A:xka:n tikihtowa ke no: tikmattok, *bueno** ke:ní:w mo..., kitatekiwtia:yah ne:n owasakat ne: wehka:w. Ke:mah. E, xite:chtapowi ke:ní:w kiki:xtia:yah, toni ika kichihchi:wayah wa:n ox wehka:waya. kwali etok. *Este** pos name:chtapowi:ti a:xka:ntsi:n de nohjó:n kali owasakat kichihchi:wayah. *Pues** nikitak ok, pero a:mo semi nikitak ok ke:ní:w kali nohjó:n yetoya okseko ompa ne:pa ka:mpa tinemiah. Pero pos, neh ne:chilwih se: tein no: *abuelito** ya katka. Miak kaltsitsi:n itampa motekipanoh wa:n ne:chil..., ne:chilwih *completamente** ke:ní:w kichihchi:wayah. *Igual** no: kintokiayah kalikximeh, kintekiah ke:meh name:chilwia. Nochi *moforma:rowa parejo**, kinto:kayah no: kalikximeh wa:n no: *igual**, no: ika kwa:kwehmeh konkwiah pero pos yehwa name:chilia kita:lia:yah o:me ni:nipaka itech *iyugo** kwa:kweh. kwa:ilpiah ika kwetax, o:me kowit mono:tsa, *este**, kowtila:n. Kite:mpilowilia:yah ne: i:ka:n ka:mpa kalikxit wa:n ke:mah kiwi:kaya ya kwa:kweh, no: semi se: tokni:w ne: ki..., kite:wila:naya wa:n se: *kikwida:rohtiw o** o:me *o** ihkó:n ka:mpa, ihkó:n ompa ne: mone..., monechikowa:yah pos ompa ne:, kinechikowah nochi kowit wa:n ihkó:n no: kichi:wayah. Kitachkwiliah, tein kimati no: ki:xte:mowa:yah tein no: mokalakia:ya ki..., ki:xeheko:s kwali, kitachkwilia:yah wa:n kimpanketsayah wa:n *igual kipareja:rowa:yah** nochi ne:n taihti:yo:meh wa:n ta:nka:yo:meh. *Lo primero** ta:nka:yo:meh, *kipareja:rowah** kinkoto:nah, de ompa kin..., kintekih o:me ne:n taihti:yo:meh, no: *kimpareja:rowah** para mochi:wa *cuadrado** n' kali no:. Entó:s kikoyo:niah no: ika ne:n ko..., *barreno** tikiliah tepos..., tepostakoyo:ni:lo:ni. Wa:n seki:n kit..., ki..., kichihchi:wah ne:n kowkla:bos. Kitamachi:w[a], kiki:xtiliah *medida** no: itech se: *tabla** para ompa kiki:xtihtiowih *medida** para, para akis. De ompa ki..., kita:liah ne:n itech kalikxit sepa ne:n ta:ka:yo:t wa:n de ompa kita:liah ya ne:n kiki..., ki..., *kides..., ki..., kicuadra:rowah** kwaltsi:n, a:mo kanah ika chikoyahtok no: i:n, *este**, nikihto:s wetsis, kwaltsi:n moka:wa. De ompa kintekpa:nah ya ne:n taihti:yo:meh para, para yehwa ya nochi ompa ne: ki..., kisohsoh ya ne:n tikiliah ne: kalte:mpla:nchah. Nochi kisoyah, ke:mah. Pero ihwa:k no: ne:chilwia:ya ne: *noabuelo** katka, *notio**, ke a:mo, a:mo kisoyah, ta: *puro** yehwa komekat no: kikwiah de n' anay. Anayxiwkal, *puro** komekat, *puro** komekat, a:mo kikwiah no:, *este, este, clavos** de kowit *o clavos** de tepos. *Puro** kwomekat. Wa:n no: kihitayah komekat no: yehwa tein ye:wats..., ye:watsi:n ya name:chtapowih, tata:wikkomekat *o** ne:n ke:ní:w kiliah seki tatatsikanikomekat. *Después** kihtowa yehwa wa:n no: nikitak ok neh, seki:n yowih kima:xi:matih ne:n n' anay, kihitah no: tein wehwei n' *hoja**. Wa:n kitehtekih ihkwí:n, ihkwi:ntsitsi:n. Miak pero, ika tama:mal *porque** para se: kali miak, sake:ra *diez** anaymeh kininma:xi:mayah. Ihkó:n tehkoyah miak *gente** wa:n no: kisakah ya seki i:n. Wa:n seki:n ne:pa ne: kilpihtokeh ya ne: ka:mpa kali, *este**, n..., pero miak kwilo:t, *cerquititas** ihkó:n, *cerquititas hasta** ahko nochi, *porque** ke:yeh a:mo wehwei nohjó:n *hoja** para moki:tskia kwaltsi:n. Seki:n ne:pa kisakatokeh wa:n seki:n ne:pa kilpihtokeh nohjó:n kwilo:t, nochi ke:meh etok. Kisentiliah wa:n ke:mah pe:wah ya, pe:wa kilpiah ya, ihkó:n no: ke:meh name:chilwia ye..., ye:watsi:n, ne:n, kilpiah *palma** pero yehwa no: taman kilpia:yah *porque pues** ihkó:n no:, *por, por surquitos, cerquititas**. Miak tehkoyah, pero miak anayxiwit kite:mowa:yah. Wa:n *por eso** nohjó:n anay semi onkaya *porque** kitatekiwtia:yah n' *abuelitos** para kali n' ixiwyo. *Después, pues kisegui:rowa:ya** ok, pero sepa sah nohjó:n poliwik. Wa:n *hasta** ne:n kowtsitsi:n anaymeh tikitah a:mo kanah onkak ok. Nochi kinte:mpe:wkeh ya. Semi a:mo, semi wehka sah tikitah nikahkwí:n ne:si a..., a:mo, a:mo kitasohtah, pero *porque** tikihtowah tehwa:n wa:n nikinilwia no ne: nopi:pilwa:n tein nikimpia, Dios kimpixtok *pues** kite:mpe:wah tokni:wan *porque** a:mo tikmatih ox ika mopano:ltihkeh *toabuelos** katka. Komoke se..., a:mo tikwelitah ok. Pero a:mo *tiparejos porque** seki:n tiknemiliah se: *planta** tika:wah tein *toabuelos** ika mo..., moi:xpano:ltihkeh. Ke:mah. Entó:s nohjó:n kwi..., kilpia:yah *hasta** kalyo:lpan *parejo** wa:n sepa tanakastan de tami tayo:lpan *parejo** ki..., tila:wak kita:lilia:yah para a:mo tahxi:kaya. Sepa de ma:tamiah sepa kita:lia:yah n' nakastantsakwil. Sepa mopale:wia:yah, sepa *igual, cerquititas** nohjó:n kwilo:t, ihkó:n kitekpa:nah, kitekpa:nah *hasta** miak *docena**. Ompa de ma:tamiah pos mopale:wia:yah *lo mismo* sepa tatsi:ntsakwa yah komo o:rah wa:n koma:mo pos ihkó:n ya. Pero nohjó:n a:mo wehka:waya semi. Pos *siempre** no: taxi:kowa:ya se: *cuatro años** ihkó:n ompa sah. *Más** a:mo wehka:waya porque semi yema:nik. Wa:n *después** nohjó:n parejo** kikwiah nohjó:n de anay..., anayxiwkal name:chtapowih ya yo:n ihko:ni o:n kichi:wayah. A:xka:n de ne:n owasakat, owasakakali kichi:wayah, *este**, no:, no: iwki pero yeh no: yeh de owasakat. *Pues primero** kite..., kitekiah nohjó:n owasakat tein kwahkwali. Kihitayah, semi iwk..., semi owih. Pero miak. Wa:n *cuando** kilpia:yah ya para kali, ihkwí:n *rollo** kilpia:yah *como** de *como de a, como de a, de a ocho pulgadas de rollos**, ke:mah, para ne: ka:mpa kilpi:skeh pos mopale:wia:ya. Kihilpia:yah nohjó:n wehwei *rollos**, ihkó:n *lo mismo** kichi:wayah kali wa:n kita:lia:yah ahko, ne:n, nochi komekat no: kikwiah. A:mo kikwiah *clavos** de tepos, *puro** komekat *porque** mopale:wia:yah ta:tahmeh, mopale:wia:yah miak, seki tein tinemih ok, ihkó:n *cuando** te:chilwia:yah tikimpale:wi:ka:n, achto timopale:wia:yah ihkó:n sah, a:mo ika taxta:wi:l. A:xka:n tikitah, tikiliah se: tok..., tokni:w *o** te:chilwi:ki se: tokni:w 'ne:ch..., 'ne:ch..., 'ne:chpale:wi, 'ne:chaka *mano**, ay. ¿Ke:ní:w titaxta:was, niá:s koma:mo a:mo niá:s, *porque** ke:yeh se: *costumbre** ya. Wa:n ihwa:k a:mo katka, ihwa:k titana:nkilia:ya, "We:noh niá:s". Pos a:mo, a:mo, a:mo te:chilwia:yah ok, te:chilwia:yah ke ke:mah, te:chilwia:yah mah tia:ka:n, tia:ka:n pero a:mo te:chilwia:yah, *este**, "¡Xiow wa:n xikwi:ka se: tama:mal komekat *o** se: *rollo**". Pos tikmattoyah ya tiowih tikte:motih komekat kwalka:n wa:n ne: tiowih tikwi:kah tokomekaw *porque** ne: ka:mpa tik..., tiowih yehwa mokwis. Yeh tia:yah *en la mano**. Pero, pos yo:n pe:wak nochi kilpia:yah wa:n ke:mah tahtaniah ya ne:n nochi *kiforma:rowah** kwaltsi:n kali, nochi *armazón** nochi kitahta:liah ne:n ta:nka:yo:meh, tira:ntes, ne:n kale:walmeh, *parejo** nochi *pie derecho** kita:liah. Wa:n ne:n tak paki:yot, kilwiah ne: *caballete**. *Este**, de ompa, ki..., kita:lia:yah ya ne:n *cintas**. Pero no: *ce:cerquitita porque** pos ne:n owasakat ema:nik para a:mo pankalakis, ne:n, a:paliwis pos moneki *cerquititas, cerquititas**. De ompa no: kita..., ki..., seki kite:makah wa:n seki kichihchi:wtiowih *por rollos**. Kitekpa:nah, pero *cerradito**. Mah tili:nto kwaltsi:n para a:mo pano:s n' a:t. *Por rollos** we:i moka:waya, tila:wak ne:n kali, *puro** sakat de owat. Ke:mah de ma:tamiah ya ne:n ahko pos, sepa kwalsti:n kitsona:miktiah n' ahko kelpachowah wa:n kilpia:yah wa:n a:mo panowaya ok n' a:t ne:n kalyo:lpan. De ompa yo:n ma:tamiah, *pues** sepa mopale:wiah ya ne:n kalte:ntatsakwil. Tanakastantsakwil sepa kita:lia:yah *igual, porque igual, igual** teki..., mowi:kayah ta:tahmeh, mopale:wia:yah nochi *hasta** tami nochi. Ke:mah pero *puro** komekat kikwiah. Pero a:xka:ntsi:n pos nochi taman ya. Wa:n yehwa sah yo:n name:chilwih de n..., sakat kisentilia:yah achto kisentilia:yah pero miak, wa:n neli kichi:wayah kali. Ke:mah, yehwa sah yo:n name:chtapowih. Tamik. Oksé: taman name:chtapowi:ti de ne:n, de a:taw. Ekintsi:n, ne:, *este**, ne:chchia tepitsi:n, i:n sakat tikihtowa ke kihilpia:yah. Ke:mah. Yo:n sakat kihilpia:yah achto ta:lpan ok, oso achto kihilpia:yah Ta:lpan ok. Wa:n de ahko yowi, chihchi:wtok a para sepa kilpiah, *aparte** ya. Ke:mah, *aparte** para a:mo ompa ne: ahko tein yetok ika, ika axtok ok, kilpia ok wa:n sepa kilpi:ti sepa de yankwik. A:mo, *aparte, por rollos**. Yo:n itsi:nkaxio no: kikwitma:nohilpia:yah . Ke:mah. Wa:n ka:mpa tami itsi:nkaxio, sepa kilpiah. Ke:mah, ke:mah. Kitekpa:nah ya, kitekpa:nah ya *hasta** ki:sati. Mm, *hasta** ki:sati *por sur..., por surco wi:tsa seki**. Wa:n ke:mah sepa wi:tsa seki. *É:sole** Sepa seki wi:tsa, *igual, kilpiah itsi:nkaxio. *por surco, por surco** ihkó:n nochi kilpiah, *por rollos** Ke:mah motsakwaya, motsakwa kwaltsi:n motsakwa. *Porque** ne: *notio** katka pos ihkó:n kichi:waya ne:chilwihka wa:n nikitaka ok kali kipiaya. *Después** wetsik. Nikitaka ke:ní:w ne:n etoya kaltsi:n wa:n nikitak nochi ke:ní:w chihchi:wtoya, *por rollos** wehwei ma:mos kilpia:yah, *puro** kwomekat. Wa:n pos kisentilia:yah miak para se: kali miak, *qué tanto** de sakat. Wehka nemiah , pero kihitayah. Ihwa:k onkaya owami:l. Onkaya owami:l por, por almó:n, por *hectárea** a:mo, a:mo, a:mo ke:mah a:xka:n, a:mo kanah ok. Ke:mah. Ihkó:n no: moi:xpano:ltihkeh. We:noh pos kwaltsi:n etok i:n tein tite:chtapowih, we:noh yo:n aya..., a:mo nikmattoya neh. Ke:mah. Neli ke:meh tikihtowa, *este**, ekintsi:n a:mo semi tikitah ok yo:n kalmeh, A:mo. kwaltsi:n ne:n tein tite:chtapowih. Ke:mah, ke:mah. Sepa yankwiká: welis tite:chtapowi:s moto:ka:y wa:n ka:ni tiwa:le:wa wa:n ka:nachi xiwit tikpia. *Pues** ihkó:n name:chtapowia ni..., nehwa ninemia ne: Xaltepec. Pero a:xka:ntsi:n ninemi nika:n San Miguel Tzinacapan. Wa:n nehwa noto:ka:y Andrés Martín Juárez Hernández. Nikpia *cincuenta y nueve años**.