A:man xite:chtapowi ke:niwki i:n okwilimeh tikinilia chikna:wmeh. A:, chikna:wmeh pos achi me:diochi:chi:ltikeh mahyá: tsi:kat, ne: tapalo[h] ke:meh tsi:kat, iwki a ika se: ki:xmati ke chikna:w wa:n, wa:n a:mo, a:mo te:tipi:nia, a:mo teh kichi:wa yo:n okwiltsi:n. Soh ke ke:meh i:n yowak ka:sá: ka:mpa kanti:l se: kipia kalakih wa:n kise:wi:snekih, yehwa yo:n pero a:mo, a:mo, a:mo te:tipi:niah. Ehe, tein te:tipi:niah yehwa n' a:lsimitmeh, pero chikna:w a:mo teh kichi:wa, wehwei mochi:wah no: ke:meh, ke:meh yo:n wehweia:lsimitmeh yo:n nimitsilia tein ne:, ne: koyo..., koyo:kopa kiniliah *maribombas** pero a:mo, a:mo no:ya:n onkakeh yo:n, mochi:wa ne: ka:mpa tehtepe:tah *o** ne:wí:n toto:nikta:lpan pero nika:kwí:n tehwa:n a:mo tein kachi, itech kahfe:n a:mo mota:liah yo:n. Wa:n i:n okwilimeh a:mo n'mati ka:ni mota:liah yo:n, ka:ni, ka:ni motapahsoltiah, a:mo n'mati, pero tikitanih ne:n kiliah chikna:w *porque** kise:wi:sneki ne:n tane:x ke:meh i:n mah *foco** oso mah, mah kanti:l, kise:wi:sneki. Ke:mah, pero a:mo te:kehtsoma, nió:n teh kichi:wa yo:n, seki kihtowah ke te:te:tsa:wia kalaki kalihtik pero ka:n se: kimati ox neli. Ke:meh ka:n teh kichi:wa, nió:n tsahtsi, nió:n teyi, i:pa soh kise:wi:sneki tit sah, yehwa sah yo:n. Ton te:te:tsa:wia. Kihtowah te:tsa:wia, teisá: te..., teisá: te:..., ta:hsi, se: miki *o** teisá: se: mochi:wili:s, se:, te:..., te:ne:xtilia, pero yo:n a:mo *porque** nexi:kol, ta:ká:n neli, ya ke:meh yo:n kowxahxaka kihtowah te:te:tsa:wia no:, pero yo:n a:mo *porque** nexi:kol tsahtsi, yo:n te:nehmaxtia mah se:, mah se: mo..., mah se: monehmachpia, teisá:, ta:ká:n teisá: te:ahsik. A:mo *porqu e** nexi:kol yo:n, mahyá:, mahyá: te:nehmachtia xi..., ke:meh yo:n, ke:meh yo:n ka:sá: tiow wa:n mitsili:skeh "ximotachi:li *o** ximokwida:ro nokone:w". Mitsnehmachtia ke ximokwida:ro, iwki ne: te:chilwi:sneki yo:n kowxahxaka, yetok, tikmowiliah *o** tiktetemah tsahtsi pero a:mo teh kichi:wa, yo:n soh te:nehmachtia pero a:mo te:te:tsa:wia, no: iwki i:n chikna:w no:. tikihtowah te:te:tsa:wia pero ika ti..., ika ti..., ika tikihtowah iwki sah, iwki kihtowah ta:tahmeh, te:te:tsa:wia pero atox neli, ka:n teh kichi:wa yo:n. nió:n tsahtsi, nió:n te:kehtsoma, nió:n tei a:mo teh kichi:wa, tamela:wa i:pa nemi sah, ke:mah wa:n ika se: ki:xmati pero chi:chi:ltik semi, ye:ktsi:katik ke:meh tsi:kat, chi:chi:ltik pero *hasta**, telchi:chi:ltik, chi:chi:ltik *hasta** pané: medioti:ltik a, ke:meh tsi:kat wa:n iahtapal ye:kwehwei no:. Iwki a tamati ne:n a:lsimit pero a:mo yehwa, a:lsimit yeh no: taman yeh, achi kohkostikeh wa:n i:n achi telchi:chi:ltik, ke:mah, yehwa ne: kiliah chikna:w. A:mo no: iwkitik yo:n *este** pana:lmeh oso yo:n xi:kalkwitamia:wameh. Se: taman ta:lpana:lmeh wa:n se: taman tein mota:liah ahko itech ko..., kowit *o** itech iswatampa, yeh nochi ti:ltikeh yo:n wa:n xi:kalkwitamia:wameh achi wehwei wa:n ti:ltikeh no:, ke:mah. Wa:n i:n chikna:w kachi we:i. Yeh we:i, chikna:w we:i, mahyá: we:ia:lsimit wa:n chi:chi:ltik, tsi..., chi:chi:l..., chi:chi:ltsi:katik, ke:mah. Moto:kai. Neh niErnesto Vázquez.