*Bueno, pues este**, tahkatih na:no, ne: *bueno** te..., xite:chilwi moto:ka:y. Juana María Petrona Méndez. ¿Tikayo:t? De Xalcuauhta. De Xalcuahuta. Tehwa:tsi:n tikpia, ¿ka:nachi xiwit? Ne:, *cincuenta y dos años** *Cincuenta y dos años, bueno, este,** tehwa:tsi:n kwali tine:chtapowi:s, ke:ní:w ichi:walis se:, se: siwat *este**, e..., ke:ní:w pe:wa ihwa:k tane:si, ihwa:k, *este**, me:wa, toni kichi:wa? wa:n *hasta** ihwa:k, *este**, pos tayowa yowi mose:wi:tia, ke:mah, tehwa:tsi:n kwali tite:chtapowi:s yo:ni komo tikneki. Pos tehwa:n neli tiwa:lme:wah ke:meh i:n tisiwa:meh tane:si pos titaxo:taltiah totikote:noh wa:n *después** timo..., tiketsah tokahfé:n, ompa ti..., pe:wa titapaya:nah ya ika metat, ke:meh eskintsi:n, wehka:w neli tona:wa:n katka tapaya:nayah ika metat. Pero ekintsi:n tehwa:n a:mo tikwih ok yo:n, tikwih acha metat pero a:mo titapaya:nah ok, sano *puro molino** ya. Mm, entó:s para tiktamakah ya tota:totsi:n, yowi a tekititi. Sepa nepantah pos komohkó:n a:mo kitki itaxkal pos tiknepantahwi:tih, tikitkilia taxkal de nepantah. Sepa tio:tak, pos ne:, sepa tiktamakah de tio:tak, *después** de yo:n yowi a pos tiketsah *tocomida** para tiktamati:wih ya, mm, mm. *Este**, i:pa sayoh tikchi:wa, *este**, takwal ihwa:k yowi ta:totsi:n, ¿a:mo tikchi:wa *más** okseki chi:walis? Ke:mah pos timotachpa:niah de kalihtik, te:chka:wte:wah ya, pos komo tikpiah se: pitsotsi:n pos tiktamakah ya, yehwa yo:ni *tikmantene:rowah** ya, topio:tsitsi:n, ke:mah, mm. Ahsi nepantah wa:n ihwa:k, *este**, sepa tikta:lia ne:n. Ke:mah sepa tikta:liah taxkal para tiowih ya mi:lah tikmakatih, mm. Sa:te:pan timokepa, ompa ne: tihsiwiti sah *o** teisá:. Ompa ne: tihsiwitih sah *Pos** ta: pos nika:n motachi:xtani, ke:meh ekintsi:n pi:pil yowih *escuela** a:mo a:kin. A:mo a:kin, sepa tiehko wa:n ompa ton chi:walis tikchi:wa? Mm. Sapa tiehkoh, tiehkoh titapa:kah ya. Timokwi:li:tih a:tsi:n, mm, ompa para sepa timotixili:skeh. Wa:n ikwi tio:taki a. Iwki tio:taki a. ¿Wa:n ompa, *este**, sa:te:pan, *bueno** tayowak ti..., sepa tikintamaka. Ke:mah sepa takwahtehko pos para se: mose:wi:ti a. Wa:n se: mose:wi:ti a, i:pa, *este**, Mm. Eh..., wel tite:chilwi:s no: ke:ní:w ne:n, ne: wehka:w ke:ní:w kichi:wayah ihwa:k ne:n siwa:meh. Pos ih..., ¿No: taman katka? No: taman katka, pos yehwa:n neli wehka:w ne:n tona:wa:n yehwa:n tama:kwe:chowa:yah, a:mo teh *molino** katka, mm. Me:wayah wa:n pe:wayah ne:..., Me:wayah wa:n taxo:taltiah wa:n 'ketsa n' inkahfe:n, ompa ke:mah tama:kwe:chowah ya Pe:wa kita:liah ya taxkal, mm. ¿Wa:n sa:te:pan? Sa:te:pan ompa pos ne:n kintamakah ya ne:n to:pa:wa:n katka entó:s yowih tekititih ya, pero yehwa:n, kintoktia:yah imintaxkal, a:mo ke:man te:tamakayah de nepantah, mm. Ihkó:n yehwa:n kichi:wayah n..., wehka:w ne:n tona:wa:n. ¿Wa:n toni kichi:waya ihwa:k tona:ya:n siwa:t? Pos ke:meh i:n koma:mo tein tao:ltsi:n, pos yowih mote:moli:tih tao:l na:nomeh. Yehwa:n kite:mo:tih tao:l. ¿Ka:ni kite:mowa:yah? Pos ka:mpa kipiah, yowih. Kitatih ka:mpa kipiah. Kikowatih. ¿Wa:n sa:te:pan? Sa:te:pan ehko pos kiketsa ya para sepa takwahteko ne:n topopá:n, mm. Wa:n ompa iwki, iwki tio:taki a, Iwki tio:taki a, pos, ke:ra motapa:ki:ti:w wa:n mohmowi:ti:w ihkó:n. ¿Ka:ni tapa:kayah? Pos a:pan, yowih a:pan. *Hasta** a:pan. *Hasta** a:pan, mm. Ke:meh wehka:w a:mo tei ke:meh i:n ekintsi:n tehwa:n miak *programa** te:chakah. Mah tikta:li:ka:n *totanque** mah t'chiaskeh n' a:t, pero wehka:w a:mo, mm, ihkó:n ya:yah a:pan. ¿Nochi ompa konkwiah a:t para tai:skeh? ¿Nochi ompa konkwiah a:t para tai:skeh, mm. ¿Wa:n, *este**, a:konimeh a:sakayah ihwa:k? Pos yehwa:n ya ne: taskaltia:nimeh, yehwa:n. ¿Pi:pil a:mo tapale:wia:yah? Pi:pil tapale:wia:yah pos ke:meh i:n neli *cuando** tiwehwei:n ya pos se: kipale:wia ya se: imomá:n, mm. Pero pos ke:meh sayoh tehwa, pos seki tokni:wa:n i:pa yowih ya, pos a:mo te:pale:wiah ok, mm. ¿Wehka ne:n n' a:pan nika:n? Ne: ompa ne:, pos ka:mpa neh nimoskaltih, a:mo semi wehka n' a:pan. ¿Ka:ni tehwa:tsi:n timoskaltih? *Cer..., cerca**, nehwa nimoskaltih Reyeshogpan. Ah, Reyeshogpan. Mm, mm. Ompa, ompa mah tikihto:kan, ompa tiwa:le:w. Ompa niwa:le:w, mm. ¿Wa:n ni..., nikahkwí:n, *bueno**, ekintsi:n nikahkwí:n, *este**, ihwa:k tami a:t, nohma nankikwih a:pan? Ne:n nika:n tehwa:n *cuando** tami n' a:t, tiowih a:pan. *Hasta** ompa, ¿wa:n wehka? Mm, a:mo semi, ta: ne:paka sah, ne: *chorro**, mm. ¿Ompa nankikwitih? Ke:mah, ompa tikwitih. No: kwali te:chtapowi:s ta:ká:n tiknekiskia ke:ní:w tikchi:wa, *este**, teisá: tap..., e..., tapalo:l, ihkó:n emo:l. ¿Ton emo:lo tiweli tikchi:wa. Pos tehwa:n nika:n neli ne:, nika:n neh ka:mpa ninemi neli, tehwa:n nika:n te:chi:xpeta:nih ne:n to:momá:n pos yehwa:n kikwa:yah miak *cosas**, emo:ltsi:n, ke:meh yo:n kichi:wah teisá: ke:meh yo:n exo:yema:n chi:ltetsa:wak. *O** yehwa ya yo:n exo:ye:man moke nakastekilit, ne: te:kwa:nenepi:loh no: we:lik yehwa yo:n no: yehwa:n kichi:wayah imintakwal. I:pa yo:ni sah. Ke:mah wa:n teisá: ke:meh i:n pos *frijolitos** se: kitsoyo:nia, mm. ¿Wel tite:chtapowi:s ke:ní:w se: kichi:wa i:n exoyema:nemo:ltetsa:wak? Ke:mah. Yo:n iwki ah mah se: yeh sayoh se: ki..., kikwe:choli ne:n chi:lwa:k wa:n, mm, wa:n mah se: kipankokotochili kola:ntoh. No: we:lik. Ne:n, no: seki no: we:lik yehwa ya exo:yema:n mah se: kita:lili yo:n *quelites** yo:n pa:pata:wak. ¿Ke:ní:w mono:tsa yo:n? Tehwa:n nika:n tikilwiah ma:se:walte:kwa:nenepi:l. Te:kwa:nnenepi:l. Mm. ¿Ke:ní:w se: kichihchi:wa i:n te:kwa:nenepi:l, *este**? Pos no: *igual**. Sah mah se: 'kwe:cho yo:n xiwtsi:n wa:n mah se: 'kwe:cho ne:n chi:lwa:k wa:n mah se: kipante:kili. I:pa yehwa sah, sayoh xiwit wa:n tikpante:milia, Ke:mah, mm. wa:n chi:l. Ke:mah. A:mo teh tikta:lilia ..., Kanah, kanah, iwki sah. Iwki sah. Mm. Oksé: emo:l tein nika:wí:n, *este**, tiweli tikchihchi:wa? Pos yehwa ya yo:n metstsonkilit no: tikwah nika:wí:n tehwa:n. ¿Ke:ní:w se: kichihchi:wa metstsonkilit? Mm, tehwa:n tikwah ne: tik.... Ke:meh yehwa:n nika:n taskaltia:nimeh kikwa:yah ne:n sayoh ne: kiye:ktia:yah wa:n kimanah wa:n ika soyokilit, wa:n ika, ika ne: et, mm. Wa:n ompa kichi:lwiah ya, iwki sah. ¿Ika: chi:l, a:mo teisá: *más**? A:mo *porque** seki kikwah ne: de a:joloh, pero tehwa:n yo:n a:mo tikwah yo:n a:joloh. A:mo mitsne:xtilihkeh ihkó:n. ¿Toni oksé: emo:l tiweli tikchi:wa? Ne:, pos yehwa sah *o** yehwa ya yo:n piotsi:n timochihchi:wiliah. Tikwah. ¿Ke:ní:w tikchihchi:wa teh piotsi:n? Tehwa:n tikwah se:sepa mo:loh, se:sepa n' a:joloh, se:sepa chi:ltetsa:wak, mm. ¿Wa:n chi:ltetsa:wak ke:ní:w se: kichihchi:wa? Chi:ltetsa:wak se: kichihchi:wa no: *igual**, sayoh se: 'kwe:cholia tomat wa:n chi:lwa:k wa:n se: kita:lilia *pimienta**. Wa:n se:, se:, wa:n, *este**, ¿ne:n a:joloh ke:ní:w nanki[chi:wah]? N' a:joloh no: *igual**, se: 'kwe:chowa n' a:jolih wa:n se: kipante:milia wa:n se: kita:lilia o:metsi:n ayohwa:ch, wa:n ika *pimienta**. Wa:n iwki we:lia ya. Wa:n oksé: taman tikihtowa e:yi taman se: kikwa ne:n piotsi:n. Iwki we:lia ya. Ne:n, mo:loh. Aha, ¿ke:ní:w se: kichi:wa mo:loh? Mm, yeh se: k..., se: kichi:wa, se: 'kwe:chowa *chileancho**. Se: ki..., *primero** se: ki:xtapa:na, wa:n se: kitewa:tsa wa:n ompa ne: se: kimana ya. Ompa se: 'kwe:chowa ya. Se: 'kwe:chowa. ¿Toni *más** se: kita:lilia? Ne:, yehwa ya *canela** wa:n *clavos**, mm. Ke:meh ekintsi:n miak timone:xtiliah neli nika:n tehwa:n tikihtowah mah *más** we:lia tomo:leh 'Ta:liliah yo:n seki yo:n onkak ne: kwesala:n, yo:n at ke:ní:w kiliah, yo:n pané: ka:kapolin o:n, nikilia pero at ke:ní:w mono:tsa. Nikelka:wtok ke:ní:w ne:chto:ka:ytilihkeh. ¿Cha: yo:n *pasas**? ¡*Eso**! Yehwa yo:n, *más** tikiliah kit para *más** we:lia toemo:l. Ah yehwa yo:n. ¿*Bueno**, ta:ká:n, *este**, teh..., tehwa:tsi:n, *este**, no: t'kneki te:chtapowi:s xa: tiweli teisá: ato:l? Ato:l ke:mah i:pa t'chi:wanih. ¿Katí:n ato:l tiweli? Chikola:ato:l no: t'chi:wah. ¿Ke:ní:w se: kichi:wa chikola:ato:l? Yeh se: kichi:wa, se: 'kwe:chowa tixti wa:n se: kitsetselowa se: kimana se: kipanta:lilia *panela** wa:n chikola:teh, mm. Wa:n iwki a. ¿Ton oksé: ato:lo tiweli? Ne:n, xokoato:l yeh se: 'kwe:chowa tao:l wa:n se: kixokoltia tixti wa:n ompa ke:mah tane:siki tikalaxowa ya wa:n tikmana ya wa:n tikpanta:lilia *panela**, yeh ihkó:n sah we:lik. Ihkó:n sah. ¿Ton oksé: ato:l no: se: kichi:wa? Yehwa sah, *nada más de**, yo:n seki nextamalato:l kiliah, yeh yo:n, sayoh se: kixama:nia nextamal wa:n se: kimana. Se: kimana wa:n iwki a. Yo:n, *este**, nika:wí:n tehwa:tsi:n xa: tiweli ok, *este**, nika:wí: xa: a:ksá: kichi:wa ok, tehwa:tsi:n *mismo** xa: tiweli yo:n kilia a:xokot, ¿a:mo tiweli? O:n a:xokot a:mo tikchi:wah tehwa:n. A:mo nankichi:wah, a:mo nankiwe:liliah? Uhuh, uhuh, wehka:..., wehka:w kichi:wayah to:ma:wa:n *cuando** yehwa:n mayo:rdo:mohtiah, pero ke:meh tehwa:n neli a:mo *ticostumbra:rowah** ok yo:n wa:n a:mo no: tein ko:mit tein ika se: kimana. ¿Pero tehwa:tsi:n tiwelia tikchi:waya? Neh a:mo niweli, pero weliah nika:n note:iskaltihka:wa:n. ¿A:mo tikmati ke:ní:w se: kichi:wa? Yo:n, no: tepitsi:n nikitaka pero a:mo n'mati ox semi iwki. *A ver** ke:..., xte:chtapowi ke:ní:w tehwa:tsi:n tikitaka. Yo:n kichi:waya ne:, *primero**, ki..., kichi:wah ne: kix..., kikwe:chowah xiwit wa:n kita:liliah tenex. Wa:n ompa ke:mah, kihtiwahwa:tsa a:xokoko:mit wa:n ompa ke:mah kihtixakwalowah kwaltsi:n ika ya yo:n tenex wa:n yo:n xiwit. Ika kihtixakwalowah kwaltsi:n wa:n ompa ke:mah ne: kita:li:tih to:nala:n mah wa:ki, ompa ke:mah kimanah ya ato:l wa:n kipante:kah ya yo:n ko:nko wa:n ompa ke:mah ompa kitsontsakwah ya, mm. Ompa kitapowah ya, wiptika kitapowah ya yo:n we:lik a yo:n ato:l. We:lik a. ¿Ton xiwyo ne: tikihtowa tehwa:tsi:n kikwe:chowah? Yo:n tsope:likxiwit. ¿I:pa yehwa sah? I:pa yehwa sah, mm. Yehwa yo:n 'kwitih miak, o:n, tsope:likxiwit wa:n 'kwe:chowah wa:n yehwa ya yo:n kita:liliah, mm. ¿Wa:n yo:n se: taya:ya sayoh ihwa:k, *este**, mochi:waya teisá: ilwit tikihtowa, *este**, ..., Ke:mah, yehwa:n kichi:wayah *cuando** nika:n ma:mayo:rdo:mohtiah kichi:wayah yo:n a:xokot. ¿Oksé: to:nal a:mo wel se:, *bueno** a:mo kichi:wayah? A:mo kichi:wayah ke:meh a:mo semi a:kah taih. Mm. Wa:n yo:n taih pos ke:meh i:n [...], ne: se:sepa yo:n taih n' a:tsi:n yehwa:n yo:n kinimakah taih ya yo:n. ¿A:mo se: taya:ya kahfé:n? Ke:mah acha tayah kahfé:n, pero ke:meh nimitsilia pos seki yo:n taih n' a:tsi:n, ta:wa:nah. Entó:s, yehwa yo:n kinimakayah ika moxa:xpahtiah kihtowah. Ah, entó:s yo:n, yo:n kwali, *este**, xa:xpah, kwali se: kikwi? *Es...**, ke:mah, mm. kwali yetok. Ta:ká:n teisá:, *este**, ¿tikneki no: tite:chtapowi:s ok? ¿Teisá: tein? Mm, pos neli ke:meh ekintsi:n neli kwaltsi:n tiahtokeh i:n, neli ika i:n *programas**, neli timokalakiah miak *programas**, wehka:w neli tikihyowihkeh. *Cuando** neh nika:n *primero** niehkoka, entó:s neli pos te:wa:n nita:tahkotia pitsomeh. Ne:, ihkó:n neli nik..., nikchi:waya *lucha** para ke:ní:w tipano:skeh. Pero *después** de yo:n a:mo nikwelitak. Entó:s *mejor** a ne: nika:w yo:n de neta:tahkoti:lis, se:sepa neli se: *kinesita:rowa centavo**. Wa:n tein iwa:n se: ta:tahkoti pos a:mo kineki ne: niman x'namaka, kineki *hasta** mah kwali mah *llega:ro**. Entó:s ne: yo:n nika:w. Entó:s *después** pe:wak nikchi:wa *noluchita** ya ne..., nehwa ya, pe:wak nikinkowa pitsomeh, nikiniskaltia. Ihkó:n pe:wkeh timoyo:lkwih ya. Entó:s ne: ta:totsi:n pe:wak mokalakih no: *programa de café**, entó:s yehwa yo:n pe:wak ika ne: titekitih ya. Entó:s ekintsi:n neli ne:nke:n timoyo:lkwikeh ya, pero wehka:w semi tikihyowia:yah, mm. Mm, wa:n neli tak a:mo se: tamatia ke:ní:w yo:ni wehka:w. A:mo tikchi:wayah *lucha** pero yeh ne: de pe:wak mokalakia yo:n *programa** ihwa:k a pe:wak timokalakiah. Mm, ekintsi:n neli ne: a:mo semi t'telihyo:wiah ok, ompa tipano:tokeh tepilitsi:n ya, mm. Yehwa sah. We:noh, pos tasohkamatik miak na:no ika ne: ti..., tite:chtayo:kolih i:n, *este**, motamati:lis wa:n, *este**, kwali tikihto:s sepa moto:ka:y. Juana María Petrona Méndez. ¿Wa:n tikihtowa tikayo:t? De Xalcuauhta, mm. Xalcuauhta. ¿Wa:n timoskaltih tikihtowa? Reyeshogpan. Reyeshogpan. We:noh wa:n, ¿ka:nachi xiwit tikpia? Cincuenta y dos años. We:noh pos yehwa sah, tasohka:matik, miak.