*Bueno**, pos ekintsi:n, *este**, na:nah komohkó:n, *este**, no: tikmattok de n' xiwtsitsi:n tein kikwih para i:n, *este**, siwa:meh, kwali 'te:chtapowi:s katí:n xiwtsitsi:n tiki:xmattok wa:n toni ne:n kwali se: kikwi. Pos neh nik..., nikmattok ke:man neh ni..., komoke nopili nemik ekinika nookichpil, ne:chmakakeh, nehjó:n, yehwa yo:n wits..., witskola:ntoh kilia yo:n. A:mo n'mati ox tiki:xmati. Te:maniliah wa:n te:makah. Wa:n no: te:makah kalwi:ch, kimanah yo:n kalwi:ch para mah, mah niman ta:ltikpakti se: ipili. Wa:n yehwa ya ne:n *pimienta**. kwali kisemanah *o, o** se:seko kimanah, te:makatiowih para mah niman ta:ltikpakti se: ipili. Ke:mah nemi a se: ipili pos yehwa ya wi:tsa ya ne:n yo:n kiliah tsope:likxiwit. Te:makah yo:n kit para mah ne, mah nochi te:chipa:wa se: ihtik. Ke:mah yo:n onkak xiwtsitsi:n. I:pa sayoh tsope:likxiwit ne: kikwih oso onkak ok seki ne: xiwit tein, *este**, kinchipa:wa yehwa i:n siwa:meh. *Pues** neh n'mattok yehwa sah ne:chmakakeh tsope:likxiwit pero seki kikwih yo:n kilia siwa:pahxiwit wa:n *mirtos** wa:n *ruda**. Pero a:mo n'mati ox yehwa no: iwa:n taih pero neh n'mattok ne:chakakah yehwa sah yo:n, ne:n, tsope:likxiwit. Ehe, yehwa sah neh ne:chma:makayah, yo:n kit para mah te:chipa:wa nochi. Wa:n, *este**, sa:te:pan i:pa sayoh nantaih yo:n xiwit wa:n iwki a *o** nan..., name:chpahtiah ika teisá: *más**. Pos sayoh ki..., kikowayah yo:n kilia:yah *anismono**, ne:chtai:ltihkeh no:. De kwalka:n ne:chtai:ltia:yah yo:n kit para tak, tak mah no: te:pahchi:wa, ke:mah. Yehwa kilia:yah *mes..., mescal** pero neh n'mattok ne:chakakah yehwa yo:n *anismono**. Se: *copita** te:makayah yo:n kit nochi para mah no: te:..., ox te:..., teihtichipa:wa *o** a:mo n'mati ke:ní:w yo:n, mm. Wa:n nochi i:n xiwtsitsi:n tein ekintsi:n tikin..., *bueno** pos, *este**, tikte:ne:wak, ¿ke:ní:w? ¿Sayoh se: kimana wa:n iwki a? Pos kimanah wa:n ke:mah te:makah ika, a:mo miak, tsikitsi:n sah. Nochi pahtsitsi:n, nochi tsikitsi:n sah te:makah *porque** komo telmiak pos no: te:chi:wili:s *mal**. i:n sayoh se: kiekowa, ke:meskia se: kiekowa wa:n yehwa *más** koli:nia pili para ta:ltikpakti, mm. ¿Okseki xiwmeh tein teh tiki:xmattos, *este**, tein kwali, kwali kikwih? *Pues** de n', de n' para n' pilimeh yehwa sah i:n tein nikto:ka:ytih ya, yehwa ya ne:n witskola:ntoh kiliah, wa:n yehwa ya ne:n kalwi:ch wa:n pimie:ntahxiwit. Yehwa ya pero *más** seki a:mo n'mati toni ok *más** pahti Ta:ká:n tikmattok okseki xiwmeh tein no: kwaltia pahti ke:meh yo:n, *este**, i:ksá: pilimeh moxwitiah *o** ihkó:n xa: tikmati kwali 'te:chtapowi:s. n'mattok. Pos yo:n tein moxwitiah pilimeh onkak pahti yehwa yo:n a:ko:kohxiwit kilwiah, tiki:xmattok. Yehwa ya se: ki..., kita:lilia komo tsiktsi:n *aceite** wa:n *carbonato** wa:n ke:mah kipepechowiliah i:ka:n, n', n' ixi:ktipan nika:n, nika:n wa:n nika:n tai:ka:mpa kinta:liliah para mah xiti:ni ininexwitil. Wa:n koma:mo no: onkak yo:n tatahkotikonex, no: kinimakah. ¿Tiweli tikchi:wa i:n tatahkotikonex? Pos ka:n owih, se: kikwi ika se: *cuchara** wa:n se: kipante:ma komo ika kahfe:n *o** ika a:t sah, mahyá: ye:kmomolokaki. Wa:n ke:mah *hasta** i:n tiwehwei:n pos 'taih. Mm, *porque** pos neli i:ksá: se: mote:mpano:ltia se: moyo:lixwitia. Se: *nocompadre** de Puebla wa:wa:la:ya wa:n mowa:lixwitih wa:n a:mo wel yetoya ok, fieroh kimati nika:n nochi i:n. Wa:n yo:n nosiwa:moh ke:meh imomá:n no: kwali ki..., kimati toni pahtsitsi:n, pos kilih, kilia, "¡Xikmaka kilia tatahkotikonex! ¡Xikwi", kilia, "ika se: *cuchara** wa:n x'panta:li itech *taza**", kilia, "mah momolokaki ika ne:n [ta]tahkotikonex tein xo:tatok a. Wa:n ke:mah xikpahpacho kwaltsi:n", kilia, "ne:n *mocompadre**. Nochi kwaltsi:n xikpahpacho wa:n x'maka mah tai". Pos tai:k o:me, o:me takampacho:l tai:k wa:n ika yo:n pahtik. *Hasta** a:man kit ke:meh i:n komo moxwitia wa:n kelna:miki sah yo:n pahti wa:n ika pahti *porque** tel, tel, te..., tel, a:it ke:ní:w tak telnexkoko:k *o** a:mo n'mati ke:ní:w kimatik, tel *fuerte**. Okseki xiwmeh tein no: kwali se: kikwis para okseki kokolis, ¿ka:n tiki:xmati? Pos yehwa ya ne:n, pos de miak para n' se: ihtik, miak taman pahtsitsi:n, yehwa ya ne:n *epazote zorrillo, tecedrón**, yo:n, ¿ke:ní:w kiliah seki xiwtsitsi:n para i:pa para ihtikokolis *o** para yo:n estsompi:ltih? Yo:n onkak yehwa ya yo:n ma:tal..., chi:chi:lma:talin, se: kima:xakwalowa wa:n n' ia:yo:tsi:n pos te..., te:makah ika *cuchara** mah te:pahti. Wa:n koma:mo tenexa:t, i:xa:yotsi:n, ye:kchipaktsi:n koma:mo te:na:mikik teisá: pahtsitsi:n, tenexa:t se: tayi ika se: tahko *tacita** wa:n ika yo:n te:namiki ne:n estsompi:l. ¿I:n tikilia n' chi:chi:lma:talin ise:lti se: kikwi *o** kwali se: kinelowa iwa:n okseki xiwmeh? Yehwa sah. Yehwa sah, ta:mo no: kwali n' okmaselo:t, okmaselo:t no: kwali para ne:n estsompi:l. Mm. ¿Wa:n yo:n ke:ní:w se: kichi:wa? Yo:n se: kimana, yeh se: kimana para se: tai wa:n xa:lxokot, xa:lxokoe:wat, tsina:ka. Ie:wayo se: kimana wa:n yehwa ya yo:n no: se: tai koma:mo teh te:na:mikik, mm. ¿Komohmó:n a:mo tsina:ka ne:n xa:lxokot ie:wayo a:mo kwaltia? Pos neh nikmattok yehwa n' *lo que es** kikwih yehwa tsina:kaxa:lxokoe:wat, yehwa yo:n se: kimana. ¿Okseki xiwit tein no: tiki:xmattos para yehwa i:n estsompi:l? Pos yehwa ya okmaselo:t wa:n xa:lxokoselo:t iwa:n wa:n yehwa ya n' ke:meh i:n xiwtsitsi:n yehwa n' *epazote zorrillo**, *tecedrón**, yo:n, *este**, ¿ke:ní:w kiliah seki? Nikelka:w kehke:ní:w mono:tsa seki ne:n xiwtsitsi:n, *poleo** wa:n *mejorana**. Seko sah tamanah wa:n yehwa yo:n se: tai. Mm, yehwa yo:n xiwtsitsi:n, wa:n miak taman onkak pahtsitsi:n *sino que pues** a:mo tikwih ok *porque** a:man pos ke:meh miak *doctores** a. Se: pili mokokowa niman 'kwite:wah iwa:n *doctor**, a:mo kikwih ok yo:n xiwtsitsi:n, mm. ¿Wa:n ke:yeh tiki:xehekowa teh ke, *este**, a:mo, a:mo kikwih ok xiwit? *Porque** tak de n' mopatatiw a nochi n' a:man i:n *cos..., costumbres** kit. Ke:mah, *porque** nochi yo:n, yo:n kowachxiwit, yo:n kwaltsi:n, yo:n no: kwaltia, yo:n no: ika kinimpoxpi:kih para mah xiti:ni ininexwitil. Mm, yehwa ya yo:n xonakat, kitsoyo:niah no: ika *aceite** wa:n *carbonato** wa:n para no: kinimpoxpi:kih koma:mo teh kinina:mikik, mm. Wa:n yo:n, *este**, tikihtowa, ne:n, ne:n, *este**, kowach, ¿ke:ní:w se: kichi:wa yeh, ne:n, ixiwyo? kwali 'te:chtapowi:s. Yo:n pos yehwa ya ne:n, yehwa ya ne:n kownex kita:liliah wa:n kipihpi:kih. Kipihpi:kih ika ne:n yehwa ya kowachxiwit sikie:ra na:wi, ma:kwi:l kipi:kih. Wa:n ke:mah ki..., kimpoxta:liliah ya nika:n wa:n inika:n *o** ke:meh yo:n semi telsektokeh no:, no: kinina:miki. Ta:mo yehwa ya yo:n *tabaco**, kitewa:tsah wa:n ke:mah kita:liliah *refino** wa:n no: te:ta:liliah nika:n se: ipoxko wa:n se: ika:n. Ke:meh yo:n i:ksá: ye:k se: sekkalaki, ye:k sayoh se: i..., ika:ntsahtsitinemi wa:n ye:kte:kokoh. Yehwa yo:n pahti no: te:na:miki, mm. ¿Okseki xiwit tein tiki:xmattos ke:meh yo:n, *este**, i:ksá: te:kwi toto:nik? Pos yehwa ya yo:n chakayxiwit wa:n xo:me:t. Komo te:kwi toto:nik wa:n ..., *o*** se: yo:n tel, se: kipia eliwis toto:nik se: itsontekoh koma:mo te:namiki tei. se: kima:xakwalowa yehwa ne:n chakayxiwit wa:n iwki tetsaktsi:n se: kima:xakwalowa kwaltsi:n mochi:wa wa:n ke:mah ika se: mometspa:ka wa:n se: itsontenkoko se: mopa:ka. Wa:n xo:me:t *igual** no: se: kima:xakwalowa. Se: ki..., komo semi yo:n i:pa a:mo telte:namiki wa:n ye:kte:kokoh nika:n pané: ye:k se: kwa:ihtikoyokatok, ihkoyokatok se: itsontekonko, se: inakasko. Yehwa yo:n xo:me:t se: kima:xakwalowa se: *rollito** wa:n yehwa se: mometspa:ka de, de se: itankwa:ko paratani wa:n se: itsontekonko nochi kwaltsi:n ke:meskia ika se: mahmowia. Wa:n yehwa yo:n ika se: mopahtia. ¿Ta:ká:n tiki:xmattok ok seki xiwmeh tein, *este**, tein kwali se: kikwi, kwali 'te:chtapowi:s? Yehwa ya xoko..., xokoxiwit wa:n chichi:kxokoxiwit wa:n li:mah, yo:n xi:pohli:mah kiliah, *lima de castilla** ke:ní:w mono:tsa. Seko sah se: tamana wa:n yo:n kwali para ika se: mometspa:ka, para mah taneki:sa toto:nik. Wa:n yehwa ya yo:n chanclá:n, pero a:man a:mo onkak ok kanah semi. Chanclá:n no: kwali te:..., te:pahtiah ika. ¿Toni kipahtia chanclá:n**? No: para yehwa n' toto:nik, mm. ¿Wa:n yo:n sayoh se: kimana *o** ke:ní:w se: kichi:wa? Ke:mah se: kimana wa:n ika no: te..., te:pa:kah, mm. Wa:n ke:meh i:n se: tataxisti wa:n a:mo teh te:na:miki pos yehwa yo:n nekaxa:ni:l *o** yo:n [ko]mo se: motanawia ika teisá: kokolis ke:meh i:n *cuando** se: pilnemi. Wa:n [ko]mo se: motanowia yehwa ya yo:n nekaxa:n kima:xakwalowah, tetsaktsi:n, xoxoktik mochi:wa wa:n ika *refino** kima:nelowah wa:n ke:mah te:se xakwalowah para mah te:pahti. Mm. ¿Toni okseki xiwmeh kwali kikwih komohkó:n, *este**, se: siwa:t motanawia? Pos yehwa yo:n nekaxa:n. Kima:xakwalowah kwali wa:n ke:mah pos te:senohohsah *parejo**, ke:meh se: etok , ika *refino**. Wa:n pos te:na:miki. Neh ne: se: *viaje** nimotanawihka ika nosiwa:pil, noLupe. Pero a:mo teh ne:chohsakeh, *sino que** i:pa wa:lahkah ya yeh, ne:n, *nocomadre**, ne:n, María Eugenia kiniwa:lkwiah yo:n miakeh xino:lahtsitsi:n wa:n se: *viaje** ke:meh te:chtelkalpanowa:yah, ne:chahsitoh wa:n nie:ktoto:nia. A:mo teh ne:chakakeh pahti *porque** a:mo kinka:wkeh. Kilia, "¡A:mo x'maka! Tikmakatih i:n *pastillas**". Pero a:mo n'mati ton *pastillasyo**. Yehwa yo:n ne:chna:mik, *pastillas** ika ne:chka:w toto:nik, *porque** yo:n te:tanawiah ke:meh yo:n se: kochtok wa:n te:mowti:tih. Se: moahkopiswiah pos ompa wi:tsa ya toto:nik *fuerte**, yehwa ika yo:n se: motanawia. ¿*Bueno** pos, *este**, ta:ká:n tikmattos de oksé: kokolis tein no: te:kwi wa:n katí:n xiwit kwali se: kikwi? Pos pané: ka:n, ka:n nikelna:miki ok semi. Mm. *Bueno** pos, *entonces, este**, kwali 'te:chili:s, ne:n, moto:ka:y. Pos nimono:tsa Celina González Nazario, niwa:le:w xola:lpan San Miguel Tzinacapan. ¿Ka:nachi xiwit tikpia? *Cincuenta y cinco**. *Bueno**, pos tasohka:matik miak.