Na:nah es..., tikihtowa tehwa:tsi:n tiweli tikihkiti ne: wi:pi:lmeh, ilpikameh. Xa: no: tiweli, a:mo nikmati. *Este**, xte:chtapowi ahachichi sehse: ekinikatsi:n kwali 'te:chnohno:tsas de ne: ke:ní:w se: kichihchi:wa wi:pi:l, k..., de tikpe:waltia wa:n ke:man tima:tamiti a. Nochi ke:ní:w tikohtokaltia wa:n moka:wati se: wi:pi:l ke:meh moneki. Mm, nehjó:n pos neh nimomachtih ne: tio:pante:noh, wa:lah se: *programa** mono:tsaya *PIMUDE**. Wa:n ompa yo:n nimomachtih. Te:ch..., te:chilwihkeh mah t'wi:kaka:n ma:kwi:l kowit i:ihkwi:ntsitsi:n. Tiktohto:kkeh ma:kwi:l wa:n ompa ke:mah te:chtahtanihkeh n' *hilo**. Tikwa:ilpihkeh wa:n pe:wak tik..., tiktehte:kah ya. T'yewalowah, mahyá: *cruzado** ihkó:n t'chi:chi:wah. Ompa tiktami..., tiktamitehte:kkeh te:chilihkeh ke tapowal e:yi *por** se: tapowal ahsi *hasta** *cincuenta y cinco** Pero neh nikitak de yo:n *cincuenta y cinco** telki:sa teltahtapo:tok wi:pi:l. A:mo tsaktok kwali. Wa:n a:man neh nikwi wi:pi:l nikchihchi:wa, nikpowa de e:yi *por** se: tapowal ahsi *setenta y cinco**, komoke e:yi powal wa:n xakto:l, nikpowa n' *hilo**. Nima:tami niktamitapowa, ke:mah nik..., nikwiti a komimilmeh para ompa nikwa:kalikia ya wa:n n'te:mpilo:ti a ke:meh ne: [i]tech ne: ohtat nikpia o:me, o:me komoke se: *lazo**, ompa nikwa:kalakia ya wa:n ke:mah nikwi a no: se: notahkoilpika. Nimotahkoilpia wa:n ke:mah pe:wa ya niktekpa:na. Chihchikwase:n n' *hilo hasta** nim..., nina:lki:sa yo:n e:yi powal wa:n kaxto:l, nima:tami i:ksá: pano:ti *siquiera** se: e:yi. *hilo** ok, entó:s niksenkwi:ltia ya yo:n de chikwase:n *hilo**. Ahsi chikna:wi *hilo**, nikihilpia kwaltsi:n. Entó:s ke:mah sepa niktsonkepa. Niktsonkepa, sepa no: nikihilpia, ne:n, okseko wa:n ompa ke:mah ompa ya nikpe:waltia. Nikpe:waltia ya para nikxi:yo:tia, sehse: *hilo**. Niktamixi:yo:tia ke:mah nikte:ntilmahyo:tia ya. Wa:n n'tamite:ntilmahyo:tia ke:mah nik..., nik..., nikchi:wa ya nikpo:w..., nikpo:wtiw ehe:yi niktetsi:lohtiw para nehjoó:n komo nikwi ..., yekinika nimomachtih, nikchi:wak o:me xi:yo:t sah. Sayoh o:me xi:yo:kowit nikta:lih, niksentetsi:loh de i:ni. De i:ni sah niksentetsi:loh, nochi *hasta** nina:lki:sak. Wa:n a:man pos nik..., nikchi:wtiw sayoh nik..., ehe:yi niktetsi:lohtiw wa:n ehe:yi nikwitiw. Niktetsi:lowa pero yo:n komo na:wi xi:yo:t nikchi:wa, se: to:nal nochi a nikwi de yo:n niktehte:ka wa:n nochi niktsokenkepa para nikwa:ihilpia, niktamixi:yo:tia wa:n n..., ne:chkwi:lia se: to:nal. Ompa komo niknemilia *o** ne:chtahtaniah, nima:tami yo:n wi:pi:l *siquiera** na:wi, na:wi to:nal para nima:tami se: wi:pi:l pero nimotareahtia, mm. Tikihtowa ke e:yi powal wa:n kaxtol *hilo** tik..., Nik..., de niktehte:ka | Ke:mah, yehwa n'ye:yewalo:ltia. de tiktehte:ka, yo:n tik..., yo:n yehwa tein tikye:yewalo:ltia kowmeh? *Hasta** nima:tami n' ka:nachi n' niahsi, kax..., e:yi powal wa:n kaxto:l. Uhu. Pos yehwa ya nimitsilia nikwa:kopi:na wa:n nikalakia ya o:me kowmeh, komimilmeh ihkwi:ni. De nikwa:kalakia ya pos yehwa ya ne: nitakwa:ilpia ya ne:pa wa:n nika:n nimotahkoilpia para nik..., nik..., niktehtekpa:na chihchikwase:n n'ta:lia wa:n para nikilpihtiw ika yo:n *hilo** ke:ní:w kiliah. Yo:n kowmeh tein tikihtowa tiktohto:kka ¿Ton achichi yeh, kahka:nachi? Sayoh i:ihkwi:ntsi:n. ¿Ke:meh o:me ma:..., o:me ma:i..., o:me *cuarta**? Xa: ke:mah, tein moto:ka, para a:mo mi:xwi:to:lowa. Aha: Para a:mo, mahyá: mo..., komo..., ko..., komo *porque** se: kitehte:ka wa:n se: kima:tila:n tepitsi:n, entó:s mi:x..., mi:xto:ka wa:n ahko ki:stiw tsikitsi:n ya. A:mo nehjó:n *parejo** ok ki:sa de n' tani ke:meh se: p..., kipe:waltia. I..., i..., chikotik, chikotia, aha. Chikotik a ki:sa, chikotia, ehe, ma..., ma:chikowe:weyakia Tikihtowa ke, s..., *bueno** s..., no: tik..., tikxehxelowa. Yo:n xi:yo:t ¿ke:n:íw tikalakilia? ¿Sehse: *hilo** tikalakilihtiw? ¿*O** yehwa ya itech yo:n chihchikwase:n tikihtowa tikxehxelowa? Pues ..., De nikxehxelowa ya pos yehwa ya yo:ni niktami..., niktamiihilpih ya ke:mah nik..., nik..., nikwi a n' xi:yo:kowit i:ihkwi:ni pi:pitsa:wkeh, de yo:n ohtat, ohtakowit tein pitsa:wak oso a:kat, a:kat *más** nikwia pero ekintsi:n a:mo semi nikahsi ok. Pos nikwi ma:ski chihchihkoltik a ne:n ohtat. Ohtat nik..., nik..., nikchi:wilia n' seko n'pia, nikilpia ika *hilo** kwaltsi:n pero mah a:mo ihi:xeh para a:mo mopihpilowa ne:n *mohilo**. Kipia de kwaltsi:n mela:wak wa:n nió:n teh kipias mah pano:to teisá: para mokwihkwis. Pe:wak nik..., nikxi:yo:tia ya. *Hasta** nima:tami n'xi:yo:tia ke:mah nikwi a n..., ne:n, .... *Bueno**, achto nikalakilia n' tso:tsopa:tsmeh, yo:n kiliah *ko:komachetes**. O:me nikta:lilia. Niktamixi:yo:tia, ke:mah nikchi:wa ya ne:n n' iti:tilmahyo. Ompa ke:mah nikpe:waltia ya komo nikpehpena sehse: para nikta:lia o:me xi:yo:t. Komohkó:n o:me xi:yo:t, ¿Sehse: tik..., tiktihtila:na? Mm. Yo:n *hilo** tein ni..., tein n' achto tikye:yewaloh yehwa tikahokwi. Ke:mah, yehwa. Tiktsa:la:nkalakilia mahyá:. Nik..., nikta:lilia yehwa ne:n ixi:yo:..., ixi:yo:kowit a. De nikihkiti a, ke:mah tepitsi:n nikihkitis *siquiera** o:me, o:me mahpil ihkwí:n n'ta:lilia, tein pata:wak tepitsi:n para nikpe:waltia ya tein nimitsilia ne:n xi:yo:t, ka:nachi niknekis nikalakili:s, na..., nikta:lilia de ..., pos ke:man a:mo niktatsiwilia nikalakilia mahtak xi:yo:t, ye:kmiak xi:yo:kowmeh. Entó:s nikwis ne:n tso:tsopa:tsmeh *siquiera** na:wi, para yehwa ya ta:taxelohtiw, ka:nika ne:n, kati:ni nikahokwiti para iwki nikpano:ltihtiwi:ts a. Wa:n para ki:stiw a ke:meh i:n, ke:meh i:n, i:n nowi:pi:l i:n nikchi:w, i:n kwi:ka ma:kwi:l x..., kowit, ma:kwi:l xi:yo:t. Yehwa i:n nik..., nikchi:wtiw i:n *cuadritos**. I:n, i:n se: *cuadrito** i:n, kwi:ka o:me xi:yo:t. Sepa i:n se: *cuadrito** o:me xi:yo:t, na:wi xi:yo:t. Wa:n *más** tein, tein ekinika n' ite:ntilmahyo ika nikchi:w pos yehwa ma:kwi:l xi:yo:t. ¿Yo:n tikilwia ite:ntilmahyo, ke:niwki? 'Mochia, a:mo nikmati ka:nika kipia i:n *por[que]** ke:meh a:man niktehte:ka ye:kmiak *siquiera** na:wi, na:wi, na:wi wi:pi:l ki:sa. I:xo:me, ke:meh i:n de weyak kowit, ompa ya nik..., nikye:yewalowa. Para a:mo nehjó:n ki:sas nowi:pi:l ... , se: 'koto:nati:w *hilo** ahachichi i:n , pos nika:wilowa ya miak *hilo** Wa:n neh n'tehte:ka *siquiera hasta que** ka:mpa i:n tepos etok. Niktehte:ka para ahsi..., ki:sas *[si]quiera** na:wi wi:pil, niksenchihchi:wa. ¿Sepa sah tikihkiti? Sepa sah nikihkiti. Para ki:sa *este**, pos kite:tehtektiowih ya ka:mpa n'te:ihtsomaltia ika *máquina** ¿Wa:n tikoto:na, ¿ke:ní:w tikoto:na? A:mo kipia i:n, a:mo kipia ite:ntilmahyo, pero ki:sa, ki:sa ne:n ite:ntilmahyo kiliah, sayoh se: xi:yo:t se: kihkittiw, se:sah. Ompa itech *mismo** yehwa *hilo** ki:sa, aha. Mm. Ke:mah, ke:mah, ompa i:n se: 'kalakilihtiw a ne:n paki:yo:t kiliah. De n' *hilo** itech se: kitetekwinowa kowtsí:n mono:tsa paki:yo:t. Paki:yo:t. Paki:yo:t. Wa:n ¿Yo:n ton kowyo? Tein eski kowit. Komo yo:n nehjó:n kahfe:nkowit mah melaktsi:n. Se: kikwa:pitstia, mahyá: *lápiz** n' ohka:n para motsakwilia n' se: kitetekwinohtiw. Mm. Ke:meh i:n yetok yo:n *molápiz**, i:n ka:mpa tikwitok n' ika, pos ompa ya nika:n se: kipe:waltia, se: kitetekwinohtiw, mahyá:, nehjó:n, ohka:n, ne:n, kipia n', de ke:meh yo:n, para se: kina:lkalakihtiw, pos a:mo motsakwilia. A:ah Ehe. ¿Wa:n yo:n pa:kiyo:t yehwa ika 'tila:ntiw a n' *hilo** Yehwa ya, yehwa ya *mismo n' hilo** tein ke:meh n'tetekwino:s *hilo** ihkwi:ni ne:n kowit. Yehwa ya kiliah paki:yo:t pos yehwa se: kina:lkahka:wtiw wa:n ompa ya n' motontiw n' *hilo** ke:meh se: kihkittiw nika:n, aha. Tikihtowa ke: se: wi:pi:l mitswi:kilia na:wi to:nal, na:wi to:nal, na:wi xi:yo:t sah Na:wi to:nal tein na:wi, na:wi xi:yo:t sah. Pero tein kipia miak kowtsitsi:n pos ne:chwi:kilia to:nalmeh. Mm, *porque** se: ko:koto:ntiw, ke:meh i:n se: kichi:wa i:n, i:n a:mo semi n'ko:koto:ntiw, niko:koto:ntiw, niko:koto:ntiw pero *hasta** ka:mpa tamiti a n' *hilo porque** wehwei niktetekwinowa ika se:, se: a:matsi:n *o** se: kowtsitsi:n i:ihkwi:ntsitsi:n. Niktetekwinowa para yehwa sah niki:xkalakihtiw, *hasta** ki:sati. Ka:mpa tamiti, pos sepa niktetekwinowa. Wa:n komo na:wi xi:yo:t sah pos no: *igual**, se: kowtsí:n ihkwi:ni wa:n ompa niktetekwinowa komo *hilo** nikwi, *hilo** i:xe:yi *o** yo:n *hilaza** kiliah. Wa:n pos a:man onkak yo:n *seda hilo, por madeja** monamaka. Yehwa yo:n n'tetekwinowa wa:n *mismo** yehwa nik..., nikna:lkalakihtiw, mm. Komohkó:n a:mo se: kita:lilih xi:yo:t ¿K..., a:mo ki:sas wi:pi:l? Pos neh nimolia a:mo, *porque** ke:meh se: ka:ahoktiw. *Cada vez** se: kahokwi se: kina:lkalakia n' *hilo** wa:n se: kitili:ntia ika n' tso..., tso:tsopa:tskowit, *pues** ki:stiw a ke:meh i:n, ke:mah. Xa: teisá: *más** ok de wi:pi:l tein teh ma..., *bueno** teh 'mattos ke:ní:w se: kichi:wa *porque** neh a:mo no: n'mati ke:ní:w. Neh a:mo nik..., neh a:mo niweli. N' ka:n tiweli. Uhuh. Pues yehwa ne:n nikchi:wa n' *morralmeh, bolsas** de n' tahkit, yeh e:yi xi:yo:t sah se: kikwi. A:, no: tiweli ne:n *morralmeh** pa..., de yehwa tahkit tikchi..., Mm, ke:mah nikchi:wa *blusas** ke:meh i:n ne:chtahtaniah, nikchi:wa, aha, pero yeh e:yi xi:yo:t sah. E:yi xi:yo:t sah nochi, mm. Wa:n yeh, ke:mah, ke:mah yehwa e:yi xi:yo:t sah. A:mo nikwi de i:n, *porque** i:n *más** owih. *Más** nehjó:n tekiyoh. Sepa ke:meh i:n temposo:n pos *mismo** yehwa ya no: se: kihkittiw, aha. Wa:n ekintsi:n, *bueno** tehwa:tsi:n nohma tikinamaka wi:pi:lmeh ke:meh ne: wehka:w tikinamakaya *o** a:mo semi ok. Nikinamaka, mm, ke:meh i:n, a:man i:n ki:skeh n' pilimeh de *pre-escolar**, seki *o** kalakkeh de yo:n de *escolta** pos ne:chtahtanikeh mah nikimaka wi:pi:l para kikwikeh. Nohma tikinamaka, i:pa iwki sah. Ehe. Nohma kikwih ok tokni:wa:n aya:mo kika:wah. E:eh. Kikwih ok, ka:n ya kika:wah, ehe. *Bueno** xikelna:miki nochi ne:n moma:na:mik..., moma:na:mikwa:n tein tikinkwi. Tikihtowa ke, ne:, tikelka:w, a:mo n'mati toni tikihtowa:ya. Pos, ne:n, a:mo nikelna:mik nimitsili:s, ne:n, a:kasolo:ni kiliah nika:n se: 'kalakilia de nika:n ke:meh se: kihkittiw a para a:mo mo..., motokotso:ti:w de se: kihkittiw, moneki ya:s *derechito**, se: mela:wak ya:s. Nika:n se: kikwi n' a:kasolo:ni, yehwa n' oh..., ok..., ¿ke:ní:w mono:tsa?, a:kat, ohka:n koyoktik. Wa:n neh a:man nikwi nochi yo:n li:mahwits. A:mo nikwi yo:n *agujas, porque** onkak kikwih *aguja** pero ke:man a:mo se: kihkiti niman, moxo:xa yo:n *agujas** wa:n kipa n' tilmah, niman mochi:wa kostik. Entó:s neh nikwi nehjó:n, yehwa yo:n li:mahwits. Yehwa nikalakilia wa:n para n'tai:xmoya:wtiw nochi yehwa nikwi, xokowits niki:xmoya:wa para mah a:mo tahtapo:tiw, ki:stiw, *porque** i:ksá: se: kihkiti tah..., nihjó:n tapo:tiw *porque** a:mo se: ki:xmoya:wa. Kipia de se: ki:xmoya:wtiá:s kwaltsi:n. Wa:n yehwa ya yo:n a:kasolo:ni se: kitokihtiw ke:meh se: kihkittiw se:, se: tsikitsitsi:n, ke:meh se: kitas a:mo motokotsowa *porque** komo a:mo se: kikalakilih yo:n, motokotsohtiw. Chikopitsa:wak ki:stiw, mm. A:kasolo:ni yehwa tikilia xokowits a tikalakilia. yehwa ya n' witsti, *limahwits** a:mo xokowits. A: li:mahwits. E:he. Yehwa nikalakilihtiw *cada ve..., cada** ..., nik..., nikihkitis se:, se: tepitsi:n. Niki:xtia n' ohka:n, niki:xtia witsti wa:n sepa niktokilia pero *mismo** yehwa itech n' a:kat niksotiw, nika:n wa:n nika:n, iwki n'tokihtiw *hasta** ke:meh nima:tamiti:w. Para a:mo chikotik ki:sa. Uhuh. Wa:n ihkó:n tikita ke a:mo ke:man mochikota:lia. *Porque** koma:mo se: kikwik yehwa ya chikotia, chikopitsa:wak ki:sati wi:pi:l, mm. Wa:n ne:n xokowits yeh sayoh para tiki:xmoya:wtiw. Niki:xmoya:wa, mm. Oksé: taman ok tein no: tiktatekiwtia wa:n a:m..., *este**, ximoelna:mikti. Pos yehwa, ne:n, pané: nochi a, ne:n tso:tsopa:tsmeh wa:n komimilmeh, e:yi wa:n ne:n tso:tsopa:tsmeh wa:n xi:yo:kowmeh pos yehwa ya *a ver** ka:nachi, *siquiera** mahtak *o** mahtaktio:na:wi. Se: kita:lilihtiw yehwa yo:n kiliah, nehjó:n, sa:liw. Kiwi:ka miak, miak komo se: kichi:wtiw, nehjó:n, i:xyewaliwi sa:liw. ¿Yo:n sa:liw toni? Yehwa ya kiliah *telar de atarraya**. ¿Wa:n yo:n, *este**, no: tikwi ika wi:p..., ika ne: 'chihchi:wa wi:pi:lp? Ta: pos yehwa ya n' ompa nikchihchi:wtiw, *mismo** ompa ya nik..., nik..., ke:meh nikpehpentiw. Nikchi:wtiw ne:n sa:liw mahyá:, mahyá: n' *cuacuadritos** ki:stiw n' wi:pi:l. A:mo ke:meh i:n, mahyá:, ¿ke:ní:w [nimi]tsili:s?, mahyá: *tríangulos** ki:stiw. ¿Yehwa yo:n mahyá: no: ichihchi:wka? Ke:mah, yehwa ya ichihchi:wka. ¿Yo:n mono:tsa sa:liw? Sa:liw. I:xewalowa, i:xyewaliwi sa:liw wa:n no: ox senki:sas i:xyewaliwi nehjó:n sa:liw. Wa:n onkak *cuadrtito** se: kita:lilihtiw a. Ompa *mismo** se:, se: kichi:wtiw n' i:xewaliwi de na:wi xi:yo:t pero i:xyewaliwi ki:stiw nochi, mahyá: *encaje** ki:sa. Mm. Mm, yehwa yo:ni. Sa:liw, mm. Aha, yo:n no: niki:itani. Aha, yehwa yo:ni mono:tsa sa:liw. Ke:meh i:n, komo *rebozo** se: kichi:wa nochi yehwa n' kikwi sa:liw, mm. Wa:n nikpia wa:n a:mo nikwa:lkwik, mah nikwa:lkwini name:chne:xtili:skia ne:n kati:ni sa:liw. Kati:ni ne:n ke:meh i:n komo *cuacuadritos** kwi:ka. Aha. Neh nimolia ke *igual** oksé: to:nal tite:chwa:lkwi:li:s wa:n timits..., tite:chne:xtili:s ke:man sepa timitsyo:le:waskeh. Aha, ke:mah. Mm, ke:mah para, para nankitaskeh kati:ni ne:n sa:liw, kati:ni i:xyewaliwi, mm. Pos miak tasohka:matik. *Este**, ¿welis tine:chilwi:s moto:kay, ka:nachi xiwit tikpia wa:n ka:ni tinemi? Pos neh nimono:tsa niCelina González Nazario, ni..., ninemi pos ompa ne: xola:lpan San Miguel Tzinacapan. ¿Ka:nachi xiwit tikpia? Ni..., ninemik itech n' *siete de febrero de milnovecientó:s cincuenta y seis**. Ka:n n'mati ka:nachi xiwit a.