We:noh a:man xte:chnohno:tsa i:n ta:taman teswat tein teh tiki:xmattok, pe:wte:wa ika i:n ista:kteswat, xte:chili ke:niwki, ka:ni mochi:wa, ke:niwki ixo:chio, ke:niwki iteyo wa:n ton, ton o..., *este**, katí:n okwilimeh ne: ika motamakah. Aha. Pos i:n ne: tein yo:n ista:kteswat yeh ma:pa:pata:wak ixiwyo wa:n ikowyo no: ista:k, ke:spochiktik n' ikowyo. Wa:n moskaltia wehwei, se:se: tanawa:l mochi:wa, seki *más** wehwei kowit. Wehweikowtah ihkwí:n mochi:wa. Wa:n iteyo no: tihti:ltik iteyo wa:n *cuando** xo..., *cuando** selik xoxoktik. Mochi:wa ika, mahyá: ika *sartitas** we:noh mo..., mochi:wa mahmaxaltik, mochi:wa wa:n ihkó:n ke:meh yo:n nexkihit mochi:wa iteyo. A..., mo..., mochi:wa i..., *iracimito** wa:n mopampilowa iteyotsitsi:n. Tsikitsitsi:n. Ke:kwah semi pe:sohmeh iteyo. Ke:mah. No:, no: kwaltia para, para kowtati:l, para kalkowit komo se: kineki. Pero semi teleti:k yo:n wa:n, wa:n a:mo kachi taxi:kowa. A:mo kachi taxi:kowa. Niman ista:ka:pala:ni. ¿Wa:n ixo:chio ke:niwki tapaloh? Ixo:chio ne: kostik wa:n ye:kahwiak, kos..., yo:n pe:wa xo:chiowa ite.., ke:meh itech marzo. Ne: marzo wa:n xo:chiowa *porque** mayo ihwa:k, ihwa:k onkak a iteyo. Ihwa:k chika:waya iteyo. Ke:mah. ¿Ka:ni se: kahsi i:n ista:kteswat? Nika:kwí:n ne:, *este**, nika:n Tahchikteko *hasta** we:ikowtah, nochi onkak nika:n lo:mah, nochi yehwa onkak ista:kteswat. Ke:mah, nochi kowyohtok, miak taman kowit onkak pero onkak. Ompa se: kahsi ista:kteswat ima..., yeh ma:pa:pata:wak ne:n kowit. Ma:pa:pata:wak, mm. I:n oksé: ma:pisi:lteswat ¿Ke:niwki? Yeh ne: kowit ne: ma:pisi:ltik wa:n no: ye:kkowyohista:k semi, pané: pan..., pané: pankownexyoh. Pochiktik ikowyo wa:n, nehjó:n, ima:y ma:pisi:ltik semi ke:meh chi:ltekpin ima:xiwyo, sayoh ke ma:ahalaxtik n' i:xko. Wa:n no: ta:ki ne: pisi:ltik iteyotsi:n no: ke:meh n' ..., ke:meh yo:n to:to:kowtet mochi:wa ne: n' iteyo. wa:n no:, no: xoxoktik *cuando** selik wa:n, wa:n imetskowyo, ne:n ikowteyo ne: chi:chi:ltik. Metskowyohchi:chi:ltik wa:n iteyotsitsi:n tein selik ok xoxoktik wa:n de, de *cuando** oksi a tihti:ltik no:. Yehwa i:n semi kie:kkwah chiktehmeh. No: kwaltia para kalkowit yo:n tein mehmelaktik mochi:wa semi yo:n no: kowit. Kwaltia para kale:waltsi:n oso taihti:yo:t, koma:mo i:xtoma:wak kwaltia para taihti:yo:t de ko..., de se: icha:n. Ke:mah, yehwa yo:n. ¿Kwilo:t a:mo kwaltia? Kwaltia no:, kwaltia no:, se.... Onkak seki pihpitsaktik wa:n mehmelaktsitsi:n se: kiteki para kwilo:t. Yo:n a:mo semi wehweyah kowit, yo:n a:mo, a:mo wehwei mochi:wa. Telwehwei mochi:wa ista:k seki, ista:k teswat telwehwei mochi:wa, mochi:wa *más** de se:se: tanawal, ke:mah. I:n ma:pisi:lteswat, ¿ke:niwki ixo:chio? Ma:pisi:lteswat yeh ix..., ixo:chio no:, kostik no: n' ixo:chio. Kostik wa:n semi tsikitsitsi:n, *más** pisi:ltik. Wa:n yeh mo..., momoya:wa ihkó:n mahyá: xo:me:t n' ixo:chio. Wa:n i:n ne:, i:n ne: ma:pa:pata:wak teswat, moke mah tikihto:ka:n ista:k tes..., ista:k teswat, yeh mota:lia ixo:chi ika *racimitos** wa:n mahyá: ika pa:nti ihkwí:n mochi:wa ihkó:n. Ika pa:nti, wa:n telahwia:k poso:ni yo:n, *cuando** poso:ni ye:kahwia:ya yo:n, kie:kkwah nektsitsi:n n' ia:yotsi:n, kipipi:niliah, pisi:lnekmeh. Ke:mah. ¿I:n ka:ni mochi:wa i:n ma:pisi:lteswat? Mochi:wa nika:kwí:n lo:mah, Atekohkomol, nochi mochi:wa ma:pisil. Atsa:la:mpa nochi yehwa ma:pisi:l mochi:wa ye:k.... Ka:mpa ke:meh i:n ixta:wat oso xiwka:wal nochi yehwa onkak yo:n ma:pisi:lteswat. Ke:mah. I:n oksé: takwa:wakteswat ¿Ke:niwki? Yeh ne:, yeh ma:xohxoxoktik wa:n kowyohti:ltik yeh. Kowyohti:ltik ke:meh yo:n kiliah ma:tewahkalowit . Ma:tewahkalkowit no: kowyohti:ltik yeh, iw..., iwki no: ikowyoh, ne:n, ne: takwa:wakteswat, kowyohti:ltik wa:n yeh semi takwa:wak wa:n a..., yeh a:mo semi wehwei mochi:wa no:, tsikitsitsi:n kowmeh, a:mo ke:meh i:n ma:pisi:lteswat sah mochi:wa. A:mo, a:mo wehkapantia wa:n a:mo wehwei mo..., wehwei kowit mochi:wa, tohtoma:wak, tsikitsitsi:n sah motami. Ke:mah, tsikitsitsi:n sah no:, no: semi kwaltia para kalkowit, para kale:wal, para taihti:yo:t, ye:ktaxi:kowa, ye:ktakwa:wak wa:n ye:keti:k, yo:n a:mo okachi okwilowa. Soh mah se: kipanxihxi:wa, se: kitekiti, mah se: kipanxihxi:ma, se: ki:xtili n' ie:wayo wa:n, wa:n se: ki..., se: kwalkwi a, ompa se: kwetowa tepitsi:n wa:n se: kwa:lkwi a. Ye:ktaxi:kowa yo:n kowit, neh yehwa nikwi kalkowtsitsi:n, nikwi para kale:waltsitsi:n. Ye:ktaxi:kowa. Mehmelaktik mochi:wa. Wa:n mochi:wa kwaltsi:n de a:mo semi tel..., teltsi:ntomaktik wa:n kwa:pitsaktik *sino** ke sen..., sen..., sentoma:wak *o** senpitsa:wak *hasta** iekapan. Yo:n kwaltsi:n yo:n kowtsi:n, yo:n kwaltsi:n moskaltia. Ita:kka wa:n ne:n ixo:chio, ¿ke:niwki? Ita:kka no: *igual** ke:meh, ke:meh i:n ma:pisi:lteswat, iwki a no:. No: iwki n' iteyo, iw..., iwki a mochi:wa, iwki *racimitos** mochi:wa wa:n, wa:n no:, no: n' imetskowyo no: chi:chi:ltik n' iteyotsitsi:n. Wa:n no: iwki mo..., mochi:wa ke:meh, ke:meh i:n ma:pisi:lteswat, iwki a no: ita:kka. Tikihtowa iwkitik a ne:n ita:kka ma:pisi:lteswat wa:n i:n takwa:wakteswat ¿Ke:ní:w se: ki:xmati ke takwa:wakteswat? Iw..., iwki a. Pos se: ki:xmati ke takwa:wakteswat i:n *porque** ima:i, ima:i i:n tepitsi:n wehwei ke:meh kahbe:nxiwit, tepitsi:n ke:meh yo:n. Pero a:mo kahbe:n ke:meh nika:n tehwa:n onkak i:n kahbe:n, i:n *chachaparritos**, kahbe:n tein yo:n tehwa:n tokahbe:n, ma:pisi:ltik, ihkó:n ka..., i..., xo:chitsi:n, tepitsi:n nohne:l ke yo:n, nika:n tokahbe:n. Tepitsi:n tsikitsi:n i..., imai, ihkwi:kwí:n de we:weyak, wa:n i:xahalaxtik tepitsi:n no: imima:xiwyo. Wa:n i:n, i:n ne: ma:pisi:lteswat telpisi:ltik n' ima:xiwyo. Telpisi:ltik yo:n. Yeh ika se: ki:xmati iwki wa:n kowyohista:k wa:n i:n se: kowyohti:ltik, Se: ki:xmati ika ikowyo, se: ti:ltik ikowyo wa:n se: ista:k ikowyo, mahyá: pankownexyoh. Wa:n panxa:ltik ke:meh wa:xkowit, iwki no: panxa:ltik ne:n i:n ista..., i:n ista:k, i:n tein nikilia ma:pisi:l..., ma:pisi:lteswat. Panxa:ltik tepistsi:n ke:meh i:n wa:xin. Mm. ¿Ka:ni se:n kahsi i:n takwa:wakteswat? Onkak nika:n tahchiktekopa, nika:n lo:mah, A:tsa:la:n nochi yehwa, komo se: kineki, yo:n kwaltia para kwilo:t semi no:. Ye:ktaxi:kowa wa:n tahtakwa:wak ma:ski tahtako:tsitsi:n ok. Ke:mah, onkak A:tsa:la:n, nochi yehwa A:tsa:la:n mochi:wa. I:n oksé: t'to:ka:itia we:ikowtah teswat ¿I:n ke:niwki? Yo:n we:ikowtah teswat ne: yeh, yeh ma:..., no:, yeh kowyohista:k no:, pero sayoh yeh, yeh ikowyo n..., no:, ke:meh kwesalkowit , tehtekochoh no: komoke na:wi *esquina** kipia. Tehtekochtik n' ike:span ihkwí:n tehtekochtik no: ihkó:n. Wa:n ye:k..., yo:n nochi pa..., pahpatsaktik se: kita ihkó:n, pahpatsaktik ika na:wka:n. Wa:n iwki kiyewalowa yo:n kowit ihkó:n nochi ne: pahpatsaktik mo..., pa..., moke tehtekochtik ipanko, ehe:witiká:. Yehwa ika se: kimati we:ikowtah tekowit wa:n mahyá:, mahyá: komoke na:wi *esquina** kipia, mahyá: *cuadrado** tikihto:ka:n. Wa:n ima:i pa:patakaxtik *hasta** ihkwi:kwí:n n', n' xiwit wa:n nehjó:n ma:pa:pata:wak wa:n ma:we:weyak tepitsi:n. Ika tikiliah we:ikowtekowit wa:n seki pahpataxtik yo:n, moke, ke:meh na:wi *esquina** kipia yo:n kowit yeh ika se: ki:xmati we:ikowtah tekowit . Wa:n mahsi, mahsi tamatisneki ke:meh yo:n, ke:meh yo:n, ke:meh yo:n kiliah, ne:, teswakapolin. Yo:n ixta:wat mochi:wa ika *mata** ata mochi:wa, iwki imai: tamati. Pero ne: no: taman *porque** wehwei wa:n wehwei, mochi:wa wehweikowit yeh, mochi:wa se:se:tanawa:l kowit. Komo se..., yo:n no: kwaltia para kalkowit, tein pitsa:wak kwaltsi:n se: kikwi para kal..., kalkowit no:. Mochi:wa n', nika:kwí:n a:mo onkak komo *quiera**, onkak nika:n we:ikowtahpa, nika:n de Ta:li:ka:n para ne:paka no:, ne: Okotsokowtah onkak yo:n kowit, se: kahsi yo:n ompa, ke:mah. Para ista:ka:t, nochi yehwa, nochi yehwa yo:n, yo:n we:ikowtah, ne:, teswat. Iwki kito:ka:itiah we:ikowtah teswat *porque** yo:n no: taman mochi:wa, mo..., ehesquina:doh. Wa:n pahpataxtik mahyá:, mahyá: kwesalmekat tikihtowah no: pahpatachtik, *igual** no: ne:, komoke tehtekochtik i..., ip..., ipanko itech ikowyo, e:e:witiká: ihkó:n. Yeh ika se: ki:xmati ke we:ikowtah tekowit wa:n a:mo onkak no:ya:n sanoke ka:mpa kowtah sah ompa ne:pa onkak, ke:mah. I:n ta:taman teswat i:pa sayoh se: kikwi kalkowit, no: kwaltia kowtakohkowi:l. No: kwaltia para kowtati:l yo:n, kwaltia para kowtati:l wa:n no: kwaltia para kalkowit komo se: kinekis, nochi kwaltia. Ke:meh yo:n tepe:chi:lkowit onkak no:, a:mo no:ya:n onkak tepe:chi:lkowit, ma:ski nika:n nochi se: ta:l sah nika:n i:n kowtahpa pero a:mo no:ya:n tekahsis tepe:chi:lkowit, yetok sah ka:mpa mochi:wa. Onkak, yo:n a:mo mochi:wa no:ya:n, onkak *solamente** i:n Osorioko, yo:n tepe:chi:lkowit pero nika:n a:taw onkak, nika:mpa, nika:mpa a:taw, ompa a:mo se: kahsi, onkak *hasta** ne:, ne: lomahtipan ka:mpa ika Vázquezmeh inta:lpan sah. Wa:n no: onkak tepe:chi:lkowit ne: [cho] tepe:lo:mah, no: onkak no:, yo:n yetok sah ka:mpa mochi:wa yo:n, wa:n ke:meh i:n kiowiskowit no: iwki, yo:n kiowiskowit a:mo mochi:wa no:ya:n, onkak *sólo** ne: Paynohko, ne: ta:li:ka:n sah, ka:mpa ika ita:lpan ne:n ke..., Borda. Wa:n ne:, onkak ne: Ahko..., Ahkokowtitan, ompa sah onkak yo:n kiowiskowit kiliah, a:mo no:ya:n se: kahsi. Ke:mah, yo:n nochi kwaltia para kal..., kalkowit yo:n kowmeh, pané: ti:ltsapokowit ima:xiwyo, yetok sah ka:mpa mochi:wa kowmeh, mm. I:n ta:taman teswat ke:wa nanakat *cuando, este**, pala:ni *o** i:pa .... *Este**, ki:n..., i:n teswat tein tikihtowah ista:kteswat *primero**, yo:n ke:wa, ne:n, *cuando** pala:ni a, a:mo teh *más** ke:wa nanakat *solamente** pi:sih ke:wa. Ke:wa pi:sih, semi, se: itech nalwat nochi ke:wa nalwat *cuando** pala:ni a, nochi nalwayo, nochi *cuando** tiempo de onkak pi:sih m..., mokehketsa nanakatsitsi:n ihkwí:n tihti:ltik wa:n ekapan..., ekapankohkostik. Yehwa se:, se: kitekilia, yo:n, yo:n mah se: kistekwi nanakatsitsi:n no:. Mah a:mo se: kwiwita, mah se: 'kohtona ite:mpan, yo:n sepa moskaltia, itsmoli:ni nanakat. Komo se: kwiwitak, se: kipolowa ya, moneki se: 'koto:na nanakat, se: ..., itehte:nkowyo se: kikwi. Yo:n semi we:lik takwe:chol i..., ika chi:lposo:n, ika pimie:ntah, ye:kwe:lik yo:n. Yehwa yo:n kite:maka yo:n nanakat, soh, soh pi:sih kich..., kie:wa yo:n teswat, a:mo ke:wa teisá: xo:no:nanakat *o, o** teisá: alakcho, a:mo ke:wa, *solamente** yehwa yo:n pi:sih ke:wa. Yo:n telwe:lik pi:sih no:, telwe:lik semi, a:kin kwe:lilia, a:kin a:mo, pos a:mo. Mm. I:n ma:pisi:lteswat, takwa:wakteswat wa:n we:ikowtahteswat no: ke:wa pi:sih oso .... No: ke:wa, ne:n, pi:sih ma:pisi:lteswat, no: ke:wa. *Porque** neh nikahxilia:ya ompa ne: kowtah neli kipiah kowmeh wa:n se: 'te:nteki. Wa:n de pala:ni a se: kahxilia pi:sih no:, no:, no: ke:wa, ke:mah. Takwa:wakteswat wa:n we:ikowtah teswat no: nochi ke:wa pi:sih. I..., i..., i:n we:ikowtah teswat a:mo ke:wa, a:mo ke:wa yeh. A:mo ke:wa n' takwa:wakteswat a:mo no: ke:wa. Tein ke:wa no: pi:sihnanakat i:n, i:n teswakapolin. Ka:sá: ixta:wat nika:kwí:n Chilkowtah, tahtani sah a:kin nika:kwí:n nemi Chi:lkowtah ke:mah se: kahsi ixta:wata wa:n *parada** kowte:n ke:masá: kahsih niki:xehekowa ne:n pi:sih ke:wa yo:n. No: ke:wa, neh a:mo nixolopih n'mattok ke ke:wa. Ke:mah ne..., nehjó:n nikita ka:sá: ika ke:wa yo:n, yo:n teswakapolin, yo:n ta:ki tihti:ltik iteyo, ixta:wat mochi:wa, yo:n ke:wa no:, teswakapolin. Mm. We:noh a:man, *este**, xi..., [xi]te:chili ne: moto:ka:y. Ne:n nimono:tsa niErnesto Vázquez, mm.