*A ver** a:man xte:chnohno:tsa i:n okseki a:skameh mono:tsah ixwanimeh, ke:niwkeh, ka:ni nemih, ox no: miakeh ne:n mochi:wah wa:n ke:ní:w se: kini:xmati, xa: te:kwah, xa: a:mo te:kwah. Pos i:n ixwanimeh yehwa:n ne: no: te:kehtsomah no: pero yo:n mochi:wah ka:mpa, ka:mpa yo:n kisa:lowah sintsi:n wa:n tak ke:masá: a:mo kita:liah pahti ka:mpa, tatsi:ntan ya, ompa mokalakiah yo:n ixwanimeh kiliah, ka:mpa yetok sinti wa:n no: kitehtekih se..., kitehtekih no: sinti, ompa mocha:ntiah n' okwilimeh, ixwanimeh, kohkostikeh no: ke:meh chi..., ke:meh yo:n chi:la:skat. Pero yo:n a:mo, a:mo, a:mo tsi:tsikwi:ni eliwis, yo:li:k nentinemi, komo se: kitapo:to ka:mpa yetokeh yo:li:k nentinemih ihkó:n, yo:li:ktsi:n, yo:li:ktsi:n yeh ika kiliah ixwanimeh. Yehwa yo:n k..., kikwih se: yo:n, totakwaltsi:n kikwih no:, ka:mpa, ka:mpa kisa:lowah wa:n nehjó:n ompa mocha:ntiah yo:n okwilimeh, a:mo n'mati ka:n, ke:ní:w yo:lih yo:n okwilimeh, mochi:wah kalihik yo:n ixwanimeh. Ke:mah kalihtik wa:n ne:nemih yo:li:k, yo:li:k ne:nemih ihkó:n, komo se: kitawehwelowili:to yo:li:k se:, yo:li:k yo:n para mihkwaniah pero a:mo, a:mo yo:n ehehliwis, nentinemih sah yo:li:ktsi:n yo:n. Kohkostikeh yo:n okwilimeh ke:meh ta..., yo:n kohkostikeh *o** tepitsi:n, tepitsi:n chi:chi:ltik ke:meh yo:n, ke:meh ne:n, ke:meh se: chi:la:skat ne: te..., [i]tapalo. Ke:mah pero yehwa yo:n, a:mo, a:mo, a:mo chi:la:skameh nió:n tei, soh mono:tsah ixwanimeh, yo:n a:mo te:kehtsomah semi ke:meh, ke:meh chi:la:skat, yo:n, no: te:kehtsoma soh tepitsi:n sah pero a:mo semi, a:mo semi te:kokoh. Ke:mah, yehwa yo:n. No: iwki tamati a ke:meh ne:n chi:la:skat te:kehtsoma, te:kokoh semi, pero ne: i:n ixwanimeh a:mo se..., a:mo te:kehtsomah semi telte:kokoh ika se: kilia ke no:, no:, no: se: taman, a:mo chi:la:skat. Ke:mah wa:n mota:liah kalihtik sah ka:mpa yetok ke:meh yo:n sintsi:n sa:liwtok, ke:mah I:n a:mo t'mati ox moahtapaltiah. Ka:nah, ka:n ke:man se: kita ox moahtapaltiah, a:mo se:, a:mo se: kimati. Wa:n i:n ixmanimeh i:pa mota:liah sah oso no: kichi:wah intahpo:ts. Kanah yo:n ta..., a:mo kipiah tahpo:tsal, nió:n tei, i:pa sah, mota:liah sah, ihkó:n yetokeh sah pero a:mo kipiah, a:mo kipiah tei itahpo:tsal, ke:mah. A:mo t'mati ke:yeh ihkó:n kinto:ka:itiah ixwanimeh. Ka:n se: kimati ke:yeh, pos i:pa iwki kito:ka:tiah ta:tahmeh tikakkeh ya, no: iwki tikiliah tehwa:n, ke:mah pero a:mo semi te:kehtsomah ke:meh okseki taman a:skameh, mm. Moto:ka:i Ni..., neh nimono:tsa niErnesto V+azquez.