*Bueno**, nimitsilwi:ti i:n *cuento de** n' *coyote**. Wa:n n' *coyote** mota:nik iwa:n se: chapolin. Wa:n yo:n chapolin kichi:wkeh n' *apuesta** itech se: *loma**. Wa:n yeh kinemilih n' *coyote** ke kita:niskia nejó:n, *porque** n' chapolin pos tsikitsi:n. Entó:s kilia, "Tikchi:wah se: *apuesta**. A:koni *más** kwali tsikwi:ni de nika:n *hasta** ne: *loma** a:koni achto ahsi". Kilia, "¿*De veras?**. Kilia, "Ke:mah". "Wa:n, wa:n tikmati", kilia, "ke titaxi:ko:s nowa:n?" "*Ah si**, nehwa", kilia, "ke:mah". "Nichapoltsi:n", kilia, "pero nitsikwi:ni kwali". "*A ver**," kilia, "tikchi:wah se: *de apuesta**, a:koni achto ahsis". "*Órale**", kilia, *a la voz de tres, una**", kilia, "*dos, tres". Entonces n' coyote** tsikwi:ni. Wa:n chapoltsi:n no: tsikwi:ni ohpa tsikwi:nik wa:n mopilowa ikwitapi:lte:mpan. Wa:n ke:mah tsikwi:ni a n' *coyote**. Pero motamo:ta. Motalowa *fuerte, modo de** kita:niskeh chapolin. *Entonces** ne: oksé: *loma** ahsito ya, ahsiskia ya n' *coyote antes de** ahsis n' *coyote** na:lpata:ni n' chapolin wa:n mokehketsato ompa ne: *loma** ka:mpa ahsiskiah. "*A ver**", kilia, "nimitsta:nik, neh ye:wa ya", kilia, "niehkok wa:n teh yekin tiwi:tsa". "Ah", kilia, "*de veras**. ¿Ye:wa ya", kilia, "tiehkok?" "Neh ye:wa ya", kilia, "niehkok". "Wa:n teh", kilia, "*apenas** tiwi:tsa wa:n tikihtowa", kilia, "teh kachi tikwa..., kwali titsikwi:ni porin timetswe:weyak". "Aha", kilia, "*bueno**, tine:chta:nik". "A:man", kilia, "tikchi:watih oksé: *cosa**". "*A ver**", kilia. "A:koni kipia *más soldados**", kilia. ¿A:koni kipia *más soldados**, tehwa wa:n neh? Tikisentili:tih", kilia, "*tosolda:dos** wa:n motewi:tih". *A ver**, kilia, "A:koni tata:ni". "Tehwa eski *tigenera:l**", kilia, "wa:n nehwa. Pero motewi:tih "tosolda:dos. ¡*'kinvita:ro**! Wa:n neh no: *nikinvita:ro:ti**", kilia, "*nosolda:dos** wa:n motewi:skeh, a:kon tata:ni". "*Sale**, kilia, "*órale**". *Entonces** ne:n chapolin kininyo:le:wak xi:kohmeh, a:lsimitmeh, nochi loke:s mo:yo:tsitsi:n tein te:kwah, pe:pe:wanimeh, a:skameh, chi:la:skameh wa:n miak okwilin tein te:kwa. Xi:kohtsitsi:n kininsentilih, pero miak, *maribumbas**. Pos ihkó:n kininsentilih miak okwilin. Wa:n i:n *coyote** kio:le:wak *tigre, león**, ma:pachin, pe:soh tein tatewia, tein *más peleonero**. Wa:n ke:mah kininwi:kak a. *Primero** mokehketsto se: *tigre** pos we:i wa:n te:kwa:ni. Wi:tsa ya se: pe:pe:wani wa:n imetsko tehko ya. Entó:s pe:pe:wanitsi:n sayoh kixita:nih wa:n mikik. Wa:n ke:mah wa:le:wah ya, wi:tseh xi:kohmeh, wi:tseh *avispas** wa:n kintihtipi:niah nochi yo:n okwilimeh, tate:wiah ya, motewiah ya. Pos *tigre, león**, ma:pachimeh, pe:sohmeh *o** tein onkak okwilin tein we:i. Sanipa mokepa pos ki..., kinintewiah ya ne:n tein *más** tsikitsitsi:n tatewia. Wa:n kintokakeh yo:n okwilimeh tein wehwei:n. Tatewihkeh *más** i:n xi:kohmeh wa:n, wa:n pana:lmeh. *Avispas** tiki:xmatih no: komo koyo:kopa. *Y** entó:s yo:n tatewihkeh wa:n kilia, "Pos xkita", kilia, "*siempre** nimitsta:nik. *A ver**", kilia, "*mosolda:dos** nochi cholohkeh wa:n nochi kintokakeh. *A ver**", kilia, "xkita *león**", kilia, "ke:meh kichi:wkeh. I:xtololowan", kilia, "kinchihchi:wkeh wehwei", kilia, "pos ta:, a:mo taxi:koh. Pero kipia *más fuerzas**", kilia, "kipia *más fuerzas**", kilia, "pero a:mo kintewih, a:mo kinta:nik". "Pos we:noh, ekintsi:n ihkó:n ya", kilia, "nimoka:w *mal**. Itech o:me *lado**", kilia, "a:mo teh nikta:nik nió:n se:". Ihko:n ya. Pos neh i:n *cuento** nikwa:lkwi *desde** miak *tiempos**. De wehka:w. *Desde cuando** nietoya *escuela** nikakia *kidicta:rowah cuentos**, kihtowa:yah. Wa:n neh nikta:lih *cuidado** ke:ní:w mochi:wa *o** ke:ní:w kihtowah wa:n *hasta** a:man nikwi:ka *sesenta y nueve años, cumplidos** niow *para setenta**. *Veinticuatro de noviembre nicumpli:ros setenta años**. Juan de los Santos.