Pos komo ke:meh eskia teh *tinon...**, tino..., tinoxwi:w, *bueno**, nikiskaltih mo:pá:n, nikwe:iltih mo:pá:n, nikta..., nik..., nikmakaya *nopecho**, a:mo nikmakak *leche** ke:meh a:xka:n, neh n'makak *nosangre, sangre de pecho**, nikiskaltih, weyak mo:pá:n, kite:moh *ipareja**, wa:n timoskaltih a:xka:n tehwa, timoskaltih ya. A:xka:n teh a:mo..., ihkó:n ke:meh moskaltih mo:pá:n, nikiskaltih, mah a:mo, a:mo xikwi se: *maña**, ¿ke:yeh a:mo xikwi se: *maña**? *Porque** a:mo xitachteki, a:mo xmokwi:li teihsá:, a:mo xmokwi:li se: totolin, se: pio, se: *ver**, *o** xiow de yowak xkwiti se: kwa:koweh, xkichtekiti se: *caballo**, teh, teh *que** tiwe:i a, xite:tekitili, komo a:mo tikpia ka:n ttekitis pos okseko xtekiti. A:ksá: x'tahtani se: mo..., *moprójimo**, xa: t'pia tekit, nimitspale:wi:skia, *porque** a:mo n'pia toni nikmahse:was. A:, *bueno**, nimitsmaka *o bien** nimitsmaka *hasta** tao:ltsí:n, ta: t'neki nimitsmaka n' tao:l, wa:n ika xne:chpale:wi. Pos *bueno**. Nimitspale:wi:s, 'ne:chmaka n' tao:l, ta:ká:n t'pia etsí:n, 'ne:chmaka n' etsí:n wa:n ika nimitspale:wi:ti. Nimitspale:wi:ti a:man, nimitspale:wi:ti mo:sta tikilwi:s. *Bueno**, nimitspale:wi:ti a:man wa:n nimitspale:wi:s, ma:s nochi *semana** nimitspale:wi:s, *siquiera** a:mo ximomachti *que** xtachteki. A:mo xikwi *mal..., maltalna:miki:lis**. *Porque** komo tikwik *maltalna:miki:lis**, mo:sta, wi:pta ne:..., a: pos timohka:etos, sa ttakaktos. xa: wi:tsa ne: *judicial**, xa: wi:tsa *policía**, xa: wi:tsa se: *gente**, xa: mitsmahmowti:kih, xa: mitskwikih. Mah a:mo yo:ni n' chi:wi, mah chi:wi *que** ximotekipano kwaltsi:n. Mah chi:wi *que ximoservi:ro** kwaltsi:n. Mo:sta, wi:pta tikahsis *moseñora**, a: pos yehwa i:n, ihkwí:n, ihkwí:n ne:chilwih *noabuelita**, ihkwí:n ne:chtapowih *noabuelita**, ¿Toni mitsilwih *moabuelita, semi tikwelkakik? Ke:mah, nikwelkakik. ¿Ton mitsilwih? Pos ne:chilih *que** mah a:mo nitachteki, ne:chilih *que** mah a:mo nikchi:wa *cosas**, *que** mah a:mo n'maga se: nokni:w *a lo tonto**, *que** mah a:mo n'tawe:lita se: nokni:w *a lo tonto**, *que** mah nik..., wa:n ta:ká:n nikwala:ni pero mah n'ye:kilwi ton..., ton ika nikwala:ni, ton ika ne:chkwala:ntia, mah nikilwi, ¿ke:yeh nimitskwala:ntia *o** ke:yeh tne:chkwala:ntia *o** yehwa i:n tne:chchi:wilih. ¿*O** tehwa tne:chkwi:lih yehwa i:n? Ke:mah, nehwa. ¿Wa:n ke:yeh tne:chkwi:lia? Pos no: nikwelitak. Mah mo..., xne:chtahtania:ni, a:mo ti..., a:mo..., nimitsma:ki:skia wa:n nimitsakaskia. Ta: ne: *noseñora** no: owih n' kiskaltih komo se: pio, komo se: to:tolin. *o** se: itskwintsí:n, *a veces** se: itskwintsí:n moma..., ompa momatiti, wa:ltoka notskwin, x'ma: kwowit. Pero a:mo yo:n mah se: kima: kwowit, itskwintsí:n, nikili:s, meh, *órale**, xikwa n' taxkaltsí:n wa:n xkitati mote:ko, *porque** se: itskwintsí:n ke:meh eskia se: tokni:w, tikma:kia se: taxkaltsí:n, *órale, ora** mote:ko, mote:ko, 'kwi:ka, x'kwi:ka, 'kahsiti mote:ko. Pos no: yowi a n' itskwintsí:n, pos tiktamakak ya. Mote:ko, mote:ko, mote:ko, ¿ke:yeh? *Porque** kkaktok *que** tiktasohta nejó:n itskwintsí:n. *O** tikwi:ka ya n' teh, titamahse:wak, komo *señora** tikte:moh ya, pos *órale**, a:man neh niow ya ntekititi wa:n teh xieto, xkinita n' kone:meh, a:mo kanah xiow, 'kinita n' kone:meh, xikintapa:ki, xkintahtsomi *o**... *Porque** ne: ke:man semi tima:tahtsomayah. 'Kina:lti wa:n neh nimose:wi:t..., ne: niow ntekititi, a:mo nmose:wi:ti, ntekititi. *Bueno** xtekititi, xtekititi, a:mo teh ximolwihto, xiow n' teh. Teh tiow titekititi, tiehko, niwalah ya. *Bueno**. ¿Tikpia *cafecito**? Ke:mah. A:, *bueno**, 'ne:chtayo:koli se: *pocillo**, nitai:ti *porque** nia:miki *o** nimaya:na *o** a:mo poliwis ke:ní:w, nisiowik, nimose:wia tepitsi:n. *Mientras que** kita:liah, komo mitsta:liliah n' taxkaltsí:n pos timose:wia wa:n tik..., mitsili:s, ekintsi:n etok a n' taxkaltsí:n, xkwa:ki a. *Bueno**. Komo tima:tan ya n' teh no: xtakwa ya. Mah ttakwa:..., tak mah ttakwa:ka:n ya, mah tse:pantakwa:ka:n, pos no: ntakwa:ti a neh komohkó:n. Nase:pantamahse:wah iwa:n *moseñora**, a:mo teh tawe:l. Namose:wiah ya, pos mo:stika sepa tike:wa kwalka:n. Mo:s[tika] sepa, sepa tik..., tikoli:nia mah me:wa ya, mah mi..., *mitsservi:ro** ya *mocafecito**, motaxkaltsi:n, ke:meh seki tikmatih tiktapi:kiah n' to..., topili *o** t'tapi:kiah *toseñor**, mah kwi:ka n' itaxkaltsi:n ka:mpa tekititi, ta:ká:n kele:wia pos ompa kita..., ki..., kikwa sake:ra o:me, e:yi wa:n sepa tio:tak wa:lahtok. kwi:ka se: *medio litro de** ikahfe:ntsi:n, *o medio litro de iatolito**, ompa momaka tepitsi:n wa:n takwa. Yetok no: *contento** ya ompa, *hasta** teh no: tietos *ticontento** ya *porque** ttai:k a *mocafecito**, tikwah o:me, e:yi *taquito**, ika yo:n o:me, e:yi *taquito** pos tietok a *ticontento**, ttame:wa ya, titekiti a wa:n *al ratito**, pos tikilwi:s *señora**, a:man chika:wak a n' tosintsi:n. ¿A: chika:wak ya? Chika:wak a. A:man, kostiak a ne:n no: n' tikiliah n' tehwa:n to:tomoch, a:, *bueno**, pos komo kostiak a, ¿ox ka:n kwaltias tikwa:skiah ya? Ke:mah, komo t'neki tiko:n..., nikwa:lkwis. 'Wa:lkwis *hija** wa:n tiko:yas wa:n tikwa:skeh. Yehwa yo:ni m' pano:lis. A:, *bueno**. Tiehko, nikwa:lkwik a, xko:ya, wa:n tik..., tikawa:nti:s wa:n tikwa:skeh okyowa. *o** tikwa:skeh *al ratito. Bueno**. Ttikoketsa ya n' teh, komo neh ntikoketsa ya wa:n nikpa:ka wa:n niknawatia ya n..., *a ver** a:koni ne:n kichi:wati, 'ne:chpale:wi, *o** xne:chkwi:li:ti *o** a:m..., po..., poliwis ke:ní:w. *Antes**, komo kawa:ni a, wa:n titama:pa:kah ya tikihtowah *carrera** tik..., tikmetawiah, a:mo timotalowah..., ihkwintsi:n nextamaltsí:n wa:n timotalowah *máquina**, *antes** a:mo ne: tiketsa moa:chi:wi:l, ne: ttikoketsa moemo:l, ne: ttikoketsa mo..., tanakastan tiketsa mokahfe:n, *carrera** tikwe:chowa se: *bolita**, t'paya:ntiwetsi wa:n *mientras que** molo:ni mokahfe:n. Molo:ni mok..., moemo:l, para t'tapi:ki:ti n' ta:kat, ya:ti a. Tikalaxowa ya se: *bolita** kwaltsi:n, kwaltsi:n tikana:wka:pano:ltia ika ohka, ika e:xpa taxkal a. ¿Ke:yeh? *Porque** tikan..., tikpano:ltia pitsa:wak tikihtowah. Yo:n pitsa:wak *como que** tikihtowah timoma:chika:wah. Yehwa:n kilia:yah n' *antes** pitsa:wak xikpano:lti motix, wa:n titakmahse:was kwahkwali taxkal. *Sea** tet..., *sea** kotoltik, *sea entero, pero** yema:nik. Yema:nik *porque** taalaxo:l. ¿Ke:yeh yema:nik? *Porque** kwaltsi:n tiketsak n' nextamal. Wa:loksiti se: taxkaltsí:n se:..., tikihtowah pos oksih, se: taxkaltsí:n oksi, sepa se: t'ta:lia, pos no: *igual** n' oksi, t'tamaka ya mota:kaw. Tikilis, ton..., meh n' taxkal, oksik a, a:mo tikwala:ntos ne: t..., wehwei nimtstixi..., ma:ski wehwei pero mah pohposoktik. Ihkó:n ne: nikinawatia nopi:pilwa:n neh. Ma:ski we:i taxkal ihkó:n, pero mah ihkó:n motsonkwi. Mahsi *esponjadita** mochi:wa, mah poso:ni wa:n ke:mah tiktamaka ya ne: *moseñor**, Tikpi:kilia ika na:wi, i..., *con que sea chilito**, ika na:wi tiki:xtetewinowilia wa:n t'pi:kilia ika se: is..., *hojita**, tikta:lia n' *imorralko**, ompa tikpankechilia n' ia..., ia:tsi:n, mota:li:ki tikwa[kikwa] n' itaxkaltsi:n momaka n' ia:tsi:n, ke:mah sepa yowi nono. Mose:wia se: *cinco minutos, diez minutos**, sepa yowi kitati n' imi:lah, sepa tame:wa yeh, titame:wa nono, titame:wa nono, tikchi:wa nono. Tikita tiki:sato o:me pa:nti, e:yi pa:nti *o** na:wi pa:nti, *a ver**. A:, pos tayowa ya, ekintsi:n nia:ti a. ekintsi:n nia:ti a, ta:ká:n tikilpia se: *rollito de** kowit pos *órale**. Nikilpi:ti a nokowtsi:n, para okyowa ne:chtaokxitili:skeh. Tikilpia se: *rollito de** kowit, nikili:s ne: *señora**, nikwa:lkwik ke:ski kowtsí:n. *Bueno. Cuando** te:maka *tiempo hasta** tehwa:n no: tikihto:skiah pos nikwitiwetsiti kowit, *porque** mo:sta a:mo ke:manti nota:kaw, ompa i:n ya:ti. Ke:mah. A:mo ke:manti nota:kaw, *porque** yeh yowi tekititi, wa:n neh nietoti, sayoh nitapa:kas wa:n nopiliwa:n nikina:lti:s wa:n nopiliwa:n nikini:xa:wi, *a ver** toni, wa:n nikintamakas, ta:ká:n yowih *escuela**, ompa nikinchi:xtoti nopi:p..., nopi:piltsitsi:n wa:n impopá:n ehkoti maya:ntiwi:ts, neh yo:n n'nemilia. *Cuando** yowi *noseñor** tekititi wehka, nikchi:wa se: *bolita de, de** tixtsí:n wa:n kwaltsi:n nikpa:ta wa:n ke:man niki:xte:ka niki:xtilia n' iyo:lotsitsi:n, n' itsonteyotsi:n, moka:wa *lo único sem..., semillita**, wa:n ke:mah *nicolarowa** ya wa:n ne: n'tikoketsa mah molo:ni, wa:n de molo:ni ke:mah, kwaltsi:n, kwaltsi:n mah molo:ni, moka:wa ne:n tao:ltsí:n mahyá: *polvito** ya sah, nikte:ka ika se: *jarrita o** n'te:ka ika se: xi:kaltsí:n nikel..., niketsati ne: *artalito**, ompa mah se:wi. Nis..., a:mo nankima:tokah, i:n mah se:wi, tai:tehkoh. Ta:ká:n no: nantaih, xmote:kili:ka:n, xse:se:wi:ka:n, yo:n para ta:ke:walmeh, ehkotih, ma:ski o:me:n, *nomuchacho** wa:n no:kich..., *noseñortsi:n** sah, para n' t..., ne:pa niketsa *listo**. Ihkó:n neh. *Porque** mah ehko, *todavía** nikwala:ni ok, a:mo yo:n *modo** nikpia. *Porque** nikwala:ni ok, ehkok a. Nimaya:na. 'Mochia, xmochia, 'mochia, ka:n ya ntisi, ka:n nike:manti, neh no: n'pia chi:walis. A:mo yo:n se: kihtowa, wa:n a:mo yo:n t'nemilihtok. Teh t'nemilihtok *que** ehkoti wa:n x'tamaka *órale**, 'mose:wi a, teh *a..., al contrario** tikwiti n' isi..., ne:n tikihtowah n' ikpaltsí:n wa:n tikechilia mah mose:wi. Nika:n xmose:wi a. ¿Ttai:s *atolito o** ttai:s *cafecito**? Ntai:s *atolito**. A:, *bueno**, i:n yetok. Yetok n' *cafecito**, komo ttai:s yetok. Ke:mah, ntai:s no:, pero mah ntai ok n' *atolito porque** semi nxiwtatatok. A:, *bueno**. Xtai n' *atolito**, mitsyo:lse:wi:s. Yehwa yo:n se: kichi:wa wa:n yehwa yo:n ika timotekipanowa. Ma:ski s..., ihkó:n tietos, pero a:mo tikwala:ntos *porque** ehkok a, a:mo tikwala:nis, tiktawe:lna:nkili:s, *porque** onkak ihkó:n nikita. Wa:n nikita wa:n nikaki wa:n pané: ne:chmaka *lástima**, yahka tekitito, *todavía** nikahwatok ok. Ka:n nike:manti para nik..., nikchi:xtos ka taxkal. Entó:s pos ton ika ne:chka:wte:wa, entó:s pos ton ika nimoka:wa. A:mo ne:chka:wte:wa ika *viaje**, ta:ká:n nikwitiwetsiti nokow, nikwitiwetsiti se: *rollo**, wa:n i:pa niehkos, *o** taká:n a:paltik, timotapatili:s. I:n yetok motilmah. Se:, tahtasa:liwtok pero timak..., ximaki, tia:paltik. *Bueno**, nimaki:ti. *o** nimowahwa:tsati. A:mo, a:mo, ta: xmotapatili *porque** mitskokowa *mopulmonía**. Pos motapatilia ya, *moservi:rowa** ya. Ke:mah, nikili:s xtakwa ya, 'takwa ya wa:n xmose:wi a. Pos *mejor** nimose:wi:ti a tak. Ihko:ni yo:n se: panowa. A:mo tipanowa de..., *o** ne: ehko wa:n tikwala:ni ok todavía. a:mo t'neki t'tamakas. Mah a:mo yo:ni. Ehko wa:n x'tatekiwi. Tai:s *iatolito**, tai:s *icafecito o** kkwa:s itaxkaltsi:n, *o** komo tikpia *a ver** toni se: tapalo:ltsí:n pos 'te:kili mah tamahse:wa ya. Takwa ya. A:man nimose:wi:ti a. Xiow, xiow xmote:kati a. ¿Toni mitspolowa? Ttakwah ya. Ihkó:n se: kinimpano:ltia n' ta:kat tein tekititi. Wa:n ma:ski nemiti:w sah, *pero 'trataro** mah takwa. *Porque** nemito sah pos mah a:mo takwa. A:mo, n' ta: takwa:s, ihkó:n nikilia nopilwa:n, ihkó:n nikilia nosiwa:mowa:n. Teh xka:wa mah nento, teh xtamaka. nió:n no: xkili ton kinkwito, nió:n no: xkili ti..., ka:n tiahka, teh xtamaka moko..., we:weh wa:n a:mo x'chi:wa *cuenta** n' tawe:l, tawe:l a:mo ke:man teh kite:wa:nti. Tawe:l a:mo ke:man teh kite:maka. 'Takwa:ka:n ke:mah, *xmoservi:ro:ka:n**. Wa:n teh ta:kat xkwiti ne:..., *a ver** to t'palo:ti. Siwa:t a:mo kipia ton kipalo:s, yeh a:mo wel teh mote:molia. 'kwiti tehwa, pero niman. Pero ka:n n'pia tomi:n. Ni..., ka:n t'pia tomi:n, ne: xa: tte:tekitilia, ta: nikitstok ttekititok. ¿Pos toni n' tikchi:wa? N' ka:n nimitstahtanihtok *gasto** neh, n' ta: neh no: nikita ke:n *dios** ne:chpale:wia. *Al contrario**, i:ksá: ki:saki:w. Ma:h. *Hoy**. ¿Ka: t'pia se: tomat, ka: t'pia se: chi:l? ¿Ka: t'pia tsiktsi:n istat? Ke:mah, yetok. 'Maka nikili:s nosiwa:pil, 'maka mokni:w. 'Maka n' tomat, 'maka n' *chilito**, 'maka ne:n istatsí:n. Nehwa neh, neh i:ksá: nehwa no: nikimaka. Ihkó:n para mo.., mah *momantenero:ka:n** se: ipilwa:n. Se: isiwa:mowa:n *o** se: ita:kapilwa:n *o** se: isiwa:pi:pilwa:n *o** se: i..., se: iixwi:wa:n. *Sólo de** yo:n *modo para** tietos kwali iwa:n mopilwa:n. Ompa tietos *mal**, pos no: x'nehneki n' ke:meh yehwa:n kichi:wtokeh seki. Pero a:mo, mah a:mo yo:n chi:wi, teh xieto kwali, xieto *ticontento**, a:mo wel tikinahwatos, nió:n wel tikinili:s, ¿pos ke:yeh n..., ke:yeh nanteltakwah *o** ke:yeh nanteltakowah *o** ke:yeh n' tikwito yehwa i:n. A:mo. Nopilwa:n nikita ehkoh i:ksá: motakowi:tih, *moservi:rowah**, pos mah kkwa:ka:n. kwali kikwah, neh ki..., ma:ski nikwa:skia pero de a:mo n'pia n' tomi:n, no: ma:s..., no: nikele:wihtok pero de a:mo n'pia ton ika nimokowili:s. Ke:mah, ihkó:n. Wa:n ihkó:n se: i..., panowa ya. Yehwa sah.