We:noh ekintsi:n xite:ch..., xite:chtapowi ke:ní:w ne:n se: kichi:wa se: pilwahkal, kwali te:ch..., te:chtapowi:s ke:ní:w ne:n, toni, ke:ní:w se: kipe:waltihte:wa wa:n ke:ní:w ne:n nochi *hasta** se: ma:tami, se: kinakastantsakwa wa:n nochi ne: komohkó:n tiweli t'chi:wa ne:n kwa:it wa:n ke:ní:w se: kima:akia mekapal, nochi ke:meh para se: kikwis a sah. Pos wahkal se: .... Mah nikihto ya. (Borrar) Mm. Wahkal se: kichi:wa pos ne: nin.... *En primiro** kelpachowah komekat, a:mo name:chilia ke neh nikelpachowa, kelpachowah ompa nehjó:n kisoh, *después** de kisoh ya pos ne:n se: ki..., se: kipe:waltia ya, se: kichihchi:wa ya, komo se: kichi:wa, tikiliah nehjó:n i:xpatil, tatahko kwi:ka ne:n *trenza** ie..., wa:n tatahko kwi:ka ne:n i..., yo:n ihilpitok. Se: kihikpihtiw, iwki *hasta** se: ma:tami, o:me, o:me, o:me wahkalkowit se: kichi:wa para moi:xna:miki a. Se: de yo:n, nochi se: ma:tami a, se: kinakastantsakwa ya, de se: kinakastantsakwa, *primero** se: kichi:wa n' tamali:n, tamali:n para ika se: kwitilpia ya de itsi:ntan. Se: kilpia wa:n se: kitamiilpia, ke:mah pos tik..., se: kiteki se: kowtsi:n, *con forme** ke:meh n' *hoja**, yetok a ne:n wahkalkowit de ne:n wahkalkowit de ne:n de n' i..., *casi** ke:meh wahkalkowit yetok de pata:wak. Entó:s de achi kowtsí:n se: kiteki wa:n de se: kiteki kowtsí:n nehjó:n se: kite:nta:lilia ya de ite:noh para ke:mah se: kipe:waltia ya, se: kichihchi:wa ya inakastan. De se: ma:tami se: *lado** de inakastan, ompa sepa se: ki..., sepa seko se: kichihchi:wa, nochi se: kite:mali:na de ite:noh, a:mo tikihto:s *porque** tima:tan ya wa:n iwki a, ta: de ite:noh se: kipa:pano:ltilia xo:no:t sepa para mochi:wa ke:meh eskia *lacito** ya. Ke:meskia *lacito** mochi:wa ite:noh wa:n ke:mah nehjó:n pos se: kichi:wa ya sepa *lazo** para n'wahkal a. Ompa de yo:n se: kichi:wa ya yeh pos se: kichi:wa ya mekapal, makapal ompa nehjó:n se: kitekpa:na ya de n' para ka..., para m..., ka:mpa se: kilpi:ti a, se: ki..., kimali:ntiw sepa ne:n xo:no:tsi:n ka:mpa tamiti a mekapal, se: kichi:wa, se: kimali:ntiw sepa, se: kitekpa:ntiw nochi para nehjó:n, para mochi:wa ya ne:n wahkal a se:, para se: kwa:iti:s. Se: kalakilia ya *lazo** de nika:n i:n wa:n ke:mah nehjó:n se: ki..., se: kilpia. Se: kilpia kwali wa:n se: ma:tami a pos se: ki..., se: kwa:itia ya wahkal. Se: kichi:wa ya, pos, pos kwaltia ya para pili a, se: kikwi, ke:mah, mm. Yo:n wahkal a:mo kipia *este** ite:ntsakka. Kipia n' *lacito** sayoh de ite:noh, se: *lacito** no: se: kichi:wilia, ke:mah, *lacito** se: kichi:wilia para tikwahkalakia ya pili para a:mo wetsis komo we:itsi:n ya pos ika 'te:nilpia ya. Ke:mah pero para nikihto:s kipias ite:ntsakka, a:mo kipia, ke:mah yehwa ya ne:n *lacito** sah se: ki..., se: kimali:na *mismo** de xo:no:t a, ke:mah wa:n para nehjó:n pos ompa se: kikwi a para pili. We:noh, te:chilia:ya ika komohkó:n se:, komohkó:n se: kineki se: kichihchi:was ixpatil wa:n koma:mo se: kineki i:xpatil, ke:ní:w ne:n kwali no: se: kichi:was. Weli iwki nehjó:n se: kichi:wa *trenza** sah, ke:mah, iwki *trenza** sah se: kichi:wa para nehjó:n kwal..., we:noh kwaltia no: iwki, iwki sah se: kichi:wa *trenza** oso iwki sah ihilpitok, ihilpitok se: kichi:wa oso yo:n se: kichi:wa no: ihilpitok wa:n no: *cruzado** ya, ihko:ni, ke:mah se:, mahyá: se: kipatilohtiw no:. Ke:mah nochi kwaltia, koma:mo tikneki tikchi:was ne:n *trenza** pos se: kichi:wa nehjó:n mah i:xpatil sah, ihkó:n se: kipatilohtiw sah xo:no:t, se: kipe:waltia komo t'pe:waltih de e:yi sah, entó:s nika:n t'pe:waltia e:yi para nipa tiow wa:n sepa para nipa tiow sepa e:yi se: kipe:waltia wa:n ke:mah ompa ke:mah de nochi t'pe:pe:waltia ompa tikilpihtiw a, e:yi sah tikilpihtiw pero t'patilophtiw a ne:n *hilo**, ne:n xo:no:t komoke, ke:mah. Se: kipatilohtiw xo:no:t para mochi:wati kiliah nehjó:n i:xpatil wa:n koma:mo pos iwki yo:n, iwki sah, se kihilpia sah, ke:mah. Yo:n nochi de e:yi, de e:yi kwaltia se: kichi:wa, koma:mo t'neki t'chi:was de i:xpatil pos tikchi:wa nehjó:n iwki sah ihilpitok wa:n koma:mo t'neki iwki sah ihilpitok pos tikchi:wa *trenza**, ke:mah, nochi, nochi kwaltia, ke:mah, mm. Wa:n *trenza** ka:nachi se: kita:lilia ne:n wahkal. Na:wi, na:wi *trenza** se: kita:lia, de ehe:yi mahpil, ehe:yi oso, ke:mah, de ehe:yi mahpil se: kita:lilia para nehjó:n, para ne:n ki:saki e:yi, e:yi *trenza** se: kichi:wa, ke:mah. Yo:n *al según de**, komo pata:wak n', pata:wak takelpacho:l wahkalkowit pos kwi:ka *hasta** na:wi *trenza** oso ma:kwi:l pero koma:mo semi pata:wak, ke:meh yo:n Arturo kinkelpachowa, yo:n a:mo pata:wkeh, entó:s kwi:ka e:yi *trenza** sah, e:soh. *[Por]que** se: kita:lilia no: na:wi pos no: telce:cerca** ya, e:soh, wa:n telce:cerca** ya pos no: *más** kosta:rowa, *más** kwi:ka xo:no:t, ke:mah, mm. A:man ne:n ke:meh se: kihkiti ne:n wahkalkowit, inakastan no: iwki kipia ke se: kitsakwas *o** kwali se: kipatas, komohkó:n se: kita:lilih *trenza** ne:n wahkalkowit inakastampa no: impo:rtah *trenza**. Komo se: kineki *trenza** wa:n koma:mo kwaltia yo:n mahyá: ta:tamali:n sah se: kichi:wa, ke:mah, se: kitetsi:lowa xo:no:t wa:n se: kipano:ltilihtiw, se: kipano:ltilihtiw mochi:wa ke:meskia tamali:ntsitsi:n *cuacuadritos** ihko:ni, mahyá: yo:n yehyewaltik mochi:wtiw, e:soh. Yehwa yo:ni ne: nochi kwaltia, a:mo impo:rtah nehjó:n *trenza** koma:mo se: kineki wa:n komo se: kineki pos se: kichi:wa nochi *trenza**, e:soh, mm. A:man ke:ní:w se: ki:xehehkowa ika eski i:xtoma:wak xo:no:t se: kikwi. Se: kimachilihtiw a iwki ika *mismo** se: ima:i, mah se: kimachilia komo toma:wak pos se: ki:xtilia, n' ompa se: ki:xki:xtilihtiw a sepa n' xo:no:t, se: ki:xkoto:ntiw. Ke:mah, ke:meh se: kipe:waltia *hasta** iwki se: ma:tamiti para a:mo nehjó:n, para a:mo ne: i:xchikotoma:wak eski, koma:mo pos no: i:xchikotoma:wak komo iwki se: ki..., mah iwki se: ki:xchi:wa pitsa:wak, seki tohtoma:wak, entó:s ki:sa i:xchikopihpitsa:wak *o** i:xchikotohtoma:wak wa:n komo tikwik *parejo** i:xtoma:wak pos *hasta** iwki se: ma:tami. E:soh wa:n komo tikwik *parejo** ne:n tikpe:waltih mah i:xpitsa:wak pos *hasta** iwki se: ma:tami pitsa:wak, ke:mah, mm. pero n' xo:no:t *siempre** se: kikwi achi toma:wak *porque** ke:meh yo:n pilimeh moaha:wiah pos n' xo:no:t niman pala:ni wa:n ke:meh ne: ke:man ne: tikinkwiah pilimeh a:mo tikinta:lilia:yah ke:meh a:man nikiliah neh nochi kitamo:ttokeh sah inintomi:n. Tikwiah pero nochi tilmah para ne:n topili tiktapatilia:yah, a:mo tikwiah teisá:, e:soh. Ika yo:n tikihtowah pos ka:palowa:ya ne:n xo:not, niman kokotokaya no: xo:no:t, e:soh, mm. A:man komohkó:n se: ma:tan ya ne:n wahkal tikihtowa, we:noh, kwali se: kikwi a, kwali te:chtapowi:s ke:ní:w se: ki..., se: kite:ka ne:n pili itech wahkal. Pos ne: de tima:tami a wa:n pos i:pa t'chihchi:wa para pili ne:n mowahkal tikwiti pos ne: tima:tami wa:n tikwahkalkalakia ya mopili wa:n tikwi:ka ya komo ke:meh tehwa:n ne: kowtah tietoyah tikwi:ka ya komo ne: Cuesalan tikwa:lkwih ya, tiowih Jonotla pos tikwahkalketste:wah komo topili wa:n tikwi:kah ya, t'ma:mahtiowih ya, ke:mah, mm. kwali te:chtapowi:s ke:ní:w ne:n kipia ke se: ki..., se:, ox no: se: kitahtapechtia wahkal oso iwki sah se: kite:ka pili, nochi ta:ká:n *este**.... A:mo. Komohkó:n ne: *este** ke:ní:w ne: se: kita:lilia itapech, ke:ní:w, ox no: kita:liah tsompal, toni kwali se: kwi:ka ne:n, ox sayoh pili aki itech wahkal, xa: kwali ompa se: kwi:ka teisá:. Pos komo weli teisá: tama:mal tikwi:kati ke:meh yo:n komo tao:l *o** teisá: kahfe:n, a:mo miaktsi:n pos tatampa de wahkal tikta:lia wa:n paniá:n ya yowi pili pero koma:mo miaktsi:n pero komo miak pos a:mo weli. Pero nehjó:n se: ki..., ke:meh yo:n komo tikwi:ka pili ne:, tikwi:ka ne: Cuesalan oso tikwi:ka ka:sá: ika wa:n tikwi:ka iwahkal pos nehjó:n kipia de tiktapechti:s wa:n se: kichihchi:wilia:ya n' itsompal de tilmah. Entó:s ne:n wahkaltsontan se: kita:lilia ya n' pili wa:n se: kitapechtia sakera ika e:yi yo:n intetekwiniwka pilimeh, tikilia:yah *antes** ne: *franela**, ihwa:k a:mo tiki:xmatiah de yo:n a:man kikwih ne: itake:n n' pili. Ne: ke:mah tikwiah nochi teisá: *franela**, tikwiah tilmah *franela** tikilia:yah wa:n yehwa yo:n ika tiki:xtapechtia:yah ya topili. Ke:mah *o** ke:mah yo:n *cuando** ki..., kinkowiliah ya n' inin..., ininma:mal a tikiliah, nehjó:n pos yehwa yo:n ika tiki:xke:ntiah ya topiliwa:n, e:soh wa:n tikwi:kah ya ka:sá: ika wa:n a:mo no: nochi *tiempo** kwitok wahkal pili ta: pili nehjó:n sayoh de se: xiwit koma:mo kanah tikwi:ka semi, sayoh yo:n *tiempo** kikwi wahkal, we:noh, se: kikwi. A:mo semi wehka:wa, *porque más después** pos no: ne:nemi a komo pili wa:n a:mo no: kineki wahkalwetstotiá:s ok de tamattok a *porque** komo wahkalko me:wa. E:soh, mm, para a:mo yo:ni pos *mejor** a:mo, sayoh de se: xiwit tikwiah wahkal wa:n *después** pos a:mo tikwiah ok, tike:wayah ya, e:soh, mm. Wa:n pilkwe:it no: aki itech wahkal oso a:mo. Tik..., pos ke:meh tikmattokeh ke a:mo tiowih timoka:watih, tikwite:wayah sake:ra ka:n na:wi sah topilkwe:i tikpanke:ntia:yah ya, Ke:mah tanakastan ihkó:n tikta:lilia:ya ya para tik..., tikwi:kah ya komo ka:sá: ika tiowih *porque** t'mattokeh ke a:mo timoka:watih pos ika e:yi ikwe:i, e:yi ikwe:iwa:n tikiwi:kilia:yah pos kahsi a, e:soh, mm. Wa:n no: tikihtowa ika ma:mal ki:xtsakwa pili. Ke:yeh yo:n ki:xtsakwayah pili. Ke:mah. *Porque** tikihtowa:yah tehwa:n para a:mo nehjó:n, mah i:xtatatiw i:n tiowih kanah ika *porque** pos ne: ke:man nio:nó: *sombrilla** a:mo tikwiah, a:mo ke:meh ekintsi:n nochi *tosombrilla** ay tikwi:kah, esoh. Pero ne: ke:man a:mo tiki:xmatiah, tak i:pa onkayah, a:mo nikmati pero a:mo tikwiah, e:soh wa:n nehjó:n para a:mo i:xtatatiw pili pos tik..., yehwa yo:n ima:mal tiki:xsowiliah, ma:mal komo ma:mal tikowah *o** komo yo:n *frenela** no: tikowah pero pos no: tikiliah no: ma:mal *porque** ika t'ma:ma:yah pili, e:soh, mm. Yehwa yo:ni tiki:xke:ntia:yah para nehjó:n tikwi:kah ya ka:sá: ika para a:mo ne:n, para a:mo nehjó:n i:xtatatiw, ke:mah, ti..., kipale:wia tepitsi:n *porque** koma:mo pos mah iwki i:xahkoihkatiw pili pos i:xtata, mm. Yehwa yo:ni, yeh ika yo:ni tik..., tikihtowah tiki:xke:ntia:yah ne:n i..., ima:mal pili wa:n koma:mo pos ma:ski se: ikwe:i pero kipia de tiki:xke:ntiah, e:soh para a:mo i:xtatatiw pili, mm. A:man tikihtowa ne:n xo:no:t pala:ni de kaha:wia pili, ke:meh ka:nachi xiwit wehka:waya wahkal. Pos komo nochipa ya yehwa tikwitok, nochipa yehwa ya taxi:kowa:ya sayoh ke:meh se: xiwit wa:n tahko sah, komo nochipa ya yehwa tikwitok. Ke:mah pero koma:mo pos nehjó:n de tikwi wa:n komohkó:n a:mo no: semi tikaha:w..., a:mo, a:mo no: tika:wa semi mah kiaha:wi pili sayoh ke:meh i:n tikwi, tikwi:ka ka:sá: ika wa:n niman tiahsi wa:n tikwa:tsa ya oso tiahsi wa:n .... Komo tiahsi ne:kwí:n t'ta:mo:ttahsi pos *por eso** pala:ni no: niman, pero komo tiahsi wa:n tikwopilowa entó:s wa:ki, taxi:kowa tepitsi:n, ke:mah pero *antes** pos neli ke:meh nochi xo:not tikwiah *siempre** pala:nia. A:mo semi telwehka:waya, se: xiwit wa:n tahko taxi:kowaya pero ekintsi:n nikita ke:meh yo:n kinchihchi:wa yo:n de, de *plástico** kikwih ata, pos yo:n taxi:kowa, e:soh yo:n kachi taxi:kowa pero wa:n ekintsi:n a:mo no: semi kiwe:ikwih wahkal ok, e:soh, mm. Pero xo:no:t kachi a:mo taxi:kowa *porque** tak no: ke:meskia *hilo** de yo:n ika se: tahtsoma, e:soh, mm. Borrar Yo:n pilwahkal kikwiah xo:not i:pa se:sah pili kiskaltia:ya. Se:sah, se:sah. Komohkó:n sepa nemi oksé: pili, sepa oksé: wahkal kichihchi:wilia:yah. *Mismo** yehwa *servi:rowa:ya ne:n wahkalkowit, ke:mah, kowit *servirowa** kohkoto:nia xo:no:t sah pero kowit servi:rowa:ya ok, sake:ra o:me pili oso e:yi ika moskaltia:ya, e:soh, mm. A:man xi.... Ne:chili ne:n moto:ka:i. María Victoria Juárez. Ka:nachi xiwit tikpia. *Sesenta y dos** Wa:n xola:l ka:mpa tiwa:le:wa. San Miguel Tzinacapan. We:noh, tasohka:matik miak. Ka:n teisá:.