwa:n de siwa:pi:pil, se: siwa:pil nikpia we:i, *de catorce ańos**, kipia n' *iprimera comunión**, kipolowa n' *iconfirmación, pero** n'pe:wtok. 'Momachi *de confirmación** wa:n tia:ti. *Pero eso que** yahtok *secundaria** aya:mo kipia ne:n i..., *iconfirmación**, pero pano:ti, *primero dios**, no: se: m' pano:ti *icomunión**. *Primero dios porque** komo a:mo ni..., timoitatih no: mahyá: tiokwiltsitsí:n tehwa:n. A:, wa:n mah a:mo yo:n chi:wi, mah, mah *tikincuidaroka:n** topi:piltsitsi:n, toxwi:wa:ntsitsi:n ya. Ekintsi:n a:mo topi:pilwa:n de tocho:kilowa:n, ekintsi:n toxwi:wa:n ya. Komo a:mo neh nopi:piltsitsi:n pero noxwi:wa:n ya.