*Bueno** Ernesto sepa nika:n timoahsikeh, mm nikneki [xi]ne:chnono:tsa de tata:wikmekat ox tiki:xmattok. A: n' tata:wikmekat t'neki tik..., tiki:xmatis ke:niwki *o** ka:ni mochi:wa *o** ke:ní:w tamati yo:n komekat. Ke:mah, ke:mah. A: pos tata:wikmekat niki:xmattok neh wa:n yo:n n' tata:wikmekat pané: noya:n mochi:wa, i:n tanikwakopa nika:n Xa:ltipampa no: mochi:wa, nika:n A:wa:tepe:k nochi mochi:wa itech n' kowtah wa:n nika:n *este** Tahchikteko nochi mochi:wa yo:n kwomekat. Ne: we:ikowtah mochi:wa *más** wa:n ompa wehweikowtah wa:n yo:n no: mowila:na ne:n *cuando** itsmoli:ni, no: mowila:na n' komekat wa:n yo:n ikomekayo tein, tein, tein selik komoke chi:chi:ltik n' ikomekayo yo:n wa:n pané: kohkokoti ke:meh matewahkalkowit ne:n kowtsí:n mochi:wa pané:, pané: kokoti pané: a:kolin i..., ipanko kipia. Yehwa yo:n tata:wikmekat wa:n i..., ikechtayo n' iselo chi:chi:ltik no:. Wa:n nejó:n mowila:na yo:n de selontsí:n, mowila:na, mowila:na, mowila:na wa:n de yo:n de meh..., ke:meh taahsiti ka:sá: ika itech kowit a pero yo:n panki:sa yo:n. Panki:sa itech kowit wa:n ke:mah mo..., mo..., moilpihtiw itech mahyá: kiewalohtiw kowit, ihkó:n mo..., kiewalohtiw, kiewalohtiw, *hasta** panki:sa ahko wa:n kowit tein moskaltihtok itech, itech panki:sa, ke:meh moskaltia n' kowit no: pos *hasta** pankalaki ne:n moskaltia mahyá: moto:ka n' komekat. de kilpia pos motili:ntia wa:n kowit ne: pahpa:tstik mochi:wa n' kowit mahyá: tahkoilpitok wa:n ke:meh kowit no: moskaltia wa:n komekat pos no: moskaltia kitahkotili:ntia ne:n, n' kowit wa:n nejó:n yeh panki:sa *hasta** ahko koma:mo a:kin kitekik pos mochi:wa *hasta** ahko yowi ne:n komekat. Ompa sepa panki:sa *hasta** ahko ya, nejó:n xo:chiowa ya n' ixo:chio ista:k wa:n teyowa pero n' iteyo a:mo niki:xmati ke:ní:w n' iteyo, iwki nikitani neh yo:n, yo:n tata:wikmekat. Wa:n nejó:n yo:n semi kwali para ika tawi:pa:nah, yo:n semi takwa:wak, takwa:wak wa:n kakaltik ne: yo:n komekat. wa:n para wahkalkowit no: kwaltia ki..., kikwitih yo:n teltaxi:kowa sayoh ke ekintsi:n a:mo kikwitih *porque** kitatsiwiliah kite:mo:skeh ka:mpa kowtah ya:skeh n' onkak wehka wa:n ka:mpa kwahkwali me..., komekat para se:, se: wahkalchi:was, moneki se: kite:mo:s tein tohtoma:wak n' komekat wa:n nikahkwí:n mochi:wa n' A:tekohkomol pos pihpitsa:wak n' komekat para se: tawi:pa:nas sah. Ke:mah pero tein kwahkwali komekat, se: kineki wahkalkowit se: kikwiti ne: weikowtah, niki:xmattok neh ke:meh ninemini kowtah ke:masá: pos ne: niki:xmati ka:ni n' onkak kwah..., kwahkwali yo:n tata:wikmekat, kwaltsi:n se: kitatekiwtia wah..., wahkal tein yo:n panki:sa *derecho** n', n' komekat pero tein yo:n tahtalpihtiw ihkó:n a:mo kwaltia *porque** chihchihkoltik a:mo wel se: kimela:wa, yo:n takwa:wak a:mo wel se:, a:mo wel se: *kimandarowa** se: kimela:was ok, para wahkal a:mo kwaltia *porque** mahyá: *resorte** te..., motekwiniwtok wa:n iwki momati. Pero tein kwaltsi:n panki:sa, yo:n komekat nochi ihkó:n tachihchiw kwaltsi:n se: kichihchi:wa para wahkalkowit yo:n taxi:kowa yo:n ke:meh yo:n seki noktawahkalkowit. A:, no: kwaltia para wahkalkowit. Yo:n no: kwaltia. Yo:n ke:mah kwaltia para, para wahkalkowit kwaltia, *porque** takwa:wak, yo:n para tama:mal *seguro**, para se: pili se: kima:mas ye:kkwaltsi:n, yo:n *cabrón** takwa:wak. Takwa:wak wa:n yo:n, yo:n nejó:n ista:k ne:n iihtik se: ki..., se: kixihxi:ma kwaltsi:n, ista:k ne:n komekat, ista:k ke:mah wa:n nejó:n momahmaxalowa no: semi *cuando** panki:sa *hasta** ahko momaxalowa wa:n ompa xochi:wa ya wa:n tak ta:ki n' *isemilla**, a:mo ke:man nikita pero nikita wehkapan wa:n nejó:n nikitani ne: xo..., xochi:owa no: ne:n komekat. Ke:mah wa:n sepa ... para se: tawi:pa:nas ke:meh i:n ihwa:k kikwiah n' ta:tahmeh no: tein komekat para ki..., ika k' kwipa:nayah *o** kwa:ilpia:yah kalikximeh wa:n tanka:yo:t, yehwa ika kwa:ilpia:yah ika crusarowa:yah, kitili:ntiah *fuerte** wa:n a:mo, a:mo tomi nió:n koto:ni wa:n niono: pala:ni niman *porque** takwa:wak wa:n a:mo okwilowa nochipa, ke:masá: okwilowa pero a:mo nochipa okwilowa, taxi:kowa wehka:wa, kilpiah tein kwahkwali kowit [ika] yehwa yo:n tata:wikmekat tein toma:wak. Wa:n sepa ne:n kaltsonte:n tein kita:liah ne:n kale:walmeh sepa kwipa:nah nochi yehwa ika ne:n kiwi:pa:nah n' tata:wikmekat para taxi:kowa. Ke:mah yo:n semi teltaxi:kowa yo:n komekat no:, takwa:wak. Wa:n de wa:ki yo:n moka:wa ke:meh *alambre** takwaktik. Ke:mah komo se: kitoma n' seki kowit a:mo wel se: kitoma ok, n' se: kipata n' kalkowit *mejor se: kima:teki ika *machete** ya para, para ne: se: kixtia iwki sah, a:mo se: kitoma ok. Takwa:waya, ke:mah pipi:nia. Takwa:waya, ompa pipi:nia. Ke:mah. żKanachi taman onkak yo:n? Ne:n tata:wikmekat soh se: taman sah niki:xmattok neh, se: taman sah. Se: taman sah. A:, ne: yo:n yo:n ka:n t'mati ton *tiempo** xo:chiowa, ox..., Ke:mah. Pero a:mo n'mati ton *tiempo** pero, pero xo:chiowa no:, pero a:mo n'mati ton *tiempo**, pero xo:chiowa. żKe:niwki n' ixo:chi:o? Ke:mah. Pos n' ixo:chio nikitani ista:k, n' ixo:chio. A:. Ista:k n' ixo:chio, ke:mah pero a:mo n'mati ton *tiempo** yo:n ke:meh, ke:meh ka:n t'ta:liah *cuidado** ke:maniá:n xo:chiowa, ka:n t'chi:wah *cuenta** sayoh tikitah xo:chiowa ke:masá:, Ke:mah, wa:n yo:n tikihtowa pos yeh mo..., te:tehko itech kowit wehkapan. Ke:mah. Wehkapan yowi panki:sa kowit tein wehwei ke:meh ahkokowit. Aha, a:, pos neli, ke:mah. Panki:sa *siquiera** se: *de cuarenta metros** yowi *hasta** ahko wa:n nejó:n ompa ke tein tachihchi:wasneki pos ompa kitekiti ne:n kwomekat tein yo:n melaktsi:n nimitsiilwia, tehko *hasta** ahko tein a:mo ixmohmowi wa:n kikwia tein kowtsí:n, melaktsi:n kixihxi:ma, kwaltsi:n moka:wa para wahkal. Ke:mah i:n miak ... n' seki pos kitatekiwtiah para wahkal, a:wilwahkal poposokani yo:n 'kwitih nika:n *cerquita** tein kowtako:t sah kikwitih, *porque** a:mo kinamakah para, para chi:walis kichi:waskeh ke:meh yo:n pilma:ma:skeh ika, kinamakah para a:wil sah ke:meh yo:n *turistas** kininmakah, a:wil sah yo:n. Kikwitih tein eski komekat tein a:mo, tein a:mo taxi:kowa. Ke:mah, mm. Ke:mah. Ke:mah, pero tein para taxi:kos yehwa, n' taxi:kowa para n' wahkalkowit yehwa ne:n tata:wikmekat. , No: taxi:kowa, mm. Yo:n semi taxi:kowa wa:n para se: tawi:pa:nas ye:ktaxi:kowa yo:n, ke:mah yehwa yo:ni. Nejó:n i:pa żno: kikwiah para kalmeh ne: ke:man? Ta ika yehwa ika tawi:pa:nayah para, para yo:n xiwkalmeh kichi:wayah ika tawi:pa:nayah, i:n kale:walmeh ne:n nochi ika takwa:wi:pa:nayah n' ahko, nochi yo:n kikwiah. No:, a yehwa. A:, nejó:n pos tikihtowa se: taman sah onkak wa:n tikihtowa ke mochi:wa *más** ka:mpa kowtah sah kahbentah *o** Ke:mah Ka:m[pa] pos kahbentah onkak, mochi:wa pero pi..., tsikitsitsi:n, pihpitsa:wak pero para komo se: kineki ne: wahkalkowit, weikowtah mochi:wa tein panki:sa itech kowit. wa:n komo se: kineki se: tahtalpi:s ika pos no: *igual** no: kowtah *sólo**. Pos mah se: kiteki tein pitsa:wak para se: tawi:pa:nas sah Tein onkak pitsaktsi:n ke:meh ika [...] de toma:wak, onkak. A:, nejó:n pos ka:n n'mati xa: tik..., tikneki teisá: tine:chtapowi:s *más de** yehwa yo:n. Pos *sólo** yehwa sah n'mati neh, yehwa sah n'mati ke ika se: tawi:pa:na para, para de ke:meh i:n tsi:ntsakwal ti..., kilpiayah n' ta:tahmeh. Yehwa sah. Ihwak pos kikwiah ne: xo:no:kowapaltsí:n oso yo:n ohtat taxamani:l, oso chiikis kii:xtahtapanayah yehwa n' ika te: ... Ika tawi:pa:nayah, ika talpiayah n' komekat wa:n yo:n no: tatsa:la:n kikalakihtiowih yehwa [nimi]tsi[lia]..., ne:n peto:lmekat iwa:n, ika tawi:pa:nayah. ke:mah pero tein *más, tein *más** ne: tel*importante** kowit ke:meh yo:n tatili:nka:yo:meh pos se: kilpiah yehwa ika tein, tein takwa:wakmekat ke:meh i:n tata:wikmekat wa:n para komohkó:n tsi:ntsakwal sah pos kwaltia n' peto:lmekat ika tawi:pa:nah ya. kwaltia mm. Miak taman eski *de acuerdo**. Ke:mah kwaltia, yehwa ika tawi:pa:nah, miak taman komekat kikwih para se: kali kichi:wah miak taman komekat kikwih. Ke:mah, *porque** a:mo sentaman sah komekat kite:mowah *sino que** ke:meh miak komekat kwaltia kias..., tein kahsih komekat pos kwalkwih ke:meh yo:n, ke:meh yehwa ne:n tata:wikmekat, ke:meh n' peto:lmekat, ke:meh yo:n poposokani. Poposokani no:, no: kwaltsi:n ika se: talpia ne:n tein achi pitsa:wak kwaltia se: tawi:pa:nas no: ika, ke:mah wa:n tein tohtoma:wak pos kwaltia para wahkalkowit pero nejó:n nochi kite:mowah, nochi konkwiah n' ta:tahmeh tein ke:meh yo:n kwamekat nimitsilwia kisentiliayah tein eski komekat wa:n te:sakamekat pos a:..., soh para tsi:ntsakwal kilpiah ke:meh weli sah pero okachi *más** taxi:kowa n' tein ko..., seki komekameh ke:meh i:n, ke:meh i:n peto:lmekat, ke:meh i:n tata:wikmekat wa:n poposokani wa:n yo:n to:tolkwetaxkolmekat kiliah no: konkwiah para ika tawi:pa:nayah yo:n no: takwa:wak no:. Ne: komo pata:wak tepitsi:n pos kit..., kitsaya:nah ika *machete** wa:n ki..., kitsaya:nah, kitektiwih wa:n ki:sa kwaltsi:n ne: yo:n, yo:n komekat pa:pata:wak. Miak taman komekat onkak, ke:mah. Miak taman komekat, miak taman komekat soh ke a:mo se: kixmati pos a:mo se: kimati ke:ní:w mono:tsa wa:n a:mo se: kimati ox, ox kwaltia se: kitatekiwtia. Ke:mah, *bueno** pos nejó:n koma:mo ka:n, ka:n teh *más** tik..., tikmati ok de yo:ni. Ke:mah, kanah yehwa sah yo:n nikmattok neh, yehwa sah. *Bueno** pos komohkó:n ... *porque** tikihtowa a:mo [tik]mati ke:maniá:n xo:chiowa Ka:n mo..., a:mo n'ta:lia *cuidado** ke:maniá:n pero neli xo:chiowa, no: xo:chiowa pero a:mo n'mati ke:mania:n, katí:n *tiempo** ke:mah. Ke:mah. *Bueno** pos kwali tine:chilwi:s motoka:y wa:n ka:ni tiwa:lew:.- Ke:na:mo, pos neh nimono:tsa niErnesto Vázquez niwa:le:wak San Miguel Tzinacapan. Neh nimono:tsa Hermelindo Salazar wa:n no: de San Miguel Tzinacapan, tasohkama:tik. Tasohka:matik.