We:noh na:nah, ekintsi:n nika:n timonohno:tsatih de yo:n xa:lkapolin, tiki:xmati no:. Ke:mah, niki:xmattok, mm. Neh no: niki:xmattok na:nah *desde** ke pe:wa *porque** yo:n ne:n to:to:tsitsi:n kikwah yo:n kapoltsi:n wa:n seki kiitskih wa:n kimoya:wtiowih wa:n ka:mpa yo:n ixwa ya iwki moskaltihtiw, ye:k ma:pehpetaktik. Ke:mah. Ma:we:weyak. Wa:n kowyohtohtoma:wak. Ke:mah. Mm. Ta:ki. Ma:kowyohtohtoma:wak wa:n ke:mah nehjó:n ihkwi:ni moskalti:ti de se:se:me:troh ya wa:n ke:mah pe:wa ya poso:ni. Poso:ni ixo:chiotsi:n, ihista:k no. Ihista:k wa:n ne:n kapoltsi:n mopilohtiw nehjó:n, mahyá: yo:n *uvas** chihchi:wtok, xohxoxoktik. Ihista:k. Pero *más** chika:wayati a ne:n kapoltsi:n nehjó:n ye:koksi, seki ye:ktihti:ka:oksi wa:n we:lik ato:l. Se: kima:pa:ta. Se: kima:ta oso nehjó:n komo se: kima:xakwalowa ika se: ima:i, semi se: ma:tsohya:ya nikilwia neh. Pero neh semi nikchi:wa n' ato:l, nikxama:nia ika *vaso**. Mm. A:, ika *vaso** Mahyá: ika nikpahpa:ta. Mm, wa:n neh nikma:pa:ta sah. 'Pahpa:ta. Wa:n neh a:mo n'neki nikma:pa:tas semi se: ma:tsohya:ya nikilwia, ke:mah. Nikma:pa:ta wa:n ke:mah nehjó:n pos ko..., Mm, wa:n ke:ní:w tikchi:wa n' ato:l. Pos nik..., nikmolo:ntia tixti achto, kwali momoloka wa:n molo:ni a n' tixtsi:n nikpante:kilia ya yo:n kapola:tsi:n. Mm. Ehe, i..., ke:man nikchi:wa. Wa:n ka:n, ka:n xoko:k ki:sa. A:mo xoko:k ki:sa *porque** nikta:lilia pane:lahtsi:n. Mm. Nikta:lilia *panela** wa:n ika niktsope:lia. Ika yo:n tiktsope:lia. kwali momoloka wa:n ke:mah nehjó:n pos oksi a nochi ne:n kapoltsi:n. Ke:mah. Wa:n *cuando** yo:n tikixmat yo:n kapolih, a:koni mitsne:xtilih. Pos ompa ne:, de se: pilimeh tak a:mo n'mati ox i:pa kichi:wayah wehka:wkayo:meh pero neh nimone:xtilih nehwa sah pe:wak nikchi:wa n' ato:l. Neh ... Mm. Ka:mpa ne: siwa:montiko. Ke:mah. Neh yo:n i:pa taiah ne: ke:man, ne: weh..., wehka:w a taiah noweta:twa:n katka ok yeha:n kichihchi:wayah n' a:to:l Kichi:wayah no:. Mm, pos de ke ... Pos ne: ke:man ya telpanowa ya ta:kia yo:n kapolin, telonkaya, telsenka ya, ka:mpa ne: kowtah, kanah ika kahbe:ntah, kanah ika ixta:wat. Pos neh a:mo nikmati ox ... Telte..., telonkak, ta: onkak kisegui:rowa a:man i:n ompa ne:kwí:n tehwa:n no: mochi:wa. Nochi mochi:wa, ke:mah, ompa ne: tehwa:n on..., ne: timokwahkwawi:tih ne:kwí:n kowtahpa. Ohtipan semi onkak yo:n kapoltsi:n pos tikpohpostektiowih wa:n tikwahtiowih. Mm, wa:n seki se: kipa:kita se: mokante:ntiw, se: kipipi:na ne:n, ne:n ie:wayotsi:n se: kitohtolowa pero iteyotsi:n sepa se: kipi:xowa. Nochi ne: tik..., tikwa:lkwiah tein oksik, teha:n te:chto:tokayah mah 'tekitih tein yoksik, tein tihti:ltik sah. Ta: se: kikwa ya, se: kikwa ya, se: kipi:xohtiw. Ka:mpa ne: pixowi pos ompa sepa mochi:wa, ke:mah, ixwatiw. Ka:n mone:neki, semi, semi we:lik yo:n. Tel, telwe:lik ato:ltsi:n. Ompa ixwatiw, yo:n a:mo mone:neki yo:n kowtet, pero telwe:noh, yeha yo:n para se: tai:s ne:n ato:l. Wa:n no: niki:xmati yo:n ixta:wat mochi:wa, yo:n kapolin, neh niki:xmati kapolin sah, yo:n ahasu:ltik. Mm. Wa:n semi se: mokante:ntiw, se: kikwa. A: pero yo:n neh niki..., neh nikto:ka:itia pihpixkapolin. Pihpixkapolin. Pihpixkapolin wa:n kwaltsi:n asuli:tos. Ke:mah. Semi nehjó:n, ke:mah, semi iwki. Nehnextik, ke:meskia tih.., mahyá: mohmora:dohtik ne:n, n' ia:yo de, *hasta** se:, ke:man se: kikwa nochi se: ... Te:tempa. Te:te:mpa yo:n, neli te:te:mpa wa:n neli nehjó:n we:ia no: ikowyotsi:n. Mm. No: pero *este** ... Yo:n ke:mah no: teltaxi:kowa para ko..., kowtati:l, mm. *Este** ... Wa:n ka:mpa yo:n kitehte:xi:mah pos kwaltsi:n wa:ki wa:n se: motehtekilia para se: ikowtati:l, ke:mah. Ke:mah, semi onkak ne:..., ne:kwi:n, ne: tehwa:n mochi:wa kowtsi:n. Pero neh no: niteltai yo:n ne:n xalkapolato:l. Ta: semi we:lik. We:lik, mm. Pero ne: nikilia ne: pihpixkapolin. Semi we:lik yo:n kalpoltsi:n. A:mo ke:man nikchi:wak ato:l, a:mo nikmati ox we:lik. Yo:n nik..., niktelkwa s..., ke:meskia n'telkwa:ya, mm. Wa:n to:to:meh ke:meh kikwah no:. Pos yo:n a:mo no: ke:man tikchi:wah. Se: kikwa sah, se: kitektiw wa:n semi se: mokante:ntiw. Ta: kitelkwah, o:me taman ata yo:n onkak, seki pané: *más** telwehwei ne:n kapolin. Kitelkwah n' to:to:tsitsi:n, ke:mah. A:mo, yo:n neh a:mo niki:xmat, tak kama:ni, ta:ká:n niki:xmat *más** pero a:mo ke:man nikwah. Kanah, neh nikwah, o:me taman yo:n kapolin onkak wa:n no: *mismo, mismo color**. Mm, mm. A:, *mismo**, mih..., mih..., mihkwitik. No: iwki a ne:n asu:ltik. A:, ihkwitik ne:n tapaloh. Sayoh ke achi wehwei yeh. Mm. Pero *más** niki:xmatik xa:lkapolin wa:n pihpixkapolin. Achi wehwei, ke:mah. Yehwa. Pero yeha yo:n *más** nikwah tein ke:man nimoskaltihtoya. Ke:mah, ta: ne: ... Wa:n *hasta** a:man nikwa:skia tak wa:n kowa..., n'tai:skia n' a:to:l komohkó:n *cerca** onkaskia pero ... Pos neh nikchi:wa. Ke:mah a:mo, ke:meh a:mo *cerca** ni..., kowtah ok ninemi. Entó:s a:mo nik..., a:mo no: nikpia ok yo:n kowit ke:meskia, mm. Ke:mah, pos i:n neh nikchi:wa yo:n kapolin chi:chi:ltik *porque** nehjó:n ke:meh i:n timokwahkwawi:tih wa:n tikitah ye:koksitok wa:n i:pa nikmattok, komo niow kowtah nikwi:ka se: *bolsa** we:i, yo:n palte:l kiliah, yo:n nayloh ya. Mm. Nikwi:ka wa:n ka:mpa nikahsi, nikteki. Nikteki *por, por** nehjó:n ikowyotsi:n. Mm. Mahyá: *uva** se: kitektiw wa:n ke:mah nika:n tiehkoh ika timose:wiah ya, tikma:yektia, tikma:o:yah. Mm. Para ne: tiketsah ika se: *cubeta**, tikpa:kah wa:n ke:mah para tikpa:taskeh ya. Nanta..., nantaih ya n' ato:l. Ne: pos tikmolo:ntiah, mo:stika ya. Mo:stika tikmolo:ntiah ato:ltsi:n. Mm. Neh nikwets..., neh niki:xmatik ke:man nipili katka *porque este** ke:meh ki..., no:, no:pá:n kipiaya se: *pedazo**, mahyá: ko:kowtah katka wa:n ompa tel ne: kowtampa, ke:meskia kowmaya:n, tapachiwtoya, ta: ko..., mahyá: ko:kowtah neli. Ke:mah. Pero mahyá: yo:n ta:lpe..., ta:l, ta:lpantapachiwtok sah, a:mo telwehwekapan kowit yetoya, seki wehwehkapan wa:n seki ta:ltech. Ehe. Entó:s yo:n ompa telsenka mosentilia:yah n' to:to:meh, ompa mose:wia:yah. Entó:s nikpostekiti a wa:n nikwi:ka ya wa:n ke:mah ne: nikinta:li:ti to:to:meh wa:n ke:mah nikchihchi:wa ya ne:n p..., peya:l *o** pos..., *o** ne: ka:mpa nikintamekawilia n' to:to:meh. Mm. Wa:n ika ... Wito:n. Wito:n kilia:yah. Entó:s ompa ya yo:n to:to:meh mo..., mo..., moilpia:yah, tato..., tatsoniksatih ne: wa:n moahoktiki:sa ya wito:n, entó:s ompa ya motsikowa ya to:to:t. Pero ika yo:n kapolin nikin..., nikinmekawia:ya, mm. Ika tiki:tskia:ya. Ke:mah, ta: porin tsope:k. Tsope:k wa:n xoko:k. Ta: to:to:meh kitelkwah kapolin, mm. Xoko:k, mm. Tein telohoksik a:mo xoko:k. Pero tein seki telchi..., mm, mm, mm. Wa..., wa:n, wa:n no: tikmattok oksé: ika, ika no: pahti. Tein yo:n achi *medio**, ma:..., *medio** nehjó:n chi:chi:le:wi a, yehwa telxoko:k pero tein tihti:lka:oksik ye:ktsohtsope:k. Pos a:mo nikmati yo:n ox pahti, neh i:pa *lo más** titayih ato:l sah, ke:mah. A:, no: kwali. Mm, ikowyo no: telpanti para se: te:mpala:ni, mm. Ka:mpa yo:n telmiak itsmol kipia xiktekiti ne:n kowit wa:n ke:mah tein kwaltsi:n seltsi:n ... Pos ... Xikteki wa:n x'tsonkwahkwa wa:n xikwa. N' kowtsi:n, n' kowtsi:n. Ixiwyotsi:n. N' ikowyo, yo..., ke:meskia ka:mpa yo:n i..., i..., ikechko, ikechtayo ka:mpa selik. Mm. Tikposteki a wa:n ke:mah tikwa ya ne:n ne ... A:mo. A:, a:mo ixiwyotsi:n. *Mero** i..., tein selik. Ikowyo, ikowyo tein seltsi:n. X'tsonkwahkwa kwaltsi:n komo tite:mpala:ni wa:n entó:s ne: x..., mahyá: ika ximokampa:ktiw a, mahyá: yo:n mochihchi iwa:n xikma:neloya wa:n ke:mah chihchatiw a, a:mo x'tolo. Ke:mah. Mah a:mo se: kitolo. A:mo x'tolo. Pos a:mo nikmattok yo:n ox no: pahti. Yo:n telwe:noh para se: te:mpala:ni. Nikmattok nehjó:n i:pa nitai ato:ltsi:n sah, ke:mah wa:n no: kwaltia para kowtati:l, ke..., ka:mpa ke:meh i:n telwehwei mochi:waya n' kowit ... Mm. Mm, mm. Ke:mah, ka:mpa we:wehti a. Wa:n kiteki..., kite:mpe:wah ya pos neli nehjó:n wa:ki. Wa:n se: tehtekili:ti kwaltsi:n semi se: motaxo:taltilia k..., Yo:n semi takwa:wak ko..., kapolkowit semi takwa:wak. Semi takwa:wak, ke:mah. Ke:mah, ta: itsmoli:ntiw, sa nipa momahmaxaltia. Mm, sayoh porin a:mo, a:mo mehmelastik mochi:wa oso mahyá: niman moitsmoltihtiw ma:s[ki] tsikitsitsi:n wa:n kachi ke:meh ... Wa:n ke:meh i:n kikwih pahti pos ke:mah ne: kikechpostekih ya wa:n *más** miak itsmol a mochi:wa, mo..., itsmoli:ni wa:n entó:s miakia ya wa:n mahyá: nochi to:tokotstik a yowi ne:n kowit, a:mo melastik ok, mm. Sepa seko ya ne:n itsmoli:ni. Ke:mah ta: pos nehjó:n momahma:yo:tihtiw. *A ver** ke:maniá:n tine:..., tine:chwa:nti mokapolato:l na:no. Pos kwaltia nona:ntsi:n ke:man tiá:s tite:chkapano:ti:w wa:n mah *itiempo** onka yo:n ne:n kapolin, nikchi:was wa:n titai:ti:w. Pero ke:masá: nimits..., nimitstahtani:ti se:, se: kwalta:kayo:t ata, ma:s[ki] ne: xikte:mo wa:n se:se..., se:sepatiká: ta:ká:n tine:chkalpano:ti na:no. *Este** xine:chwi:kili:s ne:n kapolin para ka:n ke:man yo:n te:tsa:w, kachi *más** mo..., telonkak ok ne:wí:n mocha:yohkopa. kwaltia no:, n' ato:ltsi:n. Pos semi ... Ompa ne:kwí:n tehwa:n semi mochi:wa yo:n kapoltsi:n. Xa: telonkak ok kapolin ne:chwi:kili:s para ne: ... Pos ta:ká:n a:mo timati ata ne: nocha:yohpah Mm. Neh ne: Tepango. Tepango. Ta:ka:n ke:masá: tinemiti ompa ne:wí:n oso ne: ... Xtatsi:ntoka *por, por**, ne: nimono:tsa niFrancisca Rivera Pérez. Ke:mah, *eso**, ke:mah. Ta: semi we:lik. Ompa x'tatsi:ntoka ika yo:n, ne: ka:n ka:ni nietok para ne:ch..., tine:chma:ktili:s kapolin. Pero no: niteltai:snektok ato:l, mm. Pos neh niwa:le:w ompa ne: San Miguel Tzinacapan. Ke:ní:w timono:tsa na:no. Neh nimono:tsa niCelina González Nazario. A:, pero atox nimatis komo nimitskalpano:ti mah ... Mm, neli a:xá: neli. Ke:mah, ta:ká:n, pos ta:ká:n titahtani ika nono:mbreh tik..., tikmatis *porque** ne:chi:xmatih, ke:mah. Pero ka:n n'matis ke:maniá:n kapolin tikpias. Mm. Pos ta: no: xiktattoya semi i:ksá: onka i:n tio:nya:tih. A:. Tio:nya:tih *por** noviembre, diciembre pe:wa ya xo:chiowa. A:, we:noh. A:, we:noh. *Hasta** a:man ya pané: xo:chiowa, a:man mo..., mopatak, mo..., xo:chiowa ya wa:n mochi:wati:w a n' kapolin. A:xá: neli, a:xá: neli, aha. Antó:s *este** ihkó:n timoka:wa na:no, mah nimits..., mah nimitska:wte:wa *porque** tayowati. Neli, neli, ne..., Entó:s mah niowa. We:noh, miak tasohka:matik, nika:n timonawatiah, mm. A:mo teisá:.