Pos *antes, antes** ne: kihtowa:ya ne: ne:n ta:tahmeh, n' okichpil kitahto:ltiah, ¿a:kon tikneki ki..., iwa:n timona:mikti:s, a:kon tikwelita, a:koni n' tiki:xta:lia? Pos neh niki:xta:lia ompa i:ni. Pos xia:ka:n, xia:ka:n wa:n komo name:chna:nkiliah neh iwa:n nimona:mikti:ti, wa:n... *Bueno, mo que** yowih ya, tahtanih siwa:pil Kilwiah n' siwa:pil, kilia ne:n okichpil, tane:skeh ta:tomeh. Nekiltia ta:to, tehwa:tsi:n, xmose:wi. Ne:..., mose:wi:ka:n, nika:n etok *banquito** ne: etok ne:n petatsí:n, xmose:wi:ka:n. A:, *bueno**, tasohka:matik. ¿Toni a yo:n name:chyo:lkwehmolohtiwa:lah?, semi kwalka:ntsi:n namokwehmolohkeh. Semi kwalka:ntsi:n namoa:metsahwachwihkeh. Pos a:mo tei ta:to, 'te:chtapohpolwi miak, tehwa:n nika:n i:n, tiwa:lahkeh *por medio de** namokone:tsi:n wa:n tose:pankone:tsi:n, namokone:tsi:n ika nochi namehwa:n, ika nochi neh no: nokone:tsi:n moelna:mikkeh, mose:pantekipano:skeh, mose:pantio:chi:waskeh. A:xka:n namehwa:n tame:chi:xpantiliah ke:meh namehwa:ntsitsi:n nankiskaltihkeh *dios** ikone:tsi:n, wa:n tehwa:n no: tikiskaltihkeh no: *dios** ikone:tsi:n, a:xka:n tikisentili:snekih, para mah no: kipia n' ii:xna:mik nokone:w. A:, *bueno**. Tikneki tik..., tikneki ne: tiki:xna:mikti:s mokone:tsi:n, Ke:mah, n'neki n' ii:xna:mik mokone:tsi:n, sayoh n'neki..., a:mo n'mati ox ne:, ox nante:chikne:li:skeh. Pos a:mo xikmati, pero i:n a:mo iyoh a:man nawi:tseh, i:n nawa:la:skeh sake:ra se: *tanto**, 'wa:lkwika:n se: *te:tío**, 'wa:lkwika:n se: te:a:wi, *o** se: *moprimo o** se: *mohermano**, wa:n *abuelita** ta:ká:n nemi ok, xkwa:lkwika:n, mah ii:xpanti, *porque cuando** wehka pipitskatiá:s nosiwa:pil ii:xpantis, wehka pipitskatiá:s *cuando** ika takwa:mo:tas namo:kichpil, yehwa ika nawa:lahkeh. A:mo ika yehwa yo:n tiwa:lahkeh, tehwa:n tiwa:lahkeh ika *dios** ikone:tsi:n, kelna:miki nokone:tsi:n wa:n namose:..., tose:pankone:tsi:n, a:man tehwa:n tikihtowah *que por favor** mah *siempre** ne: te:chikne:li:skiah, pero..., a:mo teh tame:chna:nkiliah ekintsi:n, n' te:..., tak ne: tikini:xpantili:tih n' to..., tota:tahwa:n tein tehwa:n timoliah tote:iskaltihka:wa:n *** se: noa:wi *o** se: no..., *notío o** se: no..., noikni:w, nowehkaikni:w, *pero bueno** niki:xpantili:ti. *Porque..., o** ne:n *abuelita** komo nentikah pos no: tiki:xpantili:skeh *porque** ne: *cuando** ne: ika takwa:mo:tas namo:kichpil ne: nosiwa:pil no: ii:xpantis. A:, *bueno. Pero** a:mo ika yo:n tehwa:n timotahtaniah, tehwa:n timotahtaniah ika, ika chipa:wka:yo:t, *como que** chipa:wka:yo:tsi:n timotahtaniah. Pos ihkó:n nane:chkaya:wah wa:n ihkó:n nante:chwa:lkwi..., nante:chwa:kwilihkeh *morral**, ye:kwe:i nante:chtsonaki:tih nankinemilihkeh, neh nane:chtsonaki:tih *morral** wa:n imomá:n nankitsonaki:tih n' ta:nah, *porque** i:n tachkahkaya:wakoh[nante:chkahkaya:wakoh] sah, i:n a:mo neli n' ke:meh nankihtowah. A:mo, ta: mela:w n' tein tikihtowah, telye:kneli. Pos nawi:tseh wi:pta. A:, *bueno**, entó:s tiwi:tseh wi:pta, x'nohno:tsaka:n *dios** ikone:tsi:n. Ke:mah, t'nohno:tsatih wa:n no: x'nohno:tsaka:n namehwa:n namokone:tsi:n ke:ní:w n' kelna:miktiwi:ts, *porque** no: x'wa:lkwiskeh, no: t'te:nkakiskeh. N' ta: tokone:tsi:n ne: etok, komo nankinekih mah tikno:tsaka:n wa:n mah ka..., mose:wi wa:n ne: xiknohno:tsaka:n. A:, ke:mah, mohkó:n x'no:tsaka:n, mah no: t'nohno:tsaka:n. Kino:tsah ya n' okichpil. ¿Toni ka teh ti..., tehwa:tsi:n tte:chkalpano:ko, semi telkwalka:ntsi:n timoah..., timoahwachwihtiwa:lah, telkwalka..., telkwalka:ntsi:n timo..., timokwecha:waltih, timometskwa:telohtiwi:ts. Ka:n teihsá: ta:to, neh niwa:lah *por** i:n mokone:w. Nikelna:miki iwa:n nimotekipano:ti, iwa:n *nimoservi:ro:ti**, wa:n ika yo:n kwalka:n nikiwa:lti:tan neli note:iskaltihka:ta:tahwa:n. A:, ke:mah, yehwa ika tikiwa:lti:tan. Yehwa ika. Pero, ¿a:koni n' tikwa:lkwik ne:n..., a:koni n' tikwa:lkwik mah mitspale:wi? Se: *motío**, se: moa:wi, se: *moprimo**, mo..., mo[ke:meh] skia moikni:w. A:..., a:mo a:kin. Pos ekintsi:n kipia *que** tikwa:lkwis, tikwa:lkwis *moabuelita, porque** ne: *moabuelita**, ii:xte:noh kipanawihtiki:sa nosiwa:pil n' ika ttakwa:mo:tas, Kanah, ka:n yeh ika niwa:lah wa:n a:mo ika nitahtaniko, ta: nitahtaniko para nik..., para iwa:n nmotekipano:s. Ke:mah, ihkó:n tite:chkaya:wa wa:n ihkó:n tte:chtsonaki:ti n' ta:nah wa:n ihkó:n tte:chtsonaki:ti *morral**. Pero welis a:mo neli. A:mo, ta: *nicumpliro:s**. A:, pos komohkó:n *ticumpliro:s** tiwi:tsa wi:pta. *Mientras que** no: kitahto:ltiah ne: siwa:pil. ¿Ke:ní:w n' tiki:xehekowa, ox mela:w mitsteki..., mitsta:ka:chi:was ne: okichpil?, *porque** ne:..., mitstahtani. Tak tikwi:kas. ¿Tikwi:kas? Tikna:nkili:tih. Neh ka:n nikwi:kas. Kanah, x'wi:ka, a: ki mitstahtani. Telsemi komohkó:n mitscholti:skia sah. Ya ki mitstahtani kipia, kipia *que** nejó:n *timoservi:ro:s** iwa:n. A:, ke:mah. *Nimoservi:ro:s** iwa:n, *pero cuando nimoservi:ro:snekis** iwa:n yeh a:mo kinekis nowa:n..., ne:chtekipano:s ok. Yeh kinekis noka ma:wilti:s a. Yeh kinekis a:mo, a:mo ne:chtamaka..., *bueno** a:mo ne:chkwi:li:ti:w ok toni n'mahse:was, toni nikwa:s, yeh kinekis mah..., mah..., *que tal** mah sepa seko tachia. Kanah, ka:n seko tachias, ta: tehwa:n tikilwi:skeh. A:, *bueno**. Tak x'na:nkili:ka:n komohkó:n. ¿Wa:n ka:nachi xiwtika mah t'na:nkili:ka:n? Pos x'na:nkili:ka:n sake:ra se: e:yi xiwit, se: na:wi xiwit, komo ne:chihyo:wih, nikwi:kas. Pero komo a:mo ne:chihyo:wih a:mo nikwi:kas, neh ka:n niá:s. Kitata:liah ya. Kitata:liah ya yo:ni, na:wi xiwit. A:, neh ka:n n'chia na:wi xiwit, ta: neli ne:chpolowa *nococina, por eso** nmotahtania. Neh nikneki sake:ra i:n se: xiwtika komohkó:n. *Mientras que** ni..., nitmotakowi:ti no..., *nocositas**. *Nocositas** ne:chpolowa. Nikmakaki:w n' i..., itahkittilmah, nikmakaki:w n' itahkitkwe:y wa:n nikmakaki:w n' *itahkitcamisa**, itahkitwi:pi:l. Yo:n tahkitwi:pi:l yehwa ya n' ke:meh i:n. Ke:meh i:n kichi:wayah, pero a:mo de i:ni, kichi:wayah de i:n kostik. Wa:n tahkit..., tahkitkwe:it, kilwia:yah tachi:wkwe:it, tachi:wkwe:it kichi:wayah, toma:wak n' *hilo**, toma:wak n' *hilo**, a:mo semi telwe:i, tahko de i:n, tahko. Ke:meh eskia tahko de i:n, yehwa yo:n kichi:wayah. Kichi:wah, kiti..., [ki]makah se: we:i *bola** para mah kichi:wa n' tahkitkwe:it, kichihchi:waya n' tahkitkwe:it siwa:pil, kwaltia ya n' tahkitkwe:it, kitokatiki:sa n' itahkitwi:pi:l. Kitokatiki:sa ya n' *itahkitcamisa**, *tahkitcamisa** nochi yeh mochihchi:wilia:ya siwa:pil, Wa:n tahkitwi:..., n' *tahkitpantalón**..., ne:n tahkitkalso:n yeh kichihchi:wilia siwa:pil, tahkitkalso:n wa:n *tahkitcamisa** wa:n tahkitkoto:n. Yo:n tahkitkoto:n no: kichihchi:wah mahyá: se: koto:n, pero no: ista:k wa:n tahkitpa:yoh. Tahkitpa:yoh no: kichihchi:wah hkó:n de pata:wak, de se: ma:it wa:n tahko *o de** o:me ma:it, yo:n para moyewalo:ltilia *cuando** mona:miktia ya. Nika:n kwaltsi:n molpia ne:n ta..., *novio**, mota:lilia se: *bola** hkó:n *porque** kwaltsi:n kite:nchihchi:wah ne:n tahkitpa:yoh, kite:nchihchi:wah mahyá:, mahyá: ne: ihko:kó:n xo:chitsí:n, yehyewaltik, tsi:mpihpitsaktik. Pero n' ite:mpan posoktik. Kihtowa:yah kipia chiko:me tepe:t, chiko:me tepe:t, ¿ke:yeh? [Ke]meh i:n *punta**, nika:n yahtok se: mono..., n' te:tepe:t wa:n se: nika:n yahtok n' te:tepe:t, wa:n yo:n te:tepe:t, ompa kipihpilowilihtiwih, kipihpilowilihtiwih ne:n xo:chitsitsí:n tein nimitsilwia, kipihpilowilihtiwih, *hasta** i:n nika:wí:n wetsiki. Nochi kie:wa[lowa] *hasta** nika:wí:n, wa:n ke:mah nika:n i:n kichi:wah ya n' tahkit. Kichi:wah ya n' tahkit *para con eso** nika:n yowi a para ne:, oksepa seko *punta**, no: achi, chiko:me tepe:t. Komo kichihchi:w siwa:pil chiko:me tepe:t pos kits..., [ki]makah ya *novio. Cuando** mona:miktiah ya, kwi:kah ya. Kipia..., n' siwa:pil kipiati n' *icinta**, kipiati n' iko:skaw wa:n kipiati n' i..., n' ipi:pilo:l *de oro**, *pero de oro**, a:mo ke:meh a:man *cualquiera** pi:pilo:l tikwis. Nochi *de oro**. Tikowas ya m' pa..., tikowas ya ne:n pi:pilo:l *de oro** wa:n t'ta:li:s a *cinta** wa:n t'ta:li:s a n' tahkitwi:pi:l, o:me tahkitwi:pi:l, para se: ikwa:ko wa:n ika *cinta** wa:n yehwa ya ne:n tein maki:s. Wa:n ta:kat no: *igual**, kita:liliah ne:n tahkitpa:yoh ika n' chiko:me tepe:t. Wa:n kita:liliah ne:n..., kita:liah ya ne:n, n' *icamisa**, no: *igual**, no: tahkit. Nochi kichihchi:wayah nejó:n *ca...**, tilmah para ika mona:miktia:yah wehka:w. A:mo ke:..., a:mo ke:meh a:man nochi tiowih *tienda** tikowatih. Pero nochi ista:k katka, *después** mopatak tepitsi:n, yahki para ti:ltiktilmah. Tein nika:n de *sanmigueleños**, nika:n kite:nta:liliah ihkó:n, *morado** wa:n tein ne:wí:n kayo:meh, *por** newí:n San Andrés, *por** Zacatipan, *por** *comunidades** ne:wí:n, nika:n kite:nta:liliah chi:chi:ltik. Yehwa yo:n *para casamiento**. Wa:n ko:skat, ko:skat no: kita:liah, ta:ká:n kita:liliah de i:n *o** ta:ká:n kita:liliah seki kiliah *perlas**, *porque** neli ne: wehka:w a:mo teh onkaya de i:n, A:mo mo..., no:ya:n onkaya, onkaya seki *bolitas**, onkaya seki mahyá: we:weyak, mahyá: kowachkowtsitsí:n. Ekintsi:n a:mo tei, de yo:n a:mo tei. Nochi onkaya ne: yo:n, pero pos tahtaman sah, no: tahtaman, okseki *colores** okseki de..., okseki *ti..., tipo de, de** yehwa yo:n chi:wtos. Ke:mah. Entó:s yo:n ka:mpa yowih ya kka:watih ya siwa:pil, mo:stika tane:si a, ke:meh a:xka:n i:n tio:tak, ya:s si..., siwa:pil n' icha:n, *mo que** ya:skeh ya, kikwiti:wih ya, para nochi yowal *ba..., baile**, mochi:was *baile**, yo:n se yowal, pero ahsi a *madrina**, yeh kwi:kas ne:n *icanasta**, kwi:ka ipane:lah, kwi:ka *ikahfe:npolvo**, kwi:ka i..., *ikahfe:nolla** wa:n okichpil kwa:lkwi, kwa:lkwi n' kwowit, wa:n kwa:lkwi n' *hacha** wa:n kwa:lkwitok n' imekapal, *aparte n' imachete**, ke:meh eskia ne:..., yowi a ne:..., na:ltano:tsakoh ya ne:n *padrinos**, yo:n *hora** kitikote:kah ya seki a:t, kitikote:kah n' a:t mah tise:wi, Ta:ká:n taxo:taltia *madrina de n..., de** yankwika mah tamili:ti. Ihko:ni yo:ni. Ihkó:n. Entó:s yeh ne: *madriana**, tamili:ntia *fuerza**, para ne: no:tsalmeh kinimakati n' kahfe:ntsi:n, pero yehwa ya *madrina** kimanati. Para tamili:tia pero achto kitatsonaha:wiliah n' tikoihtik, ka:mpa siwa:pil. Mo:stika neli ne: *a las cuatro de la mañana**, kiki:xtiah ya, kitake:ntiah ya wa:n kwi:kah ya. Kka:watih n' ka:mpa *novio**, ompa kka:watih ya, mi:mihto:tiah kalte:noh, moxo:chiko:skawiah, o:me pi:pil kichihchi:wayah, xo:chipi:pilmeh kilia:yah. Yehwa yo:n kinihto:tiah. Se: siwa:pil, se: okichpil nejó:n pilimeh kinchi:wayah, mihto:tiah wa:n kima:ma:kiah ya ompa nejó:n kone:t. Ompa mo..., m' *padrinos** wa:n *madrinas** wa:n *abuelitos parejo** moma:ma:kiah. Ompa ihkó:n para ne:, para ne: moita *que compadres** ya. Entó:s ne:, ompa yo:n kalakis ya ne:n, kalakis a m' *padrino**, kalakiti a m' *padrino**, ompa kita:liah se:, o:me, o:me kwowit, se: k..., mahyá: *cruzado** kita:liah nika:n kkwitta:liah *novio**, nika:n kkwitta:liah *novio[a]**, ne:pa mota:lia *padrino**, nika:n *madrina**, wa:n *te:abuelitos** komo etokeh tahtate:noh moketsah. Ompa kinima:ktiliah ya, Tehwa:n *ticumplirohkeh** ya tein ya:lwa yowi:pta t'nemilihkeh wa:n tein ya:lwa yowi:pta nante:chtahtanihkeh *favor** wa:n tein ya:lwa yowi:pta nante:chkwehmolohkeh, tehwa:n nika:n etok a, *tame:chcumplirowilihkeh**, komo namotasohka:matih kwali wa:n komo a:mo namehwa:n ya, pero nika:n etok a, tame:chmakah ya. Entó:s kima:ki:tskiah ya siwa:pil, kimakah ya n' *isuegra**, ihko:ni yo:ni. Okichpil kima:ki:tskiah ya, kimakah ya n' *isuegro** I:n *mosuegro** ya, i:n mo:pá:n, a:mo tikili:s ta:tah *o** ke:ní:w, i:n mopopá:n, tiktahpalo:s popá:n wa:n teh siwa:pil tiktahpalo:s ne:n *mosuegra** ya tikihtowah ne: momoná:n ya, yeh tikihto..., tiktahpalo:s mo:ma..., mo:má:n, a:mo tikilwi:s *mosuegra**, mo:má:n, *momamacita**. ¿Ke:yeh? *Porque** tik..., tikwelitak n' ipili. Wa:n teh no: tikwelitas..., tikwelitak ne:n siwa:pil pos no: tikilwi:s mo:má:n imomá:n. *Entre de** na:wi:n, momá:n wa:n popá:n wa:n momá:n wa:n momá:n. Ke:mah, ihko:ni yo:ni. Wehka:w *antes** ihkó:n kichi:wayah, a:man a:mo. A:man komo kino:..., kino:tsa ne:n *isuegra** n' imontika:w, *suegra**. Isiwa:moh komo weli kino:tsa *isuegra** wa:n komo a:mo ne: *mejor** semi *kinombrarowa**. *Mejor** it..., ika ito:ka:y n' kino:tsa a:mo, a:mo kito:ka:ytia ne: *is...**, imoná:n *o** imonta:t. A:mo, ta: *isuegra**. Oso *bien** kilwi:s..., *a ver** ke:ní:w mono:tsa. A:mo, a:mo kih..., kilwihtos *momacita**. *Momacita** ekintsi:n poliw, kwi:kak ehekat. Popá:n kwi:kak ehekat. A:man ihkó:n timotekipanowah, a:mo timoteki..., timotekipanowah tein *mero, mero** kwali, *medio tontera** ya. A:mo *igual** ok ke:meh *antes** tipanowa:yah. *Mo que de** n' ka:mpa neh nisiwa:montik, neh a:mo ne:chihtanik *nosuegra**, *antes** ata tikihtowah, pos ne: siwa:pil xne:chyo:le:wili, 'ne:chilwili, iwa:n motekipano:ti no:kichpil, 'ne:chilwili teh. Teh kwali tiknohno:tsa. Wa:n pos teh tikilwia ya siwa:pil *loco**, tikyo:le:wa ya mah kwi:ka ne: te:kone:w. Ne: te:kone:w. N' te:moná:n yeh a:mo kimati, pero teh tikilwihtok a. 'Ne:chilwili ne:. ne: mah kwi:ka no:kichpil, ne: siwa:pil. Pos teh *que** a:mo titahtamati, tikilwihtok a yo:n te:kone:w mah kwi:ka ne:n okichpil, ihko:ni ne:n..., ihkó:n *an..., an*[tes] siwahtaniah seki. *Mo que** kihtowa:yah kitahto:lmaka. Ke:mah, kitahto:lmaka, yehwa ya ne:n ki..., meh eskia kita:liah a:koni ne:n kiilwi:s ne:n siwa:pil. A:mo *mismo** n' a:kin kineki yehwa n' kilwi:ti, a:mo. Neh ihkó:n nimote:wa:nta:lih. A:mo ne:ch..., ne:chihtanik oso ke:ní:w. *Sólo** ne:chihtanik iwa:n no..., *nopadrino de bautismo**. Yehwa sah n' iwa:n ne:chihtanik, pero mah nikihto kitahtani:to *nohermana** *o** kitahtani:to *notío**, a:mo. Ne:chtahtanik iwa:n no..., o:me, e:yi *viaje** yahka ka:mpa *nopadrino**. Wa:n *de nopadrino** ke:meh kilih, 'wi:ka kilwia. Komo tikwi:ka xwi:ka, *porque** te:kne:ltih yo:n siwa:pil, we:i a, ekintsi:n we:i a, kilia, ki..., ki..., kitami:ti a kilia n' *catorce años**, komo tikwi:ka xwi:ka kilwia. 'kwiti kilia wa:n xwi:ka, pero ke:meh a:mo yehwa n' iwa:n nietoya, a:mo semi ne:chki:xti:to n' ke:man kilwih mah ne:chwi:ka. Iwa:n nietoya *nohermana, de nohermana** n' iwa:n nietoya entó:s yeh kilwih. Kilia ne:, nejó:n, *bueno** yehwa yo:n ima:ko neh nie:wak, pero wehka:wak. Yeh kilia:ya komo niweli mah niman nikwi:ka, pero pos ka:n, ka:n n'mati neh ox mah nikwi:ka oso a:mo nikwi:ka *porque** pos neh a:mo teh n'pia *trato de** nikwi:kati. Pero ke:meh *nopadrino** n' tana:nkilih *que** mah nikwi:ka pos nikwi:kak pero wehika. Ne:chtana:nkililih *por** noviembre, *por diciembre**, niah *hasta** enero. Pero neli a:mo yehwa ne:chilwih no..., nota:ka:w mah ne: niki:xna:mikto, *o achto ne:chchupetea:rowa para** niktohtokak, a:mo. Neh niah *a lo tonto**, ke:meh eskia se: to:tolin i:xpala:ni wa:n yahki motelohtiah kahsito n' ta:kat. A:mo, a:mo nikihto:s ne:chte:makak iwa:n no:..., iwa:n *notío** oso noa:wi *o** ke:ní:w. *Nohermana** a:mo kinekia mah nikwi:ka, kwahkwali *ricos señor**, kwahkwali kipiah *rancho**, kwahkwali kipia ne: *terrenos para...**, oso kwahkwali kalmeh *o** kipiah toni n' kinamakaskeh. A:mo. *Siempre ne:chtoca:roh** se: *pobre**, pero yo:n *pobre hasta** a:xka:n iwa:n nikihyo:wihtok. Yo:n *pobre hasta** a:xka:n iwa:n ni..., *nivivirohtok gracias a dios**. nió:n nikihto:s *ne:chmaltrataroh**, nió:n *n'maltratarowa**. Neh nietok kwaltsi:n ka:mpa nietok iwa:n. A:mo ne:chahwatok, a:mo no: nikihto:s mah ne:chtewihto *o** kihto:s ¿ke:yeh t'tamih n' *cosas**, ke:yeh t'tamih n' tapalo:l, ke:yeh t'tamih n..., yehwa ne:?, wa:n nikwa:skia ok. A:mo. Tamis tapalo:l, tami:s kahfe:n, tamis *cosas**, teihsá:, tao:l, yeh kimati ka:ni kkwiti:w. Neh a:mo semi *nimoresponsabilizarowa** nikte:mo:s. No:, no:, ta: no: nikowa *porque** no: ntekiti. Ke:meh i:n niwi:tsa Cuetzalan, ampó:n nikitaki se: *parto**, nikitaki se:, se: *pacientito**, pos niow nikitati, wa:n kwali a. Ne:chtaxta:wia o:me, e:yi *pesito** pos nikowa ya se: *kilo azúcar**, nikowaya *dos kilos de..., o** noetsi:n *o** noxapohtsi:n *o noazucartsi:n**, nimokowilia wa:n niahtok. *o** nikwi:ka se: *diez pesitos de nopanecito para** no: nikyo:lohpachohtahsi nopiliwa:n. Wa:n ihkó:n no: ni:xpanowa ya, a:mo semi n'senka:wilia *noseñor**. *[Por]que** a:xka:n no: chika:wak a, kipia *setenta y cuatro años**. Nowe:..., *noseñortsi:n** ta:tah ya no:. Wa:n de nimona:miktih iwa:n nikpia *cincuenta y uno**. *Cincuenta y un año** niktalih ya, niow *para cincuenta y uno[dos]** ya, i:n febrero, nike:kmattok ke:maniá:n. A:mo, a:mo, a:mo nikihto:s ya:lwa yowi:pta n' iwa:n nimota:lih, *desde tiempos** a. Ke:mah, katka..., yeh no: katka *medio** okichpil wa:n neh no: katka nisiwa:pil ok. Pero ihkó:n nikihyo:wihtok iwa:n, ke:meh i:n niwi:tsa pos a:mo kwala:ntok, kihto:s ka:n tiahka, xa: tinemito ika ta:kameh, xa: tnemito ika *tonterías**, a:mo. Ihkó:n ke:meh *antes** nikitak ke:ní:w ne:chpano:ltia, ihkó:n no: nipano:tok kwali iwa:n, *porque** a:mo no: *n'maltratarowa**. Eskia *n'maltrataroskia** pos nikihto:skia ne: mochi:wati tein neh n'nekiti *porque** niow ka:m..., ka:mpa n'neki, pero kanah. *Porque** a:mo ihkó:n ne:chma:ka:wa n' *todios**, ne:chma:ka:wa n' *dios para** nimo..., nimotekipano:s pero mah chipa:wka:yo:t, mah a:mo nieliwisti semi. *Porque** komo nieliwisti semi *mismo** neh nimopolo:s sah. *Porque** n' se: kitstiw a, tein, tein eliwistih, *mismo** yehwa:n mopolowah. *mismo** yehwa:n momiktiah. ¿*Porque** ke:yeh? A:mo kipiah talna:miki:lis kwali. N' e..., n' ekintsi:n kwali wa:n ekintsi:n mikik a *porque** pos a:mo tamati. Ke:mah.