*Bueno** pos nika:n ti..., timoahsih ta:tah, ne: itech i:n tinentohkeh itech i:n kowtah kwali tine:chili:s katí:n ne:n tein we:lik ne:n chini:nah, katí:n tein a:mo we:lik wa:n kwali tine:chili:s ke:maniá:n xo:chiowa *o** ke:niwki ixo:chio, ista:k oso chi:chiltik. Nika:n timomati:lti:skeh nika:n, nochi nika:n timahsih wa:n nika:n tinentinemih pos kwali tine:chili:s. We:noh ta:tah neh nikmattok ne:n chini:nah xo:chiowa itech abríl itamia:mpa porque yo:n a:mo sepa sah xo:chiowa, xo:chiowa ihkó:n no: tehtepitsitsi:n. *Entonces** para junio pe:wa ya ne:n chika:waya, wetsi a, pero yeh yo:n ata onkak e:yi taman se: tein xoxoktik wa:n se: tein ti:ltik wa:n se: tein yo:n a:mo we:lik, a:mo n'mati ox no: tiki:xmati ta:tah. Pos neh no: niki:xmattok no:, no: e:yi taman sah, se: yo:n ti:ltik wa:n yo:n xoxoktik wa:n se: de n' yo:n kiliah itskwinchini:nah, itskwin..., yehwa nehjó:n pero yo:n a:mo *igual** we:lik, yo:n ike:span pané: achi kohkoyoktik, tsikitsitsi:n. Ihkwi:ntsitsi:n sah de wehwei, a:mo wehwei, wa:n yo:n de n' okseki ti:ltiani, yo:n wehwei, wehwei wa:n okseki ne:n achi xohxoxoktik wa:n yo:n yoksi pero i:pa ihkó:n, i:pa a:mo mopata, xoxoktik. Yehwa yo:n no:n niki:xmati wa:n pos ikowyo no: wehkapan mochi:wa wa:n pos ixo:chio achi ne: ihista:k, ista:k ixo:chio wa:n pos *cuando** mochi:w, pe:wati a mochi:wa tsikitsi:n, ka:mpa ixo:chio ompa mochi:wtiw tsikitsitsi:n wa:n *después** mopampihpilowa wa:n ihkó:n moskaltihtiw wa:n sepa de chika:waya, panxi:ni a. Wehwetsi a ta:lpan ompa se:, se: kololowa wa:n yo:n semi no: kikwa ne:n a:yo:tochin, nehjó:n n' o:me taman we:lik, nochi ne:n yo:n ti:ltik wa:n ne:n xoxoktik. Ne: xoxoktik ihkó:n no:, no: mochi:wa pos yo:n nochi xoxoktik no: ixiwyo ke:meh oksé: taman, yo:n nochi xoxoktik wa:n ikowyo no:, no: motoma:wa. Wa:n nehjó:n yo:n no:, no: we:lik, yo:n no: we:lik ne:n xoxoktik, yo:n no: taman ahwia:k, wa:n i:n de n' ti:ltiani, ke:masá: seki tihtila:wak, tihtila:wak inakayo, tihtila:wak wa:n pochiktsi:n no: wa:n i:n se: de no: itskwinchini:nah pos yo:n no:, no: taman. Yo:n ye:kkana:wak ie:wayo wa:n pos a:mo *igual** we:lik ta: pos yo:n mota:lia pané: kokotsitsi:n ike:span wa:n pos kikwah *so..., solo** ne:n a:yo:to:chimeh, yehwa:n kikwah sah pero ihkó:n a:mo kachi kololowah, ka:sá: ika se: kita sa pihpilkak miak pero pos panxi:ni, nio:nó: kitekih *porque** a:mo, a:mo *igual** we:lik. A:mo *igual** we:lik *porque** semi kahkana:wak, yehwa yo:n niki:xmati wa:n pos nik..., nik..., nikowyo ne:n kowit no:, no: kwaltia para se: ki..., ki..., kikwi para ne:n tiko:mit se: kitatia, no: kwaltia. Se: kitahtapa:na wa:n pero kachi tata ima:..., ima:tako:yo wa:n yehwa yo:n neh nehjó:n no: nimitstahtania xa: kachi tikmati ne:n para ton se: kikwi ne:n i..., ikowyo. Pos neh no: nikmattok kwali neli se: kikwi ne: tein to..., toma:wak a, kwali se: kikwi wapal, no: ki:sa. Wa:n a:mo no: semi okwilowa wa:n no: kwaltia para ika se: motatsakwilia *o** kwaltia se: *ipuerta**, no: kwaltia, no: servi:rowa yo:n kowtsi:n. Pero neh nikmati pané: *más** takwa:wak tein yehwa yo:n a:mo, a:mo we:lik, *más** takwa:wak ikowyo wa:n tein yo:n wehwe:lik *más** ema:nik ikowyo pero mochi:wa wehwei wa:n no:, no:, no: te:chpale:wia para, para wapaltsi:n, no: ki:sa. kwaltsitsi:n no:, no: iwki kite:maka mahyá: de ne:n tio:kowit no: chipa:wak ki:sa pero pos neli ne: yehwa sah yo:n tehwa:n tikmatih wa:n nochi *parejo** servi:rowa sayoh n' oksé: a:mo we:lik, yehwa sah yo:n tepitsi:n, tepitsi:n ne: tika:wah *porque** a:mo ahwia:k ke:meh okseki. Tein ti:ltiani semi kwaltsi:n ahwia:k wa:n kipia se:, se: ne: inakayotsi:n tila:wak wa:n semi *más** kikowah ne:n takowanih tein kwelitah, ki:xmattokeh, *más** ihsiwka monamaka Wa:n, wa:n yo:n nimitstahtani:sneki ke:maniá:n, ka:nachi to:nal para nehjó:n yoksi yo:n, yoksi ahko oso ta:lpan. We:noh yo:n kowtetsi:n a:mo wehkawa ke:meh ekintsi:n kwalka:ntsi:n ximote:mili:ti para mo:stika kwalka:ntsi:n yema:nia ya. [Ko]moke *cuando** kwaltsi:n chika:wak, ise:lti wetsi a, ihsiwka ya ne:n yoksi. Pero komohkó:n tein kitekih *todavia** kichi:wa sikie:ra e:yi to:nal wa:n para yoksi, pero tein wetsi ise:lti, mopehpeni kemeh i:n kwalka:ntsi:n wa:n mostika yema:nia ya, kwali tikmahse:was a. No: *porque** komohkó:n tika:wa mah, mah telyoksi, mah telyoksi no: *igual** kipata ya n' *color** wa:n a:mo *igual** ok we:lik. Pos no: taman ya se:, se: kita pero a:mo, a:mo we:lik ok, chichi:ya oso xoko:ya, xoko:ya oso ne:n *casi** ti:le:wi a. Wa:n pos neh no: nikmti ne:n kikwih para ne:n nikita ki..., kitekih, wa:n *más** kikwih no: i..., ikowyo no: kikwi para kowtati:l ne: pero semi ke:masá: ke:meh ahaktok, tsihtsi:ke:wi, tsihtsi:ke:wi, pero yo:n no: semi chi:chi:ltik n' ikowyo wa:n seki ne: xo:no:tik. Wa:n oksé: a:mo nikitstok n' ikowyo ke:ní:w ki..., kichi:wah, sayoh nikitani ne: i..., ita:kka, ita:kka xoxoktik. Pero yo:n neh a:mo, a:mo nikmati ke:maniá:n nehjó:n xo:chiowa, a:mo ke:man nikita pero n' oksé: ni..., kita tak no:, no: *igual** xo:chiowa ke:meh se: , se: *viaje** sah, ke se: *viaje** sah ka:sá: ika se: kita pihpilkak tsikitsitsi:n ne:n, ne: kone:meh *[por]que** tsikitsitsi:n kwaltsi:b ihkó:n we:weyak pihpitsaktik de, de selik, de sepa chika:waya ihkó:n moskaltihtiw a. wa:n yehwa yo:n ne:n pos no:, no: kwali a nika:n timoahsih timonohno:tsah tik..., tiki:xmatih yo:n kowtetsi:n yo:n, ne: wehwei yo:n ti:ltiani, yo:n no: seki se: monamakilia. Yo:n no: kikwih ne:wí:n se: kikwi:ka pero i:n seki i:n okseki ne:n itskwinchini:nah yo:n a:mo, a:mo se: kahokwi, yo:n sayoh se: kita, no: seki se:, se: kikwi pero a:mo *igual**, a:mo *igual** we:lik. *Porque** tsikitsi:n inakayo, tsikitsi:n, kanawak inakayo wa:n pos no: tila:wak tepitsi:n n' i..., ie:wayo, pero nehjó:n yo:n se: kita ka:mpa yo:n yetok yo:n chi..., itskwinpa:wa nochi, nochi tsi..., nochi moohtihtokeh ne:n okwilimeh, ke:meh yo:n a:yo:to:chimeh, yo:n sa tahtachkwatokeh. Niman se: kihtowa pos nika:n onkak i:n itskwinchini:nah pero yo:n pos miak ma:wilowa, ka:sá: ika se: kita te:ntok, ihkó:n nochi kihki:sa ie:wayo, a:mo, a:mo kikwah, a:mo, a:mo kololowah tokni:wa:n, kika:wah wa:n i:n seki nehjó:n de panwetsini pos kolo..., kina:miktiowih, kololowah. Kololowah wa:n *hasta** motekiliah no:, motekiliah wa:n tak ne:wí:n kwi:kah wa:n ki..., kiokxitiah, kiokxitiah yo:n ki..., de yoksi a pos se: ki..., nehjó:n, se: ki..., kikwa ya de *cuando** nehjó:n, pero komo se: ka:wa ya ihkó:n de panowa ya de yoksik nehjó:n ke:meskia kochi. kochi kiliah yo:n tile:wi. Wa:n yo:n de kochi a:mo, a:mo *igual** we:lik ok, a:mo we:lik ok *porque** ne: ti..., ti:ltia ya, wa:n pos i:n okseki no: ka:mpa yo:n xoxoktik komohkó:n panwetsik wa:n kikwi ne:n mo..., mopechia ihkó:n oso moxokolia pos a:mo *igual** ne: yoksi. No: kochi wa:n pos a:mo, a:mo nochi kwel..., tahko sah se:, se: kikwi, ke:masá: a:mo nochi se: kikwi *porque** ma:wilowa ya, a:mo *igual** we:lik ok, ke:mah. wa:n xa: tikmatis ne:ch..., ne:chili ne:n ki..., ox nochi ki..., ox nochi kikwih *hasta** ima:yo ne:n para, para teisá:. Pos neh nikamti no: kikwiah ima:i, n' ixiwyo, ne: ke:man nikita nota:tahwa:n, kichihchi:wayah ne: temaskal *porque** ne: ke:man ata mo..., onkaya temaskal, motemayah ne: tota:tahwa:n wa:n kichihchi:wayah yo:n *este**, yehwa yo:n ixiwyo wa:n wi:tsa, kisesntiliah seko sah, kikwitih wa:n kip..., kihilpiah wa:n no: kwaltia. *Porque** de wa:ki a ne: ka:mpa kitaxo:taltili:tih a:mo ok ma:xi:ni, no: servi:rowa:ya pero pos a:xka:n a:mo ok kichi:wah *porque** pos kichi:wah tema:skalmeh pero de, no: taman ya. Wa:n yo:n kihi:xkepayah oso ihkó:n kie:witiketsayah ne:n xiwtsi:n. Ki..., kiwi:pa:nayah, no: ihkó:n kipahpampilowa:yah, kita:lilia:yah ihkó:n kiewalowah wa:n kiihilpihtiowih ika kwomekat wa:n *hasta** ma:tamiah *hasta** ahko. Ke:meh onkaya miak, ne: ke:man ya onkaya miak yehwa yo:n chini:nah wa:n pa:pata:wak ima:i wa:n a:mo eliwis xi:ni *cuando** xohxowik kilpiah, wa:ki wa:n mopepechowa. A:mo xi:ni, entó:s yehwa yo:n neh nikitaya nota:tahwa:n kichi:wayah pero ne: *tiempo** ya, ekintsi:n a:mo akah kichi:wa ok. Wa:n yo:n ika toni ika kihilpia:yah, ika ... Ika komekat. Wa:n katí:n ne:n komekat ne:n Yo:n ne: kwowtah onkak, yo:n tehwa:n tikiliah kowke:smekat. Ata mopahpampilowa, we:weyak, kitihtila:natih, panxi:ni wa:n ompa kiololowah ya wa:n ika yehwa yo:n kiwi:kayah. A:mo kilpia:yah ika *hilo**, a:mo onkaya *hilo**. A:mo. Wa:n se:sah komekat, se: taman sah ika kihilpia:yah oso miak taman ne:n ki..., Pos komo kahsih o:me taman, o:me taman, seki kiliah yo:n ki..., we:noh, tehwa:n tiki:xmatih *por** tekxo:chima:it ata. Ke ki..., kitekih komekatsi:n, ki..., itech kowit mopihpilowa, ike:span wa:n kitekih ika *machete** wa:n kiahkotihtila:nah ya, no: iwki, no: iwki, no: *este**, no: iwa:n ya kihilpia, no: ki..., no: servi:rowa:ya. Pero ne:n okseki yo:n nimitsilia tein *más** me..., we:weyak ne: mopahpampilowa sah *derecho** wa:n kitsi:ntekih wa:n kitila:nah ya n' ahko wetsiki a ne: kwomekatsi:n wa:n ompa ya kiololowah wa:n yehwa ya kwi:kah, kihilpiah ya ika yo:n xiwtsi:n. A:, kihilpia:yah achto nochi. Kilpia:yah. Wa:n yo:n kihilpia:yah, nochi kiyewalowa:yah, kita:lilia:yah teisá: para ka:mpa kihilpia:yah. Ke:mah, ta: kichi:wayah se: kowkorra:l, kowtako:t, kihi:xna:miktiah. kwaltsi:n kichihchi:wah, no: teh xa: tiki:xmati yo:n temaskal, entó:s kiyewalo:ltiah kowtsitsi:n wa:n kikwa:ihilpiah wa:n ompa ya kitekpa:nah ya xiwtsi:n wa:n ompa kita:liah ya ne: ka:mpa kiliah tiko:mit, kisa:lowah seki tet de, de xa:ltet kilwiah wa:n ompa ya kina:ltaxo:taltiliah para ne: motemah ya. Pero kwaltsi:n kichihchi:wayah, yo:n servi:rowa yo:n kowtsi:n, pos no: servi:rowa de miak taman. Wa:n a:mo tahxi:kaya, nehjó:n kipale:wia:ya, kitsakwilia:ya n' a:tsi:n. A:mo tahxi:kaya, a:mo tahxi:kaya wa:n ke:meh kita:lilia:yah tila:wak wa:n no: ta:tahmeh kimatiah ke:ní:w para kipale:wi:skeh, no kita:lilia:yah tila:wak wa:n no: *cuando** kitaxo:taltilia:yah pos *cuando** a:mo kiowtok. Pero wa:n a:mo chichinawia. A:mo, a:mo chichinawi, a:mo chichinawi, ta: ika *cuidado** no: kitaxo:taltiliah. A:. Wa:n *cuando** ne: kitematih ya, ne: *cuando** motematih ya mokalaki:tih ya, kiki:xtiah n' tekol, nochi ki:xtiah wa:n ke:mah kalakih ya ne: a:konimeh ne: motematih wa:n ki..., kise:wiah nochi n' tekol wa:n ompa kiaha:wihtiowih ya n' tet para ki:sa ya ne:n po:kti parahko para kitila:na ya ne: a:kin kitemah. Wa:n ika ton kikwiah ne:n ika moxilwia:yah. Ika yo:n, onkak miak xiwit, yo:n tikiliah i:pa, i:pa onkak, *este** ne: yo:n tema:skalxiwit, xa: tiki:xmati tema:scalxiwit kilwiah, ma:pa:pata:wak ke:meh tsontsapot, yehwa yo:n kilpiah se: *rollo** wa:n yehwa ika ne: kitsowi:tekitih a:kin motemati. Wa:n koma:mo ne: xopil ixiwyo. Ke:mah. A:, xopiltet. Xopil ixiwyo, no: kwaltia. Pos yo:n nochi de e:yi taman, nochi kwaltia ne:n pos nika:wí: tehwa:n no: *más** tikwiah ne:n yo:n ma:ta:nkehxiwit, ne:wí:n tak a:mo kachi tei. A:mo, a:mo onkak ompa. Seki xiwit ma:pisi:ltik wa:n pos yehwa yo:n timotahtaniah nochi de i:n chini:nah. Pos nochi kwaltia para se: ki..., kikwa:s para teisá: ihkó:n para se: i..., kichi:was nehjó:n, nehjó:n chi:walis para ne:n motemah pos yo:n no..., nochi, nochi se: momati:ltia wa:n ekintsi:n tikitstokeh katí:n de we:lik, katí:n de n' a:mo we:lik. Ke:meh i:n tinemih ti..., kowtah pos nochi tikmattokeh katí:n ne:n, de n' te:chservi:rowa, tik..., tikololo:tih, wa:n ya:kin nika:n timoahsih pos ne:n nochi ti..., timolihtokeh itech kowtah *porque** pos miak, ka:sá: ika, ne:n ke:meh ekintsi:n pos a:mo tei ok. A:mo tei ok, ekintsi:n pano:k a de yo:n ne:n *hasta** i:n oksé: xiwit komo te:wa:n tiahsih, onkas sepa nehjó:n chini:nah, ekintsi:n ne:n pos *casi** tamik a. wa:n tein wehwei kowit pos yehwa yo:n kikwih para ne:n *tabla** kitsaya:na ika yo:n tepos wa:n ki..., ki..., kikwi:kah ya, yo:n ika ti..., ika se: motatsakwia ya. *Antes** ne: tikmattoyah, ke:mah. Yehwa yo:n neh nikmattok, a:it ox no: *más** tikmati, xa:, xa: kwaltia no: para pahti *o** para teisá: ihkó:n ox sasaltik semi icho:kilo, ne:n no: kwali tine:chili:s, teh xa: kachi tikmatis. Ke:mah, ne: iteyotsi:n, iteyotsi:n tein yehwa ya ne:n iteyotsi:n pero ... *mero** tein tikwah ya, neli semi sasaltik. Semi sasaltik yo:ni wa:n pos kihtowah ke no: pahti, no: pahti, no: kwaltia pahtsi:n *cuando** yo:n te:kokoh nika:wí: se: ipoxnakastan mah se: kiwahwa:na yehwa yo:n iteyotsi:n, yo:n tein sasaltik wa:n mah se: kita:lili se: a:matsi:n wa:n mah se: mopepechowili. No: kina:miki ne: ka:mpa ika te:kokoh yo:n pané: se..., pané: nexokoli:l se: kipia, no: kwaltia iteyotsi:n pero yo:n tein semi sasaltik. Wa:n yo:n te:kokoh de ke:ní:w se: wetsi oso se: moxokolia *o** ke:ní:w oso se:, de se: motihtila:na, *o** ke:meh i:n se: ... Teisá: se: mokwi:ltia. Ke:masá: ata se: yowi ompa ne: se: nemiti mi:lah oso kahfe:ntah, se: moxola:wa ata, se: mopilowa itech kowit wa:n se: motetsi:lowa entó:s de yo:n se: motetsi:lowa, se: motila:na wa:n de se: motila:na yehwa ya yo:n te:kokoh, komoke se: talwatsi:n se: kitila:na wa:n yehwa yo:n pe:wa yo:n te:kokoh. Entó:s yehwa yo:n iteyotsi:n no:, no: kwaltia, pero mah se: kiwahwa:na ika se: tepotsi:n ihkó:n wa:n ki:sa semi sasaltik, xa: tiki:xmati no: iteyotsi:n kwaltsi:n ihkó:n se: kiwahwa:na wa:n ki:sa sasaltik wa:n mah se: kita:lili a:matsi:n wa:n se: mopepechowili ika tepitsi:n istatsi:n oso refini:toh. Wa:n mah ika se: mose:wi a, wa:n no:, no: te:tamati:lih. Pos neh ni..., neh nikmati no: sa..., sasaltik semi ne: i..., ie:wayo. No: iwki, no: iwki. Ie:wayo se: kixihxi:ma ihkó:n, semi sasaltik de xohxowik. Pos no: ke:masá: nikita n i..., iteyo no: pero pos ihkó:n kihtowah ne:n kinta:lilia:yah ika xiwit, ika xiwtsi:n ki..., kimpoxpi:kiah ika yo:ni, nochi ye:ksasaltik *hasta** ne:n, ne:n ko..., kowit, ne:n kitekiah semi telsasaltik ne:n kowit, a:mo *más hasta hacha** ne:n tein xohxowik kikwia, motsikowa:ya ne:n *hacha**. Wa:n de nehjó:n de wa:kik neh..., seki tsihtsi:ke:wi a wa:n seki kwali ki:saya se: kitahtapa:naya, pos no: kwali a ekintsi:n ti..., timomati:ltiah ke:ní:w ox no: kwali pahti, ke:masá: pos ti..., ekintsi:n no: tine:chilihtok ke:masá: se: 'kwiti:w wa:n ika se: kitas ke:meh i:n ki..., nikita ke:masá: se: mo..., se: mochikotila:na. Se: ... Ke:masá: se:, se: moxola:wa wa:n se: momela:wasneki pos se: mochikotila:na, para a:mo se: mokoko:s pos se: mo..., se: moli:nia nochi se: i..., no: se: ipoxko, wa:n yehwa yo:n te:kokoh. Komo kwali nehjó:n tetsi:n pos kwali se:, se: 'kwiti:w wa:n ika se: kitas. Wa:n no: *este** ie:wayotsi:n, ke:meh tikihtowa semi sasaltik, neli semi sasaltik pero yo:n iewayotsi:n se: kixihxi:ma wa:n se: kikwe:chowa kwaltsi:n wa:n ata ne: ke:man titapa:tskayah yo:n *paila** komo koyoktik no:, koyoktik, we:itsi:n ya koyo:nik wa:n a:mo tikpiah tonika tikpepecho:skeh, no: kwali ika se: kipepechowa wa:n se: kipanketsa sepa se: kitaxo:taltilia, tewa:ki wa:n a:mo ehke:wi ok, ompa mopilowa ya wa:n servi:rowa sake:ra komo mo:stah se: kipanketsa servi:rowa sake:ra ka:n ma:kwi:lpa tikpanketsas. Ma:kwi:lpa t'taxo:taltili:s, taxi:kowa, a:mo koyo:ni, a:mo ehke:wi, tewa:ki sah kwaltsi:n wa:n moka:wa semi, semi *fuerte** mopilowa. Yo:n no: servi:rowa ika yo:n tepos kikwi ne:n yo:n tapalkat tein ika titamolo:ltiah. A:mo, a:mo ehke:wi. A:mo ehke:wi. Mopepechowa. Tewa:ki. Wa:n yo:n a..., yo:n a:mo tata. A:mo tata *porque** ke:meh ka:mpa kikwitok ne: tikiliah ne: nekkwa:tsi:n pos komoke yoksi sah, tata nika:n i:ka:mpa ka:mpa kikwi ne:n titsi:n pero nika:n, nika:n taihtikkopa, a:mo tata, yoksi sah, tewa:ki sah wa:n yehwa ya yo:n kipale:wia, a:mo ehke:wi. A:mo me..., Entó:s yo:n semi te:chpale:wia:ya, *porque** neh no: ihkó:n n'chihchi:wka wa:n kwaltia. Pos no: kwali de tite:chilwihtok nika:n timomati:ltiah de tehwa:n a:mo tikmatih de ke yo:n se: kipepechowa yo:n tepos, pos ekintsi:n no: timomati:ltiah, pos *antes** komohkó:n yehwa yo:n kikwiah pos a..., nehjó:n semi kwali a, a:mo no: teh teisá: kowayah pos yehwa ya sah konkwiah nehjó:n chini:nah icho:kilo wa:n yehwa ne: sah, kita:lilia:yah tikihtowa. Ke:mah pos yehwa yeh yo:n nik..., nehwa sah nikmati, yehwa sah yo:n seki tein nimitsilih wa:n pos xa: kachi *más** tikmatis ok ox, kox xa: welik seki pahti ne:n tine:chili:s, xa: kwali se:, se: tai oso a:mo n' i..., ixiwyo. Ke:mah, a:mo nikmati ok, a:mo nikmati ok ta:tah pero yehwa sah yo:n neh nikmati de yo:n se: kipepechowa ika yehwa yo:n tepos tein titamolo:ntiah wa:n kwaltsi:n moka:wa wa:n *hasta** ompa sah, yehwa sah nikmati. Pos neh no: yehwa sah de nika:n timona:mikkeh, ti..., timolihkeh nochi ti..., timomati:ltihkeh ke:ní:w katí:n tein we:lik, katí:n tein a:mo we:lik, katí:n de n' pahti, pos no:, no: yehwa sah neh. Pos ekintsi:n kwali tine:chmakas ne:n moto:ka:i, ke:ní:w timono:tsa wa:n ka:n ti..., tiwa:le:w, de ka:n. Neh nimono:tsa niMartí:n Becerra Nazario, niwa:le:w Tecoltepec. A:, pos neh nik..., nimono:tsa Anastacio Nicolás Damián, niwa:le:w ne: xola:l San Miguel Tzinacapan.