Ne: *tiempo** okwilimeh nemiah pero monohno:tsayah Tahtowa:yah. *Entonces** se: *tiempo** nemia, nemik *conejo** iwa:n se: *coyote**. Wa:n *coyote** ki..., kinekia kiki:tski:s *conejo,** para kikwa:skia. Wa:n *con...**, wa:n *conejo** momakaya *cuenta** ke *en...,** kitohtokatinemi *coyote, porque** kikwa:sneki. Entó:s *conejo de por si** nemia hko:n cholohtinemi ka:mpa kiitaya kicholowilia:ya. A:mo kinekia kineteche:was *porque** kimattoya ke kikwa:ti. *Entonces n' coyote** kitohtokaya wa:n ki..., *kipersegui:rowilia:ya** de ke kikwa:skia o de kiki:tski:skia wa:n kikwa:s. Pero n' conejo** takwa:ya se: *lado** itech se: *frijolar**. Wa:n yo:n ka:mpa takwa:ya *conejo, pues** i:pa takwala:ntia:ya ya no: *porque** we:ika ya takwahka etah, et n' kikwa:ya. Entó:s miak a n' et kikwah wa:n *dueño de** n' et, kwala:nia ya, kiht[owa] pero ke:ní:w niki:tski:skia nehjó:n *conejo** *porque** ne:chchi:wilihtok we:i *daño**, wa:n a:mo 'ka:wa noew. Pero nimattok ka:ni kochi. Kochia itech se: *cueva**, se: *chimenea** ompa kalakia *conejo**. *Entonces** kiki:ts..., kinemilih kichihchi:wati se: *muñeco de cera**. Se: *muñeco de cera** tikilwiah tatsa:wak *cera**. Entó:s yo:n *muñeco** kina:lketsato itech *mi..., mero cueva** ka:mpa kalaki *conejo**. *Entonces** ne:n *conejo** kimaka *vuelta** wa:n kalakiti a ne: icha:n, kahsito ya yo:n *meñeco** ompa na:litstok. Kilwia, "*A ver**, ximihkwani", kilia, "mah nipano. ¿Ton tikchi:wa teh nika:n? *¡A ver** xmihkwani!" Entó:s a:mo mahchi:wa *muñeco**, wa:n nió:n no: kina:nkilia. Sepa kilwia, "¡*A ver** x'mihkwani *o** "nimitsmaga se: ma:it, para nikalakis, para timahchi:was *porque** teh a:mo tine:chkaki!" [En]To:s kimaga se: ma:it. [En]to:s ki..., ke:meh kimá:k ma:it ompa mopepechoh n' ima:y. ¡"Ximihkwani!" kilwia, "*porque** nimitsmagati okse:. Wa:n de nimitsmagati oksé: i:pa kipia de *nimitsjodero:ti porque** nimitsmagati o:me ya". [En]to:s kikwi sepa se: wa:n kinimaga. ika iopochma:y a. Entó:s kiki:tskih ya o:me:n. A:man kilia, "¡X'ne:chkahka:wa, *porque** koma:mo tine:chkahka:wa", kilia, "nimitsmagati se: *patada**. Wa:n ika yo:n *siempre nimitsfrega:rowa** ya". *Entonces** yo:n *conejo** ki..., wa:n ke, wa:n ke kimaga se: *patada n' muñeco**. Entó:s yo:n imets sepa mopiloh, seko sah. "*A ver**," kilia, "¡x'ne:chkahka:wa! ¡Xine:chkahka:wa ya!" A:mo kina:nkilia. Entó:s kilia, "¡Xine:chkahka:wa", kilia, "*porque** nimitsmagati oksé:". Entó:s sepa kimaga oksé: Entó:s nochi o:me imetswa:n wa:n o:me ima:wan mosempiloh ya ihkó:n. Entó:s", kilia, "a:mo tine:chkahka:was. A:man", kilia, "nimitskehtsomati". Wa:n ke kitanteki. Ikechko kitantek. Ke:mah, ompa mosempiloh ya, *como** [k]e:meh ite:noh, ke:meh imetswa:n ompa tokotspilkak a. Entó:s wi:tsa ya *dueña**, "Ah, *maldito conejo**, kilia, "*asi** i:pa nikihtoh ke *siempre** nimitski:tski:s. Ehkoti *rato** noma:ko timoka:was. ¡Xkita sah! Tine:chchi:wilih we:i *daño** ya. A:man para kwali eski, nimitswi:kati wa:n nimitstatsakwi:lti:ti *hasta** ka:mpa neh nikihto:s". *Entonces** kikwikeh *muñeco** wa:n kwi:kak, kwi:kakeh ya *conejo** ika nochi yo:n *muñeco**. Ahsito ne:n *señora** wa:n kitsakwa ika se: chikiwit kalte:noh. Kitsakwa ika yo:n chikiwit yo:n *conejo** kiki..., sayoh kiki:xtilih *muñeco** wa:n ompa yetok. Entó:s *coyote** yeh ta:tayewalowa ompa, ki... kipihpixtinemi *porque** kimattok ke tsaktok. [En]tó:s panowa *cerca de canasta** wa:n kino:tsa. "*Coyote**", "kilwia, "¿Ka:n tiow?" Pos *conejo** kilia, "Nika:n tietok, ¿ata neli?". "Pos ke:mah." "Pero xkita!", kilia, "neh nika:n nitsaktok wa:n *señora**", kilia, "ne:chmanilihtok se: to:tolin ne:chmakati mah nikwa. Wa:n neh", kilia, "a:mo nikwa nakat. Pero teh ke tikwa nakat", kilwia, "x'ta..., xne:chtapo", kilia, "mah niki:sa, ¡wa:n teh xikalaki!" Kilia, "¿*Deveras**?" "Pos ke:mah", kilia, "pos neh nikwa xiwit. Wa:n teh tikwa nakat. Pos *mejor**", kilia, "teh xikalaki nika:n, *porque** mitswa:lkwili:tih", kilia, "to:tolnakat. Wa:n neh", kilia, "pos a:mo nikwa. ¡'Ne:chtapo!" kilia, "mah niow wa:n teh nika:n xmoka:wa". "Pos *orale**," kilia. Entó:s kitapowa n..., kahkokwi *canasta** wa:n ki:sa n' *conejo**. Wa:n yehwa ya *coyote** mokalakih ompa ne: tokotsietok ihkó:n. Poco "ratito** ki:xahsi wi:tsa ya *señora**. 'Kwa:lkwi se: ko:mit we:i, sa popo:ka. Entó:s *coyote, por ambicioso de** nakat, no: sa kipahpalowa no: ite:xi:pal kikwa:ti a, ne: kitamakatih wa:n ke kitsonkepili:kih *canasta** yo:n a:toto:n. Seki a:toto:n kitsonte:kili:ko, *modo de** kimikti:skiah *conejo**. Pero kimachilia *coyote** ke totoktik yo:n a:t kike:miko. Ki:stiki:sa, motapoh wa:n ki:stiki:s *carrera**. Sa tsikwi:ni. *Entonces**,, kitohtokatinemia *siempre**. Sepa kitsi..., sepa kite:mowa. "¡'Kita *conejo!**", kilia, "*siempre** nimitskwa:ti", kilia, "*porque** *siempre** nimitskwa:ti", kilia, "*porque** tine:chkahkaya:w". "¿Pero ke:yeh?", kilia, "nimitskahkaya:w. ¿A:mo mitstamakak i:n *señora**?" "¿Pero ka:ni ne:chtamakas?" kilia, "ta: ne:chmikti:snekia", kilia, "ika yo:n a:toto:n. Pos a:man", kilia, "mowa:n nimotaxta:wili:ti". "A:mo weli tine:chkwa:s", kilwia. "A:mo tiwelis", kilwia, "*porque** neh", kilwia, "ninemi a:mo *nima:loh**", kilia, "wa:n teh tima:loh", kilia, "*porque** miak *vecino** tikwalih ya", kilwia, "ipiowa:n". *Entonces** ke:mah", kilwia. Wa:n kitsikwi:nkawia *conejo de** kiki:tski:ti. A:mo mote:makak *conejo**. Cholowa wa:n ihkó:n kipihpixtinemik ka:mpa panowa:ya *conejito**. Ompa mote:ka n' *coyote** wa:n sepa kilwia ya. "Ah, ne: *coyote**, ne: wetstok. Pero ne: yeh ki..., ne: yeh ne:ch..., ne:chkaya:wasneki. Yeh kimati ke mah nikihto neh ke ne: *coyote** mikik a. Wa:n a:mo miki ta: ne: nech..., ne:chpihpia nehwa, ne:chkwa:sneki". Entó:s sepa kimaka *vuelta** yowi. *Después** mokepati sepa. Wa:n *siempre** kipihpia ya wa:n mote:ktinemia. O:me, e:yi *viaje** ki..., mote:kaya itech iohpah. "Ah", kilia, "ne:, ne: *coyote**, yetok de ne:chkwa:s. Pero ne: kihto:sneki ke mah nikihto neh ke mikik a. *Porque** ki..., kinahokwik imetswa:n wa:n a:mo, a:mo nehjó:n miki sano ke ne:chpihpia nehwa. Oso a:i:t. Pos ke:yeh kinahkoketsak imetswa:n wa:n, wa:n a:mo moli:nia ok. Pero komohkó:n mikik a, komo mikik a ne: *coyote** eske mihyayas. Wa:n komo aya:mo miki, a:mo mihyayas. Entó:s *coyote, modo de** kikaya:was n' *conejo, de momento** mihyayak. "Ah", kilia, "ne: kichi:wak", kilia, "ne: *itonteria** ki..., para ke ne:chkaya:waskia. A:mo", kilwia, "*porque** mihyax", kilia, "*porque** aya:mo miki. *Porque** komohkó:n mikik a, a:mo mihyayaskia. ¿Toni kikwah ya wa:n mikik a? A:mo", kilia, "*mejor** niow. Wa:n ihkó:n kitohtokatinemik *hasta** iwki poliw yo:n *cuento**. Juan de los Santos Dionisio, San Miguel Tzinacapan.