Ne: ke:man o:me ta:tahmeh kipiayah se: okichpil, wa:n yo:n okichpil kitelti:taniah *escuela** mah yowi, pero a:mo kinekik ya:s *escuela**, yeh nochipa kwelitaya kowtahnemiti:w. wa:n yo:n ipopá:n wa:n imomá:n kilia, xmomachti:ti kilia, *siquiera** teh xitai:xmati kilia para ka:sá: ika wi:n tiá:s tikmatis toni n' tikitas, teihsá: yo:n wehka ki:sah, seki tite:kakiliah ki:sah tokni:wa:n, wehka yowih. Neh ka:n n'neki nimomachti:s, ta: neh nia:ti kowtah ntekititi. Kiliah, pos *bueno**. A:mo wel ki..., kiliah *que** mah yowi, *sino que** yehwa n' okichpil kimati. We:iak n' okichpil, kipiak kaxto:l xiwit wa:n kihtoh yeh, kilia n' ipopá:n Popá:n, kilia, ne:chkowili kilia, se: notatopo:n, se: *nocarabina**, para nikima:s n' okwilimeh kilia wa:n tikwa:skeh kowtahnakat. A:mo ke:meh i:n mo:stah tikwahtokeh kilia *chilito** kilia, *o** kiltsí:n kilia, no: te:chyo:lahsik a kilia. para tikwa:skeh kowtahnakat *siquiera** nakat, *porque** a:mo wel timokowilia kilia se: tein kwali nakat kilia ne: kinamakah ne:pa kilia, de yo:n *gancho** itech pihpilkak. Pati:yoh kilia, a:mo tikahxitiah, pero nik..., 'ne:chkowili kilia notatopo:n *para que** nikinkwiti:w okwilimeh kilia. Kilia, pero ka:ni n' teh tikitak kilia nimitskowili:ti motatopo:n, *mocarabina** kilia, *que tal** ximomikti kilia ne: kowtah. Kilia, kanah, nitamattok a, kilia, niwe:i a, *nimocuidarowa** kilia nose:lti. Kilia, *bueno**. A:mo, a:mo nimitskowili:s kilia, *porque** timomiktihti. Tayo:koyak n' okichpil, pe:wak ki:sak wa:n yahki kowtah, ne:ka *tiempo** semi onkaya yo:n a:kat, wa:n yehwa *mismo** kinemilih ke:ní:w n' kichihchi:was, semi ikwa:ko yetoya ke:ní:w n' tekitis, kichihchi:w se: *icarabina**, ke:ní:w sayoh kini:xtayowalti:s n' okwilimeh wa:n ki..., kwali *kicercaros** a. Kichihchi:w yo:n ia:kaw *de carabina**, wa:n kikwaltilih wa:n yahki niman kinitato n' okwilimeh. Pos kikahka:wilia:ya yo:n a:it ke:ní:w n' kichi:waya yo:n *carabina**, kini:xtayowaltia:ya n' okwilimeh wa:n ompa ya n' kinimiktia:ya kwali, *para kinicercarowa:ya**, entó:s ki:xahsi n' ipopá:n ne: wi:tsa n' okichpil pero kwa:lkwi se: kowtu:san, tein *bueno**. Kihtowa, *bueno** kilia, yo:n ke:ní:w n' tikchi:w? *Porque** ne: ke:man onkayah n' okwilimeh tein *buenos**. ¿Ke:ní:w n' tikchi:w yo:n okwilih? Nimitsilwih ne:chkowili *nocarabina**, a:mo tikneki. Pero nikpia kilia *nocarabina**, xkita sah kilia, nikwa:lwik kilia n' tapalo:l, tikwa:tih kilia i:n. *Pues contento** ya no: n' te:popá:n wa:n te:momá:n, kilia, pos *bueno**, kichipa:wkeh kit wa:n kwa:tskeh wa:n nió:n no: ya ye:koksi kit, pero kikwahtokeh ya. Ta: pos neli *cuando** a:mo se: kita se: kele:wia n' teihsá:. Entó:s ne: kit mo:stika sepa yowi, *por lo mismo** kwa:lkwi o:me *armadillo**. Kini:xtayowaltia sah ika yo:n *icarabina** wa:n niman tsikwi:ni wa:n kinki:tskia Entó:s kit ne: kihtowa ni..., kinemilia ya n' ta:tahtsi:n, kipia ya nakat, kipia kowtahnakat a, ne: kipia ya nakat *hasta** ki..., *hasta** kipia *cliente** ya, yowih ya kikowatih kowtahnakat, Kilia i:n tookichpil, kilia mota:nilia ya ki..., tepitsi:n ya n' tomi:n, kita kilia kisentilih ya kilia n' tein tiknamakah nakat. Wa:n yeh a:mo moka:wa, kinkwiti n' okwilimeh mo:stah. Entó:s kilia ne:, tikowiliah ya kilia *siempre** n' *icarabina** mah tikowili:ka:n kilia, te:kne:ltih kilia, owihka:n ne: nentinemi kilia wa:n ne: sayoh kini:xtayowaltia kilia, a:mo kinimiktia kilia, de n' kwali nimah, wa:n *qué tal** kilia mah kimikti:..., ke:meh i:n *armadillo** kilia telistiyeh, mah kiwahwa:na kilia, kii:xtapa:na kilia n' okichpil. Kilia, neli, kilia. Mo..., 'kowili kilia, xkwi:li:ti kilia se: tein kwali. Neli kit yahki yo:n kikwi:li:to ya n' *icarabina** n' okichpil, wa:n ehkok wa:n kimakak. Nochi kikowilih ne:n tein kikwi n' tepos. Kimakak, i:n yetok kilia *mocarabina** wa:n i:n yetok kilia ne:n tein ki..., kikwis kilia, n' tein ki..., tik..., tikinima:s ika n' okwilimeh. Kilia, *bueno**. *¡Uta!* kit *ye:kcontento** n' okichpil. Ekintsi:n ke:mah kilia nikalakiti *más, más** kowyoh, kilia, ka:mpa *más** onkakeh kilia n' okwilimeh kilia, wa:n tikitstos kilia komo a:mo nimitsiwa:lkwilia popá:n kilia n' okwilimeh tein *más** wehwei:n kilia. Kilia, *bueno**. Tiknamakatih kilia wa:n no: tikta:li:tih kilia se: a:mat kilia, ka:mpa kihtohtos *que** tiknamakah n' kowtahnakat. Pos nochi, miak *gente** yowi a kit takowati ompa ne:, kkwitih kowtahnakat. Entó:s ne:, n' okichpil yahki sepa, sepa yahki ne: kitato ne:n okwilin, yeh *kiseguirowa**, kiahsi se: kowtahokwilin, yo:n *tigre**, we:..., tsi:tsikitsi:n kit ompa ne mona:na:lmakatok, ko:nahkometstila:na kit n' *canijo**, *bueno** wa:n teh kilia, ton tikchi:wtok, kilia, neh a:mo nimitsmikti:s, kilia, teh kilia nimitskwiti tinotskwin kilia, ki:metstila:na kit wa:n kikechilpia ika se: *lazo**, wa:n kikanchihcha, teh kilia tinotskwin kilia wa:n a:mo tine:chkwa:s, kilia, teh kilia tine:chwi:katinemis kilia ka:mpa niá:s. Tikinkwiti:wih kilia n' okwilimeh. Pos monakaskehketsa sah kit yo:n *tigre**, n' ta: pos ka:n teh kichi:wilih nió:n tei. Kikechilpih kit wa:n kinima:k n' okwilimeh wa:n sepa kwa:lkwi. Ki:xahsi n' ipo:pá:n ne:n okichpil kwa:lkwi se: okwilin iitskwi:n. Kilia, to:n tik..., kilia ya tikwa:lkwi kilia yo:n te:chkwa:s kilia mah we:ia. Ka:n te:chkwa:s kilia, ta: i:n *tacuidarohkeh** kalihtik kilia. I:n nika:n *tacuidaros** kilia i:n okwilin. Kilia, *bueno** pos. Kilia, ampó:n teh tikmati ton tikchi:wa. *Bueno**, yo:n yahki, kilpih kit, kilpih kit ihkó:n kalte:nte:noh, sentapalika kalte:noh wa:n yahki sepa yo:n mo:stika. Sepa yahki kinkwito n' okwilimeh. Yo:n wi:ptika sepa yahki, sepa kit kita se: okwil..., se: nohnel kit se: *león** kit no: mona:na:lmakatok, no: ko..., kahkometstila:na. Pos teh kilia no: tinotskwin eski kilia, *porque** pané: nikita no: titsi:tsikitsi:n ok. Kikwi wa:n kkechilpia kit wa:n no: kikanchihcha para que** mah iwa:n momati. Entó:s kit, kwa:lkwik a, kwa:lkwik n' kalihtik. Sepa kita n' ipopá:n ehkotiwi:ts, sepa kwa:lkwi n' okwilimeh n' tein kinimiktih wa:n *aparte** kwa:lte:wila:na n' iitskwin. Se: *leonkone:t** kit pero ye:kkwa:kwaltsi:n. *Ay Dios** kilia, teh xa: kineki..., tikneki kilia nika:n tite:chkwalti:s kilia yo:n okwilimeh, Ka:n te:kwah kilia i:n okwilimeh, kilia, i:n notskwiwa:n kilia, i:n yehwa notskwiwa:n kilia i:n tikita. Pos xkwi:ka ne:paka kilia, ka:mpa a:mo, a:mo teh kichi:waskeh. Ka:n teh kichi:waskeh, ta: yehwa:n i:n *tacuidaroskeh** kilia n' kalihtik. Yehwa:n nika:n i:n *tacuidaroskeh**. Pos wehweyakeh yo:n okwilimeh. Wa:n yeh *kiseguirowa** tanamakah n' ompa ne:, pos kinkwiti n' okwilimeh wa:n kininamakah ya. *Pero cada k..., cada de** wehweyakeh yo:n okwilimeh wa:n kilpih se: parahko de n' kali wa:n se: de paratani n' kalte:noh *cada** tanamakakeh wi:tsa wa:n kitsakwilia, *cada** tein takowaki kitsakwilia. *¡Híjole!**, kwala:n ya n' te:popá:n. Nimitsilwih *que** i:n itskwimeh..., kita nakat kilia, nochi tsohya:yak a kilia, Tamiihkochyohtok a kilia wa:n i:n a:mo wel wi:tseh takowakih ok kilia *porque** i:n motskwiwa:n kilia kitsakwiliah n' tako:wkeh. ¿Pero ka:ni nikinka:wati, kilia notskwiwa:n? Pos xkinka:wati kilia, ka:mpa tikwito kilia, *porque** i:n kinkwa:snekih kilia n' tokni:wa:n kilia i:n. Pero wehwei:n, se: *tigre** we:i mochi:w wa:n se: *león** we:i. Pe:wak tayo:koya n' okichpil. Wa:n komo a:mo t'neki tikinka:wati:w pos iniwa:n xiow. *Uta** kit *ye:kfiero** kimatik n' okichpil, tayo:koyak. Pos *bueno**. Komohkó:n tine:chti:tani iniwa:n nia:ti. Iniwa:n nia:ti kilia, pero i:n a:mo nikinka:was. I:n notskwiwa:n kilia, a:mo ke:man nikinka:was *que..., hasta que** a:mo nimikis kilia. Iwa:n nietoti kilia i:n, *hasta** mikiskeh kilia noi:xte:noh kilia, komo mikih. Pero komo tne:chti:tani kilia iwa:n niow. Pos neli yo:n nakat tamitsohya:yak, a:mo akah kkowak, wa:n yo:n okichpil pos kinka:wato n' iitskwiwa:n pero iniwa:n yahki a, ta: pos kiti:tan ipopá:n mah iniwa:n yowi. komo a:mo kineki mah..., mah kinka:wati. *Bueno**, yo:n yahki a. Tayo:koxtiah n' okichpil, neh ne:chtokakeh, ka:ni niahsiti. Yowi wa:n yowi, kalak se: kowyoh ka:mpa kinkwia n' okwilimeh, *más** yowi wa:n kitak *que** tapoya:wi a. Se: kieka:na n' iitskwin wa:n se: kitohtoka, tatahko yowi ne:n *tirador**, mono:tsa *buen tirador**. Entó:s tayowa ya, ka:ni nia:ti kilia notskwiwa:ntsitsi:n ekintsi:n, pero kwi:ka n' *icerillo**, para tamili:nti:s, para takwa:s. Ahsik yo:n se: kowyoh, pero neli n' kowyoh se:..., kwaltsi:n kit taalaxohtok ompa ne:. Nika:n timoka:watih kilia, nika:n tikochitih, ka:n tia:tih, ka:n kanah, nika:n ya, ka:mpa ta:ká:n nikahsi kilia se: okwiltsí:n kilia, pos tikse:pankwa:skeh. Kinnohno:tstok a n' iitskwiwa:n. Yehwa:n kit sayoh monakaskehketsah wa:n ihkó:n kit i:xnemih, tahtahnekwih kit, pané: yo:n sohsosolkah. Mota:lih kit n' ompa ne: wa:n tamili:ntih wa:n ompa mosenkwitta:lih kit. wa:n inakastan kita:lih n' *icarabina. ¡Híjole!**, kit kochik a, pero n' ompa yetok se: *listo** n' itsontan wa:n se: n' iikxitan kit, *kicuidarohtokeh**. Yo:n ke:mah, neli *kcuidarohtokeh** ya. Yo:n tahkoyowa:n kikaki kit ta..., *ta madre** kit e:kkakistitiwi:tseh yo:n tonimeh kit. takwitiwi:tseh nochi kit n' ke:meh tayetok ne:, kewalo:tih kit yo:n *cristiano** yo:n. *Uta** kit mosenta:lih, me:wak kit wa:n mosenke... A:it tonimeh kilia wi:tseh, ne:n iits..., ne:n iitskwiwa:n kit se: moahkokepa kit wa:n se: mopankepa kit, e:kmonakaskehketsah kit, mota:lihkeh *listos** wa:n yeh no: mota:lih *listo** kit ika n' *icarabina**, sayoh mah *mocercaro** kit n' toni ne: ki..., kitati *Entonces** a:mo teh kita yeh, tamili:ntok, tok..., ne: kit moskohtok kit, yeh etok *listo** kit ika n' *icarabina**, ye:ki:xnemi, pero ta: tayowaya:n. Tachi:xtok sayoh ka:mpa ne:n tatane:stok wa:n okwilimeh ne: kkaki *kicercarowah** ya kit. Sayoh seh se: *viaje** sah kit tso:mihkeh kit yo:n iitskwiwa:n wa:n ki:ste:wkeh seh se: kit wa:n seh se: ki..., ne:n *kinchingaroh** n' okwilimeh tein wa:la:yah para kikwa:tih yo:n *cristiano** Pos nochi kintamiolo:chmiktihkeh kit ompa yo:n toni yo:n ki..., k..., wa:la:yah, yehwa yo:ni n' kintsakwilihkeh. *Cuando** ta..., tase:wik kit tepitsi:n, ke:mah wa:lahkeh sepa kit, sepa mota:li:koh ka:mpa yehyetoyah, pero telkwala:nih kit. telkwala:nih kit, yo:n ye:ksaehesmeh kit nochi. Pos yeh mosenkwitta:lih, nió:n no: kochik ok, mota:lihtok *listo**, ta:ká:n sepa wi:tseh molia xa: nehwa n..., a:it ke:ní:w n'chi:wati ne:ch..., pero a:mo, no: moyo:lchika:waya kit *porque** kipale:wihkeh ya yo:n iitskwiwa:n.Entó:s tane:sik a, ke:mah tane:sik a, moketsak ke:mah pe:wak i:xnemiti a, toni molia n' tayowak... ¡Hijo de la...! Sanipa tate:ntok kit, *tigres** wa:n *leones** kit wa:n yo:n kwopitsomeh kit, ye:k sanipa tate:ntok kit de n' okwilimeh. Takah yehwa:n yo:n nochi kin..., kintewihkeh, yo:n kinimihmiktihkeh. Tein yo:n iitskwiwa:n nochi kimiktihkeh n' i:kni:wa:n tein ne: kowtah nemih. Nochi kintewih wa:n nochi kini[...] Sa tate:ntok, sa tatenatok, a:mo wel mooli:niah ok, nió:n no: wel ohtokah, kininehnekwilohkeh, seki kinimiktihkeh, ¡híjole! Takah yehwa:n i:n ne:chkwa:snekiah. *Uy *dios** notskwintsitsi:n kilia, *ni modo, nane:chsalvarohkeh** kilia. Ekintsi:n sepa tiowih kilia. Sepa kkwik n' ohti tane:sik, sepa yowi wa:n yowi kahsik se: ohpitsak, kahsito ya se: ohpitsaktsí:n kit mahyá: sa:sakatah, ¿wa:n tak i:n ohti ka:ni n' ki:sa? ¡Híjole!, yowi wa:n yowi wa:n yowi, kkaki *cerca** pané: se: *pueblo** tatopo:ntok a, tatopo:ni wa:n temo:k wa:n *más cerca** yowi, *más se:cerca** yowi a, entó:s ahsik kit icha:n se:, se: na:nahtsi:n, ahsik yo:n na:nahtsi:n icha:n, kilia, niwa:lah na..., n' ompa ne: ke:man motahpalowa:yah, kina:nkilih na:nahtsi:n. Kilia, xkalaki tehwa:tsi:n. Ne:..., kilia nejó:n, ki..., kilia, *bueno**, 'kalaki kilia, ximose:wi, kilia *bueno** ne: xi..., toni mochi:wa kilia ne:pa, ox talwititok kilia *o** toni ne: tatopo:ntok, Kilia, k..., a:mo, ne: a:mo talwiti kilia ne:pa kilia, ne:pa kilia ne: titayo:koxtokeh kilia *porque** se: siwa:t kwi:kati kilia se: *rey** isiwa:pil kilia, *cada** mo:stah, *cada** mo:stah kilia ki..., kita:liliah kilia se: siwa:t, para ki..., wi:tsa kilia se: kowa:t kilia wa:n yehwa kikwa kilia. ¿Ka:ni kilia ne:? Ne:pa yetok kilia se: *a:laguna** kilia wa:n yo:n ompa kwi:kiliah kilia se: siwa:t kilia wa:n ompa ki..., ki..., kita:li:tih kilia itech ne:n tatahko de n' a:t kilia, ompa kita:liah kilia, wa:n ompa ne:n ki..., ki..., kikwa:ki kilia, ompa kitila:naki kilia yo:n siwa:t. Kilia, *bueno**, ne: nikitati:w kilia, komohkó:n nikitati:w kilia neli wa:n nikitati:w siwa:t ox neli ompa yetok kilia itech yo:n *a:laguna**. Kilia, *bueno**, kitati kilia, ta: ompa ne: kilia. Tehwa:n kilia titayo:koxtokeh kilia ompa yo:n kilia *porque** mo:stah kilia, komo a:mo tikmakah kilia yo:n kowa:t kilia se: siwa:t kilia, te:chtamipolo:s kilia itech i:n *topueblo**. Kilia, *bueno**, neh kilia niá:s nikilia nikitati:w nehwa kilia. Wa:n kiniwi:ka n' iitskwiwa:n, yo:n tein yo:n itskwimeh yo:n wehwei:n, a:mo kika:wah, pos ta: kiniwi:katinemi, yahki a kit kitato neli siwa:t, ompa ne: etok, tokotsetok. Kilia, ¿to t'chi:wa kilia, n' ampó:n? Kilia, a:mo ximowa:ltoki kilia nika:n, xiow kilia wehka kilia *porque** komo a:mo kilia mitskwa:ti kilia tehwa n' kowa:t, A:mo teh kichi:was kilia. ¿Ton *horas** kilia panki:sas? A:mo wehka:wa kilia. Nepantah kilia wa:n pa:nki:sati kilia wa:n ne:chtila:nati wa:n ne:chkwa:ti kilia, Kilia, a:mo mitskwa:s, kilia xiwi:ki kilia nika:n. Kiki:xtia yo:n siwa:t wa:n kita:li:ko tate:noh, Sayoh xne:chilia kilia ton *horas** m' panki:saki:w. Kilia niman tikitas, ta: *cuando que** yo:n molo:niki:w kilia n' a:t, wa:n niman tikitas. Kilia *bueno**. Mota:lih *listo** yo:n *buen tirador**, *Cuando** kitak *que** moli:nia ya n' a:t a:na:l, a:na:l wa:n a:na:l yo:n *laguna**, wa:n panki:sako ya ne:, yo:n *hora** kitatopo:nilih. *Cuando** tatopo:n wa:n yahkeh yo:n iitskwiwa:n, kikwitoh *hasta** a:te:nte:n kita:li:toh. Ompa ke:mah kita:li:toh a:te:nte:n, kiki:xtia n' *inavaja** wa:n kitaminenepi:lkohkoto:na, Kiki:xtilih *siete lenguas porque** yo:n *cabezas**..., yo:n kowa:t katka *de siete cabezas**, *siete lenguas** kiki:xtilih. Kilia wa:n ke:mah tiowih ya kilia, Tiowih kilia, xiow mocha:n kilia ne:, kilia ka:ni kilia wa:n neh no: niow ka:ni niow. Kilia, *bueno**. Yahki kit kika:..., kitokak a siwa:t wa:n yo:n kowa:t ompa kitamo:tte:w, ompa wi:tsa se: *lemosnero**, se: *carbonero**. Wi:tsa yo:n *carbonero**, newí:n kitsonkepa yo:n *icarbón** wa:n yeh i..., kitamikechkohkoto:na yo:n kwa:..., n' kowa:t wa:n *kicostalketsa** wa:n ke:mah kwi:kilia ya *rey**, Kilia, niwa:lah, niwa:lah kilia, nehwa kilia nikmiktih n' kowa:t kilia, i:n yetok kilia mosiwa:pil, kilia neh noa:xkatiti kilia. Kilia, ¿toni m' *pruebas** kilia tikwa:lkwi? Nikwa:lkwi kilia, nikwa:lkwi *cabezas** kilia de n' kowa:t, xkita sah. Pos kineltokak *rey**. Entó:s *rey** isiwa:pil, kilia kanah, a:mo tehwa kilia n' tikmiktih, Kimiktih kilia se: *tirador**, kimpia kilia o:me itskwimeh, wa:n neli kilia. ¿Ka:ni kilia nemi yo:n? Pos a:mo n'mati *porque** ne:chilih kilia yetok kilia ka:mpa se: na:nahtsi:n, Pos kite:mohkeh yo:n *tirador**, neli kahsikeh Kilia, *que** neli tehwa n' tikmiktih n' kowit[kowa:t] *o** yehwa kilia i:n *carbonero** kilia kimiktih ne:n kowa:t Kilia, kanah, neh a:mo n'mati, komo yehwa kilia komo kipia *prueba** kilia, ke:mah kilia. kipia kilia *cabezas, siete cabezas** kilia, yeh, yehwa ya n' kimiktih. Kilia, *bueno**, pos neh kilia a:mo teh *prueba** kilia nimitsne:xtili:ti, nimitsne:xtili:ti kilia sayoh *siete lenguas de** n' kowa:t. 'Kilika:n *carbonero** mah kikantapo n' ikowa:w kilia ox neli, Neli kkantapowa, ka:n teh kipia *lengua**, ta: pos yehwa n' tein kimiktih, yehwa yo:n kikihki:xtilih n' i..., inenepi:l. Pos nosiwa:pil kilia moa:xka tehwa, teh moa:xka kilia nosiwa:pil teh t'mati kilia ke: t'chi:was, nimitstayo:kolia kilia se: kali ne:pa xieto iwa:n wa:n ompa xietoka:n, ompa xkimpia motskwiwa:n Kilia, *bueno**, ompa nietoti kilia iwa:n, pero neh kilia a:mo ntahtantoya siwa:t kilia a:mo, *tiksalvaro** kilia i:n *pueblo** *porque** mo:stah ya, mo:stah ya kilia tikte:makatokeh kilia se: siwa:t para ke:yeh kilia yo:n kowa:t tiktekipanohtokeh kilia, Kilia, pos *bueno**, [ni]kwi:kas. Entó:s kiniwi:kak yo:n iitskwiwa:n ompa entó:s yo:n ta:gat yetoya wehka:wak, etokeh n' iitskwiwa:n, se: t..., se: ke:man kihito..., kikwetaxwih se: n' iitskwin, kikwetaxwih, kima:k wa:n kitokak, Kilia, xa:ka:n, kilia xa:ka:n ya, tayo:koyak, *porque** a:mo wel a:kah kalakia, a:mo wel a:kah kkalpanowa *porque** n' iitskwiwa:n kitsakwilia:ya. Xa: a:mo a:kah mitskalpano:s ta: pos te:kwa:nimeh etokeh. Entó:s *cuando** mikik a, kite:kakilihkeh mikik a, mikik a, yo:n iitskwiwa:n yo:n ta:kat kimatkeh *que** mikik a, ki:skeh yo:n itskwimeh, wa:n yahki kite:mo:toh seki xo:chit tein a:mo ke:man tikitah, tein a:mo ke:man tikitah nikahkwí:n, ne: kowtah ka:mpa yeh nemia, ka:mpa kinkwia n' kowtahokwilimeh wa:n kkwitoh wa:n ehkokeh wa:n tehkokeh itech yo:n *mesa** ka:mpa *cajaihkak** a ne:n *buen tirador**, wa:n kie:w..., kityo:nlpanta:lilihkeh yo:n xo:chit wa:n yo:li:k, kiyo:litihkeh n' in..., n' ininte:ko katka, wa:n kilihkeh, *hasta** ekintsi:n timonawatiah teh tiah ka:mpa tiah wa:n tehwa:n no: tiowih ka:mpa tiowih. Mah *dios** te:chpale:wi wa:n teh mah *dios** mitspale:wi, wa:n sepa kite:kkeh wa:n mikik wa:n yeh..., yahkeh wa:n neh no: niwa:le:w *carrera**.