Nena:mikti:lis *hasta** mona:mik..., netahtani:lis *hasta** mona:mikti:skeh. Ne: ke:mah katka ne:n tehwa:n, *cuando** tiknemilia:yah tikte:mo:skeh se: tona:mik, pero kipia *que** tikpiaskeh sempowal wa:n makwi:l xiwit *o** sempowal wa:n mahtakti xiwit, para ihwa:k ke:mah tikik..., nemiliah wa:n tiki:xpantiliah ne:n to..., tote:iskaltihka:w, pero a:mo to:pá:n, *sino que** to:má:n tik..., tikilwiah. Entó:s *cuando** pe:wa tikilwiah ya n' to:má:n, te:chilwia ke:yeh n' a:mo tikiliah n' to:pá:n. A:mo, *porque** tikmowiliah *porque** te:chahwas wa:n namehwa:n xmonohno:tsaka:n para ke:ní:w nane:chili:skeh Entó:s de yo:n o:me ta:tahmeh moi:xeheko:ltiah ya. Kilia, *que** ne: okichpil kineki xik..., mah t'tahtanili:tih se: siwa:pil. Entó:s de yo:n yehwa:n moi:xeheko:ltiah entó:s te:nohno:tsah ya, ox neli n' tikilih mo:má:n *que** tikneki ne: siwa:pil mah timitsihtanili:tih. Kilia, ke:mah. Nikilia mah ne:chtahtanili:tih *porque** pos a:mo teihsá: ni..., nixiweh ya wa:n kwali nitekiti, kwali nikchi:wa *lo que** tein yeski, entó:s *mismo** yo:n o:me ta:tahmeh yowih ya ka:mpa yo:n siwa:pil kinemilia *que** ki..., iwa:n mosentili:s n' okichpil, entó:s ne: ki..., tahtanitih, ompa ne: yowih ya tano:tsatih n' kalihtik, ke:meh ne:n taskaltia:nih de n' siwa:t pos a:mo kimattokeh toni ka ne: yowih n' ta:tahmeh pero semi kwalka:ntsi:n, *las dos de la mañana, las dos de la t..., las tres de la mañana**, de t..., *las...**, o:me *hora** kwalka:n de t..., tane:sna:wak a entó:s ne: tatapowah, kinkaltapowah ne:n a:konimeh n' kalpano:tih. Entó:s kalakih ya yo:n te:tatmeh de n' okichpil wa:n pe:wa kiliah ya toni n' kinekih, mose:wi:ka:n kiliah. pos kwala:ni sah ne:n ipopá:n ne: siwa:pil, Kilia, neh a:mo nikmattok yo:n, kilia, nosiwa:pil a:mo kanah nikte:makatok, ta: yetok ikalihtik kilia. Moskaltih nika:n kilia, nika:n we:ias, kilia, ta: pos kwali ntekiti ok, kwali n'tekipanowa ok. Entó:s yo:n ompa monohno:tsah ya, pos sepa ihkó:n monawatiah, yowih sepa ne:n okichpil ita:tahwa:n, pero yehwa:n *kiseguirowah**, yowih *siquiera** se: *siete o seis veces**, *para ver** ke:ní:w n' kinina:nkiliah. Sepa yo:n tahko *semana** sepa yowih kitatih, a:mo moka:wah iwki, sepa tane:sna:wak yowih, entó:s de ahsih sepa ne: ompa ne:, ke:mah a:mo kintatapowiliah ok *porque** kimattok a n' *carsero que** kinin..., ki..., toni ka yowih yo:n a:konimeh n' tano:tstokeh. Pos tano:tsah wa:n tano:tsah *hasta** ne:wí:n *las d..., las cuatro** *o las tres y media** kintatapowiliah ya, ompa ihkatokeh *siquiera** se: *hora** wa:n tahko, o:me *hora**, entó:s sepa n..., pos kinkalakiah sepa kalakih wa:n ompa..., pos tame:chilihkeh ya *que** a:mo tietokeh *de acuerdo**, a:mo tikte:makah n' tosiwa:pil, Pero ta: tehwa:n tiwa:lahkeh ika se: kwalta:kayo:t, xite:chna:nkili:ka:n *porque** tehwa:n a:mo timoyo:koliah sah, te:chwa:lti:tanih no:. Pos ompa yo:n sepa monohno:tsah ya, kilia pos tiknemili:tih wa:n timomatih *después**. Sepa yowih ne:n ta:tahmeh, pero sepa a:mo..., *chiste** sepa *que** wi:tseh para kanah lunes sepa ompa tok..., na:litstokeh nono. Pos *lo mismo**, a:mo kintatapowiliah niman, mah ompa etoka:n ompa ne: komo kipiah *tiempo**. Entó:s ne:n ta:tahmeh de n' okichpil, pos *ni modo**, yeh kiliah, *que..., que** a:mo te:chtatapowiliah kilia n' ompa ne: tiowih. Pos xi..., xia:ka:n kilia wa:n xtahtani:ka:n *favor** kilia *porque** nikpia *ganas de** iwa:n nimota:li:s yo:n siwa:t. Sepa yowih, kinkaltapowah wa:n sepa yehwa ika yowih, kilia pos a:mo teh tikiliah siwa:pil wa:n a:mo tiknohno:tsah kilia, *para tres viajes** a yowih, e:yi, e:yi *viaje** ya. Tiknohno:tsaskeh wa:n tame:chyo:lohpacho:skeh, *a ver** ke:ní:w n' te:chilia. Kilia, *bueno**. Ampó:n sepa tik..., nankimatiki:wih *a ver** ke:maniá:n. Sepa yowih. Sepa yowih *tristes** ne:n tatahmeh de ne:n okichpil, Sepa kiliah, pos a:mo te:chna:nkiliah kilia, a:mo t'matih ke:ní:w t'chi:waskeh, ox tiowih *o** a:mo tiowih ok. Xia:ka:n, kilia, xkitatih kilia. Sepa yowih, kit ika na:wpa, yowih, yowih wa:n kini..., kit kiliah, sepa kintapowilihkeh ya wa:n kiliah, pos a:mo teh tikiliah siwa:pil kiliah, a:mo teh tikiliah ke:ní:w kilia, pero timonohno:tsatsih kilia wa:n tmonohno:tsatih, komo kihtowah *que** ke:mah pos tame:chna:nkiliah, kilia, *porque** yehwa kilia ya:s, a:mo tehwa:n. Kilia, *bueno**. Entó:s sepa yowih ininkalihtik wa:n sepa a:mo wehka:wa sepa yowih, semi *kiexistirowah[insistirowah**] ika se: *cinco veces**. Entó:s *cuando** yowih ika chikwase:n *viaje**, ke:mah kinilia ne:n *carsero** de ne:n..., tein siwa:pil ipopá:n, kilia, pos *bueno**, tiknohno:tskeh ya n' siwa:pil, kihtowa *que** ke:mah, welis toni nankinemiliah. Pero mah wi:ki n' okichpil, para tikte:nkakiskeh toni n' kihtowa yeh, para tikakiskeh kox neli yehwa name:chwa:lti:tani *o** xa: namehwa:n sah namoyo:koliah kilia. Ma:s semi kwalka:n kilia, na:nte:chkwehmolo:kih kilia nika:n itech n' tokaltaye:kawiltsi:n kilia tehwa:n a:mo tiknemilihtokeh yehwa yo:ni kilia, pero komo nankinemiliah kilia, pos mah wi:ki kilia n' okichpil wa:n te:ch..., tiknohno:tsaskeh wa:n *a ver** ke:ní:w n' te:..., te:chna:nkili:s yehwa. Sepa yow..., wi:tseh nono n' tatah..., kitakoh ya n' okichpil, kilia mitstati:taniah xiow. *A ver** ke:ní:w n' tikina:nkili:s ompa ne: mitsnohno:tsaskeh. Pos ke:meh n' okichpil tamattok, a:mo pili ok, yahki, yahkeh sepa yo:n *a los tres, a los cuatro días, a los** ehe:i to:nal, nahna:wi to:nal *que** yowih wa:n ke:mah ahsi n' ka:mpa ne:..., n' [ki]kaltapohkeh wa:n kilihkeh, pe:wa kinohno:tsah ya n' okichpil, ke:ní:w n' kiliah, ox neli n' tikiwa:lti:tan mote:iskaltihka:wa:n *o** sayoh n' tehwa n' tiknemilia, *que..., o** yehwa:n ta:tahmeh kinemiliah, kilia, wa:lahkeh *o** ke:ní:w. Kilia kanah. Nikinawatih kilia, *por eso** wa:lahkeh nika:n. wa:n ne:chiliah *que** tikinyo:lohpachowa sah wa:n a:mo t'neki tikina:nkili:s ok. Pero neh nikilia *que** mah wi:kih kilia *porque** nikpia *ganas**, kilia *que** neli iwa:n nimotekipano:s kilia mosiwa:pil. Kilia, *pos *bueno**, kilia. Komohkó:n tiknemilia yohki pos t'nohno:tsatih siwa:pil wa:n komo kineki pos namona:mikti:skeh, a:mo teihsá:, pero komo nankichaskeh o:me, e:i to:nalmeh eski, ti..., tiknemili:tih wa:n ampó:n nawi:tseh sepa wa:n nankimatiki:wih. Sepa yowi ne:n ta:tahtsi:n ne:n is..., n' i..., okichpil n' i..., ipopá:n wa:n imomá:n, tane:si, tane:sna:wak yehwa:n sepa yahtokeh. Ne: ke:man ka:n tikwiah tane:x de n..., de tepos, ta: *puro** se: ka:nti:ltsi:n ika se: *lumbradera** wa:n tiahtokeh tayowa, tane:s..., tane:sna:wak timota:wihtiwih ika se: kanti:l. Ompa ne: sepa tano:tsah wa:n ahsikeh ya pos ompa ne: ke:mah kintatapowiliah ya *porque más o menos** mo..., mo..., *casi** mo..., kimattok a n' ta:tahtsi:n toni ka yowih wa:n tana:nkilihtok a, entó:s kinkaltapowa ya niman. Pero yo:n ta:tahtsi:n, tein ne:n ipopá:n okichpil, i:pa kwi:ka se:, se: *botellita** ya de n..., *refinito, para que** kina:nkili:tih ya, ne: k..., kina:nkili:tih ya wa:n ke:mah ne:...., nejo:n kiniwa:ntis se: a:tsí:n. Entó:s sepa pe:wa monohno:tsah n' tati:..., n' ta:tahmeh ne:n okichpil ipopá:n wa:n io..., siwa:pil ipopá:n, kilia pos tehwa:n tiwa:lahkeh kilia, ke:ní:w n' tiknemilia, ke:ní:w nankinohno:tskeh siwa:pil, *para[pero]** ekintsi:n nika:n etok kilia n' to:kichpil, x'nohno:tsa kilia nika:n, a:mo tikihto:s xa: tehwa:n sah tiknemiliah *que** *que** mah yowi mosiwa:pil *o** tehwa:n totalna:miki:lis, a:mo kilia, ta: i:n yeh italna:miki:lis wa:n ke:meh mitsilih *que** yeh kipia *gusto** kilia *que** iwa:n yetos, pos *de una vez** kilia ekintsi:n xik..., xte:chili a kilia ke:ní:w wa:n xkili n' okichpil i:n yetok. Siwa:pil a:mo kino:tsah, ta: yeh siwa:pil ne:wí:n mota:tihtok, no:n nio: no: mone:xtia, *porque** a:mo, a:mo kinekih mah kita n' okichpil, Entó:s ne: kilia ne:n tata:h..., kilia ke:mah, tietokeh *de acuerdo** kilia komohkó:n ki..., iwa:n motekipano:s n' tosiwa:pil, *pero solamente** nankichaskeh kilia se: o:me xiwtika kilia *o** o:me xiwtika wa:n tahko, kilia para ihkó:n kilia ti..., tikitatih n' okichpil ox neli kilia to..., ye:ktakaki kilia *o** xa: i:pa nemisneki sah, para tik..., tikmatiskeh kilia toni n..., ta:ká:n teihsá: kichi:wtinemi nehkwí:n kilia, entó:s kilia, ika yo:n ne:..., o:me xiwit *o** wa:n tahko xa: tik..., tikmatiskeh ya kilia wa:n komo neli kilia ne: kichia kilia n' siwa:pil para yo:n ihwa:k kilia pos ia:xkatis. Pero komo a:mo kilia, pos ampó:n yeh, ampó:n nejó:n namehwa:n nankinemili:skeh. Pos, *bueno** kilia, tehwa:n tik..., t'nohno:tsah n' okichpil kilia wa:n ke:ní:w, ompa ne: pe:wa kinohno:tsah ya n' okichpil, yeh tana:nkilia Entó:s no: mota:tawtiah ne:n okseki te:ta:tahwa:n, kilia, pos ke:yeh n' a:mo *siquiera** o:me xiwit, a:mo semi o:me xiwit wa:n tahko kilia. Tel wehka *tiempo** kilia wa:n tikita i:n kokolis, mah tiwa:lkokolispe:waka:n tehwa:ntsitsi:n ya kilia, tiwa:li:xtayowaskeh kilia wa:n to:kichpil tika:wte:waskeh yohki mah yeto *sin** *sin** na:mikeh, *sin** na:mikeh kilia iwa:n se: i..., itekipanohka:w. Entó:s *mismo** yehwa:n ya n' tein i..., ita:tahwa:n ne:n siwa:pil, tmoi:xeheko:ltihkeh ya, kilia pos tak ke:mah kilia, tikchatih o:me xiwit kilia, tame:chchaskeh kilia. para ihkó:n tikitaskeh ya ke:ní:w yo:n *tmopromo...**, te:yetok n' okichpil, ke:ní:w nentinemi, xa: eliwis nentinemi *o** ke:ní:w kilia. Kilia, kanah, kilia, ta: tehwa:n kilia to:kichpil kilia chipa:wak nentinemi kilia tikti:tanih mah tekititi, tio:taki ehko kalihtik mose:wia, kilia wa:n tane:si kilia wa:n sepa yahtok nono. Kilia, *bueno**. Ekintsi:n tame:chakaskeh kilia *pero hasta** ihwa:k, xikchaka:n ok. Entó:s kinina:nkiliah ya yo:n ta:tahmeh de n' okichpil, kipa:nki:xtia s..., n' *ibotellita**, kilia, mah t'ta:kachi:waka:n kilia se: a:tsí:n. Entó:s, kilia, a:mo ximokwehmolo, tehwa:n a:mo tikta:..., tik..., ke:ní:w nikihto:s mah titai:ka:n achto de tokone:w ipanko, kilia. A:mo, kilia, tehwa:n timitsna:nkilihkeh ika chipa:wak kilia wa:n ihkó:n tik... Kilia, kanah. Se: ta:..., se: ta:..., se: tai:ltsí:n kilia titai:tih, se: a:tsí:n kilia, tikpiah *gusto** kilia wa:n tiktasohka:matih miak kilia *que** nante:chna:mkilihkeh kilia, titsikwi:ntinenkeh kilia *por** i:n kilia, ma:ski nankwala:niah kilia n' tiwa:lahkah ika ohpa, e:xpa kilia, pero ekintsi:n tikpiah *gusto** kilia nante:chna:nkilihkeh kilia mah titai:ka:n. Pero ne: siwa:pil yeh i:pa kimolo:ntihtok a n' *cafecito**, i:pa molo:ntok, no: etok *contento** ya ne:n te:momá:n, [xih]siwi x'molo:nti n' kahfe:n kilia wa:n tikiwa:ntiskeh kilia ne:n n' okichpil kilia wa:n ne:n ta:tahmeh kilia. Entó:s kimolo:ntihtok a wa:n ke:mah ki..., kiniwa:ntikeh ya n' *café**, toto:nik, *bien** kikahfe:wihkeh kwaltsi:n *porque** kimattokeh *que** ne: ke:man katka kintakahfe:wilia:yah, chi..., kiki:xtih ya ne..., ne:n *refino** n' ta:tahtsi:n wa:n kima:kih wa:n ke:mah *cada quien** i..., *ivasito de** n' kahfe:n, *ipocillo** wa:n ke:mah kite:kilia n..., n' *refino**, se: *buen tanto** wa:n *señora** wa:n de n' ipopá:n de n' okichpil wa:n imomá:n wa:n *igual** ne:n *carseros**, mote:kilihkeh yo:n, taikeh, wintih, mowintiah ika yo:n kahfe:n kite:kiliah, motakahfe:wiliah, wa:n kipia *que** titai:s, *porque** komo a:mo titai:k yo:n, a:mo mitsakaskeh n' siwa:pil. ¿*Porque** ke:yeh? Tiah *porque** tikneki toni n' titai:s, ti..., tikneki toni n' tikneki, tikwa:s n' tein mitsakaskeh. *Bueno**, yo:n yohki a, mowintihkeh, yahkeh ya n' te:ta:tmeh, sepa yahkeh pero kwali wintikeh. Entó:s ne:n, ta: *carseros** ne:n tein inisiwa:pil ne:n ite:iskaltihka:wa:n kilia, neli kilia, xa: ika tima:wiltihkeh kilia ne:n tok..., tota:kaikni:w, tota:..., tota:ikni:wa:n kilia ne: tein te:chtahtaniah kilia n' tosiwa:pil pané: wintikeh tepitsi:n. Kilia, ke:mah, pero a:mo teihs[á:] ta: i:n sepa wa:la:skeh, tikitstos kilia. A:mo wehka:wak, ka chikwe:i to:nal wa:n sepa yahkeh, pero ihwa:k ke:mah, tawi:kakeh ya. Kiniwi:kakeh *iparientes**, n' ipopa:wa:n de ne:n..., te:popá:n de n' okichpil wa:n ta:ká:n kipia ipopá:n *o** imomá:n kipia *que** ya:skeh, *te:tiowa:n**, te:ikni:wa:n tein taeka:nanih, kipia *que** ya:skeh yo:n tonal, *cuando** kihtowa:yah *que** siwa:ta:litih ya, wa:n a:mo yuhki ya:skeh, kipia [*que**] kwi:kaskeh se: o:me tama:mal kowit *o** se: tama:mal kowit, kwi:kaskeh *lo que es** tein se: kikwi n' kalih[tik], kwi:kaskeh se: pitsomets kwi:kaskeh n' iwe:lilka *chileancho**, tomat, chi:l ne:n ki..., istat, *azúcar**, tago:ltsí:n *siquiera** se: se: almo:n. Ompa yo:n taka:watih ya, ompa ke:mah kwi:kah ya *siquiera** ka:n na:wi *botella o** ma:kwi:l *botella de refino**. ¿*Porque** ke:yeh? Ika pa:kilis ne: yowih ya yehwa:n *porque** kinina:nkilihkeh. No: *igual** n' tein ne: icha:n ne:n siwa:pil, no: *moprevenirohtok, bueno** no: mota:lihtok semi ne: ke: ihto:s ti..., *listo** ya para kinchia ne:n i..., *ivisitantes** tein ya:tih n' ompa ne: ikaltay..., kaltayekawil. Entó:s ne: yo:n tane:sna:wak, komo o:me *hora** tane:sna:wak, ahsi a, tano:tsah ya, entó:s no: ne:n ta:tahtsi:n tein icha:n ne: ka:mpa ne:n siwa:pil no: kino:tsa ya n' ina:nahtsi:n, xme:wa ya wa:n xme:waka:n wa:n xta:ahchik..., 'kawa:ntika:n ne:n a:toto:n para titai:skeh, tikiwa:ntiskeh ne:, wa:lahkeh nono, xkakisah kilia, tano:tstokeh ya. Pero miakeh ya ne: kalte:noh etokeh, nochi n' *te:parientes, tetiowa:n, te:abuelos**, sepa ne:n siwa:t ta:ká:n kipia ipopá:n, imomá:n, nochi kinino:tsah. ¿*Porque** ke:yeh? *Porque** mo..., kina:nkilihkeh ya yo:n si..., n' okichpil ka:ni ne:n kikwiti n' siwa:t. Pexo:nitih ya itech n' ikaltaekawiltsi:n ne:n ta:kat n' tein siwa:t ipopá:n. Pos ompa ne: ahsih ya wa:n kitahpalowah n' ta:tahtsi:n wa:n kiliah tiwa:lahkeh tehwa:n sepa kilia timitskwehmolohtiwa:lahkeh kilia ika i:n *rato**, ne: timitswa:lkwilia:yah kilia se: netah..., netahpalo:lis kilia *lo que** tein tehwa:tsi:n tite:chna:nkilih. Pero neh kilia a:mo teh name:chtahtanihtok, *sin...**. Neh kilia neh, ihkó:n name:chna:nkilih ton na:me:chna:nkilih pero a:mo, a:mo moneki tei kilia, nio:n teh xmokwehmolo:ka:n. Kilia, a:mo kilia, ta: i:n tehwa:n tikwa:lkwih, tehwa:n totalna:miki:lis kilia wa:n i:pa yohki tiwi:tseh *desde** ne:ka *tiempo** tikitstiwi:tseh *que** ihko:ni kilia n' timota:kachi:waskeh. Kima:ktiliah se: chikiwit, nochi pexo:ntok nochi yo:n *cosas** tein kwa:kwih, kwa:lkwi ne:n imets se: pitsot, nochi n' i..., tein iwe:lilka wa:n tao:ltsí:n *siquiera** se: se: almo:n wa:n kowit tein wa:kik, pero tein kwali kowit, moit..., n' tein ne: ke:man *tiempo** semi tikiliah telkwali kowit kakatekowit, ne: ahkokowit, ne: yo:n a:wa:kowit, de yo:n tapala:wa:kowit, kitahtapa:na kwaltsi:n okichpil, *porque** kka:wati ka:mpa isiwahtan. ki..., *pahparejos, nada que** chikopa:pano:tok, ompa ne: kimakah ya, nochi etok kilia n' kowtsí:n kilia mah taekati kilia siwa:pil, *porque desde** yo:n ihwa:k, *cuando** yo:n motah..., kima:ktiliah ya nochi n' *cosas**, ki..., ia:xkati a n' okichpil. Mahyá: yo:n kima:k..., kima:ktiliah ya pero a:mo ia:xka, *sino que** it..., no: nio: *siquiera** ki:xmati n' siwa:t, ke:ní:w n' itanemili:lis, ta: yeh moa:..., mota:tihtok. A:mo kineki mone:xti:s. Wa:n ne:n ta:tahmeh yehwa:n pos ne: yetokeh kalte:noh, no: nio: yehwa:n kininwa:ti kahfe:n, ta: *mismo** ne:n imomá:n siwa:pil, Pos ompa yo:n kiel..., ki..., kikwih ya ne:n tasohka:macho:ni n' te:ta:twa:n de siwa:pil, wa:n ke:mah mo..., mose:wiah ya, kiniwa:ntih se: *kahfecito**, pe:wah mota:wa:ntiah ya. Pe:wa mota:wa:ntiah ya. Pero ompa yo:ni, *cuando** yo:n kika:watih nochi yo:n *cosa**, i:pa kwi:kah ya no: n' itasa:l n' siwa:pil, *porque** kipia *que** *cuando** kite:ma:kti:tih ya yo:n neta..., netah..., ne: tasohkama:tilo:ni, nochi yowi. Kwi:kah no: n' itilmah, kwi:kah n' i..., n' ikwe:ytsi:n, ikwe:y, *icamisa**, iilpika, *ibabero**, nochi *cosas** tein, tein kikwi se: siwa:t. *para que** yo:n mah mo..., mah motapatili siwa:t, mah m..., ke:n nikihto:s, no: kipia ya n' tilmah *porque** ia:xka ya n' okichpil. Nochi yo:n mo..., ki..., kima:kitiliah wa:n kikwih ya ne:n te:..., te:ta:tmeh wa:n ke:mah ki..., sepa motawa:ntiah, sepa kimakah se: *botella** ne:n *carsero**, de n' siwa:pil ipopá:n. Ompa ke:mah mota:wa:ntiah ya nochi ne:n tein i..., ita:twa:n okichpil wintih, sepa monawatiah wa:n yowih pero yo:n sepa *cada ocho días** yo:n okichpil kipia *que** yas kitati:w yo:n siwa:pil, pero a:mo yowki sah, sayoh mah kitati, ya:s wa:n tano:tsati:w wa:n mota:li:s ke:meh ne: kal..., kalte:noh *o** kalih..., kiliah mah mose:wi, mota:lia ompa ne: wa:n kwi:ka se: ne: ke:man tehwa:n tikilwia:yah se: *peso de pan**, telmiak se: *morral** we:wet *de pan** kwika ika se: *morral fino**. *Cada ocho días** ya:s de tio:tak, *de las cuatro, las cinco**, pos ompa ya yo:n moita nochi, komo neli a:mo kipia *compromiso** yo:n siwa:pil tein yeh ki..., ki..., kitak wa:n yeski ina:mik, a:mo teh kichi:wiliah n' okichpil nio:n teh ohti, *porque** ompa yo:n komo teh kimattokeh *que** ka:ni n' timosiwahtanih okseki pi:pil, mitskwiskeh ika tet *o** mitstsakwili:skeh ohti *o** ke:ní:w, san tein a:mo mitschi:wili:skeh, *para que** teh xika:wa yo:n siwa:t, pero komo teh tiyo:lchika:wak, a:mo teh mitschi:wiliah, kimattokeh *que** a:mo teh mitschi:wili:s, pero komohkó:n kimattokeh *que** *o** kwi..., kipiaya se: oksé: i..., *iami..., o** ke:n nikihto:s ye..., se: i..., kineki kwi:kas oksé: okichpil, yehwa ya yo:n teh mitstsakwilihtinemih *o** mitskwih ika tet n' ka:..., *cuando** tiow ti..., ti..., tika:wati *porque** kimattokeh ton *hora** n' tiow de tio:tak, *o** to:naya:n ok, mitspihpiah ne: ohti wa:n mitskwih ika tet *o** san tein a:mo, mitstamo:tiliah se: a:mat *o** teihsá: eski yehwa kichi:wayah ne:ka *tiempo**, pos yo:n a:mo teh *pasarowa**, n' okichpil a:mo ke:man moka:wa, a:mo s..., ke:man ximoka:wa ihko:ni niu:n tei, ta: teh tiow n' ka:mpa tiow wa:n sepa tiahsi, mitswa:ntih se: *taco** yo:n *cuando** tika:wati teihsá:, se: *panecito**, se: taxkaltsí:n mitswa:ntih. Entó:s teh titakwa, pero a:mo mitsakatih se: tapalo:l ke:meh tehwa:n titakwa:s *o** kwal..., mitsmakah se: chi:ltamo:ltal tein yo:n telkoko:k, komo neli tikneki siwa:t tikwa:s n' tapalo:l wa:n komo a:mo tikneki n' tapalo:l a:mo tikwa:s *o** ke:masá: te:makah yo:n xo:no:kwilimeh, Entó:s yo:n xo:no:kwilimeh mitsi:xkechili:kih, kikwa:s ta: neli n' kineki siwa:pil kipia *que** tikwa:s ma:ski a:mo tikwa:ya *o** teihsá: kilit tein a:mo tikwa mitsta:liliah, timokwalti:s ne: time:..., *hasta** kihtowa ne: *este** tikneki toni tikneki kipia *que** tikwa:s wa:n tiktami:s ompa ne: mitsili:s na:nahtsi:n, xiktami motapalo:l ta:..., ta: pos tiwa:lah toni ka n' tiwa:lah Pos ompa s..., ma:ski se:..., ompa se: telpi:na:wa, *porque** a:mo ti..., a:mo ke:meh a:man pi:pil kalaktiki:sa wa:n okech..., kikechnawahtok a siwa:pil, ekintsi:n a:mo..., a:man ke:mah *o** se: siwa:pil *apenas** kika:wa n' *ipañal** wa:n kwi:katok a ne:n..., n' okichpil. A:mo, *antes** katka a:mo, *antes** katka kipia *que** tikpias se: kwali xiwit kwali titekitis, kwali tikchi:was nochi tein chi:walis tein para tiktekipano:s se: siwa:pil. Entó:s yo:n ahsik a se: xiwtika, *moaguantaroh** n' okichpil, *cada ocho días, cada ocho días** kika:wati ne:n Entó:s de yo:n se: xiwtika yowi sepa n' ta:tahtsi:n wa:n na:nahtsi:n tein okichpil n' ipopá:n, yehwa:n no: moi:xeheko:ltiah ke:n tikita kilia n' a:man kilia, ekintsi:n sepa tia:tih kilia, se: xiwit a kilia, sayoh se: xiwit kilia poliwi *¡Híjole!** kilia, neli se: xiwit a, ekintsi:n tia:tih kilia tikili:tih ya kilia n' *tocompadrito** kilia ke:ní:w n' te:chili:s, a:mo ya *icompadre, pero bueno** neh nikihtohtok *compadre**. Ekintsi:n ya te:chili:ti a:kon eski n' ininto:ka:y ne:n topi:pilwa:n, a:kon eski kilia n' kiniwi:kas n' tio:pan, a:koni n' kinki:xti:s. Pos neli kilia, yo:n kilia yehwa n' kilia ki..., *kitocarowa** te:chili:s Entó:s yowih nono, sepa yowih n' tane:sna:wak n' ta:tahmeh. Ahsi wa:n ne: tano:tsah pos kinina:nkiliah ya, sepa, pos kimattokeh ya, *contento** kalakih, kwali yowih ya, a:mo teihsá: *porque** a:mo kwala:nih ok. Ahsih, kilia tiwa:lahkeh kilia sepa ta:tah kilia tikmatikoh kilia ekintsi:n kilia tein timote:nka:wtokeh kilia ne: tonto:nal a, ahsik kilia se: xiwit a kilia de sen..., se: xiwit a kilia n' timonohno:tskah kilia, *bueno** i:pa timokalpanowah kilia pero tein yo:n timonohno:tstoyah kilia *hace** se: xiwit, ekintsi:n tehwa:n tiwa:lahkeh kilia t'nekih tikmatiskeh kilia, a:t a:koni kilia ne:n kimpano:lti:s m' pi:pil ne:n tion..., ika ne:n ne: ka:mpa ne: kintio:chi:waskeh kilia para kintio:chi:waskeh kilia moneki ne: wa:n sepa kilia para ya:skeh kilia ne:n we:ikaltampa kilia no: kinihkwilo:skeh kilia no: moyahtani a kilia. Kilia, kilia neli kilia, ta: *titacercawihtokeh** ya kilia neli. *Entre** yo:n *mismo** yehwa:n ne:n *carseros** kilia pos nawa:la:skeh kanah mo:sta wi:pta kilia para timoi:xeheko:lti:tih iwa:n kilia ne:n na:nah kilia wa:n para timomatih a:mo *mismo** yo:n *rato** sepa kili:ti *que** a:koni, a:koni, *sino que** sepa ya:skeh. Entó:s yowi sepa *al medio** s..., se: tahko *semana**, sepa yowih n' te:ta:tmeh de n' okichpil kilia pos sepa tehwa:n tiwa:lahkeh kilia *bueno**, pos yehwa i:n kilia n' *tocompadre**, yehwa:n *mismo** n' tein siwa:t yehwa:n kite:mowah ne:n a:koni n..., inin..., tein kiniwi:kas n' tio:pan, tein kiki:xti:s tio:pan wa:n tein, pe..., para mo..., ya:skeh ne:n we:ikaltampa ne:n kinihkwilo:ti:wih ya. Entó:s de moihkwilowah wa:n yetok a nochi a:konimeh ne:n kiniwi:kas n' tio:pan entó:s ahsi a, *cerca** ahsitiw a n' tahkoxiwit, *pero cada** ilwit *cada vez** talwitis *cerca** itech yo:n *pueblo** ka:mpa etok kipia *que** kka:wili:ti:wih n' siwa:pil itilmah, para que** ya:s ika ilwititi:w. A:mo yuhki sah tein yo:n ekinika kimakatoh, kipia *que** kka:wili:ti:wih n' itilmah. *o** se: e:yi *mes**, na:wi metsti, tahko xiwtika sepa kka:wili:tih n' itilmah, para tein makihtok a:mo sayoh yehwa n' aktos, kipia *que de** mopatas. Sepa ne: *cuando** talwitih, ihkó:n se: *fies[ta], ke:meh ekintsi:n *cerca** ya i:n *sanmiguelilwit**, ke:meh i:n a:man kipia *que** tika:watiw a yo:n tilmah *porque** wi:tsa n' ilwit wa:n siwa:pil tacha:li:s. Entó:s kipia *que** kika:wati:wih yo:n tilmah. Entó:s yehwa yo:ni wa:n kikaktokeh ahsitok a, ahsitok a yo:n to:nalmeh pero nochi, nochi mota:lihtokeh ya ne: *listo** ya, kimpiah ya nochi ne:n tapialmeh para kinkwa:tih yo:n mona:mikti:ti n' okichpil wa:n siwa:pil. *Pero desde** yo:n *cuando** kina:nkiliah n' okichpil wa:n ki..., ahsitiw a xiwit, a:mo ke:man kino:tsa yo:n siwa:pil n' okichpil a:mo ke:man mah *siquiera** monohno:tsaka:n ke:ní:w, ox kwali etok *que** mowi:katih *o** ke:ní:w. *No señor**, a:mo ke:man ki..., kina:nkilia, a:mo ke:man monohno:tsah, ahsi n' xiwit *de que** to:nal *que** mona:mikti:tih kimattokeh, yowih achto e:yi me:tsti n' ta:tahmeh para ke:mah kilia, ke:n tikchi:wah, ke:maniá:n tia:tih katí:n to:nal tiwi:tseh sepa *o** ti..., tik..., tik..., tikwiki:wih ya siwa:pil. Moka:wah te:..., yehwa:n ta:tahmeh ya, pos iwa:n timonohno:tsatih kilia yehwa n' tein kininki:xti:ti kilia n' tio:pan, wa:n ke:ní:w kilia ka:n toni mochi:was, ke:ní:w, ka:..., ka:nachi to:nal *de baile**, eski seyowal *o** sento:nal, ampó:n namehwa:n nankihto:skeh kilia pos namehwa:n nankihto:skeh kilia, tein kihto:s kilia ne:n tein kinki:xti:ti kilia n' tio:pan. Pos kiniwi:kah ya, pero nochi mota..., kitakowiah siwa:t para yo:n ya:ti a ne:n tio:pantsi:nko ki:sati, kikowiliah n' i..., achto ok *de cuando** ki:sa ne:n *palacio**, ne:n tiop..., ne:n we:ikaltampa, *cuando** moihkwilo:ti kikowiliah n' itilmah no: para ika ya:tih moihkwilo:tih no: ne:n siwa:t kikowiliah nochi n' itil..., n' itasa:l, te:n ikwe:y, n' i..., n' *icamisa**, iilpika, nochi, nochi Entó:s *cuando** ki:sa ya ne: ne:n we:ikaltampa moihkwilo:tih ya panowah ya n' tio:pan, tio:pan panowah ya pero ompa ne: ki:satih ya, ompa no: *igual** kitakowiah, kikowiliah se: til..., iti:ltikkwe:y, *icinta** se: iilpika de yo:n kiliah, de y..., a:mo yo:n mi:mili:ni, *sino que** se: ilpika[t] kiliah *arabia**, tein ne: i:pa ke:mah kkwiah ne:n na:nahmeh. Wa:n se: iwi:pi:l, *siquiera** e:yi, se: tein aktok wa:n se: tein ika mokwa:pi:kis, wa:n se: tein ika mopi:pi:tstos no: kikowiliah ima:ko n' siwa:pil, e:yi wi:pi:l. Entó:s yo:n nochi kitakowiah, *siquiera** ka:n e:yi ita..., itatampakwe:y kikowiliah no:. *para que** moka:wa se: siwa:t pero kwali kichihchi:wah, pero ekintsi:n ka:n ne: t'chihchi:watih, ne:..., entó:s yo:n ki..., kipiah nochi *a la mano** wa:n ke:mah kitama:kti:tih ya. *Antes de** se: me:tsti nochi yo:n kitama:kti:tih ya ne:n *padrino** kimakah ya, nochi etok a, no: yeh no: tahtani a, nochi nantapiah ya namehwa:n, kilia tein namehwa:n namochi:watih kilia *nancompadres** *para que** tehwa:n kilia tia:tih *cuando** tikwiti:wih kilia siwa:pil wa:n tia:tih kilia tio:pantsi:nko kilia, tikma:ktili:tih kilia n' itilmah. Kilia, ke:mah. Nochi etok a, kilia. *Igual** ne:n te:ta:t de ne:n siwa:pil, kipia kikowili:s, *cuando** mona:mikti:ti a iwa:n isiwa:pil n' okichpil kipia *que** kitakowi:s no: ne:n tre:..., te:popá:n de siwa:t, kikowili:s n' *icalzon**, *icamisa, playera**, ne: ke:man a:mo tikwiah *calzoncillo** yohki sah, soh *tocalzon** ti..., timakia:yah wa:n se: *sombrero**, se: *costeñosombrero** *o** se: *sombrero**, yo:n tikilia:yah *Sahuayosombrero**, yehwa yo:ni n' tehwa:n tikwiyah. Entó:s *cuando** te:chwi:kah ya ne: yehwa ya no: n' kinte:mowa ya ne:n *padri..., pa..., padrino** de ne:n siwa:p..., siwa:t wa:n okichpil tiki:sah ya n' tio:pan, te:chpano:ltiah ya no:..., kimpano:ltiah ya nochi yo:n okichpil wa:n siwa:pil wa:n ke:mah kichi:watih ya ne:n..., kka:wati:wih, *primero** kkwiti:wih siwa:t, kwalka:ntsi:n, *tan las cinco, las seis** mah yeto ya ne: tio:pan, pa..., panowah ya n' okichpil kkwitiki:sah, para yowih ya ne: tio:pan. Ompa ke:mah, mochi:wa ya ne:n kinintio:chi:wah ya, mochi:wa ya *misita** wa:n kintio:chi:wah mona:miktiah ya nochi ompa ne: tatohtopo:ni, *lo que** tein yehwa:n ne: kite:mowah m' *padrino**, ompa ke:mah sepa kka:watih siwa:t, kika:watih siwa:pil icha:n, wa:n ke:mah n' okichpil no: kika:watih icha:n, *para que padrino** yowi kinkwiti n' ino:tsalka:wa:n, kinkwiti n' ino:tsalka:wa:n, ne: icha:n kinchiati ne:n no:tsalmeh, *para que** ya:tih icha:n siwa:t. Icha:n ya:ti siwa:t ompa kichi:watih ya ne:n pa:kilis, ompa mihto:ti:tih, icha:n siwa:t. Pero yo:n o:me na:mikowa:nih, *desde cuando** pe:wa mona:mikti:tih ihwa:k yo:ni a monet..., mo..., monetechohkah tepitsi:n, a:mo wel *siquiera** moma:tokah. ta: yehwa ya, *igual** yo:n monetechohkah *cuando** mona:miktihkeh ya. *Pero demás** a:mo ke:man mono:tskeh, a:mo ke:man mono:tsah, Entó:s *cuando** yo:n kinin..., kka:watih ya siwa:t, kka:watih, kka:watih achto siwa:t, yowi no: n' okichpil, kintamakah, takwah ne:n *padrinos**, takwah nochi wa:n ke:mah yowih kka:watih n' okichpil, sepa ompa no: kintamakah, kichi:wtokeh ya n' ilwit. Ne:n siwa:t no: kichi:wa n' ilwit wa:n ne:pa no: icho:n..., pero achto, *cuando** yo:n nochi achto taka:wati:wih, nikelka:wtok tepitsi:n taka:watih, kka:watih nochi *lo que** tein kikwa:s n' siwa:t, para kichi:was n' ilwit ne:n te:popá:n de siwa:t nochi n' okichpil ki:sas, nochi taka:wati nochi ne:n nakat, *siquiera** o:me pitsomets wa:n se: *icostilla** m' pitsot, ie:lchikiw, para takwa:skeh ne:n ino:tsalka:wa:n. Pero ompa yo:n *cuando** ya:skeh ya mih..., n' i..., ne:n ya:skeh ya n' ompa ne: kikwiti:wih ya n' siwa:t para mihto:ti:ti:wih wa:n kipia *que** ya:s ne: *ma...**, ne:n te:..., *te:madrina** ya mokahkaltsakwah wa:n tise:wiah nochi ne:n tikotah, kite:kiliah a:t *para que** mah a:mo tamili:nti, *porque** yo:n *te:madrina** ke:meh eskia yehwa n' te:na:n de yo:n siwa:t de n' okichpil, acha de n' okichpil, wa:n kipia *que de** kiniwa:ntis kahfe:n ino:tsalka:wa:n ompa ne: kipia *que** molo:nti:s n' *madrina** yo:n kahfe:n, kiketsas kahfe:n, tamili:nti:s kiketsas kahfe:n para n' ino:tsalka:wa:n nochi tein yo:n ya:tih *baile** kichi:watih itech icha:n siwa:pil, nochi kiniwa:ntis yo:n kahfe:n, *pero desde** ompa yo:n kiketsas ka:mpa icha:n siwa:pil, ma:ski no: kipia ino:tsalka:wa:n ne:n siwa:pil ipopá:n, pero ompa yehwa:n tohtokotsetoskeh sah, pero n' ompa ne: tikote:noh ya:s *madrina** ne:n tein si..., n' okichpil *imadrina** wa:n yeh no: n' siwa:pil kitsonte:kiliah a:t ne:n tiko:mit, *para que** mah a:mo niman taxo:ta, mah mocho:kti ne: *madrina**, mah moti:tipi:tsalti, mah mosa:sama:wa ne: tamili:nti, ta: ne: ke:man katka neli n' te:chchi:waltia:yah tein yehwa:n kinekiah n' tein siwa:pianih. Entó:s yo:ni tamili:ntia:ya *a p..., a puro dios** tamili:ntia siwa:tsi:n tein *madrina, hasta** kwala:ntiw a. Pero yo:n okichpil kwi:ka n' kowit n' tein wa:kik, ma:ski te:ntok ne:n a:t n' taihtik, kikwa:tahta:lia na:nahtsi:n, a:t ke:n *dios** kipale:wia, *pero trato que** tamili:nis. Wa:n ke:mah no: kwi:ka *gas**, kwi:ka n' *gas para** tamili:nti:s, ne: ke:man tikilwia:yah *gas** tein a:man kiliah a:man *petróleo**. Entó:s ne: kite:kilia wa:n tamili:ntia ihsiwka wa:n kimana n' *cafecito**, kimakah se: siwa:t kimaka n' toni ka kiketsas n' *ioll...**, kahfe:n para kinwa:nti a n' ino:tsalka:wa:n kinkala..., kilia xkalakika:n, tai:kih se: *cafecito**, ompa kimati *madrina** ya wa:n *padrino** *carsero** yeh tokotsetok sah, yeh no: kwa:ntitih n' kahfe:n, ta: pos ta: yo:n kimattokeh *que** toni n' kichi:wkeh n' tikote:noh, a:mo niman tamili:nti:s. Wa:n ompa ke:mah kalakih ya nochi ne:, kalakih ya *músicos** nochi kalakih nochi kiniwa:nti a n' *cafecito**, ekintsi:n ke:mah *mismo** yehwa m' *pa...**, tein *padrino** wa:n kilia ya n' *carsero** wa:n te:..., nochi n' i..., a:kin[...] ekintsi:n kilia tiwa:lahkeh kilia tik..., tikwi:kaskeh ya kilia n' siwa:pil, *al ratito**, sayoh *que** tepitsi:n tipa:kitih, ox tikpia *gusto de** tipa:kiskeh. Kilia ke:mah, ika yo:n nawa:lahkeh kilia, para tipa:kiskeh. Pero a:mo kiniwa:nti nio:n se: taxkaltsí:n ne:n te:ta:t de siwa:t, a:mo kintamaka, *sino que** yehwa sah yo:n *cafecito** kiniwa:nti. *Pero lo primero**, *cuando** ya:s m' *padrino de** ne: ya:s icha:n siwa:t, achto pano:s icha:n okichpil takwahtiki:sah nochi, para a:mo maya:ntoskeh ompa ne: mihto:tihtoskeh, Entó:s takwahtiki:sah* para que** yowih, *porque** kimattokeh ya toni n' *kinimpasaroti** ompa ne:, i:pa se: kimattiw a *que** tamili:nti:s, *a ver** komo kwali tamili:ntia wa:n komo yuhki se:, se: mihto:tia ya. Ompa ne: tamili:ntiah ya wa:n ke:mah, mihto:tiah ya, mota:wa:ntiah, *refino** kwi:ka n' okichpil, a:mo k..., ompa ne: n' tein ne:n te:popá:n siwa:pil, yeh a:mo teh ki:sa, *sino que mismo** nochi yehwa n' okichpil ki:sas. No: kite:wa:nti n' *carsero, pero hasta cuando** yeh kinemilia ya. Ta: no: ki..., tachihchi:wa, pero a:mo kite:maka yo:n *momento**, kite:maka *hasta después**, se: tai:ltsí:n kiniwa:nti a no:, wa:n ompa ke:mah kwi:ka *siquiera** se: *diez litros de aguardiente** n' okichpil, ompa ne: ke:mah [...], tami n' oksé: kitahtani:ti m' *padrino**, ¿tikpia ok? Kilia, ke:mah. Kite:ka ika *botella** wa:n kinixehxelowiliah, *Cada quien** kinima:kia ne:n *cars...**, ne:n *carsero de** ne:n siwa:pil, *cada quien ibotella** kimaka mah kiniwahwa:ntika:n nejó:n mochi:wtok m' *baile**, wintih, seyowaltiah yo:n mihto:tiah. Ompa de yo:n seyowaltiah ya ke:mah, yo:n ke:n tane:s..., tane:siti a, kiliah ya, mah mochihchi:wa ya kilia siwa:pil kilia *porque** tia:tih ya, tikwi:katih. *Todavía** mowi:ntika:neki ne:n tati:tah, a:mo kiselia. Ne: nanit..., *por**..., ne: na:nahtsi:n no: *igual**, a:mo no: kiselia n' isiwa:pil mah kwi:kaka:n, *que** san tein a:mo kichi:wa *o** mokochte:ka *o** ke:ní:w, *o que** a:mo kineki ya:s yeh *o** ke:ní:w, pos ta: *tra...**, yehwa:n ki..., kwi:katih ya ne:, kita:tawtihtokeh ya, xte:chka:wili:ka:n ya siwa:pil mah tikwi:kaka:n. A:mo kiseliah, mowintika:nekih, *o** san tein a:mo, nosiwa:pil a:mo name:chka:wilia, a:mo xwi:kaka:n, ta: kalihtik yetok wa:n ke:ní:w nankwi:katih. Pos ta: winti a ne:, taman sepa kinilihtok, pero a:mo *porque** kinilihtok, sayoh *que** a:mo neli, a:mo..., ika mochi:wa sah. Entó:s kinka:wilia ya, wa:n kiliah *que** tiowih, *xte:chacompañaro** kilia, tiowih tika:watih n' siwa:pil, pos a..., *puta, apenas, hasta** ke:meh yeh kipia *ganas de** ya:s, a:mo nikihto:s tsikwi:nte:wah wa:n tiowih ya, *hasta** ke:man kineki. Sepa ne: *has...**, ne:n imomá:n siwa:pil no: kiliah, tiowih ya, 'ne:chchaka:n tepitsi:n, 'ne:chchaka:n tepitsi:n, mochaka:n ok tepitsi:n, wa:n nipa ne: tane:sik a, tahkah ya, sepa maya:nah nono, ta: pos ne: poxtaneki:sah mihto:tiah. Entó:s ne:, *hasta** ke:man yehwa:n kinekih wa:n ke:mah kwi:kah ya, kwi:kah ya, nochi kichihchi:wah sepa ke:meh *cuando** ki:sato n' tio:pan, [ki]ti:ltikkwe:ytiah, kita:ke:n..., yehwa *mismo madrina** kikwe:ytia, yehwa n' kichihchi:wa sepa *kicintatia**, kimaka *lo que** ke:meh, ke:meh kina:mik se: siwa:t. Ompa ahsih ya ne: ka:mpa icha:n okichpil, tatsotsonah ya, mona:lketsatih, mona:lketsati a ne:n siwa:pil, n' okichpil. Ompa ke:mah kalanki:sah ya n' te:ikni:wa:n de n' okichpil, kitso:tsowiah ya, kitsowiah ika *panko:skat**, ompa ne: moma:ma:keptokeh *mismo** yehwa:n, Sepa ne: *madrina** kitsowiah, ompa *padrino**, n' te:ta:tmeh motsowiah, yeh no: ko:ntsowia oksé: wa:n se: *relajo** ompa ne: mochi:wah yehwa:n *mismo**, Yo:n..., ma:ski wintih *o** ke:ní:w pero pos kitstok *que** kikechkalakili:koh ya ne: no: tsikwi:nte:wa mokechkalakilia oksé:, *que** siwa:t, ompa ne:n tapa:ktihtokeh no:. De ompa yo:n nochi yo:n kichi:wah ya yo:ni, motahpalowah wa:n ke:mah pe:wa ya m' *baile**, ompa kalte:noh *mismo** pe:wa m' *baile**, mowintiah kalte:noh, a:mo..., no: nio: moye:knohno:tsah ok, mowintiah kwali nochi, *cada quien ibotella** kimakah, *lo que** tein takalpano:ti ne: yo:n de siwa:t, *itiowa:n**, te:popa:wa:n de siwa:t, k..., nochi kinimakah *cada quien ibotella**, wa:n kipia *que** kixelo:s wa:n kipia *que de** tai:s, *porque** ke:yeh, *porque** ki..., n' okseki:n kinekkeh no: n' siwa:t wa:n ta:kat, moolo:chwintiah nochi wa:n nochi yo:n *visitantes hasta** no: nochi..., no:..., a:mo no: nochi ahsih ok, ta: seki mo..., ohti moka:wtiki:sah, ta: pos wintih, Entó:s ne: *kentregarowah** ya siwa:t, yowi, kalaki wa:n kin..., no: nio: takwah ok, ta: pos wintih, nio: nio: teh..., a:m..., n' okichpil icha:n *la mera verdad** a:mo teh semi mochi:wa ok kwali, *sino que** mochi:wa icha:n siwa:t, ompa ne: ahsih nochi wintih ya, seki takwah a:mo takwah wa:n ne: ompa ne: ki..., ahsih wa:n kima:ktiliah ya ne:n *carsero** wa:n okichpil kima:ktiliah ya n' siwa:t, nika:n etok siwa:t, tikwa:lkwikeh ya, moa:xka, *xcuidaro**, tein monekis, tein kipolo:s, ti..., kipia *que** tikmakas, a:mo tita:wa:nas wa:n tikwetaxwihtehko *o** ke:ní:w tik..., tein ta:..., tikpantihtos oksé: aks..., tikpantihtos se: ta:gat, nika:n moma:ko yetok, *xcuidaro**, teihsá: kokolis kiahsis kipia *que** teh tikitas, *entre** namo:me:n kipia *que** namoitaskeh kipia *que namocuidaroskeh, mismo** yehwa m' *padrino** n' kininohno:tsa, *madrina**, te:tatmeh pos a:mo no: kininohno:tsa, ta: wintitokeh ya. Entó:s ne: kiniliah ya nochi, sayoh xte:chma:ktili:ka:n ka:ni yetok n' imet, ka:ni yetok n' ia:chi:wi:l, ka:ni yetok n' tein ika a:kwis, ka:ni yetok n' ia:ko:mit[ia:ko:n] , yo:n ne: ke:man kilia:yah se: ka:ni yetok kilia ne:n se:, se: *c...**, se: *canta...**, se: ia:kwilo:ni, para kisentili:s n' a:t, itso:tsokol ka:ni yetok, wa:n kani yetok kilia ne: ka:mpa kite:kas n' a:t, nochi ne: etok, nochi kitama:ktiliah ya. Ka:ni etok kilia n' ikoma:l, pero nochi, nochi kima:ktiliah, imet, nochi tein kikwis, kima:ktiliah n' im..., nochi ne: wa:n tachiati *madrina** wa:n *padrino** kitati toni n' kima:ktilihkeh ya, entó:s yo:n siwa:t a:mo nikihto:s mah kinohno:tsto n' okichpil ne:, moak..., moyeki..., ki..., kiliah mah kki:xti a n' itilmah. 'Ki:xti a kiliah siwa:pil motilmah, wa:n i:n yetok kilia momet, *mismo madrina** kima:ktili:ti wa:n yehwa ya n' te:momá:n. Nika:n etok kilia momet, kiki:xtia n' tilmah n' siwa:t de yo:n seki ne: kalte:noh mihto:tihtokeh *o** monohno:tstokeh wa:n yeh ne: kimakatokeh ya n' imet, kimakah tixti a ompa ne:, kimakah *o** komo a:mo mah nextamal mah kipaya:na yo:n *momento**, ne: ke:man tapaya:nayah, a:mo tiki:xmatiyah *molino** niu:n tei, kitama:tsoh nextamal wa:n kipapayatsa wa:n ampó:n etok a n' taxkal, kipaya:na siwa:montikeh, niman, niman, ahsik, kite:mowa tixi:lis, a:mo kite:mowa ta:kat, ta: yeh pe:wa tisi, eh..., kka:watih mah tisi, a:mo kka:watoh mah, mah mihto:tihto, e..., kimakah n' imet wa:n nochi ne:, yeh tistok a ne: siwa:t, pero a:mo kino:tsa n' okichpil, *Bueno** yo:n tatamik nochi yo:n, tate:ma:ktihkeh ya, mota:wa:ntiah ok ne:n *padrino, bueno**, ihkó:n monawatiah wa:n yowih ya. Wa:n ompa ke:mah ki..., siwa:pil etok a ompa ne:, tio:taki, kiti:tanih ya ka:ni n' kochi n' okichpil, mah, mah kitati a, pos yeh ka:n kino:tsa, pi:na:wa, a:mo para mono:tsaskeh, *¡híjole!**, pos ompa yo:n yehwa:n kimatih ya ke:n kichi:wah. Ompa ke:mah, mo:stika *o** yo:n tio:tak kitatih ya ne:n te:to:ka:y, *o** ne:n te:popa:wa:n, sepa kwi:kiliah ne:n *regalo**, tein tehwa:n [ti]kiliah tasohka:macho:ni. Kwi:kiliah sepa se: we:wehcho, sepa se: pitsomets, se:..., kwi:kiliah n' *icomida**, *lo que** tein a:mo kikwah n' ompa ne: kichihchi:wkah, nochi kka:wili:tih, *igual** ne:n *padrino**, nochi kka:wilitih n' *comida**, kka:wili:tih se: we:wehcho *o** o:me, kita:ka:wili:tih, pero n' i..., tein motasohka:matih ya toni n' kichi:w *porque padrino** no: *kicostarowa** miak, wa:n ika yo:ni, motasohka:matih ya wa:n okichpil no: motasohka:mati wa:n yehwa sah yo:n *cuentito**. Neh nimono:tsa Mariano Morales, de A:katepe:k, Tzinacapan. Nikpia *cincuenta y tres años**.