Welis..., welis tikte:ne:was u:n teposihya:k. Mmm. Mmm. ż*Para** to:ni? Tikneki tikmatis *para** toni? && Mmm. ż*Para** to:ni n' teposihya:k? A we:noh. && Pos yo:n teposihya:xiwit kikuih, kikuiah *o** kikuih na:nahmeh. Kikahkawa:ntiah wa:n ika mopahpachowah. Ke:namih kue:tehxiwit. Onkak itech ixta:wat seki xiwit kito:ka:ytihkeh kue:tehxiwit. No: kipia..., no: kipia ahwiya:k n' xiwit. Wa:n ka:mpa ihixta:wat pos miak onkak. Iksá: no: takuala:ntia ya *de** ki:xtsompachowa n' ixta:wat wa:n a:mo selia sake:ra sakat. *Entonces**, yo:n ka:mpa yo:n kite:xi:mah, itsmoh..., ihitsmoli:ni sepa wa:n moka:wa sehselik. Entó:s yehwa yo:n ne: wehka:w ta:tahmeh. kisentiliah wa:n ika mopahpachowah. Tein metstotomoka tankua:reu:masti, yehwa n' ika mopahpachowah. Wa:n pos kinina:mikia, kihtowah kinina:mikia. *Pero** a:man tein a:man pi:pil a:mo, a:mo kikuih ok yo:ni. A:mo kinekih mota:lili:skeh. *Hasta** kihtowah yehwa:n ke ka:n ki:xmatih. Wa:n neli a:mo ki:xmatih *mientras** a:mo ika kipahpacho:skeh se: pili pos a:mo kimatih ox pahti. Taká:n kikuitih wa:n kitahta:liah wa:n ke:meh *pues** tikiliah n' tehwa:n no: taman ahwiya:k, kipia oksé:..., oksé: ahwiya:ka:yo:t n' kipia. pos komo ke tiktawe:lmattte:wah. Niman tikihtowah, *para** ton ika tine:chxakualohtok yo:n xiwit ye:ktsohya:k. *Porque** n' teposihya:k tsohya:k ke:meh ne:n kue:tehxiwit, no: tsohya:k. No: taman kipia n' *sabor**. *Entonces** yehwa yo:n, tehwa:n komo ke tik..., komo ke tikihixte:wah ya. A:mo tikneltokasnekih ok. *De que** pos a:man tikitah komohkó:n n' ti..., komohkó:n *este** ti..., timetstotomokah, tikwa:lkuitih se: pahti ne: ka:mpa pahna..., pahnamakah. Wa:n ompa n' te:chilwiah ke..., ompa n' titahtanih ke:meh toni n' te:chna:mikiskia. Wa:n te:chmakah ya ompa n' koyo:meh. Te:chwa:lta:liliah se: pahti tein yehwa:n kimatih. *Pero pues a veces** te:chna:miki, *a veces** a:mo te:chnamiki. Wa:n i:n *cuando** a:mo te:chna:miki, *pues** niman tikihtowah ke a:mo no: kuali pahti n' te:chmakah. Wa:n ne: ke:man ta:tahmeh pos mopahtia:yah ika yehwa sah yo:n xiwit. Mopahpachowah, kita:liliah tsiktsi:n tai:la:t wa:n kixihxita:niah ika n' imets. Wa:n kinina:mikia ta: mometspi:kih ika, kikuih n..., *mismo** k'kahkawa:ntiah n' kue:tehxiwit wa:n kita:liliah ihkó:n, ki..., kipi:kih ika n' inimets ika yo:n a:kokohxiwit kite:mowah. Ika kitetsi:lowah, kitetsi:lowah ika tilmah, wa:n iwki kochi a metspihpi:ktok. Tane:siti, tamati:ya tepitsi:n, *pero** n' ta: pos *cuando** sepa mometsaha:wia yowi kowtah, wi:tsa metsa:paliwtiwi:ts, ihwa:k a n' kikui. Sepa metstotomoka nono. Wa:n fie:roh te:kokoh yo:n metstotomokalis, *porque pues** se: iomiyo sah m' pe:wa totomoka. Neh nikmattok *porque** pos neli nikpiaya yo:n kokolis. Se: mets..., metstohtotomoka wa:n yehwa sah n' ika ne:chmetspahpachowa:yah. wa:n tamati:yaya. Wa:n *por eso** nikihtowa ke niki:xmati ke yehwa m' pahti yo:n xiwit. Mmm. Tasohka:matik.