*Bueno** pos na:nah ekintsi:n *este** komohkó:n ti..., tiki:xmattok ke:ní:w ne:n se: eto:ka kwali 'te:chtapowi:s ke:ní:w se: eto:ka. Pos se: tai:xtai ika n' et mayo, ma:yo se: eto:ka. ika yo:n ta:l, ta:lpan mochi:wa n' te..., et tein *por matas** se: kito:ka. Entó:s nehjó:n se: tai:xtai, se: tahchinowa, ke:mah se: kito:ka ya n' et, ke:mah *después** se: kime:wa ya, de se: kime:wa *pues** ta:ki a, ta:ki a wa:n de ta:ki pos se: ki..., se:, se: kichipa:wa ya, se: kiwiwita ya, se: kiwa:tsa ya. Komo miak, komo sikie:ra se: tahko almo:n se: kito:ka, oso se: almo:n. Neh no:pa:wa:n iwki kito:kayah se: tah..., se:, se: almo:n de et kito:kayah. Entó:s se: kichipa:wa ya wa:n se: ki..., se: kiwi..., se: kima:yektia nochi kwaltsi:n wa:n ke:mah se: kiwa:tsa ya. *Después** de wa:ki se: kichipa:wa, sepa se: ko:koxta:lketsa se: kiwi:teki ika kowit, entó:s mochi:wa et a wa:n kwali a et a. Pero pos moneki tekit *cuando** mome:wtani moneki mah se: tekiti. Ka:mpa se: kito:ka et ton okseki *este** tato:kmeh kwali se: kita:lia. Pos kilit. Se: kitepe:wa wa:wkilit, se: kitepe:wa pa:pa:lo:kilit, ke:mah. To..., mochi:wa tomakilit, mochi:wa ayohwachmeh, oso ayoh tein tiknekis tikto:kas wa:n motachi:wa ya. Katí:n oksé: et *este** nankito:kayah namehwa:n. Tehwa:n t'to:kayah yo:n tikilwiah, tikilia:yah ne: ke:mah pitale:nioh, mm, yehwa tehwa:n t'to:kayah. Wa:n yo:n, yo:n seki kiliah wehweiet ata, no: ti:ltiket, wehkapan achi yowi wa:n mowila:na, ke:mah, yehwa tikto:kayah. Miak kito:kayah neh no:pá:n katka, te:ch..., te:chtekiti:ltia:yah *mismo** tikni:tsitsi:n, titame:wah, ti..., 'tachichino:tih, tieto:kah, nochi t'chi:wah. Yo:n tikto:ka:itia *pitalenio**, a:mo kipia ito:ka:y ma:se:walkopa. Mm, nehjó:n, ke:mah, iwki a, iwki a tikilwia:yah i:pa wa:n yehwa yo:n seki kiliah nayarit, yehwa ya, mm. Wa:n *este** oksé: tein nankito:kayah i:pa yehwa sah pitale:nioh nankito:kayah Yehwa sah, yehwa sah wa:n yehwa yo:n seki nimitsilia wehweiet. O:me taman. Ehe, tikiliah wehweiet, ke:mah, *más** wehkapan yowi wa:n *más**, A:mo, kachi *más** ta..., kachi *más** ta:ki tein tikiliah pitale:nioh, ke:mah, yehwa kachi *más** mota:ki:ltia. Chichime:koh a:mo ke:man nankito:kkeh. No: t'to:kayah, no: t'to:kayah chichime:koh, no: se: kito:ka no:, yeh marzo ya. Itech marzo. Ke:mah. kwali 'te:chtapowi:s ke:ní:w ne:n se: kito:ka chichime:koh. Pos no: se: tame:wa wa:n se: kito:wa wa:n no: se: kime:wa sepa wa:n ke:mah moye:kta:lia ya para xo:chiowa ya no:, ke:mah. Pero yeh a:mo sepa sah chika:waya, yeh se: kitektiw ke:meh chika:waxtiw. Ahachichi, ahachichi, *cada** e:yi to:nal tiktekiti:w, *cada** e:yi to:nal tiktekiti:w. Wa:n ne: ti:ltikeh yeh sepa sah chika:waya, tiksewiwitatia wa:n tiksenki:xtilihtiw a tein exo:tsitsi:n moka:wtiw ok, tikihita ya iwa:n tikihki:xtilia para yeh tikwis a para *gasto** wa:n ne:n, para ne:n tein wa:kik a pos se: kiwa:tsa ya, mm. Exoyema:n a:mo ke:man nankitokkeh. No: t'to:kayah. Yeh se: kito:ka nehjó:n pané: no: marzo pero yeh mochi:wa *hasta**, ton *tiempo** yeh mochi:wa, wa:n *todos santo** ya, *hasta todo santo**, yeh octubre yeh mochi:wa, ke:mah. Yeh pos itech mi:ltsi:n se: kito:ka, mihmi:ltsi:ntan, mm. Oksé: tein teh tiki:xmattos. Entó:s de n', de n' et yehwa sah pané:, e:yi taman et se: kito:ka, ke:mah, yo:n exoyema:n yehwa ya mochi:wa itech mi:l, mm. Xa: wel 'te:chtapowi:s ke:ní:w se: kikwa yo:n et tein namehwa:n nankito:kayah, ke:ní:w nankikwa:yah. Pos tikwa:yah nehjó:n a:emo:l oso tatsoyo:n wa:n neli tikwa:yah nehjó:n teisá: ika, ke chila:yo:t oso a:ko:loh ika xokoyo:lin tikwa:yah. *Eso** ompa, ompa ya tikwitokeh sah para tik..., *togasto** katka, ke:mah. Wa:n nanke:wayah etet a. Ke:mah, etet a tike:wayah, ke:mah t'chipa:wayah wa:n t'wa:tsayah wa:n tike:wayah ya. Ke:ní:w se: ke:waya etet. Se: 'ketsa itech kahjo:meh, ne: ke:man katka nochi de kwowit kahjo:meh, a:mo ke:meh a:man nochi *plástico**, mm. Ihwa:k n' et a:mo okwilowaya. A:mo, ta: kinamakayah, tein kipiayah kinamakayah, a:kin tahtani kimakah. Wa:n tein okwilowaya n' et toni se: kichi:wilia. Pos kwali se: kimana wa:n se: kikwa ke:meh yo:n tayo:yoh se: kichi:wa, etixtaxkal. kwali 'te:chtapowi:s ke:ní:w se: kichi:wa etixtaxkal ika ne:n et tein okwiloh. Pos se: kikwe:chowa wa:n se: kita:lilia tepitsi:n chili:toh wa:n tepitsi:n awakaiswat wa:n se: kichi:wa taxkal a, ke:mah, se: kikwa ya. kwali 'te:chtapowi:s ke:ní:w tehwa:tsi:n tikchi:wa ne:n tayo:yoh. Pos tehwa:n tikchi:wah tikwe:chowa:yah ne:n n' etsi:n wa:n tikwe:chowa ya tixti wa:n tikchi:wah ya taxkal, yo:n tepisti:n chi:l, tepitsi:n awakaiswa:t iwa:n se: kitsonkwe:chowa ya n' et wa:n taxkal a, se: kichi:wa ya. Xa: tikelna:miki ok teisá: tein ke:ní:w nankichi:wayah ne:n namoew. Pos toew iwki sah tik..., tikwa:tsayah de n', tein tikchipa:wah ya, ke:mah. Wa:n ke:meh i:n kiowi a:mo ixwaya. A:mo, ta: mah kwali se: kiwa:tsa *cuando** yo:n to:na, pero ke:meh i:n se: kiwiwita ke:meh i:n julio se:, julio, agosto pos kiawi, *cuando** to:na *por ratito** ihwa:k se: kiwa:tsa, semi no: se: kipixtok para a:mo teh *kipasa:ro:s**. Wa:n ta:ká:n ixwa a:mo kwaltia ok. Pos kwaltia no: n' ixwa Nohjó:n a:mo wel se: ka:wilowa, kipia de nochi se: kikwa:s, ke:mah. Ma:ski ixwak et, we:lik. We:lik, we:lik se: kimanaya, pos neli wehka:w t..., ke:meh tikihtowah a:mo teh onkaya *mas**, *parejo**, a:mo ke:meh a:man neli pilimeh, a:mo teh 'kwa:snekih ok, pero wehka:w tikitah ke:meh i:n ixwa et, tikihitah wa:n t'panketsah wa:n tikwah. Ke:ní:w se: kikwa:ya n' et tein ixwak. Pos ke:meh se: kinekis, se: kichi:wa a:ko:loh, se: kichi:wa chi:lato:l ika yo:n xiwit yo:n tikiliah te:kwa:nenepi:l, nochi we:lik. kwali 'te:chtapowi:s ke:ní:w se: kichi:wa i:n tikilia chi:lato:l. Mm ika tixti, tsiktsi:n tixti se: kipa:tilia, se: 'kwe:cholia chi:l iwa:n yo:n xiwit te:kwa:nenepi:l, yo:n papat..., we...., ma:we:weyak. Wa:n sa:te:pan. Pos se: kikwa ya, tapalo:l a. Oksé: tapalo:l tein tiki:xmatis, *bueno** ekintsi:n tite:chilih chi:lato:l, oksé: tein ika nankikwa:yah iwa:n n' et. Yehwa ya xokoyo:lin, xokoyo:lemo:l tikchi:wayah, tikwa:yah, tehwa:n ke:meh kowtah timoskaltihkeh pos ompa onkak. Ompa nochi(onkak) xokoyo:lin, teko:seh, entó:s tikwitih wa:n tikwah iwa:n emo:l. Tikpiaya nakaswiyo, tikto:ktoyah pos ompa tikwih wa:n tikta:liliah ya, tapalo:l a. Oksé: tapalo:l tein tikelna:mikis. Pos tikwa:..., tikwa:yah miak taman tapalo:l ika ya n' etsi:n, ke:meh yo:n chi:la:yo:t tikchi:wah, tikchi:wah, tikwe:choliah a:ko:lin wa:n tikchi:wah tapalo:l a, mm. Chi:la:yo:t i:pa sayoh et wa:n a:ko:lin nankita:lilia:yah. Ke:mah, yehwa sah se: kita:lilia. Yehwa sah. A:mo tikelna:miki oksé: tapalo:l tein kwi:ka et. *Solo** yehwa ya yo:n soyokilit, yeh no: kwi:ka et, ke:mah, se: kimana, yo:n metsonkilit se: kimana nochi kwi:ka et, ke:mah, se: kita:lilia et, a:ko:lin, ke:mah. Yehwa sah eskia tapalo:l tein kwi:ka et. Ke:mah, a:mo miak taman kwi:ka et, ke:meh yo:n ma:kwilkilit no: kwali se: kia:kolwia ika no: et, kwali se: kimana emo:l, se: kipante:ma ompa ya kilit. Se: kia:ko:lwia, no: tapalo:l a tein tikwah. Oksé: tapalo:l tein no: kwi:ka et. Xa: tikelna:miki ok. *Solo ne:n, yehwa ya ne:n, yehwa ya n' chi:la:yo:t sah wa:n yehwa ya xokoyo:lin, nochi kwi:ka et, ma:kwi:lkilit, soyokilit, nochi et se: kita:lilia, pero soyokilit yeh ika tixti, a:mo ika a:ko:lin. *Bueno** komo pos tiki:xehkowa tehwa:tsi:n ke nochi a ne: 'te:chtapowih de n', *este** et, pos kwali 'te:chili:s moto:ka:y. Ke:meh name:chilih ekin, Eugenia Samites Lucas. Wa:n kati;n xola:l tiwa:le:wa. San Miguel Tzinacapan Wa:n ka:nachi xiwit tikpia. E:yi powal wa:n mahtaktio:me:yi. *Bueno** pos tasohka:matik miak.