*Bueno**, pos ekintsi:n, *este**, na:nah xite:chtapowi ke:ní:w, ne:n, nankichi:wah, ne:n, tahmach. Tahmachkami:sah. Pos neh pe:wak nikchi:wa itech *cuadrillé**, nikchi:waya nehjó:n yo:n kilia:yah *hilvánes**. *De, de colores** nikta:lia[ya], ekinika nimomachti. Ompa nehjó:n nik..., [ni]ma:tan se: *camisa**, nochi n' chikwase:n tahmach. Sepa pe:wak nikchi:wa, pe:wak nimomachtia yehwa ya de i:n, *camisas**. Seki mono:tsaya de *zorras**, ne:n dibujitos** kipiaya, kwe:k..., kwe:ktimeh, ke:ní:w kinilia:yah. Wa:n seki yo:n nehjó:n, ¿ke:ní:w kinilwia:yah?, *venados**, masa:meh. Yehwa yo:ni *nicopia:rowa:ya** itech tilmah, nimone:xtilih sah. Nikpo:wtia:ya, n..., nikpowak *primero**, ne:n, ekinika, ka:nachi n' tapowal kipia de n' se:, se: ki:sa. Wa:n nikitak ke ki:sak pos pe:wak niktoka ya. Nikchi:wak. Nima:tan. Nima:tan na:wi tahmach. Nipe:wak nimomachtia de ma:xoloch. Nikwik se: *cacho** de tilmah de *veiticinco centímetros** ihko:ni wa:n ke:mah nikte:nkelpachoh ohka:n wa:n pe:wak a nikpo:wtiw nahna:wi, n..., *como** ke taihtik yetok wa:n paniá:n o:me wa:n ke:mah niki:lohtila:na ya para moxolochowa ya ke:meh i:n. Xolochtik. Nima:ta:mi a nochi n'chi:wa de, n..., tein *tanto** de tahmach. Ke:mah niki:xchihchi:wa ya yehwa kilia de i:n Santiaguitos i:n. Yehwa i:n pe:wak nikchi:wa. Nima:tan yehwa i:n pos nik..., nikwaltilih n' oksepa se: no:, wa:n ke:mah tikami:sahta:lihkeh. Ke:mah yehwa yo:ni nik..., nimomachtih. Wa:n no: niweli de *punto de cruz**, no: nikchi:chi:wa. N..., *ca[si]** nochi nimomachtih, *lo que es** tein se: kikwi nochi nimomachtih, yo:n ika *gancho** no: niwelik tepitsi:n, mm. kwali 'te:chtapowi:s ke:ní:w, ne:n, se: kichihchi:wa n' tahmach, ke:ní:w se: kipe:waltihte:wa wa:n ke:ní:w ne:n se: ma:tamiti a para se: kinamaka ya se: kami:sah. Pos yehwa se:se:, se:se: *tira** se: 'koto:na tilmah, se: kipowa sah. De nika:n ton *tanto** i:n, ka:nachi de i:n tapowal i:n, tein ahko paratani. Se: kitamachi:wa tilmah, ton *tanto** de weyak para nika:n se: kichi:wa i:ihkwi:ntsitsi:n. Nochi ta:tamachi:wtok de i:n. Ke:mah nikchihchi:waya, nima:tami nochi nik..., nikihtsoma, nikowaya tilmah para ki..., kikami:sahta:liah. 'Kami:sahta:liah ke:mah ne:chmakah ya, nitaxta:wa, pe:wa ya nikchi:wa n' *ipico**. *Ipico** n'ta:lilia wa:n mota:lilia ka:misah, pos se: kinamaka ya. Ehe, wa:n seki pos ke:meh i:n se: makia ya. A:mo nochi no: t'namakayah, s[a]yoh para tik..., *togasto**. ¿Ka:nachi to:nal mitskwi:lia ne:n tikpe:waltihte:wa n' tahmach wa:n *hasta** tima:tamiti nochi ne:n mokami:sah? Pos komo *nimotareahtih pues**, nehí:n, de i:n tahmach achi owih, ne:chkwi:lia:ya o:me to:nal se: tahmach. Mm, o:me to:nal komo *nimotareahtia**, pero komo ra..., komo ra..., sayoh se: o:me *hora** nikwi, pos a:mo teh semi n'toka *siquiera** se: na:wi *vuelta** sah nim..., nim..., nikchi:wa. Sepa iwki nika:wa, pos sepa mo:stika n'ma:toka. Wa:n koma:mo de yowak nimota:lia:ya nitahtsomaya para nikchi:waya no:. I:ksá: nima:tamia se: *semana** n..., komo *nimotareahtih** se: *semana** kwali nima:tamia se: kami:sah, mm. Pero yowak nitachihchi:waya *porque** pos a:mo te:kwehmolowah pilimeh ok, mm. Yehwa i:n nik..., nikchi:waya wa:n *después** de a:mo nikchi:wa ok pos pe:wak nikchi:wa ya yehwa, ne:n, sentaman. Yehwa ya nowi:pi:lwa:n, *rebozos**. N' kami:sah nika:w ya, a:mo nikchi:wa ok, mm. ¿Wa:n k..., ka:nachi taman, ne:n, tein, *este**, okwilimeh *o** toni, ne:n, xo:chit tikta:lilia, ne:n, tahmachmi:sah? Pos ekintsi:n de miak taman ya. A:mo no: n'mahmati ok ke:ní:w seki mono:tsa, se..., wa:n seki nimitsilia yehwa seki *venados**, seki kwe:ktsitsi:n, seki yo:n *aguilas**, pa:patakaxtik nika:n. Nikpia ok n' *dibujo**. Seki yo:n nika:n ni.., iahkolpan kilwiah 'pensamie:ntoh'. Yo:n seki kiliah e..., 'de tres moras'. Nochi yo:n *dibujos**. Wa:n seki nikehelka:w ke:ní:w mono:tsah. Wa:n seki tein *antes** kami:sas kichi:wayah nika:n pané: yo:n, kwaltsi:n kichi:wayah de nika:n i:n, no: nikpia ya ok tahmach. Pero ke:meh i:n nochi se: ma:sowa, se: kite:maka mah *'copia:ro:ka:n** wa:n a:mo ne:chkepilihkeh ok. Miak tahmach n'te:makak, mm. Pero miak taman, ekintsi:n miak taman okwiltsitsi:n ne:stiw, mm. Katí:n okwiltsitsi:n tein achto teh, *este**, tikihtowa tikpiaya ne:n tahmach wa:n tik..., tikpoloh, ekintsi:n a:mo tikpia ok. ¿Katí:n okwiltsitsi:n tikimpiaya? Yehwa yo:n de n' kwe:ktsitsi:n, kwe:ktimeh moto:tohtokayah. Wa:n yehwa ya, ne:n, *venados, venados** wa:n *aguilas**. Wa:n yehwa ya yo:n nika:n kil..., kiliah yo:n xo:chimekat kiliah, yehwa ya *pensamiento**. kwaltsi:n pané: *campanitas** nika:n ya:ya. Nochi nikpoloh, ke:[meh] i:n n'te:makak pos a:mo, a:mo ne:chkepilihkeh ok. Wa:n a:man, a:mo kikwih ok yehwa, a:man nochi yonkwik *dibujo**. Ke:mah, nochi okwiltsitsi:n kita:liliah ya. A:man tikihtowa yankwik *dibujo**, ¿Katí:n okwiltsitsi:n onkakeh? Pos yehwa ya de n' a:yo:tsitsi:n, yo:n, *este, pescados**. Yehwa ya, ne:n, ke:meh i:n *palomas**, de i:n *palomas** o ke:ní:w mono:tsah. Wa:n miak taman kichihchi:wah, seki *hasta co:co:chehmeh** kita:liliah ya *kami:sas**. Mm, pero neh a:mo nikchi:wa ok *porque** a:mo nim..., a:mo nima:ahsi ok. Ke:mah, a:mo ni..., a:mo wel nikchi:wa ok nochi. Nikneki nikchi:was pero a:mo ne:ch..., a:mo ni..., a:mo, sayoh o:me sah noma:wa:n, a:mo wel nikchi:wa ok sentaman sepa. Sentaman sah nikchi:wa. Pero miak taman okwiltsitsi:n onkakeh. ¿Ka:nachi taman kami:sas teh tiki:xmattok tein monamaka nika:wí:n? Pos yehwa de i:n, de i:n, *este**, de *hilo de la cadena** wa:n onkak no: kichihchi:wa de yo:n, de *colores** pero yeh *más, más** owih. Neh kachi nikowihita *porque** achka se: koto:ntiw n' *hilitos**. Wa:n de i:n se: *color** sah pos se: kitsa..., se: kita:lia ika o:me ma:it, *siquiera** se: *diez vueltas** nikmaka para se: tahmach nikchi:wa. ¿Wa:n, *este**, yo:n, yo:n kachi *más** e..., pati:yoh tein de *colores**? *Más** pati:yoh kihtowah, seki *a quinientos, seiscientos**. Ke:mah wa:n de i:n no:, no: seki telpati:yoh *cuando** yonkwik ne:sik, seki *hasta quinientos**. Ke:mah *quinientos**. Pero kipati:yo:tiah porin *dibujos** yankwikeh, mm. ¿Teh tiweli i:pa tein yo:n se: taman sah *color**? Ke:mah. Neh i:pa n'chi:wa se:se: taman *color** yehwa ya ke:meh i:n xokotik, oso yehwa ya chi:chi:ltik wa:n xoxoktik, yehwa ya nextik wa:n ilwikatik, yehwa yo:n nochi nikchi:waya, mm. ¿Yehwa tein okachi kikowah? Mm. Se:se: *color** sah, *o** o:me *color** ite:noh i:ni ..., ika se: kite:ntsakwa. Yehwa sah pero a:mo *más de colores**. Pero a:man nikita nochi makiah ya *de colores**, mm, miak taman kiwi:ka. Wehka:w a:mo makia:yah de *colores**. I:pa no: makiah pero a:mo semi miakeh, tatsa:la:n sah, tatsa:la:n sah makia:yah. Wa:n a:man pos *casi** kikwih ya nochi, mm. Wa:n tein a:mo se: momati pos a:mo se: makia. Neh a:mo no: nimakia nió:n *porque** yo:n *estambrekami:sah** a:mo wel nimakia niman pe:wa ne:chahwayo:tia de nika:n, mm. Ta:ká:n teisá: *más** ok tiknekis 'te:chtapowi:s de ne:n, *este**, tahmach. Pos achi..., a:it katí:n, a:it katí:n ya kit tak. Ta:ká:n t'neki tite:chtapowi:s, *este**, pos ke:ní:w, *este**, ke:ní:w kichi:wah n' okseki tilmah tein kikwih siwa:meh. *Solamente** yehwa ya yo:n *blusas** kinchi:wah de, para koyo:meh. Kita:liliah nika:n *dibujo**, ohka:n *o** de nika:n ihkó:n. No: ki..., kihtsomah. Neh a:mo nikchihchi:wtok *porque** a:mo n'sema:ahsi ok. Pero pos kwaltsi:n para se: kichi:was yo:n, mm. Seki kichi:wah sem..., senki:sa *hasta** tani, *vestido** ya. Ke:mah, pero neli nochi, seki kita:liliah nochi *cocolores**. Wa:n seki kichi:wah se: *color** sah ite:mpan, wa:n de nika:n, nochi se: *color** sah, mm. Babe:roh a:mo tiweli. Pos yeh a:mo no: niweli *porque** ka:n nikpia *máquina, [por]que** yeh moneki, para se: welis pero mah yeto *máquina**, se: kihtsomas, mm. Mm, *casi** nochi nikowa nochi tama:chihchi:w a, kichi:wah. Mm, pero tak niweliskia, niweliskia *porque** pos se: kitstok ke:ní:w chichi:wtok. Pero a:mo nikpia *máquina** para se: kihtsomas** wa:n para se: kima:ihtsoma, pos ye:kyo:li:k. Ye:kyo:li:k. Mm, a:man kwe:it ne: i:ksá: seki kichi:wayah, tachi:wkwe:it ika no: tahkit se: kichi:wa, mm. Pero a:man a:mo kichi:wah ok. *Hasta** neh a:mo no: n'chi:wa, pero komo ne:chtahtani:skiah nimolwia tak nikchi:waskia, mm. Pos, *este**, ka:n n'mati, ta:ká:n, *este**, tikpia ok teisá: 'te:chtapowi:s. Pos ka:n n'mati, tak yehwa ya de yo:n, de yo:n se: mokokowa ika pili de *cuando** yo:n se: oli:ni. Pues onkak pahtsitsi:n yehwa ya yo:n kiliah witskola:ntoh, ta:lpan mochi:wa. We:weyak nihjó:n, *cuando** oli..., se: oli:ni pos te:makah. A:, pos ekintsi:n, *este**, x'te:chtapowi ta:ká:n tikmati ke:ní:w ne:n ta:taman, ne:n, nakwih i:n tahmachkami:sah itech i:n xola:lmeh tein nika:wí: yetokeh. Pos yehwa ya tehwa:n ne: San Miguel *casi más** tikwih yehwa de i:n *kami:sah**, se: *color** sah. Wa:n okseki ke:meh nehkwí:n Ayotzinapan, Xaltipan no: kikwih ok de i:n *color**. Pero tatsa:la:n kikwih ya *a colores**. Sepa ne: San Miguel no: *igual** kikwih, *de cocolores** ke:meh tein de ne: Santiago, nika:n San Andrés, nika:n Acaxilo:co, Xiloxochico. Kikwih kami:sah nochi yehwa se: *color** sah, *como que cocolores** kipia nochi n' *dibujo**. *Mismo** pané: *dibujo** neh nikitani, sayoh ke mopata n' ika *colores** a. Pero de n' okwiltsitsi:n kipia nochi yehwa sah, mm. Yehwa sah mo..., mopata. Mopata. Sayoh ke a:mo kikwih yehwa:n ma:xoloch, yehwa:n kikwih sayoh nochi ma:xitaktik sah. Wa:n tehwa:n pos yehwa i:n nochi tikwih, de i:n ma:xoloch, mm. Pero no: kwali kichi:waskeh *a colores** ke:meh i:n iahkoltipan nika:n i:n weli kichi:wah no: *a colores**. Pero a:mo ya a:kah kichi:wa *porque** owih, *porque** de se: ..., achto se: kixolochowa tilmah wa:n paniá:n se: ki:xchihchi:wa. Entó:s senki:stiw n' *hilo** tein 'kalakiliah, ke:mah. *Bueno pues, este**, komohkó:n a:mo tikpia ok *más, este**, toni 'te:chtapowi:s de i:n tahmachkami:sah, *pues este**, 'te:chilwi moto:ka:y. Neh nimono:tsa niCelina González Nazario. ¿Ka:nachi xiwit tikpia? Nikpia tak *cincuenta y cinco años** tak, mm. ¿Ka:n, ka:ni ne:n tiwa:le:wa? Pos niwale:w ne:pa xola:lpan, San Miguel Tzinacapan. *Bueno** pos tasohka:matik miak.